Barnaby Jack ia supradosa con drogas
4 janero 2014
Un reporta autopsial indica ce un pirata famosa de rede, ci ia mori en julio en San Francisco, ia supradosa con un misca de eroina, cocaina, e otra drogas.
Barnaby Jack, ci ia nase en Zeland Nova, ia es mor cuando on ia trova el en sua leto, a un semana ante cuando el ia intende fa un presenta publica.
Jack ia deveni famosa pos un demostra en 2010 en cual el ia pirati un automata de banco, tal ce lo ia distribui mone.
On ia conose el ance como un esperta major sur problemes trovable en la tecnolojia medical.