AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
15 julio 2014
Israel ia aseta un proposa egiptian per un sesaspara en la gera en Gaza.
Hamas, cual controla Gaza, no ia responde formal. Ma sua ala armada ia rejeta la proposa como “un sede”.
La proposa recomenda la comensa direta de un sesaspara, segueda par un serie de consentas en Cairo con delegas alta de ambos lados.
Ofisiores filastini dise ce a la min 192 persones ia es matada par atacas airal israeli, lansada a oto dias ante aora per preveni ce ativistes xuta rocetos a Israel.
La NU estima ce plu ca tre cuatris de estas ia es persones nonmilitar.
On estima ce 1400 filastinis ia deveni ferida.
A la min cuatro israelis ia es grave ferida de pos la eruta de la violentia, ma nun ia es matada.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:33 UTC).