AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
9 janero 2014
An si la fumi deveni min popular en multe partes de la mundo, la cuantia intera de fumores en la mundo deveni plu grande.
En 2012, 967 milion persones ia fumi a cada dia, comparada con 721 milion en 1980, seguente datos de 187 paises.
La grandi es relatada a la crese de popla. En la 50 anios pasada, la popla de la Tera ia deveni plu ca duplida, ateninte sete bilion. Plu persones esiste aora ci pote comensa fumi.
Par contrasta, la proportio de fumores en la popla mundal ia diminui. Aora, 31% de omes e 6% de femes fumi dial. En 1970, la persentos ia es 41% de omes e 10% de femes.
Timor Este ave la proportio la plu alta. 61% de sua popla fumi a cada dia. Antigua e Barbuda ave la proportio la plu basa.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:33 UTC).