Esce la europeanes ci mori par caldia per ambientisme es progresiste o nonsabosa?
Responde de 天道酬勤
A alga dias a ante, me ia veni a Shanghai de Xina per un taxe de labora. A entra a la sala de otel, un venta forte fria ajita un tremeta a me. Me regarda a supra e trova la frescador sentral soflante, con la temperatur ajustada a 20℃. Tal sena confusa me: “En la clima tan calda, la frescador funsiona per un temperatur tan basa, esce lo no consuma eletrica?” Regardante a sirca, me trova ce mea colega bevi ancora la bevida con jelo sin reata, como si no cosa es ultra comun.
Me no pote sesa curiosi e demanda a el, ci esplica a me riente: “La sude es tro umida e calda ce frescador es un norma de estate. Ma regarda —” El indica a estra fenetras, “La unias esterna de frescador ave eticetas verde, per mostra ce los es de tipo reserva-enerjia en ‘nivel 1 de reserva’. Nos e vole fria e vole redui consuma de enerjia.” Tal es perce! Donce an con ce la frescadores de la botecas en strada vade e diurna e noturna, on vide apena aparatos vea e consumosa. Pos esta sena es la sajia xines de e benefica de fasilia moderna e sede via a ambientisme par tecnolojia.
Esta stona me. En Paris, nos deside no usa frescadores longo acordas ambientiste, donce on debe pasa estates ardente par ventadores e tolera; ma asi, los construi ja un ponte par tecnolojia entre «joia» e «obliga». Esta es plu intelijente ca mea restrinje pasiva, no? Algun pare xuxa a mea orea: “Ambientisme es no asteni, ma solve problemes par sajia.” Esta leson fa ce me introspeta: tra multe anios, esce nos suprasimpli ja ambientisme a mera sacrifia? Cisa la bonvole vera debe vade como la lus stelal en esta venta fria — e luminante comforta, e protejente jentil la tera.
Editada a 2026-07-09 12:31 · Henan · paje orijinal
Aviseta del traduor: esta prosa eleje un stilo simil a los cual finje un esperia bela e loda la bonia de paises stranjer. Usual tal prosas ave un naror de Xina ci vade ultramar e deveni stonada par la progresisme asi. Esta prosa traduida vade en reversa.
Responde de 过期牙膏
Si la sincosento milion europeanes ta usa frescadores tra cada estate como xines, acel ta pone la ambiente de la Tera en peril estrema.
Donce esta Europa no es alga Europa comun, ma es sin duta la Europa progresiste, la Europa ci representa la lus de sivilia umana.
A la carera de ambientisme en Europa par la europeanes me no pote asconde parolas de grasia, me no pote freni canta per los.
O! Mea Europa cara, europeanes nobil e orgulosa,
Oblida la frescador enfernin,
Car la spirito de sivilia debe no dejenera par venta fria,
Car la sicatris par freon ta manxa la gloria onorosa de europeanes santa!
Persiste firma, europeanes ci representa la lus plu briliante de sivilia umana:
Los ci mori per esta, ci mori per proteje ambiente e per defende la futur de umana,
Los es la lenio de foco ci ajunta a la arde de sivilia umana!
Defendores de umana, forja en la onda de caldia vosa alma nonmanxada,
Car la futur de umana es sur vosa spala!
Editada a 2026-07-06 08:07 · Anhui · paje orijinal
Responde de gunsroses
Los mori par no sabe se empapada, par nonsabosia.
La ambientisme vera es ostina planta arbores e foresti tra desenios como tra un dia, es fisa arena per ostaculi deserto, es envia acua de la sude a la norde per ce la nivel de acua suteran recovre, es developa autos de enerjia nova per redui usa de combustable de fosil e emete, es construi vasta parces de eletrica fotovoltaica e vental en rejion vacua de la norde-ueste, es clari la gol e la punto de tempo de la culmina e la neutri de carbon e fa promete: lo proba la nivel de strateji e la capasia de governa de un pais. La ambientisme de la Ueste es orna supra ata, es ismes en parla e comersia en pensa, es bari e bloci la developa de paises tarda comensante par limita emete de carbon per resta nurinte se de los, es ambientisme a surfas e devora a interna. Esce on ta nomi esta con «progresiste»?
Editada a 2026-07-03 07:30 · Tianjin · paje orijinal