«透明エレジ», un canta VOCALOID composada par n-buna e cantada orijinal par GUMI.
n-buna ia publici lo a niconico en 2013 e a YouTube en 2017.
On pote trova la testo orijinal e traduida en Vocaloid Lyrics Wiki (nion e engles) e en 萌娘百科 (nion e xines).
Iarve ia gusta sempre esta canta. Ma la tradui no es sasiante, e lo nunca va pote es sasiante.
Nion es vera un lingua multe diferente comparada con elefen (e multe linguas european). Lo ave un ordina de parola de SOV, donce la testo traduida fali coresponde esata a la orijinal (a alga tempo no sola fali coresponde ma ance desacorda; lo permete (e proposa, o an esije) ometes de sintagmas, e tal ometes fa multe difisiles de tradui. Me mesma no parla bon nion, donce me nesesa consulta la traduis esistente, entre cual me ia vide multe diferes: deside cual es esata coreta no es posible, car cada es lojical, e cada pote es contra la sinifia orijinal: la ometes ia pone tro multe spasio per pleni. Con ce elefen no permete tal multe ometes, mea atenta per pleni pare nesesada ma nonsasiante.
La testo elefenida conteni multe “an” e “ance”, per coresponde a la frecuente aparente «も». En ajunta, la testo pote pare no tal elefen, par sua pratica nonatural, ance per coresponde a la stilo de nion. An tal, me deside pone la tradui asi, e me bonveni vosa coretis.
Tu sta solitar al nivel alta
La ombra osila sempre, sempre,
“Sempre, esce nosa ama es ja no plu trovable, vera?”
La sona de dise engolida
Para la respira
Solitar entre la stradas
La note pos sera miscada a basa de la garga
Aora permane cadente
La avenis de ier ia cade a oblida
La avenis de doman
Esce? On pote? Recorda los?
A, lo dole, dole, multe,
Tal vose es serta aora en envia
Me ia odia, odia tu, an tal
Si dise es erodeda nun ta oia lo
Ama? Falsa? Tal dolosia
E canta e color de sesdes-oto notes
Donce, aora nos debe fa adio
A lo cual me envia a tu
La vista ante la nivel alta
cade se a ombra, sempre, sempre,
“Sempre, esce nosa vose es ja no plu oiable, vera?”
La sona de dise erodeda
A interna de la parte profonda de un cor
En la lus de sielo matininte
Ancora solitar
Tu diafani denova
La bateta reduida a unuple par cor
Resona a media del sala cluida tensada
Dises resta, resta, nonvosida
Ma lo es serta ce me es a esta loca
Tu es ja estra, estra mea vide
An aora, me no pote desteni la lia
Lo dole, tal dolosia,
La diseda de la dia a interna de la orea
Aa, aora me debe fa adio
An a la voses de la tuas
He…
La dises cual me ia espeta al dia
adere ja a mea orea
Sutrae l’ emosia, “Bye, bye, bye”
Ma cua me ia espeta ja, cua?
Tra la anios con polvo cumulante
Me ia es, tu ia es, me ia es, sutraeda
Ancora, aa…
Al parte oscur, oscur, de mea cor
Es la asconderia de la veria
Lo es ja tarda, tro tarda aora
Sola aora me consensi
Me odia, odia tota,
Ta ce tu, ance me, tota, tota, tota,
“Diafani e desapare…”
An dises resta, resta, nonvosida
Tal vose es serta aora en resona
E me odia, odia, an aora
Si dise es tro prosima nun ta oia lo
Lo dole, tal dolosia
E canta e color de sesdes-oto notes
Donce, aora nos debe fa adio
A lo cual me envia a tu
Disolveda nel sielo de note – un
Elejia diafan’
Esta paje es presentada con la lisensa CC Attribution-Share Alike 4.0 International.
Lo ia es automata jenerada de la paje corespondente en la Vici de Elefen a 3 julio 2025 (10:19 UTC).