AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
8 febrero 2014
La presidente de Cazacstan ia sujesta, parente, un cambia de la nom de sua pais. El ia dise ce la sufisa -stan descoraji turistes e investores.
Presidente Nursultan Nazarbayev ia sujesta Kazak Eli (cual sinifia “Nasion Cazac”) como un alternativa posible.
Parlante a un asembla de inteletosas, el ia dise: “Stranjeres mostra interesa sur Mongol, de cual sua popla es sola du milion persones, e sua nom no ave la sufisa -stan.”
En 1993, on ia cambia la nom de la capital, Alma Ata, a Almaty. Pos cuatro plu anios, on ia move la capital a un loca intera diferente, nomida Akmola. E en 1998, on ia cambia la nom de acel site a Astana.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:33 UTC).