simon.franova | Re: Disionario: Comentas supra A

• Autor: simon.franova
• Tema: Re: Disionario: Comentas supra A
• Data: 2008-03-11 19:22
• Mesaje: 2649 (a supra, presedente, seguente)

Grasias, Jorj.  Me espera ce me no causa tro laboras a tu!
Crea un disionario sin eretas e contradises per un lingua
construida es multe nonfasil, ma serta la resulta es valuos.

> Abita -- Es sola un poca difere entre abita (habitation) e abitada
> (habitat). Vide otra parolas come canta/cantada, dansa/dansada. Ma
> me acorda: abitada es plu bon.

On pote dise ce la canta es la ata, e la cantada es la
testo e melodia: "tre cantantes va presenta a vos la mesma
cantada".  Ativa/pasiva: si me canta un cantada, la cantada
es cantada de me.  Ance "dansa" e "dansada" (e "tradui" e
"traduida", e probable varios otras) es distinguable a esta
modo.  Ma si: la du sinifias es tan simile ce on no nesesa
frequente distingui los.

Entre "abita" e "abitada" la difere es plu clar, mi pensa:
"abita" es la nom de la ata (o state) de algun ci abita;
"abitada" es la cosa ce algun abita, donce la loca abitada.
Simile, "bevi" es la ata, e "bevida" es la cosa ce on bevi.

> Alia -- Me sujeste ce ally (n) debe es aliada.

A, un solve eselente!

> Anorac -- Anorac es un eseta de la regulas, me crede, per
> ce el es direta de Inuit.

Oce.  Me aseta completa la esplica, ma esce tal esetas es
bon en un lingua aidante?  Nedutada, tu sabe ce pronunsia
un sona esplodente a la fini de un parola es nonfasil per
multe persones en la mundo.  E la plu de persones no conose
la orijin de la parola "anorac".

> Arco -- Bow (weapon), bow (arc), arc, arch

Per me "arc" es un sinifia de "bow" nonusual.  (Ma,
confesada, me conose poca arcos de petra en vilas vea, con
la nom "Stonebow".)  La sinifia comun la plu prosima a "arc"
(per me) es la util de un violiniste!

> Autocrata -- Autocrata e parolas simile es basal nomes;
> la ajetivo es autocratia.

"Autocratia" es un ajetivo?  Ma el es un nom consetal, no?
El es la nom de la state en ce esiste un autocrata.

Me leje a <http://lingua-franca-nova.net/lfnappend.html> ce
on pote usa ajetivos como nomes ("bela" -> "un bela" "algun ci es bela").  Ma esce on ance usa nomes como
ajetivos?  Me divina ce no, perce la mesaje 135 en esta
grupo dise: "When a verb or adjective is used as a noun, it
has a noun marker."  (Ma acel mesaje ance implica ce "-ia"
crea ajetivos, ce no es fasil credable!)

Si on no usa nomes como ajetivos (sin un afise como -in o
-os), como on dise "autocratic"?  "Autocratin"?  (Ma si
algun es "autocratic", el es un autocrata, e no sola simile
a un autocrata.)  Me vole dise ce "autocrata" es basal un
ajetivo, e ce la nom "autocrata" es "algun ci es autocrata".
O me malcomprende?

Tu no ia responde a la demanda interesante supra la silabas
asentuada de "ala", "alo", "asi".  Me senti un tende forta
per asentua la vocal final en esta parolas.  Posable acel es
asetable, perce los es particulos spesial ci no partisipa
en la crea de parolas deduida: los vocales final ave un otra
sabor.  E on pote distingui "ala" de un parte de un avia!

Multe grasias,
Simon