Snapchat es atacada par piratas

Piratas de rede ia oteni la nomes de usor e numeros de telefon de 4,6 milion contas de Snapchat.

Un pajeria nomida SnapchatDB ia publici tempora la datos, ma ia sensura la du dijitos final de la numeros de telefon.

Snapchat ia deveni popular como un program cual permete ce on comparti fotos cual desapare automata pos cuando la resetor ia regarda los.

Lo conteni un util capas de envia la lista de contatas de un usor a un servador, per aida trova amis ci usa ance la servi.

A la dia de natal, Gibson Security, un compania australian, ia averti sur un parte atacable en la program. La piratas dise ce los ia esplota la problem indicada par la compania.

Gibson Security dise ce lo no es envolveda en la ataca, ma ce lo mesma ia susede reseta des mil numeros de telefon de usores de Snapchat en sirca 7 minutos, a un gigabit per secondo en un servador virtual.