Capitol 7: Rabinovich e bolxevices

83

En tempo de la PEN,[¹] Rabinovich ia es invitada a la Txeca.[²]

“Corente la sosialisme es en construi, ma nos encontra difisiles finansial. Nos depende de tu, camerada Rabinovich. Serta tu asconde alga cosas de oro. Saisi.”

“Me debe demanda de mea sposa prima.”

En la dia seguente, el es invitada denova – “Como tua sposa ia dise, camerada Rabinovich?”

“El ia dise – ‘No lasa los. Me no ave cualce mone ance, alora me no va construi lo!’”

84

Rabinovich es interogada par la Txeca.

“Do es tu en 1917?”

“En Berdychiv.”

“Do es tu en 1918?”

“En Zhytomyr.”[³]

“Tu va es detenida asta cuando on clari tota casos.”

“Esce me pote fa un demanda?”

“Per favore!”

“Do es tu en 1894?”

“E perce tu es es interesada par esta?”

“No, no cosa, sola lo aveni … Lo aveni ce un epidemica de colera ia eruta en Rusia a acel tempo …”

85

“Me no acorda la bolxevices sola sur problemes cultival.” – Rabinovich ia dise – “Los vole ce me reposa sur la tera, ma me vole ce los reclina en la tera!”

86

Rabinovich, marxante con la parade per Novembre ante la cioscos, leva sua mano e cria –

“Saluta zelosa! Saluta zelosa!”

“Rabinovich, de cual tempo ce tu ama los tan?” – Abramovich, paseante a lado, demanda cuieta.

“Me no pote mera dise – ‘Ta ce tu arde!’”

87

Rabinovich vide un camel a la ves prima.

“Imajina: cua los ia fa a la cavalo!”

88

“Vide, Rabinovich, u la sielo bela!”

“Si,” – Rabinovich dise sin leva sua testa – “Los es capas de fabrica lo!”

89

Rabinovich ia es espulsada de la Partito. El esperia un sonia: Israel declara un gera contra la Uni Soviet e vinse lo. Moshe Dayan sta a la plataforma de la Mausoleo, e iudis soviet parade a fronto de el. Los scande –

“Restora Rabinovich! Restora Rabinovich!”

90

Rabinovich es espulsada de la Partito par causa de tre atacas scandalosa:

1. Cuando la secretor de la ofisia de partito ia vade a sua ofisia, el ia vide ambos depintas de Khrushchev e Brezhnev sur la mur.
   “Perce tu no sutrae acel fol ja?” – la secretor ia demanda.
   “Cual?” – Rabinovich ia demanda.
2. Pos vide la funera grande de un membro de la Ofisia Political, Rabinovich ia dise –
   “Un tal peri de reserva! Me ta pote entera totas de la Comite Sentral con tan multe mone!”
3. La secretor ia demanda perce Rabinovich no ia es presente a la asembla final de la Partito.
   “Si me conose lo es la final!”

91

“Rabinovich, aora tu deveni un membro de la Partito!”

Rabinovich regarda sua pedes con asusta –

“Do?!!”

92

On ia ave faraones e iudis. La faraones ia mori, e la iudis ia permane. On ia ave incuisisiores e iudis. La incuisisiores ia mori, e la iudis ia permane. On ia ave nazis e iudis. La nazis ia mori, e la iudis ia permane. Aora, on ave comunistes e iudis …

“Cua tu vole dise?”

“No cosa! La iudis ateni ja sua final …!”

93

Khaimovich prosimi Rabinovich, ci lege un jornal con un espresa lamentin.

“Ci ia mori, ci?!” – Khaimovich demanda, esperosa.

“Ai, el es Pompidou …!” – Rabinovich dise, deludeda.

94

Rabinovich vade a la jornaleria a cada dia. El va prende un copia de Pravda[⁴], leje sua paje prima, e redona lo sin compra. Pos alga dias, la vendor demanda a el ce cua tu vole xerca.

“Anunsia de mori.”

“Anunsias de mori es primida a la paje ultima.”

“La anunsia de mori cual me espeta ta es serta en la paje prima!”

---

[¹] La Politica Economial Nova.

[²] Txeca ia es la polisia secreta de la Rusia Soviet. On usual nomi lo “Txeca” (cual veni de “ЧК” en rusce) en modo nonformal car lor nom completa es asustante longa: Comision Estracomun Pan-Rusia per Combate Contrarevolui e Sabota su la Consilio de Delegada Poplal de la Republica Sosialiste Federal Soviet de Rusia!

[³] Ambos es sites en Ucraina.

[⁴] Правда, La jornal de governa de la URSS.