Khodorkovsky ariva en Suiz
6 janero 2014
Mikhail Khodorkovsky, un maniate pasada de petrolio, ci on ia libri de un prison rusce en la mense pasada, ia ariva en Suiz. On ia dona a el un visa de tre menses ala.
El e sua sposa ia viaja par tren de Deutxland per acompania sua du fios, ci revade a sua scola suiz.
Khodorkovsky ia vola a Deutxland pos sua libri a 20 desembre.
El ia es prisonida tra des anios per froda e evita de imposta, ma insiste ce sua condena ia es political motivada.