Si ≠ esce

En alga linguas, on usa la parola per si per introdui demandas reportada, ma elefen on usa esce:

• Me va demanda esce on vende cartas postal asi.
  • Esce on vende cartas postal asi? Me va demanda.
• Nos no sabe esce el ia trova sua claves.
  • Esce el ia trova sua claves? Nos no sabe.

Si en elefen sinifia “suposante ce”. Lo presenta un constrinje, un situa ipotesal o simil:

• Si el ta trova sua claves, el no ta informa nos.
  • = El no ta informa nos si el ta trova sua claves.
  • ≠ El no ia informa nos esce el ia trova sua claves.

Natural, si es ance comun un responde positiva a un demanda:

• Tu gusta esta musica? — Si, lo es vera bon.

E esta si positiva pote ance apare como un coda a la fini de un demanda:

• Tu comprende, si?