La nabo
Un fable rusce, multe simple e corta, per bebes vera peti.
Traduida par Veslav
Un avo vea planta un nabo. La nabo crese e crese, e ateni un grandia jigante.
La avo vade per estrae la nabo. El tira e tira, ma no pote estrae. La avo clama sua sposa.
La ava tira la avo, la avo tira la nabo. Los tira e tira, ma no pote estrae.
Alora sua neta veni. La neta tira la ava, la ava tira la avo, la avo tira la nabo. Los tira e tira, ma no pote estrae.
Alora un can veni. La can tira la neta, la neta tira la ava, la ava tira la avo, la avo tira la nabo. Los tira e tira, ma no pote estrae.
Alora un gato veni. La gato tira la can, la can tira la neta, la neta tira la ava, la ava tira la avo, la avo tira la nabo. Los tira e tira, ma no pote estrae.
Alora un mus peti veni. La mus tira la gato, la gato tira la can, la can tira la neta, la neta tira la ava, la ava tira la avo, la avo tira la nabo. Los tira e tira, e estrae la nabo!