AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
3 janero 2014
On reporta ce la Agenteria de Securia Nasional (NSA) en la SUA construi un computador cuantal per rompe la sifris cual securi mesajes.
La projeta ia es descovreda en documentos donada a la jornal Washington Post par la denunsior Edward Snowden.
La agenteria espera usa la cualias spesial de computadores cuantal per aselera sua laboras de desifri. On crede ce lo ia spende sirca $80 milion sur la projeta, ma lo ancora no ia produi un macina funsionante.
Multe grupos de rexercores tra la mundo ave la gol de crea un computador cuantal, ma la atentas developada asta aora no es capas de esecuta la algoritmos nesesada per rompe sifris contempora.
Un computador cuantal esplota cualias fisical cual, en alga situas, permete ce la macina fa estrema multe calculas a la mesma tempo. Con esta tecnica, on pote proba tota la claves par cual un mesaje ia es cisa sifrida.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 11 agosto 2024 (12:42 UTC).