Esce SUA debe sede cuasi tota de sua esiste militar en Oriente Media?

Responde de 明月松间

A 1995 mea familianes ia fa me clanal adotada¹ par un relatada en SUA. A la milenio me ia gradua de universia e comensa labora en Chevron, un compania de servi petrolial. A 2002 me ia solisita labora ultramar en Oriente Media. De 2004 a 2008, me ia pasa la plu de la tempo laborante en campos de petrolio en sude Irac.

Sabente ce me ia es enviada a Irac, mea familianes e amis ansia a la comensa. Ma en fato la sinco anios en Irac es la tempo plu fasil e comfortosa en mea carera intera. Nos empleadas enviada ultramar a Oriente Media pote reseta salario fundal duple, e tota tipos de supratempo e suveni ajunta se afin nos reseta vera un numero sirca sincuple e setuple comparada con la colegas esuan e european. An si la descrive leteral indica ce nos nesesa labora supratempo, en fato nos labora per sola des-du oras a cada dia. La clima de desertos iraci no es tan estrema como espetada, donce la cuantia de labora asi no es multe plu ca en SUA interna, con ance un mense de labora presede tre menses de vacanse. Interpreteda, me labora per cuatro o sinco menses a cada dia, reseta salario sirca sincuple e setuple, e nesesa sola sufri la arde de sol e la venta de arena, tolera la manca de bar e femes, e joia juas en computador portable, con la oportun prima de leva posto: tan ganiante, no? La colegas de SUA interna compete per pote labora ultramar, ma nos ci ia ariva temprana teni tensa la posto e remane en Irac con cada razona, partinte nunca an con pote leva posto.

Nos es multe secur en Irac. Cuando la armada esuan ia invade de Arabia Saudi, Irac no ia destrui la campos de petrolio, donce la plu de los cade intera a controla esuan sin rompe. La laborores iraci e multe injeniores franses e deutx ci a ante labora en la campos pare presensa ja la veni de armada esuan, donce los manteni tota e espeta nonatante ce la abrivias de nosa compania fini en pas la transfere de controla. Sola un pico de iracis ia fuji e alga injeniores european ia reveni en avansa. Pos la transfere de controla, a los ci deside parti nos paia salario de desemplea, e los ci resta labora per nos. Ma sola europeanes e un pico de dirijores superior iraci deveni empleadas de Chevron, en ce la plu es contratores cui relata de emplea con nos es tempora. Nos paia a los duple o truple comparada con en la eda de Saddam, e fa contatas per envia lor familianes a Saudi Arabia e AAU, donce la iracis es multe felis. En fato, la iracis ci resta ia ocupa asidua se con la plu de labora, donce nos empleadas esuan nesesa sola regarda e aplaudi.

Esta sinco anios es la eda oro ultima per companias de petrolio. Nos ia oteni la campos de petrolio construida par franseses e briteses par cuasi zero custa, e ateni injeniores e laborores instruida con custa basa. La salario alta paiada a europeanes e iracis es un gran de arena en un deserto comparada con la custa de organiza per emplea persones nova e instrui los a la nivel de injenior avansada.

Tal istoria aveni ance en Asia sude-este, Africa, e rejiones de URSS pasada, como Brune, como Azerbaidjan, como Camtxatca. Un de la razonas per cual Putin vole destrui oligarcas de petrolio es ce Mihail Borisovitx Hodorcovscii ia vole vende sete desis de campos de Rusia a bp, Chevron, Shell, e Texaco per custa basa, per evita imposta de Putin. Esta comersia es tro grande ce nosa capitan teme e vola a Moscva per discute con Putin con fas a fas, afin el intercambia la oligarca per la pardona de Putin e la continua de nosa esplota en Camtxatca.

On ave sola du rejiones en la mundo do nos no pote move libre: un es Xina e la otra es Europa norde. La sistem de empleadas e finansia es estrema autonom, do entra sinifia no sorti, donce lo pare un buco negra a nos. La caso reversa en Europa norde: lo resiste cada interveni de finansia esterna e enviadas ultramar, e an per injeniores ci manca asi, la paises de Europa norde dona a los visa de labora de sola du anios e bari la posiblia de remane o migra a en.

Retro al tema, la campos de Oriente Media. Usores comun de Zhihu cisa no sabe cuanto valuosa un campo de cualia alta es per la industria de enerjia. Un campo dona la plu bon profita e la custa plu basa en sua comensa de esplota, cuando un fora pote causa un geser. Con la progresa de esplota, la olio veni min rapida, con ce la profita redui. Cuando la custa de esplota prosimi a la profita plu basa ofreda par la preso de olio, nos va clui lo. La cuantia de esplota en la plu de campos en la mundo composa sola un parte peti de la tota reserva, e simple la custa basta per sesa esplota la major. Campos de profita alta e custa basa de esplota es la propria plu importante per un compania de petrolio. En esta eda, companias de petrolio vea ia deveni ja companias de maneja propria, e cua nos fa es gania campos de profita alta par custa basa, esplota los forte en acel periodo asta la desende de sua profita, vende lo a otra companias, e sentri la mone per un campo profitosa seguente.

La modo de ateni bon campos par custa basa es cosas nondescrivable. Donce la esplota a petrolio pertine sempre a froda e gera. Sirca 2012, companias de enerjia en Xina ia esperia atas forte antifrodal, e un de la causas es ce la capital nasional ia compra multe campos de profita basa, cual nos nomi como enbrown field. Serta esta ta fa ce un person furia e senti enganada, ma nun pote cambia, car, estra entre la companias grande de la osidente, campos vera de cualia alta es apena otenable par comersia mercatal. Inisiores a estra, como Xina, pote compra no cosa supra brown fields con profita pico plu bon. La mesma remane per Repsol e Petronas, e la simil remane en otra industria de mina. En mea opina, esta es per cua Xina ostina suprapasa en curva e esforsa promove autos eletrical, en cuando en la regula de aora multe nodas es ja blocida par monopolios, esata como en la sentenio 19 la briteses forsa deutxes a developa martel de aira eletrical, car la tecnica e materia de la vaporal es ja en controla de monopolio de briteses.

Labora en la campos iraci causa no ansia sur securia. Nos prende autos de la base militar posterior en Saudi Arabia asta la frontera, do nos cambia a otra autos o a elicotor e asede direta la loca de labora, con forte de securi tra tota la curso. En mea opina, securi militar es completa nonesesada, e lo es vera canselada pos un anio. Pos la cade de Saddam, an con ce grupos armada noncontable ia emerje, poca de los pote o vole vade profonda a en la deserto, par sua debilia, e la plu grande es continuante atacada par la armada esuan. Cada move sur tera es su la monitori de la forte de aira esuan. Pos esplota, tra separa simple, la petrolio es transportada par tubos direta a portos en Mar Roja. Me opina personal ce Irac es multe plu secur ca Nijeria, do cuando me labora ala me encontra descrese de presa en tubos a cuasi cada semana, cual resulta de ce la armada local rompe la tubos e fura olio. Per para la fura, nosa securores esclui los con forte, e pos plur conflitas on pote ave intercambia de foco. En Irac, esta no aveni, minima no en la comensa de ocupa.

La campos de petrolio de Irac es como isolas solitar en deserto, e parteninte Irac e no parteninte a Irac. Nosa comeda e acua dulse no relata con Irac, ma es transfereda par Saudi Arabia e Cuait; la partes per manteni no relata con Irac; securi no relata con Irac, organiza de empleadas no relata con Irac, e la ganiadas no relata con Irac. Economial, Irac ia perde ja tota la campos, cual furni no emplea vasta, no imposta, e instrui no laborores de industria. Me duta ance esce SUA imposta la compania, car alora nosa salario dona zero imposta longo la lege de SUA interna ma es enviada en modo ultramar. Esta es un vantaje grande per la colegas de paises european con nivel alta de aida sosial, cui salario dui en sua propre paises per imposta de revenu ma paia zero en Oriente Media, en cuando pos reveni los pote benefica de la mesma aida de medica e educa como la sitadanes ci paia vera.

La campos de petrolio ci pote orijinal benefica desmiliones de iracis deveni aora la tesoreria de miles de europeanes. A la otra lado de nosa benefica e salario alta es la povria de iracis noncontable. Esta punta suapare la idea ce mea revenu alta veni no completa de mea capasia e esforsa, ma con multe «grasias» a tal distribui nonjusta, con multe «grasias» a la asentia de sosialia. Aora me opina ance ce Chevron ia debe pote dona a me un salario multiplida par plur deses, car pos me es lal fola de desmiles de iracis ci ia perde la promete de vive fundal. Me en acel tempo ia sola senti emosiada ma ia fali comprende. Me de aora senti la debe de vade a demanda: esta ricia ci parteni orijinal a un pais intera, la min de lo es donada a nos sentos de empleadas como «salario alta», ma a do la plu de lo ia vade?

Lo pare asetable, si nos suposa la razona per cual SUA no vole redona la revenu de petrolio a Irac es ce SUA evita finansia la enemi par causa de no crede la state de Irac cuando Saddam ia cade nova. Ma, pos la inisia de la Governa Tempora de Irac cual es SUA-filica, ancora nos dona no imposta a esta pais. Esta mostra ce SUA vera no vole lasa esta ricia en Oriente Media.

En mea opina, la autoriosas de SUA ia vole nunca vera construi Irac como un caxa rica de esibi democratia. Si SUA vole ce Irac deveni un pais rica e libre, lo an no nesesa usa sua propre mone como en la Scema de Marshall. La economia local pote ativi se simple si la campos de petrolio irac contribui 15% de sua revenu como imposta. La 11% imposta de Hodorcovscii e otra oligarcas de petrolio forsada par Putin ia basta per stabli la mercato, dona salario tardida, reorganiza la armada, e vinse en la Gera Du de Txetxnia. An tra des anios de puni, Irac no ia desordina intera en un periodo pos la cade de Saddam. En alga aspetas de infrastrutur e regula sosial, lo es plu bon ca Rusia cual ia es completa en turba en 1995.

Esta aveni no sola en petrolio. SUA prende de Irac la controla de acua, transporta, eletrica, portas, comunica, combustable, mercato de cultiva e animal, e la importa e esporta de cada industria. La multe injeniores e manejores iraci en acel industrias es tratada como remanentes de Saddam e regardada como nonfidable, donce SUA desemplea los e sustitui los con manejores levada de SUA a asi. Un monton de postos pertinente a la vive fundal de Irac e emplea no iraci e servi no iraci, ma tira la plu de recursos como nos campanias de petrolio. La pico restante per Irac, la plu de lo es usada per securi la armada esuan, la ofisiores SUA-filica, e la industria de servi cual funsiona sirca la armada esuan. La plu de iracis ci es sola popla local comun, debe esforsa compete per la restas tan rara.

Me no nega la fato ce la curdis ia gania autonomia e pote usa libre la revenu de petrolio en sua propre rejiones donce los vive plu bon ca en Saddam. Ma, cua per la plu de iracis? No tota de los es manicas acordante Saddam; la plu de los es pasavives comun, e los ave no emplea no aida sosial, donce como los pote continua vive? Esata como nos dona no imposta de petrolio, la acua e eletrica, e la industria e cultiva su controla de armasa esuan dona ance no imposta a Irac. Esta confusa me, sur como la governa tempora de Irac pote manteni sua revenu finansial? Si la sitadanes comun pote gana no securi en metodos ofisial, los ta turna a zona gris e fida mercatos negra e stratocratas. Esta ta dura asta la descapasi completa de la governa, e la autoria de la armada esuan e la governa pupetin ta descrese gradua: lo pone no bonia a la benefica permanente de SUA.

Ma en mea opina, con ce esuanes an no atende sua propre benefica permanente, como lo es posible ce los atende la benefica de iracis? Con ce an la xef SUA es ja atraeda a sola drena la lago per pexa, otra partisipores ave no motiva de esforsa plu. Cuando la briteses en garnison de Basra es vera «coesistente con pas» con lor blancos de elimina, nosa campos de petrolio es serta multe secur, simil a ce la armada japanes, la armada pupetin e la armada de KMT² fa comersia mutua en la Gera contra Japan. Me opina ce, la vilia plu grande fada en Irac par SUA, no es frecuente bombarda viletas con aviones sin pilote, no es xuta arbitrar tra pasores en flotila de Hummer patruliante, no es crase autos en strada par tance sin lenti, no es viole un fem, malinforma ce sua sposo es rebelor, e final mata ambos. En la scala de tempo e spasio, esta vilias es noncomparable con la vilia vera; solitar estas no basta per forsa iracis a debe entera bombas en via a cada dia.

La visia plu grande de SUA es ce, entre caos completa, lo atenta nunca maneja o funsiona, ma consentra se en sola desangui, sin furni cualce obliga sosial, asta ce Irac deveni un sosia de jungla. En un pais desordinada, cadun trata benefica tempora como la sola cosa de vive, e cualcun con fusil pote descarni un area. Coaveninte con acel es ce, tal o no intendente, SUA lasa lo ce la sosia de Irac cade a un manca estrema, e lo ce tota sitadanes de Irac come sin pote pleni, vesti sin pote caldi, pasa note sin pote usa lampa: fami en despera e senti de zero aida ta mori gradal la vivosia de la sosia iraci.

Cua SUA fa es egal a ce Britan no salva Er. Nun ia inisia un scema grande de fami e mori ereses. Ma en la prosede de persegue benefica sin restrinje, cuando cadun evalua gania rapida mone supra salva persones, un onda loco formi.

Tra des anios de puni, iracis deveni ja mestre de survive. Per survive, anui e inclina a esuanes no es difisil, e bucos de xuta sur la auto no es nontolerable. La problem es ce, an pos anui e inclina, la esuanes cambia ja no cosa. On pote para furni comeda e sesa envia eletrica a cada momento, an cuando tua familianes ia prosimi a mori par fami, e an cuando tua familianes nesesa un opera en ospital — estas no cambia lo ce me va priva la cosa e vende lo per mone. La sistem de mercato malfunsiona ja completa, on pote compra no cosa an con mone, e la sistem de rasiona on no inisia. An la ofisiores SUA-filica nesesa vade a mercato negra. An la cosas de vive fundal como acua, eletrica, comeda, on no vende, no rasiona. En tal caso, serta iracis ci fali survive abunda, evoluinte de fantasmas fame a fantasmas morida par fami.

Per cua la gera de Al-Faludja ia aveni? Per cua rebela armada continua emerje? Per cua SIIL? La politica moderna ia ave ja multe esplicas e introspetas, ma la responde es multe clar per xineses, car nosa istoria ave multe de los: per esemplo, la Armada de Turban Jala³, la rebela de Huang Chao⁴, la rebela de Fang La⁵, Li Zicheng⁶, la Pais Paradisin de Pas Grande⁷, la Republica de Xina⁸. Un person forsada a sua despeta ultima debe osa luta riscante tota: con ce el va mori en cualce modo, survive cada plu dia es vinse. “Esce iracis odia SUA?” No demanda esta a me, car me ta dise direta ce, iracis es ja locida par SUA, vivente an plu mal ca mori su la governa “cru” de SUA, donce per cua los no atenta luta con lor vive?

Tu demanda per cua esuanes es tan cruel? Lo no es vera. Me trova un punto interesante de la cultur brites e esuan. Per esemplo, a veses me ia discute con mea colegas brites e esuan, sur ce nosa trata a iracis fa los misera. La plu de la colegas senti ance awful, ma asosia la miseria de Irac con la manca de recurso su la ocupa de armada esuan es difisil en lor mente. Donce an con ce la media esuan pare compatiosa, los considera nunca vera sur esce on debe organiza produi e autosalva en Irac. Me pensa ce esta es afetada par la stilo de educa. An con vade a media scola en SUA, me ia crese en un abiteria comun, donce alga ideas de mea conose la esuanes no comprende, en ce alga ideas de esuan conose me no comprende. Per plu esemplo, me ia demanda a esuanes, esce no imposta es no fair? Ma cua los comprende de fair es: me labora e tu paia egal, esta es fair; tu paia nonbastante, esta es no fair. Multe simil a la justia de comersia como la intercambia de mone e comprada en un mercato, ma no la justia de moralia sosial plu jeneral en nosa comprende.

No conspira esiste pos la fami de Er. Lo cual esiste es la persegue a benefica tempora masima e la evalua de benefica supra vive de umana, supra la vantaje de politica permanente. Multe iracis ia mori e la sosia ia colasa, ma cua de esta relata a nos laborante en la campos de petrolio iraci? Nos reseta ja leva de posto e salario ajuntada, donce cua relata me ave con la mori de otras?
2023-05-07 14:49 · Hunan · paje orijinal