AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
26 setembre 2014
Sirca 300 persones, sur ci on crede ce los es refujadas suri, refusa desembarca un barcon de turi cual ia salva los prosima a la costa de Cipros. Los insiste ce on prende los a Italia.
La departe ciprica de defende ia dise ce 52 enfantes ia es sur un barco peti de pexa cual ia envia un sinial de radio per aida.
De la 345 migrores estraeda de la mar, sirca 65 ia desembarca volente a Lemesos, e on ia prende los par bus a la campa Kokkinotrimithia, prosima a Nicosia.
La barcon Salamis Filoxenia es aora en la porto de Lemesos, e negosias con los ci refusa parti continua oji.
Entretempo, 300 pasajores rusce ci ia intende continua sua turi a Haifa en Israel ia trova ce sua viaja es canselada. On ia move los a oteles en Lemesos.
Aidores ia dise ce oto de la salvadas ia desidrata alga, e otras esperia problemes minor de sania.
On ia descovre la barco de pexa en mar turbosa a 100 cilometres a sude de la vila Paphos.
En esta anio, on ia vide un aumenta grande en la cuantia de migrores ci traversa la Mediteraneo en barcos suprafolida – spesial persones ci fuji de la gera en Suria. La majoria ia dirije se a Italia e Malta.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:33 UTC).