Leteras de la tera

Satan, en sua gloria orijinal, par Blake

Letters from the Earth es un libro par la autor american Mark Twain (1835–1910), scriveda en 1909 o 1910, ma no publicida asta 1962. La libro pare como un colie de leteras scriveda par la arcanjel Satan a la otra arcanjeles Micael e Gabriel, sur la avenis sur tera e la relijios de la umanas. Twain ia scrive sua obra en un tempo de sufri: Sua fia Susy ia mori en 1896, sua sposa Olivia en 1904, e sua fia Jean en 1909. Clara Clemens, la otra fia de Twain, no ia vole publici la obra, probable car la opinas de Twain sur relijio ia es multe controversa a acel tempo. Clara Clemens ia esplica sua cambia de senti en 1962 par dise ce sua padre parteni a la mundo, e ce la opinas de la popla ia deveni plu tolerante.