AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
2 junio 2014
Du pretes italian e un monce canadian, saisida par fusilores en Camerun en april, ia deveni librida. La ostajes pasada ia entra a un avion a la capital, Yaounde, en soldi.
La tre ia es furada de la construida do los ia reposa en Maroua, un distrito norde, en la oras temprana de 5 april.
No grupo ia declara se como la atacores, ma on ia suspeta Boko Haram, un grupo combatosa de Nijeria ci ia saisi un otra prete, e sete membros de un familia franses, en Camerun norde en 2013.
La ministreria italian de esternas ia confirma la libri de Gianantonio Allegri e Giampaolo Marta, e de la canadian Gilberte Bussier. Lo ia grasia la autoriosas canadian e camerunes, ma no ia clari como la tre ia es librida.
Seguente sua bispia en la area Vicenza de Italia, la pretes ia es laborante sur boni la furnis de acua e sur combate la sperde de aides, en ajunta a sua laboras relijiosa.
La un ia es ja en Camerun tra plu ca ses anios. La otra ia ariva a sirca un anio ante sua saisi.
Camerun ia anunsia resente ce lo ia envia sirca mil soldatos a sua frontera con Nijeria, per combate la menasa cresente de Boko Haram.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 11 agosto 2024 (12:42 UTC).