Gary R Miller | Seniora Nax

• Autor: Gary R Miller (“”)
• Tema: Seniora Nax
• Data: 2004-02-25 04:28
• Mesaje: 549 (presedente, seguente)

LA MISTERIO DE SENIORA NAX [Nash]

Seniora Nax a tota tempo ia pare un lavante amable en Castel de la armada
Abraam Lincoln en Dakota Norde.  Tota lavantes el ia ama.  El ia es un
person aidos, un mexicana con modo de parla comfortante, ci covre
fecuente la fas per ce, como el dise, el ave un malada.  La lavantes, a
ci la armada paia per lava la uniformes de la soldatos, ia regrete per el
cuando el ia mori en 1876, per ce el ia ave tre sposos entra se vive, e
cada un el ia lasa, un pos un.

Cuando los fa el prepareda a la entera, poca los ia vade subita per ce
trae la dotor.  La dotor esamina la corpo e fa serta esa, ce la femas ia
creda: seniora Nax es un om.

Per ce un mexicano vole es un lavante fema?

Alga persones dise ce la cosa es simple un era.  Otra persones ia fa tal
eras en la pasada.  Ance la dotores de la armada ia es fecuente mal.
Donce seniora Nax es vera un fema.

Ma poca persones de istoria creda con otra modo.  A poca anios ante acel,
ia es un fura en un banco en la stato Tecsas.  Sinco mexicanos, tota
omes, ia fura 10 000 dolares da la banco.  Entra acel dias, acel es un
cuanto stonente de moneta.  Cuatro ia es arestada.

Esta persones de istoria creda ce seniora Nax ia es la numero sinco.  El
ia porta la abitos fema.  La velo ante la fas covre vera la barba.
Cuando alga om proposa un sposi a el (como la media, un lavante ia labora
tre semanas ante ce el sposi), el informa a el de la moneta e promete
partir esa con el, si el el va aida.  Pos alga tempo, la "sposo" fuji con
un parte de la moneta, e "seniora" Nax pote fa no cosa de esta.  A fini,
el ia mori a causa de tuberculos en 1876, pos no spende la moneta grande,
ce el ia fura.

Nos no va conose la vera de seniora Nax.  Ma, si tu va es in Castel de la
armada Abraam Lincoln, posable tu vide un ator fema de istoria con un
velo ante la fas e con vose strana, ci pare posable un person
diferente...

________________________________________________________________
The best thing to hit the Internet in years - Juno SpeedBand!
Surf the Web up to FIVE TIMES FASTER!
Only $14.95/ month - visit www.juno.com to sign up today!