Bilion dolares donada a tu, en cuando per sempre un caracol xasa e atenta mata tu, esce tu va aseta?
Descrive
Esta caracol ave la mesma rapidia como caracoles normal, ma lo es nonmatable e vive sin fini; lo pote traversa montes, mures e mares (tra la funda de mar), e lo pote entra a e sorti de spasios encluida. Lo progresa a la dirije de tua loca, a sempre do tu es.
Aora cuando tu e la caracol contata fisical, tu mori!
Esata de la momento cuando tu aseta la 1 bilion dolares, la caracol apare a 0:00 (GMT) a cada dia, a un loca acaso en 10 cilometres sirca tu.
En ajunta, esta caracol no ave eticeta, e tu no es preinformada sur la aspeta de lo: tu no pote distingui lo con otra caracoles.
La bilion dolares es realida par carta de banca, sin problemes legal, sin nesesa lava de mone: otra persones pensa ce tan multe mone parteni a tu. (On no nesesa considera como legali razonal esta bilion dolares.
Esce tu va aseta lo? Si tu aseta vera, como tu evita mori?
Responde de 学生陈月半
Tal riscavive, o no, tal premiamone, bien me va aseta lo.
Sola ce a cada ora 0 la caracol apare acaso en la estende de 10 cilometres? Tro fasil. Compra 2 aviones peti, e desapone cualce partes cual on pote desapone. A cada note mea gidor privata ta acompania me a la avioneria. Direta pos la ora 0, esamina completa esce caracoles esiste en esta 2 aviones, e a la min un de los debe es secur. Me curiosi, esce mea avion vade plu rapida o tu caracol core plu rapida?
Si me vole diverti, me pote cambia un site a cada dia. Si me vole no plu diverti, me ta compra en un mesma site 2 casas cui distantia es plu ca 20 cilometres, e abita los dependente de la duablia de la numero de data: me abita oji Sanlitun, doman Xihongmen1.
Me ave bilion dolares, donce me no pote adormi ja a la ora 0, car si vera, me no pote vanta a otra “Me dormi per sola 4 oras a cada dia, mea susede depende completa de mea propre esforsa, e tota capital estra capasia es egal a 0”?
Me pote survive bien si la caracol no veni direta a mea fas e lasa 1 metre donce me pote evita. En tal judi, la posiblia de ce la caracol cade sur mea fas es no plu ca la posiblia de asidentes de avion.
Lo es no asion, no evalua, no nara fantasial, no otra proprias cual nesesa reali, ma de fato e vera, BILION DOLARES reclinante en la conta, pronto e usable a cualce tempo. Frate, esce tu es consensa de la potia de tan multe mone?
Ta ce me dise onesta: persones ci ave vera bilion dolares, cual de los no ave pos se alga caracoles matante?
Editada a 2019-11-15 18:14 · paje orijinal