George Boeree | verbos aidante

• Autor: George Boeree (“cgboeree”)
• Tema: verbos aidante
• Data: 2005-10-15 22:22
• Mesaje: 1762 (presedente, seguente)

Alo a tota!

Per vos informa consernante la verbos aidante:

Debe e pote es la sola verbos aidante ce no pote es usada como verbos
major, e no pote es sequente par sufrases:
     Me debe dansa
     Me pote dansa

Fa es nonusual per ce esa cambia un frase nonojetal a un frase ojetal:
     Me fa dansa la fias (= Me fa ce la fias dansa).

Otra verbos aidante es ance verbos major, e pote es seguente par
sufrases:
     Me permete dansa; me permete ce la fias dansa
     Me nesesa dansa; me nesesa ce la fias dansa
     Me vole dansa; me vole ce la fias dansa
     Me sabe dansa; me sabe ce la fias dansa

Como estas es espeta, espera, teme, e preferi.

Vade e veni es ance verbos major, ma no pote es sequente par sufrases:
     Me vade dansa
     Me veni dansa

Come estas es esita, osa, menasa, finge, aperi, e atenta.

Per favore, coreta me si me es noncoreta!

Jorj