simon.franova | Ordina de parolas

• Autor: simon.franova
• Tema: Ordina de parolas
• Data: 2008-03-15 19:30
• Mesaje: 2679 (presedente, seguente)

Me ia dise ce me va xerca la respondes a me demandas
gramatical en la vicivici (e me trova ja multe!), ma me
ave aora un demanda ce no conveni a acel metodo.

Nos ave multe nomes composada con la forma "A de B", per
esemplo "anemone de mar" e "torneo de lansas".  Si me vole
junta un ajetivo, me debe dise "anemone grande de mar" o
"anemone de mar grande"?

Asi un esemplo plu complicada ce me ia trova en la paje
<http://lfn.esef.net/index.php/Limitas_de_crese>:

"... la prende de pexes de la mares tro estendeda ..."

Tro estendeda es no la mares ma la prende de pexes!  Ce on
fa en un tal caso?

Ancora supra la ordina de parolas, la Gramatica Completa
ave la regula ce la sujeto sta ante la verbo.  Ma ce on fa
si la sujeto es vera longa?  Un esemplo:

"En 1973 un crise de olio, ce ia gida a costas plu alta e
a consuma min perinte, ia ocure."

Dise "En 1973 ia ocure un crise ..." es permiteda?

Simon