Usor: gato-negra

Alo! On pote nomi me Cristian. Me gusta tradui testos relijial. Me vole contribui mea sabe personal a la lingua par tradui e cisa an conversas con vos sur la lingua. Me imajina como me ta senti si me ia vive en un momento o periodo importante a la developa de Esperanto (esente capas de vosi mea demandas o pensas a Zamenhof, per esemplo), e la pensa felisi me. Me no es sempre ativa en la lingua, ma me ama lo con multe de mea cor, car aprende linguas es difisil per me, e lo es mea lingua tre, alora me desira aida lo developa e maturi an plu. A cada ves a cual me reveni a la lingua, lo cambia alga como cada lingua, alora me vole es presente per la cambias 🙂

Bonveni a la vici, Cristian! Tu scrive multe bon e clar. (E sur Zamenhof: lo es alga stonante ce on no ia solisita plu claris de el cuando el ia vive ancora.)
- Multe grasias! Me ta envia un mesaje privata sur esta ma me no sabe como fa tal o si acel es posible 😭 Esce on pote sutrae la paje de mea conta vea de la pajeria vea cual ia usa cuasi la mesma nom de usor (gato.negra). Me pote mostra ce me es la mesma person (me crede ce me an ia usa la mesma adirije de eposta). Me ia usa simple un nom personal diferente ca la nom cual me prefere usa enlinia multe plu a esta dias. Esta no va es un abitua, me ta prefere mera ce lo cual me fa asi ta es atribuida a la mesma nom.
- Tu refere a esta paje? Si, tu pote sutrae lo. Edita lo e eleje “Sutrae” en la menu “Paje”. Eleje “sutrae la arcivo intera” e alora ance la arcivo “gato_negra” va desapare. (Los va vade a la baldon, do me pote sutrae los a grado completa, a pos.)