Leon Porter | Re: Me parolas nova

• Autor: Leon Porter (“leonporter”)
• Tema: Re: Me parolas nova
• Data: 2005-02-25 17:04
• Mesaje: 904 (a supra, presedente, seguente)

Alo!

Como sujeste parolas nova per Lingua Franca Nova:

Vade a esta paje de rede:
http://lfn.esef.net/cgi-bin/index.cgi/ParolaManca

A esta paje, tu va vide "Regulas per crea parolas nova".  Crea tu
parolas seguinte la regulas.  A multe veses, tu debe conose la
parolas en varios linguas latina: espaniol, frances, portuges,
italian, e a alga veses mesma catala!  Si tu no ave disionarios per
tota esta linguas, no problem.  Es un loca de rede ce pote tradui
tota tu parolas:

http://www.foreignword.com/Tools/dictsrch.htm

Esta loca lasa tu usa multe, multe disionarios enlinia.  Me
gusta "WordReference" per espaniol e franses, e "Babylon" per
portuges e italian.  Per catala, me visita:

http://www.catalandictionary.org/engcat4eng/main.html

Cuando tu fini crea tu parolas nova, tu pote junta los a la
paje "Parola Manca".  Per esta, tu debe conose la sinia secreta.  Si
tu scrive a me (leonporter@...), o a un otra parlante de LFN
(vide http://lfn.esef.net/cgi-bin/index.cgi/LFNparlantoRes), nos va
dona la sinia secreta a tu.  Donce tu va pote edita tota parte de la
loca uici de rede per LFN.

Nota ance ce multe parolas en la disionario lfn-engles no es en la
disionario engles-lfn!  Si tu vide tal parolas, junta los a "Parola
Manca", per favore!

Grasias,

Leon

--- In LinguaFrancaNova@yahoogroups.com, "kinghajj2" <kinghajj@c...>
wrote:
>
> Esta parolas no es en la disionario.
>
> biology -- bioloji
> mathematics -- matematice