Simon Davies | Re: DDJ 31 coretida e DDJ 32 per TeXworks con lfn disionario

• Autor: Simon Davies (“simon.franova”)
• Tema: Re: DDJ 31 coretida e DDJ 32 per TeXworks con lfn disionario
• Data: 2011-08-03 18:23
• Mesaje: 3417 (a supra, presedente, seguente)

Alo, Jim.

> Me ia cambia "los" as "on" en la frases de strofe 31.

Me no es serta esce "on ci" es bon o no. On pote dise
"one who" en engles, ma "on" no coresponde esata a "one".
(Simil en esperanto, on no dise "oni kiu", e "on qui" pare
multe strana en franses.)

Per "one who", me ta dise "algun ci" o simple "un ci"
(comprendente natural "un" como "un person).

> Si on trova el es bela -- me ia usa esta
> Si on trova ce el es bela -- esta pare plu completa a me
> Cual tu gusta?

Ambos es bon. Me regarda "si on trova el es bela" como "if
one finds it to be good" e "si on trova ce el es bela" como
"if one finds that it is good". La forma con "ce" es cisa
plu clar, ma la forma sin "ce" pare plu fluente. Nos dise
ce el es un "cadena de verbos": "trova ... es", do la ojeto
de "trova" es la sujeto de "es". Un truco multe usos!

> Sin es demandada

On demanda alga cosa a un person, donce "demandada" refere
a la cosa, no la person. En esta caso, me ta evita la pasiva
e ta dise "sin ce on demanda a los".

> Regulas emerji e nomi comensa.

Me sujesta ajunta "la" ante "nomi" per evita ce on comprende
ce "regulas emerji e regulas nomi".

> Cuando nomi emerji, es la ves para.

"Cuando la nomi emerji" (cisa).

"Ves" sinifia "an occasion": el es "time" en la sensa de
"how many times". Asi "tempo" o "momento" ta es preferable,
ma vera "it's time to stop" es un idiom cual sinifia no plu
ce "you should stop now": "on ta para", "on debe para".

Considera "sesa" en loca de "para". Si "on sesa", on fini se
ata propre. Si "on para", on fini un ata de un otra person
o cosa. (Ma "on para" cuando on fini pasea o move fisical.)

> Sabe cuando para preveni peril. ??????????

Esta es gramatical coreta, an si "cuando para" es dutable.
Ma el risca forte la malcomprende ce "la para es preveninte
la peril". Me ta dise "par sabe cuando on debe para, on
preveni peril".

Simon