Leon Porter | Nos no debe usa “-r” en formas jeneral de verbos

• Autor: Leon Porter (“leonporter”)
• Tema: Nos no debe usa “-r” en formas jeneral de verbos
• Data: 2005-03-18 19:02
• Mesaje: 919 (presedente, seguente)

Alo a tota, e bon veni a nos membros nova!  Me vole presenta un
proposa.

Esta ora, en lfn, cada verbo ave un forma "infinitive", ce fini con "-
r".  Esta forma es usada como sustantivo jeneral.  Per esemplo, si
nos vole dise "Love is good", en lfn es "Amar es bon."

Ma ance, cada verbo pote es usada como sustantivo spesifada, sin la "-
r".  Per esemplo, "My love is strong" vole es "Me ama es forte."  Nos
no usa "-r" asi, per ce nos parla supra ME ama, un ama spesifada.

Me pensa ce esta regulas es plu complicada e confusante ce es
nesesada.  Me proposa ce nos no va ave plu la forma con "-r".  Si nos
vole dise "Love is good", nos pote dise simple "Ama es bon", sin "-
r".  Per ce no?  Nos pote comprende ce esta frase parla supra ama en
jeneral, per ce es no parola spesifante.  Si nos no spesifa cual ama,
donce el no es un ama spesifada, donce el es ama en jeneral.  No es
un "-r", e no es un problem comprende!

Si nos lasa cade la forma con "-r", nos pote simpli multe la
disionarios de lfn.  Per esemplo, esta ora, la disionarios lista du
parolas per "love": "ama" e "amar".  Mesma per multe, multe otra
verbos.  Nos debe estrae tota la formas con "-r" da la disionarios.
Donce la disionarios va es plu simple e min confusante.

Ce pensa vos?

Bon voles,

Leon