Senas

I

Per favore, no vade distante,
la luna es atestor e sabe
ce mea ama per tu es constante,
ce mea cor arde par tua besas,
ce tu depinta mea sielo con color,
ce, sin tu, mea vive sesa.

Me sola nesesa
es con tu per un instante,
e me debe confesa
ce tu ia cura me de depresa,
tu sabe ce me no es adulante,
ce me sola espresa,
ce me es sola afirmante,
mea ama sin sesa.

II

Cisa la anios pasa e nos no aprende
cisa, esta istoria, me debe repete,
lo resta en mea memoria,
lo resta,
tota cual me ia fa, e tu no responde,
me no sabe do tu asconde,
lo confonde me, tan multe silenti,
cuando tu no parla plu me sola pote asenti,
e me scrive esta versos per documenti
la pasa de la tempo e me no menti
cuando me dise ce me senti la manca de tua besas,
ancora me senti la manca de nosa caresas.

III

La note cade en la parce
e la arbores prepara se per dormi,
la note cade e la parce transformi
la avias comensa adormi,
silentia!,
aora es cuando la venta parla,
aora, la venta parla soflante,
la note cade, cade,
e me es solitar en la parce.
En la fondo on trova la palasio,
oji nun abita en acel spasio,
silentia!,
on sola escuta silentia
e xuxas de la pasada distante,
xuxas cual parla de asentia,
e on escuta la acua de la fonte
cual flue constante.
Me ave esta senti de felisia,
la note cade en la parce,
me joia esta lentia
con cual la vive pasa,
lo es la ora de reveni a casa,
do me es felis
con tua presentia.

IV

La venta trae odores maral,
la plaia bonveni nos con sua arena calda,
la rocas e la acua formi un coro natural,
me regarda la orizon esmeralda.

La gavotas jua con la venta,
tu jua con la spuma e con la ondas,
me clui mea oios e respira profonda,
asi la tempo pasa lenta.

V

La tren traversa la campos,
cual cambia sempre sua colores,
algas con trigo jala,
otras con vejetales verdin,
la venta trae lor odores
de frescia, cual joala!
Lo sembla un jardin.

VI

La tempo pare para en la eglesa,
cual, de tempos antica, regarda la orizon,
asi la ativia no sesa,
on trova sempre algun en la plazon.

La scultas regarda la pasores,
los no ave tempo per pausa,
los sempre es corsores,
de sua stresa los no conose la causa.

Asi la tempo no esiste,
un sola instante es eterna,
eterna es asi un momento,
sempre dias e notes alterna.

VII

La mar ancora bani la costas,
como lo fa sempre,
lo es eterna la venta cual jua con la arbores,
la ruas es la mesmas sur cual la pexores
ia pasea en tempos antica,
oji lo es la turistes, ci xerca
un esperia, la sol, la pas.

VIII

Me escuta la ondas de la lago
Lecco, como sempre, es oji calma,
tua silentia fa ce me sorti de mea sarcofago,
tu es medisin per mea alma.

La montes lasa la lago ensircada,
los es covreda de arbores verdin,
en la lago me lasa mea angusa afondada,
me regarda sua acuas lejendin.

IX

En tua vias on trova
la ama, Verona.

Site de ama,

>site do mea cor es sclavo

de sentis antica,
site do on no oculti nosa besas,
do on pote gusta nosa cimica,
do on perde se entre nosa caresas.

En tua vias on trova,
la ama, Verona.

X

Calmia en Ponte Venere,
on no ave tan multe turistes
como cuando on vade a Cinque Terre,
asi on pote vide la ondas,
e jua en la porto de la isola.
Asi, calmia e freta coesiste,
asi, la visitores con la abitores interfere
e los, en la vive local, afonda,
esta es, de calmia, la scola.