Contrabandores envia cocaina a supramercatos par era
8 janero 2014
En Deutxland, la polisia en Berlin ia trova 140 cilogrames de cocaina ascondeda en caxas de bananas, cual contrabandores ia envia par era a supramercatos.
La cocaina ave la valua de $8,2 milion, e ia es enviada a sinco botecas de Aldi-Nord.
On crede ce la drogas ia ariva en Hamburg pos traversa la mar de Colombia, e ce on ia transporta los par camion a Berlin.
Esta es la saisi la plu grande de cocaina en Berlin en multe anios.