Era sintatical
CARATERES:
- FIFI
- MIMI
- SERVADOR, ance OPEROR de la linia de aida
(Sena: Un sala oscur, luminada sola par la brilieta de scermos multiple de computador.
FIFI, vestida en un sweteron negra, presa manica teclas sur un teclador.)
(MIMI entra.)
MIMI: Esce me vole an sabe cua tota esta es?
FIFI: Me craci otra juores, Mimi.
MIMI: No, Fifi, no! Mal Fifi!
FIFI: Tro tarda. Me ia infeta ja algun de los con un virus.
MIMI: Lo es nonamin, e cisa ance viole alga regula de la servador.
FIFI: No cosa va para fifi-de-enferno-666.
MIMI: Cua la virus fa?
FIFI: Lo fa ce los va condui multe bobo e canta cantas. Ha ha ha!
MIMI: Ha ha! E ci tu ia craci?
FIFI: Me no sabe… Me es nova a esta. Lo ia es mera alga entrada acaso en la table de datos de juores. Me no ia catura la nom.
Lo debe comensa sirca– aora.
(FIFI surje de sua seja e comensa salta sirca la sala.)
FIFI: SWEET CAROLINEEEEEEEE!-
MIMI: Ba ba ba!
FIFI: GOOD TIMES NEVER SEEMED SO GOODDDDDDDDDDD-
(De la publica, un grupo de FANES DE FUTBAL: “SO GOOD! SO GOOD! SO GOOD!”)
MIMI: O, sielo. Lo es mal.
FIFI: I’VE BEEN INCLINEDDDDDDDDDDDD!-
SERVADOR: fifi-de-enferno-666 es silentida per 2 minutos. Causa: tota leteras capital.
(FIFI continua salta silente.
MIMI pasea a un telefon de tera e disci un numero.)
OPEROR: Tu ateni la linia de aida. Nos escuta e nos no judi. Descrive la problem.
MIMI: Aida! Mea ami ia craci se mesma.
OPEROR: Esce tu ia atenta descomuta e recomuta la computador?
MIMI: Ancora no.
OPEROR: Atenta lo.
MIMI: Oce.
(MIMI descomuta e recomuta la computador. La scermos deveni oscur per un secondo.
FIFI sesa salta.)
FIFI: Hm… Subita, me senti multe plu bon.
MIMI: Ie! Tu serta?
FIFI: Si.
MIMI: Alga urje per vide Arsenal contra City?
FIFI: No. No a cualce grado.
(De la publica, la FANES DE FUTBAL: “BUUUUUUUUUUUU!”)
MIMI: Me es felis ce tu es no plu cracida.
FIFI: Lo ia es un malesperia. Ma me ia aprende un leson valuosa.
MIMI: Cual leson?
FIFI: Nunca oblida un punto-virgula en la codigo de Lua.
MIMI: Lua no usa punto-virgulas.
(Silentia longa.)
(Cortina.)