Simon | Re: Vici nova de elefen

• Autor: Simon (“simon.franova”)
• Tema: Re: Vici nova de elefen
• Data: 2010-10-26 19:00
• Mesaje: 3189 (a supra, presedente, seguente)

> la lia ia abri ma pos alga tempo.

E acel lia es la mesma como acel de la boton "Edit" a tu paje propre
en la vici. Donce la vici se mesma no causa direta la problem.

Un virus pote causa problemes, serta, ma me duta si el es la causa
de esta. On pote reseta un paje blanca si un servador es tro ocupada
per servi tu - me ia esperia esta en la vici de lfn de tempo a tempo
en la pasada, ma no frecuente, e nunca en la mensas resente.

Cisa la servador regarda tu como un usor min importante car tu es
anonim - cisa el prefere servi prima la usores conoseda. O cisa un de
la servadores en tu parte de la mundo es tro cargada per responde
rapida.

Plu, de pos la cambia de aspeta, la strutur interna (tecnical) de
cada paje de Wikia es plu complicada ce a ante, e tu surfador nesesa
demanda la servador per un cuantia plu grande de composantes. Cisa
esta, combinada con la ideas presedente, es la problem vera.

Simon