Spasio!

CARATERES:

• FIFI
• MIMI

(Sena: La negria vasta de la spasio, puntosa con stelas. En la media, un ASTEROIDE solitar flota.)

(MIMI vola a la stadio.)

MIMI: Fifi, me pensa ce me trova un otra asteroide. Over.

FIFI: Vera? Over.

MIMI: Siii! Over.

FIFI: Dulse. Me veni. Over and out.

(FIFI vola a la stadio.)

FIFI: U!

MIMI: Si!

(FIFI e MIMI flota a sirca.)

FIFI: Tu pensa ce lo es rica con minerales?

MIMI: Si. Cisa.

(MIMI flota a su la asteroide, posante se tal ce lo resta jentil sur la apico de sua elmo.)

MIMI: Fifi, regarda me!

FIFI: Cua, Mimi?

MIMI: Me “sta” sur la testa.

FIFI: A ha ha! Multe impresante.
Oce. Ta ce nos comensa. La faturas de spasio no va paia se mesma.

(FIFI e MIMI mina la asteroide.)

FIFI: Me pensa ce lo va sufisi. Trae nosa barcon de spasio plu prosima afin nos carga lo.

MIMI: Si, Capitan!

(MIMI vola a estra la stadio. FIFI continua mina.)

MIMI: Fifi, nos ave un problem. Over.

FIFI: Cual problem, Mimi? Over.

MIMI: Lo no inisiaaaaaa! Over.

FIFI: Perce? Over.

MIMI: Me no sabe! Me pensa ce la reatador es sur la nivel basa de enerjia. Over.

FIFI: Como tu sabe? Over.

MIMI: La scermo dise “reatador es sur la nivel basa de enerjia”. Over.

FIFI: Txa.

(MIMI reveni.)

MIMI: Cua nos va fa, Fifi?

(Pausa.)

FIFI: Tota de lo es tua culpablia, Mimi…

MIMI: Cuaaaaaaa–

FIFI: Si. Tu ia come tota bananas!

MIMI: Heee! Nonjusta! Ance tu ia come los.

FIFI: Me ia come la bananas de la friador. Tu ia come la bananas de la reatador de banana!

MIMI: t^t Ma los es tan saborosa! Me no ia pote sesaaaaaa…

FIFI: Ci de enferno ia deside enerji rocetos con bananas…

MIMI: Bananas es pico radioativa. Perfeta per enerji un barcon de spasio peti como nosa.

FIFI: Vera… Cua nos va fa aora?

(Subita, un ARBOR DE BANANA perfeta crese instante de la asteroide, acompaniada con un buce de bananas jala, aspetante radioativa.)

FIFI: O-o!

MIMI: U! Nos es salvada! Nos pote usa esta bananas per revola a casa!

FIFI: Me… no sabe… Lo senti como un buco de trama nonvergoniosa…

MIMI: Tu prefere resta asi e deveni sucetas jelada de spasio?

FIFI: No.

MIMI: Donce bon! No plu demandas!

(FIFI e MIMI recolie la bananas e vola a estra la stadio.)

MIMI: La spasio es tan bela…

FIFI: Ia es per sempre.

(Cortina.)