Stefan Fisahn | Re: [LFN] Re: Numero de parlores.

• Autor: Stefan Fisahn (“esef1968”)
• Tema: Re: [LFN] Re: Numero de parlores.
• Data: 2006-08-31 12:17
• Mesaje: 2223 (a supra, presedente, seguente)

On Thu, Aug 31, 2006 at 10:56:02AM -0000, wilko dijkhuis wrote:
> Alo Stefan,
>
> Me pensa nos debe separa:
> 1) lejores de LFN
> 2) scrivores de LFN
> 3) parlores de LFN

Si, esta sepera es usable.

>
> Multe persones pote leje LFN (me judi plu de 50 milion).

Un demanda interesante. Me no sabe ce tu pote dise per
esemplo "cada person ci parla espaniol o italiano o potuges
ance pote leje testos en LFN"
Esa nos va debe rexerca.
Nos ave sola ia fa esperimentes simple:
- Me ia mostra testos en LFN e Interlingua a un colaboror
  espaniol, el ia dise - si el pote comprende la esense de la
  testo LFN, ma Interlingua es plu bon comprendable per el.
- Me ia usa LFN en un grupo rede do linguas espaniol e angla e
  franses es usada miscada (no un grupo lingual ma un grupo
  computadoral). La eco ia es "he sounds like italian light,
  or spanish light".
  - Me ia usa LFN con un person espaniol per parleta rede (chat),
  miscada ... me en
  LFN e el en espaniol ce ia opera bon, ma me conose poca
  espaniol e el conose linguas roman otra.
Per un rexerca vera nos debe proba LFN a parlores ci sola
parla italian o espaniol o franses o portuges .. nos debe
vade a Roma e usa LFN sur la strada, o vade a un cafe en
Madrid e proba LFN en practica.

> Sirca 20 persones ia leje la presentas de Franka cada semana, probable
> esta es un judi bon de la min de lejores real.
>
> Me judi sirca 10 - 30 persones scrive LFN.
> Cuanto persones ia contribui la articles a vicipedia - tu es la
> xef-de-rede, donce tu pote conose esta -.
>
Nos viki ave 47 usatores ma la media no es usatores vera, ma
SPAMores, donce posable 20 persones ia contribui a la nos
vici vera.

Donce probable no es importante scrive un numero jeneral en
vicipedia articles ?

> No person usa LFN per parla?

Nos pote proba un sala de rede en LFN (chat). No importante si cada un
pote usa LFN bon, no importante si un person misca con engles ma
es un experimente interensante.

sf.

--
aut vice versa.