Esce tu ia es confusada par un defeto cual tu a pos ia trova multe fol?

Responde de 晴初Sherry

Cuando me ia comensa mea emplea prima, en mea viaja dial me oia sempre alusinal clicas de mus. Alora me ia pensa: ruinada, me ia ave tro multe stresa ce crise mental ia ataca me.

Pos longa me ia trova ce la mus clica vera par es presada en la bolson.
2024-07-07 10:05 · Beijing · paje orijinal

Responde de AMY M

A la anio de gradua me ia vade a Guangzhou per labora. La caldador de acua en la casa coluada funsiona a alga tempo e no funsiona a alga tempo, e, sin conose comun de vive, me no sabe par cua causa lo ia vade tal.

Tra longa oserva, un idea ia surje e me dise a mea coabitor ce, esta caldador pote sensa lus, donce cuando on abri la lampa en la sala de banio, lo comensa caldi acua. Nos ia esclama en junta: tan avansada, lo pote sensa lus per caldi.

A un dia pos longa me ia persepi subita ce en fato la posesor de la casa ia pigri e fa ce la caldador e la lampa usa la mesma boton…
2022-09-03 13:34 · Hubei · paje orijinal

Responde de 张Ender

A un ves, a punto de comensa vade a turi par auto, me ia fali trova mea clave en cualce loca. Pos inversa caxones me ia trova la copia. A ariva al parce de autos, txa, do es mea auto? Per cua mea auto ia desapare.

Modo de Holmes comensa subita. Ci ia fura mea clave, el sabe ance la loca de mea auto, donce el pote es un de mea conosedas; no, nun de los pare tal, donce el pote es algun ci ia trasa ascondeda me tra longa tempo. Mea ves ultima de usa auto es a la dia ante ier, de do asta do, en cual entras e sortis esiste cameras, cual departes es respondosa, me va clama la polisia per trasa el, blablabla

Poi me ia reseta un telefoni de un numero nonconoseda: per cua ancora tu no veni e prende tua auto, tu ia lasa lo asi tra du dias.

Me dise: ci es tu?

Acel: lavor de auto.

…

Txa, me ia oblida ce me ia envia mea auto per lava lo.
2022-09-09 11:57 · Yunnan · paje orijinal

Responde de 上海阿动

Tra plur menses, en estate.

A cada note, la frescador a estra ia ruidi forte, oiable an con fenetra cluida. Sempre me ia tolera esta, maldisente en cor a la visina povre de cambia nunca sua unia esterna¹ tan vea par un nova e lasa la ruido iritante, donce me pote adormi pos vera longa.

Lo ia continua asta un ves a pos: con mea fenetra abrida, la esterna ia deveni cuieta, direta pos me ia clui mea propre frescador.

Bizara, no? Pos alora, me pote adormi sempre rapida, an con la ruido de acel unia esterna.
Editada a 2025-07-12 23:00 · Shanghai · paje orijinal