dave5dave5dave | Plu de acasia
- Autor: dave5dave5dave
- Tema: Plu de acasia
- Data: 2006-02-15 01:50
- Mesaje: 1980 (presedente, seguente)
Oji me ia vide ce nos membro Kevyn (alo Kevyn) ia scrive alga veses en lfn en se blog. El no ia dise asi supra scrive en lfn e me ia pense ce ta es interesante si me copia el asi. Ma la seguente dia el ia scrive ce: "Also pray for me, that I will force myself to learn Italian and Portuguese only, and close any other language that might take me away from learning them. I have a great habit of being distracted by other languages, and am plenty disorganised when it comes to language education. Aprendemos a língua português! E imperiamo la lingua italiano!" Como vos pensa - es ce aprende multe linguas como lfn cuando un debe aprende un otra lingua roman un influense mal? E como pense vos supra un testo _en_ lfn _supra_ un otra lingua? Usar lfn per aprende un otra lingua como Italian ta pare interesante. Dave ---- de http://www.keiscorner.livejournal.com: Plu de acasia Me pensa de solia, odia, e otra cosas en me vive. Ma en vera me no ave multe cosas per diser en me vive, per ce me senti multe sentidas per cada dia. Cada dia, me fronti si multe de cosas en me scola, en la casa, e mesma con me amis. La sola person ci pote parla con me es Iaue, e se fio Iexua. Un lado de me, esista un ami ci senti vera sola en se vive. E en la otra lado esista me otra ami ci no ama parla con me, como me es un enemi. Ma me atenta prea a Iaue cuando me ave basta de tempo. A veses, me se senta e pensa supra la vivia ante la moria. E la valua de tota cuando me vive. Me dise, per esemplo, supra me dia oji. Me se velia en la leto, e me madre e me ia vade a la laveria. Me ia compra un libro de santa Teresa, la floreta franse de Iexua, per Amanda, per ce se aniversaria va veni vera pronto. E mesma va veni la aniversarias de Sabena e Leonel, e me no pote pensa ce per donar a los. Posable me pote dona monetas a Leonel, per ce me no sabe ce el ama e preferi. Me ia usa la lavadores e secadores per lavar e secir la vestes. Nos ia vade a la casa, e me ia come alga comeda. Me ia fa limpa la casa e me sala de dormi, e me ia come plu. Como me dise a tu, me no ave un vive interesante per multe persones. En me pasatempo me es atentante de aprender la linguas italian e portuges, per ce los es plu prosima de la linguas franses e espaniol ce la otras. E plu, me ja sabe o conose alga de la lingua tagalo, per ce natural me es Filipino, e me es espetada de saber el. La portuges es vera mol como un lingua, e la italian, el es vera poesin. Ma me pote dise esta: me ave un vive de amia con me Senior, Jesucristo e se madre Maria. E los es me sola esperia en esta vive, per ce me es si sola. Me no pote ave la ama si me vole vive felisos en la ama vera de Dio e se fio. La familia de Dio es me vera familia. Iaue es me sola vera padre, Iexua es me vera frate, e Maria es me vera madre. La santa familia es me sola esperia en nos mondo. Ma a veses, me sabe ce me es sola un umana, ci ave multe debiles en la vive, contra ce me es bon en tota tempo. La pecas umana es un sinia de nos debilia, e ce nos debe confide en la Senior sin demandas. Me no es un santa, ma me vole vive santa su la sentia grande e santos de Iaue. E acel es posable si me confide tota en nos Dio, como Iexua ia dise a Santa Faustina en la pasada: el ia debe estende se mesaje de pardonia en la tota mondo. El ia dise a el, de estender se mesaje scriveda en se imaje: Jesus, me confide en te! La sola esperia per me en la mondo, es en esperar e confider en nos Dio, Jesucristo e la santa Padre en sielo. Mesma aora, me escuta a me musica ci usa multe unica ritmos en se melodia. E los fa recorda me de prear en me preadoreta. Per ce me vive relijio no ave un ritmo o un melodia en ance ora. E me es aci, tapente me scriveda per me blogo. Me ave otra reunis como con un prete de careras doman en Vancuver, e pos me ave un reuni con me dentistes e mesma alga omes mormon (me pensa ce los pensa ce me va aseta la relijio mormon como la veria, ma en vera nos va leje un poca de lejente de la libro de Mormon (contra ce me no ave multe tempo per acel cosas como los). Vera mesma me no ave basta de tempo per lejer la Biblia, contra ce me sabe vera ce me debe leje el per ce me es Cristan. Uau, e me ia leje me scriveda aci, e me ia reali ce me scriveda es tro multe de cosas acaso en la vive. Ma la vive es la acasia, e tota persones no pote cambia acel. La vive, la mori, tota cosas pote eser la mesma cosa si tu pote vide acel. Ma la persones ci no sabe acel cosa, los no va sabe la misterios secreta de la vive, contra ce los usa se sajia e razonia. Cuando me va deveni un prete, me espera estende la pardona libre de Iexua a tota poplos de la mondo, e el no importa si la person es rica o povre, grande o nongrande. Tota persones es bonvenida a la ama e pardona de Jesucristo sin demanda. Si tota la Catolicanes creda vera en Jesus e se potia, me creda ce la tota mondo pote deveni Catolican en sola min tempo. La ama de Jesus ia veni de se santa Crusada. Sin la potia de se sacrifia como la ovea de Dio, nos no ta vade a Sielo sin el. E el es sola natural per grasiar el en tota. La creadas mondal parla supra la grande Dio en sielo, e ce la tota es creada de la Senior en tota de se potia. Como nos pote vive sin se potia e amia per un mostrante. De la sol a la luna en la sielo, de la steletas de la note a la nubes en la dia, de la floretas tra la erba a la umanas de la mondo, la tota es creada e fada de Dio, Iaue, e no persones pote dise la mesma cosa sin mentir. Un dia, cuando un person confide tota en Iaue, la nonmiseria va completa el en un nova spirito e un corpo.