Testo de Babel

1. E la tota tera ia ave sola un lingua e la mesma parolas.
2. E cuando la popla ia parti a la este, los ia trova un plano en la pais de Xinar e ia vade abita ala.
3. E los ia dise a lunlotra “Veni! Nos va fabrica brices e va coce los en la foco!” Los ia usa brices per petra e catran per semento.
4. E los ia dise a lunlotra “Veni! Nos va construi un site e un tore con sua testa en la sielo! E nos va fa un nom grande per nos afin nos no va es sperdeda tra tota la tera!”
5. E Iaue[¹] ia desende per vide la site e la tore cual la popla ia es construinte.
6. E Iaue ia dise “Vide! Los es sola un popla e los ave sola un lingua, e los ia pote fa esta! Aora, no cosa ce los ta atenta fa va es impedida!
7. “Veni! Nos va desende e nos va confusa sua lingua afin los no va pote comprende lunlotra!”
8. E Iaue ia sperde los tra la tota tera, e los ia sesa construi la site.
9. Par esta causa la loca es clamada Babel, car Iaue ia confusa la lingua de tota la tera, e de ala Iaue ia sperde la popla tra tota la tera.

---

[¹] Un nom orijinal composada de sola cuatro consonantes (YHWH) deveni asi cuatro vocales!