Eseta ≠ estra

Eseta es un verbo. Lo sinifia “restrinje (un person o cosa) de pertine a un regula, de parteni un grupo, o simil”:

• Tota persones es bobo. Me eseta los ci leje esta paje.

Como cada verbo en elefen, eseta es ance (e plu frecuente) un nom:

• Tu es la eseta de la regula.

(On dise eseta de, no eseta a, car eseta conteni xef la idea de separa, talia, esclui.)

Ma, cisa su influe de engles, on era comun par usa eseta como un preposada:

• Tota lejores eseta tu es bobo.

Elefen ave a la min tre modos coreta per espresa esta preposada:

• Tota lejores estra tu es bobo.
• Tota lejores con eseta de tu es bobo.
• Tota lejores esetante tu es bobo.