simon.franova | Re: Cara ami Simon Franova !
Alo, myaleee. Multe grasias per tu comentas amin!
Me no ia sabe ce algun leje ja la Gramatica Detalos ce me es
construinte: multe felisi me ce tu ia leje el tan curante.
El situa ancora en me pajes privada, ma cuando el es un poca
plu completa, me intende publica el par la vici.
E grasias per la coretis: si, no un es perfeta; e serta no
me. Me ia aprende ja multe par comensa scrive acel gramatica.
> 1 tu (como me )oce la usa de (tre)
> curante ,como sinonim de (multe) .
Si, acel ia es un era, influenseda de me conose de Esperanto
(do "tre" ave la sinifia de nos parola "multe").
> 2 tu usa (ecuivalente) ,no es en LFN.
Direta pos ce me scrive acel parola en la gramatica, me ia
junta el a la lista (rapide cresente!) de parolas mancada en
la vici. Si Jorj dise ce el no es nesesada, me va debe usa
un otra parola; ma asta alora me va reteni el en me testo.
Posable me pote usa "egal", ma esta no ave la sinifia de "par
analojia" ce es un parte de "ecuivalente". E "ecuivalente"
esiste en cada lingua roman.
> 3 La neva cade lente (lente=lens)
Un era de tape (o posable de memoria): el debe es "lenta".
> 4 es oce usa parce como perce ??
El es oce, ma nova. Vide la mesajes 2657-2659 en esta grupo.
> 5 caveta de boca =cavity , no cavia=guinea pig
Un era comica!
> 6 Me demanda tu ,per favore
> ce es en LFN :sleepy ,brunette
> (un fia de oios e capel negra ? )
Posable "sleepy" es "dormos", o "con desira dormi", o
"desirante dormi", o "ce desira dormi", o ...
"A brunette" es "un fia (o fema) capelbrun". Si es evidente
ce on parla supra fias, on pote dise simple "un capelbrun".
Regarda la paje "Parolas composada" en la vici.
Tu espresa "un fia de oios e capel negra" es ance bon, ma
"capel" debe es "capeles" (me pensa). Un capel es sola un
de la fibres.
Simon