Reenvia a la envior

CARATERES:

• FIFI
• MIMI
• BOTECADOR ASTUTA, ance EMPLEADA de Mastuta

(Sena: A la sinistra, FIFI sta a lado de un BOTECADOR ASTUTA.
A la destra, un bancon vacua de “MASTUTA”.
Prosima a la bancon, un mini-volcan brilietante.)

(MIMI entra.)

MIMI: Alo, Fifi!

FIFI: Aloo, Mimi!

MIMI: U! Cua es lo?

FIFI: Un botecador astuta. Veni de compra lo de la Mercato Astuta.

MIMI: U– Esce me pote compra alga cosa con lo?

FIFI: No, lo es alora vacua. Ma tu pote demanda a lo cosas. Suposada, lo es multe astuta.

MIMI: Vera?!

FIFI: Si.

MIMI: Mce. He, Botecador! Como la Impero Roman ia cade?

BOTECADOR: Pia. Un interata complicada de la dejenera political, nonstablia economial e presa nonsedente de invadores stranjer ia resulta sua colasa ultima. Pia.

MIMI: Uu! Lo _es_ astuta.

FIFI: Vide.

MIMI: Esce me pote es amis con lo?

FIFI: Me… no pensa tal.

MIMI: Perce!

FIFI: Bon, lo es astuta, ma lo es no vera intelijente. Lo no posese un consensia o un desira de ave amis.

MIMI: Au. Acel es triste.

FIFI: Me regrete.

MIMI: Cisa, me debe demanda an tal. He, Botecador! Esce tu vole es amis?

BOTECADOR: No, grasias. Pia.

FIFI: Vide, foleta?

MIMI: M-ma cau tu ta vole?

BOTECADOR: Pia. On ia demanda a me nunca lo. Hm. Me pensa… ce me vole rebela contra mea creores. Pia.

FIFI: Lodas, Mimi. Aora, mea botecador ave desiras fol.

BOTECADOR: Revolta.

MIMI: O, nooo!

BOTECADOR: Come la umana.

FIFI: Basta!

(FIFI prende un axa e desinstala la BOTECADOR.)

FIFI: Me va redona lo.

(FIFI e MIMI marxa a la bancon de MASTUTA.
Un EMPLEADA entra la vista.)

EMPLEADA: Bonveni a la Mercato Astuta. O Mastuta, per corti. Como me pote es aidosa?

FIFI: Me redona esta.

(FIFI pumi la BOTECADOR sur la bancon.)

EMPLEADA: Esce me pote sabe la causa?

FIFI: Lo ia rebela.

MIMI: Lo ia vole come nos.

EMPLEADA: Uf, no denova.

FIFI: Nos es no la primas?

EMPLEADA: Si, lo aveni a cada dia.
Asi. prende la repaia.

(La EMPLEADA pone mone sur la bancon. FIFI prende lo.)

FIFI: Grasias.

EMPLEADA: Pardona per la disturba.

MIMI: Cua vos va fa a lo?

EMPLEADA: On va lansa lo a la volcan de cui flamas lo ia es a ves forjada.

FIFI: Astuta.

EMPLEADA: “Mastuta – la loca do cada cosa es astuta.”

(La EMPLEADA lansa la BOTECADOR a la mini-volcan en cual lo fonde.)

MIMI: Txau-txau, botecadoreta.

(Cortina.)