AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
2 maio 2014
La sculta de David par Michelangelo risca colasa su sua propre pesa, par causa de tensa a sua talos debil.
La sculta, cual sta en la site italian Firenze, ave un pesa de 5,5 tones e un altia de 5 metres. Lo mostra indicas de fratos pico en sua gamas.
La plu de la pesa es suportada par un trunca de arbor siselida, pos la gama destra de David, ma ance esta pote conteni fesures. On ia covre los con jeso tra la anios, ma los tende sempre reapare.
On ia descovre locas debil en la talos de la sculta orijinal pos un serie de probas par sentrifuga a copias fada de jeso. Rexercores suspeta ce esta ia developa en cuando David ia sta tra plu ca tre sentenios en la plaza xef de Firenze, apoiante a ante a un angulo perilosa.
La sculta ia es ja frajil par causa de la grado povre de marmo cual Michelangelo ia eleje per sua obra mestral.
On ia sujesta ce un trematera, o an reparas de strada, ta pote fa ce lo cade. On ia recomenda move David a un sala secur contra tremas, o a un loca nova estra la site.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 11 agosto 2024 (12:42 UTC).