a = la letera prima de la alfabeta roman, e sua nom; la nota ses de la scala diatonica de C major
a = indicante un loca o tempo como un punto simple
a = indicante la punto de refere en un relata
a = indicante la loca, resetor o state cual on ateni o vole ateni par un move o cambia
a = indicante un ata cual on asinia a la ojeto presedente
a = clarinte ce un otra preposada, direta seguente, indica un loca cual on ateni o vole ateni
a = cambiante un otra preposada, direta seguente e no segueda par un nom, a un averbo
a = espresante ce on es surprendeda, ce on comprende subita, o un otra reata simil
a- = non-, sin; en dirije a
-a = ajuntada a alga nomes mas con la coda `-o` per nomi la fema corespondente; ajuntada a la nom de un arbor con la coda `-o` per formi la nom de sua fruta o noza, cual es ance usada en alga casos como un ajetivo de color
aa. = ante aora
AA = ante aora
AAU = Amirias Arabi Unida
abaco = un util per calcula con perletas liscable; un bloco plata sur la capital de un colona, cual suporta la arcitrava
abade = la xef de un grupo de monces mas
abadesa = la xef de un grupo de monces fema
abaia = cria forte e subita, como un can o avia
abaieta = cria forte e alta, como un can peti
abalia = sieci o aturdi tempora (algun) par un lus forte
abalon = un molusco comable de mares calda, con conca foreda con nacre e perforada per respira
abandona = lasa (algun) en solitaria o sin aida; sesa labora a (un taxe); (un program) sesa espeta (un responde) pos un tempo definida
Abcazia = un teritorio autonom de Sacartvelo
abea = un inseto volante e picante cual colie netar e polen de flores e produi miel e sira
abeon = un abea grande e pelosa cual zumbi forte
Abel = la fio du de Adam e Eva
abeto = un arbor perene e conifer con conos vertical e folias cual sembla agetas
Abisinia = un impero istorial, composada de Ertra moderna e la dui norde de Itiopia
abiso = un profondon parente sin fondo; (metafor) un distantia grande entre du ideas o situas
abita = usa (un loca) como sua casa
abitada = la ambiente do un spesie de animal abita tipal
abiteria = un sala o casa do un person abita
coabita = abita con lunlotra
abitua = comensa ave un tende forte (a un condui) pos multe repetes; deveni fisical dependente (de un droga)
abitua = fa ce (algun) deveni abituada
abjad = un sistem de scrive con sinias per consonantes ma no per vocales
ablativa = un caso gramatical cual indica moves a via
-able = ajuntada a un verbo transitiva per formi un ajetivo descrivente un person o cosa a cual on pote fa la ata, o cual merita es tal tratada
aboli = elimina ofisial la esiste de (un lege o costum)
abolisme = la crede ce on debe aboli un lege o costum spesifiada
aborda = (un veculo, tipal un nave) prosimi (a un otra) o ariva (a un molo); (un person) vade a lado de (un person o cosa) per intercomunica o interata; (metafor) emprende (un studia, labora, problem, discute, etc)
aborta = sesa prematur; pari prematur un feto noncapas de vive
abortiste = credente ce on no debe proibi abortas intendeda de fetos
abracadabra = diseda par un majiste en fa un truco
Abraham = la patriarca comun de cristiania, islam, iudisme e alga otra relijios
abrasa = teni (algun) entre sua brasos, tipal per mostra ama; aseta forte e zelosa (un idea o crede)
abrasador = un fisador cual presa forte a la esterna de ojetos per forti o uni los
abrasador fisada = un util con du mandibulas plana, fisada a un table, cual impedi la move de la ojeto a cual on labora
abri = (un porte o contenador) deveni noncluida, permetente ce on pasa tra lo o asede sua contenidas; (un veste) deveni desfisada o desliada; (un valva o flue eletrical) comensa funsiona
abri = un ata de abri; un spasio o buco do on pote entra
abribote = un util per abri botes de comeda
abribotela = un util per abri botelas par deseli la covrente
abrioio = un descovre o revela surprendente
abrisita = un sinia de puntua introduinte un parola o frase sitada
abrivia = la person prima ci esplora un loca o idea
de fonte abrida = (un program) cui codigo de fonte es libre disponable
abricoco = un arbor cual produi abricocas
abricoca = un fruta mol e oranin jala, simil a un pesca peti
abrotano = un artemisia brosin de Europa sude
Abudabi = la site capital de la Amirias Arabi Unida
abugida = un sistem de scrive cual indica vocales par ajunta sinietas a la sinias per consonantes
Abuja = la site capital de Nijeria
abunda = esiste en un cuantia grande e sufisinte
suprabunda = esiste en un cuantia multe plu ca sufisinte
Golfo Acaba = la estende norde-ueste de la Mar Roja
acad = pertinente a la impero de la site Acad en Mesopotamia antica
academia = un organiza distinguida de espertas, artistes o siensistes; un scola spesialida
academial = pertinente a educa e aprende
academin = (un demanda) mera teorial
Acadia = un colonia franses en la norde-este de America Norde cual ia inclui partes de Quebec este, la provinses maral de Canada, e la stato Maine asta la Rio Kennebec
acan = pertinente a un popla major de Gana sude o a sua grupo de dialetos
acantisita = un avia pico e pasarin de Zeland Nova
acanto = un planta florinte con folias spinosa, trovada en Asia e la Mediteraneo
acantosefalo = un membro de un filo de vermes parasito, con spinas e un proboside eversable
acariase = un maladia de la pel de mamales, causada par acaros parasito, con pruri, perde de pelo, e formi de crostas
acaro = un aracnido pico cual es un parasito
acasia = un arbor o arboreta de climas calda, con flores blanca o jala
acaso = aveninte en modo o ordina nonpredisable
acasisme = la esplota egosa e consensa de la situas cual aveni
acasiste = esplotante en modo egosa la situas cual aveni
bon acaso = un bon aveni nonpredisable
acc. = ance conoseda como
ACC = ance conoseda como
Acea = un provinse en Elas
acean = un membro de la popla de Acea; (en Homero) un person elinica
acel = cual nos vide ala; cual nos ia indica ja
acemenan = pertinente a la Impero Persian Prima entre la sentenios 6 e 4 AEC
acenio = un fruta peti e seca, con sola un seme, cual no abri per relasa la seme
Acitania = un rejion e provinse pasada de Frans sude-ueste; un duxia en la eda medieval
aclama = loda o coraji con crias zelosa
acne = un inflama de la glandes sebosa cual crea pustulas roja a la pel
acompania = viaja con (algun); aveni a la mesma tempo como; canta o jua un melodia fondal per suporta (la melodia xef)
acompania = un ata de acompania; un grupo de persones ci acompania lunlotra
acompaniable = amin e sosial
Aconcagua, Monte = la monte la plu grande estra Asia, en la Andes de Arjentina
aconito = un planta venenosa con flores de forma elmin
acorda = ave la mesma opina con algun (sur alga cosa); es coerente con alga cosa; dise ce on va (fa un ata)
acorda = armonia de opina; un grupo de notas armoniosa cual sona en junta; un cambia a la infleta de un parola, refletante un otra parola a cual lo relata
acorda formal = un deside negosiada e tipal obligante par lege
acordable = (aparatos o programes) capas de coesiste sin problemes
acordion = un strumento musical de venta cual on compresa e descompresa con sua manos, creante un melodia con teclas
Acra = la site capital de Gana
acre = un unia vea de area, con definis diversa, ma aprosima 40% de un ectare, o 1/640 de un milia cuadrida
acrete = crese par cumula o fusa
acrilica = un sustantia, tipal un stofa o pinta, fabricada de un resina sinteseda de un polimer de asida acrilica
acro- = la plu alta
acrofobia = un teme estrema o nonrazonada de locas alta
acromion = un protende ososa sur la scapula
acronim = un parola formida par junta la leteras inisial de otra parolas, como `laser` o `radar`
acrostica = un testo en cual la leteras, silabas o parolas prima de cada linia o paragraf formi un mesaje ascondeda
acrotera = un sculta suportada par un plataforma a la apico de la fronton de un construida clasica
acrupi = sta en posa basa con jenos pliada; senta sur sua talones; basi rapida (sua testa o corpo) per evita un colpa o per no es videda par otras
Acsum = un site en Itiopia norde, la capital de la Rena de Acsum entre la sentenios 1 e 6 EC
actina = un protena composante de sarcomeros
actinica = capas de causa reatas fotocimical, como en fotografia
actinido = cada de un serie de 15 elementos metal entre actinio e laurensio
actinio = la elemento cimical con numero atomal 89, un metal radioativa
acua = la licuida cual formi la mares, la lagos, la rios e la pluve, e es esensal per tota organismes conoseda
acua- = acua
acua de calce = un disolve de calce en acua, o simil, usada como un pinta blanca
acua de rosa = acua bonodorinte, fabricada con petales de rosa
acua dulse = acua nonsalosa
acua mineral = acua natural en cual minerales es disolveda
acua salosa = acua en cual sal es disolveda, como en mares
acueria = un tance o grupo de tances conteninte animales e plantas acual
acui = ajunta acua a
acuin = (un sustantia) simil a acua, spesial en relata a sua capasia de flue
acuor = un person ci trae acua
Acuor = un constela grande de la zodiaco, entre la Capra e la Pexes
acuosa = conteninte o empapada con multe acua
semiacual = abitante e en acua e sur tera
acuarela = un pinta artiste composada de un pigmento suspendeda en un sustantia disolvable en acua
acuavit = un bevida scandinavian de alcol, preparada de patatas
acuifer = un strato de roca permeable e capas de porta acua
acusa = dise ce (algun) ia ofende o fa un crimin
malacusa = dana la reputa de (algun) par publici un declara falsa sur el
acusativa = un caso gramatical cual indica ojetos direta
acustica = la ramo de fisica cual studia sonas e la persepi de los
acuta = (un maladia) intensa ma de dura corta
adajio = (un musica) lenta juada con rapidia entre 44 e 68 pulsas per minuto
Adam = un nom mas, incluinte de la umana prima en la Biblia
adata = cambia per deveni plu conveninte a un situa, ambiente o usa nova
adata = fa ce (alga cosa) deveni plu conveninte a un situa, ambiente o usa nova; converti (un obra de leteratur, per esemplo un novela) a un presenta diferente (per esemplo un filma)
adatal = pertinente o tendente a ajusta
Golfo Aden = un golfo entre Iaman e Somalia
adenina = un de la nucleotidos en ADN e ARN
adenoide = un masa grandida de texeda limfal entre la garga e la retro de la nas
adere = es colida (a un surfas)
aderor = un suportor fidosa de un person o idea
nonaderente = (un util de cosini) covreda con un sustantia cual impedi la adere de comedas
adiabatica = no permetente ce caldia entra a o sorti de un sistem
adio = diseda cuando on parti per un tempo longa
adipos = (texeda anatomial) usada per reserva gras
adirije = indica la resetor intendeda sur (un cosa enviada); dirije (sua parla o mesaje) a algun
adirije = un descrive consisa de la loca de un construida o aparte, tipal incluinte nomes de stradas e areas jeografial; un cadena de sinias cual identifia unica un fix en un computador o rede; un intero cual identifia unica un loca en la memoria de un computador; un parla formal a un person o grupo
Adisababa = la site capital de Itiopia
adjica = un salsa caucasian, preparada de peperon roja, alio e erbas de cosini
ADN = asida desosiribonucleal
ADN-m = ADN de la mitocondrio
ADN-y = ADN de la cromosoma y
adobe = un spesie de arjila usada per crea brices cual on seci su sol
adolese = (un person) developa de un enfante a un adulte
adomen = la parte de la corpo cual conteni la organos de dijesta e reprodui
adonis = un om joven bela
-ador = ajuntada per nomi un macina o util (o, en alga casos, un droga) cual fa la ata de un verbo, produi o usa un nom, o aplica la cualia de un ajetivo
adora = mostra onora a (un dio); ama forte
adormi = comensa dormi
adorminte = un medisin per aida la dormi
adota = prende legal (un enfante de otras) e eleva el como sua propre; deside usa (un condui, opina o lingua) como sua propre
adrenalina = un ormon secreteda par la glandes suprarenal, tipal en states de stresa, aumentante la rapidias de sirculi de sangue, respira e metaboli de carboidratos, e preparante la musculos per ativia
adriatica = pertinente a la rejion composada par la Mar Adriatica e sua costas e isolas, entre Italia e la Balcanes
Mar Adriatica = un mar entre Italia e Hervatsca
adron = un particula suatomal, composada de cuarces liada par la forsa nucleal forte
adsorbe = (un solida) teni (moleculas de gas o licuida) como un filma magra a sua surfas
adui = (un musculo) move (un membro) en dirije a la linia media de simetria de la corpo
aduador = un musculo cual adui
adula = loda multe (algun) en modo umil per atenta boni sua situa
adulte = ci ia fini crese e adolese
adultera = redui la cualia de (un sustantia) par ajunta un otra sustantia; (un person sposida) copula con algun a ci el no es sposida (adulterante la sposia)
adventisme = un ramo de protestantisme cual crede ce Cristo va reveni
aec. = ante la eda comun
AEC = ante la eda comun
aesir = la panteon xef de la mitolojia nordica
afasia = un noncapasia de parla o comprende la parla, pos dana serebral
afelio = la loca en la orbita de un ojeto do lo es la plu distante de la Sol
aferese = la omete de un o plu fonemes o silabas a la comensa de un parola
afeta = fa un efeto a; cambia la state de
Afganistan = un pais en Asia sude e Asia sentral
afidavit = un declara scriveda e jurada, usada como atesta en un corte legal
afido = un inseto peti cual suca la sava de plantas
afin = intendente ce, con gol ce
afina = permetente o conservante relatas paralel
afirma = declara formal
afisa = ajunta (un cosa), fisante lo a un otra cosa; ajunta (un fix) a un eposta; ajunta (un prefisa o sufisa) a un parola per altera sua sinifia
afluente = un rio o rieta cual flue a un lago o rio plu grande
afoca = sofoca pos sumerje en licuida
afonda = (un barco o simil) sumerje, tipal pos la enflue de acua; desende lenta
afonia = un noncapasia de parla pos dana a la larinje o boca
aforisme = un declara, tipal corta, cual conteni un vera jeneral, comun comprendeda como saja o astuta
Africa = la continente du de la plu grandes de mundo, a sude de Europa
panafrican = pertinente a tota nasiones de Africa o a tota persones de desende african
africaner = pertinente a un etnico blanca de Sudafrica, parlante africans
africans = pertinente a un lingua de Sudafrica, desendente de un forma de nederlandes
africante = (un consonante) cual comensa como un esplodente e fini como un fricante
afro = con capeles cual sembla un nube ronda de risas
afro- = african
afrodisica = stimulante la desira sesal
agape = ama cristian; un come comunial cristian
agar = un materia jelatin de alges, usada per densi comedas o per cultiva baterias
agarico = un fungo con corpo frutinte cual sembla un xampinion, con xapeta convesa o plata con laminas a la fondo
agata = un varia dur de cuarzo, tipal con aspeta raiosa
agave = un planta suculente de Mexico, con spigas alta florinte e rosetas de folias streta e spinosa
agila = un avia xasante, con beco oncin e alas longa e larga
agila de mar = un avia xasante ci come pexes, con alas longa e streta, e ventre e testa blanca
Agila = un constela ecuatoral
agileta = un agila enfante
agilon = un sceleto lejera covreda con un materia magra, cual on vola en la venta a la fini de un filo longa
aglutina = combina (morfemes semantical) per formi un parola nova
agnosia = un noncapasia de interprete sensas e donce de reconose cosas, tipal resultante de dana serebral
ago = un util de cose, simil a un basteta multe streta, con un punto agu a un fini e un buco per un filo a la otra; la indicador de un orolojo o busola
ago de pino = un folia streta, rijida e agu de un pino
ageta = un frato peti, magra e agu
ageti = rompe, deveninte agetas
agonia = es entre vive e moria, en la state ultima de un malada o de un ferida ante sua mori
agonia = un state entre vive e moria; la luta ultima de la natur contra la mori
agoniste = un cimical cual stimula un responde fisiolojial; un musculo cui contraes move un parte de la corpo
agopuntur = un tecnica de medica alternativa en cual on pone agos en la pel
agora = (en Elas antica) un plaza publica per asemblas e mercatos
agorafobia = un ansia nonormal sentida en locas vasta o publica
agosto = la mense oto de la calendario gregorian
-agra = dole subita
agrega = (partes diversa) combina per formi un intera
agrega = un ata de agrega; la intera cual resulta de agrega
agresiva = con un tende per ata o reata con coleria o forsa
agrimonia = un planta en familia de rosa, con spigas magra de flores e frutas spinosa
agrocimica = la ramo de cimica cual pertine a cultiva
agronomia = la siensa de maneja la cualia de tera e produi cultivas
agu = con lama o punto capas de talia; (un sensa o mente) cual persepi eselente e rapida; con un odor o sabor forte o spisosa cual pare pica la nas o la lingua; (un angulo) de min ca 90 grados; (un sinieta) avente la forma videda en leteras como é e ś
aguti = un rodente american con oreas e coda multe corta
aha = espresante ce on comprende subita o ia fa un descovre
ahimsa = (en budisme, induisme e jainisme) la prinsipe de respeta tota organismes e evita violentia
ai = espresante tristia o compatia
aiai = un lemur con dentes rodente e un dito media longa e streta per estrae larvas de arbores
aiatola = un autoriosa en islam xia, spesial en Iran
aicido = un arte militar o autodefende nion cual redirije la atacas de la oposor
aicidoca = un praticor de aicido
aida = fasili la taxe de (algun) par partisipa en lo; fa ce (un situa o problem) deveni plu bon
aida medical = un furni organizada de cura medical a individuas o comunias
aida sosial = un suporta finansial per boni la state fisical e material de persones povre
aidador = un interfas cual presenta un serie de fenetras cual gida la usor tra un taxe
aidador personal = un computador portable, usada per organiza informa personal de la usor
aidamemoria = un nota per fa ce on recorda
aidaoia = un aparato per aumenta sonas, portada sur la orea de un person partal sorda
aidapasea = un strutur usada per persones descapasida o malada per suporta cuando los pasea
aidaservor = un laboror en un restorante ci prepara e limpi la tables
aidasolve = un indica per aida solve un problem o enigma
aidor de jeneral = un ofisior ci aida un jeneral, per esemplo sur temas manejal
aidosa = furninte aida; capas de furni aida
autoaida = un boni de la sabes o personalia de algun par sua propre laboras
ailanto = un arbor alta e caduca con folias grande, de Asia e Australia
ainstainio = la elemento cimical con numero atomal 99
aira = la gas nonvidable cual ensirca la Tera, xef composada de nitrojen e osijen; (nonformal) la clima
airador = un tubo tra cual un nador respira su la acua
airi = refresci (un sala o stofa) par esposa lo a aira fresca
airosa = spasiosa e conteninte aira fresca
sin aira = conteninte no aira; forte enspirante pos eserse fisical
airo- = aira
airobio = un organisme capas de crese e survive en osijen
eserse airobial = eserse enerjiosa cual boni la sistem cardiovascular
nonairobio = un organisme capas de crese e survive sin osijen
airobiose = cualce forma de vive sustada par la presentia de aira o osijen
airograf = un aparato usada par artistes per jeta pinta par aira compresada
airojel = un materia solida con densia multe basa, produida par sutrae la composante licuida de un jel normal
airolito = un meteorite rocosa, composada xef de silicatos
airolojia = la siensa de la atmosfera
aironautica = la pratica o siensa de viaja tra la aira
airosol = un suspende de particulas solida o licuida en un gas
airostato = un balon o otra veculo de aira, suportada par un corpo de gas (tipal elio) cual es plu lejera ca aira
Aiti = un pais de la Mar Caribe
ajena = ave un posa vertical, suportada sur sua jeno o jenos
ajenda = un libro en cual on nota la taxes cual on intende fa
ajente = un person ci ata per un otra, tipal negosiante entre du persones o organizas
ajente de aposta = un person ci aseta apostas, calcula probablias e paia la ganias
ajente de asiones = un person en un asioneria ci compra e vende titulos finansial per un otra
ajente de imobila = un person ci vende o lua imobila per un otra
ajente media = un person ci compra benes de produores e vende los a consumores
ajenteria = un loca o organiza en cual ajentes labora; un departe comersial o political con alga autonomia
ajenteria de aida = un organiza carital cual furni aida umaniste a paises povre o pos desastres
ajenteria de compensa = un loca sentral do bancos e otra companias intercambia xeces, salda contas, etc
ajetivo = un parola descrivente, tipal usada per altera un nom o sintagma nomin
ajil = (un person o animal) capas de move rapida e fasil
ajiografia = la studia istorial de la vives de la santas
ajita = fa ce (algun) senti ansia
ajitprop = propaganda political, spesial en arte o leteratur
ajunta = pone (un cosa) tal ce lo combina con un otra
ajusta = cambia pico per coreti se
al = a la
-al = ajuntada a un nom per formi un ajetivo descrivente un person o cosa cual pertine jeneral a la nom
-al = forminte nomes de alga aldehidos
ala = en acel loca; a acel loca
ala = un parte de corpo cual un animal move per vola; un strutur rijida e orizonal a cada lado de un avion cual suporta lo en la aira; un parte de un construida grande, tipal protendente; la lado de un stadio teatral, nonvidable per la regardores; un peso plata cual pende o covre un abri, liada a sola un lado
alaroja = un turdo de Eurasia con alas roja
alaroja american = un avia de America Norde, negra con bandas de roja, orania e jala a la spalas
aleta = un membro larga sin ditos, par cual alga bestias de mar nada; un surfas xarnierida en la lado codal de un ala de avion
aleta de coda = cada de la du lobes de la coda de un balena
aleta fronte = un ala peti a la fronte de un veculo (tipal un avion)
alor = un juor atacante ci funsiona prosima a la lado de campo; un pilote de un avion locada pos e a lado de la avion gidante en un forma
Alabama = un stato en la SUA sude-este
alabarda = un arma cual combina un axa e un lansia
alabastro = un forma de jeso diafana, tipal blanca, con venas peti, comun siselida per crea ornas
alantoide = la membrana fetal su la corion en multe vertebratos
alarma = fa ce (algun) senti asustada, turbada o perilida
Alaska = la stato la plu grande de la SUA, con costas a la Mar Artica e la Mar Bering
Golfo Alaska = un golfo a sude de Alaska, un parte de la Mar Pasifica
alaui = pertinente a un grupo de muslimes xia, de ci la plu abita en Suria
alawi = pertinente a un grupo de muslimes xia, de ci la plu abita en Suria
Alba = un pais en la Rena Unida norde, orijinal un nasion separada
Albania = un otra nom per Xciperia
albatros = un avia de mar, multe grande, con alas longa e magra
albedo = la proportio de lus o radia, tipal de un planeta o luna, cual un surfas refleta
Albert, Lago = un lago en Africa este-sentral entre la Republica Democrata de Congo e Uganda
Alberta = un provinse de Canada sentral
albino = (un person o animal) con asentia jenetical de pigmento en sua pel, capeles e oios
Alboran, Mar = un mar entre Espania e Magrib
album = un libro per colie fotos, selos o imajes; un colie de rejistras musical, publicida como un ben singular
albumen = la parte blanca de la interna de un ovo; la protena cual lo conteni
albumina = un protena simple, disolvable en acua e coagulable par caldi, trovada en albumen, lete e sero sangual
alburno = un pex peti, arjentin e sosial en familia de pexeta
alca = un avia de mar con alas corta, trovada en mares norde, tipal con testa e dorso negra e peto blanca
alcalifilia = la capasia de un bateria de vive en ambientes multe alcalin
alcalimetre = un strumento per mesura alcalinia
alcalin = (un sustantia) cual blui paper de pH, e neutri asidas o bola cuando on misca lo con los
alcaloide = cualce de alga composadas organica nitrojenosa, derivada de plantas e incluinte multe drogas e venenas, cual ave efetos forte a umanas
alcalose = un maladia en cual la texedas o licuidas de corpo es tro alcalin, causante debilia o crampos
alcano = un idrocarbono saturada nonsiclin (metano, etano, propano)
alcazar = un fortres moro en Espania o Portugal
alce = un servo grande con cornos palmin, trovada en paises norde
alcen = un idrocarbono nonsaturada con minima un lia duple de carbono
alcil = un radical de idrocarbono derivada de un alcano par sutrae un atom de idrojen
alcimica = la siensa medieval cual ia presede cimica, atentante muta un elemento a un otra
alcin = un idrocarbono nonsaturada con minima un lia truple de carbono
alcol = un nom comun per etanol; un composada organica con a la min un grupo idrosil liada a un atom de carbono cual no es un parte de cualce anelo aromal
alcoleta = un bevida saborida con cuantia peti de alcol
alcolomania = un abitua fisical e mental de la usa de alcol, tipal sin la capasia de sesa sin mal efetos
alcolometre = un aparato usada par la polisia per mesura la cuantia de alcol en la respira de un motoriste
alcova = un spasio peti creada par un parte retirada de la resta de un mur; un loca privata o secreta
alcova de arbores = un spasio ombrosa formida par arbores
alcova de jardin = un loca ombrosa per senta en un jardin, ensircada par plantas
aldehido = de o pertinente a la radis -CHO
aldehido = un composada organica con a la min un grupo aldehido liada a un atom de carbono
aldosterona = un ormon corticosteroide cual stimula la asorbe de sodio par la renes, per regula la ecuilibra de acua e sal
ale = un spesie de bir preparada par fermenta calda, con sabor dulse e frutosa
alef = la letera prima de la alfabeta ivri
alega = declara ce algun ia fa (un ata) mal o criminal, tipal sin atestas
alegoria = un nara, poesia o imaje cual conteni un sinifia ascondeda, tipal moral o political
alegro = (un musica) rapida juada con rapidia entre 100 e 156 pulsas per minuto
alelo = cada de du o plu formas de un jen cual apare par muta e es trovada a la mesma loca en un cromosoma
aleluia = espresante adora de o grasia a Dio
aleluya = espresante adora de o grasia a Dio
alemande = un dansa deutx; un musica per esta, spesial como un move en un suite; un turna con brasos o manos liada
alena = un util peti e puntida per perfora un materia como cuoro o lenio
alerce = un arbor sempreverde de la jenero Fitzroya, en familia de sipres
alerjen = (un sustantia) causante un alerjia
alerjia = un reata danante en la sistem imunial a un sustantia vera nonosiva, tipal un comeda o polvo
aletera = (un frase o linia de poesia) conteni parolas con la mesma sona o letera inisial
aleuron = protena retenida como granetas en la selulas de semes de plantas
aleut = pertinente a la popla de la Isolas Aleutian e otra isolas en la Mar Bering e partes de Alaska ueste, o a sua lingua
aleutian = pertinente a un cadena de isolas volcanal cual estende a sude-ueste de la penisola alaskan
Alexandria = la porto xef de Misre, fundida en 332 AEC par Alexandro la Grande, e un sentro major de la cultur eliniste
alexandrin = (un linia de poesia) con ses pedes iambal
alexia = un noncapasia de reconose o leje parolas, tipal par causa de dana serebral
alfa = la letera prima de la alfabeta elinica; la membro dominante de un grupo
alfabeta = un serie de leteras o simboles en un ordina fisada, usada per representa la sonas fundal de un lingua, tipal un serie de simboles per e consonantes e vocales
alfabeta roman = la serie de leteras de A asta Z, la sistem de scrive la plu comun en la mundo moderna
alfajor = un comedeta dulse de rejiones andalus e latina
alfalfa = un legum con flores bluin e folias simil a trefolias, comun cultivada per nuri bestias
alfanumeral = composada de sola leteras e dijitos
alga = referente a un person o cosa nonidentifiada, o un cuantia nonesata ma relativa peti
alga = a alga grado
alge = un planta simple, con clorofila ma sin radises, talos, folias, flores e texeda vascular, tipal trovada en acua
algoncian = pertinente a un familia de linguas de la americanes nativa, parlada en Canada este e sentral, la SUA norde-sentral, e la costa de la Mar Atlantica
algoncin = un lingua en la familia algoncian
algoritmo = un serie de pasos macinal per fa un calcula o solve un problem
algun = alga person
alia = (un person, grupo o nasion) coopera con un otra per benefica ambos; (metales) misca per formi un metal nova, tipal plu forte o min corodente
alias = un identia falsa o finjeda; un nom alternativa per un arcivo o comanda en un computador; cada de un grupo de siniales cual deveni identica cuando on sample los
aliasi = (en prosede audio e video) fa ce (siniales diferente) deveni nondistinguable de lunlotra
alibi = un declara o atesta ce algun no ia es presente a un ata, tipal criminal
alicuota = (un numero) cual divide esata un otra
alicuota = un parte alicuota de un numero; (en cimica) un parte de la cuantia completa de un disolve o suspende
alidada = un aparato per determina dirijes o mesura angulos
aliena = fa ce (algun) senti isolida e separada; dona (diretos de propria) a un otra person o grupo
aligator = un retil grande e semiacual, simil a un crocodil ma con testa plu larga e corta, nativa de la Americas e Jonguo
alinia = es en linia reta; es coreta locada en relata a un otra cosa
alio = un planta en familia de onion; la bulbo de esta, con odor e sabor multe forte, usada en cosini
alise = un venta, spesial a mar, cual move constante en dirije a la ecuator, de la norde-este en la emisfera norde e de la sude-este en la emisfera sude
alitose = respira malodorosa
aljebra = un ramo de matematica cual usa leteras e otra simboles per representa valuas en formulas e egalis
Aljer = un otra nom per la site Jazair
aljeran = de la site Aljer/Jazair
aljeran = un abitor de la site Aljer/Jazair
Aljeria = un otra nom per la pais Jazair
aljerian = de la pais Aljeria/Jazair
aljerian = person o lingua de la pais Aljeria/Jazair
-aljia = dole
alma = la parte spirital o nonfisical de un person o animal, regardada como la esense de la person o animal e capas de survive la mori
alma jemelo = un person con ci on ave un simpatia spirital unica profonda
almanaco = un calendario anial cual inclui datas importante, datos astronomial, tables de mareas, etc
alno = un arbor comun en familia de betul, con folias dentosa, amentos mas e conos fema
alo = salutante algun o revelante sua presentia
alo- = otra
aloata = un simia con coda prensil e un cria forte e ululante, nativa de la tropicos de America
aloda = un avia cantante peti, con plumas de bandetas brun, cual canta volante
aloe = un planta suculente, usada en medica, tipal con roseta de folias pulposa e dentosa, e flores tubo o campanin sur talos longa
Alofi = la site capital de Niue
alofon = (un de la realis fonetical de un fonem en un lingua) cual no pote contribui a diferes de sinifia
alojen = pertinente a la elementos fluor, cloro, bromo, iodo e astato
alopatia = la trata normal de maladias, usante medisines con efetos cual oposa la sintomes
alora = a acel ora, a acel tempo, a la tempo pertinente, no aora; donce
alora = donce
alosa = un pex, simil a un arenge, cual abita en la mar ma vade a rios per ovipari
alosa arengin = un pex de la Mar Atlantica norde-ueste, en familia de arenga, cual nada contra la corente de rios per ovipari
alosauro = un dinosauro grande, bipede e carnivor de la tarda de la jurasica
alotropo = (un elemento) con du o plu strutures moleculal clar diferente
alotropo = cada de du o plu formas de la mesma elemento, con strutures moleculal clar diferente
alpaca = un mamal domada de America Sude, con capeles longa, relatada a la liama, valuada per sua lana; lana o stofa fabricada de esta
alpe = un monte alta con pastos, tipal con neva a sua apico
Alpes = un cadena de montes en Suiz, Lixtenstain, Osteraic, Deutxland sude, Frans este e Italia norde
Alsas = un rejion en la norde-este de Frans
alsea = un planta alta eurasian en familia de malva
alselafo = un antilope grande de Africa, en familia de gnu, con testa longa e dorso inclinada
alta = con multe estende a supra; situada a un distantia grande supra la tera, la mar, o un otra punto de refere; (un parte) situada supra la loca tipal; con grado o prestijia plu ca la majoria; con custa plu ca normal; (un tono) con frecuentia grande
alti par du metres = gania du metres de altia
Montes Altai = un cadena de montes en Asia sentral cual estende tra sirca 1600km de Cazacstan asta Mongol ueste e Jonguo norde
altaica = pertinente a un familia proposada de linguas cual inclui turces, mongol e otras en Asia norde
altar = un table o bloco plana, usada como la foca de rituos relijiosa, incluinte per sacrifias a un dio; un table en un eglesa cristian sur cual la pan e la vino es santida en la rituo de comunia
Altar = un constela en la sielo sude
altea = un planta perene de Eurasia, trovada a la rivas de rios e en pantanes salosa
alter = un bara corta con un pesa a cada fini, levada per crese la musculos de braso; un de la du organos de ecuilibra de un inseto volante
altera = cambia, tipal en modo minor ma sinifiosa
alterante = un simbol musical indicante un parti momental de la armatur; un parola cual restrinje o ajunta a la sinifia de un otra
alterna = (du o plu cosas) aveni repeteda, la un pos la otra
alterna de codigo = (un parlor) alterna entre du o plu linguas, o varias de lingua, en la mesma conversa
alternativa = disponable como un otra posible
altimetre = un aparato per determina altia, tipal en un avion
alto = (un vose cantante de om) la plu alta; (un vose cantante de fem) la plu basa; (un strumento) con tono cuasi la plu alta en sua familia
contralto = (un vose cantante de fem) la plu basa
altruisme = un ansia desinteresada e nonegosa per la bonstate de otras; compatia
alula = un parte peti de un ala de un avia, relatada a la diton de umanas, cual controla alga plumas a la borda distante de la ala
alum = un composada astrinjente sin color, usada en tinje, tana e medica
aluminio = la elemento cimical con numero atomal 13, un metal lejera de gris arjentin
alusina = esperia un persepi parente real de (un cosa) cual no es vera presente, tipal pos usa un droga o par causa de un maladia mental
alusinojen = (un sustantia) causante alusinas
aluvia = un deponeda de arjila e arena lasada par acua fluente en la vale o delta de un rio, tipal fertilinte la tera
alveol = cada de la multe sacos peti de aira en la pulmones; la caveta ososa cual teni la radis de un dente
alveolite = un inflama de la alveoles de la pulmones
am. = ante mediadia
AM = ante mediadia
ama = gusta profonda e desira la felisia de (algun, tipal un relatada); es forte atraeda a (algun) en modo romantica o sesal; senti multe zelosa sur (un sujeto o ocupa)
amafamilia = un person ci ama sua familia, pasa tempo con sua enfantes e atende sua spos e jenitores
amajelo = un inseto peti e estremofilica cual pote vive en areas multe fria
amaperil = un person ci gusta fa atas perilosa
amor de comeda = un person ci consuma multe comedas, cual no debe es de cualia alta
poliama = la fa de multe relatas sesal con acorda de tota persones partisipante
amaca = un leto, fabricada de lona o de un rede de cordas, e suspendeda par cordas a la finis, tipal usada en un jardin o barcon
amamelia = un arboreta con flores jala bonodorosa; un losion fabricada de la cortex e folias de esta
Aman = la site capital de Urdun
amando = un arbor en familia de rosa, cual produi un noza comable
amanda = un noza de amando
amanita = un agarico alusinojen, enebriante e alga venenosa, orijinal de la emisfera norde
amara = (un avion o veculo spasial) desende e pone se a mar o sur un estende de acua
amaranto = cualce planta de la jenero _Amaranthus_, tipal con flores pico e verde, roja o purpur; un flor mitolojial cual pali nunca
amarga = con un sabor o odor agu, no dulse; (un person) coler, doleda o odiosa par causa de mal esperias o un senti de es nonjusta tratada
amarilis = un planta bulbal con flores trompetin e folias bandin
amarina = pertinente a un popla de Itiopia sentral o a sua lingua semita
amasa = masaje (pasta) par mano en prepara pan; manipula (arjila, etc) en modo simil
amato = un ata cual on fa frecuente per plaser en sua tempo libre
amaziga = pertinente a la popla nativa de Africa norde o a sua linguas afroasian
amazona = un membro de un raza mital de gerores fema; (metafor) un fem grande e forte
Rio Amazona = un rio en America Sude cual flue tra aprosima 6700km en Peru, Colombia e Brasil asta la Mar Atlantica
amazonan = de la Amazona
ambar = con color jalin, simil a miel
ambar = un resina fosilida, dur, diafana e tipal con esta color, produida par arbores conifer estinguida de la tersiar
ambargris = un materia sirin secreteda en la intestines de la caxalote, cual flota en la mares tropical e es usada en la fabrica de parfum
ambasada = la casa e ofisias de un ambasador
ambasador = un diplomata ci abita en un pais stranjer per proteje ala la sitadanes e interesas de sua propre governa
ambi- = ambos, a ambos lados
ambie = (un situa natural) ensirca
ambifilia = un atrae sesal a e omes e femes
ambigua = nonclar o nonesata car un eleje entre alternativas no es desideda; con sinifia duple o permetente plu ca un interprete
ambivale = senti emosias miscada o contradisente
ambliopia = un descapasia de vide sin dana fisical a la oio
ambos = tota la du en junta; cada de la du a grado egal
ambrosia = la comeda prefereda de la dios elinica antica; (metafor) un comeda estrema deletosa; un planta de America Norde en familia de margarita, comun causante un responde alerjica; un deser de oranias e coco trinxada; un produida fungal comeda par alga spesies de scarabe
ambulansia = un veculo con aparatos spesial per transporta persones malada o ferida a ospital
amburger = un masa ronda de carne moleda de bove, fritada o grilida e tipal poneda sur un paneta con spises diversa
ameba = un animal uniselulal, cual estende protoplasma ditin per move e catura comedas
amebiside = un medisin per mata amebas
amen = espresante acorda o espera, tipal a la fini de un prea o imno
amento = un spiga pendente de arbores como nozetos e salses
America = un masa de tera en la emisfera ueste, composada de America Norde e America Sude, juntada par America Sentral
America Norde = la continente bordada a norde par la Mar Artica, a este par la Mar Atlantica, a la sude e ueste par la Mar Pasifica, e a sude-este par America Sude e la Mar Caribe
America Sentral = la estrema sude de America Norde cual conteni la Istmo Panama
America Sude = la continente bordada a ueste par la Mar Pasifica, a norde e este par la Mar Atlantica, e a norde-ueste par America Norde e la Mar Caribe
afroamerican = un person de la SUA regardada como membro de la raza negra
american = pertinente a America Norde o America Sude; pertinente a la Statos Unida de America
american = un person de America Norde o America Sude; un person de la Statos Unida de America
indoamerican = un person de la SUA con un o plu asendentes barati
Mesoamerica = la rejion sentral de America, de Mexico sentral a Nicaragua, spesial como un rejion de sivilias antica e cultures nativa ante la ariva de la espanioles
panamerican = pertinente a tota nasiones de America Norde e Sude
amerindian = pertinente a la poplas nativa de America Norde e America Sude
amerisio = la elemento cimical con numero atomal 95
ametista = un jem de cuarzo purpur o violeta
amfetamina = un droga sinteseda, abituante, e capas de altera la umor, usada per stimula o como medisin per trata maladias de atende e velia
amfi- = ambos, a ambos lados
amfibio = un animal vertebrato con sangue fria, parteninte a la clase de ranas, sapos, tritones e salamandras
amfibraco = un metrica poesial, composada de un silaba longa o asentuada entre du silabas corta o nonasentuada
amfora = un jar o carafa alta e antica, elinica o roman, con colo magra e du manicos
ami = un person con ci on ave un lia de amosia mutua, tipal nonsesal e estra sua familia
ami falsa = un parola multe simil a un parola en un otra lingua, ma con un sinifia diferente
ami postal = un conoseda con ci on comunica sola o xef par leteras postal (o epostal)
amida = pertinente a un composada organica derivada de amonia par sustitui grupos asil per atomes de idrojen
amidon = un materia sin odor o sabor, comun en texedas de plantas, cual es un reserva de carboidratos e un parte importante de la dieta umana
amigdala = un masa de materia gris en cada emisfera de la serebro, con forma simil a un amanda, cual partisipa en la esperia de emosias
amil- = amidon
amilase = un enzima, trovada en saliva e licuida de la pancreas, cual converti amidon e glicojen a zucares simple
amiloide = un protena simil a amidon, deponeda en la figato, renes, spleno o otra texedas en alga maladias
amiloidose = un maladia marcada par la depone de amiloide en la corpo
amina = pertinente a un composada organica derivada de amonia par sustitui grupos organica per atomes de idrojen
monoamina = un composada con sola un grupo amina en sua molecula
aminoasida = un composada organica simple cual conteni e un grupo de carbosil e un grupo amina
aminobutirica = cualce de tre composadas isomeral (AABA, BABA, GABA)
amir = un renor arabi o muslim, istorial un xef local o un comandor militar
Amirias Arabi Unida = un pais a la costa sude de la Golfo Persian, a ueste de la Golfo Uman
amira = regarda (un person, ojeto o cualia) con respeta, aproba o plaser
amiral = la comandor de un marina
amix = pertinente a un seta menonita cual ia fundi comunias de cultivores en Pennsylvania, Ohio, e otra rejiones en America Norde, notada per sua usa de cavalos e caros
amnesia = un perde partal o completa de memoria
amnestia = dona un pardona ofisial a (persones condenada per ofendes political)
amnio = la membrana la plu interna cual enclui la embrio de un mamal, avia o retil
amnio- = amnio
amoc = conduinte en modo loco, violente e destruinte
sindrom amoc = un maladia mental marcada par un esplode acaso de ataca contra persones par un person solitar, tipal pos un periodo de preocupa ansiosa, orijinal notada en alga cultures de Malaisia
amonia = un gas sin color ma con odor forte, cual on pote disolve en acua per limpi
amonio = la cation presente en disolves de amonia e en sales derivada de amonia
amonito = un sefalopodo maral de un grupo estinguida
amorti = fa ce (un cosa) deveni min forte o intensa; fa ce (un sona) deveni plu cuieta o min clar; redui o estingui (un deta) par paias periodal
amper = un unia de corente eletrical, egal a un flue de un culom per secondo
amperaje = un cuantia de corente, mesurada en amperes
amperimetre = un strumento per mesura corente eletrical
amplia = la estende masima entre du valuas estrema
amplifia = (un sinial eletrical, un sona, un imaje, un mesaje, etc) grandi en cuantia, volum o contenida
amplifia = aumenta la cuantia, volum o contenida de (un sinial eletrical, un sona, un imaje, un mesaje, etc)
amplifiador = un aparato cual aumenta un sinial eletrical
ampola = un capsula selida de vitro conteninte un licuida, tipal per injeta; un bulbo de lus; un botela cuasi sfera con du manicos, usada en Roma antica; un botela per usas santa; un caveta, o la fini dilatada de un duto, con forma simil
amputa = corti o sutrae (un parte de corpo), tipal par sirurjia
amster = un rodente solitar e tunelinte con coda corta e poxes grande de jena per porta comedas
Amsterdam = la site capital de Nederland
amuleto = un joala o otra orna con simboles majiosa, portada per proteje contra influes negativa
an = asentuante lo cual segue direta, tipal sujestante ce lo es nonespetada
-an = ajuntada a un nom jeografial per formi un ajetivo pertinente a la loca, o a alga otra nomes per formi ajetivos pertinente a locas o edas
-an = ajuntada a un numero per formi un ajetivo descrivente un person o cosa con eda de acel cuantia de anios
-an = nominte un abitor o lingua de un rejion spesifiada
-an = nominte un person o cosa con eda de acel cuantia de anios
-an = idrocarbono saturada
ana- = a supra, a retro, denova
anaboli = (un organisme) sintese moleculas complicada de moleculas simple, con reserva de enerjia
anacardio = un arbor american tropical en familia de mango
anacardia = un noza comable de anacardio, con forma de ren
anacoluto = un nonsegue o rompe en la sintatica de un frase
anaconda = un serpente semiacual en familia de boa, nativa de la tropicos de America Sude
anacron = (un cosa) parteninte o conveninte a un periodo otra ca lo en cual lo esiste
anafor = (un parola, tipal un pronom) representante un otra parola plu temprana, per evita repete; (en retorica) (un parola o sintagma) repete a la comensa de cada de un serie de proposas
anagram = (un parola, nom o espresa) formida par reordina la leteras de un otra
analesica = (un droga) restorante sania o fortia
psicoanalesica = pertinente a medisines cual stimula la mente
analise = esamina metodosa e detaliosa la strutur o composa de (un ojeto o informa), tipal per esplica e interprete lo o per deteta la presentia de un sustantia, maladia, etc en lo
psicoanalise = un sistem de teoria e terapia psicolojial cual intende trata disturbas mental par tira problemes nonconsensa a la mente consensa, orijinal fundida par Sigmund Freud
analoja = comparable en alga modos, tipal en un modo cual clari la natur de la cosas comparada; (un strutur anatomial) con un funsiona simil ma con evolui diferente, como la alas de insetos e avias; (un sinial o dato) espresada como un cuantia fisical capas de varia continuante
anamnese = la recorda de cosas de un esiste suposada ante esta; un reporta par un pasiente de sua istoria medical
anamorfose = un desinia o projeta contorseda cual pare normal cuando on regarda lo de un punto spesial o con un miror o lente conveninte; un cambia gradal de forma biolojial a un tipo plu alta
ananas = un planta american con un spiral de folias spinosa sur un tronceta spesa; la fruta grande e jusosa de esta, con pulpa bonodorosa, jala e comable
anapesto = un metrica poesial, composada de du silabas corta o nonasentuada, segueda par un silaba longa o asentuada
anarcia = un state de desordina resultante de un asentia o nonreconose de autoria; la asentia de governa e libria asoluta de la individua, regardada como un ideal political
anastomose = un lia traversal entre tubos, fibres o dutos visina
Anatolia = la penisola ueste de Asia, a sude de la Mar Negra e a norde de la Mar Mediteraneo, cual formi la plu de Turcia moderna
anatomia = la siensa de la strutur fisical de umanas, animales e otra organismes
anc = un ojeto o desinia simil a un crus, ma con un anelo en loca de la braso superior, usada en Ejipte antica como simbol de vive
anca = un estende de la pelvis e la femor en umanas e cuatropedes
Ancara = la site capital de Turcia
ancaran = (un capra, coneo o gato) de un raza con pelo longa
ance = en ajunta
ancilosauro = un dinosauro erbivor e cuatropede con armur de laminas ososa, de la cretasica
ancilose = (un junta) rijidi nonormal, par causa de un fusa de oso
ancilostoma = un nematodo parasito cual abita la intestines de umanas e otra animales, comente sangue
ancilostomiase = un maladia resultante de un infesta par ancilostomas, comun causante anemia grave
anconeo = un musculo peti a la posterior de la junta de codo
ancor = un ojeto pesosa, liada a un cordon e usada per fisa un barcon a la fondo de mar
ancora = asta e incluinte la presente o un tempo spesifiada
Andalusia = un rejion autonom de Espania sude; un rena moro en la eda medieval
andalus = pertinente a la popla de Andalusia o sua dialeto
Isolas Andaman = un grupo de isolas en la Golfo Bengala entre Barat e Miama
Mar Andaman = un mar a este de la Isolas de Andaman
andante = (un musica) lenta juada con rapidia entre 76 e 108 pulsas per minuto
Andes = un cadena de montes en America Sude, cual estende longo la costa de la Pasifica
Andora = un pais peti e autonom en Europa sude-ueste, entre Frans e Espania
Andora la Vea = la site capital de Andora
-andria = mas, om
andro- = mas, om
androfilia = un atrae sesal a omes
androfobia = un teme estrema o nonrazonada de omes o cosas mas
androide = un robot cual sembla un umana
androjen = un ormon sesal mas, como testosterona
androjine = con aspeta partal mas e partal fema; con seso nondeterminable; con cualias fisical de ambos sesos
andromeda = un arboreta perene en familia de erica, con grupos de flores campanin e peti
Andromeda = (en mitos elinica) un prinsesa itiopian, fisada a un roca asta cuando Perseo ia salva el; un constela grande entre Perseo e Pegaso
androseo = la grupo completa de stames de un flor
anela = desira profonda o forte
anelido = un membro de un filo grande de vermes sesionida, incluinte vermes de tera e sucasangues
anelo = con forma de O
anelo = cualce banda o corda formida como un sirculo; un banda peti e sirculo, tipal de metal valuosa e ornada con un jem, portada sur un dito como un simbol de sposi o autoria
aneleta = un disco plata peti, usada per distribui presa o preveni gotea en un macina; un anelo peti de dentela ornal a la borda de un peso de stofa
anemia = un maladia marcada par un manca de selulas roja o de emoglobina en la sangue, causante palia e fatiga
anemometre = un aparato per mesura la rapidia de la venta o de cualce corente de gas
anemone = un planta en familia de ranunculo, con flores briliante colorida
anemone-de-mar = un cnidario maral fisada, con corpo silindre e un anelo de tentaculos picante sirca sua buco
anestese = dona un medisin a (algun) per redui dole
anestesia = un nonsensosia de dole, spesial si causada par un medisin anestesente
aneto = un erba bonodorosa en familia de persil, con folias blu-verde e flores jala; la folias e semes de esta, usada en cosini e medica
aneurisme = un grandi local de un arteria, causada par un debili de la mur arterial
angila = un pex serpentin con corpo longa e magra e pinas mal developada
anglican = pertinente a la Eglesa de England o cualce eglesa liada con lo
anglosason = pertinente a la abitores germanica de England o sua lingua
Angola = un pais a la costa ueste de Africa sude
angostura = un planta de America Sude, cui cortex produi un licuida bonodorosa e amarga, usada en bevidas e per redui febre
Anguila = un isola e teritorio ultramar brites en la Mar Caribe
angulo = la spasio, tipal mesurada en grados, entre du linias o surfases, prosima a la punto do los crusa
angulometre = un strumento per mesura angulos
cuatroangulo = (un forma plana) con cuatro angulos
triangulo = (un forma plana) con tre lados reta e tre angulos
triangulo reta = un triangulo con un angulo reta
angusa = fa ce (algun) sufri multe en sua mente par un xoca o preocupa ansiosa
ani = un avia briliante negra de America Sentral e Sude, en familia de cucu, con coda longa e beco grande e profonda
anilina = un licuida oliosa sin color, presente en catran de carbon, usada per fabrica tinjentes, medisines e plasticas
anima = deveni vivente o parente vivente
animor = un person ci desinia animas; un person ci aclama e dansa per coraji un ecipo de sportores
animal = (un organisme) ci nuri se con materia organica, tipal con organos de sensa e sistem de nervos spesialida, e capas de responde rapida a stimulas
anime = un anima nion, tipal un nara siensal, e violente o sesosa a veses
animisme = la crede ce spiritos esiste en cosas nonumana (animales, plantas, fenomenos natural)
aninga = un avia de acua dulse, con colo e beco longa, cual catura pexes par lansi los con sua beco
anio = un periodo de 365 o 366 dias; la periodo en cual un planeta completi un orbita sirca la Sol
duanial = aveninte a un ves en cada duple de anios
semianial = a du veses per anio
anion = un ion con carga negativa
anis = un planta mediteranean en familia de persil, cultivada per sua semes; esta semes, usada en cosini e medisin
aniseta = un licor de anis comun tra la paises mediteranean, cual on bevi con un ajunta de acua fresca
aniversario = (un aveni) selebrante la reveni de la data de un aveni major pasada, per esemplo un nase, sposi o institui
anjel = (en alga credes) un spirito cual es un aidor o mesajor de Dio, tipal representada como un umana con alas e un roba longa; un spirito atendente, spesial un bonvolente
arcanjel = un anjel major
anjelica = un planta alta e bonodorosa en familia de persil, con folias grande e flores jalin verde, usada en cosini e medisin erbal
anjelus = un prea catolica cual onora la incarne de Cristo
anjina = un maladia marcada par dole intensa en la peto, e tipal ance a la spalas, brasos e colo, causada par un flue nonsufisinte de sangue a la cor
anjio- = dutos sangual
anjioma = un tumor nonosiva, produida par la dilata o formi nova de dutos sangual
anjiopatia = cualce maladia de la dutos sangual
anjioplastia = la repara o desbloci de un duto sangual par sirurjia
anjiosperma = un planta con flores cual produi semes encluida en un carpel
anjiotensina = un protena cui presentia en la sangue aida la secrete de aldosterona e leva la presa sangual
ano = la abri tra cual feces sorti de la corpo
anodo = un eletrodo positiva cargada, par cual eletrones entra a un aparato eletrical; la eletrodo negativa cargada de un aparato eletrical cual furni corente
anomal = deviante de lo cual es normal o espetada
anomalur = un scural peti con pel entre sua gamas anterior e posterior cual el usa per vola de arbor a arbor
anomia = un forma de afasia en cual on no recorda la nomes de ojetos comun
anona = un planta florinte en familia de asimina, con frutas comable
anonim = no identifiada par nom; sin marcas o cualias cual aida identifia
anorac = un jaca nonpermeable, tipal con un capeta ma sin abri fronte
anorexia = un asentia o perde de apetito per comedas; un maladia emosial, marcada par un desira osesente per perde pesa par refusa come
anosia = un asentia o manca de osijen en la texedas
anota = ajunta notas a (un testo o scema) cual esplica o comenta sur lo
ansia = senti ajita, preocupa o turba, tipal sur un aveni prosiminte cui resulta es nonserta
anstrom = un unia de longia egal a 10⁻¹⁰ metres, xef usada per espresa longias de ondas eletromagnetal e distantias interatomal
antagoniste = oposante o enemin
antagoniste = un cimical cual interfere con o inibi la ativa fisiolojial de un otra; un musculo cui atas oposa los de un otra; (en leteratur) un carater ci ata contra la interesas de otra carateres en un nara, spesial contra la protagoniste
Antananarivo = la site capital de Madagasicara
antartica = pertinente a la continente sirca la polo sude, de cual la plu es a sude de la sirculo antartica e cuasi tota es covreda par glasias
ante = a, o prosima a, la fronte de (alga cosa), o plu fronte ca lo
ante = movente per ateni la fronte de (alga cosa)
ante = en la tempo presedente (alga cosa)
ante- = ante, a ante, a fronte
a ante = indicante ce un move ateni, o vole ateni, la fronte de la cosa spesifiada o un tempo cual presede la tempo spesifiada
a ante = a la fronte (de un cosa sujestada par la contesto); movente en dirije a la fronte; movente en la dirije cual on fasa; a un tempo presedente
antena = cada de du apendises longa e magra de sensa sur la testa de insetos, crustaseos e alga otra artropodos; un bara, filo o otra aparato usada per transmete o reseta siniales de radio o televisa
antera = la parte de un stame cual conteni la polen
anterior = prosima a la fronte
anti- = ajuntada a ajetivos e nomes per formi ajetivos de oposa o ataca, o per nomi la cosa corespondente ma oposada
antica = parteninte a la pasada distante e tipal no plu esistente
anticalia = un ojeto coliable, como un mobila o obra de arte, con valua alta par causa de sua eda grande
Anticitera = un isola elinica, a norde-este de la Creta
antifona = un frase corta, cantada o resitada ante o pos un salmo; un musica per esta
Antigua = un de la du isolas major de la pais Antigua e Barbuda
Antigua e Barbuda = un pais de du isolas major entre la Mar Caribe e la Mar Atlantica
antijen = un venena o otra materia esterna cual indui un responde imunial en la corpo, spesial la produi de anticorpos
Antiles = la grupo de isolas ensircante la Mar Caribe
antilocapra = un mamal servin de America Norde, con corpo spesa, gamas longa e magra, e cornos negra
antilope = un mamal remasticante simil a un servo, rapida corente, con pelo lisa e cornos dirijeda a supra, nativa de Africa e Asia
antimonio = la elemento cimical con numero atomal 51
antinomia = un contradise entre du credes o concluis cual pare individua asetable; un paradox
antipatia = un senti profonda de ofende o repulsa
antipoda = pertinente a o situada a la lado oposada de la Tera
antitese = un person o cosa cual es la oposada de un otra; un contrasta entre du cosas
antolojia = colie (poesias o otra pesos de scrive); colie (cantas o composas musical) en un album
antonim = (un parola) con sinifia oposada de un otra
antoserotal = un planta acual sumerjeda con folias magra e divideda, cual deveni diafana e cornin cuando lo es vea
antrasita = un carbon dur, conteninte carbono cuasi pur, cual arde con flama e fuma minima
antrax = un maladia baterial de oveas e boves, tipal afetante la pel e pulmones, e cual pote es transmeteda a umanas
antro = un caveta natural en un oso o otra strutur anatomial; la parte de la stomaco apena en la piloro
antropo- = umanas
antropojenia = la studia de la orijinas de umanas
antropolojia = la studia de umanas, spesial la compara de sosias e cultures umana e sua developa; la siensa de zolojia, evolui e ecolojia de umanas
antropometria = la studia de la mesuras e proportios de la corpo umana
antropomorfe = (un dio, animal o cosa) con cualias umana
antroposentral = regardante umanas como la elemento sentral o la plu importante de esiste, spesial en contrasta con dios o animales
prinsipe antroposentral = la premisa ce nosa oservas de la universo depende de la fato ce la universo es tal ce lo permete ce nos esiste e oserva lo
antrostomo = un jenero de caprimuljo noturna de la mundo nova
anui = basi e alti sua testa en modo rapida o repeteda, per acorda o saluta, o en adormi sin intende, etc
anunsia = fa un declara publica sur (un fato, aveni o intende); descrive o atrae atende a (un produida, servi o aveni) en un media publica per promove vende o partisipa
anunsias de promove = posteres o folietas distribuida per anunsia o informa
anura = un ordina de amfibios sin codas, incluinte ranas e sapos
anxa = un peso magra de cana o metal cual vibra en un corente de aira per crea sonas en un strumento musical
anxo = un varia bonodorosa de txili, secida per usa en comedas mexican
anxoa = un pex peti mediteranean en familia de arenge, tipal conservada en olio e comeda en saladas
aora = a esta ora, a la tempo presente o direta seguente
aoristo = un tempo pasada de un verbo cual conteni no refere a la longia o completi de la ata
aorta = la arteria major de la corpo
aortite = un inflama de la mur de la aorta
aoto = un simia noturna con oios grande, trovada en America Sude
ap = un program desiniada per fa taxes per aida sua usor
Apalatxia = un rejion montaniosa en la SUA este
aparato = un ojeto construida o ajustada per un intende spesifiada, tipal tecnical; un util o macina simple o peti ma injeniosa
aparatomanica = (un person) zelosa sur aparatos, o posesente multe de los
apare = deveni vidable o notable
suapare = es o deveni vidable tra o su un otra cosa
aparta = puia o tira (alga cosa) a lado
apartait = un sistem de separa e distingui par raza, istorial usada en Sudafrica; un sistem simil usada en otra locas
aparte = un grupo de salas per un familia o coabitores, tipal en un construida cual conteni multe de estas; cada de la partes luable de un construida comersial
apatia = un asentia de interesa, zelo o cura
apatosauro = un dinosauro erbivor enorme de la jurasica, con coda e colo longa
apatxe = pertinente a un popla de la americanes nativa ci vive xef en Mexico Nova e Arizona en la SUA sude-ueste, o a sua lingua
apela = fa un solisita seria o urjente, tipal a la popla jeneral; solisita, a un corte de lege alta, un reversa de un deside par un corte basa
apena = cuasi no; no plu ca; sola con multe difisilia; par un cuantia multe peti; a un tempo multe corta a ante
apendis = un saco peti, liada a e abrinte a la fini plu basa de la intestin spesa en umanas e alga otra mamales; un parte protendente de un organisme, con aspeta o funsiona distinguida; un cosa liada a un otra plu grande o plu importante; un parte a la fini de un documento, ajuntante plu informa
apendisectomia = un sirurjia per estrae la apendis
apendisite = un inflama dolosa de la apendis, tipal nesesante sirurjia
aperitivo = un bevida, usual alcolosa, servida ante un come; un peseta de come tal servida
apesta = odori forte e nonplasente
apestosa = tipal o multe apestante
apetito = un desira natural per sasia la corpo, tipal par come; un desira o gusta multe grande per alga cosa
apetra = lansa petras a (un person) per puni el o mata el
Apia = la site capital de Samoa
apico = la punto la plu alta de un cosa; un state o tempo de fortia, enerjia o susede masima en la vive de un person
apicomplexa = cualce de un filo de protozones parasito cual formi sporas, incluinte la microbios cual causa malaria
aplanata = (un surfas) refletante sin devia
aplasia = un fali de developa o funsiona normal en un organo o texeda
aplaudi = aproba o loda (un presenta) par palmi la manos contra lunlotra
aplica = ajunta (un sustantia o simil) a un surfas; enforsa (un regula) a algun
aplo- = solitar, singular
aploide = (un selula o nucleo) con un colie singular de cromosomas nonduplida; (un organisme) composada de tal selulas
apnea = un sesa tempora de respira, spesial en dormi
apo- = a via de
apocalise = la destrui completa e final de la mundo, spesial como descriveda en la Biblia; un aveni cual inclui destruis desastrosa
apocope = la omete de un o plu fonemes o silabas a la fini de un parola
apocrifa = pertinente a naras cual alga setas no aseta per inclui en la Biblia; (un nara o declara) de autoria dutada, an si popular
apofonia = un cambia de sona en un parola cual indica informa gramatical
apofonia indoeuropean = un sistem de apofonia coerente trovada en reconstruis de protoindoeuropean, e continuante en sua desendentes
apoia = inclina a via de la perpendicular; diverje de la vertical o orizonal
apojeo = la punto en la orbita de la Luna o un satelite do lo es la plu distante de la Tera; (metafor) la punto la plu alta en la developa de alga cosa
apolojetica = la ramo de teolojia cual studia la defende o demostrablia de cristianisme par argumentas razonada
apolojia = parla o scrive per defende (un person, un cosa, un idea, un teoria o simil)
apolojia = un parla o scrive per defende un person o cosa
apone = pone (vestes o joalas) sur se o sur un otra person
aponeurose = un telon de texeda fibrosa e perlin blanca, cual sustitui per un tendon en musculos telonin cual ave un area larga de lia
apoptose = la mori de selulas como un parte normal de la developa de un organisme
aporia = un enigma filosofial, o la confonde cual lo causa; (en retorica) un declara de duta real o finjeda
aposa = pone (du o plu cosas) prosima a lunlotra, o tocante lunlotra
aposa = (en gramatica) un relata entre du parolas o sintagmas cual es gramatical paralel e refere a la mesma person o cosa, como en `mea ami Jan` o `un serpente boa`
aposta = risca (alga cosa, tipal mone) contra lo de un otra sur la resulta de un aveni futur, como un curso o jua
aposteriori = pertinente a razona o sabe cual progresa de oservas o esperias asta la dedui de sua causas probable; (un lingua construida) cual imita la vocabulo o gramatica de otra linguas
apostol = cada de la des-du disiplos xef de Jesus Cristo; cualce instruor importante en cristianisme; (metafor) un mesajor
apostrofe = omete (un o plu leteras) de un parola, scrivente un virgula alta en loca
apostrofe = un virgula alta cual indica la omete de un o plu leteras de un parola, o otra sinifias en alga linguas
aprende = gania sabes o capasias en (alga campo) par studia o esperia
aprende automata = (la studia de) algoritmos capas de boni automata se par esperia
aprendiste = un person, frecuente joven, ci acompania laborores per aprende un profesa
april = la mense cuatro de la calendario gregorian
apriori = pertinente a razona o sabe cual comensa con deduis teorial en loca de oservas o esperias; (un lingua construida) cual inventa sua propre vocabulo o gramatica
aproba = acorda ofisial o aseta como sasiante; crede ce (un person o cosa) es bon o asetable
aprosima = prosima a la realia, ma no completa esata
apside = un alcova grande semisirculo o poligon en un eglesa, con arcos o cupola, tipal a la fini este e conteninte la altar; cada de la du puntos en la orbita de un planeta o satelite do lo es la plu prosima o la plu distante de la corpo sirca cual lo move
ara = un papagaio neotropical grande con coda longa e plumas briliante
arabesca = (un desinia) ornal, composada de linias fluente e entretexeda, orijinal trovada en decora arabi o moro; (un pasaje o composa musical) con melodia ornada; (un posa de dansa) en cual la corpo es suportada par un gama e la otra gama estende orizonal a retro
Arabia = un penisola en Asia sude-ueste, xef composada de deserto, entre la Mar Roja e la Golfo Persian, conteninte sete paises de cual la plu grande es Arabia Saudi
arabi golfal = un varia de arabi parlada a la costas de la Golfo Persian
Mar Arabi = la parte de la Mar Indian entre Arabia e Barat
Penisola Arabi = Arabia
Arabia Saudi = un pais en Asia sude-ueste cual inclui la plu de la Penisola Arabi
arabis = un planta erbin de crese basa, tipal con flores blanca o ros, comun trovada en rocerias
arac = un bevida alcolosa, tipal distilada de ris o de la sava de palma de coco
aracide = un planta en familia de piso, produinte un seme oval cual es usada per produi olio; esta seme, tipal rostada e salida como un cometa
aracnido = un artropodo de la clase cual conteni aranias e scorpiones
aracno- = arania, aracnido
aracnofobia = un teme estrema o nonrazonada de aranias
aracnoide = un membrana delicata entre la duramadre e la piamadre de la serebro e medula spinal
arado = un aparato grande de cultiva con un o plu laminas pesosa, tirada sur tera per crea ranures ante planta semes
Arafura, Mar = un mar entre Australia e Papua indonesian
Aragon = un rejion autonom en Espania norde-este; un rena autonom en la eda medieval
Aral, Mar = un mar interna en Asia sentral entre Cazacstan e Uzbecistan, multe diminuida par iriga
Aram = un rejion antica do Suria es aora situada, e un parte de Babilonia entre la sentenios 11 e 8 AEC
aramo = un avia vadante en familia de ral, con gamas e beco longa
aranca = tira (un cosa) subita e forte, per saisi o estrae lo
arania = un artropodo xasante, con oto gamas e dentones cual injeta venena en sua preda, tipal capas de texe redes per catura insetos
aranja = ajusta (un obra musical) per presenta par strumentos o voses nova
arauac = pertinente a un grupo de poplas nativa de America Sude e la Caribe, o a sua linguas
arawac = pertinente a un grupo de poplas nativa de America Sude e la Caribe, o a sua linguas
arbitra = (un person o grupo autonom) fa un judi o acorda autoriosa sur (un demanda o problem)
arbitraje = compra e vende simultan titulos, mone o benes en mercatos diversa, o en formas derivada, per esplota la custas diversa
arbitrar = sin justi e sin argumenta
arbor = un planta leniosa, tipal con tronco singular cual crese alta e ave ramos ladal alga distante de la tera; un cosa con strutur simil raminte
arbor de pan = un arbor grande perene, cultivada sur la isolas de la Mar Pasifica e la Mar Caribe; la fruta de esta, grande, ronda e amidonosa, usada como un vejetal e a veses como un sustitua per farina
arboran = un corvo asian con coda longa e plumas negra o brun e gris
arbuto = un planta perene en familia de erica; la fruta de esta
arca = (en la Biblia) la barcon construida par Noa per proteje sua familia e un duple de cada tipo de animal contra la deluvia; un barcon grande con fondo plana; un caxa cual conteni la tora en un sinagoga
arcabus = un tipo temprana de fusil portable, suportada sur un trepede o un suporta forcin
arcada = un coredor covreda, con arcos o botecas longo un o ambos lados
arcana = comprendeda par poca persones; misteriosa o secreta
arcea = microbios simil a baterias par grandia e simplia de strutur, ma con organiza moleculal multe diferente, regardada como un grupo entre baterias e eucariotas
arceo- = antica
arceognato = un inseto peti e multe primitiva
arceolojia = la studia de istoria e preistoria umana par la escava de locas e la analise de fabricadas e otra restantes fisical
arceopterix = la fosil la plu antica conoseda de un avia de la tarda de la jurasica, un organisme con plumas, alas e osos cavetin como un avia moderna, ma con dentes, coda ososa e gamas como un spesie de dinosauro peti
arcetipo = un esemplo multe tipal de un person o cosa spesifiada; un orijinal cual on ia imita; un simbol o motif en leteratur, arte o mitolojia
arci- = xef, major
arcipelago = un grupo o cadena de isolas
arciteta = la arte o pratica de desinia e construi construidas; un strutur fisical o lojical cual es complicada o desiniada en modo atendente
microarciteta = (en informatica) la desinia de la reali de la lojica fundal en un prosedador
arcitrava = un faxon major, reposante sur la culminas de colonas; un moldur sirca un fenetra, porte o arco
arcivo = un colie de informa rejistrada; un portapaper; (en un computador) un spesie de fix cual grupi otra fixes o suarcivos
arcivolta = un banda de moldures simil a un arcitrava, longo la curva su un arco
arco = un parte de la perimetre de un sirculo o otra curva; un forma o strutur curva; la curso curvinte de un ojeto movente; un curso developante en un nara; un strutur curva cual estende simetre supra un abri, tipal suportante un teto, ponte o mur; un descarga eletrical luminosa entre du puntos; un arma per xuta flexas, tipal fabricada de un peso curva de lenio, cui finis es juntada par un corda tensada; un basto longa portante filos tensada, usada per jua strumentos de cordetas
Arcor = un constela de la zodiaco, entre la Scorpion e la Capra
arconte = cada de la nove judores xef en Atina antica; (metafor) un renor
arde = produi un flama o brilia en consuma un materia como carbon o lenio; (un candela o otra fonte de lus) emete lus; (un person, sua pel o un parte de corpo) es roja e dolosa pos esposa a la sol o par causa de un maladia o feri; (metafor) es saisida par un desira multe forte
ardosia = un roca de venas magra, gris, verde o blu, fasil per fende a pesos plata e lisa
are = un unia de area internasional, egal a 100 metres cuadrida
area = la grandia de un surfas o peso de tera; un parte de la surfas de la corpo
areca = un palma de Asia tropical
arem = (istorial) un parte separada de un casa muslim, reservada per sposas, concubinas e servores fema; la sposas o concubinas de un om poligama; un grupo de animales fema cual comparti un sola mas
aremon = un pinson cual abita la forestas de America Sentral e la ueste de America Sude
arena = un materia granetin, tipal pal jala o brun, resultante de la erode de rocas e forminte un composante major de plaias, fondos de rios e mares, e desertos
areni = colpa con arena, tipal per limpi; lisi con paper raspante
arenor = (en la mitolojia de Europa norde e ueste) un person ci causa sonias bela par cade arena majiosa sur la oios de un dormor
arenga = parla coler o criticante a (algun) tra un tempo estendeda
arenge = un pex arjentin cual abunda en acuas costal e es comersial multe importante como un comeda en multe partes de la mundo
arenito = un roca composada de granes de arena o cuarzo, aderente a lunlotra
areola = ensirca un parte o la intera de (algun o alga cosa) con lus o un color briliante
areola = un sirculo de lus mostrada sirca o supra la testa de un person santa en arte; un sirculo de lus refratada sirca un ojeto luminosa; un area sirculo de pel tinjeda sirca un teta; un manxa rojida sirca un pustula o papula
aresta = saisi (algun) par autoria legal
argon = la elemento cimical con numero atomal 18, un gas inerte
argumenta = presenta (lojica e atestas) per atenta convinse
arhat = (en budisme e jainisme) un person santa de grado alta
aria = (en un opera) un canta longa e acompaniada per un vose solo
arian = pertinente a la popla antica ci ia invade Barat norde en la sentenio du AEC; ance, indoiranian; pertinente a alga grupos moderna ci identifia con esta popla, ci suposa ce la popla antica ia es simil a la popla de Europa norde, e ci crede a sua superioria razal
arianisme = un eresia influente de cristianisme, cual nega ce Cristo es Dio
ariari = la unia de mone en Madagasicara
ariete = un ojeto pesosa, usada per colpa e rompe un porte
aril = un covrente ajuntada de un seme, tipal colorida e pelosa o pulposa, como la copa roja sirca un seme de taxo
aristocrata = pertinente a la clase la plu alta en alga sosias, tipal lo cual posese titulos o postos eritada
aristolocia = un planta erbin o trepante, tipal con folias corin e flores con abri profonda, istorial usada per aida paris e indui abortas
Aristotele = un filosofiste de Elas antica
aristotelisme = un tradision filosofial fundida sur la obras de Aristotele
aritenoide = un musculo con la forma de un culieron
aritmetica = la ramo de matematica cual studia la cualias e manipula de numeros; la usa de numeros per conta e calcula
aritmia = un maladia en cual la cor bate con ritmo nonormal
ariva = ateni la loca a la fini de un viaja; ateni un conclui o deside; (un bebe) nase; (un tecnica o produida) comensa es usada; (un momento prevideda) aveni; (nonformal) orgasma
Arizona = un stato en la SUA sude-ueste
arjentifer = (un roca o mineral) conteninte arjento
Arjentina = un pais cual ocupa la plu de la parte sude de America Sude, entre Txile e la Mar Atlantica
Mar Arjentina = la mar a este de Arjentina, un parte de la Mar Atlantica
arjento = con color briliante gris-blanca
arjento = la elemento cimical con numero atomal 47, con esta color, e valuada per usa en joalas o otra ornas e istorial en monetas
arjila = un tera deponeda, rijida e aderente, cual es moldable cuando lo es moiada, e cual on seci e forni per crea brices e seramicas
Arkansas = un stato en la SUA sude-sentral
arlecin = un carater tradisional de teatro european, tipal muda, mascida e en vestes con motif de diamantes
arma = un cosa desiniada o usada per feri corpos o causa otra dana fisical
arma = furni armas a (algun)
armada = un forte grande militar; un person ci porta un arma
armadilo = un mamal omnivor e noturna, con corpo covreda par laminas de oso, e garas grande per escava
armario = un mobila con scafales, caxetas o portes, usada per reteni o esibi ojetos
armatur = un strutur sur cual on moldi un sculta; la strutur formal de un obra de leteratur; la indica de tonalia a la comensa de un peso de musica scriveda; un ambiente reusable de funsionas cual un program individua pote altera o spesifia plu
Armenia = un otra nom per Haiastan
arminian = pertinente a la prinsipes e credes de Jacobus Arminius (1560-1609), un teolojiste nederlandes ci ia rejeta la idea de predestina
armol = un planta con folias covreda con un sustantia blanca e polvin, a veses usada per pasto en rejiones con tera salosa
armonia = la efeto plasente produida par un combina simultan de notas musical, o par un misca artal de otra cosas; (metafor) acorda
armonica = un strumento peti e retangulo con un linia de anxas metal, a cual la juor sofla o suca, produinte notas diversa par move lo de lado a lado
armonio = un strumento de teclas cual produi sonas cuando aira es puiada tra anxas par un soflador operada par la pedes
armur = un colie de covrentes metal, istorial portada par soldatos per proteje sua corpo en combate; covrentes simil usada par gardores o polisiores moderna; la strato o casca protejente de alga animales e plantas
ARN = asida ribonucleal
arnes = un colie de bandas par cual un bestia es liada a un caro o arado e es controlada par sua gidor; un colie de bandas per lia un cosa como un paracade a la corpo, o per restrinje un enfante joven; un banda flexable usada en la forma de un anelo per suporta o leva un cosa pesosa; un banda sirca la colo o spalas per suporta un braso ferida o per porta un bebe
arnica = un planta en familia de margarita cual produi flores jala, usada per trata contusas
aroma = un bon odor sutil o spisosa, tipal veninte de plantas
aromaterapia = la usa de olios e otra estraedas bonodorosa de plantas, per aida la sania o per razonas cosmetica
arpa = un strumento musical, cuasi triangulo, composada de un strutur cual suporta un serie gradal de cordetas paralel, juada par toca los con la ditos
autoarpa = un tipo de sitra con aparato macinal cual permete la jua de un acorda par amorti tota otra cordetas
arpeja = jua (un acorda musical) separante sua notas
arpeja = un esecuta serial de la notas de un acorda
arpia = un monstro con testa de fem e corpo, alas e garas de avia xasante; (metafor) un fem vea e sever, avar o enemin
arpia = un agila multe grande con cresta, abitante en forestas pluvosa
arpon = un misil simil a un lansia con spinas, liada a un cordon longa e xutada par mano o fusil, usada per catura balenas o otra animales grande de mar
arsenico = la elemento cimical con numero atomal 33, con composadas usada en semicondutadores, en conserva de lenio, e como un venena potiosa
arte = la espresa o aplica de la creosia e imajina umana, produinte obras cual plase xef par sua belia o potia emosial; la obras produida en esta modo; cada de la ramos de tal creosia, como depinta, sculta, musica, leteratur e dansa
artemisia = un planta en familia de margarita, con folias divideda e bonodorosa cual es oscur verde a supra e blancin a su
artemisinina = un medisin antimalarial
arteria = cada de la tubos con mures musculosa en la sistem par cual sangue osijenida es moveda de la cor a tota partes de la corpo
arterite = un inflama de la mures de un arteria
arteriografia = la radiografia de un arteria
arteriosclerose = un duri de la mures de arterias, tipal en senese
artesian = pertinente a acuiferes nonorizonal, o a posos perpendicular forada en estas afin la presa natural furni constante la acua con poca nesesa de pompi
artica = pertinente a la zona sirca la polo norde
suartica = pertinente a la rejiones direta estra la Sirculo Artica
article = cada de la testos diversa en un jornal, libro de consulta, o otra publici; un tipo de determinante cual indica esce un cosa es ja conoseda; un grupo de datos relatada e tratada como un unia; un linia en un table de datos
articula = (un oso) formi un junta (con un otra oso)
artifis = fabricada par umanas, tipal de materias ance fabricada par umanas, en contrasta con cosas plu biolojial
artileria = fusiles de calibre multe grande, usada en gera
artisan = un laboror capas de fabrica cosas par mano
artrite = un inflama dolosa, rijidinte la juntas
artro- = juntas de corpo
artropodo = un animal nonvertebrato de la filo grande cual conteni insetos, aranias e crustaseos
artrose = la dejenera de la cartilaje e osos de la juntas, tipal en persones matur o vea, cual causa dole e rijidia
Aruba = un isola en la Mar Caribe, prosima a la costa de Venezuela, e un teritorio autonom de Nederland
arum = un planta con folias flexin e un gaina cual enclui un spiga, cual produi bacas briliante roja en la tarda de estate
as = un carta de jua con sola un simbol, indicante en la plu de juas ce lo es la plu valuosa en sua familia; (en tenis) un servi cual la oposor no pote reenvia; (en golf) un ateni de la buco par un sola colpa
fa un as = susede perfeta
asafetida = un planta eurasian en familia de persil; un goma resinosa otenida de sua radis, usada en medica erbal e en cosini barati
Asam = un stato en Barat norde-este, xef locada en la vale de la Rio Brahmaputra
asana = cada de la posas en ioga
asaro = un planta de America Norde con folias grande e corin e troncetas pelosa, cui radis es usada como un sustitua per jinjer
asasina = mata (un person major) en un ataca surprendente, per razonas political o relijial
asbesto = un mineral de silicato cual pote es texeda o usada per resiste foco o isoli
asbestose = un maladia de la pulmones pos enspira particulas de asbesto, marcada par fibrose grave e un risca alta de mesotelioma
ascarido = un nematodo parasito cual vive tipal en la intestines de vertebratos
asceta = con autodisiplina sever asteninte
asclepia = un planta american con sava letin
asconde = (un person) preveni ce otras vide o trova el
asconde = preveni ce otras vide o trova (un person, cosa o secreta)
desasconde = informa otra persones sur sua prefere o crede cual ia es secreta a ante
ase = un palo pasante tra la sentro de un rota o grupo de rotas; un palo magra cual formi un parte de un flexa, un arbor de maniveles, un capel, etc; un linia imajinal sirca cual un corpo jira
coasal = con ase compartida; (un cordon) composada de du condutadores consentral, separada par un isolador
semiase = (en jeometria) un dui de un ase de jira
semiase major = (en astronomia) la ase la plu longa de un orbita
semiase minor = (en astronomia) la ase la plu corta de un orbita
-ase = enzima
-ase = maladia
asecura = organiza, par paias periodal a un compania o ajenteria governal, ce on va es compensada si (sua propria) es danada o perdeda o si (un person) mori o deveni ferida
asede = prosimi o entra a (un loca o posto); oteni o estrae (datos o un arcivo)
aseja = ensirca (un loca) con fortes militar per catura lo o forsa ce lo sede
aselera = (un veculo o otra ojeto) comensa move plu rapida; crese en cuantia o estende
aselomorfo = un membro de un filo de animales de mar con corpos mol e plata
asembla = (persones o partes) veni con otras a un loca per un intende o usa comun
asende = vade en dirije a la punto la plu alta de (un cosa)
asendeplato = un asendador peti cual porta platos e comedas entre la niveles de un construida
asente = no presente a un loca o aveni, o como un parte de alga cosa
asentor = un avia cantante peti de Eurasia con plumas sombre
asentua = dona un importa spesial a (alga cosa) en parla o scrive; fa ce (alga cosa) es plu clar persepable
aser = un aliada de fero con carbono e tipal otra elementos, dur, forte e gris o bluin gris, usada como un materia en construi e fabrica; (en un fusil de sintil) un peso de aser xarnierida cual covre la polvo negra cual ensende inisial cuando on tira la gatilio
asero = un arbor con folias lobosa, frutas con alas, e folias briliante en autono, usada per lenio e per xirope
aseso = un parte inflada en un texeda de corpo, conteninte un cumula de pus
aseta = reseta volente (un cosa); responde positiva a (un ofre); permete ce (un person) entra o partisipa; bonveni (algun); crede o comensa crede ce (un opina o esplica) es valida o coreta
asetabulo = la caveta de la anxa cual reseta la femor; cualce strutur anatomial con forma de copa, spesial un ventosa
asetato = un sal o ester de asida asetica; un composada usada per fabrica plastica o fibres per stofas
asetica = simil a vinagra
asetica = la asida cual furni la sabor de vinagra
asetil = pertinente a la grupo asil de metil, CH₃CO, formal derivada de asetica
asetilcolina = un composada cual apare tra tota la sistem de nervos, do lo funsiona como un neurotransmetador
asetilen = un idrocarbono sin color ma malodorosa, cual arde con flama briliante, usada en solda e istorial per lumina
asetona = un cetona licuida, sin color e volatil, usada como un disolve organica e un reatante sinteseda
asfalto = un misca de bitume con arena o calculos, usada como un surfas per vias, solos e tetos
asfixia = mori par manca de aira
asfodelo = un planta eurasian en familia de lil, con spigas florinte e folias longa e magra; (en mitos elinica) la flor nonmortal cual crese en la campos de Elisia
asi = en esta loca; movente a esta loca
Asia = la continente la plu grande, a ueste de la Mar Pasifica e a este de Europa e Africa
afroasian = pertinente a un familia grande de linguas, xef parlada en Asia sude-ueste, Africa norde, la Penisola Somali e la Sahel
asiamania = un interesa intensa a la cultures de Asia; un representa de Asia en un modo stereotipal; (istorial) un representa de Asia sude-ueste colorida par un disposa colonialiste
asida = pertinente a, o con cualias de, la cimicales cual neutri alcalines, disolve alga metales, corode otras, e roji paper de pH; con la sabor de esta cimicales; (metafor) con disposa o vose coler o odiosa
asida acrilica = un asida organica licuida, con odor agu, cual on pote polimeri per sintese resinas
asida-dulse = coceda en un salsa cual conteni zucar e vinagra o limon
antiasida = un medisin per redui la grado de asidia en la stomaco
iperasidia = asidia estrema, tipal en la stomaco
asidente = causante o pertinente a un aveni nonfortunosa, sin previde o intende, cui resulta tipal es un dana o feri
asidofilica = tendente crese plu bon en situas asida; (un selula o sua contenidas) capas de es fasil colorida par tinjentes asida
asidua = mostrante cura e persiste grande; enerjiosa laborante
asil = pertinente a un grupo organica con la formula jeneral RCO-, derivada de un asida organica
asilido = un mosca grande e potiosa cual vola subita per saisi insetos per come
asimina = un arbor de America Norde en familia de anona, con flores purpur e frutas jala con pulpa dulse; la fruta de esta
asinia = dona (un taxe o recurso) a algun; identifia o reserva (un recurso) per un usa intendeda; regarda (alga cosa) como causada par un otra
asino = un mamal domada en familia de cavalo, con oreas longa e un cria xiliante
asinto = un arboreta leniosa con un sabor amarga ma bonodorosa, usada como un ingrediente en alga bevidas e medisines; un licor forte e verde, con sabor de anis, cual deveni letin cuando on ajunta acua
asintota = un linia reta cual prosimi sempre a un curva ma toca nunca lo a distantias finita
asion = un de la partes egal de la capital de un compania, permetente ce sua posesor reseta un proportio de la profitas
Asiria = un pais antica, do Irac norde es aora situada, la sentro de un serie de imperos en la temprana de la milenio du AEC
asma = un maladia de respira, marcada par spasmas en la broncos
Asmara = la site capital de Ertra
asoluta = no restrinjeda; (un renor) con potia completa; no relativa o comparada
ason = un parte longa e filin de un neuron, longo cual impulsas es transmeteda a otra selulas
asona = (un sona de vocal o diftongo) es repeteda en un serie de silabas asentuada tan prosima a lunlotra ce on oia un efeto ecosa
asorbe = prende (enerjia, un licuida o un otra materia) a en se par ata cimical o fisical, tipal en modo gradal; prende (informa, ideas, esperia) a en se
Asores = un grupo de isolas volcanal en la Mar Atlantica, a ueste de Portugal e parteninte a lo
asosia = lia se (con algun); tende asembla (con algun); comersia (con algun); (un conseta) ave un lia (con un otra conseta) en la mente; (un elemento de un colie matematical) ave un lia (con un elemento de un otra colie)
asosia = un grupo de persones formal unida par un intende; un lia consetal entre du o plu cosas
asosia carital = un organiza instituida per furni aida e mone a los ci nesesa lo
asosia de comersia = un grupo de companias asosiada per benefica se
asosisme = (en psicolojia) la teoria ce la consensia es fundida en la asosia de states mental
asparago = un planta alta en familia de lil, con folias plumin, cultivada per sua rametas; sua rametas joven, comeda como un vejetal
asparajina = un aminoasida idrofilica cual es un composante de la plu de protenas
aspartame = un materia multe dulse, usada como un dulsinte artifis
aspartato = un aminoasida cual es un composante de la plu de protenas, importante en la metaboli de nitrojen en organismes
aspartica = un aminoasida cristal, trovada en protenas
asperula = un jenero de plantas florinte
aspeta = pare a la oio
aspeta = la pare esterna de un person o cosa; cada de la modos en cual un verbo indica la estende en tempo de un ata o state
aspica = un jelatin saborosa preparada de bulion de carne e conteninte pesos de carne o ovo
aspira = dirije sua esperas o intendes a ateni (alga cosa)
aspirina = un composada sinteseda, usada como un medisin per redui dole, febre e inflama
asta = indicante la loca o state do un move o cambia fini
asta = indicante la tempo cuando un ata fini
Astana = la site capital de Cazacstan
astatica = no adotante un loca o dirije stable
astato = la elemento cimical con numero atomal 85
asteca = pertinente a la americanes nativa ci ia domina Mexico ante sua concista par la espanioles en la sentenio 16, o a sua linguas
asteni = restrinje se de fa o joia un condui spesifiada, como seso o la bevi de alcol
astenia = un debilia o asentia nonormal de enerjia
-astenia = debilia
aster = un planta en familia de margarita cual ave flores briliante, tipal purpur o ros
asterida = un clado grande de plantas florinte, incluinte tomates, tabaco, cafe, lilas e menta
asteroide = un corpo peti e rocosa cual orbita la Sol
astigmata = (un oio o lente) con un defeto causada par un devia de curvia sfera, produinte imajes contorseda
astragalo = un jenero grande de sirca tre mil spesies de erbas e arboretas en familia de fava
astral = (en alga credes paranormal) pertinente a un loca de esiste nonfisical
astrata = esistente en pensa o como un idea, sin esiste fisical; tratante ideas en loca de avenis; no fundida sur un aveni; teorial; pertinente a arte cual no representa cosas o persones fisical
astrinje = causa la contrae de (texedas de corpo, tipal la pel); afeta (alga cosa) en manera o stilo sever
astrinjente = un medisin per astrinje la texedas de corpo, tipal la derma
astro- = stelas
astrolabio = un aparato istorial usada per mesura avenis astronomial, tipal la altias de ojetos sielal, e en naviga per calcula latitude, ante la developa de la sestante
astrolojia = la studia de la moves e locas relativa de ojetos sielal, interpretente los como afetante la mundo natural e umana
astrometria = la ramo de astronomia cual mesura la locas e moves de stelas e otra ojetos sielal
astronauta = un person instruida per viaja en spasio
astronautica = la siensa e tecnolojia de viaja e esplora la spasio
astronomia = la siensa cual studia la spasio, ojetos sielal, e la universo fisical intera
radioastronomia = la ramo de astronomia cual studia la radioemetes de ojetos sielal
astruzo = un avia de Africa cual pote core rapida ma no pote vola, con colo longa, gamas longa, e du ditos a cada pede
astur = parteninte a un popla de xasores-coliores ci ia abita en la norde de Espania asta la sentenio prima AEC
Asturias = un rejion autonom e un prinsia pasada en Espania norde
astuta = capas de comprende, aprende e aplica ideas; capas de evalua situas o persones sin era; capas de ateni sua goles en modos intelijente o rusosa; capas de fa bromas verbal en modo rapida e inventosa
Asunsion = la site capital de Paraguai
asurda = multe nonrazonada, nonlojical o nonconveninte; fol; causante rie o burla
asusta = causa multe teme o ansia
asustavia = un ojeto semblante un figur umana, usada per asusta avias a via de un campo cultivada; (en debate) un presenta falsa, ma plu fasil atacable, de la razona de sua oposor
ata = es ativa; fa alga cosa; presenta un rol en un teatro o filma
ata = un cosa fada; un documento legal o formal; un divide de un teatral o simil
ata danante = (en lege engles) un malcondui o un viole de un direto (estra su contrata) cui resulta es culpablia en lege sivil
ataca = ata forte combatosa o violente contra (un person, animal, loca o forte)
ataca abordante = ataca un nave par aborda lo (o colide con lo) e invade lo
contrataca = ataca (un oposor) en responde a un ataca oposante
Atacama, Deserto = un rejion seca en Txile ueste cual estende a sirca mil cilometres de la frontera con Peru
atalanta = un papilio migrante con alas oscur cual ave bandas roja-orania e puntos blanca
atanor = (en alcimica) un forno cual furni un caldia longa ma constante
atavisme = un retrosede (de un cualia) a un state antica
ataxia = la perde de controla de moves de la corpo
atende = dirije sua sensas e pensas a (un person o cosa) cual on regarda como importante; acompania (algun) como un servor
ateni = ariva a (un loca o conclui); reali (un gol) par labora, capasia o coraje; susede a (alga cosa)
atenta = labora per fa (un taxe o ata difisil o nova)
atera = (un barcon o volador) ariva a la tera o un porto
ateroma = un dejenera de la mures de la arterias, causada par la cumula de deponedas grasosa e sicatrises
aterosclerose = un maladia en cual materia grasosa es deponeda sur la mures de arterias
atesta = declara la veria de (alga cosa) pos esperia mesma lo; furni informa como un indica clar de (alga cosa); serti ce (algun) es la person indicada, o ce el es un bon person
atesta final = un documento legal cual indica como la mone e posesedas de un person va es distribuida pos sua mori
atesta vival = un documento legal cual indica la desiras de un person en relatas medical futur si el no va pote alora espresa sua acorda informada
Atica = un promontania en Elas este, prosima a Atina
Atina = la site capital de Elas
atinan = de Atina
atinan = un abitor de Atina
ativa = partisipante en atas fisical enerjiosa; movente frecuente o enerjiosa; partisipante en alga campo de labora o sporte; pertinente a verbos cui sujeto es tipal la faor de la ata, e cual pote aseta un ojeto direta
ativa = un propria regardada como valuosa e disponable per sasia detas
ativador = un aparato cual ativi un otra cosa; un aparato eletrical cual opera un macina movente
iperativa = nonormal o estrema ativa
psicoativa = (un droga) afetante la mente
radioativa = emetente radia o particulas ioninte
atlantica = pertinente a la Mar Atlantica o a la paises con costas a lo
Mar Atlantica = la mar du de la plu grandes de la Tera
Atlantida = un isola imajinada par Platon; la loca imajinada de un sivilia antica avansada e no plu esistente
Montes Atlas = un cadena de montes tra Jazair, Magrib e Tunis, separante la Sahara de la costas mediteranean e atlantica
atleta = un person ci es capas en sportes e otra formas de eserse fisical
-atlon = nominte un concurso atletal cual combina la cuantia spesifiada de sportes
biatlon = un concurso atletal cual combina du sportes, tipal corsa de sci e spara a blancos
etatlon = un sporte en cual on partisipa en sete concursos de core, salta e lansa
pentatlon = un concurso atletal composada de sinco avenis diferente, tipal scrima, xuta, nada, cavaloria e core tra campania
triatlon = un concurso atletal composada de tre avenis diferente, tipal nada, siclisme e core tra distantia longa
atmosfera = la covrente de gases cual ensirca la Tera o un otra planeta
ato- = 10⁻¹⁸
-ato = un sal de un asida cui nom fini con `-ica`
atol = un resife, isola o cadena de isolas anelo, formida de coral
atom = la unia fundal de un elemento cimical, composada de un nucleo de protones e neutrones, ensircada par un nube de eletrones
diatomal = composada de du atomes
atonia = un maladia marcada par la asentia de tono musculal
atrae = fa ce (un person o cosa) veni o partisipa, par ofre un esperia o resulta desirable, o par la aplica de un forte nonvidable
atribui = opina ce (un cosa) es causada o scriveda o diseda par; opina ce (un cualia) parteni a
atricorno = un avia cantante secretosa de Australia, con plumas brun e coda longa
atrio = un salon o patio sentral, con salas o galerias a cada lado; un salon a la entra de un construida publica; cada de la du cavetas superior de la cor, de cual sangue es pasada a la ventriculos
atrofia = (un organo o texeda) dejenera e diminui, tipal par causa de dejenera de selulas, o deveni vestijial en evolui; (un capasia de mente o corpo) diminui gradal par causa de usa minima o descura
atropina = un composada venenosa, trovada en solano e plantas relatada, usada en medica per destensa musculos, per esemplo per dilata pupiles
atuario = un person ci colie e analise statisticas e usa los per calcula riscas en deside la custa de asecura
aturdi = fa ce (algun) perde consensia o entra a un state duiconsensa; surprende (algun) ci deveni tempora noncapas de responde o reata
Atxe = la provinse la plu ueste en Indonesia
au = espresante un dole subita
Auad = un rejion de Barat norde, aora un parte de Uttar Pradesh
Awad = un rejion de Barat norde, aora un parte de Uttar Pradesh
audio = pertinente a sona, spesial cuando rejistrada, transmeteda o reproduida
audiomanica = (un person) zelosa sur la bon reprodui de musica e otra sonas rejistrada
audiolojia = la ramo de siensa e medica cual studia la oia
audiometre = un aparato per mesura la estende e sensosia de la sensa de oia de algun
audiovideo = (un presenta) usante e imajes e sonas rejistrada
augur = (en Roma antica) un ofisior relijial ci ia oserva sinias natural, spesial la condui de avias, e ia interprete estas como indicas de aproba o desaproba par la dios
aulacode = un rodente grande e ratin, trovada en la zona umida a sude de la Sahara, a veses un pesta per cultiverias de zucar
aulo = un strumento de venta de Elas antica, tipal con anxa duple, con sona forte e xiliante
aumenta = deveni plu grande o forte par ajuntas
aura = (en spiritisme) un emete nonvidable ma esensal cual ensirca un corpo vivente; un sensa avertinte esperiada ante un aveni de epilesia o migrania
aurora = un fenomeno de eletrica natural, marcada par bandas de lus rojin o verdin en la sielo, tipal prosima a la polo magnetal norde o sude
Australasia = la parte de la Tera composada de Australia, Zeland Nova, Gine Nova, e la isolas visina en la Mar Pasifica
Australia = un continente, isola e pais en la emisfera sude, en la Mar Pasifica sude-ueste
australopiteco = un primate bipede con alga cualias umana, trovada como fosiles en Africa, en deponedas de la temprana de la pliosene e plestosene
austronesian = pertinente a la familia de linguas parlada en la isolas de Asia sude-este e la Mar Pasifica, e en Madagasicara
autentica = con orijina nondisputada; con vera la identia o cualias cual on declara
autisme = un maladia mental, presente de la temprana de enfantia, marcada par difisiles en comunica e formi relatas con otras e en la usa de lingua e consetas astrata
auto = un veculo de strada, tipal con cuatro rotas, propulsada par motor, e capas de porta un cuantia peti de persones
auto de serie = un auto de corsa convertida de un auto comun
auto de xoca = un veculo peti eletrical con un paracolpa de cauxo, tipal con otras en un diverti a un feria
automanica = un person multe interesada a autos
autovia = un strada major, tipal liante sites
auto- = ajuntante la idea de automati o de pertine a se mesma
autoclave = un contenador forte per produi reatas cimical e otra prosedes par usa presas e temperatures alta
autocrata = pertinente a un governa o renor con potia asoluta
autodafe = un reali publica de un condena donada par un incuisisio a un erese suposada, tipal par arde a pira
autojiro = un veculo volante, simil a un elicotor, ma cui veletas no es motorida ma es jirada par sua move tra aira, e cui propulsa es furnida par un motor con elica
automata = (un aparato o prosede) operante par se mesma, con controla minima par umanas
automobil = un auto
automorfe = (un mineral) cui forma esterna es controlada sola par sua strutur cristal interna; isomorfe a se
autono = la saison tre de la anio, cuando vejetales, sereales e frutas es colieda e folias cade, de setembre a novembre en la emisfera norde, e de marto a maio en la emisfera sude; la periodo de la ecuinote autonal a la solstisio invernal
autonom = libre de controla par persones o cosas esterna; no dependente de la autoria de un otra; no dependente de un otra per comedas, abiteria, etc
autopsia = esamina (un corpo) mor per determina la causa de mori, la estende de un maladia, etc
autor = la scrivor de un libro, article, o reporta; la creor de un idea o scema
autoria = la cualia de es un autor; la fato legal ce algun ia es la autor de alga cosa
coautor = un person ci comparti la taxe de scrive un article o libro
autoria = un potia o direto de comanda, deside e forsa la obedi
autori = dona autoria a
autoriosa = un person o organiza cual ave autoria political
autoritar = (un personalia) credente ce sua autoria debe es asoluta obedida
autoritar = un person o sistem autoritar
autoritarisme = un sistem sosial en cual un grupo peti de politicistes ave la autoria
autostopa = viaja par oteni pasaje libre en veculos acaso pasante
autotrof = pertinente a organismes capas de formi materias nurinte de materias nonorganica como diosido de carbono
a-uu = un sona longa e lamentin como lo fada par un lupo
avalanxa = (neva, jela e rocas) cade rapida de la lado de un monte
avansa = move a ante, tipal en modo fidante
nonavansa = atenta avansa sin susede
avar = desirante forte e egoiste un cosa, tipal ricia e potia; protejente forte sua ricia
Avarua = la site capital de la Isolas Cook
avatar = (en induisme) un incarne de un dio, diva o otra spirito con forma de person; un figur cual representa un person spesifiada en juas o en foros de interede
ave = posese, teni (un cosa); es marcada par (un cualia); es relatada a (un person)
avena = un planta sereal, cultivada en climas fria; la gran de esta, comeda par umanas e animales
aveni = (un ata) es fada, o reali se
coaveni = (du o plu cosas) aveni a la mesma tempo
aventura = partisipa en un ata stimulante, noncomun o perilosa; esplora un teritorio nonconoseda
averbo = un parola descrivente, tipal usada per altera un verbo o sintagma verbin, un ajetivo o sintagma ajetivin, o un otra averbo o sintagma averbin
averbo-sujunta = un averbo cual introdui un suproposa averbin o nomin, como `cuando` en `me dormi cuando me pote`
averbin = usada en modo simil a averbos
averti = informa (algun) de un peril, problem o situa nonplasente cual el ta pote esperia en la futur
avesta = la scrivedas santa de zoroastrisme, scriveda en la sentenio 4 EC
avi = un jenitor de un padre o madre
ava = la madre de un padre o madre
avo = la padre de un padre o madre
avia = un vertebrato oviparinte con sangue calda, plumas, alas, beco e tipal la capasia de vola
avicultur = la eleva de avias
avida = zelosa per oteni alga cosa o informa
avion = un veculo propulsada e volante, con alas fisada, cual pesa plu ca la aira cual lo desloca
avioneta = un macina peti cual vola en modo telecomandada
avionica = eletronica aplicada a aviones
avisa = informa (algun) sur alga cosa, tipal en modo formal, ofisial o automata
avisa de para = un panel, tipal a un crusa de vias, indicante ce trafica debe para
avisa de trafica = un indicador per controla la flue de trafica o per dona informa a la veculores
avisa de via = un panel locada sur un strada o otra via per mostra sua nom
avocado = un arbor perene de la tropicos de America Sentral; la fruta de esta, formida como un pera con pel ru e cuorin, pulpa comable, e seme grande
avocato = algun ci studia la lege per aida persones e organizas en casos legal
avoseta = un avia vadante, con gamas longa, beco magra e curvida a supra, e plumas con motifes cual saisi la oio
ax = un letera vocal anglosason, oji usada en alga linguas scandinavian
axa = un util tipal usada per talia lenio, tipal composada de un lama pesosa de aser liada en angulo reta a un manico de lenio
axcenazi = pertinente a la iudis desendente de los en Europa sentral o este, ci conserva la tradisiones iudi de Filastin en loca de los de Babilonia
Axgabat = la site capital de Turcmenistan
axi = la sona de un stornui peti
axia = un util simil a un axa, ma con lama arcida, usada per talia o formi pesos grande de lenio
axila = la caveta su la braso a la spala
axiom = un declara o proposa cual on regarda como bon fundida, asetada o evidente; un declara o proposa sur cual un strutur astrata es fundida
axisa = un coordinada de ase x
Axoca = la imperor de Barat en la sentenio 3 AEC, ci ia institui budisme como la relijio de la stato
axocan = pertinente a la rena, eda e teritorio de Axoca
axolote = un salamandra mexican cual reteni tipal sua forma acual tra sua vive, ma es capas de reprodui
axram = un eremiteria o monceria, tipal en Asia sude
axu = la sona de un stornui forte
azalea = un arboreta caduca con grupos de flores briliante colorida
Azerbaidjan = un pais en Asia sude-ueste en la Caucasos a la costa ueste de la Mar Caspio
azimuta = la dirije de un ojeto sielal, espresada como la distantia angulo entre la punto norde o sude de orizon e la punto do un sirculo vertical tra la corpo crusa la orizon
azor = cualce de alga spesies grande de avias xasante de la emisfera norde
azospermia = la manca de spermas capas de move en la semin
azotemia = un maladia marcada par grados nonormal alta de composadas conteninte nitrojen en la sangue
Azov, Mar = un estende de la Mar Negra, a sude de Ucraina
azuci = un planta trepante cultivada en Asia este per sua favas peti
azul = briliante blu, como la sielo sin nubes
azurite = un mineral blu, composada de idrosido de carbonato de cupre, aparente como prismas blu o masas de cristal
b = la letera du de la alfabeta roman; la nota sete de la scala diatonica de C major
ba = espresante un manca de interesa
babau = un mal spirito imajinada, istorial usada per asusta enfantes; un person o cosa cual on regarda tipal como un ojeto de teme; un causa de teme, irita o despeta osesente
babca = un torta dulse de pasta levada con forma de pan, conteninte uvas seca, nozas o xocolada
Babel = un site mital en cual persones, par orgulo, ia vole construi un tore multe grande
tore de Babel = un mito sur la multia de linguas
babela = parla rapida e continuante en modo fol, ajitada o noncomprendable
babela bela = diseda per imita un testo parolosa o noiante
Babilon = un site major en Babilonia
Babilonia = un rejion antica de Mesopotamia, formida cuando la renas de Acad en la norde e Sumer en la sude ia combina en la dui prima de la milenio du AEC
babirusa = un porco savaje de la forestas de Malaisia con alga dentones cornin
babor = a la lado sinistra de un barco cuando on fasa la fronte
babuin = un simia grande e sosial de la mundo vea, con beco longa como un can, dentes grande e calos nuda sur la gluteos
baca = un fruta peti, ronda e jusosa
bacara = un jua de fortuna en cual on atenta teni cartas con valua somante a un numero cui dijito destra es la plu alta
bacelita = un forma temprana de plastica, tipal oscur brun, fabricada de formaldehido e fenol, xef usada per aparatos eletrical
baclava = un deser orijinante en Asia ueste, composada de pasta folin plenida con nozas axida, empapada en miel
Bactria = un pais antica en Asia sentral, corespondente a la parte norde de Afganistan moderna
Bacu = la site capital de Azerbaidjan
badaui = pertinente a la nomadas arabi de la deserto
badminton = un jua o sporte con racetas en cual un volante es colpada de asi a ala supra un rede
Baia Baffin = un baia entre Labrador e Calalitnunat
Isola Baffin = un isola grande canadian en la Mar Artica a norde de la Baia Hudson
bagaje = ojetos personal, pacida en valises per viaja; la aparatos portable de un armada
Bagdad = la site capital de Irac
bagel = un paneta densa con forma anelo, tipal de cosini iudi
bagete = un pan franses, longa e magra
bahai = pertinente a un relijio monoteiste, fundida en la sentenio 19, cual asentua la unia de umanas e tota relijios, e la aspira a pas mundal
Bahamas = un pais de multe isolas a sude-este de Florida e a norde-este de Cuba
baia = un parte de mar o lago en un indente de costa, tipal con boca larga
Baical, Lago = un lago grande de acua dulse en Sibir sude, la plu grande de Eurasia e la plu profonda de mundo
Baiern = la nom elefenida de Bayern
baieta = un stofa de lana feltrin, tipal verde, usada per covre tables de biliardo o juas de carta
baioneta = un arma simil a un cotel longa cual on pote fisa a boca de fusil per usa en combate prosima
bait = un grupo de bites, tipal oto, manipulada como un unia, e usada en mesura la grandia de un fix o memoria
multibaital = (un sinia de testo) representada par du o plu baites
baji = (en cosini barati) un bal o torta plata peti de vejetales, fritada en pasta
bal = un sfera o oval, solida o vacua, usada en juas e sportes; cualce cosa con forma simil
baleta = un misil metal peti, tipal silindre e puntida, xutada de un fusil; un simbol peti introduinte cada punto en un lista
balon = un ojeto inflable e flotante; un tal ojeto peti usada como un jueta o per decora; un spasio bordada, tipal oval, conteninte la testo parlada par un carater en un cartun
bala = (un ovea o capra) fa sua clama
Balabak, Streta = un streta entre Palauan e Borneo
balaclava = un veste cual covre la testa e colo estra partes de la fas, tipal fabricada de lana
balada = un poesia o canta narante en strofes corta; un canta lenta e emosiosa o romantica
balalaica = un strumento de cordetas simil a un gitar, ma con corpo triangulo e entre du e cuatro cordetas, orijinante en paises slavica
balansa = un plance longa, ecuilibrada sur un fulcro, sur cual du enfantes senta e alterna en puia se a supra; un strumento per mesura pesa, usante du boles sur un fulcro
Balansa = un constela de la zodiaco
balasto = un materia pesosa, portada per stablia en la basa de un barcon; un materia simil en un balon cual on descarga cuando on vole alti
balboa = la unia de mone en Panama
balbuta = parla con pausas nonintendeda e un tende de repete la leteras inisial de parolas; fa un serie de sonas corta esplodente
balcan = pertinente a la parte de Europa cual conteni la parte sude de la Rios Danubio e Sava, a ueste de la Mar Ejeo e Mar Negra, a este de la Mar Adriatica e Mar Ionica, e a norde de la Mar Mediteraneo
balcon = un plataforma encluida par un mur o rel a la esterna de un construida, asedable tra un porte o fenetra a la mesma nivel; la sejas a supra en un teatro, salon de conserta, o salon de presenta
balcon media = un nivel de un construida cual es partal abrida a la atrio a su
baldacin = un covrente de stofa, metal o petra supra alga cosa como un trono, leto o loca santa
balde = un contenador silindre e abrida, tipal de metal o plastica, con un manico, usada per teni e porta licuidas o otra materias
baldon = un contenador per dejetadas, tipal estra un casa
Isolas Balear = un grupo de cuatro isolas grande e sete isolas peti en la Mar Mediteraneo a este de Espania
Mar Balear = un mar entre la Isolas Balear e Espania
balena = un mamal multe grande de mares, con corpo idrodinamical sin pelo, con pina orizonal a sua coda e un buco de respira a la culmina de sua testa
balena pilotin = un balena oscur gris, de cualce de du spesies cual aspeta multe simil
balenotero = un rorcual
balesta = un arco medieval, monturida sur un lenio, con ranur per la flexa e un aparato per tira e relasa la corda
baleston = un varia tarda e grande de balesta, usada en Europa en la sentenio 12
baleto = un dansa artal a musica, usante pasos e jestis esata e multe formal
Bali = un isola montaniosa en Indonesia, a este de Djava, notada per sua belia e la ricia de sua cultur
balia = abri nonvolente sua boca e enspira profonda, tipal cuando on es fatigada o noiada; (un buco) es larga abrida
baliaje = un distrito su la autoria de un balio, spesial en la Rena Unida
balio = (istorial) la representante rejional de un monarca
balistica = la siensa de misiles e fusiles
balmol = un sporte simil a basebal ma usante un bal plu grande e mol
balo = un congrega sosial do persones dansa
Balotxistan = un rejion montaniosa de Asia ueste cual inclui un parte de Iran sude-este, Afganistan sude-ueste, e Pacistan ueste; un provinse de Pacistan ueste
balsa = un strutur plata e flotante de lenio, usada como barco o plataforma flotante
balsam = un materia resinosa sudada par alga arbores e arboretas, usada per fabrica cosmeticas e unjentes; un unjente bonodorosa usada per sani o calmi la pel
balti = un plato spisosa de Pacistan, coceda en un casoleta peti con du manicos
baltica = pertinente a la rejion composada par Esti, Lietuva e Latvia e la Mar Baltica
Mar Baltica = un mar a norde de Deutxland e Polsca, a sude de Sveria e Suomi
balustre = un de un serie de colonas corta cual suporta un rel
Bamaco = la site capital de Mali
bambola = move en modo nonstable de lado a lado, como si a punto de cade; move en modo torpe o perilida en acua o fango
bambu = un erba leniosa e jigante cual abita xef la tropicos; la talo de esta, usada per fabrica mobilas
banana = un arbor tropical con folias multe grande e frutas cual crese en grupos; la fruta comable de esta, longa e curva con pulpa mol e pel jala cuando matur
banca = un seja longa per plu ca un person, tipal construida de lenio o petra
bancon = un table streta e longa do on servi bevidas en un bar, comedas en un buferia o clientes en alga spesies de boteca; un surfas plata sur cual on labora en un cosina o sala simil
bancarota = (un person o organiza) noncapas de paia detas, par declara legal, o ci ia perde tota sua valuadas
banceta = un come grande per multe persones
banco = un instituida finansial cual investi mone deponeda par clientes, repaia cuando esijeda, presta mone con interesa, e intercambia mones; un grupo de aparatos simil organizada per funsiona en junta
bancsia = un arboreta perene de Australia con folias magra e cuorin e spinas de flores brosin
banda = un peso longa e magra de materia plata, tipal usada per lia o decora; un peso simil ma autoaderente, usada per fisa; un peso simil ma con cualias magnetal, usada per rejistra sonas, imajes o datos; un de la partes individua composante un misca audio; un divide de un via, marcada par linias depintada per separa trafica par rapidia o dirije
multibandal = pertinente a la misca de bandas de sona cual ia es rejistrada en modo separada
Banda, Mar = un mar entre Malucu e Timor
bandaje = un banda de stofa usada per proteje o suporta un feri
bandana = un teleta grande e colorosa, portada sirca la testa o colo
Bandar Seri Begauan = la site capital de Brune
Bandar Seri Bagawan = la site capital de Brune
bande = un grupo unida de musicistes; un grupo de amis
bandera = un peso de stofa, tipal retangulo, con un borda liada a un palo o corda, usada como un simbol de un nasion o instituida o como un decora en festas; un cosa simil usada per comunica; un banda longa de stofa con un slogan o desinia, publica pendeda o portada en un prosegue; (en programi) un bit o variable usada per indica un state
bandicute = un marsupio insetivor nativa de Australia e Gine Nova
bandito = un rubor o otra criminor parteninte a un gang, tipal operante en un rejion isolida o sin leges
bandolera = un xarpe de spala con anelos o poxes per cartuxes, portada par soldatos o banditos
bandura = un strumento de cordetas, orijinante en Ucraina, cual sembla un luto grande, juada como un sitra
bangalo = un casa con sola un nivel su la teto
Bangladex = un pais en Asia sude en la delta de la Rio Ganga a la Golfo Bengala
bangra = un spesie de musica popular cual combina folclor pandjabi con pop ueste
Bangui = la site capital de Sentrafrica
banio = un contenador grande plenida con acua en cual un person pote lava se
baniomaria = un casola con un comparte separable a supra cual on pote caldi par acua calda o bolinte en la comparte a su
banjo = un strumento de cordetas con colo longa e corpo ronda de pergamin estendeda sur un anelo metal, tipal usada en musica tradisional de la SUA
Banjul = la site capital de Gambia
banlam = pertinente a un popla de partes de Jonguo sude, o a sua lingua
bantu = pertinente a un grupo grande de poplas nativa de Africa sentral e sude, o a sua multe linguas relatada
banxi = (en mitos eres) un spirito fema cui ululas averti a un mori prosima
baobab = un arbor corta con tronco estrema spesa e frutas grande e comable, capas de vive multe longa
bar = un instituida do on servi bevidas alcolosa, e a veses otra bevidas e comedas; la table de vende en un tal loca; un scafal o armario do on teni bevidas alcolosa en un casa privata o sala de otel
minibar = un friador peti en un sala de otel, conteninte bevidas e cometas
bara = un peso longa de lenio, metal o otra materia dur, tipal usada como un util o arma; un peso de comeda con forma simil; un sinia de puntua scriveda entre alternativas o en fratos
bara de molas = (en un caro) un bara traversante cual suporta la molas
bara de pesas = un palo longa con pesas a cada fini, usada en eserses fisical
baracuda = un pex tropical, grande e xasante, con corpo magra e mandibulas e dentes grande
Barain = un pais en Asia ueste, composada de un grupo de isolas en la Golfo Persian
Barat = un pais grande en Asia sude
barata = con custa basa
baratamanica = (un person avar) ci no vole paia per cosas
barba = un crese de capeles sur la mento e jenas de la fas de un om; un mexa simil sur la mento de alga animales
Barbados = un pais e isola en la Mar Caribe este
barbar = sin cultur o sivilia; primitiva; cruel, bruta
barbarisme = un parola malformida o malpronunsiada
barbecu = un tipo de grilia supra un foco basa sur cual on coce comedas, spesial carne, per sabori los par la fuma; un asembla sosial do on coce comedas estra casa sur un tal grilia
barbiturica = un medisin calminte o cual indui dormi, derivada de asida barbiturica
asida barbiturica = un asida organica sinteseda
barbo = un pex grande de acuas dulse de Europa, con filetas pendente de sua boca
Barbuda = un de la du isolas major de la pais Antigua e Barbuda
barcasa = un barcon con fondo plana, usada per porta cargas tra canales e rios
barco = un veculo peti, propulsada sur acua par remos, velas o motor
airobarco = un barco con un elica grande estra la acua a sua retro, tipal usada en pantanes
barceta = un barco de remos; un barco peti inflable
barcon abandonada = un barcon cual flota ancora ma es nonfunsionante, cisa usada como un reteneria, abiteria o simil
barcor = un person ci construi barcos o usa los en sua labora
motobarco = un barco motorida, tipal usada per recrea
bardana = un planta erbin e grande en familia de margarita, con flores cual deveni capsulas spinosa
barde = un poesiste, tipal un ci nara epicas antica
Barents, Mar = un mar a norde de Noria e Rusce, un parte de la Mar Artica
baril = un contenador grande e silindre, fabricada de lenio, metal o plastica e plu larga a sua media, tipal usada per conserva licuidas alcolosa
bario = la elemento cimical con numero atomal 56, opaca a raios X e donce usosa en radiografia medical de la stomaco o intestines
barion = un particula suatomal con masa egal a o plu ca un proton
barisentro = la sentro de masa de du o plu corpos cual orbita lunlotra
barita = un mineral composada de sulfato de bario
baritono = (un vose cantante de om) con tono entre basa e tenor
barmitsva = la rituo de inisia un xico iudi a la eda de 13 anios
baroca = pertinente a la stilo de arciteta, arte e musica de Europa en la sentenios 17 e 18, marcada par sua detalia ornosa
barometre = un strumento cual mesura la presa de la atmosfera, tipal usada en la studia de clima o per mesura altia
baron = un membro de la ordina la plu basa de nobiles engles, o un ordina simil en otra paises
basa = con poca estende a supra; situada prosima a la tera o otra funda; (un parte) situada su la loca tipal; con grado o prestijia min ca la majoria; (un tono) con frecuentia peti; (acua o un vale) no profonda; (un person) desplasente, repulsante, noncompatiosa, bruta o con mal maneras
basi par du metres = perde du metres de altia
basalto = un roca volcanal negra con particulas pico
bascetbal = un sporte juada entre du ecipos de sinco juores, en cual on reseta puntos per lansa un bal tra un anelo a cada fini de la campo
base = la loca major de funsiona, spesial en operas militar; un materia usada como un funda per pinta o cosmetica; (en cimica) un materia capas de reata con un asida per formi un sal e acua, o de aseta o neutri iones de idrojen; (en gramatica) la forma noninfletada de un verbo; (en matematica) la numero fundal de un scala de conta; (en basebal) un de la cuatro locas cual on debe traversa en un turno per gania un punto
basal = pertinente a un base (spesial en cimica)
monobasal = (un asida) conteninte un ion de idrojen recambiable; (un sal) conteninte un atom de valentia 1
polibasal = (un asida) conteninte plu ca tre iones de idrojen recambiable; (un sal) conteninte plu ca tre atomes de valentia 1
basebal = un sporte con du ecipos de nove juores en cual on colpa un bal peti con un baston e core sirca un diamante de bases
Basetere = la site capital de San Kitts e Nevis
basil = un erba bonodorosa en familia de menta, nativa de Asia tropical; la folias de esta, usada en cosina
basilica = un construida retangulo con du series de colonas e un apside semisirculo, usada en Roma antica e como un eglesa cristian
basilisco = un lezardo longa, magra e briliante verde de America Sentral; (en mitos) un retil con regarda o respira matante, cual emerje de un ovo poneda par un gal mas e caldida par un serpente
basilo = un bateria con forma de paleta, cual causa alga maladias
basin = un depresa natural o artifis en la surfas de la tera; un construida resetante acua, per bani o lava
Basin Grande = un rejion seca en la SUA, a ueste de la Montes Rocosa
basmati = un varia de ris longa, magra e bonodorosa de Barat
baso = (un vose cantante de om) con tono la plu basa; (un strumento) con tono la plu basa en sua familia
contrabaso = un strumento de cordetas, sonante a un otava plu basa ca la baso comun
basofilica = (un selula o sua contenidas) capas de es fasil colorida par tinjentes alcalin
bason = la strumento basa en la familia de oboe, con anxa duple
Bass, Streta = un streta entre Australia e Tasmania
basta = es plu ca sufisinte
bastardo = (istorial) un person con jenitores nonsposida con lunlotra; (insultante) un person nonplasente o despetada
bastion = un parte protendente de un fortres, angulida de la linia de un mur, permetente ce defendores xuta en dirijes diversa
basto = un ramo magra e reta de un arbor; un peso magra de lenio, tipal usada per suporta o mesura; un peso magra de metal, usada per prepara la carga de un fusil de antecarga
baston = un basto spesa o pesosa, tipal usada per colpa
bat = la unia de mone en Tai
batalia = luta contra o combate (algun) tra un periodo longa e difisil, como du fortes militar; (metafor) labora o campania forte e ostinosa contra (un problem)
batalion = un grupo grande de soldatos preparada per batalia; (metafor) un grupo grande de persones promovente un gol comun
bate = colpa forte (un person o animal) a multe veses per dole o feri el, tipal con un baston o flajelo; colpa forte (un cosa) a multe veses per crea un ruido o ritmo, o per despolvi lo; marteli (metal) per formi lo; turba o secute (crema, ovos o simil) per cambia lo a un spuma
bateovo = un util de cosini per bate ovos o crema
bateporte = un ojeto de metal o lenio xarnierida a un porte e bateda par visitores per atrae atende
batetador = un ojeto de metal o lenio, xarnierida a un porte e colpada par visitores arivante; un aparato medical per stimula la cor e regula sua contraes
bateria = un membro de un grupo multe grande de microbios uniselulal, con mures selulal ma sin organetas e sin nucleo, de cual alga causa maladias
bateriofaje = un virus cual infeta e reprodui se en baterias e arceas
bateriolojia = la studia de baterias
bateriostase = la sesa de crese de baterias
bateriostasal = un enzima o simil cual para la crese de baterias
baterioterapia = la usa de baterias transplantada en un organisme
bateriside = un materia cual mata baterias
baterivor = (un microbio) cual come baterias
batic = un metodo orijinante en Djava per produi desinias colorosa sur stofas par tinje los pos proteje alga partes con sera; un stofa produida en esta modo
batiscopio = un aparato per regarda su la surfas de acua
batisfera = un cambra sfera cual pote porta persones per oserva su mar, tenida par cordon a un barcon
batisme = un seta de protestantisme cual promove la batiza sola de adultes e par sumerje completa
anabatisme = la prinsipe ce batiza debe es sola per adultes credente
batista = un stofa delicata de lino o coton
batiza = la sperde de acua sur la fronte de (un person, tipal un bebe), o la sumerje completa de (algun), per simboli puri o rejenera e la entra a cristianisme, tipal acompaniada par un dona de nom
batmitsva = la rituo de inisia un xica iudi a la eda de 12 anios e un dia
bauxita = un roca deponeda e arjilosa cual es la mineral comersial xef de aluminio
bava = (un licuida) cade lenta en gotas o un corente magra
bava = cade (saliva) de sua boca
Bayern = un stato en Deutxland sude, e istorial un rena autonom
bazar = un mercato en paises de Asia ueste; un vende de benes per recolie reservas, tipal per un asosia carital
bazuca = un cazu trompetin; un lansaroceto tubo, usada contra tances prosima
bearnes = pertinente a un rejion en Frans sude-ueste o a sua cosini, spesial a un salsa rica con jalas de ovos e estragon
beata = (un person) ci joia la felisia spirital; (un person) reconoseda, par un eleje papal, como un model spirital per la otras
beati = la prosede de reconose, par eleje papal, ce un person cristian ia pratica en sua vive la virtuas cristian en modo perfeta o an eroin
Beaufort, Mar = un mar a norde de Alaska e Yukon, un parte de la Mar Artica
bebe = un enfante multe joven, spesial un ci ia nase resente; un animal multe joven o nova naseda
bebe de la buma = un person ci ia nase en la buma de bebes, la du desenios pos la Gera Mundal Du
bebop = un tipo de jaz de la desenio de 1940, con armonia e ritmos complicada
becasia = un avia de bosces en familia de calidris, con beco longa, plumas brun e camuflada, e un moda distinguida de vola esibinte
becerel = la unia internasional per mesura radioativia, egal a un desintegra per secondo
beco = la mandibulas cornin e estendeda de un avia o otra animal; la nas e boca estendeda de un animal, tipal un mamal; la parte de un strumento musical cual on teni entre o contra sua labios; la fini puntida de un pen, cual distribui la inca sur la surfas de scrive; la parte de un carafa cual gida la flue de un licuida versada; la borda fronte de un xapeta o cosa simil
becobarcin = un eron con beco larga, negra e culierin
becocrusada = un pinson spesa cui mas es tipal roja e cui fema es tipal oliva, con mandibulas crusada per estrae semes de conos de coniferes
becoibisin = un avia vadante de la planos alta de Asia sentral, con beco longa e curvida a su
becosapatin = un siconia african con plumas gris e beco multe grande con forma de zoco
becosisorin = un avia de mar con alas longa, relatada a la sternas, ci come par vola con sua mandibula basa su la acua
becospatulin = un avia vadante, relatada a la ibises, con plumas xef ros o blanca e un beco longa con fini plata e larga
becospesa = un pinson con beco spesa e cono, tipal con plumas briliante colorida
bedel = un ofisior de rituos en un eglesa o universia o instituida simil
begonia = un planta erbin de climas calda, con flores briliante colorida ma composada sola de sepales e no petales
behemot = un monstro grande mostrada a Job en la Biblia
Beijing = la site capital de Jonguo
Beirut = la site capital de Lubnan
beje = pal jalin brun
bela = estetical plasente a la sensas o mente; atraosa
beladona = un planta venenosa de Europa con flores purpur e frutas negra simil a serisas; un droga preparada de la folias e radises de esta, conteninte atropina
Belau = un pais en la Mar Pasifica ueste, composada de un grupo de sirca sento isolas
Belfast = la site capital de Er Norde
belga = pertinente a un popla celta de Galia norde
Beliz = un pais en America Sentral a la costa de la Mar Caribe a este de Guatemala
Beljia = un pais en Europa ueste entre Nederland e Frans
Belmopan = la site capital de Beliz
beltin = un festa antica de la celtas, selebrada a la dia prima de maio
beluga = un balena peti, con dentes blanca, relatada a la narval, vivente en manadas, xef prosima a la costas de la Mar Artica
belvedere = un strutur con teto, tipal abrida a cada lado, cual ofre un vista bela
bemol = (un nota) plu basa par un semitono ca un nota spesifiada; (un strumento o nota) malajustada e sonante su la altia espetada
ben = un cosa cual on vende o compra
benes de promove = ojetos con logo o slogan, distribuida sin custa o a poca custa per promove un aveni, un marca comersial, o simil
benedictin = pertinente a un ordina de monces ci segue la regulas de San Benedicto
benefica = reseta o gania un vantaje o profita (de alga aveni)
Bengala = un rejion de Asia sude cual conteni la deltas de la Rios Ganga e Brahmaputra
Golfo Bengala = un parte de la Mar Indian a sude de Bangladex, a este de Barat, e a ueste de Miama e Tai
Benin = un pais en Africa ueste, a ueste de Nijeria
benzen = un idrocarbono licuida, volatil e sin color, trovada en catran de carbon e petrolio, e usada en sintese cimical
benzodiazepina = cualce de alga composadas organica eterosicle, usada como calmintes
asida benzoica = un solida cristal sin color e un asida simple de carbosil
Beograd = la site capital de Serbia
Beotia = un rejion de Elas
berber = pertinente a la popla nativa de Africa norde o a sua linguas afroasian
berberis = un arboreta spinosa cual produi flores jala e bacas roja o blu-negra
bercelio = la elemento cimical con numero atomal 97
bereta = un xapeta plata de feltro o otra materia; un xapeta cuadro con tre protendes plata, portada par eglesores catolica
Bergamo = un site italian en la rejion Lombardia
bergamasca = un dansa campanial italian; un musica per esta dansa
bergamoto = un tipo de oranio cui frutas ave cascas conteninte un materia oliosa cual on usa en cosmeticas e per sabori te
beril = un mineral transparente de jala, blu o verde pal, usada como un jem
berilio = la elemento cimical con numero atomal 4, un metal dur e gris
Mar Bering = un estende de la Mar Pasifica norde entre Sibir e Alaska, bordada par la Isolas Aleutian a la sude
Berlin = la site capital de Deutxland
Bermuda = un teritorio ultramar de Britan, composada de sirca 150 isolas peti, en la Mar Atlantica a este de America Norde
Bern = la site capital de Suiz
besa = toca (un person o cosa) con sua labios como un indica de ama, desira sesal, adora o saluta
besaculo = (nonformal) un adulor
besaorea = (nonformal) un adulor
bestia = un mamal domada; cualce animal grande e cuatropede
beta = un planta erbin, cui radis es comeda par umanas e animales domada e es prosededa per zucar
beta = la letera du de la alfabeta elinica
betaui = pertinente a un popla austronesian de Jakarta en Indonesia, o a sua lingua
betawi = pertinente a un popla austronesian de Jakarta en Indonesia, o a sua lingua
betel = un planta trepante e perene de Asia, cui folias es usada como un stimulante
beton = un materia ru e pesosa, usada en construi, composada de un misca de calculos, arena, semento e acua
betoni = covre, construi con beton
betonador = un macina cual misca semento con acua, arena e calculos per fabrica beton
betong = un marsupio peti e simil a un rodente, nativa de Australia ma aora perilida
betonica = un planta eurasian en familia de mento, con spigas de flores ostentosa purpur
betul = un arbor magra e rapida cresente cual ave un cortex magra e produi amentos, trovada en locas norde
bevi = prende (un licuida) en la boca e engoli lo
bexamel = un salsa blanca de lete, erbas e otra saborintes
bezica = un jua de cartas per du persones usante 64 cartas (la sete asta la as de du pacetas)
bezoar = un coagula peti e petrin cual pote formi en la stomaco de alga animales, tipal remasticantes, e cual on ia usa istorial como un remedia per alga maladias
bi- = a du veses, duple
Biblia = la libro santa de iudisme e, con ajunta de la Atesta Nova, de cristianisme
biblio- = libros
bibliofilia = la ama de libros o de colie los
bibliografia = un lista de libros a cual un obra erudita refere, tipal primida como un apendis; un lista de la libros de un autor; la descrive sistemal de libros, sua autores e publicis
biblioteca = un colie de libros e jornales per usa o empresta par la popla o membros de un instituida; un salon o construida cual conteni esta; un colie simil de filmas, musica rejistrada, materia jenetical, etc, retenida per rexerca o empresta; un sala en un casa privata, dedicada a libros; (en informatica) un colie de funsionas o programes furnida per usa jeneral
biblioteconomia = un campo de studia cual aplica a bibliotecas la tecnicas de maneja e informatica
bicini = un veste de nada per femes, con du pesos tipal peti
bide = un bol oval e basa, usada per lava la jenitales e ano
biela = un bara juntante du partes movente en un macina, tipal lo entre la piston e la arbor de maniveles en un motor o pompa
Bielarus = un pais en Europa este, entre Rusia e Polsca e a norde de Ucraina
bien = serta, vera, en fato, sin duta (forte asentuante la verbo presedente o cualce otra parola seguente)
bies = un de la du dirijes perpendicular a la cadena e trama de un stofa
bigama = sposida a du persones a la mesma tempo, tipal nonlegal
bigel = un can peti con pelo corta, usada per xasa lepres
bigin = un dansa orijinante sur la isolas de la Mar Caribe, simil a la fostrot
bijeta = fa o usa un bijeta
bijeta = un funsiona cual es e un injeta e un surjeta
bilaterio = un membro de un grupo tasonomial usada per clasi animales con simetria biladal
bilbi = un marsupio omnivor de la desertos de Australia
bile = un licuida amarga e verdin brun cual aida dijesta, secreteda par la figato e retenida en la vesica bilal
bileta = un paper o carta peti cual permete ce sua posesor entra a un loca, viaja par transporta publica, regarda un spetaculo, etc; un paper simil cual permete ce sua posesor reseta un ben o servi en futur, o paia min per lo; un paper usada como mone fisical
bilia = un bal peti de vitro colorida o simil, usada en alga juas per enfantes
biliardo = un jua con spesies diversa ma tipal per du persones, usante un table spesial con bales dur, propulsada par colpa los con la fini de un basto reta
bilion = des a potia nove; mil milion
binar = avente sola du states posible; pertinente a o espresada en un sistem de numeros con la base 2 e usante sola la dijitos 0 e 1; (un stela) composada de du partes
binoculo = un aparato otical con un lente per cada oio, usada per regarda cosas distante
binomio = (en matematica) un espresa de aljebra, la soma o difere de du termas; (en biolojia) la nom de un spesie, composada de du nomes; (en gramatica) un sintagma nomin con du nucleos, liada par un conjunta, cui ordina es relativa fisada
bio- = vive e organismes
biofilia = un simpatia inata e jenetical entre umanas e la mundo natural
biografia = un raconta de la vive de un person, scriveda par un otra
autobiografia = un raconta de la vive de un person, scriveda par el mesma
biolojia = la studia de organismes
airobiolojia = la studia de microorganismes portada par aira, polen, sporas e semes, spesial como ajentes de infeta
astrobiolojia = la siensa intercampal cual studia la orijinas, distribui e futur de vive en la universo, incluinte la posiblia de vive sur otra planetas o en spasio
cronobiolojia = la ramo de biolojia cual studia fenomenos fisiolojial sicle
microbiolojia = la ramo de siensa cual studia microbios
neurobiolojia = la ramo de biolojia cual studia la sistem de nervos
paleobiolojia = la studia de organismes de edas preistorial o jeolojial, como representada par fosiles
psicobiolojia = la ramo de siensa cual studia la funda biolojial de condui e fenomenos mental
sosiobiolojia = la studia siensal de la evolui e aspetas biolojial e ecolojial de la condui sosial de animales e umanas
xenobiolojia = la studia de viventes posible sur otra planetas
bioma = un comunia grande de organismes natural aveninte, en un abitada major, per esemplo un foresta o tundra
biometria = la aplica de analise statistical a datos biolojial
bionica = la studia de sistemes macinal cual funsiona como organismes o partes de organismes
biopsia = un esamina de texeda estraeda de un corpo vivente per determina la esiste, estende o causa de un maladia
bir = un bevida alcolosa fermentada de malta e saborida con lupulos
microbireria = un bireria autonom cual produi bir en cuantias peti
bir = la unia de mone en Itiopia
biriani = un plato de Barat e otra paises de Asia sude, composada de ris con spises, lentiles, carnes e vejetales
bisaia = un popla ci abita en la Pilipinas sentral
Isolas Bisaia = un grupo de isolas en la Pilipinas sentral
linguas bisaia = un familia de linguas parlada par la bisaias, cual inclui sebuano
Mar Bisaia = un mar interna de la Pilipinas, a este de Panai
Bisau = la site capital de Gine-Bisau
bisc = un sopa cremosa de crustaseos pureda, orijinante en Frans
Golfo Biscaia = un golfo a este de Frans e a norde de Espania, un parte de la Mar Atlantica
biscoto = un torta peti e nonlevada, tipal ronda, plata, dulse e cracosa
bisel = (en construi) un borda inclinada a via de orizonal o vertical; un peso de un strumento de venta cual dirije aira contra un borda agu
bisepe = cualce musculo con du puntos de fisa a un fini; la musculo grande de la braso alta; la musculo grande a la lado dorsal de la coxa
Bismarck, Mar = un mar a norde de Papua Gine Nova e Britan Nova
bismuto = la elemento cimical con numero atomal 83
biso = un faxo de filetas secreteda par multe spesies de bivalvos per fisa se a un surfas solida
bison = un bove grande, savaje e pelosa, trovada en Europa e America Norde
bispo = un eglesor major de alga ramos de cristianisme; un peso de xace cual sembla un mitra
arcibispo = un bispo major
bistro = un restorante peti
bisturi = un cotel multe agu con un lama peti, usada per sirurjia
bit = un unia de informa, espresada como 0 o 1
bitnic = un person joven de un sucultur de la desenios de 1950 e 1960 con influes a musica, poesia e arte
bitume = un misca negra e viscosa de idrocarbonos, usada en fabrica tetos e surfases de vias
bivaca = (un soldato o trepor) campa tempora sin tendas o otra covrentes
bivalvo = un molusco con corpo compresada en un conca xarnierida
Bixcec = la site capital de Cirgistan
Bizantio = la site antica cual ia deveni Constantinopoli e final Istanbul
bizantian = pertinente a la site antica Bizantio, la Impero Roman Este, o la Eglesa Ortodox Este, tipal regardante arte e arciteta
bizara = multe strana o noncomun, tipal en modo interesante o divertinte
blanca = con color de lete o neva resente, refletante tota lus vidable; parteninte a un grupo umana con pel pal
Mar Blanca = un mar a sude de la Penisola Cola
Blanca, Monte = la monte la plu grande en la Alpes e en Europa Ueste
blanceta = un inseto pico con alas, covreda con polvo de sira blanca, un peste per plantas
blanco = un marca o ojeto a cual on xuta, per esemplo un carton con sirculos consentral, usada per eserse o concurso con fusiles o arcos; (en bolo) un bal peti a cual on lansa bales de bolo, atentante prosimi los a lo
blanda = noninteresante o nonstimulante par sua cualias forte
blasfema = parla desrespetante sur cosas santa; usa parolas o espresas ofendente, tipal en espresa coleria
bleni = un pex peti con pinas spinosa, pel sin scamas e testa nonagu
bleta = un varia de beta con folias verde e troncetas blanca, larga e comable
blinda = covre (un veculo militar) con metal spesa per proteje lo
blini = un crepe composada de farina de saraseno e servida con crema asida
blineta = un crepe plenida con ceso o frutas, fritada o fornida
blob = (nonformal) un tipo jala de mofo melmosa cual crese comun en troncos e folias putrinte
bloco = un peso de materia grande, dur e solida, tipal con surfas plana a cada lado; un grupo de construidas bordada par stradas; un alia political, tipal de nasiones o partitos; un divide de un documento
blocinte de canales de calsio = un medisin cual destensa la dutos sangual e furni plu sangue e osijen a la cor
blocinte de resetadores beta = un droga cual preveni la stimula de la resetadores cual ativi plu la cor
blog = un loca ueb do un person o grupo peti ofre periodal sua opinas, sujestas, novas, lias a otra locas, o otra cosas
blogosfera = la rede sosial de tota bloges con sua autores e lejores
blonde = con capeles pal jala
blu = con color de la mar, simil a azul ma plu oscur
blueta = un planta magra eurasian con flores tipal forte azul; un planta de America Norde con flores simil
blugras = un tipo de musica contri con voses en armonia prosima e la jua rapida de strumentos de cordetas
Blumfontein = la site capital judal de Sudafrica
blusa = un camisa laxe e tipal alga ornada, per femes
bluseta = un blusa plu casual e simple, sin colar e botones, simil a un camiseta
boa = un serpente constrinjente cual pari enfantes vivente e pote deveni multe grande; un xarpe longa e magra de plumas o pelo, tipal portada con roba de sera
bob = un treno con volante e freno, usada par ecipos de du o cuatro persones per corsa rapida sur jelo
bobin = un cosa silindre sur cual on pote enrola un banda, filo o otra materias flexable
bobo = sin bon judi; nonseria, riable; (un person) strana ma nonperilosa
bobo de april = un person enganada par un broma de april
bobo = un avia de mar tropical, con plumas brun, negra o blanca e tipal con pedes briliante colorida
bobolince = un avia cantante de America Norde en familia de merlo, con beco simil a un pinson
boca = la abri en la parte basa de la fas umana, tra cual on introdui comedas e bevidas e de cual on emete parlas e otra sonas; la abri corespondente de un otra animal; un abri a un strutur vacua, como un botela, fusil, cava o porto; la loca do un rio entra a la mar
boca de leon = un planta con spigas de flores briliante colorida con du lobes
boctxoi = un col xines
Bod = un rejion montaniosa en Asia a la lado norde de la Montes Himalaia, e pos 1965 un teritorio autonom de Jonguo
bodi = un vesteta de un peso abrasante la tronco, per femes
bodi de dansa = un veste de un peso abrasante la tronco e cisa la brasos e gamas, per dansores o esersores
bodi de nada = un veste de un peso, per nadores
bodisatva = (en mahaiana) un person ci pote ateni nirvana ma pospone lo per salva viventes sufrinte
bodjpuri = pertinente a un lingua parlada en Bihar ueste e Uttar Pradesh este
bodran = un tambur magra de Er, tipal juada con basteta de du testas
Boemia = un rejion cual formi la parte ueste de Txesco; un rena slavica en la sentenio 14
boer = sudafrican con un orijina nederlandes
bogi = un xasi con entre cuatro e ses rotas, cual pivote su la fini de un vagon de ferovia; un strutur simil con otra usas
bogomilisme = un seta cristian dualiste cual ia flori en la Balcanes entre la sentenios 10 e 15, distinguida par resiste a autorias statal e eglesal
Bogota = la site capital de Colombia
Bohai, Mar = un mar a este de Jonguo e a ueste de la Baia Corea
Bohol = un isola en la Pilipinas
Mar Bohol = un mar interna de la Pilipinas, entre Bohol e Mindanao
boia = un flota ancorida cual averti sur un resife o otra peril, o permete lia un barco
boia = pertinente a un tribu celta de la eda de la Impero Roman, per cual Boemia es nomida
boicota = sorti de relatas sosial o comersial con (un person, nasion o aveni) per puni o protesta
bol = un plato larga e ronda, tipal usada per licuida; un plato plu profonda con un covrente, teninte sopa
bola = (un licuida) conteni o produi sferas peti de aira o otra gas
bolagoma = un spesie de goma de mastica cual on pote infla estra la boca como un bola
suprabola = (un licuida bolante) supraflue de sua contenador; (un person o emosia) es estrema stimulada o zelosa
bolero = un dansa espaniol; un musica per esta; un jaca corta e abrida per femes
bolevar = un strada larga en un vila o site, tipal con arbores a ambos lados
bolevar de pasea = un parce longa e streta per paseores
boli = (un licuida) ateni la temperatur a cual lo bola e deveni vapor; (un person) es plen de coleria intensa ma no espresada
supraboli = bola tro multe; (un licuida) boli tan multe ce lo supraflue de sua contenador
bolide = un meteor grande cual esplode en la atmosfera; un veculo alterada per es plu rapida e potiosa
boling = un jua o sporte en cual on atenta cade bastones par rola un bal pesosa longo un surfas de lenio
bolivar = la unia de mone en Venezuela
Bolivia = un pais sin costa en la ueste de America Sude
boliviano = la unia de mone en Bolivia
bolo = un jua o sporte, tipal estra casa, en cual on lansa un bal pesosa a un bal peti, atentante ariva plu prosima ca otra juores
boliste = un juor de bolo
bolo = un masa peti e ronda de un sustantia, tipal de comeda masticada cuando on engoli lo
Bolonia = un site en Italia norde
bolsa = un saco peti, tipal de femes, per porta mone, macia, medisin, un telefoneta, o otra cosas personal
bolseta = un portamone
bolson = un saco con bretelas, portable sur la dorso
bolxevic = pertinente a la ramo de la Partito Democrata Sosial Rusce cual ia saisi la potia en la Revolui de Otobre en 1917
boma = un palo orizonal, longa e pivotente, liada a la masto de un barco de vela; un palo cual porta alta un microfon o camera
bomba = un contenador plen de materia esplodente e ensendente, tipal usada en gera
bomba de confetis = un ojeto pirotecnical ativida par un cordeta e xutante confetis
bomba de semes = un bal de arjila plenida con semes, lansada sur un tereno per aida plantas a jerme ala
bombeta = un bomba ascondeda a la surfas de tera o acua, cual detona cuando tocada
bombarda = ataca continuante (un loca o persones) con bombas o otra misiles, criticas o demandas
bombarda = un oboe con anxa encluida en beco de lenio, usada en musica bresonica
bombis = un papilio grande cui eruga texe un cocon usada per fabrica seda
bombisila = un avia cantante con plumas rosin brun, de cual alga ave alas con finis roja como sira de seli
bon = desirada, aprobada, plasente, bonvenida; con cualias nesesada per un rol o intende; seguente prinsipes moral; compatiosa, simpatiosa, obedinte, respetada; fundida en lojica o fato; valida, coerente; asetada par leges
bon- = ajuntada a un verbo o ajetivo per formi un varia per un ata o cualia plu bon, tipal spesialida
bonetas = cometas o benes peti, tipal donada sin custa a un selebra o aveni promovente
ma bon = espresante ce on aseta un delude minor
Bonaire = un teritorio autonom de Nederland en la Mar Caribe sude
bonbon = un confeto peti covreda con xocolada
bondaje = un pratica sesal cual envolve la lia o restrinje de un person
bondi = core saltante; salta repetente, tipal sur un trampolin o materas
bondipetra = un jua en cual on lansa un petra plata en modo bondinte a traversa de acua
rebondi = move rapida a via de un surfas pos colpa lo; (lus) deveni refletada de un surfas
boneta = un xapo per femes, comun liada su la mento, con un borda cual ensirca la fas
bongo = cada de un duple de tambures peti, tipal tenida entre la jenos e tocada par la ditos
bongo = un antilope de foresta, con pelo pal brun e bandetas blanca vertical, trovada en Africa sentral
bonobo = un ximpanze con fas e capeles negra, trovada en la forestas tropical de Congo
bonsai = un arbor o arboreta ornal, cultivada en un vaso basa, e artifis prevenida de ateni sua grandia normal; la arte de cultiva estas
boolean = fundida sur la obras de George Boole; pertinente a aljebra e lojica binar
boraja = un planta erbin con flores briliante azul e folias pelosa, usada como un medisin e en saladas
borax = un composada blanca, trovada en deponedas de sal alcalin, usada en la fabrica de vitro e seramicas e como un antisepsica
borbon = un uisce esuan, distilada de mais e segal
borda = formi la linia dividente a la estrema de (alga cosa); (un rejion o pais) es visina a (un otra)
bordel = un casa do algun (tipal un om) pote visita prostituidas (tipal femes)
bordo = con color brunin carmesi
bordo = un vino roja, blanca o ros de Bordeaux, un rejion en Frans sude-ueste
borio = la elemento cimical con numero atomal 107
borla = un mexa ornal pendente de filos o cordetas nodada a un fini
Borneo = un isola grande a norde de Djava, divideda entre Indonesia, Malaisia e Brune
boro = la elemento cimical con numero atomal 5, cual en sua forma pur es un cristal dur e negra
borxt = un sopa de betas e otra vejetales, orijinante en Ucraina
bosanova = un stilo de musica de Brasil, derivada de la samba ma asentuante plu la melodia e min la percute; un dansa per esta musica
bosce = un grupo local e relativa peti de arbores, min grande ca un foresta, e cisa cultivada
boscor = un person ci abita o labora en un bosce
Bosnia = la parte norde de Bosnia e Hersegovina
Bosnia e Hersegovina = un pais en Europa sude-este, separada de Iugoslavia en 1992
boson = un particula suatomal, per esemplo un foton, sin jira o con jira intero
Bosporo, Streta = un streta cual junta la Mar Negra con la Mar Marmara e separa Europa de Asia ueste
bota = un sapato cual covre un parte de la gama
botanica = la studia de plantas, incluinte sua fisiolojia, strutur, jenetica, ecolojia, distribui, clasi, e importa economial
bote = un contenador metal silindre, tipal per conserva comedas o bevidas
boteca = un construida en cual on vende cosas a la popla
boteca completa = un boteca relativa peti cual vende multe cosas diversa; (metafor) un loca o modo jeneral per contata un organiza
botela = un contenador, tipal de vitro o plastica e con colo magra, usada per conserva bevidas o otra licuidas
botnet = un rede de computadores liada a la interede, infetada con programes vil, e controlada como un grupo sin ce la posesores sabe
Botnia, Golfo = un golfo entre Sveria e Suomi, un parte de la Mar Baltica
boton = un disco o bal peti, coseda a un veste e puiable tra un ranur peti per clui la veste, o en alga casos mera ornal; un tecla per ajusta o controla un macina
boton de aproba = (en un interfas de computador) un aparateta cual permete un eleje simple de si o no
boton de eleje = (en un interfas de computador) un de un grupo de aparatetas cual permete eleje entre se en modo mutua escluinte
duple botonida = (un jaca o jacon) con du colonas de botones
simple botonida = (un jaca o jacon) con un sola colona de botones
botor = un avia grande de pantanes en familia de eron, ma tipal plu peti
Botsuana = un pais sin costa en Africa sude, cui dui ueste es la Deserto Kalahari
Botswana = un pais sin costa en Africa sude, cui dui ueste es la Deserto Kalahari
botulisme = un veneni causada par un bateria cual crese sur comedas en botes no sterilida
bove = un mamal domada grande, tipal usada per sua carne o lete, o per aparatos de cultiva
Bove = un constela de la zodiaco
boveria = un construida con stalas per boves
boxe = combate (un oposor) usante sola sua punios, tipal como sporte
braci- = corta
braciopodo = un membro de la filo de animales maral con concas a la surfases alta e basa
braciosauro = un dinosauro erbivor enorme de entre la tarda de la jurasica e la media de la cretasica, con gamas anterior multe plu longa ca la posteriores
bradi- = lenta
bradipo = un mamal multe lenta de America tropical, cual usa sua gamas longa e talones curva per pende inversada de ramos
Brahmaputra, Rio = un rio en Asia sude cual comensa en la Montes Himalaia e flue tra 2900 km tra Bod, Barat norde-este e Bangladex, do lo junta se a la Rio Ganga ante fini en la Mar Bangla
braille = un sistem de scrive usada par persones sieca, nomida per sua inventor (Louis Braille) e composada de bultos peti impresada sur paper, lejeda par la ditos
Brama = (en induisme) la dio creante
braman = (en induisme) la realia ultima cual causa tota cual esiste
bramin = (en induisme) un person de la caste la plu alta; (metafor) un person de la clase la plu alta
brancia = un organo respiral de pexes e alga amfibios, cual estrae osijen de acua e escrete diosido de carbono
brandi = move (sua braso, o un cosa tenida en la mano, como un bandera, spada o torxa) en ondas de asi a ala
brasa = un peso peti de carbon o lenio ancora ardente en un foco morinte
brasaleta = un banda, anelo o cadena ornal, portada sur la polso o braso
Brasil = la pais la plu grande en America Sude, en la parte este-sentral de la continente, a la Mar Atlantica
Brasilia = la site capital de Brasil
braso = cada de la du membros superior de la corpo umana, de la spala asta la mano; cada de la gamas anterior de un animal; cada de la membros flexable de un nonvertebrato como un polpo; cada de la du partes longa e ladal par cual un oculo reposa sur la oreas
bratea = un folia spesialida, tipal peti, con un flor a la media
Bratislava = la site capital de Slovensco
brava = con cualias o capasias cual merita respeta
bravata = un ostenta de coraje per impresa o menasa
Brazavila = la site capital de la Republica de Congo
brecbit = pertinente a un stilo de musica eletronical cui percute es complicada e sampleda de otra pesos de musica
brecdansa = un dansa enerjiosa e jinastin, developada par afroamericanes
brega = un jenero de musica romantica brasilera
Bres = un rejion de Frans norde-ueste cual formi la penisola entre la Golfo Biscaia e la Manga; un duxia cual ia esiste de 939 asta 1547 EC
bretela = un banda cual pasa supra la spala, tipal per porta un saco o teni la taie de un pantalon o falda
Breton, Capo = un isola cual es la parte norde-este de la provinse Scotia Nova en Canada
bretsel = un biscoto fornida con forma de noda o baston, saborida con sal; un sinia de puntua cual sinifia `e`
breviario = un libro conteninte la testo liturjial per cada dia, resitada par membros de la Eglesa Catolica Roman
bri = un ceso mol, blanda e cremosa, con casca firma e blanca
bricabrac = cosas vea o no plu usada; ornas de poca valua
brice = un bloco retangulo, tipal fabricada de arjila fornida o secida par la sol, usada per construi
bricola = fa taxes diversa per manteni un casa o jardin; repara o decora mesma sua casa, en loca de emplea laborores
bricoleta = ocupa se en modo plasente ma sin projeta
brida = un aparato de bandas, tipal de cuoro, usada per controla un cavalo, liada a un morso e un redin
desbridi = desfisa la brida de; sutrae texedas mor o infetada de
Bridgetown = la site capital de Barbados
brigada = un sudivide de un armada, plu grande ca un divide e min grande ca un batalion; un organiza con strutur cuasi militar
brigantin = un barcon de vela con du mastos, cui fronte ave velas cuadro
brije = un jua de cartas, entre du duples de juores, en cual on ofre un contrata per gania un cuantia spesifiada de prendes con un trumfo nomida
brilia = produi o refleta lus forte; sintili o lampi forte
brilia de mente = un comprende o bon idea subita
briliamobila = un sustantia usada per brilia mobilas de lenio
briliasapato = un sustantia usada per brilia sapatos o botas de cuoro
rebrilia = brilia con o como lus refletada
rebrilieta = brilia corta e subita con lus refletada
brinca = move lejera par saltas peti, sur un o du pedes, per traversa (un loca); core juante, como un enfante
brincacorda = un jua de salta, usante un corda cual la saltor o du otra persones teni a ambos finis e jira supra la testa e su la pedes
brincacuadro = un jua en cual enfantes salta tra cuadros sur la tera per retrae un ojeto ja lansada a un cuadro
brincadorso = un jua de salta supra la dorsos de persones ci inclina se a su
brinda = (persones asemblada) leva sua vitros e bevi per onora (un person o cosa), tipal pos un parla corta par un ospitor
briofite = un planta verde peti sin flores, de un spesie cual inclui moses e epaticas
briox = un pan lejera e dulse, tipal con forma de bal peti
briozon = un membro de un filo de nonvertebratos acual e fisada
Britan = la nasion istorial composada de England, Cimri e Scotland
Britan Grande = la isola conteninte England, Cimri e Scotland, e la loca de la plu de la Rena Unida
Britan Nova = un isola norde-este de Papua e Gine Nova
Britania = la personi de Britan, tipal en la forma de un fem con elmo, scermo e tridente
broca = un spino metal usada per fora, como parte de un forador
brocada = un stofa rica, tipal de seda, texeda con motif relevada de oro o arjento
brocol = un tipo de col simil a un coliflor, con brotos verde o purpurin
brode = decora (un stofa) par cose motifes sur lo con ago e filo
broma = dise (un cosa comica) per causa rie
bromelia = un planta de America tropical e sutropical, tipal con troncetas corta con rosetas de folias rijida e spinosa
bromo = la elemento cimical con numero atomal 35, un licuida roja, fumosa, venenosa e malodorosa
bronciol = cada de la ramos pico a cual un bronco divide
bronco = cada de la tubos major de la pulmones cual diverje de la tracea
broncite = un inflama de la membranas mucosa de la broncos, tipal causante spasmas e toses
broncodilatante = un medisin per dilata la broncos
broncoscopio = un corda de fibres otical cual on introdui en la tracea per esamina la broncos
brontosauro = un dinosauro erbivor enorme de la jurasica, con coda e colo longa
bronze = un aliada de cupre e stanio, con color jalin brun; un pel brunida par la sol
brosa = un util con manico, composada de capelones, capeletas o filos de fero fisada a un bloco, tipal usada per limpi, frota, depinta o ordina capeles
broto = un crese botonin sur un planta, cual va deveni un folia, flor o rameta; un crese de un organisme cual separa per formi un individua nova, sin reprodui sesal
brox = un joala o orna con un spina xarnierida per fisa lo a un veste
brun = con color produida par misca roja, jala e negra, como lenio oscur o tera rica; con pel de esta color
Brune = un pais e sultania peti, rica con petrolio, a la costa norde-ueste de Borneo
Brunswick Nova = un provinse de Canada este, bordante la Mar Atlantica
brusca = subita e franca en sua parla o condui
Brusel = un otra nom per Bruxelles
brut = (un vino bolante) multe seca e no dulse
bruta = (un materia) no refinada, no preparada; (un jem) no taliada; (arena) conteninte multe particulas o granes; (un estima) nonesata; (un person) sin cortesia, rapida deveninte coler o iritada, no simpatiosa o compatiosa
Bruxelles = la site capital de Beljia
bruxisme = un mal abitua de raspa la dentes o tensa la mandibulas a grado esedente
bu = diseda per surprende algun ci no sabe ce la parlor es presente, o per espresa desaproba de un presenta o spetaculo
bubon = un noda limfal inflamada e inflada, en la axila o inguin
buce = un ordina bela de flores, tipal donada, o portada en un rituo como sposi
buco = un loca vacua en o tra un corpo o surfas solida, o entre du ojetos; (metafor) un parte mancante, per esemplo en nosa comprende
buco de refuja = (en gera istorial) un escava peti en la tera per proteje contra sparas enemin
Bucuresti = la site capital de Romania
Buda = un titulo donada a la fundor de Budisme, Siddhārtha Gautama; un sculta o imaje de el; un person ci ia ateni lumina completa
Budapest = la site capital de Magiar
budlea = un arboreta con flores bonodorosa
Buenos Aires = la site capital de Arjentina
bufalo = un bove spesa con cornos estendente a retro, xef trovada en la tropicos de la mundo vea
bufe = un come composada de platos diversa cual visitores servi a se
bufon = un ator comica ci porta macia esajerada e vestes riable o povre; un person comica, bobo o juosa; un person fol o noncapas; un carta de jua, tipal con imaje de bufon, cual pote ave cualce valua desirada; (en informatica) un sinia cual representa cualce otra sinia o serie de sinias
bugainvilea = un planta trepante e ornal de la tropicos
bugi = un stilo de blus juada a piano, con ritmo forte e rapida; un dansa per esta o otra musica rapida
bujeta = furni o reserva (un cuantia de mone) per un periodo
bujeta = un estima de spende e revenu per un periodo futur
bujia = un aparato cual ensende la miscada esplodente en un motor de combusta interna
bula = un bola peti sur la pel, plenida con sero, causada par frica, arde o infla; un bola simil, plenida con aira o licuida, a la surfas de un planta, metal caldida, lenio pintida, etc
bulbo = un organo de alga plantas, trovada su la tera, e usada per conserva nurintes; cualce ojeto con forma simil
bulbul = un avia cantante de la tropicos de Africa e Asia, tipal con vose bela e plumas sombre
buldog = un can con pelo lisa, peto larga, testa grande, mandibula basa protendente e fas plana e plietosa
buldozer = un trator potiosa con bandas erugin e un lama larga, vertical e curvida a la fronte, usada per move tera e detrito
Bulgaria = un pais en Europa sude-este a la costa de la Mar Negra, a sude de la Rio Danubio
bulgur = un comeda composada de trigo intera, secida pos boli partal, popular en Asia sude-ueste
buliabes = un sopa o ragu spisosa, conteninte pexes diversa, orijinante en Provensa
bulimia = un maladia emosial en cual un person come tro multe, tipal segueda par depresa, vomiti o juna
bulion = un licuida produida par coce lenta osos, carne, pexes o vejetales en acua, usada per prepara sopa o salsa; un licuida conteninte protenas e otra nurintes per cultiva baterias o conserva texedas
bulon = un spino o bara metal, usada per junta cosas, tipal con un torca
bulto = un infla cual contorse un surfas plana
buma = crese en modo esplodente
Buma Grande = la crese rapida de la universo de sua state inisial de densia e temperatur estrema alta
bumerang = un peso de lenio plata e curva cual pote es lansada e reveni tipal a la lansor, orijinal usada par australianes nativa per xasa
buncer = un refujeria suteran e fortida, tipal usada en gera; un contenador o comparte usada per reteni combustables
buo = un avia xasante e noturna, con oios grande, fas ronda, beco oncin e vose forte
bur = un materia grasosa e jala, creada par bate lete o crema, comeda sur pan e usada en cosini jeneral
burca = un roba longa e laxe, covrente la corpo e testa intera, portada par alga femes muslim estra casa
Burcina Faso = un pais sin costa en Africa ueste, a norde de Gana e a sude de Mali
burcini = un veste de nada, covrente la corpo intera estra fas, manos e pedes, portada par alga femes muslim
bure = un dansa vivosa de Frans, simil a un gavota; (en baleto) un serie de pasetas rapida; un musica per esta dansas
Burgonia = un rejion en Frans este-sentral; (istorial) un duxia de la mesma rejion e, plu temprana, un rena germanica
burgonia = con color profonda roja
burgonia = un vino de Burgonia, tipal con esta color
burgunda = pertinente a la popla germanica ci ia invade Galia de la este e ia fundi la rena Burgonia en la sentenio 5 EC, o a sua lingua germanica
buril = un util peti per talia, formi e fora, xef usada en carpenta e grava, e par dentistes
burino = un avia simil a un pluvial, con oios grande e plumas brun
burito = un plato mexican, composada de un tortilia enrolada sirca un pleninte saborosa, tipal de favas o bove moleda o trinxada
burjes = pertinente a la clase media, tipal con refere a valuas comersial o tradisional
burla = provoca o defia (un person o animal) en modo insultante o despetosa
burleta = burla (algun) en modo amin
Burma = un otra nom per Miama
burnus = un capa longa arabi, con capeta
buro = un table con surfas orizonal o inclinada, tipal con caxetas, a cual on leje, scrive o labora
burocrata = pertinente a un sistem de governa en cual la desides major es fada par ofisiores nonelejeda; (metafor) tendente usa prosedes tro formal e complicada
bursa = (en anatomia) un saco o caveta sacin, plenida con licuida, tipal un cual redui la frica a un junta
bursite = un inflama de un bursa, tipal en la jeno, codo o spala
Burundi = un pais en Africa sentral a sude de Ruanda e a la lado norde-este de la Lago Tanganyika
bus = un veculo grande per transporta pasajores par stradas e vias, tipal seguente un curso fisada
minibus = un bus peti per sirca 10 a 15 pasajores
businador = un musculo plata e magra en la jena
busino = un molusco xasante con un conca pesosa e spiral
busola = un aparato con ago cual punta en dirije a la norde magnetal
Busola = un constela minor en la sielo sude
bustier = un veste o vesteta abrasante la tronco superior sin bretelas, per femes
bustier tubo = un bustier simple, de stofa elastica
busto = un sculta de la testa, spalas e peto de un person
bustrofedon = (un testo) scriveda en dirijes alternante a cada linia
but- = nominte alcanos e otra idrocarbonos con cuatro atomes de carbono
Butan = un otra nom per Druciul
butano = un gas flamable de idrocarbono, un composante de petrolio e usada como un carburante
buteo = un avia xasante, distinguida par sua alas longa e puntida par cual el vola alta
butil = la alcil -C₄H₉, derivada de butano
asida butirica = un asida organica licuida, trovada en bur putrida
bux = un arboreta perene e lenta cresente de Europa, con folias oscur e briliante verde, tipal usada en sepes; la lenio dur de esta
buxido = la codigo de onora e moralia de la samurais
buzuci = un strumento elinica con colo longa, simil a un mandolin
bzz = un sona zumbinte como lo fada par un abea
c = la letera tre de la alfabeta roman; la nota prima de la scala diatonica de C major
ca = indicante la otra person o cosa en un compara de nonegalia
caa = la cria xiliante de un corvo o avia simil
cabal = un partito political secreta
cabala = un filosofia e pratica mistica cual ia orijina en iudisme
cabana = un casa o otra construida peti, tipal construida de lenio
cabana per lenio = un cabana per reteni lenio
cabare = divertis como musica e dansa presentada en un restorante o loca de note; un tal loca
cabe = ave la forma e grandia coreta o conveninte per ocupa un loca o posa spesifiada; (vestes) aspeta bela sur algun
cabente a = cual es conveninte per (algun, alga cosa); cual cabe a (algun, alga cosa)
cabestro = un corda o banda liada a la testa de un cavalo o otra animal, usada per gida o securi lo
cabie = pertinente a un popla abitante en la norde de Togo, o a sua lingua
cabina = un comparte per pasajores en un barcon; la comparte xef en un avion
cabina coletiva = la parte de un barcon istorial do la pasajores la plu povre ia abita e dormi, sin cabinas individua
cable = un filo o filos isolida par un gaina protejente e usada per transmete eletrica o siniales de telecomunica
cabuci = un forma de drama tradisional en Nion, con canta, mima e dansa multe stilida e esajerada
Cabul = la site capital de Afganistan
caca = (nonformal) feci
caca = (nonformal) fece; (metafor) alga cosa sin valua
cacara = cria o rie en modo bruta o xiliante, como un ganso
cacatu = un papagaio con cresta erijable, de Australia, Indonesia e isolas prosima
cacau = un arbor peti, perene e tropical de America; la semes favin de cual on crea xocolada e otra comedas; un polvo de xocolada, produida par rosta e mole la semes; un bevida calda, composada de esta miscada con zucar e lete o acua
caci = con color brunin jala
caci = un stofa con esta color, tipal de coton forte, usada per vestes militar
cacto = un planta suculente con tronceta spesa e pulposa cual ave tipal spinas, sin folias ma con flores briliante colorida, nativa de la zonas seca de la mundo nova
cada = tota de un grupo, tratante la membros a modo individua
cade = move a su, tipal rapida, libre e sin controla; (un volador) colpa violente la tera
cade = fa ce (un person o cosa) cade, con o sin intende; omete
cadena = un serie de anelos liada, tipal metal, usada per securi, suporta o tira; un linia fisical de cosas de la mesma spesie, como montes; un grupo de botecas o oteles de la mesma compania; (en informatica) un serie de sinias scriveda; la fibres sur un texador su e supra cual on pasa otra fibres per texe stofa
cadena de montes = un serie corta o longa de montes visina, tipal en un linia
cadena de verbos = (en elefen) du o plu verbos en serie, tal ce cada es la ojeto de la presedente, como en `tu pote aida lava la can`
cadjen = pertinente a un etnico, desendente de escluidas acadian, xef abitante en Louisiana en la SUA, o a sua varia de la lingua franses
cadmio = la elemento cimical con numero atomal 48
caduca = (un arbor o arboreta) cual perde sua folias a cada anio
cadun = cada person
caduseo = (en istoria) un basto de eraldo, tipal con ensircada par du serpentes, como portada par la dio Mercurio
cafe = un bevida preparada par infusa acua con la semes rostada e moleda de un arboreta tropical; esta planta o sua semes
sibercaferia = un caferia cual ofre asede a la interede
cafia = un tela de testa, fisada par un banda coronin, portada par arabis badaui
cafina = un composada cristal trovada en plantas como te e cafe, cual stimula la sistem de nervos
caftan = un camison longa, portada par omes en alga partes de Africa norde e Asia sude-ueste; un roba simil per femes
caiac = un canoa de orijina inuit, construida de un sceleto lejera con covrente nonpermeable e un abri peti per senta
caiena = un tipo de txili; un polvo roja preparada de esta, con sabor agu e calda
Cailax, Monte = un monte en Transhimalaia, reconoseda como santa par alga relijios como induisme e budisme
caiman = un retil semiacual, simil a un aligator ma con scamas cornin a la ventre, nativa de America tropical
Isolas Caiman = un teritorio brites en la ueste de la Mar Caribe, composada de tre isolas
Cain = la fio prima de Adam e Eva
caio = un isola peti, basa e arenosa sur la surfas de un resife de coral
Cairauan = un site e provinse en Tunis
Cairawan = un site e provinse en Tunis
caje = un strutur de baras o redes metal per restrinje animales, o persones caturada o prisonida
cala = un spasio grande a basa de un barcon o avion, per teni la carga
cala = un planta en familia de arum, con folias corin, cual crese en pantanes
calafata = seli la juntas de (la casco de un barco o simil) con un misca de catran, sebo e fibres maraniada
Calalitnunat = un pais e isola grande a la norde-este de America Norde, de cual la plu es a norde de la sirculo artica
calamar = un sefalopodo longa con des brasos, tipal capas de cambia sua color
calamo = un planta en familia de arum cual abita prosima a acua, usada como medisin e per sabori
calau = un avia de la tropicos de la mundo vea, con beco multe grande e curva cual ave tipal un elmo grande de corno o oso
calaza = (en un ovo de avia) cada de du bandas membranosa e torseda cual lia la vitelo a la finis de la casca
calcaneo = la oso grande cual formi la talon
calcario = un roca deponeda e dur, xef composada de carbonato de calsio o dolomita, usada como un materia per construi e per fabrica semento
calce = un materia blanca, corodente e alcalin, composada de osido de calsio
calcolitica = pertinente a un periodo en la milenio 4 e 3 AEC, xef en Asia sude-ueste e Europa sude-este, cuando alga armas e utiles ia es fabricada de cupre
calcula = trova (la cuantia de alga cosa) par matematica; ateni (un conclui) par razona
calculo = un petra peti, lisida e rondida par la moves de acua o arena; un ojeto peti usada en un jua de table; un coagula de minerales formida en la corpo, tipal en la ren o vesica bilal
calculo = la ramo de matematica cual studia cambias continuante
calda = con grado alta de temperatur
caldimano = un aparato o paceta peti cual on teni en sua manos o gantos per caldi la manos
caldiplato = un aparato, tipal con scafales, en cual on pone platos per caldi los
caldera = un contenador, tipal metal e con manico, usada per boli licuidas o coce comedas
calderon = un casola grande per boli supra un foco; un aparato sentral cual caldi acua per la radiadores en un construida
Caledonia Nova = un isola e teritorio de Frans en la sude de la Mar Pasifica, a este de Australia
calendario = un table mostrante la dias, semanas e menses de un anio; un sistem par cual on calcula la data; un lista de avenis sosial o datas major prevideda per la developa de un projeta
calendula = un planta en familia de margarita, con flores jala
calia = (lete) coagula, deveninte plen de masetas
calibre = la diametre de un tubo o cosa simil, spesial la cano de un fusil, baleta, cartux o roceto
calibro = un strumento per mesura dimensiones esterna o interna, con du gamas xarnierida e puntos cual curva a en o a estra
calico = un stofa barata de coton no blancida, istorial tinjeda con colores briliante
calidoscopio = un tubo conteninte mirores e pesetas colorida, cui refletas produi motifes cambiante cuando on jira la tubo e regarda tra un buco
calidris = un avia vadante con beco e gamas longa, nidinte sur tera prosima a acua
califa = (en islam) la renor xef, regardada como la susedor de Muhammad
California = un stato en la ueste de la SUA, a la costa de la Mar Pasifica
California Basa = un penisola a sude de California, entre la Golfo California e la Mar Pasifica
Golfo California = un golfo entre Sonora e Baja California en Mexico
californio = la elemento cimical con numero atomal 98
caligrafia = la arte de scrive ornal
calimba = un strumento musical, orijinante en Africa, composada de bandas metal fisada a un resonador, juada par la ditones
calio = lete caliada de la stomaco de un boveta no ja destetida, conteninte renin e usada per fabrica ceso
calipso = un musica ritmosa, orijinante en Trinidad
calix = un copa grande, tipal usada per bevi vino o en la eucaristia cristian; la sepales de un flor, tipal forminte un spiral cual enclui la petales e proteje la brotos; cualce caveta simil a un copa, spesial en la ren de un mamal, per enclui la polipo en un sceleto de coral, o como la parte xef de un crinoide
calma = (un person, ata o condui) no sentinte o mostrante ansia, coleria o otra emosias; pasosa, spesial en contrasta con ativia violente resente; (un clima) plasente libre de venta; (un mar) no disturbada par ondas grande
calmitose = un licuida usada per lejeri un tose o dole de garga
calo = un parte de pel o texeda mol cual es spesida e durida, tipal par frica; la texeda ososa saninte cual formi sirca la finis de un oso rompeda; (en botanica) la texeda dur e nova cual formi sur un feri
corpo calo = un banda larga de nervos cual junta la du emisferas de la serebro
caloria = un de du unias per mesura enerjia de caldia
caloria grande = mil calorias peti, usada per mesura la enerjia furnida par comedas
caloria peti = la enerjia cual alti la temperatur de un gram de acua par un grado de celsius
calsa = un veste abrasante per femes, tipal de materia diafana, cual covre la pede e la plu de la gama
calseta = un veste simil a un calsa, ma plu corta, tipal tricotada, e portada per omes e femes
calson = un veste abrasante, la uni de du calsas cual estende asta la taie
calsedonia = un tipo de cuarzo cual apare en formas diversa como agata e onix
calsio = la elemento cimical con numero atomal 20
caluna = un erica eurasian con flores purpur, cual crese abundante sur stepes
calva = (un person) ci ave un manca intera o partal de capeles a sua scalpo; (un animal, planta o otra cosa) sin la covrentes normal
Calvario = un colina prosima a Ieruxalim, do Jesus ia es crusida
calvinisme = un seta de protestantisme developada par Jean Calvin
camaleon = un lezardo peti, capas de cambia color, e lenta movente, con coda prensil, lingua longa, e oios bulbin cual turna individua
Camaleon = un constela peti en la sielo sude
camamber = un ceso mol e cremosa, orijinante prosima a Camembert en Normandia
cambia = deveni diferente
cambia calda = recambia (un parte de un macina) cuando la macina funsiona
cambra = un spasio encluida; un caveta per conteni alga cosa, tipal en siensa o tecnolojia
cambra de fusil = la parte de la cano de un fusil cual reseta la cartux
cambrian = pertinente a la periodo prima de la paleozoica, entre la fini de la precambrian e la comensa de la ordovisian
precambrian = pertinente a la eda jeolojial la plu temprana, ante la cambrian, de sirca 4600 milion anios a sirca 570 milion anios ante aora, e conteninte cuasi 90 persentos de tempo jeolojial
camel = un mamal e ungulato grande de zonas seca, con colo longa, gamas longa e magra, pedes larga e cuxinida, e un o du jibas a la dorso
camelia = un arboreta perene de Asia este, relatada a la planta de te, con flores estravagante e folias briliante
cameo = un joala, tipal oval, composada de un siseli sur un fondo con color diferente; (en leteratur) un descrive corta cual resoma bela un person o cosa; un rol peti en un teatral o filma, juada par un person famosa
camera = un strumento otical cual rejistra imajes fotografial o sinematografial
camerada = un acompanior ci ave la mesma interesas o es un membro de la mesma organiza; un sitadan de la mesma nasion o pais; un person con ci on pasa multe tempo o con ci on viaja
Camerun = un pais a la costa ueste de Africa, entre Nijeria e Gabon
camfor = un materia blanca, volatil e cristal, con odor bon e sabor amarga, trovada en alga olios esensal
camion = un veculo grande con rotas e motor, usada per transporta benes, materias o grupos de soldatos
camisa = un veste relativa formal per la corpo superior, tipal con colar, mangas, e botones o otra fisadores
camisa de polo = un camisa casual con colar, mangas corta, e alga botones a la colo
camisa de sera = un camisa blanca per omes, portada con cravata papilin e jaca de sera a avenis formal
camisa T = un camiseta con mangas corta; un vesteta simil
camiseta = cualce camisa casual e simple, sin colar e botones, e cisa sin mangas; un vesteta simil
camiseta corta = un camiseta tan corta ce lo esposa la taie o ventre
camiseta de nuca = un camiseta per femes, suportada par un banda cual pasa pos la colo
camiseta de sporte = un camiseta sin mangas
camiseta gainin = un bustier tubo
camison = un camisa longa e laxe, istorial portada en Roma antica o par laborores campanial, aora tipal usada par depintores
camomila = un planta bonodorosa de Europa en familia de margarita, con flores blanca e jala; un infusa de flores secida de esta
campa = abita per un tempo en un tenda, caravan o otra loca simple, o su sielo
campana = un cosa vacua, tipal metal e con forma de copa inversada, cual sona un nota clar cuando tocada, tipal par un batador cual lo conteni; cualce aparato cual sona en esta modo, usada per siniali o averti
campanon = un campana multe grande; un campana major en un campaneria; la sona de acel campana grande
campania = un rejion de bosces, prados o cultiverias, estra vilas e sites
campaniol = un rodente peti, musin e tunelinte
campanolojia = la studia de campanas, lor sonas o la musica usante los como strumento musical
campanula = un planta en familia de aster, con flores con forma de campana
Baia Campeche = un baia a este de Mexico, entre Campeche e Veracruz
campefaje = un avia cantante, simil a un lanio, tipal con plumas gris, negra o blanca, e semblante un cucu cuando el vola
campidanes = pertinente a un dialeto de sarda de Sardinia sude
campion = un sportor ci ia vinse tota concursores; un person ci batalia o disputa per benefica un caso o un otra person
campo = un rejion de tera, tipal ensircada par sepes o sercas e cultivada o usada como un pasto; un loca con erba corta, o cualce otra spasio definida, usada per un sporte; un ramo spesifiada de studia, ativia o interesa
campus = la tereno e construidas de un scola, universia, compania, ospital o simil
Camputxa = un pais en Asia sude-este entre Tai e Vietnam
camufla = (un person, animal o cosa) asconde o desembla sua presentia par un color, motif o covrente simil a sua ambiente
camusa = un mamal caprin en familia de capra e ovea, con cornos corta e oncin, trovada en la montanias de Europa; un cuoro suave, orijinal fabricada de pel de camusa, ma aora de pel de ovea, tipal usada per lava vitro o autos
can = un mamal carnivor domada, tipal con beco longa e ole eselente, usada per labora, sportes o como animal de casa
can-de-prado = un scural sosial ci vive en tuneles juntada cual pote estende tra un rejion grande, abitante la savana de America Norde
can prosionin = un canido nativa de Asia este, con fas semblante la prosion
cana = un planta alta con folias magra en familia de erba, cual abita acua o pantanes; la tronceta vacua e juntada de esta o un planta simil; un palo simil, usada per pexa, orijinal fabricada de cana
canaba = un planta alta con tronceta rijida e vertical e folias divideda e sierin; la fibre de esta, usada per fabrica cordas e stofas; un prepara secida de la flores o otra partes de esta planta, o un estraeda resinosa de esta, usada como un droga
canabinoide = cada de un grupo de composadas cual inclui la ingrediente ativa de canaba, usada como un medisin o un droga recreal
canada = pertinente a un lingua dravidian relatada a telugu, e la popla ci parla lo
Canada = un pais en la norde de America Norde, a norde de la SUA, e la pais du de la plu grandes de mundo
canal = un rio artifis, construida per permete ce barcones viaja tra tera o per gida acua per iriga; un duto tubo en un planta o animal, per move o conteni comedas, licuida o aira; un banda de frecuentia usada per radio o televisa; un stasion cual usa un tal banda per sua difusas
multicanalal = con multe canales de comunica o televisa
Canan = un rejion antica de Filastin a ueste de la Rio Urdun, notada en la Biblia
canape = un peso peti de pan o pasta con salsa saborosa a sur, tipal servida con bevidas a un selebra formal
canaria = pertinente a la Isolas Canaria o a sua abitantes
Isolas Canaria = un grupo de isolas e un rejion autonom de Espania, en la Mar Atlantica, a este de Africa
canario = un pinson african con canta melodiosa, tipal con plumas jala e verde, comun usada como animal de casa
canasta = un jua de cartas, con du pacetas e du duples de juores, en cual on atenta colie cartas
Canbera = la site capital de Australia
cancan = un dansa vivosa con pedis alta, orijinante en cabares de Paris en la sentenio 19, fada par femes en faldas e faldetas longa
candela = un silindre o bloco de sira o sebo con un mexa a la sentro cual produi lus cuando lo arde; la unia internasional per mesura intensia de lus
candelabro = un portacandela per un cuantia de candelas o lampas
canela = un arbor de Asia sude; un spise bonodorosa produida de la cortex de esta
caneloni = un pasta con la forma de tubos peti
cangaru = un marsupio grande e erbivor con coda longa e potiosa e gamas posterior forte cual permete ce lo move par salta, trovada en Australia e Gine Nova
canibal = un person ci come la carne de otra umanas; un animal cual come la carne de otras de sua propre spesie
canicula = (clima) multe calda, an torida, tra alga tempo
canicula = un periodo de caldia grande
canido = un membro de la familia de mamales cual inclui canes
canion = un vale grande, magra e basa, tipal con un rio; (metafor) un distantia grande entre du ideas o situas
canix = un raza de can con pelo risa, tipal cortida en modo ornal
canji = un sistem de scrive nion, usante sinias xines
cano = la parte silindre de un fusil
canoni = spara canones a (un cosa)
canoa = un barco magra, sin cilia, con finis puntida, moveda par un remo o remos
canolo = un deser sisilian, composada de un tubo fritada de pasta dulse con un pleninte cremosa
canon = un colie de libros santa; un colie de testos asetada como autentica; un musica con un melodia xef cual otra strumentos imita a intervales
canonera = un barcon peti e rapida con armas fisada, usada en rios e a costas
canonica = (un eglesor catolica) seguente regulas de vive en modo simil a un monce; (un eglesor) servinte como membro de la governa de un catedral
cansela = deside o declara ce (un aveni intendeda) no va aveni; deside o declara ce (un validi o obliga) no continua plu; neutri o nega la forsa o efeto de (un cosa o situa); sutrae o vacui (testo, imajes, marcas o otra materia)
canselor = un ofisial major nasional o legal; la xef de governa en alga nasiones, per esemplo Deutxland; un xef de universia en alga nasiones
canser = un maladia causada par un divide noncontrolada de selulas nonormal en un parte de la corpo; un tumor creada en esta modo
canta = crea (sonas musical) con la vose, spesial parolas con un melodia spesifiada, a veses per diverti escutores
canta plana = un tipo de canta unisona e sin strumento
cantada = un partitur e testo cual on pote presenta como un canta
cantor = un person ci canta; un de un grupo grande de avias perxinte con sirinjes bon developada, cual permete ce los canta
cantalupo = un melon peti e ronda, con pulpa orania e casca costelin
cantilever = un faxon longa e estendente fisada a sola un fini, xef usada en la construi de pontes; un strutur simil, estendeda de un mur per suporta un balcon o cornisa
canto = un rejion a la angulos creada par la crusa de du stradas
canuri = pertinente a un popla african ci abita xef en Nijer, Nijeria, Txad e Camerun, o a sua lingua
caos = un asentia completa de ordina; un confusa grande; sustantia sin forma, sur cual alga crede ce lo ia esiste ante la crea de la universo
Caos = (en mitos elinica) la esente prima creada, de cual la dios e divas primeval Gaia, Tartaro, Erebo e Nix veni
capa = un veste esterna per usa estra casa, tipal sin mangas, cual pende laxe de la spalas; la plumas covrente la dorso e scapulas de avias
capa = la letera des de la alfabeta elinica
capara = un arboreta de Europa sude, simil a un rubo; la brotos de esta, coceda e vinagrida e usada per sabori comedas
capas = con la potia, sabe, metodos o bon momento per fa alga cosa
capel = cada de la filos magra cual crese de la scalpo de umanas
capeleta = un capel de pelo; un filo delicata cual crese de la epiderma de un planta, o cual formi un parte de un selula vivente
capibara = un mamal de America Sude cual sembla un cavia jigante con gamas longa
capilar = (un duto sangual) delicata, raminte, e forminte la rede entre la arterietas e la venetas
capital = la site la plu importante en un pais o rejion, tipal la loca de governa; mone o otra cosas poseseda par un person o organiza, disponable per un intende spesifiada como investi o fundi un compania; la parte la plu alta de un colona, tipal larga e ornosa, suportante la entablamento
capitan = un person comandante en un barcon o avion; la xef de un distrito de polisia o pompores; la xef de un ecipo, spesial en sportes
capitol = un divide major de un libro, tipal numerida o titulida
capitoli = (un obra) deveni divideda en capitoles; (un tema, etc) deveni un capitol
capitoli = divide (un obra) en capitoles; dedica un capitol a (un tema, etc)
capitolio = un construida per consentas de legores nasional
capo = un peso de tera, tipal magra e alta, cual protende de un costa a la mar
Capo Verde = un pais en Africa cual es un grupo de isolas en la Mar Atlantica, a ueste de Senegal
caporal = un ofisior nonencargada de grado basa en la militar, tipal su un sarjento
capotraste = un aparato poneda a la colo de un gitar o strumento simil per corti la cordetas e transpone a tonos plu alta
capra = un mamal remasticante domada, con cornos curvinte a retro, usada per sua lete e carne
Capra = un constela de la zodiaco
capri = (un animal) leva se sur sua gamas posterior; (un bisicle o motosicle) leva sua rotas anterior de sur la tera
caprifolia = un arboreta trepante, con flores tubo cual es tipal bonodorosa e ave du colores o tinjes, abrinte en la sera per es polenida par papilios de note
caprimuljo = un avia noturna e insetivor con plumas grisin brun, oios e boca grande, e vose distinguinte
capriol = un servo peti de Eurasia
capris = un cambia subita o nonpredisable de umor o condui
capsaisina = un composada cimical trovada en txilis, cual dona a los sua sabor agu
capside = un casca de protenas ensircante un virus
capsula = un contenador peti, tipal ronda o silindre; la covrente peti de un botela; un contenador multe peti de jelatin, conteninte un cuantia de medisin; la membrana o gaina dur cual enclui alga cosa en la corpo, como la ren; la strato jelatin cual formi la surfas esterna de alga selulas baterial; un fruta seca cual rompe per relasa sua semes cuando matur; la strutur cual produi sporas en moses e epaticas
caputxin = un simia de America Sude con un xapeta de capeles cual sembla un capeta
caputxino = cafe preparada con lete cual on ia spuma con vapor compresada
car = par causa ce
cara = regardada con ama o aminia; usada en la forma cortes de nomi la lejor a la comensa de un letera; custosa
Cara, Mar = un mar a norde de Sibir ueste
Carabah, Montania = un rejion montaniosa e disputada en la sude de Caucaso
caracal = un gato simil a un lince, con gamas longa, oreas negra con mexa, e pelo brun, nativa de Africa e Asia ueste
Caracalpacstan = un republica autonom en Uzbecistan norde-ueste
caracara = un avia xasante grande de la mundo nova, en familia de falcon, con fas nuda, cual come xef caronia
Caracas = la site capital de Venezuela
caracol = un molusco con conca spiral en cual lo pote asconde sua corpo intera; un sinia de puntua cual sinifia `a`, trovada en adirijes de eposta
caracul = un ovea de Asia con lana oscur e risa cuando joven; un stofa fabricada de esta lana
Caracum, Deserto = un deserto en Asia sentral, a este de la Mar Caspio
caradrio = un avia vadante e sosial con beco corta, tipal trovada prosima a acua
carafa = un contenador grande, tipal de vitro, losa o plastica, con manico e beco, usada per conteni e versa
carafin = simil a un carafa; (un person) stante con manos sur ancas e con codas protendente como manicos
carambola = un spesie de arbor nativa de Asia sude; la fruta de esta, con talia traversal cual sembla un stela par causa de crestas longo la lados
caramel = zucar o xirope caldida asta deveni brun, usada per sabori o colori comedas e bevidas; un confeto composada de zucar e bur fondeda e plu caldida
caraoce = un forma de diverti, tipal en bares e clubes, en cual persones alterna en presenta cantas popular con musica rejistrada
carate = un sistem de combate sin armas de Asia, en cual on usa la manos e pedes per colpa, tipal praticada como un sporte
carateca = un praticor de carate
carater = la cualias mental cual distingui un individua de otras; un person en un novela, filma o presenta teatral; un rol realida par un ator
carato = un unia per mesura la puria de oro, en cual oro pur ave 24 caratos; un unia de pesa per jemes e perlas, egal a 200 mg
caravan = un veculo en cual on pote abita, tipal tirada par un auto e usada per vacanse; un veculo simil tirada par cavalos; (istorial) un grupo de persones viajante tra un deserto en Asia o Africa norde; un grupo grande de persones, tipal con veculos o animales, viajante la un pos la otra
autocaravan = un veculo motorida per abita, conteninte letos e un cosina
caravela = un barcon peti e rapida, usada par espanioles e portugeses entre la sentenios 15 e 17
carbido = un composada binar de carbono con un elemento min eletronegativa
carboidrato = cada de un grupo grande de composadas organica trovada en comedas e texedas vivente, incluinte zucares, amidones e selulosa
carbon = un roca negra o oscur brun, xef composada de materia carbonida de plantas, trovada en deponedas suteran e tipal usada como un combustable
carbonato = un sal tipal formida par la reata de diosido de carbono con un base
bicarbonato = un sal conteninte la anion HCO
bicarbonato de sodio = un polvo blanca, usada en estinguadores de foco, bevidas gasosa e pasta de dentes, como un fermentante en forni, o per limpi
carboniferosa = pertinente a la periodo sinco de la paleozoica, entre la devonian e permian
carbonil = la radis divalente =C=O, presente en composadas organica como aldehidos, cetonas, amidas e esteres, e en asidas organica como parte de la grupo de carbosil
carbono = la elemento cimical con numero atomal 6, trovada en la forma de diamantes e grafito, e un parte esensal de organismes
idrocarbono = un composada de idrojen e carbono, como cualce de los cual es la composantes xef de petrolio
radiocarbono = un isotopo radioativa de carbono
carbosil = la radis asida -COOH, presente en la plu de asidas organica
carbura = misca (aira) con un jeta delicata de licuida de idrocarbono, como en un motor de combusta interna
cardamom = un planta de Asia sude-ueste en familia de jinjer; la seme de esta, usada como un spise e un medisin
cardan = un aparato, tipal composada de anelos pivoteda a angulos reta, per manteni la orizonalia de otra strumentos en un avion, barcon, etc
cardeta = un pinson briliante colorida con plumas jala
-cardia = cor
cardial = pertinente a la cor
Cardif = la site capital de Cimri
cardigan = un sueter abrida a la fronte, cluable con botones o zipe, tipal con mangas longa
cardinal = un membro de la Scola Santa de la Eglesa Catolica Roman, encargada con la eleje de un pape nova; un avia cantante de la mundo nova en familia de emberiza, con beco spesa e cresta notable, e cui mas es briliante roja
cardio = un bivalvo con conca costelin, cual tuneli en la arena su la fondo de la mar
cardio- = cor
cardiograf = un strumento per rejistra la ativia de la musculo de la cor
eletrocardiograf = un aparato per mesura e rejistra la ativia eletrical en la cor
cardiogram = un rejistra de la ativia de la cor
eletrocardiogram = un rejistra creada par un eletrocardiograf
cardiolojia = la ramo de medica cual studia maladias e nonormales de la cor
cardiomiopatia = un maladia cronica de la musculo de la cor
cardiopatia = maladia de la cor
cardiotonica = aidante la cor, tipal par stimula lo
cardo = un planta erbin en familia de margarita, tipal con talo e folias spinosa e testas ronda de flores purpur
caren = pertinente a un popla de Miama este e Tai ueste, o a sua lingua
carera = un profesa cual ocupa un periodo longa de la vive de un person, tipal nesesante dedica
caresa = toca o frota lejera e amante
carga = pone cosas sur o en (un contenador o veculo); pone alga cosa en (un aparato) afin lo pote funsiona; furni enerjia eletrical a un pila o aparato con pila; (en informatica) move (un program o datos) a memoria plu fasil per asede; move (un fix o simil) a un servador per asede (descarga) par otra persones
cari = un plato de carne o vejetales coceda en un salsa de spises forte, tipal servida con ris, en stilo orijinante en Asia sude e sude-este; un misca de spises como cumin, coriandro e curcuma, usada en platos simil
cariatide = un sculta de petra en la forma de un fem, usada como un colona per suporta la entablamento de un construida en la stilo antica elinica
caribe = pertinente a la americanes nativa de la partes costal de America Sude norde e sua lingua, o a acel rejion, incluinte la mar e isolas a norde de lo
Isolas Caribe = la isolas de la Mar Caribe
Mar Caribe = la parte de la Mar Atlantica entre la Antiles e America Sentral e Sude
caricatura = representa la cualias de (un person) en modo esajerada en desinia o descrive
carilion = un grupo de campanas en un tore, sonada par un teclador o aparato automata simil a un enrola de piano; un canta juada sur estas
carioca = un dansa de Brasil, simil a un samba
cariofilo = un planta cultivada, con flores duple e roja, blanca o ros
carisma = un atrae o encanta cual inspira dedica en otras; un potia donada par un dio o dios
carita = comedas o mone donada a persones povre; la dona bonvolente de aida, tipal mone, a los ci nesesa lo
carlino = un tipo de can peti, simil a un buldog, con nas plata e fas plietosa
carma = (en budisme e induisme) la soma de la atas de un person en esta vive e sua vives pasada, regardada como desidente sua vives futur; destina o fortuna
carmesi = de un roja rica e profonda, tendente a purpur
carnaval = un periodo de selebra publica cual aveni a cada anio, spesial en la semana ante cuaresma, cual inclui parades, musica, dansa e mascas; un festa o selebra simil, an cuando sin pertine a cristianisme
carne = la materia mol, composada de musculos e gras, entre la pel e osos de un person o animal; esta materia usada per comeda
carnivor = (un organisme) cual come xef animales
caro = un veculo con rotas ma sin motor, tipal tirada par cavalos, usada per transporta persones o cargas lejera; un parte de un macina cual porta otra partes a la loca nesesada
careta = un caro peti, tirada o puxada par persones, per cargas peti o enfantes
caron = un caro lusosa, usada par monarcas o en avenis spesial
carobo = un arbor peti e sempreverde de Arabia
caroba = la casca comable de un carobo; un polvo brun e farinin estraeda de la favas de esta, usada como un sustitua per xocolada
Carolina Norde = un stato en la SUA este, bordante la Mar Atlantica
Carolina Sude = un stato en la SUA este, bordante la Mar Atlantica
caron = un sinieta simil a un V (ˇ), scriveda supra un letera per indica un varia de sona en la linguas slavica e otras
caronia = la carne putrida de animales mor, comeda par alga animales
carota = un planta en familia de persil, o sua radis orania e comable
caroten = un pigmento organica cual dona la color orania a carotas, zucas, tomates e otra vejetales
carotide = pertinente a la du arterias xef cual porta sangue a la testa e colo, e sua du ramos xef
carotide = un arteria carotide
carpa = un pex de acua dulse, tipal con barbos sirca sua boca, elevada per comeda en alga partes de la mundo, e usada en stanges ornal
carpel = la organo fema de un flor
carpenta = fabrica (un mobila o otra cosa) con lenio
Carpentaria, Golfo = un golfo a norde de Australia
carpino = un arbor caduca de rejiones norde e temperada
carpo = un grupo de osos peti entre la parte xef de la braso o pede anterior e la metacarpo
metacarpo = la grupo de sinco osos en la mano, entre la polso e la ditos
carsinojen = capas de causa canser en texeda vivente
carsinojenese = la inisia de formi de canser
carsinoma = un canser de la texeda epitelial de la pel o de la fore de la organos interna
carta = un paper rijida e retangulo, tipal usada per envia un mesaje o saluta, per porta detalias de identia, o en juas de cartas; un table de informa; un peso peti de plastica conteninte informa lejable par macina, usada per paia per benes o per entra a salas restrinjeda; un sircuito primida e ajuntable a un computador
a la carta = (en un restorante) indicante ce on pote eleje comedas individua de un menu, en loca de un colie fisada
Cartago = un site antica a la costa de Africa norde, prosima a la site moderna Tunis, colonida par la fenisias en 814 AEC e ultima destruida par la romanes en 146 AEC
cartamo = un planta eurasian con flores orania, semes cual dona olio comable, e petales istorial usada per produi un tinje roja o jala
carte = un veculo peti de corsa sin molas, con cuatro rotas e un motor retro
cartel = un asosia de produores o furnores ci intende manteni custas a nivel alta per restrinje competores
cartesian = pertinente a la filosofiste franses René Descartes e sua ideas
cartilaje = texeda juntante, firma e flexable, trovada en la larinje, la dutos de respira, la orea esterna, e la surfases de juntas
cartografia = la siensa o pratica de desinia mapas
Cartum = la site capital de Sudan
cartun = un desinia simplida, sin anima, cual mostra sua sujetos en modo esajerada e divertinte
cartusia = un abiteria de monces de un ordina sever instituida par San Bruno en 1084
cartux = un caxeta conteninte un baleta o esplodente per fusiles o focos artal; un misil esplodente; un contenador de filma, inca, paper o simil, desiniada per es introduida en un aparato; un desinia representante un libro enrolada, usada per orna un enscrive; un oval encluinte un grupo de ieroglifos ejiptian, tipal representante la nom e titulo de un renor
caruncula = un lobe carnosa e colorida, pendente de la testa o colo de un avia, como en gales e pavos; un plia de pel cual pende laxe de la colo de un animal, como en alga boves
carusel = un macina jirante con animales de lenio cual on monta per diverti; un disco grande e jirante en un jueria de enfantes; un banda rolante cual porta cosas en airoportos o fabricerias
carvi = un planta mediteranean con flores blanca, en familia de persil; la semes de esta, usada per sabori e per sua olio
casa = un construida per abita umana, tipal par un familia o grupo peti de persones; la persones ci vive en un de estas
caseria = un agrega peti de casas cual formi un vileta pico
casca = la covrente esterna de un fruta, noza, vejetal o ovo; la contenador natural de semes de plantas como la piso; la covrente de la crisalida de un inseto
cascade = (acua) cade rapida a su en cuantias grande
casco = la strutur xef de un barco o avion
casena = la protena major de lete e ceso
caserna = un construida per casi soldatos, laborores o prisonidas
casia = un planta, arboreta o arbor en familia de piso, usada como lenio, medisin, comeda de bestias, o per orna
casino = un construida o salon publica do on fa juas de fortuna
Casiopea = un constela prosima a la polo norde de la sielo; (en mitos elinica) la sposa de Sefeo, re de Itiopia, e la madre de Andromeda
caso = un esemplo de un aveni o situa spesifiada, tipal un maladia o problem sosial; un disputa legal, tipal desideda en un corte, o la fatos e razonas presentada ala; cada de la formas infletada de un nom, pronom o ajetivo cual espresa como la parola relata semantical con la resta de un frase
casola = cualce util usada per conteni comedas per coce
casoleta = un casola, tipal ronda e no grande, con manico longa
casolon = un casola grande, tipal oval o retangulo, con du manicos
casolon de caldi = un vaso usada per manteni la caldia de comedas
caspa = pesos peti de pel mor entre la capeles de un person o animal
Caspio, Mar = un mar salosa grande, ensircada par tera, a sude de Rusia e a norde de Iran
casta = asteninte de tota seso, o de seso estrasposal o plaserosa
castania = un arbor grande european; la noza briliante brun de esta, cual on pote rosta e come
castanieta = un strumento peti, composada de du pesos concava de lenio, ivor o plastica, juntada par un corda e clicada contra lunlotra par la ditos
caste = cada de la clases erital de sosia indu, distinguida par grados relativa de puria o contamina ritual e prestijia sosial; cada de la clases erital de cualce sosia
castel = un construida grande, fortida contra ataca par mures spesa, merlones, tores, e cisa un foso; (metafor) un casa grande e gloriosa, tipal parteninte a un nobil; un peso de xace cual sembla un tore merlonida
Castilia = un rejion en Espania norde-sentral; un rena autonom en la eda medieval
castor = un rodente grande e semiacual con coda larga, notada per sua abitua de rode tra troncos de arbores per come la cortex e construi pararios e abitadas
castra = sutrae la testiculos de; (metafor) sutrae la potia, vivosia o enerjia de
casual = destensada e no preocupada; (vestes o condui) con stilo o moda nonformal; (un emplea o un relata sesal) no permanente
casuari = un avia multe grande e nonvolante en familia de emu, con testa e colo nuda e un cresta cornin alta, nativa de Gine Nova
casula = un veste esterna sin mangas, portada par pretes cuando los selebra la misa
cat = un arboreta arabi; sua folias cual on mastica, o infusa e bevi, como un stimulante
cata- = a su, a basa
cataboli = (moleculas complicada) descomposa en un organisme per formi moleculas plu simple e relasa enerjia
catacana = la plu angulo de la du silabarios usada en nion
catacomba = un semetero suteran, composada de un galeria con alcovas per tombas, como construida par la romanes antica; cualce construida suteran cual sembla esta
catal = la unia internasional per mesura la ativia catalisente de enzimas
catalesia = un maladia marcada par un transe o ataca, con rijidia de la corpo e un perde de sensa e consensia
catalise = (un sustantia) aselera (un reata cimical) sin ce lo mesma deveni permanente cambiada
cataloga = fa un lista completa de (cosas), tipal en ordina alfabetal o sistemal
Catalunia = un rejion autonom en Espania norde-este, en cual la plu de persones parla catalan
catalan = un lingua romanica, diferente de ma prosima relatada a espaniol
catamaran = un iate o otra barcon con du cascos paralel
catana = un spada longa con borda agu, usada par samurais nion
cataplasma = un masa de materia umida e mol, tipal de farina o erbas, tenida a la corpo par un tela, per redui dole e inflama
catar = pertinente a un promove cristian dualiste o gnostica en alga partes de Europa sude entre la sentenios 12 e 14
Catar = un pais e xecia cual ocupa un penisola a la costa ueste de la Golfo Persian
catarata = un maladia de la oio en cual la lente deveni gradal plu opaca, causante vide neblosa
cataro = un maladia cual inclui un suprabunda de muco en la nas o garga, asosiada con un inflama de la membrana mucosa
catarse = esperia un libri de sua emosias o memorias nondesirada
catatonia = un nonormalia de move e condui, la resulta de un state mental disturbada
catecese = instrui (algun) sur la idea fundal de cristianisme, tipal en forma de un catecisme, en prepara per batiza o confirma cristian
catecisme = un resoma de la prinsipes de cristianisme, con forma de demandas e respondes, usada per instrui
catedral = la eglesa xef de un bispia, tipal plu grande ca un eglesa comun
categoria = un clase o divide de persones o cosas par sua cualias comun; (en filosofia) cada de un grupo de clases entre cual on pote cisa distribui tota cosas
cateter = un tubo flexable cual on pote introdui tra un abri streta a un caveta de corpo, tipal la vesica, per sutrae licuida
cateto = cualce de la du lados de un triangulo reta cual toca la angulo reta
cation = un ion con carga positiva
Catmandu = la site capital de Nepal
catodo = un eletrodo negativa cargada par cual eletrones entra a un aparato eletrical; la eletrodo positiva cargada de un aparato eletrical cual furni corente
catolica = parteninte a la forma de cristianisme cual aseta la pape como sua xef
catran = un licuida oscur, densa e flamable, distilada de lenio o carbon, usada per crea la surfas de stradas; un materia resinosa, formida par arde tabaco o otra materia
catura = saisi la posese o controla de (un person o cosa) par forsa; saisi (un cosa) cual move tra la aira
caturamosca = un avia ci catura insetos volante
caturamus = un trapa per catura o mata muses, tipal con un bara cual cade subita cuando la mus toca un comeda tentante
cauboi = un om, tipal un cavalor, ci gida manadas de boves en la ueste de America Norde, selebrada en novelas e filmas
Caucaso = un rejion montaniosa en Europa sude-este e Asia sude-ueste, entre la Mar Negra e la Mar Caspio
Caucasos = la Montes Caucaso
Montes Caucaso = du cadenas de montes en Caucaso
caucasoide = (ofendente e no plu usada) de la raza de Europa, Asia ueste e Africa norde
caudai = pertinente a un relijio monoteiste instituida en 1926 en Vietnam sude
cauri = un molusco de mar con conca lisa, briliante e cupolin, con abri longa e magra
causa = fa ce (alga cosa) aveni
cauta = atendente problemes o periles posible, per evita los
cauteri = arde la pel o carne de (un feri) con un strumento calda o materia corodente, tipal per para sangui o preveni infeta
cauxo = un materia dur e elastica, composada de la latex de un planta tropical o par sintese
cava = conteninte un spasio vacua
cava = un spasio vacua a interna de un ojeto; un cambra grande, tipal de orijina natural, en la lado de un colina o un falesa, tipal estendente su la tera; un strutur artifis cual sembla esta
caveta = un vale basa; un parte afondada en la surfas de un ojeto
cavon = un cava vasta
cava = un arboreta polinesian en familia de peper; un bevida calminte, produida de la radis de esta
cavalero = (en la eda medieval) un om ci ia servi sua monarca o baron como un soldato montante e armurida; (en la Rena Unida) un om ci ia reseta de la monarca la direto de usa la titulo Sir ante sua nom
cavaleria = la codigo relijial, moral e sosial de cavaleros en la eda medieval; la state de es un cavalero
cavalo = un mamal erbivor grande, domada per monta, corsa e tira carga; un peso de xace cual sembla la testa de esta; un unia de potia, tipal usada per descrive motores
cavalo-de-mar = un pex peti con armur sesionida, beco tubo, coda risa e prensil, posa vertical, e testa e colo semblante los de un cavalo
cavaleta = un cavalo joven; un strutur de lenio inclinada per suporta un table, un plance sierida, o un lona de artiste; un strutur supra un autovia cual suporta avisas de trafica, cameras, etc; un peso de metal a fondo de la strutur de un bisicle cual on pote basi per sta la bisicle
Cavaleta = un constela minor
cavali = viaja par cavalo, longo (un via) o tra (un distantia); transporta (alga cosa) par cavalo
cavia = un rodente de America Sude, con corpo spesa e coda vestijial
caviar = la ovos de la sturion o otra pex grande, comeda como un deleta
cavil = un peso silindre de lenio o otra materia, usada per fisa, marca o pende
caxa = un contenador con funda e lados plana, tipal retangulo e cluable; un strutur simil per proteje alga cosa; (per un letera) la fato de esce lo es major o minor; la colie completa de leteras major o leteras minor en un alfabeta
caxa de letera = la colie completa de leteras major o leteras minor en un alfabeta
caxalote = un balena con dentes e un testa enorme, ci come tipal calamares a profondia grande, istorial valuada per la spermaseti e olio en sua testa e la ambargris en sua intestines
caxer = (un comeda o restorante) sasiante la leges tradisional iudi
caxmir = un lana suave, orijinal de la capras de Caxmir; un stofa fabricada de esta o de lana simil
Caxmir = un rejion a la borda norde de Barat e Pacistan, reclamada par ambos
caxofa = un planta european, cultivada per sua brotos grande, de cual partes es comable
Cazacstan = un pais en Asia sentral, a sude de Rusia, entre la Mar Caspio e la Montes Altai
cazu = un strumento musical peti e simple, composada de un tubo con un fora con un covrente cual vibra cuando on canta o zumbi en la tubo
CD = disco compata
ce = usada per introdui un proposa suordinada cual espresa un declara o ipotese
ante ce = ante cuando
asta ce = asta cuando
de ce = de cuando
en ce = en cuando
pos ce = pos cuando
tra ce = tra cuando
cea = un papagaio de montania de Zeland Nova con beco longa e streta e plumas xef oliva, cual come caronia a veses
cebab = un plato de carne e vejetales coceda e servida sur lansietas
cectxi = pertinente a un popla maia de Guatemala e Beliz, o a sua lingua
cefir = un bevida asida de lete fermentada, plu acuin ca iogurte; la granes usada per fermenta esta bevida
cela = formi un composada en cual un liante (tipal organica) es liada a un atom metal a du o plu puntos
celaterapia = un terapia contra venena par mercurio o plomo, par sirculi un disolve celante en la sangue
celi = un aveni sosial con musica, canta, dansa e nara, tradisional de Er o Scotland
celpi = (en folclor scotes) un spirito de acua con forma de cavalo; un can de pastor de Australia
celsius = un scala de temperatur en cual acua jela a 0° e boli a 100°
celta = pertinente a la poplas o linguas antica de Er, Britan, Frans e otra partes de Europa; pertinente a la poplas de Er, Scotland, Cimri, Bres, la Isola Man e Cerno, o a la linguas eres, gailica, cimri, bresonica, manes e cernoica
Mar Celta = un mar a sude de Er, un parte de la Mar Atlantica
celtiberian = pertinente a la popla de Iberia antica, e a sua lingua celta
celvin = la unia internasional per mesura temperatur termodinamical, simil a celsius ma con sua zero a -273.15°C, la temperatur a cual la move termal sesa
Cenia = un pais en Africa este, bordante la Mar Indian
centum = (un lingua indoeuropean) cual no ia cambia la consonantes esplodente palatovelal a sisantes
ceratin = un protena fibrosa cual formi la composante xef de capeles, plumas, ungulas, garas e cornos
ceratinosite = la selula la plu comun en la epiderma
cerem = un unia fundal en linguas de sinia, simil a un fonem en linguas parlada
Cerno = un contia a la penisola estrema sude-ueste de England
cerosen = un olio carburante, fabricada par distila petrolio
cerubin = un anjel descriveda en la Biblia como un atendor de Dio; un enfante ronda con alas, comun en alga obras de arte
cesadilia = un tortilia plenida con ceso e caldida
cesar = un titulo de imperores roman
ceso = un comeda fabricada par presa caliadas de lete; un masa moldida de esta
cetoasidose = la state metabolal asosiada con proportios grande de composadas con cetonas
cetognato = un membro de un filo de vermes xasante de mar, composantes major de plancton
cetona = un composada organica cual conteni un grupo de carbonil liada a du grupos de idrocarbono
cetsal = un avia en familia de trogon, con plumas opalin verde e tipal un peto roja, trovada en la forestas de America tropical; la unia de mone en Guatemala
cetxap = un salsa composada de tomates e vinagra, usada como un spise
cetxua = pertinente a la americanes nativa de Peru e partes de Bolivia, Txile, Colombia e Ecuador, o a sua linguas
cexa = dise (frases) per espresa sua irita o nonsasia
Chesapeake, Baia = un baia a este de Maryland e Virginia
Chihuahua = un stato de Mexico norde
Deserto Chihuahua = un deserto de Mexico norde-sentral e la SUA sude-sentral
ci = (demandante) cual person; (suordinante) introduinte un suproposa ajetivin cual dona plu informa sur un person o persones (o animales personin) cual on ia indica direta a ante
ci = la letera 22 de la alfabeta elinica
ci-ro = un cristogram cual suprapone la leteras elinica ci e ro
cianti = un vino seca e roja, produida en Toscana en Italia
ciasma = la punto do cromosomas duplida resta contatante en la fase prima de meiose
ciat = la unia de mone en Miama
cibuts = un comunia iudi en Israel, tipal un cultiveria
Ciclades = un grupo grande de isolas en la parte sude de la Mar Ejeo
cidonia = un arboreta de Asia ueste; la fruta dur e asida de esta, con forma de pera, usada en conservas o como un saborinte
cifose = un curvi convesa de la spino dorsal
Ciiv = la site capital de Ucraina
cile = un licuida letin, composada de limfa e gotetas de gras, cual drena de la intestines magra a la sistem limfal en dijesta
cilia = un strutur longa a la fondo de un barcon, sur cual la resta es construida, tipal usada per boni la stablia; un cresta longo la sterno de multe avias a cual la musculos de vola es liada
Cilia = un constela en la sielo sude
cilo- = (un mesura) multiplida par 1000
cilt = un falda de texeda scotes cual estende asta la jenos, tradisional portada par omes de Scotland
cimera = (en mitos) un monstro con tre testas, e con gamas anterior de leon, gamas posterior de capra, e coda longa de serpente; cualce monstro de partes diversa
cimica = la siensa cual studia la sustantias de cual materia es composada, la investiga de sua cualias e interatas, e la usa de estas per formi materias nova
astrocimica = la studia de moleculas e iones en stelas e la spasio interstelal
biocimica = la siensa cual studia prosedes cimical en organismes
fitocimica = la ramo de cimica cual studia plantas e sua produidas
fotocimica = la ramo de cimica cual studia la ativia cimical de lus
fotocimical = pertinente a o causada par la ativia cimical de lus
jeocimica = la studia de la composa cimical de la Tera e sua rocas e minerales
petrocimica = la ramo de cimica cual studia la materias otenida par refina e trata petrolio o gas natural
petrocimical = pertinente a petrocimica; pertinente a materias otenida par refina e trata petrolio o gas natural
stereocimica = la ramo de cimica cual studia la organiza tridimensional de atomes e moleculas
termocimica = la ramo de cimica cual pertine a la caldia emeteda o asorbeda en reatas cimical
cimo = la licuida asida e pulposa cual pasa de la stomaco a la intestin magra, composada de juses gastral e comedas partal dijestada
cimono = un roba longa e laxe, con mangas larga, liada con un banda, orijinante en Nion
cimosina = un enzima secreteda en la stomaco de mamales destetida, cual causa la calia de lete
cimosintese = la sintese de composadas organica par baterias o otra organismes, usante enerjia derivada de reatas con cimicales nonorganica, tipal en manca de lus de sol
cimoterapia = la trata de maladias, spesial canser, par usa materias cimical
cimotrof = pertinente a organismes cual oteni enerjia par osidi composadas organica o nonorganica
Cimri = un prinsia de Britan, a ueste de England
cina = la unia de mone en Papua Gine Nova
cincaju = un mamal neotropical cual abita arbores e come frutas
cinematica = la ramo de mecanica cual studia la moves de ojetos sin refere a sua causas
cinesiolojia = la studia de la mecanica de la move de la corpo
cinestesia = la persepi de la posa e move de la partes de la corpo par la organos sensal en la musculos e juntas
cinetica = la ramo de fisica cual studia la relatas entre la moves e sua causas
cinetical = pertinente a cinetica; pertinente a o causada par move
ciniaruanda = pertinente a un lingua bantu cual es un de la linguas ofisial de Ruanda e multe simil a rundi
cinina = un composada cristal e amarga, istorial usada per trata malaria
cinorinco = un membro de un filo de animales de mar multe peti, tipal abitante fango o arena
cinua = un gran cultivada en la Andes per sua semes comable, de cual on prepara ance bevidas alcolosa
Cinxasa = la site capital de la Republica Democrata de Congo
cionis = un avia blanca simil a un pijon, con gaina cornin sirca la funda de sua beco, cual reprodui a la costas de isolas prosima a Antartica
ciosco = un strutur peti, tipal tempora, per vende benes, furni informa, etc
ciosco de polisia = un ciosco de telefon usada par polisiores o par la popla per comunica con la polisia, comun en Britan en la media de la sentenio 20, ma aora plu bon conoseda como la forma esterna de un macina de tempo en la serie _Doctor Who_
cip = la unia de mone en Lau
cipa = un xapeta peti e abrasante sin borda, tipal portada par alga omes iudi
Cipros = un pais e isola en Europa sude-este, en la Mar Mediteraneo este
ciptxac = pertinente a un popla turcica nomada medieval, orijinante en la rejion de Cazacstan moderna, de ci multe membros ia migra a Magiar e la Impero Bizantian pos la invade de la mongoles; pertinente a sua lingua
cipu = un aparato inca per rejistra informa, usante nodas diversa en filos de colores variosa
Cirgistan = un pais montaniosa en Asia sentral a la borda norde-ueste de Jonguo
Ciribas = un pais de isolas en la Mar Pasifica sude-ueste
cirilica = pertinente a la alfabeta usada par alga poplas slavica
ciromansia = la predise de la fortuna de un person par esamina sua palmas
ciropratica = un sistem de medica alternativa cual diagnose malalinias de la juntas, spesial de la spina dorsal, e trata los par manipula
cirotero = un mamal noturna capas de vole, con alas membranosa
cisa = espresante ce un declara es nonserta o mera un posible, o ajuntante cortesia a un sujesta o solisita
citina = un materia fibrosa, composada de polisacaridos, e forminte la composante major de la esosceleto de artropodos e la mures de la selulas de fungos
citon = un camison de lana, usada en Elas antica
ciui = un avia nonvolante de Zeland Nova, con plumas capelin e un beco curvida con narinas sensosa a la fini
ciui = un planta trepante; la fruta de esta, con pel magra e pelosa, pulpa verde e semes negra
civa = un sala, construida completa o partal su tera, usada par americanes nativa de la pueblos per rituos relijiosa
ciwi = un avia nonvolante de Zeland Nova, con plumas capelin e un beco curvida con narinas sensosa a la fini
ciwi = un planta trepante; la fruta de esta, con pel magra e pelosa, pulpa verde e semes negra
cix = un tarte con pleninte saborosa, densida con ovos
Cixinau = la site capital de Moldova
Cixote = la carater xef de un novela famosa de Miguel de Cervantes, "La nobil injeniosa Sir Cixote de la Manxa"
Cizilcum, Deserto = un deserto en Asia sentral, entre la Rio Amudarya e Rio Syrdarya
clac-clac = un sona de bateta, como de mano a porte o pasos sur solo
clace = fa un sona continuante como ojetos cual cade sur un solo dur; un dansa en cual on bateta la solo con pesos de metal fisada a la ditos e talones de la sapatos
claceta = un aparato de du tabletas xarnierida cual on colpa contra lunlotra a la comensa de filma un sena, per aida sincroni la imaje e la sona
clado = un grupo de organismes sur cual on crede ce los ia evolui de un asendente comun
clama = cria a (algun) per atrae sua atende; comanda ce (algun) atende o veni per aida; (un animal) fa sua cria distinguinte
clama codal = (en programi) un clama fada como la ata final de un funsiona
retroclamable = (en programi) un funsiona furnida a un otra afin esta pote clama lo
clan = un grupo de familias interelatada
clar = fasil per persepi, comprende o interprete; no ambigua; sin duta; transparente; sin manxas; sin nubes o pluve; sin ostaculos, impedis o otra cosas nondesirable o nonplasente
clarestorio = un parte alta de un mur cual conteni fenetras supra la nivel de oio, tipal en un eglesa
clarineta = un strumento de venta de lenio con beco de sola un anxa, fini esvasada, e bucos tapida par teclas
claron = un trompeta de gera, con tubo streta e tono alta
claroscur = la trata de lumina e oscuria en desinia e depinta; un depinta o desinia usante tonos de un sola color
clarvide = vide (un aveni futur) par un capasia supranatural
clase = un categoria o grupo de cosas con alga cualia comun e diferente de otras; un categoria tasonomial supra un ordina e su un filo o divide, como la clases de mamales e insetos; un sistem de ordina en un sosia, en cual persones es grupida par sua prestijia sosial o economial; un grupo de studiantes con la mesma ensenior e lesones
clasica = (un cosa) regardada, pos la pasa de tempo, como avente cualias la plu alta; (un veste o otra produida) con stilo simple e bela, cual no responde multe a cambias de moda; multe tipal de sua spesie
neoclasicisme = un renase de un moda clasica de arte, leteratur, arciteta o musica
claustro = (en un monceria) un galeria covreda e cuatroladal, ensircante un jardin interna
claustrofobia = un teme estrema o nonrazonada de locas restrinjente
clave = un peso peti de metal formida e taliada, cual pote abri un securador o comuta un inisiador; un parola o espresa secreta cual permete entra; un turnatorca
clave restrinjeda = un clave per la porte de un sala ofisial restrinjeda a sola alga persones
clave xef = un clave capas de abri multe portes, de cual cada ave ance sua propre clave
clavesimbal = un strumento de teclas con filos tocada par puntos de pluma, cuoro o plastica
clavicordio = un strumento de teclas peti cual produi sonas dulse par colpa sua filos con lamas metal
clavicula = cada de la du osos cual junta la sterno a la scapulas
claxon = un aparato eletrical usada per averti otras, tipal en un veculo
clematis = un planta trepante en familia de ranunculo, con flores blanca, rosa o purpur
clemente = dulse o nonsever; (clima) dulse o moderada; (fortuna) favorente
clementino = un arbor ibride de un tanjerino e un oranio, con frutas sitrica peti sin seme ma con casca orania-roja intensa
clepsidra = un orolojo de acua
cleptocrata = (un governa) en cual la renores o ofisiales estende sua ricia e potia political par froda
cleptomania = un urje nonrazonada a fura, tipal sin pertine a nesesa o profita
clerica = la colie completa de eglesores ordinada a roles gidante en un relijio
clerical = pertinente a o favorente la clerica
clica = fa un sona o serie de sonas corta e agu, como la contata de du ojetos dur o la funsiona de un comutador
clica = fa ce (un cosa) clica; presa (un boton) sur un mus de computador; dirije un tal presa a (alga cosa su la cursor a la scermo)
cliceta = un aparato composada de un bara o rota con un colie de dentes angulida per engrana los de un otra bara o rota, permetente ce lo move sola en un dirije
cliente = un person o organiza cual compra benes o servis de un otra, per esemplo en un boteca; un person ci reseta servis sosial o medical; (en informatica) un program o aparato cual solisita o consuma servis de un servador
clima = la state de la atmosfera en un rejion a un tempo o periodo spesifiada
climatolojia = la studia siensal de la clima
bioclimatolojia = la studia siensal de la efetos de la clima a organismes vivente
clina = un continua con un cuantia infinita de grados, tipal de cualias biolojial entre spesies o otra tasones
clinica = un loca o departe medical en cual pasientes esterna es esaminada o tratada
policlinica = un clinica (tipal autonom) en cual pasientes esterna es esaminada o tratada par dotores jeneral o spesialida
clip = un aparato peti per teni un ojeto o ojetos; un estraeda corta de un difusa, filma o musica
clitico = un parola nonasentuada cual apare normal sola en combina con un otra parola
clito = (nonformal) un clitoris
clitorectomia = un sirurjia per estrae la clitoris
clitoris = un parte peti, sentosa e erijente de la jenitales fema, ante la vulva
clixe = (un espresa o opina) tro multe usada e sujestante un manca de pensa orijinal; (un person o cosa) multe predisable o nonorijinal
clo = un spina metal peti con un fini plata e larga, tipal martelida en lenio per junta cosas o funsiona como un cavil
cloaca = un canal o tubo cual condui licuidas a via, tipal pluve o acua usada; la caveta a la fini de la duto de dijesta de la plu de vertebratos, per relasa feces e spermas o ovos
clone = produi nonsesal un organisme, selula o grupo de selulas de (un asendente) a cual los es jenetical identica; desinia un computador cual pote simili esata la funsiona de (un otra)
cloral = un aldehido licuida, olin e sin color, cual disolve en sustantias diversa
clorantasea = un planta tropical con folias perene verde con bacas roja ma sin flores
cloro = la elemento cimical con numero atomal 17, un gas pal verde, iritante e venenosa
cloro- = verde
clorocina = un medisin antimalarial
clorofila = un pigmento verde, esistente en tota plantas verde e en alga baterias, cual asorbe lus per furni enerjia per fotosintese
clorofonia = un avia tropical peti en familia de pinson, con plumas briliante verde
cloroformo = un licuida volatil, bonodorinte e sin color, usada como un disolvente e istorial como un anestesente
clorose = un redui o perde nonormal de la verde de la folias de plantas; un anemia causada par un manca de fero
clox = un xapo campanin per femes
clozapina = un droga antipsicosica, xef usada per trata scizofrenia cuando otra medisines no pote aida
club = un asosia dedicada a un interesa o ativia spesifiada
clui = (un abri o porte) deveni blocida o covreda; (acua o eletrica) deveni prevenida de move par un valva o comutador
cluisita = un sinia de puntua a la fini de un parola o frase sitada
clusa = un parte corta e restrinjeda de un canal o otra via de acua en cual on pote cambia la nivel de acua par usa portones e canaletas, usada per leva e basi barcos entre la du portones
cm = sentimetre
cmer = pertinente a la popla de Camputxa o a sua lingua
cnidario = un animal nonvertebrato acual de un filo cual inclui medusas, corales e anemones-de-mar
co- = con, en junta
coagula = (un licuida) deveni semisolida o nonuniforma solida
coagula = fa ce (un licuida) coagula
anticoagulante = un medisin per preveni la coagula de la sangue
coala = un marsupio arboral e ursin de Australia, con pelo densa e gris, cual come la folias de la eucalipto
coan = un nareta o rompetesta, usada en zen per mostra la noncapasia de lojica e provoca lumina spirital
coarde = intera sin coraje, despetable temosa
cobalto = la elemento cimical con numero atomal 27
cobra = un serpente multe venenosa de Africa e Asia cual esvasa la pel de sua colo a un capeta si on disturba lo
coc = un carburante solida, produida par caldi carbon sin aira per estrae la composantes volatil
coca = un arboreta de la tropicos american, cultivada per sua folias cual es la fonte de cocaina
cocaina = un droga abituante derivada de coca o sinteseda, usada como un stimulante nonlegal o un anestesente
cocainamania = un drogamania per cocaina
coc-coc-coc = la sonas corta e basa fada par un gal
coce = (un comeda) es caldida per ateni la forma comable
coce = prepara (un comeda) par combina e caldi la ingredientes en modos diversa; caldi o seci (seramica o brices) en un forno
coclea = la caveta spiral de la orea interna, conteninte la organo de Corti cual cambia vibras de sona a siniales de nervo
cocni = pertinente a la popla nativa de London este, o a sua dialeto de engles
coco = un seme grande, oval e brun de un palma tropical, con un casca dur cual es foreda con un pulpa blanca e comable e cual conteni un licuida clar; un arbor cual produi esta
cocon = un caxa de seda cual proteje la pupa de alga papilios
coctel = un bevida alcolosa, composada de un o plu distiladas miscada con otra ingredientes, como jus de fruta, limonada o crema
coda = la parte la plu posterior de un animal, tipal estendente ultra la resta de la corpo; un parte simil de cualce cosa; la strutur retro cual stabili un avion volante; un morfem infletante ajuntada a la fini de un parola
codeina = un paradole e adorminte, derivada de morfina
codigo = un colie sistemosa de leges o prinsipes; un serie de numeros o otra simboles asiniada per identifia; la instruis en un program de computador
codigo fisical de sinias = cualce metodo de representa fisical la sinias en un testo dijital (per esemplo UTF-8)
codigo numeral de sinias = cualce sistem consetal cual asosia un numero a cada membro de un colie de sinias
codo = la junta entre la braso alta e la braso basa; la parte de un veste cual covre esta; alga cosa cual sembla esta; un mesura antica de longia, egal a sirca 44 cm
codon = un serie de tre nucleotidos cual formi un unia de la codigo jenetical en un molecula de ADN o ARN
coere = formi un intera unida; conteni no contradises de lojica o strutur
cognisio = la prosede mental de oteni sabes e comprendes par pensa, esperia e la sensas
coicoi = pertinente a un grupo de poplas nativa de Sudafrica e Namibia, tradisional xasores-coliores nomada
coine = la dialeto de elinica antica usada como lingua franca en la impero de Alexandro la Grande
coion = (nonformal) testiculo
coiote = un can savaje, nativa de America Norde
coipu = un rodente grande e semiacual de America Sude, simil a un castor
coisan = pertinente a du poplas de Africa sude, e sua linguas unica
col = un planta cultivada, con folias grande verde o purpur cual enclui un cor sferin
col = un polvo negra, usada como cosmetica sirca la oios en alga paises de Africa norde e Asia sude, e en Ejipte antica
cola = un materia aderente, usada per junta ojetos o otra materias a lunlotra
coli = aplica cola per junta (un cosa o materia) a un otra; (en informatica) inserta (testo, un imaje, etc) en un loca nova, pos copia o talia lo
cola = un planta peti e perene de Africa tropical, cultivada per sua nozas; un noza de esta; un bevida brun e gasosa, con sabor de esta noza
Cola, Penisola = un penisola en la norde-ueste de Rusia
colajen = la protena strutural xef en la texeda juntante de animales, de cual on fabrica jelatin par boli
colar = la banda de materia sirca la colo de un camisa, roba, jaca o otra veste
radiocolar = un colar portada par un animal afin on trasa sua moves
colasa = (un strutur) cade a su o a en; (un person) cade e perde consensa; senta o reposa subita como la resulta de fatiga; (un program) sesa funsiona en modo subita e nonespetada; (la custa de asiones) sufri subita un cade grande
colasolojia = la studia de la colasa de la sivilia industrial e de lo cual ta pote segue lo
colbasa = un tipo de salsix spisida e fumigada, orijinante en Polsca
colcico = un planta de la familia de la lil e la tulpa, con semes nosiva de cual on estrae la alcaloide colcicina
colcicina = un alcaloide nosiva estraeda de la folias e bulbo de la colcico
colega = un person en la mesma profesa, o ci fa la mesma tipo de labora, como un otra
colegeria = un loca do colegas labora; un asosia de colegas
coleo = un planta tropical de Asia sude-este en familia de menta, con folias briliante multicolorosa, popular en casas
coler = sentinte un irita, odia o enemia forte
colera = un infeta grave de la intestin magra, causada par baterias, tipal de acua infetada, cual causa vomiti e diarea grave e tipal la mori de la sufror
colesterol = un composada de la tipo de steroles, trovada en la plu de texedas, incluinte la sangue e nervos
coletiva = (un ata) fada par persones conduinte como un grupo; parteninte o pertinente a tota membros de un grupo; regardada como un intera
coli = un can de pastor, de raza orijinante en Scotland, con nas longa e puntida e pelo longa e densa
colibri = un avia multe peti de la tropicos de America, comente netar e tipal con plumas opalin, ci pote flota en aira e vola a retro
colico = un dole intensa en la adomen, causada par gas intestinal o par un impedi en la intestines, sufrida xef par bebes
colide = (du cosas movente) colpa fortiosa lunlotra
colie = pone (cosas) con lunlotra; cumula (cosas sperdeda); xerca e oteni (cosas), tipal como un pasatempo; prende (un flor, fruta o vejetal) de sua loca de crese
colie de sinias = un grupo spesifiada de sinias dijital disponable, en cual cada ave un numero distinguinte (per esemplo Unicode)
coliebal = un person joven ci retrae bales cual sorti de la campo en tenis o futbal
coliflor = un varia de col con un masa grande de brotos blanca
colina = un rejion de tera natural levada, no tan alta o rocosa como un monte
colineta = un colina peti o basa; un rejion simil, construida como un tomba
colina = un composada forte alcalin, importante en la sintese e transporta de lipidos en la corpo
colinabo = un planta european en familia de col, cual produi un radis grande con pulpa jala
colinerjica = pertinente a la neurones en cual asetilcolina funsiona como un neurotransmetador; relasante o respondente a asetilcolina
anticolinerjica = un medisin per redui la funsiona de asetilcolina
colino = un coturnix de la mundo nova, con plumas rojin brun e manxosa, e tipal un garga pal
colio = un avia peti e sosial de Africa, con cresta, plumas blanda e coda longa
colirabano = un varia de col, con talo spesa e comable
colirio = medisin introduida en gotas a la oios
colite = un inflama de la fore de la colon
colo = la parte de la corpo de un person o animal cual junta la testa a la spala e peto; la parte de un camisa, roba o otra veste sirca o prosima a esta
coloroja = (ofendente) un person blanca e tipal povre, de la partes sude de la SUA
colobo = un simia magra e erbivor de Africa, con pelo sedin, coda longa, e ditones peti o mancante
colocolo = un gato peti de Txile, con bandetas e manxas
colofon = la logo o impresa de un publicor, spesial a la dorso o paje de titulo de un libro; un presenta de detalias bibliografial a la comensa o fini de un libro o jornal
coloide = (un miscada) en cual un sustantia de particulas nondisolvable e microscopial sperdeda es suspendeda tra un otra sustantia
Colombia = un pais en la norde-ueste de America Sude, con costas a la Mar Caribe e la Mar Pasifica
colombina = un planta en familia de ranunculo, con flores ostentosa e sperones dirijeda a retro
Colombina = un carater tradisional en comedia del arte
colon = la parte major de la intestin spesa, cual asorbe acua e eletrolitos de comeda cual resta nondijestada
colon = la unia de mone en Costa Rica, e istorial en Salvador
colona = un strutur reta e vertical, tipal silindre e fabricada de petra o beton, cual suporta elementos orizonal; un divide vertical de un paje o table de informa
colonia = un rejion su la controla de, e ocupada par persones de, un pais, tipal distante; un loca istorial nonocupada, abitada par persones ci fundi un comunia nova
neocolonialisme = la usa de presa economial, political o cultural per controla o influe otra nasiones, spesial dependentes pasada
color = la cualia de un cosa cual produi un sensa a la oio par la modo en cual lo refleta o emete lus; la pigmento de la pel, spesial como un indica de sua raza
color fundal = cada de la tre colores (roja, jala o verde, e blu) de cual on pote oteni tota otra colores par misca
bicolor = cual ave du colores
descolori = sutrae color de
multicolor = cual ave multe colores
multicolorosa = con multe colores
tricolor = cual ave tre colores
unicolor = cual ave un sola color
Colorado = un stato en la SUA sentral
Rio Colorado = un rio cual comensa en la Montes Rocosa, pasa tra la Canion Grande, e fini en la Golfo California
colorimetre = un util per analise e mesura la parametres de colores
coloseo = un amfiteatro grande en Roma, construida en 75 EC; cualce teatro o stadion simil
colostomia = un opera sirurjial cual diverje un parte de la colon a un abri artifis en la mur adomenal per evita un parte danada
colostro = la secrete prima de la senos o mamelas pos pari, rica de anticorpos
colpa = contata rapida e fortiosa (un person o cosa), tipal causante dana o feri
colpa de palasio = un colpa de stato, tipal nonviolente, fada par persones ja renante
colpamosca = un util per colpa e crase insetos
contracolpa = un colpa de stato per suverti la governa instalada par un colpa presedente; un feri cual aveni a la lado oposada de la parte cual ia es colpada, tipal de la serebro
colposcopio = un strumento sirurjial per esamina la vajina e la colo de la utero
colugo = un mamal simil a un lemur en Asia sude-este, con pel entre sua gamas anterior e posterior cual el usa per vola de arbor a arbor
Columbia Brites = un provinse en Canada ueste, bordante la Mar Pasifica e Alaska
colxa = cose (stratos de stofa o pleninte) a lunlotra per formi un covrente de leto, un veste calda, o un efeto ornal
colza = un planta en familia de col, con flores briliante jala e bonodorosa; la semes de esta, usada xef per olio
com- = con, en junta, mutua
coma = un state de nonconsensia cual permane tra un periodo longa o nondefinida, spesial si causada par un maladia o feri grave
comanda = demanda ce (algun) fabrica, furni o servi alga cosa; demanda autoriosa ce (algun) fa un taxe; ave autoria sur (un grupo de persones)
telecomanda = controla (un aparato) de un distantia, par radio o infraroja
comando = un soldato instruida per ataca rapida
combate = partisipa contra (un person o cosa) en un gera, batalia o otra encontra, usante colpas fisical o armas
combina = uni per un intende comun; (en cimica) uni per deveni un composada
combinatoria = la ramo de matematica cual studia la combinas e permutas de ojetos parteninte a grupos finita
combusta = deveni consumada par foco
biocombustable = un combustable derivada de organismes
come = pone (comeda) en la boca, mastica lo e engoli lo; comparti esta ata con otras, tipal a un ora tradisional
comefoco = un divertor ci pone ojetos flaminte en sua boca
comespada = un divertor ci pasa, o finje pasa, un spada tra sua boca e a en sua garga
descome = (nonformal) vomiti
comedia = la presenta comica de bromas, naras o interatas, intendeda per causa rie; un esemplo de esta, como un filma, teatral o simil
comedia del arte = un tipo de teatro popular con mascas, orijinante de Italia, entre la sentenios 16 e 18
comensa = deveni esistente, aveninte, funsionante o movente
comensa = fa ce (alga cosa) comensa; fa o esperia la parte prima de (un ata)
comenta = espresa (un opina o reata) sur algun o alga aveni
comersia = compra e vende (benes o servis)
comersior = un person ci compra e vende benes comun, per esemplo un botecor o mercator
comersiste = un person ci labora en comersia a nivel alta o dirijente, tipal en un ofisia
cometa = un ojeto sielal, composada de un nucleo de jelo e polvo e, cuando prosima a la Sol, un coda de particulas
comforta = aida (algun) a reposa, o a senti plu felis o destensada
comica = causante rie o diverti
comisario = un ofisior encargada par un organiza, tipal la armada, per ensenia sabes political e manteni la bonstate de sua membros
comision = un grupo de persones ci es ofisial encargada con un funsiona spesifiada; un paia, tipal un proportio fisada de la valua pertinente, donada a un ajente en un intercambia comersial
comite = un grupo de persones asiniada a un funsiona spesifiada, tipal composada de membros de un grupo plu grande; un grupo peti de persones asemblada per es intervisada, judi un concurso, etc
como = (demandante) en cual modo, par cual metodo; (ante un ajetivo o averbo) a cual grado; (metafor) a cual grado de sania o felisia
como = en la modo en cual, par la metodo par cual; a la grado a cual
como = simil a
comoda = un mobila de caxetas e cisa scafales
comoda de cosina = un mobila per mostra o reteni platos
comodo = un lezardo multe grande de alga isolas de Indonesia, capas de catura predas tan grande como un porco
Comori = un pais en Africa, composada de un grupo de isolas en la Mar Indian, a norde de Madagasicara
compania = un instituida de comersia
airocompania = un organiza cual transporta par aviones
compara = mesura o descrive la similes o diferes entre; sujesta ce (un cosa) es simil (a un otra)
comparativa = (un ajetivo o averbo) espresante un grado de cualia plu alta, ma no nesesada la plu alta
comparte = un spasio partal separada en un contenador, tipal un barcon o vagon de ferovia
comparti = usa un parte de (un cosa comun) de cual otra persones usa otra partes; distribui (alga cosa) entre persones
comparti = cada de la partes de un cuantia divideda entre persones
compas = un strumento per desinia sirculos
Compas = un constela peti en la sielo sude
compata = pacida en modo densa e ordinada
compatia = senti triste par causa de la sufri de (un otra person)
compendio = un colie de informas consisa ma detaliosa sur un tema, tipal en un libro
compensa = dona alga cosa, tipal mone, a (algun) par causa de sua perde, sufri o feri; (en finansia) move mone entre du bancos per reali la paia de (un xece)
compete = atenta vinse, o gania supremia supra, otras ci atenta la mesma
compila = produi (un lista, reporta o libro) par colie informa de fontes diversa; (en informatica) tradui un program a un forma plu macinal en cual on pote esecuta lo
compleso = un grupo de construidas relatada en la mesma rejion; un grupo o sistem de cosas diferente, liada en un rede; (en psicoanalise) un grupo relatada de ideas emosial e importante cual es intera o partal represada, causa desacorda mental, e gida a conduis o states nonormal de mente
completa = con tota partes nesesada o conveninte; intera; finida
completa = un cosa completa; un colie de vestes de la mesma stofa, desiniada per es portada en junta
completa con pantalon = un veston de fem, incluinte un jaca e un pantalon
completi de testo bucosa = un eserse do on debe completi la parolas cual manca en un testo
complica = deveni plu difisil o confusante par introdui plu aspetas o relatas
complica = fa ce (un cosa) deveni plu difisil o confusante par introdui plu aspetas o relatas
complicosa = (un sistem) tan complicada ce on no pote predise sua funsiona
complis = partisipante en, o asosiada con, un ata de moralia dutable; secreta cooperante con otra persones per reali un crimin o simil
composa = (partes) formi (un intera); scrive o crea (un obra de arte, spesial musica o poesia); scrive (un mesaje) con atende e pensa; deside la posa de la partes de (un depinta, foto o otra imaje)
compra = oteni (un cosa) par paia per lo
compramania = un spende estravagante de mone
comprende = persepi la sinifia intendeda de (un testo o person); persepi la sinifia, esplica o causa de (un cosa)
comprendosa = plen de comprende; capas de comprende la atas, pensas o emosias de algun otra
comprendosia = la capasia de comprende la atas, pensas o emosias de algun otra
compresa = plati (un cosa) par presa; presa (du cosas) a lunlotra; produi o manteni un presa artifis en (un gas o sua contenador)
compromete = solve un disputa par aseta mutua de alga sedes
compulsa = (un comanda legal o un senti interna) obliga o forsa (un person) a fa alga cosa
computa = calcula (un cuantia); solve (un problem) par usa un computador
comun = no rara; aveninte, trovada o fada a multe veses o tra un rejion grande; de spesie la plu bon conoseda; compartida, pertinente a plu ca un person o cosa; poseseda par, asedable per, o afetante la intera de un comunia
estracomun = multe noncomun, nonormal o notable
comunia = un grupo peti o grande de persones ci comparti un cualia sosial
comunica = comparti o intercambia (informa, novas, ideas o maladias)
radiocomunica = comunica par ondas de radio
telecomunica = comunica distante par cordon, telegraf, telefon, radio, televisa, etc
comuta = (un macina o aparato eletrical) comensa funsiona
con = acompaniada par (un otra person o cosa)
con = posesente o incluinte (un cosa o cualia)
con = fada par usa (un ojeto, tipal un strumento)
con ce = en cuando; a la mesma tempo cuando; acompaniada par un situa en cual
con- = con, en junta, mutua
Conacri = la site capital de Gine
conca = la caxa esterna, dur e protejente de un molusco o crustaseo
concani = pertinente a un popla abitante en la rejion costal ueste de Barat, o a sua lingua
concava = con un surfas o contorno cual curvi a en, como la interna de un sfera o sirculo
concista = saisi controla de (un loca o popla) par forsa militar
conclave = (en la Eglesa Catolica Roman) un asembla de cardinales per eleje un pape
conclui = fini; deveni final o lojical desideda
concombre = un planta trepante en familia de zuca; la fruta longa e verde de esta, con pulpa acuosa, usada como un comeda cru en saladas, o vinagrida
concombre-de-mar = un ecinodermato con corpo spesa e vermin e tentaculos sirca sua boca
concreta = material o fisical esistente; real o solida; no astrata
concubina = (en sosias poligama) un fem ci abita con un om, ma ave min prestijia ca la sposa o sposas de la om; un fem en un relata sesal con un om sposida a un otra fem
concurso = un aveni organizada en cual persones compete per supremia en un sporte o otra campo
condena = espresa un desaproba completa de; (un judor) declara ofisial ce (algun) debe sufri un puni spesifiada
condensa = (un gas o vapor) cambia a un licuida; deveni plu densa
condesende = finje superioria en sua condui con otra persones
condisiona = instrui (un person o animal) a asosia alga cosa o situa con un reflexe o la sasia de un desira
condo = un construida conteninte apartes cual parteni a persones diversa; un tal aparte
condom = un gaina magra de latex o otra materia, portada sur la penis de un om copulante per proteje contra consepi o infeta
condor = un vultur grande de la mundo nova, con testa calva e plumas negra, ci vive en montanias e vola tipal alta
condromalasia = un moli de la cartilaje de un junta
condui = ata en un modo spesifiada, tipal en relata sosial con otra persones
conduta = transmete direta (caldia, eletrica, sona o otra enerjia) tra un materia fisical
condutador = un materia o aparato cual conduta
semicondutador = un materia solida cui capasia de conduta eletrica es entre lo de un isolador e lo de la plu de metales, usada en sircuitos eletronical
coneo = un mamal sosial e erbivor, con oreas longa, gamas anterior longa, e coda corta
confedera = (un cuantia de statos o organizas) formi un unia ma reteni multe autonomia interna
confedera = un unia confederada; (en la Gera Interna Esuan) la statos sude cual ia vota per separa de la Statos Unida
confere = fa discutes; intercambia opinas
confesa = declara ce on ia fa (un crimin o peca) o ce on es culpable en alga modo; declara (alga cosa) en modo vergoniosa o embarasada
confeti = un peso peti o banda corta de paper colorida (o de materia simil) lansada a un selebra, tipal de sposi o vinse
confeto = un comeda dulse, composada de zucar o xirope con frutas, nozas o xocolada
confida = dona (un ojeto) a algun e fida ce el va proteje lo; dise (un secreta) a algun e fida ce el no va repete lo a otra persones
confirma = indica o demostra la veria o coretia de (un cosa ja crededa, suspetada o temeda); (en cristianisme) fa un rituo en cual (un person batizada como enfante) afirma sua crede
confisca = prende o saisi (la propria de algun) en modo autoriosa; prende (un poseseda, tipal tera) como un multa e dona lo a la tesoreria publica
conflita = (un cosa) es noncoerente (con un otra); (du o plu cosas) es noncoerente entre se
conflue = (du rios) veni de dirijes diferente e reuni ultima; (metafor) (un organiza) combina se con un otra
confonde = (un problem) defia (algun) a comprende o solve lo
conforma = segue regulas, normas o leges de sosia; ave un forma o spesie simil o conveninte
confusa = era par misca (du o plu cosas) en sua mente, credente ce la un es la otra; (un cosa desordinada o nonclar) fa ce (algun) no comprende
confuzisme = un filosofia sosial fundida par Kongzi
conga = un dansa de America latina, orijinante en Africa, tipal con multe persones en un linia, la un pos la otra; un musica per esta; un tambur alta e streta, bateda par la manos
Congo = un rejion de Africa cual inclui la Rio Congo
Republica de Congo = un pais a norde e ueste de la Rio Congo
Republica Democrata de Congo = un pais a sude e este de la Rio Congo
Rio Congo = un rio major en Africa sentral cual comensa en la norde de la Republica Democrata de Congo e fini en la Mar Atlantica
congrega = un grupo de persones asemblada per adora relijiosa, tipal e abitual a un loca spesifiada; (en alga universias) un asembla de membros major
congresa = (delegadas) consenta formal
congresa = un consenta de delegadas; un reuni organizada per persones interesada sur un tema o campo de ativia; un institui nasional de lege, spesial lo de la SUA
congro = un angila grande e xasante de acuas costal
coniac = un bevida multe alcolosa, distilada de vino o jus fermentada de fruta
coniac = un planta perene de Asia este e sude-este; sua cormo o la amidon comable cual on deriva de lo
conidio = la spora firma de un fungo
conifer = (un arbor) portante conos e folias agin o scamin
conio = un planta european multe venenosa, en familia de persil; la venena otenida de esta
conjela = (un licuida o semilicuida) deveni solida o cuasi solida, tipal par fria
conjela = fa ce (un licuida o semilicuida) conjela
conjenital = (un maladia o cualia fisical) presente de nase, tipal eritada
conjesta = deveni plen de, o blocida par, muco o sangue; (un via) deveni plen de persones o veculos
conjesta = fa ce (un duto, un via) conjesta
desconjestante = un medisin per desconjesta la pasajes nasal
conjuga = (un verbo) cambia sua forma gramatical per indica vose, modo, tempo, cuantia e person; (baterias o otra organismes uniselulal) deveni tempora unida per intercambia materia jenetical
conjuga = cambia la forma gramatical de (un verbo) per indica vose, modo, tempo, cuantia e person
conjunta = un parola usada per junta frases o proposas coordinada, o parolas en la mesma proposa
conjuntiva = la membrana mucosa cual covre la fronte de la oio e fore la interna de la palpebra
conjuntivite = un inflama de la conjuntiva
Connecticut = un stato en la SUA norde-este
cono = (un cosa tridimensional) con un forma cual diminui de un funda sirculo asta un punto
conopofaje = un avia peti de America Sentral e Sude, con coda corta e gamas longa, notada per come moscetas e otra insetos peti
conose = sabe ce on ia esperia ja (un cosa o loca); es consensa de (algun) pos interelata con el
conota = (un parola) sujesta o implica (un idea o senti) en ajunta a sua sinifia prima o leteral
consela = ofre sujestas a (algun) sur la modo la plu bon de ata; sujesta ce (algun) fa alga cosa
desconsela = consela (algun) per averti el contra fa alga cosa
consensa = veliada e respondente a la ambiente; persepinte un situa o sabente un fato
reconsensi = deveni denova veliada e persepinte
consenta = asembla per un intende spesifiada, tipal un discute
consentra = foca sua persepi o labora mental sur un cosa o taxe spesifiada; deveni colieda en un cuantia o masa grande; (un cimical) deveni plu forte par la sutrae de acua o un otra licuida, o par la cumula distinguinte de atomes o moleculas
consentra = fa ce (alga cosa, la persepi, etc) consentra
consentra molal = la consentra de un disolve, espresada como la cuantia de particulas de la disolveda per litre de la disolvente
consentral = (sirculos, arcos o otra formas) cual comparti la mesma sentro
consepi = deveni ensinta con (un enfante)
contraconsepi = preveni ensintia par metodos intendeda
conserna = (un informa, descovre, etc) es o pare importante o interesante a (un person); (un reporta, campo de studia, etc) pertine a (un sujeto)
conserta = un presenta musical publica, tipal con plu ca un musiciste o plu ca un composada
consertina = un strumento peti, juada par estende e compresa un soflador entre la manos per puia aira supra anxas, sonante la notas par presa botones
conserto = un obra per tipal un strumento acompaniada par un orcestra
conserva = manteni (un cosa) en sua state esistente o orijinal; proteje (un cosa, tipal un recurso o loca importante a la ecolojia o cultur) contra dana o peri o destrui
conseta = formi (un idea) en sua mente
conseta = un idea astrata; la prosede de formi un idea
considera = pensa atendente sur (alga cosa), tipal ante un deside; pensa atendente sur (un cosa confondente)
consiensa = un senti interna, regardada como un gida a la moralia
consilio = un grupo ofisial de persones ci consenta per discute, avisa o legi; un grupo ofisial elejeda per maneja un pais, contia, site, eglesa o otra organiza
consilio ombral = un consilio paralel a la consilio governante, composada de membros de un partito oposante
consinia = envia ofisial (un ben o otra cosa) e trae lo a la resetor; envia (la varia la plu resente de un fix) a un arcivador de revisas
consisa = espresante multe informa en modo clar e sin multe parolas
consiste = ave sua esense (en alga cosa); es composada (de alga cosas)
consol = un panel per controla aparatos eletrical o macinal
consola = comforta (algun) cuando el es lamentante o deludeda
consolida = un planta anial en familia de ranunculo, con spigas de flores con sperones
consonante = (un sona de parla) en cual la respira es partal o intera impedida, e cual pote combina con un vocal per formi un silaba; (notas musical) produinte un acorda o interval armoniosa
conspira = prepara un scema secreta per fa (un ata nonlegal o ferinte)
constantan = un alia de cupre e nicel, usada en labora eletrical per sua resiste alta
constante = aveninte sin para, o restante sempre la mesma, tra un periodo de tempo; (un person) fidosa e fidable
Constantinopoli = la capital de la Impero Roman Este (oji la site Istanbul)
constela = covre (un spasio) con ojetos briliante
constela = un grupo de stelas forminte un motif reconosable, tradisional nomida per sua forma parente o identifiada con un carater mital; cualce grupo de cosas relatada
constipa = fa ce (un flue) deveni lenta o nonmovente; fa ce (algun) no vacui fasil sua intestines
constitui = crea (un instituida) par un documento legal
constrinje = limita sever la estende o ativia de; forsa (algun) a ata en un modo spesifiada
constrinjente = (en fonetica) un sona formida par impedi la flue de aira
constrinjente de pompas de protones = un medisin cual redui la produi de asida gastral
construi = crea (un cosa fisical, como un casa, via o macina) par combina sua partes; formi (un idea o teoria) par asembla elementos consetal diversa; formi (un frase) seguente la regulas gramatical; (en informatica) prepara (un program) usable, par compila, lia e cisa proba tota sua fixes de fonte
desconstrui = destrui (un construida) no plu nesesada; analise (un testo o teoria) par esposa la suposas e prejudis ascondeda
desconstruisme = un filosofia cual usa la metodo de desconstrui
consul = (en Roma antica) un de la du governores xef elejeda a cada anio; un ofisior asiniada par un governa a abita en un site stranjer per proteje e promove ala la sitadanes e interesas de sua governa propre
proconsul = (en Roma antica) la governor de un provinse; la governor de un colonia moderna
consulta = xerca informa o consela de (un esperta o libro); discute con (algun) ante ata
consuma = come o bevi (un comeda o bevida); compra (un ben o servi); usa completa (un recurso); asorbe tota la atende e enerjia de (algun)
conta = determina la cuantia de (un colie de cosas) par dise numeros en serie
conta = un ata de conta; un cuantia contada; un arcivo o rejistra de resetas o spendes per un periodo spesifiada; un acorda par cual un instituida teni mone per un cliente, o furni benes o servis a la cliente par credito; un sistem par cual un usor individua asede un computador o loca de rede, tipal con parola secreta; (en gramatica) la cualia cual varia entre parolas singular, dual e plural
contabli = deveni contable; apare en un conta finansial
contabli = scrive (alga cosa) en un conta finansial
contabli = la prosede o labora de manteni contas finansial
contagota = un tubo corta de vitro, con un bulbo de cauxo a un fini e un buco pico a la otra, usada per mesura gotas de medisin o otra licuidas
contajira = un strumento cual mesura la rapidia de un motor, tipal como un cuantia de jiras per minuto
contamina = fa ce (un person, cosa, loca, etc) deveni nonpur o susia par esposa lo a un materia venenosa o nosiva
contata = veni tan prosima a (un person o cosa) ce no distantia resta; entra a comunica con (un person o organiza)
conte = un om nobil european, a la grado su un marci
contempla = regarda o pensa sur (alga cosa) per un periodo longa; pensa profonda sur
contempora = aveninte o vivente a la mesma tempo; moderna
conteni = ave o teni (un person o cosa) en se
contente = en un state de pas e felisia; sasiada par sua nivel de fortuna o ateni, e no desirante plu
contesto = la situa ambiente un testo, idea o aveni, par cual on pote plu bon comprende lo
continente = cada de la rejiones xef e continuante de tera (Africa, Antartica, Australia, Europa, America Norde e America Sude); un de la rejiones simil en edas distante; la tera continuante, contrastada con isolas
continua = (un ativia o prosede) no sesa o pausa; resta esistente o funsionante, o en un loca o state spesifiada; no sesa viaja en la mesma dirije; estende plu en la mesma dirije
contorno = un linia cual trasa la borda de la forma de alga cosa
contorse = torse a un forma min normal; (un person) serpe o convulsa con dole o plaser
contorse = torse (un cosa) a un forma min normal; presenta falsa o malgidante la natur de (un person o aveni)
contra = oposante (un enemi fisical o metafor); contrastada con
contra = suportada par o colpante (un surfas vertical)
contra- = contra
contrabanda = emporta o esporta nonlegal (benes o persones)
contrae = deveni plu peti en grandia, cuantia o estende; (un musculo) deveni plu corta o tensada per causa de un move de un parte de la corpo
contrae = un corti de un musculo, tipal subita e nonintendeda
contrapete = transformi (un frase o espresa) en un otra con un sinifia multe diferente e frecuente comica, sin intende o per fa un jua de parolas, par permuta alga silabas, vocales o consonantes
contrasta = difere clar o forte
contrata = acorda en modo formal e legal obligante
contrator = un person o organiza ci suscrive un contrata; un person empleada su un contrata tempora
sucontrator = un person empleada par un contrator manejante, e no par direta par la cliente
contraveni = ofende contra (un lege, comanda, regula o costum)
contri = un spesie de musica popular, orijinante en la campania sude de la SUA
contribui = dona (alga cosa, tipal mone) per aida ateni o furni alga cosa
controla = limita la nivel, intensia o cuantia de; maneja o supravide la condui o funsiona de; manteni influe o autoria supra
controlamania = un nesesa osesente de controla se e otras en cada situa
controversa = causante, o probable causante, nonacorda publica o disputas ardente
contusa = un feri cual malcolori un area de pel, causada par un colpa
conveni = es asetable per un person, situa o intende spesifiada; (un aparato) funsiona armoniosa con un otra
converje = (persones o cosas) veni de dirijes diferente e reuni ultima
conversa = parla casual
conversor = un person ci conversa, o con ci on conversa
converti = cambia de un forma o funsiona a un otra; cambia sua relijio o credes
convesa = con un surfas o contorno cual curvi a estra, como la esterna de un sfera o sirculo
conveta = (caldia) move par causa de la tende levante de materia calda e la tende basinte de materia fria
convinse = fa ce (algun) crede o fa alga cosa, par razona e discute
convoia = un grupo de barcones o otra veculos viajante en junta, comun con proteje militar
convulsa = sufri contraes violente e nonintendeda de la musculos, contorsente la corpo o sua membros
anticonvulsante = un medisin per preveni o redui convulsas
Cook, Isolas = un grupo de 15 isolas en la Mar Pasifica, forminte un teritorio autonom en asosia libre con Zeland Nova
copa = un contenador peti per bevi, tipal sin manicos; un trofeo en tal forma; un contenador silindre de vitro per usa en un laboreria siensal
copa mundal = la trofeo resetada par la sportores vinsente en alga torneos global; un tal torneo
Copa = un constela peti en la sielo sude
copec = un unia de mone de Rusia e alga otra nasiones de la Uni Soviet pasada, egal a un senti de un rublo
copepodo = un crustaseo acual e peti en un categoria grande, de cual multe apare en plancton e alga es parasitos de otra animales acual e plu grande
copernisio = la elemento cimical con numero atomal 112
copia = crea o fabrica un varia la mesma como, o simil a, (un orijinal)
fotocopia = fa un copia de (un documento fisical), usante la efeto de lus sur un surfas spesial preparada
coprolito = un fece petrida
copta = pertinente a un seta de cristianisme en Misre, a sua membros, o a sua lingua, la sola desendente de ejiptian antica
copula = (du persones) contata sesal, incluinte la penetra de la vajina par la penis; (du animales mas e fema) contata sesal en modo simil
cor = la organo cual pompi sangue tra la sistem de sirculo; la parte sentral o la plu interna de alga cosa; la parte esensal de alga cosa; la parte interna de un noza o seme, plu mol e tipal comable; un de la cuatro familias de cartas de jua, representada par un imaje tradisional de un cor roja
cor de pais = la parte la plu sentral de un pais, o jeografial o cultural
multicoral = (un corda eletrical) composada de multe filos; (un computador) conteninte plu ca un prosedador e donce capas de esecuta plu ca un comanda a la mesma tempo
coraco- = oncin, con forma de beco de corvo
coracoide = un parte de la spala de multe vertebratos (estra la plu de mamales)
coraje = la capasia de fa alga cosa cual on teme; fortia cuando on sufri dole o lamenta
coraji = dona coraje, suporta, autofida o espera a (algun), tipal per comensa o continua fa alga cosa difisil
coral = la materia dur secreteda par alga cnidarios de mar como un sceleto esterna, tipal forminte resifes grande en mares calda; un de la cnidarios fisada cual produi esta
Mar Coral = un mar entre Australia norde-este e Papua Gine Nova
corasa = (istorial) un armur composada de du platas, un per la peto e un per la dorso, liada con lunlotra; (en medica) un ventador cual enclui la corpo ma permete ce la membros es libre, e cual forsa aira a en e a estra la pulmones par cambias de presa
Golfo Corcovado = un golfo a ueste de Los Lagos, Txile
corda = un peso longa de un materia fabricada par torse colies de fibres; (en matematica) un linia reta cual lia du finis de un arco
cordon = un corda spesa de filos o otra fibres, tipal usada per construi, securi barcos, tira veculos, etc
cordato = un membro de un filo de animales cual ave un notocorda, ranures farinjal, un endostilo, e un coda posanal a la min per parte de sua sicle de vive
cordita = un esplodente nonfuminte, usada en muni
cordoba = la unia de mone en Nicaragua
core = move rapida par usa sua pedes; (un licuida, gas o eletrica) flue
corea = un peso de corda, cuoro o otra materia, usada per freni, restrinje o gida un animal; un cosa simil usada per lia, fisa o securi alga cosa
corea = un disturba neuronal, marcada par moves spasmin e nonintendeda, tipal de la spalas, ancas e fas
Corea = un parte de Asia este cual formi un penisola entre la Mar Japan e la Mar Huanghai, aora divideda entre la du nasiones Tehan e Txoson
Baia Corea = un baia entre Jonguo e Txoson
Corea Norde = un otra nom per Txoson
Corea Sude = un otra nom per Tehan
corean = hangugo
Streta Corea = un streta entre Nion e Corea
coredor = un pasaje longa en un construida, con portes o abris a salas; un pasaje entre linias de sejas en un eglesa, teatro, avion o tren; un pasaje entre du scafales de benes en un boteca
coredor de mori = un parte de un prison cual conteni prisonidas ci espeta la puni de mori
coregon = un salmon de acua dulse, de areas norde de la emisfera norde
corente = pertinente a la tempo presente; aveninte aora
coreografia = la ordina de paseas e moves en dansa o patini; la arte de desinia esta
coreolojia = cualce sistem per scrive moves de dansa
coresponde = es multe simil (a un otra cosa), tipal par identia, forma o funsiona; (du persones) comunica par intercambia leteras
coreta = no erante; acordante con fatos o veria; conformante a la normas sosial
corgi = un can de raza con gamas corta e testa volpin
coriandro = un planta bonodorosa en familia de persil; la folias e semes de esta, usada en cosini
corimbo = un flori en cual la flores la plu esterna ave taletas plu longa ca la internas, tal ce tota flores es a la mesma nivel
corindon = un cristal multe dur de osido de aluminio, usada per limpi surfases dur, o como la jemes rubi e safir
Corinto = un vila elinica
corion = la membrana esterna cual enclui la embrio de un retil, avia o mamal
cormo = un organo ronda su tera, cual alga plantas usa per reserva
cormoran = un avia tufante grande, con colo longa, beco longa, gamas corta e plumas oscur
cornalina = un jem semivaluosa, composada de un varia oranin roja de calsedonia
cornamusa = un strumento musical, con anxas sonada par aira de un saco compresada par la braso de la juor
cornamusa eres = un cornamusa, orijinal de Er, con soflador operada par codo e zumbadores ajustable
cornea = la strato transparente cual formi la fronte de un oio
corneo = un arboreta o arbor peti cual produi lenio dur e folias e bacas colorosa
corneta = un strumento de laton, simil a un trompeta ma plu corta e spesa
corneta engles = un strumento de lenio cual sembla un oboe con fini bulbin
corneta natural = un corneta antica, sin valvas
cornisa = un surfas magra e orizonal protendente de un mur, falesa o otra surfas; un surfas simil a basa de un fenetra o porte; la parte la plu alta de un entablamento
corno = un crese dur trovada en duples, curva e puntida, sur la testas de boves, oveas, capras, jirafas etc; un crese dur e ramida, trovada sur la testas de servos; un strumento musical, cono o spiral, juada par vibra la labios
corno alpan = un strumento de venta de lenio, multe longa e sin valvas, usada per siniali en la Alpes
corni = dona cornos a; (metafor) engana (sua spos) par adultera
tricorno = un xapo con borda inversada a tre lados
unicorno = un organisme mital cavalin con corno a sua fronte, e a veses con barba de capra e coda de leon
coro = un grupo organizada de cantores
coral = un musica presentada par un coro; un imno luteran lenta
corode = es lenta destruida o danada par la ata de cimicales
corola = la spiral de petales de un flor, ensircada par la sepales e ensircante la organos de reprodui
corolario = un proposa cual segue direta de un otra ja demostrada; un resulta direta o natural
corona = un anelo metal portada sur la testa, tipal par un monarca como simbol de autoria; un anelo de folias o flores, portada sur la testa; (en astronomia) la strato de atmosfera stelal la plu esterna, composada de plasmas calda ma oscur
Corona Norde = un constela en la sielo norde
Corona Sude = un constela en la sielo sude
coronavirus = cualce de un grupo de viruses cual causa maladias en mamales e avias, con particulas con franje coronin
coronel = un ofisior militar de grado alta, supra un teninte e su un jeneral
corpo = la strutur fisical de un person o animal, incluinte la osos, carne e organos; la casco de un veculo; la sudivide major de un forte militar ativa
corpo de baleto = un grupo de baletistes ci dansa en junta
corpo mamelin = cada de du strutures peti e ronda a fondo de la serebro cual parteni a la sistem limbica
anticorpo = un protena de sangue produida per oposa un antijen spesifiada en la sistem imunial de un organisme
corpora = (un compania o grupo) reseta la autoria per funsiona como un individua legal reconoseda
corpus = un colie de testos, spesial la obras completa de un autor spesifiada o sur un sujeto spesifiada
corsa = (corores, cavalores, canes, veculos, barcones, etc) compete per trova la plu rapida
corsario = un ecipor de un barcon privata poseseda a cual la governa ia dona la permete ofisial per ataca barcones enemin; un tal barcon
corseto = un veste streta cual suporta la dorso o magri la taie
corseton = un veste alta de femes european entre la sentenios 16 e 18, sin mangas o con mangas desfisable, portada supra o en loca de un corseto
Corsica = un isola montaniosa prosima a Italia, parteninte a Frans
corta = (un person, cosa o tempo) no longa, con poca distantia de un fini a la otra
corti par du metres = perde du metres de longia
cortierba = un macina per corti la erba en un jardin o parce
cortiungia = un util per corti ungias de dito e pede
corte = un asembla governada par un o plu judores per gida litigas; la construida o salon per esta; un renor e sua consiliores e otra persones; la abiteria de un renor
cortea = interata romantica con un otra person, tipal con intende de sposi; (un animal) atenta atrae un spos
cortes = conduinte en un modo respetosa e compatiosa a otra persones
cortesan = un prostituida, tipal con clientes rica
cortex = la strato esterna de la serebro; la strato esterna de otra organos, como la ren, la serebreta o un capel; (en botanica) la strato direta su la epiderma de un radis o tronceta
neocortex = la ses stratos de la serebro la plu resente evoluida en mamales, xef ocupada par persepi e (en umanas a la min) par pensa e lingua
corticosteroide = parteninte a un grupo de ormones steroide, produida en la cortex de la glande suprarenal o sinteseda
cortina = un stofa pendente cual covre o scermi, tipal un de du ante un fenetra
cortisona = un ormon produida par la cortex suprarenal
coruga = contrae en plias o plietas
coruna = la unia de mone en Txesco, e istorial en Slovensco e Txescoslovensco
corveta = un barcon peti de gera, desiniada per acompania convoias
corvo = un avia grande con plumas negra e briliante, beco spesa, e vose xiliante
Corvo = un constela peti en la sielo sude
cosa = cualce ojeto o conseta cual esiste o pote es pensada
noncosa = un cosa o person nonimportante
cosa = pertinente a un popla de Sudafrica o a sua lingua
cose = junta o repara (alga cosa) con filo, usante un ago o un macina spesial
cosina = un sala o loca do on prepara e coce comedas
cosineto = un parte de un macina cual tolera frica, spesial entre un parte jirante e sua caxa
cosix = un oso peti e triangulo a la funda de la colon spinal en umanas e alga simias, formida de vertebras fusada
cosmetica = pertinente a tratas intendeda per boni o repara la aspeta de un person, tipal la fas
cosmeticisme = la pratica profesal de beli la fas, capeles e pel
cosmo = la universo regardada como un sistem ordinada e noncaososa
macrocosmo = la intera de un strutur complicada, spesial si esemplida par un parte peti de se
microcosmo = un loca, situa o comunia regardada como un esemplo miniatur de un cosa multe plu grande
cosmogonia = la siensa cual studia la orijina de la universo, spesial la sistem solal
cosmolojia = la siensa de la orijina e developa de la universo
Cosovo = un parte autonom de la Balcanes, entre Serbia e Xciperia
cosplea = vesti se como un carater de un filma, libro o jua video
costa = la parte de la tera prosima a la mar; la borda de la tera
Costa de Ivor = un pais en Africa ueste, a la Golfo Ginea
Costa Rica = un pais en America Sentral con costas a la Mar Pasifica e la Mar Caribe
costela = cada de un serie de osos magra e curva cual proteje la organos su la peto; (en un animal) un de estas, de cual on come sua carne
costeleta = un peso de carne taliada, panida, e grilida o fritada
costum = un modo de condui tradisional, normal e asetada en un sosia, loca o tempo spesifiada
costur = un linia longo cual du pesos de stofa es coseda con lunlotra; la linia longo cual du pesos de lenio, paper o stofa contata lunlotra
cotel = un strumento composada de un lama fisada a un manico, usada per talia o corti, o como un arma
cotelon = un spada con lama corta e larga, de cual sola un lado es agu, usada par marores entre la sentenio 17 e la comensa de la sentenio 20
cotiledon = un folia embrial de un planta de semes
cotinga = un avia trovada en la forestas de America Sentral e Sude, cui mas es tipal briliante colorida
cotino = un arboreta o arbor peti en familia de anacardio, cual produi plumas longa de flores
coto = un sitra longa, orijinante en Nion, con des-tre filos de seda cual pasa sur pontes peti e movable
coton = un planta usada xef per fibre e stofa; un materia mol, blanca e fibrosa cual ensirca la semes de esta
cotoneta = un basteta con un tampon peti de coton a la fini, usada per limpi, o per colie un sample medical
coturnix = un avia peti de la mundo vea, semblante un perdis peti, con coda corta e tipal plumas brun camuflante
covid-19 = un maladia causada par un coronavirus descovreda en 2019, cual ia deveni global pandemica en 2020
covid = un corti comun de `covid-19`
covre = pone alga cosa sur (un person o cosa) per proteje o asconde el o lo; (alga cosa) estende sur la surfas intera de (un person o cosa)
covrebuco = un ojeto usada per asconde un buco; un modo tempora de solve un problem
covreburo = un ojeto plata, pico cuxinin a veses, usada per proteje la surfas de un buro
covrecasola = un covrente per un casola
covrecolo = un tela o peso de armur cual covre la colo
covrecuxin = un covrente de stofa per un cuxin
covrefas = un tela o masca cual covre la fas, spesial la nas e boca per redui la sperde de maladia
covrefenetra = cada de du paneles xarnierida a un fenetra, cluable per securia o privatia o per redui la lus entrante
covregama = un veste forte per proteje un gama
covrejeno = un covrente per proteje un jeno, usada par sportores
covreleto = un peso grande de materia spesa o plenida, su cual on dormi sur un leto
covrelibro = un covrente de paper desfisable cual proteje un libro religada
covremanico = un tela poneda a la manico de un casola calda si on vole leva lo
covreoio = un peso de materia portada per proteje un oio ferida
covreorea = un duple de covrentes, liada par un banda supra la testa, portada sur la oreas per proteje los contra fria o ruido
covrepede = un sapato, bota o otra veste simil, usual con planta forte, cual on porta sur la pedes
covrepeto = la parte supra la taie de la fronte de un faldon o salopeta
covreplato = un covrente per un plato de servi
covresentro = un covrente per la sentro de la rota de un veculo
covreseso = un stofa envolveda sirca la ancas; un covrente per la jenitales, tipal portada par persones tribal o dansores erotica
covreta = covre lejera o partal
covreta = un covre lejera o partal; un abri o talia en un veste, covrente un fisador o un pox; la plia de stofa su esta
covretable = un telon estendeda sur un table
covretesta = un xapo, elmo o otra veste portada sur la testa
covreteta = un gaina portada par alga femes sur teta e areola cuando los dona lete; un covrente aderente per un teta
covretibia = un covrente protejente per un tibia, usada par sportores
covretota = un veste de un peso portada supra otra vestes per proteje los
covrevaso = un covrente spesa o plenida per manteni la caldia de un vaso de te
covreveranda = un telon de lona o otra stofa, estendeda supra un teraza o simil per proteje lo contra la sol o pluve
coxa = la parte de la gama entre la anca e la jeno
coxea = pasea difisil, tipal causada par la rijidi o dana de un gama o pede
coxinilia = un inseto peti con scama protejente e scermin
cozac = pertinente a un popla de Rusia sude e Ucraina, notada per sua capasia militar e sua cavaloria
cozatxoc = un dansa slavica con ritmo rapida, con un parte en cual un dansor acrupinte lansa alternante sua gamas a ante
cp. = compara
crabe = un crustaseo con armur larga, oios sur troncetas, e sinco duples de gamas, de cual la gamas anterior es alterada per pinsi
crabe-de-rio = un crustaseo noturna de acua dulse, semblante un omaro peti
Crabe = un constela de la zodiaco
crac = un ruido subita e agu o esplodente, tipal la sona de un cosa rompente
crac = un forma dur e cristal de cocaina, rompeda a pesos peti, caldida e enspirada
cracen = un monstro mital enorme de mar, sur cual on dise ce lo apare a la costa de Noria
cracer = un biscoto magra, seca e salosa
crampo = un contrae dolente e nonintendeda de un musculo o musculos, tipal causada par fatiga o tensa
crampon = un protende o spina peti, fisada a la planta de un sapato o bota per redui la risca de lisca
cranio = la strutur de oso o cartilaje cual enclui la serebro de un vertebrato
craniolojia = (en istoria) la studia siensal de la forma e grandia de la cranios de razas diversa umana
cranog = un abita fortida, construida en un lago o pantan en Scotland o Er antica
crase = compresa forte (alga cosa) per desformi lo, polvi lo o forsa lo a en se
crasenoza = un util per abri nozas; un avia en familia de corvo, ci come la nozas de coniferes
crasula = un planta suculente con flores peti, ros o blanca, nativa de Sudafrica e Mosambic, e un planta comun de casa tra la mundo
crater = un caveta grande, con forma de bol, en la surfas de un planeta o luna, tipal causada par un esplode o un colpa par un meteorite o otra ojeto sielal; un cava grande cual formi la boca de un volcan
craton = un bloco grande e stable de la crosta de la Tera, forminte la nucleo de un continente
cravata = un banda de stofa portada sirca la colo e nodada a la fronte con sua finis pendente, un parte tipal de un veston de om
crea = fa ce (un cosa) esiste o (un situa) aveni; fabrica (un ojeto o sustantia)
recrea = un ata de crea denova; atas en cual on partisipa per diverti cuando on no labora
creatina = un composada formida en la metaboli de protenas e presente en multe texedas vivente, cual furni enerjia per la contrae de musculos
creatinina = un composada cual es produida par la metaboli de creatina e escreteda en la urina
crede = aseta ce (alga cosa) es vera, tipal sin atesta demostrante; es serta sur la veria de (alga cosa) o de lo cual (un person o fonte de informa) dise
credito = la capasia de un person per oteni benes o servis ante paia, fundida sur la fida ce el va paia en la futur; la mone prestada en un tal acorda; (en contabli) un entrada en la colona destra de un conta
crediti = ajunta un soma de mone a (un conta, person o organiza); atribui un cualia lodable a (un person o cosa)
en credito = positiva contablida
microcredito = la presta de cuantias peti de mone con interesa basa a un comersia nova en la mundo developante
crema = jala ma multe pal
crema = un licuida densa, grasosa e tipal con esta color, cual asende a la surfas de lete nondisturbada, comeda con deseres o usada en cosini; cualce sustantia de trama simil, usada como un comeda o bevida, o sur la pel como un medisin o un cosmetica
cremaster = un musculo cual teni la testiculos
creol = pertinente a persones ci desende de un misca de europeanes e africanes, spesial en la isolas de la Caribe, a sua cultur e cosini, o a sua linguas
creolojia = la ramo de linguistica cual studia linguas creol
creosota = un olio oscur brun, distilada de catran de carbon e usada per manteni lenio
crepe = un torta magra e plata de pasta, fritada e comeda con xirope o enrolada con plenida
crepita = produi un serie rapida de craces peti, como de crase o frita
crepusculo = la lus debil de la sielo direta pos la reposa de sol; la parte de la dia cuando esta lus es vidable; (metafor) un periodo cuando la fortia o importa de alga cosa diminui, per esemplo la fini de un vive
crese = developa natural par deveni plu grande e cambia fisical; progresa a maturia; deveni plu grande
descresentisme = un teoria e promove political, economial e sosial cual critica la model de crese economial
creson = un planta en familia de col, tipal con flores peti e blanca e folias bonodorosa
creson de acua = un creson cual crese en acua corente, con folias odorosa cual on usa en salada
crespa = (capeles) formida de un masa de risas o mexas peti e tensada
cresta = un mexa de plumas, pelo o pel sur la testa de un avia o otra animal; un cosa simil sur un elmo; un desinia eraldial cual representa un familia o corpora; la culmina de un onda, cadena de montes o simil
cresta spumosa = la cresta de un onda cual spuma blanca en la venta
creta = un calcario blanca e mol, derivada de sceletos de organismes de mar; un materia simil, usada per scrive o desinia sur un mureta negra
cretasica = pertinente a la periodo final de la eda mesozoica, entre la jurasica e tersiar
cretin = (istorial) pertinente a la maladia de persones malformida e mental descapasida par un nonsufisi conjenital de la tiroide; (insultante) stupida
cretinia = stupidia grande
cretinisme = nonsufisi conjenital de la tiroide
creve = rompe subita e violente, perdente sua contenida; (un numatico) deveni perforada con resulta simil
crevecor = un person atraosa ma nonfidable en relatas emosial; un nara, canta o aveni tristinte o angusante
cri = pertinente a la americanes nativa en un rejion grande de Canada sentral, o a sua lingua algoncian
cria = espresa (sua teme, dole, lamenta, coleria, o un mesaje a un person distante) par un sona vosal multe forte
crior = un person ci cria; un avia grande de America Sude, con aspeta e cria simil a los de un ganso
cribaje = un jua de cartas per du a cuatro persones, en cual on atenta jua cartas con valua combinada de esata 15 o 31
criceta = un sporte juada par du ecipos de des-un juores sur un campo de erba, con bales, bastones e du portetas spesial, e la gol de fa plu cores completa ca la ecipo oposante
crico = un aparato per leva ojetos pesosa, spesial per leva la ase de un veculo de la tera per cambia un numatico o per esamina a su
cril = un crustaseo peti, simil a un gamba
Crim = un penisola a sude de Ucraina entre la Mar Azov e la Mar Negra
crimin = un ata o omete cual merita es prosededa par la stato e es punable par lege; un ata cual, an si legal, es regardada como mal
criminal = pertinente a un crimin o a crimines; (un ata) cual es un crimin
sibercrimin = un crimin esecutada tra la interede o otra rede de computadores
criminolojia = la studia de la conduis criminal e de la causas de crimines
-crin = secretente
crinera = la capeles longa a la colo de un cavalo, leon o otra animal; la capeles densa e desordinada de un person
crinoide = un ecinodermato con brasos magra e plumin, incluinte stelas-de-mar e stelas-de-mar plumosa
crinolina = un faldeta rijidida par anelos o par sua stofa spesial, portada per larji la falda esterna; un stofa rijida composada de crinera e coton o lino
crio = un creol fundida sur la engles parlada par sirca 500(~)000 persones en Siera Leon
criobiolojia = la ramo de biolojia cual studia la cualias de organismes e texedas a temperatures basa
criofilia = la capasia de alga organismes de abita en situas multe fria
criojen = pertinente a la ramo de fisica cual studia la produi e efetos de temperatures multe basa; pertinente a la jela de persones mor, esperante ce la siensa futur va trova un modo de revive los
crioseci = deveni conservada par jela rapida e esposa a un vacua cual sublima la jelo
criosirurjia = sirurjia cual usa la aplica local de fria estrema per destrui texedas nondesirada
criovolcan = un volcan cual ejeta materias como acua, amonia o metano en loca de roca fondeda
cripta = un sala construida su un eglesa
criptido = cualce animal cui esiste es suposada par criptozolojistes ma no asetada par siensistes
cripto- = secreta, ascondeda
criptografia = la arte de crea o solve sifras
cripton = la elemento cimical con numero atomal 36, un gas usada en alga tipos de lumina eletrica
criptonita = un mineral estrateran, capas de cansela la potias de Superman; cualce cosa cual redui multe la fortia de algun
cris = un daga de Malaisia o Indonesia con lama ondin
crisalida = un inseto en sua forma nonativa e nonmatur, entre larva e adulte
crisantemo = un planta en familia de margarita, con flores briliante colorida
crise = un tempo de difisilia, turba o peril intensa; un tempo cuando on debe fa un deside difisil o importante
crisol = un contenador seramica o metal, en cual on pote fonde metales o otra materias o esposa los a caldia estrema; (metafor) un situa en cual elementos diversa interata e produi un cosa nova, tipal con alga turbas
crisopa = un inseto magra e delicata con alas grande de membrana clar
cristal = composada de un agrega de atomes o moleculas simetre ordinada en tre dimensiones; (vitro) clar e refratante
cristalografia = la siensa de la cualias e strutur de cristales
cristian = pertinente a la relijio fundida sur la atas e dises de Jesus Cristo, o a la membros
Cristo = la titulo, tipal tratada como un nom, donada a Jesus de Nasira, traduida de la parola ivri per `maxia`
cristogram = un simbol o corti representante la nom de Jesus Cristo
criterio = un prinsipe, model o norma par cual on fa un judi o deside
Criti = un isola elinica en la Mar Mediteraneo este, e la loca de la sivilia Minoan de la milenio du AEC
critica = indica la falis de (un person o cosa) en un modo desaprobante; formi e espresa un judi sofistica de (un obra de arte)
Crixna = un de la dios de induisme, la incarne oto e la plu importante de Vixnu
Croatia = un otra nom per Hervatsca
croceta = un enrola de vejetales, carne o pex axida a pesos, covreda par pesetas de pan e fritada
croceta = un jua sur erba, en cual on usa marteles de lenio con manicos longa per colpa bales colorida tra un serie de portetas; un colpa a un bal cual toca ja un otra en esta jua
croco = un planta peti en familia de iris, cual crese de un cormo e produi flores briliante jala, purpur o blanca
crocodil = un retil grande, xasante e semiacual, con mandibulas longa, coda longa, gamas corta e pel cornin; (nonformal) un person ci usa un lingua otra ca elefen entre elefenistes
crocodili = deveni o condui como un crocodil; (nonformal) usa un otra lingua entre elefenistes
cromatica = pertinente a colores; (musica) usante notas cual no parteni a la scala diatonica de la tono en cual la pasaje es scriveda; (un scala musical) asendente o desendente par semitonos; (un strumento) capas de jua tota notas de un scala cromatica
dicromatica = con du colores; (un retina) capas de responde a du colores
monocromatica = con sola un color; (un retina) capas de responde a sola un color; (un imaje) composada de tonos diversa de un color, o sola de negra e blanca
noncromatica = sin color; (un retina) noncapas de responde a color
policromatica = decorada con multe colores
tricromatica = con tre colores; (un retina) capas de responde a tre colores
tricromaticia = un prosede de primi cual usa la tre colores fundal; (en la oio) la usa de tre canales nondependente per trae informa sur color
cromatida = cada de la du filos a cual un cromosoma divide lonjitudal
cromatina = la materia de cual la cromosomas de eucariotas es composada
cromato = un sal cui anion conteni e cromo e osijen
cromo = la elemento cimical con numero atomal 24, un metal usada per produi aser nonosidinte e otra metales aliada
cromo- = color
cromorno = un strumento medieval de venta, curva, con anxa duple encluida en beco de lenio
cromosfera = (en astronomia) la strato de atmosfera stelal entre la corona e la fotosfera, composada de plasmas colorosa
cromosoma = un strutur de asidas nucleal e protena, trovada en la nucleo de la plu de selulas vivente, conteninte la informa jenetical
crona = la unia de mone en Sveria
crone = la unia de mone en Danmarc, Island, e Noria
cronica = (un maladia) durante tra un tempo longa o frecuente reveninte
crono- = tempo
cronolojia = un presenta de avenis o datas en la ordina de sua aveni; la studia de arcivos istorial per trova la datas de avenis pasada
cronometre = un tipo de orolojo usada per mesura esata la tempo de un corsa o otra prosede
crosta = la strato esterna de un pan, torta, ceso, neva, etc; la strato esterna de roca de cual un planeta es composada; la covrente seca e protejente cual formi sur un feri cuando lo sani
crotal = un vipera grande american con un serie de anelos cornin a sua coda cual vibra e crea clicas avertinte
croxe = fabrica (un stofa o veste) par aneli filo de lana con un ago oncin
cru = (un comeda) no coceda; (un materia) en sua forma natural, ancora no preparada o purida; (un informa) no analiseda, evaluada o preparada per usa
cruel = causante dole o sufri a otras, con intende o sin cura
cruji = (un ojeto, tipal de lenio) fa un sona basa cuando on move o presa lo
crumpeta = un torteta engles, plana, spesa e mol, tipal tostada e burida
crup = un inflama de la larinje e tracea en enfantes, asosiada con infeta e causante respira difisil
crure = un parte longa en un strutur anatomial, spesial un cual parteni a un duple
crus = un marca o ojeto formida par du linias reta cual comparti un punto comun; un palo vertical con bara traversante, usada en edas pasada per mata criminales e otras; un simbol de cristianisme; la rejion entre la colo e la spalas de un cavalo o otra bestias, a cual la altia de la animal es mesurada
Crus = un constela fasil per vide en la sielo sude
crusa = (du cosas) pasa lunlotra o reposa sur lunlotra en dirijes diferente, simil a la forma de un crus a alga grado
crusada = batalia en un crusada
crusada = un mision militar medieval en un serie fada par europeanes per regania la Tera Santa de la muslimes entre la sentenios 11 e 13; cualce gera con intendes relijial; (metafor) un campania organizada con intende political, sosial o relijial, tipal motivada par un desira zelosa per cambia
crusca = pesos de glumas de gran, separada de farina pos molini
cruser = (un veculo) movente a un rapidia constante
cruser = un barcon de gera, plu grande ca un xasatorpedo e min armada ca un corasida
cruseri = viaja con rapidia constante
crustaseo = un artropodo de un grupo grande e xef acual, como un crabe, langosta, omaro, gamba o siripede
crut = un strumento musical, orijinante en Cimri, simil a un lira ma juada como un violin
cruton = un peso peti de pan, fritada o tostada, tipal servida con sopa o salada
ctenoforo = un nonvertebrato acual, con grupos de silios per nada e con selulas spesial cual lo usa per catura predas
cua = (demandante) cual cosa
cual = demandante sur la identia de un cosa
cual = demandante sur la identia de un cosa entre otra cosas simil; (suordinante) introduinte un suproposa ajetivin cual dona plu informa sur un cosa cual on ia indica direta a ante
cual cosa? = cua
cuac = la sona tipal de un pato o rana
cuaderno = un folio de paperes grapida o coseda, frecuente liniada, sur cual on pote scrive
cuadrante = cada de la cuatro cuatris de un sirculo; cada de la cuatro partes de cualce corpo divideda par du linias o planas a angulos reta; (istorial) un aparato per mesura angulos de altia en astronomia e naviga
cuadrato = (en tipografia) un spasio de largia egal a la letera M o a la altia de linia
cuadrilia = un dansa cuadro par cuatro duples, con sinco partes de cual cada es un dansa completa; un musica per esta
cuadrilion = mil milion milion, 10¹⁵
cuadro = (un forma) con cuatro lados reta de la mesma longia e cuatro angulos reta
Cuadrador = un constela peti en la sielo sude
cuaga = un spesie estinguida de zebra
cuai = cada de un duple de bastetas de lenio, ivor o plastica, magra e diminuinte, tenida contra lunlotra en un mano per come, tipal par persones de Asia este
Cuait = un pais a la costa norde-ueste de la Golfo Persian; la site capital de la pais Cuait
Cuala Lumpur = la site capital de Malaisia
cualce = un o alga, asentuante ce la eleje entre la posibles no importa
cualce = a cualce grado
cualcun = cualce person
cuale = la esperia sujetal de un sensa
cuali = merita es asetada (per un emplea, concurso o simil) par causa de sua capasia, sabes o otra cualias
cuali = fa ce (un person) merita es asetada; (un parola) atribui un cualia a (un otra parola)
cualia = un atribuida distinguinte de un person o cosa; la grado de bonia de un situa
cuando = (demandante o introduinte un suproposa ajetivin) a cual tempo
cuando = (introduinte un suproposa averbin) a la tempo a cual, o (pos un preposada) la tempo a cual
a cuando = a la momento cuando (alga cosa aveni)
en cuando = en un parte de, o tota de, la tempo cuando (alga cosa aveni)
tra cuando = tra tota la tempo cuando (alga cosa aveni)
cuantia = un mesura de cuanto, usada egal per cosas individua contable o noncontable, tipal espresada con numeros
cuantil = cada de un cuantia de grupos egal en cual on pote divide un popla par la valua de un variable
cuanto = demandante sur la cuantia de alga cosa
cuanto = (introduinte un suproposa averbin) en la cuantia cual
cuanto = la cuantia minima de cualce cosa fisical cual pote partisipa en un interata
cuanza = la unia de mone en Angola
cuarc = cada de alga particulas suatomal cual ave un carga eletrical fratal, e sur cual fisicistes suspeta ce los es la composantes de adrones
cuaresma = la periodo de cuatrodes dias ante pascua en cristianisme, tradisional un periodo de juna, asteni e repenti
cuarta = (un interval musical) de cuatro grados diatonica
cuartil = cada de cuatro grupos egal en cual on pote divide un popla par la valua de un variable
cuarzo = un mineral dur e blanca o sin color, composada de silica
cuasar = un ojeto sielal multe masosa e distante cual emete cuantias enorme de enerjia
cuasi = no multe min ca; a grado noncompleta ma sin multe mancas; nonesata ma sin difere major
cuasi- = aprosima o parente
cuatrim = un moneta con valua de 25 sentimes
cuatro = 2 multiplida par 2; la numero entre tre e sinco
cuatro- = cuatro
cuatri- = un cuatri de
Cuatri Vacua = un deserto vasta en la Penisola Arabi
cuatronar = pertinente a la periodo jeolojial la plu resente en la senozoica, seguente la tersiaria e composada de la plestosene e olosene; (en cimica) pertinente a un cimical con cuatro atomes de carbono o grupos organica
cuatxa = la unia de mone en Malaui e Zambia
cuaxiorcor = un forma de malnuri causada par un manca de protena, tipal afetante enfantes joven en la tropicos
Cuba = un pais en la Indias Ueste, la plu grande e la plu ueste de la isolas en la Mar Caribe a la boca de la Golfo Mexico
cubisme = un stilo de arte, tipal depinta, de la temprana de la sentenio 20, presentante formas natural en modo jeometrial
cubit = un bit cuantal (la unia fundal de informa cuantal)
cubo = (un cosa tridimensional) con un forma solida o vacua cual es contenida par ses cuadros egal
cubo de jelo = un peso de jelo cual on pone en un bevida per fresci lo
cubijelo = un macina cual produi cubos de jelo
ipercubo = un forma jeometrial en cuatro o plu dimensiones, analoja a un cubo en tre dimensiones
cuboide = un paralelepipedo con ses fases retangulo
cucabura = un avia pexor de Australia e Gine Nova, notada per sua clama multe forte
cucaraxa = un inseto simil a un scarabe con antenas e gamas longa, tipal regardada como pestes en cosinas e otra locas
cuci = un dato enviada par un servador a un surfador, reenviada sempre cuando la surfador reasede la mesma servador, e usada per identifia la usor
cucu = un avia de grandia media, con coda longa e dorso gris o brun, de cual alga pone sua ovos en la nidos de avias cantante peti
cucui = un arbor perene en familia de euforbia, con semes grande de cual on oteni un olio usada en lampas, nativa de Asia sude-este e la isolas de la Mar Pasifica sude
cucurucu = la sona forte de un gal mas
cudzu = un planta trepante de Asia cual crese rapida, usada como comeda de bestias e per controla erode, e cual ia deveni un peste en la SUA sude-este
cuecer = pertinente a la Sosia Relijiosa de Amis, un promove fundida sirca 1650 par George Fox e dedicada a prinsipes pasosa
cuecto- = 10⁻³⁰
cuer = parteninte a un minoria noneterosesal o nonsisjenero
cuerco = un arbor cual produi un noza oval e lisa en un funda tasin, e cual es un fonte importante de lenio dur
cuerca = la fruta de la cuerco
cueta- = 10³⁰
cui = (suordinante) de ci sua; de cual sua; de ci lor; de cual lor (la forma posesal de "ci" o "cual" introduinte un suproposa ajetivin)
cuicstep = un dansa simil a un fostrot rapida
cuieta = produinte poca o no sona
cuinta = (un interval musical) de sinco grados diatonica
cuiscal = un avia negra e larga de America Norde e Sude
Cuito = la site capital de Ecuador
cuiz = un concurso simil a un esamina de sabes
culier = un util composada de un bol peti, tipal ronda o oval, con manico longa, usada per come, misca e servi comedas; un util simil ma plu grande, usada per prende cosas polvin o semisolida de un contenador; un parte simil de alga macinas per escava
culier de deser = un culier comun, de grandia entre un culiereta e un culier de servi, usada per como deseres o simil
culier de servi = un culier grande, usada per transfere comedas a la plato de un comor; un mesura cosinal de volum, con definis variante en paises diversa
culier de sopa = un culier simil a un culier de deser, ma con un bol plu ronda, usada per come sopa o simil
culiereta = un culier peti, conveninte per misca un tas de te o cafe; un mesura cosinal de volum, tipal definida como un tri de un culier de servi
culieron = un util simil a un culier, con bol profonda e manico longa, usada per transfere sopa, ragu o simil a la bol de un comor
culmina = ateni la punto la plu alta, fisical o metafor
culo = (nonformal) la gluteos o ano; un person fol o despetable
culeta = (nonformal) un gluteo
culom = la mesura internasional de carga eletrical
culote = un pantaleta con forma de pantala laxe, de stilos diferente per femes o omes
culpa = senti o declara ce (un person o cosa) ia causa un fali o rompe spesifiada
cultiva = prepara e usa (un rejion de tera) per eleva plantas, tipal per come par umanas o animales
acuacultiva = la eleva de animales acual o la cultiva de plantas acual per comeda
cultivorisme = un filosofia cual regarda cultiva como la funda ideal de valuas sosial
monocultiveria = un cultiveria con un sola produida; un propria grande en cual on cultiva cosas como cafe, zucar o tabaco
culto = un sistem de adora relijiosa, dirijeda a un person o cosa spesifiada; un grupo relativa peti de persones con credes o rituos cual otra persones regarda como strana o mal; un amira tro grande o nonmeritada per un person o cosa spesifiada
cultur = la abituas, rituos, artes, instituidas sosial e atenis de un nasion, popla o otra grupo sosial; la credes e desiras tipal de un sosia, comunia o eda; la modo en cual un person o grupo gida sua vive
contracultur = un modo de vive e colie de disposas oposante o diferente de la normas sosial comun
multicultural = pertinente a plu ca un cultur
multiculturalisme = la suporta en un sosia per la presenta de cultures o etnicos diversa; un filosofia cual sujesta ce cultures diversa pote aida en la developa de comprende
sosiocultural = pertinente a fatores sosial e cultural
sucultur = un grupo distinguida en un cultur plu grande
cuman = pertinente a un popla turcica nomada medieval de la rejion a norde de la Mar Negra, de ci multe membros ia migra a Magiar e Bulgaria pos la invade de la mongoles en 1237 EC; pertinente a sua lingua
cumbia = un tipo de musica e dansa, orijinante en Colombia, simil a salsa
cumcuat = un arbor de Asia; la fruta sitrica de esta, con casca dulse e comable, e pulpa asida
cumin = un planta peti e magra de Asia sentral e la Mediteraneo; la semes bonodorosa de esta, usada como un spise, tipal moleda e usada en cari
cumula = (cosas) deveni colieda en cuantia cresente
cumulo = (nubes) forminte masas ronda, pilada sur lunlotra sur un funda plana
cumulonimbo = (nubes) forminte un masa densa e multe alta con funda plana, tipal en tempestas lamposa
cuna = un leto peti per un bebe, tipal osilante
cuna texeda = un jua de crea formas diversa par texe un cordeta sirca sua manos e ditos
cuna = la unia de mone en Hervatsca
cuneforma = pertinente a la sinias formida como cuneos, usada en la sistemes antica de scrive de Mesopotamia, Persia e la site Ugart, cual survive xef como impresas sur tabletas de arjila
cuneo = un peso de lenio, metal o otra materia con un fini spesa cual diminui a un borda magra, tipal martelida entre du ojetos per fisa o separa los
cungfu = un arte militar de Jonguo, simil a carate
cunilingo = la ata de stimula la jenitales de un fem con lingua o labios
cuno = (nonformal) la vulva o vajina
cuoca = un mamal peti en la familia de macropodos, erbivor e xef noturna, abitante en Australia sude-ueste
cuol = un marsupio carnivor ci sembla un gato, con gamas corta e pelo con marcas blanca, abitante la forestas de Australia e Gine Nova
cuoro = un materia fabricada de la pel de un animal par tana o simil
cuorum = la cuantia minima de membros de un asembla ci debe es presente per permete prosedes valida
cuota = un limita a la cuantia de un produida cual on pote crea, esporta o emporta; un cuantia fisada de un cosa cual un person o grupo pote reseta o debe contribui
cupe = un auto con teto fisada, du portes e un retro inclinada
Cupido = (en mitos roman) la dio de ama, tipal representada par un enfante nuda con alas e un arco con flexas
cupola = un teto formida de voltas, tipal con funda ronda
cupre = la elemento cimical con numero atomal 29, un metal rojin brun
cuprica = pertinente a cupre con valentia du
cuprita = un mineral roja oscur o negra brunin, composada de osido cuprosa
cupronicel = un alia de cupre e nicel, spesial en la proportio 3:1, como usada en monetas de color arjento
cuprosa = pertinente a cupre con valentia un
cura = atende e aida la manteni de (un person o cosa), tipal con compatia; regarda (un person o cosa) como meritante atende; trata (carne) con sal, seci o fuma per conserva lo
Curan = la libro santa de islam
curare = un resina cual paralise la motoneurones, otenida de alga plantas de America Sude
Curasau = un teritorio autonom de Nederland en la Mar Caribe
curcuma = un planta asian en familia de jinjer; la polvo bonodorosa e briliante jala derivada de la rizoma de esta, usada per sabori e colori en cosini asian e istorial per tinje stofa
Curdistan = un rejion a sude de la Montes Caucaso, la abitada tradisional de la popla curdi
cureta = un util usada en sirurjia per sutrae materia par raspa, tipal per limpi la utero
curgan = un colineta o tumulo de un tipo orijinante en Rusia sude e Ucraina
curio = la elemento cimical con numero atomal 96
curiosa = zelosa per sabe o aprende alga cosa
curling = un sporte en cual on lisca petras, ronda e plana a su, longo un surfas de jelo en dirije a un marca, en cuando otra membros de la ecipo scopi la jelo per controla la rapidia e dirije de la petra
curlo = un avia grande vadante en familia de calidris, con beco longa e curvida a su
curso = la via o dirije segueda par un cosa movente, incluinte ruas e rios e (metafor) un carera o la istoria; un via preparada per un corsa o otra usa simil; un serie de lesones instruinte sur un sujeto spesifiada
cursor = un indicador movable sur un scermo de un computador, indicante la loca cual ta es afetada si la usor tape o clica
cursor = un avia simil a un pluvial, capas de core rapida
curva = con forma cual devia gradal de retia
curvi = la ata de curvi (se o un otra cosa)
curvi a ante = curvi la parte alta de sua corpo a ante, con spalas levada
cuscus = un spesie de semola de Africa norde, produida par molini trigo dur; un plato preparada par empapa esta o esposa lo a vapor, con ajunta de carne, vejetales o frutas
cusin = un relatada de la mesma jenera, estra sua frates e sores
custa = (un ben o servi) es otenable pos la paia de (un cuantia spesifiada de mone)
cutanea = pertinente o afetante la pel
cuticula = la strato esterna de un texeda vivente; la pel mor a la funda de un ungia de un dito de mano o pede
cuxan = pertinente a un dinastia de Iran cual ia invade Barat e ia crea un impero en la norde-ueste entre la sentenios 1 e 3 EC
cuxin = un saco, tipal retangulo, plenida con plumas o otra materia mol, usada per suporta la testa, dorso o otra partes de la corpo; un cosa simil, usada per proteje contra xocas
cvas = un bevida slavica, comun preparada de pan de segal, e ance usada en sopas
CVD = cual on ia vole demostra
Cyiv = la site capital de Ucraina
d = la letera cuatro de la alfabeta roman; la nota du de la scala diatonica de C major
-da = ajuntada a un verbo per formi la partisipio pasiva
Daca = la site capital de Bangladex
Dacar = la site capital de Senegal
Dacia = un pais antica en Europa sude-este, corespondente a Romania moderna
dacota = pertinente a la americanes nativa de la vale de la Rio Mississippi norde e la planos prosima, o a sua lingua
dadaisme = un promove en arte, leteratur, musica e filma de la sentenio 20 cual asentua nonlojicalia e asurdia
dado = un cubo peti de cual cada lado es marcada con un cuantia diferente de puntos, de un a ses, lansada e usada en juas de acaso e aposta
dafnia = un crustaseo peti e semitransparente de acua dulse
daga = un cotel corta con un lama con punto e borda agu, usada como un arma
dageta = un ago spesa e nonagu, con buco grande, usada per tira un banda o cordeta tra un orlo
dagara = pertinente a un popla de Gana e Burcina Faso o a sua lingua
dagbani = pertinente a un lingua parlada en Gana e la norde de Togo
dagereotipo = un foto preparada par un prosede temprana, developada par Louis Daguerre en 1831
daiciri = un coctel conteninte rum e jus de lima
Dakota Norde = un stato en la SUA norde-sentral, bordante Canada
Dakota Sude = un stato en la SUA norde-sentral
dalasi = la unia de mone en Gambia
dalia = un planta mexican en familia de margarita, con radises tuberosa
dalit = pertinente a cada de la castes indu cual on ia nomi `nontocable` en la pasada
Dalmasia = un rejion antica corespondente a un parte de Hervatsca moderna, composada de montanias e un plano costal streta a la Mar Adriatica
daltonisme = la noncapasia de distingui alga colores
daltonica = pertinente a la daltonisme
daltonica = un person sufrinte la daltonisme
dama = un fem de un grado sosial superior, spesial nobil; un fem cortes e jentil; un fem ci acompania un sposa nova a sua dia de sposi; (en xace o cartas) la rea
damasco = un stofa texeda con motif vidable a ambos lados
damisel = un inseto relatada a e semblante un libela
dana = causa cambias fisical a (alga cosa) cual redui sua valua, usosia o funsiona normal; afeta negativa (alga cosa)
dandi = un om multe dedicada a moda, stilo e ordina pertinente a sua vestes e aspeta; un om de esta tipo ci finje ce el es plu sofisticada ca el es en realia
Danmarc = un pais en Europa norde-ueste, entre la Mar Norde e la Mar Baltica
Streta Danmarc = un streta entre Calalitnunat e Island, un parte de la Mar Atlantica
dansa = move ritmosa a musica, tipal usante un serie fisada de pasos
Danubio, Rio = un rio cual comensa en Deutxland sude-ueste e fini en la Mar Negra
Dardanelia, Streta = un streta liante la Mar Ejeo e la Mar Marmara
dardo = un misil peti e puntida cual pote es lansada o xutada
dardi = move multe rapida como un dardo
dardon = un dardo o flexa corta e plu spesa cual on xuta de un balesta
darma = (en induisme) la prinsipe de ordina de la universo, incluinte virtuas e obligas; (en budisme) la instruis o relijio de la Buda
darmstatio = la elemento cimical con numero atomal 110
darvix = un membro de un ordina relijiosa en sufisme ci dedica se a un vive de povria, e ci usa rituos incluinte dansas jirante
darwinian = seguente o pertinente a darwinianisme
darwinianisme = la teoria de evolui de la naturiste engles Charles Darwin (1809-1882)
data = un dia de mense o anio, spesifiada par un numero
dati = scrive un data sur; trova la data de
datilo = un palma alta nativa, de Asia ueste e Africa norde, cual produi datilas
datila = un fruta oval, dulse e oscur brun con seme dur, tipal comeda cuando secida
datilo = (en poesia) un pede metrical composada de un silaba asentuada segueda par du silabas nonasentuada
dativa = un caso gramatical cual indica ojetos nondireta o resetores de atas
dato = un fato o detalia individua de cual on pote deriva informa par prosede
megadatos = datos en colies estrema grande cual on pote analise per descovre relatas
metadatos = datos cual descrive e furni informa sur otra datos, per esemplo en un cataloga de documentos
datura = un planta arboretin con flores grande e trompetin, nativa de America Norde sude, e conteninte alcaloides venenosa o alusinojen
dau = (en filosofia xines) la prinsipe asoluta de la universo, combinante la prinsipes de iin e iang e sinifiante la via de armonia en natur
Davis, Streta = un streta a sude de la Baia Baffin, entre Labrador e Calalitnunat
de = introduinte la orijina de un move o relata, o un tempo de orijina
de = indicante la relata entre un cosa e sua materia
de = indicante la relata entre un cosa poseseda e la posesor, o entre un parte e la intera
de = introduinte un espresa plu spesifiante o detaliante
de = indicante la relata entre un cuantia, mesura o contenador e la cosa mesurada o contenida
de = juntante du nomes per crea un elemento fisada de vocabulo
de = clarinte ce un otra preposada, direta seguente, indica un loca do un move comensa
de = cambiante un otra preposada, direta seguente e no segueda par un nom, a un averbo
de- = de, a via de, a su de
debate = discute formal (un sujeto spesifiada) en un asembla publica
debe = es obligada a (fa un cosa o es en un state), tipal per razonas sosial o inteletal; deta (mone o simil)
ta debe = espresante un obliga en modo cortes, min forte o an iniorable
debil = sin la potia per fa taxes difisil; sin fortia, enerjia, intensia o zelo; sin potia political o sosial; tendente rompe, cade o deveni danada
debito = (en contabli) un entrada en la colona sinistra de un conta
en debito = negativa contablida
debiti = sutrae mone de (un conta)
debua = (un person, presenta o produida) apare publica a la ves prima
deca- = (un mesura) multiplida par 10
decal = un desinia preparada sur paper spesial cual on pote move a un otra surfas par acua, caldia o presa
decaloga = (en alga relijios) la des comandas, donada par Dio a Moxe
decano = la xef de un catedral o eglesa; un ofisior de cristianisme temprana o de alga eglesas protestante; la xef de un departe de un scola o universia; la person la plu respetada en un campo de studia
decanta = versa gradal (un licuida) de un contenador a un otra, tipal per sutrae la deponeda
declama = resita (un obra) a vose en modo formal o artal; dise (alga cosa) en stilo retorical
declara = dise (alga cosa) en un modo asentuada e seria
declina = diminui en fortia o cualia; (un nom) cambia sua forma gramatical per indica caso, numero e jenero
deco = pertinente a un stilo de arte e decora de sirca 1920-1930, marcada par formas jeometrial e colores forte, spesial en arciteta
decora = beli la aspeta de (un cosa) par ajuntas; dona un premio o medalia a (algun)
decrementa = (un cuantia) diminui par la sutrae de un otra cuantia peti, usual intero e la plu tipal 1
decrementa = un ata de decrementa; la cuantia mesma sutraeda
decupaje = la arte de decora ojetos con pesos taliada de paper
dedica = dona (tempo, labora o se) a un taxe o intende spesifiada
dedui = ariva a (un fato o conclui) par razona
dedui = (un musculo) move (un membro) a via de la linia media de simetria de la corpo
deduador = un musculo cual dedui
defende = resiste un ataca a (un person o cosa); proteje (un person o cosa) de peril o dana; parla o scrive per suporta (un ata o person); gida un caso per (algun) en un litiga; compete per reteni (un titulo o seja) en un concurso o eleje
defendor de la popla = un ofisior ci investiga cexas personal contra un compania o organiza publica
defeta = un aveni en cual on es vinseda o concistada
defeto = un nonperfeta; un problem peti
defia = resiste o refusa obedi (un autoria o regula); menasa la prestijia de (algun)
defini = declara o descrive esata la natur, estende o sinifia de; descrive o marca la borda o limitas de
defla = (un cosa inflada) relasa la aira o gas contenida
degrada = (un cualia antropolojial) deveni plu basa
degrada = basi la cualia de; trata o regarda (algun) con despeta o desrespeta
biodegrada = deveni descomposada par baterias o otra organismes
deisme = un crede a la esiste de un esente suprema, tipal un creor ci no interveni en la mundo
dejenera = perde sua bon state o cualias normal; diminui fisical, mental o moral; (en fisica, biolojia, etc) ave plu ca un state esata en un state plu jeneral
dejeta = sutrae o elimina (un person o cosa) cual on no regarda como usosa o desirada
del = de la
Delaware = un stato de la SUA este sentral, a la Mar Atlantica
Baia Delaware = un baia entre Delaware e Jersey Nova
delega = encarga un otra person, tipal de grado inferior, con (un taxe)
deleta = plase multe (algun)
delfin = un setaseo peti, multe sosial e intelijente; (istorial) la titulo de la fio la plu vea de la re de Frans
Delfin = un constela de la sielo norde
delfinio = un planta de jardin en familia de ranunculo, con spigas alta de flores blu
Deli = la urbe la plu grande de Barat
Deli Nova = la site capital de Barat e un parte de Deli
delicata = (un ojeto) con trama o strutur refinada cual sujesta un fabricor multe capas; (un color o comeda) sutil; frajil; (un person, animal o planta) propensada a maladia o otra problemes; fasil turbable e nesesante cura o maneja cauta
delira = (algun) es en un state multe turbada de la mente, como en febre, enebria o otra maladias, marcada par ajita, ilude e noncoere de pensa e parla
delta = la letera cuatro de la alfabeta elinica; un rejion triangulo de depone a la boca de un rio, tipal do lo diverje a sortis multiple
deltaplana = un volador lejera nonmotorida, con un ala triangulo
deltoide = un musculo spesa e triangulo cual covre la junta de spala, usada per leva la braso a via de la corpo
delude = fali reali la esperas o espetas de (algun); preveni ce (esperas o espetas) reali
deluvia = covre o sumerje (un loca) con acua
demagogo = un xef political ci xerca suporta par apela a desiras e prejudis popular, en loca de usa razona
demanda = dise (parolas) a algun per oteni informa
demanda sujestante = un demanda cual conteni ja la informa o sujesta la responde cual la demandor vole confirma
demente = (en medica) sufrinte de dementia
dementia = (en medica) un perde gradal de funsionas cognisial, spesial comun en persones vea, causada par dana o disturba serebral, e afetante la memoria, la pensa astrata, la emosias, la motiva, la orienta o la capasia lingual, e donce ance la ativia dial
demiurgo = (en platonisme) la creor de la mundo; (en gnosticisme e otra teolojias) un esente sielal, suordinada de la esente suprema, e regardada como la controlor de la mundo material
demo- = popla, sitadanes
democrata = pertinente a o suportante un sistem de governa controlada par tota la popla o sitadanes, tipal tra representores elejeda
demografia = la studia de statisticas como nases, moris, revenus e frecuentias de maladias, cual mostra la strutur e cambias de poplas
demon = (en alga relijios) un mal spirito, tipal capas de controla un person o tortura el en la enferno
demonim = pertinente a la nom de un popla usada par la popla mesma
demonolojia = la studia de demones o la crede ce los esiste
demostra = mostra la veria o esiste de (alga cosa) par atesta o razona
contrademostra = demostra ce (alga cosa) es falsa
demotica = pertinente a la tipo de lingua nonformal usada par la popla comun
Denali, Monte = un monte en Alaska sude-sentral, la plu grande en America Norde
denar = la unia de mone en Macedonia Norde
denario = un moneta de arjento usada en la Impero Roman
dendrite = un estende corta e raminte de un neuron per reseta siniales de otra selulas; un roca, mineral o cristal con marcas raminte
dendrocronolojia = la tecnica de determina la eda de un arbor par conta la anelos en un talia traversal de la tronco
dendrolojia = la studia siensal de arbores
denge = un maladia de la tropicos, causada par un virus transmeteda par moscetas, cual causa subita febre e dole intensa de la juntas
denim = un stofa durante de sarja de coton, tipal blu
denisovan = pertinente a un spesie estinguida de umanas, ci ia abita entre Sibir e Asia sude-este en la tarda de la paleolitica
denova = a un plu ves; reocupante un state pasada
densa = conteninte un cuantia grande e compatida de cosas o persones prosima a lunlotra; (un licuida) no fasil fluente; (un nebla) opaca
dente = cada de un colie de strutures dur, ososa e stratida con esmalte en la mandibulas de la plu de vertebratos, usada per morde e mastica; un strutur simil en otra organismes; un strutur simil en piniones e otra aparatos; un spina de force
tridente = un lansia composada de tre spinos a la fini de un manico longa
dentela = un stofa delicata, tipal de coton o seda, produida par aneli, torse o tricota filos en motifes, comun usada per vestes o decoras
denteleon = un planta comun en familia de margarita, con roseta de folias, talos conteninte un latex letin, e flores briliante jala cual maturi a globos de semes con mexas peluxetin
dentin = la texeda dur, densa e ososa cual formi la plu de un dente su la esmalte
denunsia = declara publica ce (un person o cosa) es mal o erante; informa la autoriosas contra (algun)
departe = un parte de un asosia comersial o political plu grande
depende = ave un nesesa (de alga cosa) per suporta, susta o consola se; es controlada (par)
depinta = crea un imaje de (un person o cosa), usante pinta
Depintor = un constela en la sielo sude
deplora = senti o espresa desaproba forte de (alga cosa)
depone = pone, cade o lasa (alga cosa) a lado; pone gradal (un materia) como un strato o covrente; lasa (mone o otra valuadas) con algun per reteni, como en un banco; paia (mone) como un parte inisial de un compra o per garantia un contrata; desapone (un veste)
deponente = (un verbo) cual ave un sinifia ativa ma la forma de un otra vose, tipal la pasiva
deporta = esclui (un stranjer) de un nasion, tipal per sua state nonlegal o per atas criminal
depresa = presa o puia (alga cosa) a su; fa ce (algun) senti descorajida o triste
depresa = un sindrom medical con periodos de tristia e autoodia intensa; la vale entre du ondas
antidepresante = (un medisin) cual redui depresa mental
depresante = (un medisin) cual redui ativia neuronal
derbi = un corsa de cavalos; un concurso major de sporte
deriva = orijina en (un fonte spesifiada); (un conseta) es fundida sur un estende o altera lojical de un otra
derma = la strato spesa de texeda vivente su la epiderma cual formi la pel vera, conteninte capilares de sangue, terminas de neurones, glandes de sua, foliculos de capeles, e otra strutures
dermatero = un inseto longa ma peti, con un duple de protendes a sua coda cual sembla un pinse
dermatite = un inflama cual causa ce la pel deveni roja, inflada e dolosa, comun con bulas peti, e causada par irita direta o un reata alerjica
dermatolojia = la ramo de medica cual studia la diagnose e trata de maladias de pel
des = 2 multiplida par 5; la numero entre nove e des-un
desi- = un desi de
desuneta = un poesia de des-un parolas en sinco linias
des- = ajuntada a un verbo per nomi la reversa de un ata
desastre = un aveni subita, como un asidente o aveni natural, cual causa multe danas o moris
descrive = reporta (alga cosa), incluinte tota la detalias, cualias o avenis pertinente
autodescrive = descrive se
descrivente = cual descrive o cual on usa per descrive
desembla = cambia sua aspeta per asconde sua identia
desembre = la mense des-du de la calendario gregorian
desende = vade en dirije a la punto la plu basa de (un cosa); (un person o simil) es un relatada direta (de un asendente); sorti de (un veculo publica)
desenio = un periodo de des anios, tipal comensante con un anio de cual sua numero fini con 0
cuatrodesenian = con eda de 40 a 49 anios
desenian = con eda de 10 a 19 anios
dudesenian = con eda de 20 a 29 anios
novedesenian = con eda de 90 a 99 anios
otodesenian = con eda de 80 a 89 anios
sesdesenian = con eda de 60 a 69 anios
setedesenian = con eda de 70 a 79 anios
sincodesenian = con eda de 50 a 59 anios
tredesenian = con eda de 30 a 39 anios
deser = un comeda dulse a la fini de un come
deserta = abandona (un posto militar, un debe, un comunia, etc) sin permete
deserto = un zona multe seca, comun covreda con arena, tipal sin multe plantas
desibel = un unia de intensia de sona, o de potia de sinial eletrical, cual funsiona en scala logaritmal
deside = ariva a un conclui en la mente pos considera, tipal par eleje entre atas posible
desil = cada de des grupos egal en cual on pote divide un popla par la valua de un variable
desim = un moneta con valua de des sentimes
desimal = pertinente a un sistem de aritmetica fundida sur la numero des; pertinente a un sistem de mone, pesas, mesuras o otra unias en cual la unias peti relata con la unias plu grande par potias de des
duodesimal = pertinente a un sistem de aritmetica fundida sur la numero des-du
esadesimal = pertinente a un sistem de aritmetica fundida sur la numero des-ses
desinia = produi (un imaje o scema) par usa un pen o lapis per fa linias e marcas sur paper o un otra surfas; deside la aspeta e funsiona de (un construida, veste o otra cosa fabricada), tipal par produi un imaje o scema; prepara (alga cosa) per un intende spesifiada
desira = un senti forte de vole oteni alga cosa, o de espera ce alga cosa va aveni
desirosa = plen de desira; (un crede o deside) fundida en desiras, no la realia
desmaia = perde subita sua consensia, tipal per tempo corta, como resulta de manca de osijen en la serebro
desosiribonucleal = pertinente a la composadas de ADN
despera = perde espera o es sin espera ce (alga cosa) va aveni
despeta = odia (algun) en un modo cual inclui senti ce el es inferior
despota = un titulo per alga renores en la Balcanes medieval; (metafor) un tirano con potia asoluta
destina = deside ce (algun) va esperia alga cosa en la futur; dirije (alga cosa) a un loca spesifiada
destra = a, o pertinente a, la lado cual es a este cuando on fasa la norde
destrosa = capas e eficas con sua manos
ambidestrosa = capas de usa ambos sua manos a grado egal bon
destrosa = la forma la plu comun de glucosa
destrui = fa ce (un cosa) sesa esiste par dana o ataca lo; ruina emosial o spirital (algun); defeta completa (algun)
deta = debe repaia (mone o un otra cosa)
detalia = descrive (un cosa) en modo completa, incluinte tota fatos, cualias o partes, an si los es peti o minor; identifia esata (un fato o conseta)
detalia = un cualia, fato o parte individua, tipal peti o minor
deteni = preveni (algun) de vade puntual, tipal par dona plu taxes a el o per interoga el sur un crimin o situa delicata; confisca e teni (benes)
deterje = limpi (alga cosa) con un deterjente
deterjente = un licuida cual limpi ojetos par combina con sustantias susia e fa ce estas deveni plu disolvable
determina = fa ce (un cosa) aveni en modo spesifiada; deside firma ce (un cosa) va aveni; descovre (alga cosa) par calcula o rexerca
determinante = un parola alterante cual indica la tipo de refere de un nom o sintagma nomin
deteta = descovre o identifia la esiste o presentia de (un person o cosa)
teledeteta = scane un rejion par satelite o avion per oteni (informa)
detona = (un bomba o simil) esplode
detrae = nega o redui la valua persepida de (un cualia o ateni)
detrito = pesos sperdeda de dejetada, tipal produida par erode o par la descomposa de organismes; pesos de petra, brice o beton restante pos un desconstrui
detrivor = (un organisme) cual come detrito
deuterio = un isotopo stable de idrojen con masa sirca duple de lo de la isotopo normal
deuterostomio = un membro de un suprafilo de animales biladal simetre, incluinte la ecdisozones, platizones e lofotrocozones
Deutxland = un pais en Europa sentral con costa a la Mar Baltica
devanagari = la sistem de scrive usada per sanscrito, hindi e otra linguas de Barat
developa = crese e deveni plu matur, avansada o complicada
deveni = comensa es; cambia se a
devia = move a via de un curso
devolui = (potia political) move de governa sentral a rejional; cambia a un nivel de evolui o developa min avansada
devonian = pertinente a la periodo cuatro de la paleozoica, entre la silurian e carboniferosa
devora = come (alga cosa) en modo rapida o multe fama
di- = du
dia = cada de la periodos de 24 oras a cual on divide semanas, menses e anios, corespondente a un jira de la Tera; la parte de esta entre la leva e reposa de sol
dia de broma = la dia prima de april, famosa per bromas e enganas
dia solal = la periodo en cual un ojeto sielal fa un jira completa en relata a la stela cual lo orbita
de dia zero = (un punto atacable de un program de computador) cual la mantenores no conose o no ia repara
dia- = tra, ultra
diabete = un maladia de metaboli en cual la capasia de la corpo per produi insulina es diminuida o asente, causante un diminui de la cuantia de glucosa en la sangue
antidiabetica = un medisin per combate diabete
diablo = (en alga relijios e credes) un demon, spesial la spirito xef de malia, Satan
diablo tasmanian = un marsupial potiosa con testa grande, mandibulas forte, e pelo xef negra, trovada sola en Tasmania
diacon = un eglesor ordinada de nivel plu basa ca un prete; un ofisior de un eglesa ci aida un eglesor, tipal en cosas secular
diacrona = pertinente a la modo en cual cosas, spesial linguas, ia developa e evolui tra tempo
diafana = (un materia) permetente ce lus, ma no detalias de forma, pasa tra lo; semitransparente
diafonia = la pasa nondesirada de un sinial a un otra canal de telecomunica
diaframa = un separa musculal entre la torax e la adomen en mamales; un membrana tensa e flexable, usada per separa du areas
diagnose = identifia la natur de (un maladia o otra disturba) par esamina sintomes
diagonal = (un linia) reta e apoiada, tipal juntante du angulos oposada de un retangulo
dialetica = la arte de investiga o discute la veria de opinas; la investiga de contradises en metafisica e sua solves; la esiste e ata de fortes sosial oposante
dialeto = un varia de un lingua, tipal rejional e no la varia normal
dialeto fonetical = un manera de pronunsia usada par un parlor individua o par parlores en un rejion o clase sosial
bidialetal = capas de parla fluente du dialetos
dialetal = pertinente o parteninte a un dialeto
dialise = separa (particulas en un licuida) par la diferes de sua capasia de pasa tra un membrana; (en medica) puri (sangue) par esta metodo, como un sustitua per la funsiona normal de un ren
dialoga = (du o plu persones en un libro, teatral o filma) fa un conversa sur (un tema); (du o plu grupos) discute per esplora e solve (un problem)
dialoga = un ata de dialoga; (en informatica) un fenetra peti cual furni informa a la usor e solisita un eleje o responde
diamante = un jem valuosa, composada de un forma de carbono cristalida, tipal clar e sin color; un rombo cual sta sur un de sua angulos; un de la cuatro familias de cartas de jua, representada par un tal rombo roja
diametre = un linia reta cual pasa de un lado a la otra e tra la sentro de un corpo o forma, spesial un sirculo o sfera; la longia de esta
dianto = un planta erbin de Eurasia, con flores rosa o blanca e bonodorosa, e folias magra e tipal grisin verde
diapositiva = un foto transparente en un montur, tipal capas de es projetada a un scermo
diarca = un de la du renores en un diarcia
diarcia = un governa con du renores autonom
diarea = un maladia en cual fece licuida es frecuente descargada
diaspora = un sperde de un popla de sua loca orijinal a tra la mundo
diastole = la fase en la bateta de cor cuando la musculo reposa e permete ce la cambras pleni con sangue
diatomea = un alge uniselulal, con mur de silica
diatonica = usante notas de un sola tonalia sin cambias cromatica
diatonicisme = la tecnica de usa notas diatonica en la composa de musica
diazepam = un medisin per destensa la musculos e calmi ansia
dicdic = un antilope nano de la savana seca de Africa
dicoco = (un spesie de trigo) en cual cada spigeta conteni du granes
dicotiledon = un planta florinte con un embrio cual produi du cotiledones
dicotomia = un divide o contrasta entre du cosas oposada o diferente; (en botanica) un rami repetente a du partes egal
didje = un person ci presenta e jua musica rejistrada, spesial a la radio o un discoteca
didjeridu = un strumento de venta, orijinal usada par australianes nativa, composada de un tubo longa de lenio, cual produi un sona basa e resonante cual on varia ritmosa par asentuas de vose
diejese = un nara o trama, spesial en un filma
diejesal = pertinente a un diejese; (musica en un nara filmada) oiable en la mundo de la carateres
dierese = un sinieta de du puntos supra un vocal per indica ce lo no parteni a un diftongo; la pronunsia de un diftongo como du silabas
dies = (un nota) plu alta par un semitono ca un nota spesifiada; (un strumento o nota) malajustada e sonante supra la altia espetada
dieta = la spesie de comedas abitual per un person, animal o comunia; un colie de comedas a cual on restrinje se, tipal per redui obesia o per razonas medical
difere = no es la mesma; no es simil
diferensia = cambia (un funsiona) a sua derivada
diferensial = un difere infinita peti entre valuas seguente de un variable
difisil = no fasil; nesesante multe labora o capasia per es atenida, fada o comprendeda
difrata = (un raio de lus o otra sistem de ondas) sperde par pasa tra un abri magra o longo un borda
difteria = un maladia baterial multe comunicable cual inflama la membranas mucosa
diftongo = un sona formida par combina du vocales en un sola silaba
difusa = transmete (un program o informa) par radio, televisa o otra media
digram = un combina de du leteras cual representa un sola sona
dijesta = rompe (comedas) en la stomaco e intestines per permete ce la corpo asorbe e usa los
dijitale = un planta alta de Eurasia, con spigas vertical de flores con forma de ditos de gantos; un medisin preparada de la folias secida de esta, usada per stimula la musculos de cor
dijito = cada de la simboles per la numeros de 0 asta 9
dijital = (un sinial o dato) espresada como un serie de la dijitos O e 1; pertinente a la usa de informa en tal forma
dilata = deveni plu larga, vasta o abrida
dildo = un ojeto con forma de penis erijeda, usada per stimula sesal
dilema = un situa en cual on debe fa un eleje difisil entre du o plu posibles, tipal egal desirada o nondesirada
Dili = la site capital de Timor Este
dilijente = un caron per transporta pasajores sur un curso regulada, en la modo de un tren o bus
dilui = ajunta acua o un otra disolvente a (un licuida); (metafor) ajusta (un situa) per fa ce lo deveni min intensa o problemosa
Dimaxco = la site capital de Suria
dimension = un estende mesurable, como longia, largia, profondia o altia
bidimensional = avente o parente ave longia e largia ma no profondia
multidimensional = con plu ca un dimension
tridimensional = avente o parente ave longia, largia e profondia
unidimensional = avente o pertinente a un sola dimension; (un rol) sin profondia
dimetre = un linia de poesia composada de du pedes
diminui = deveni plu peti en grandia, cuantia, intensia, valua o grado
dimorfe = avente du formas distinguida
dimsam = un plato xines de bales peti de pasta, vaporida o fritada, conteninte plenintes diversa
dinamica = la ramo de mecanica cual studia la move de corpos par fortes; un forte cual stimula cambia o progresa en un sistem o prosede
airodinamica = la siensa de aira movente e de la interatas entre la aira e corpos solida cual move tra lo
eletrodinamica = la ramo de mecanica cual studia la interata de corentes eletrical con campos magnetal o con otra corentes eletrical
idrodinamica = la studia de la cualias de acua e otra licuidas movente, e spesial la interata entre la acua e corpos solida cual move tra lo
termodinamica = la siensa cual studia la relatas entre caldia e otra formas de enerjia e, par estende, la relatas entre tota formas de enerjia
dinamite = un esplodente forte, composada de nitrogliserina miscada con un materia asorbente, tipal moldida a forma de bastos
dinamo = un macina per cambia enerjia macinal a enerjia eletrical
dinamometre = un aparato cual mesura la potia produida par un motor
dinar = la unia fundal de mone en Irac, Serbia, Urdun, Irac, Barain e Libia
dinasta = un renor par direto erital; un membro de un familia renante
dinastia = un linia de renores erital de un nasion; un serie de persones de la mesma familia ci ave un rol importante en comersia, politica o un otra campo
dinastino = un scarabe grande con un corno simil a lo de un rinosero
dine = un unia de forte, capas de aumenta la rapidia de un masa de un gram par un sentimetre per secondo a cada secondo, longo la dirije de la forte
dine = pertinente a un popla de americanes nativa de la statos de Mexico Nova e Arizona en la SUA, o a sua lingua
dingo = un can savaje o cuasi domada con pelo pal brun, trovada en Australia, introduida par la australianes nativa
dinia = la cualia de merita onora o respeta par sua manera calma
dinosauro = un vertebrato estinguida de la mesozoica
dio = (en alga relijios) un spirito supraumana, adorada per sua potia; (en relijios monoteiste) la creor e renor de la universo e la fonte de tota autoria moral; la esente suprema
diodo = un semicondutador con du terminas, tipal permetente la flue de corente en un sola dirije; un tubo eletrical con du eletrodos (anodo e catodo)
dionea = un planta peti carnivor de pantanes, con folias cual clui cuando los deteta un inseto
Dioniso = (en mitos elinica) la dio de vino, fertilia, teatro e estasia relijiosa
diosina = un composada nosiva cual es un suproduida de alga prosedes de fabrica
diospiro = un arbor en familia de ebano; la fruta comable de esta, cual sembla un tomate grande e ave un pulpa multe dulse
diplo- = duple
diploide = (un selula o nucleo) conteninte du grupos completa de cromosomas, un de cada jenitor; (un organisme) composada de selulas diploide
diploma = un documento donada par un scola o universia, cual mostra ce algun ia susede completi un curso de studia
diplomata = pertinente a la maneja de relatas internasional; (metafor) tatosa
diplopia = la persepi simultan de du imajes de un vista o ojeto, tipal partal covrente lunlotra
dipno = un pex longa de acua dulse, con un o du sacos cual funsiona como pulmones e permete ce lo respira aira
dipsaco = un planta eurasian, alta e spinosa, con flores purpurin
direta = estendente o movente de un loca a un otra par la via la plu corta, sin cambia dirije o para; seguente sin devia o pausa
direto = la autoria moral o legal per posese o oteni alga cosa o per ata en un modo spesifiada
dirham = la unia de mone en Magrib, la Amirias Arabi Unida, e istorial en otra paises
dirije = punta (alga cosa) afin lo fasa la loca a do lo va vade; controla la funsiona de; maneja o governa; supravide o controla (un comersia, sistem); supravide la atores e otra empleadas de (un filma o teatral)
bidirijal = movente o funsionante en du dirijes
multidirijal = con plu ca un dirije
unidirijal = movente o funsionante en sola un dirije
dirndel = un completa de vestes per femes en stilo tradisional alpan, composada de un roba, blusa e faldon
dis- = mal, nonormal
discalculia = un descapasia cual difisili la aprende de aritmetica e la manipula de numeros
disco = un ojeto ronda, plata e magra; un reserva de musica, imajes, filma o informa dijital en un tal ojeto; un disco con bucos numerida sur un telefon vea; un boton liada a un indicador a la fas de un radio cual permete ce on cambia la stasion; un tipo de musica de la desenio de 1970, intendeda per dansa
disco compata = un disco peti de plastica sur cual musica o informa dijital es arcivida
discografia = un lista de obras musical o otra rejistras
discoteca = un loca do on dansa a musica pop
discreta = parlante o atante cauta e atendente, tipal per evita ofende o gania vantaje
discrimina = distingui nonjusta o prejudinte en la trata de categorias diferente de persones, spesial per sua raza, jenero, o eda
discriminante = un cuantia cual depende de la constantes de un polinomio (per esemplo un egali de grado du) e permete ce on dedui fasil alga cualias de la solves de la egali
discute = parla sur (un sujeto) con un otra person o un grupo de persones; parla o scrive detaliosa sur (un sujeto), considerante opinas e ideas diversa
dise = espresa (informas, opinas, sentis, intendes o instruis) par parla o (metafor) par scrive
contradise = nega la veria de (un declara), spesial par mostra la oposada
diseno = un person ci espresa abitual opinas negativa o pesimiste
disesi = un person ci acorda sempre con sua xef; un person ci espresa abitual opinas positiva o otimiste
disenteria = un infeta de la intestines cual causa diarea grave, tipal con sangue e muco en la fece
disenti = ave o espresa opinas o prinsipes cual difere de los cual es comun, ofisial o espresada a ante; separa de un eglesa instituida o ortodox par causa de un nonacorda sur prinsipes
disesioni = talia metodosa (un corpo o planta) per studia sua partes interna
disfajia = engoli difisil o noncomfortosa, como un indica de maladia
disfasia = un desordina de lingua, marcada par problemes de parla o comprende, causada par maladia o dana de la serebro
disforia = un state de ansia o nonsasia jeneral de sua propre vive
disi = un avia cantante peti, con beco e coda corta, cual come xef insetos en flores e es trovada en Australasia e Asia sude-este
disionario = un testo cual lista la parolas de un lingua en ordina alfabetal, mostrante per cada parola o un defini de sua sinifia o sua traduis en un otra lingua; un libro de consulta sur cualce sujeto, con articles ordinada en modo simil
disipa = sperde o desapare gradal
disiplina = instrui (algun) afin el obedi regulas o un codigo de condui, usante punis per coreti desobedis
disiplo = un seguor o studiante de un instruor, xef o filosofiste; un person ci es gidada e suportada o influeda par un person plu vea o esperiosa
dislexia = un descapasia cual difisili la aprende de leje e spele fluente
disolve = (un solida) misca con un licuida e deveni un parte de lo; (metafor) fonde o desintegra
dispepsia = un dole o noncomforta en la stomaco, asosiada con un difisilia de dijesta de alga comedas
displasia = un grandi de un organo o texeda causada par la sperde de selulas nonormal, per esemplo en un desordina de developa o un grado temprana de canser
dispnea = respira difisil o laborosa
dispone = pote asede, oteni o usa (alga cosa)
disposa = fa ce (algun) tende a un condui o state spesifiada
disprosio = la elemento cimical con numero atomal 66
disputa = discute (alga cosa) sur cual on no acorda, tipal en modo emosial
distante = a un loca nonprosima; nonamin o nonfranca; noninteresada o nonpartisipante
ecuidistante = (du o plu locas) a distantias egal de un otra
distila = puri (un licuida) par vapori lo, condensa lo, e colie la licuida resultante; produi (alga cosa, spesial un bevida alcolosa) par esta metodo
distingui = reconose o trata (un person o cosa) como diferente
distonia = un state nonormal de la tono de musculos cual causa spasmas e un posa nonormal, tipal causada par un maladia de nervos o un efeto ladal de terapia per la usa abitual de drogas
distrae = preveni (algun) de consentra a alga cosa, tipal un taxe
distribui = dona compartis de (alga cosa) a resetores; furni (benes) a botecas per vende a consumores
distribuador = un aparato per distribui eletrica a la bujias de un motor
distribuisme = un teoria economial cual recomenda ave tan multe posesores privata de comersia e industria como posible
distribuor = un ajente ci furni benes a botecas
distrito = un rejion de un pais o site, spesial si lo ave un cualia o usa distinguinte; un rejion ofisial
distrofia = un maladia en cual un organo o texeda gasta; la malnuri de un parte de la corpo
disturba = interfere con la ordina o funsiona normal de (un person o cosa); interompe (algun) de lo cual ocupa el
disuria = un disturba medical de urini dolosa o difisil
dita = dise (parolas) cual un otra person va tape o scrive
ditero = cualce inseto con du alas per vola e du plu alas spesialida per ecuilibra
dito = cada de la cuatro partes (o sinco, si on inclui la diton) magra, longa e sesionida cual es juntada a la mano; un parte de un ganto intendeda per covre un de estas
diti = toca con un o plu ditos
diti se = (nonformal) masturba
diton = la dito prima de la mano, corta e spesa, locada plu basa e separada de la otra cuatro e fasante los; un mesura de longia egal a un des-dui de un pede
ditransitiva = (un verbo) asetante du ojetos
diurese = la produi de plu o tro multe urina
diuresica = un droga cual crese la produi de urina
diurna = pertinente a o aveninte en la dia, no la note; (un animal) ativa en la dia; (un flor) abrida sola en la dia
diva = (en alga relijios) un dio fema; (metafor) un fem multe famosa e selebrada
divalente = (un elemento o molecula) con valentia du
divali = un festa indu con lampas, selebrada en otobre o novembre
divan = un sofa sin dorso; un sofa simple; la consilio statal en la impero osmanan
Divehi = un pais composada de un cadena de isolas de coral en la Mar Indian, a sude-ueste de Srilanca
diverje = (un via) separa de un otra e vade en un dirije diferente
diversa = de spesies o fontes variosa o acaso
biodiversa = (un rejion o ecosistem) conteninte organismes multe diversa
diverti = esperia plaser par alga cosa o ata
diverticulo = un tubo cual diverje de un caveta o pasaje; un saco o caveta nonormal, formida a un punto debil en la mur de la intestines
diverticulite = un inflama de la diverticulos, tipal en la colon, causante dole e malfunsiona de la intestines
diverticulose = un disturba medical en cual diverticulos es presente en la intestines sin indicas de inflama
divide = deveni separada a partes
divide = separa (alga cosa) a partes, tipal per distribui e comparti lo
dividendo = la cuantia de sua profitas o reservas cual un compania paia periodal (tipal a un ves per anio) a sua asionores
divin = simil a o pertinente a un diva o dio
divina = estima o suposa (alga cosa) sin informa sufisinte per es serta
divorsa = fini legal sua sposia con (algun)
djadjici = un iogurte elinica, conteninte concombre, alio e comun carne
Djava = un isola grande en un arcipelago de isolas cual formi un parte de Indonesia
Mar Djava = un mar entre Djava e Borneo
djelaba = un roba de coton, longa, con mangas e capeta, portada par la omes e la femes en Magreb
djembe = un tambur formida como un copa, juada par la manos
Djibuti = un pais a la costa norde-este de Africa; la site capital de la pais Djibuti
djihad = (entre muslimes) un gera o luta contra noncredores
djihad grande = (entre muslimes) un gera spirital contra peca en la propre mente
djini = un spirito de folclor arabi, comun representada como prisonida en un botela o lampa de olio, e capas de reali desiras cuando clamada
djiniu = un grupo de dialetos xines parlada tra la plu de Shanxi e provinses bordante lo
Djomolangma, Monte = la monte la plu alta de mundo, en Himalaia entre Nepal e Bod
djuang = pertinente a un etnico de Guangxi en Xina sude, o a sua lingua relatada a tai
Djuba = la site capital de Sudan Sude
do = (demandante o introduinte un suproposa ajetivin) en cual loca o situa; a cual loca, o en cual dirije
do = (introduinte un suproposa averbin) en la loca en cual, o (pos un preposada) la loca en cual
do = la nota prima de la scala de C major, C, en la sistem de solfejo
doberman = un can grande de raza deutx, con mandibulas potiosa e pelo lisa, tipal negra con marcas brun
dobro = un spesie de gitar acustical con discos resonante de aser en la corpo, su la ponte
doca = un rejion de acua encluida en un porto per la carga, descarga e repara de barcos
documento = un cosa scriveda, primida o eletronical cual conteni informas o atestas, o cual servi como un arcivo ofisial; un de estas cual atesta alga fato como la nase, sposi, o mori de un person, la completi de un curso de studia, o la posese de un cosa spesifiada
dodeca- = des-du
dodecafonia = un composa musical cual usa la des-du tonos de la scala cromatica en modo egal
dodo = un avia estinguida e no capas de vola, con corpo spesa, alas corta, testa grande, e beco pesosa e oncin
Dodoma = la site capital de Tanzania
dogma = un prinsipe o colie de prinsipes prescriveda par un autoria como la veria serta
dogon = de o pertinente a un etnico abitante la rejion sentral de Mali, o a sua linguas
Doha = la site capital de Catar
dojinxi = un obra japanes autopublicida, tipal un novela o libro de manga
dol = tristia pos la mori de algun o un otra perde sever
dolar = la unia fundal de mone en la SUA, Canada, Australia e alga otra nasiones
petrodolar = un unia ipotesal de mone cual refere a la profita ganiada par un nasion par la esporta de petrolio
dole = sufri fisical o mental, como la resulta de maladia o feri
dole de testa = un dole en la testa
doletesta = un person o cosa frustrante o turbante, cual causa real o metafor un dole de testa
dolina = un caveta en la tera, tipal en roca madral de calcario, causada par erode o colasa
dolmen = un tomba megalital, composada de un roca plata e grande reposante sur du rocas vertical, trovada xef en Frans e Britan Grande
dolomita = un mineral diafana, composada de calsio e magnesio; un roca deponeda, xef composada de esta
doma = eleva e instrui (un animal) afin lo deveni plu fasil per controla
doman = a la dia pos oji
domenical = aveninte a cada soldi; usada sola a soldis
domina = ave potia e un influe controlante a; (un construida) ocupa un loca major supra (sua ambiente)
dominante = la grado 5 en un scala musical diatonica
sudominante = la grado 4 en un scala musical diatonica
supradominante = la grado 6 en un scala diatonica
Dominica = un isola e pais en la Antiles ueste
dominican = pertinente a Dominica o la Republica Dominican; pertinente a un ordina de monces catolica ci segue la regulas de San Domingo
Republica Dominican = un pais en la Mar Caribe en la parte este de Ispaniola
domino = cada de 28 pesos peti e retangulo, marcada con entre zero e ses puntos a cada dui, usada en alga juas
dominos = un jua en cual on atenta junta tota sua pesos a otra pesos
dona = move libre (un cosa cual on posese) a la posese de un otra person
donce = par esta razona o causa
dong = la unia de mone en Vietnam
dongle = un aparato peti cual on junta a un computador, tipal per permete asede a un program o un lia sin filo
donut = un torta peti e fritada de pasta dulse, tipal con forma de anelo o bal
dopamina = un composada presente en la corpo como un neurotransmetador e como un presedente de otra composadas incluinte adrenalina
dora = covre (alga cosa) con un strato magra de oro; (metafor) fa ce (alga cosa) pare plu bon ca lo es
dora de fatos = (en propaganda) presenta fatos negativa en linguaje cual fa ca los apare positiva
doror de fatos = (en politica) un comunicor ci presenta fatos negativa en linguaje cual fa ca los apare positiva
dorado = un pex de acua dulse, con corpo oro e pinas roja, trovada en America Sude
Dorado = un constela en la sielo sude
Dorida = un rejion peti e montaniosa en Elas antica
dorian = pertinente a un popla antica ci ia orijina cisa en Dorida e ia coloni Peloponeso, o a sua dialeto de elinica; pertinente a un tipo de colona con capital simple e sirculo
dormi = reposa en un modo en cual la corpo e mente es relativa nonativa, tipal con oios cluida, musculos destensada, e consensia multe reduida
dormi partal = es partal dorminte e partal veliada, egal cuando on comensa dormi o comensa velia
dormosa = tan fatigada ce on desira forte dormi o comensa an adormi nonvolente
dorso = la surfas a retro de la corpo umana, de la spalas asta la ancas; la surfas superior de la corpo de un animal; la parte de la covrente de un libro cual es vidable cuando la libro es sur un scafal, tipal indicante la titulo e nom de autor; la lado cual no es la lado xef de un cosa plata, como un moneta o medalia
dosa = dona un cuantia spesifiada de un medisin o droga a (algun)
dosolojia = (en cristianisme) un imno corta espresante loda a Dio
dote = propria o mone cual un sposa nova trae a sua sposo cuando los sposi
dotor = un person ci ia completi la curso la plu alta per pratica medica, o en un sujeto a un universia
dotoria = la grado universial la plu alta
dotrina = un colie de consetas teorial per un promove siensal, filosofial, political, relijiosa o simil
dox = un esposa a la interede de informa privata sur algun, sin sua permete, tipal per domina el
Dr = dotor
dracma = la unia istorial de mone en Elas
draga = limpi la fondo de (un porto, rio o otra acua) par escava fango, malerbas e dejetadas con un aparato spesial; catura (pexes) par tira un rede grande tra la acua
dragabombeta = un barcon o avion capas de deteta e destrui bombetas
dragon = un monstro mital cual pare como un retil jigante, e en mitos european ave alas e espira foco, ma en mitos de Asia este es regardada como beneficante e es asosiada con acua e la sielo
Dragon = un constela en la parte la plu norde de la sielo
dragon = un moscetor ci ia combate como e cavalor e infantrior; un soldato montante de alga rejimentos moderna
dragster = un auto construida o alterada per partisipa en corsas corta e reta en concursos de aselera
draisin = un veculo lejera usada a un ferovia per manteni lo, tipal propulsada par manos o pedes
dram = la unia de mone en Haiastan
drama = un nara presentada par atores en teatro, radio o televisa, tipal emosial
dramaturjia = la teoria e pratica de composa dramas
drape = ordina (stofa o vestes) en modo laxe o casual sur o sirca un cosa o person
dravidian = pertinente a un familia de linguas parlada en Barat sude e Srilanca, o a la poplas ci parla los
drena = (un licuida) flue de sua contenador, lasante lo en state vacua o seca
drepani = un avia cantante de Hawaii, con beco spesialida per come netar
driade = (en mitolojia elinica) un spirito fema ci preside cuercos o, plu jeneral, tota arbores
dribla = (en futbal, hoci e bascetbal) avansa (la bal) par tocas o bondis peti
droga = un materia cual afeta la corpo o mente cuando on introdui lo a la corpo, comun un narcotica o stimulante
drogamania = un abitua fisical e mental de la usa de un droga, tipal sin capasia de sesa sin mal efetos
droma = un avia vadante, simil a un pluvial ma con gamas longa, cual prefere come crabes
dromedario = un camel arabi con un jiba, tipal usada per monta o corsa
drongo = un avia cantante con plumas briliante negra, e tipal un cresta e un coda longa e divideda
drosera = un planta peti e carnivor, con folias con capeles aderente per trapi insetos
drosofila = un mosca multe peti, comun nomida "moscas de fruta" per sua tende de es atraeda a frutas, spesial frutas tro matur
Druciul = un pais peti en Asia sude, a norde de Barat e a la lado sude-este de la Montes Himalaia
druida = un prete o previdor en la relijio de la celtas antica
drupa = un fruta pulposa, con casca magra e un seme dur sentral
du = 1 + 1, la numero entre un e tre
du- = con du composantes; (en jenealojia) un person relatada en la jenera cual presede la asendente o segue la desendente indicada
dual = pertinente a du, spesial como un forma gramatical entre singular e plural; (un crede o fenomeno) composada de du aspetas a la mesma tempo
dual = la otra membro en un grupo de du cosas
dualia = la cualia de un cosa dual
dualisme = la crede ce on pote esplica la mundo par du prinsipes fundal, per esemplo mente e materia, o bon e mal
duplia = la cualia de un cosa duple
duplisme = (en filosofia) un divide de un clase a du suclases egal; (en biolojia) un divide de un jenera a du spesies, o la divide e sudivide repeteda de la talo de un folia o un vena de la corpo
termoduple = un aparato per mesura temperatur, composada de du filos de metales diferente, juntada a du puntos
duana = un departe ofisial cual colie la tarifa sur benes emportada; la loca a un porto, airoporto o frontera do ofisiores esamina persones, benes e bagaje entrante
Dublin = la site capital de Er
dubnio = la elemento cimical con numero atomal 105
ducat = un moneta de oro, istorial comun en Europa
dudesim = un moneta egal a sinco sentimes
duela = (un person) combate contra un otra par causa de un ofende
dufel = un stofa de lana ru e spesa
dugong = un mamal de mar trovada a la costas de la Mar Indian, de Africa este asta Australia norde
dulse = con sabor plasente, como zucar o miel; no salosa, asida o amarga; (un person) de bon natur; (un bebe, animal peti o simil) amable, bela, atraosa; (un musica) alga cuieta juada
dulsimer = un strumento de cordetas, con corpo longa con trastes, tipal juada par toca o con plectro
dulsimer martelida = un strumento de cordetas simil a un sitra, ma juada con marteletas
duna = un colina o cresta de arena, formida par la venta, tipal a la costa de mar o en un deserto
duo- = du
duodeno = la parte prima de la intestin magra, direta pos la stomaco
duopolio = un situa en cual du furnores domina la mercato de un ben o servi
dur = no mol; solida, firma e resistente presa; no fasil per rompe, curvi o perfora; (un ambiente) difisil per abita; difisil per fa o solve
dura = continua esiste tra avenis o situas difisil
dura- = dur, firma
duramadre = la membrana dur esterna cual envelopa la serebro e la medula spinal
durian = un arbor grande tropical; la fruta de esta, conteninte un pulpa cremosa
durzi = pertinente a la seta de islam trovada en Lubnan e Suria, o a sua membros
dusun = pertinente a un popla abitante la norde de Borneo, o a sua lingua
duta = senti nonserta o nonconvinseda sur
duto = un tubo o canal per gida la move de licuida, aira, cordones, etc; (en la corpo) un tubo o canal per la move de limfa o secretes de glandes; (en plantas) un tubo o canal per la move de acua, sava o aira
acuaduto = un ponte sur cual un rio traversa un vale
oviduto = la tubo tra cual un ovo pasa de un ovario
dux = un aparato cual jeta acua per lava; un saleta en cual un person pote sta su esta per lava se
duxierba = un aparato de jeta, usada per acui jardines
Duxanbe = la site capital de Tadjicistan
duxe = un om ci teni la titulo eritada la plu alta en la aristocratia de Britan e alga otra renas; la renor mas de un stato peti autonom
arciduxe = un duxe xef
DVD = disco video dijital
e = la letera sinco de la alfabeta roman, e sua nom; la nota tre de la scala diatonica de C major
e = ance, en ajunta (juntante du espresas o frases cual es membros egal de un lista o grupo)
e- = eletronical
ebano = un lenio negra o brun oscur; la arbor tropical cual produi esta
ebefrenia = un varia cronica de scizofrenia, marcada par rie e condui enfantin
ebola = un maladia grave comunicable, marcada par febre e sangui interna
ebonita = cauxo vulcanida, cual deveni dur e negra
ec. = de la eda comun
EC = de la eda comun
ecarte = un jua de cartas per du persones, usante tredes-du cartas; (en baleto) un posa en cual un braso e la mesma gama es estendeda a lado
ecdisozon = un clado o suprafilo de animales cual inclui artropodos, nematodos e otras cual perde sua esosceleto
ECG = eletrocardiograf
ecidna = un mamal spinosa e insetivor de Australia e Gine Nova, con beco e garas longa, cual produi ovos e come formicas
ecimose = un malcolori causada par la cumula de sangue su la pel, tipal de un contusa
ecinodermato = un filo de nonvertebratos incluinte stelas-de-mar, erisos-de-mar e concombres-de-mar
ecipo = un grupo de persones ci labora con lunlotra; un grupo de juores ci formi un lado en un jua o sporte; un grupo peti de soldatos con un taxe comun
coecipor = un person ci es un membro de la mesma ecipo
Ecipo = la sinco linguas de fonte de elefen, regardada como un grupo: espaniol, catalan, italian, portuges e franses
Ecipon = la Ecipo con ance la lingua engles
eclampsia = un maladia en cual convulsas aveni en un fem ensinta ci sufri de presa sangual alta, comun segueda par coma, e cual menasa la sania de la madre e la bebe
ecler = un pasta dulse, peti e mol, plenida con crema
ecletica = derivante ideas o stilo de fontes diversa e vasta; (en filosofia) pertinente a un grupo de filosofistes antica ci ia eleje ideas de fontes diversa en loca de segue un scola
eclis = un oscuri de la lus de un ojeto sielal par la pasa de un otra entre lo e la oservor, o entre lo e sua fonte de lumina
eco = un sona, o serie de sonas, causada par la refleta de ondas de sona de un surfas a la escutor; un refleta simil de un raio de ondas, como de radio o radar
eco- = pertinente a ecolojia
ecograf = un aparato cual analise sona refletada e produi un representa grafica, tipal usada en medica, per esemplo per oserva la crese de un embrio
ecogram = un imaje o graf produida par un ecograf
ecolalia = un maladia de mente en cual on repete automata lo cual otras dise
ecoloca = descovre la loca de (un cosa) par deteta sonas refletada, como fada par delfines, ciroteros, etc
ecolojia = la ramo de biolojia cual studia la relatas entre organismes e entre los e sua ambiente fisical
econometria = la ramo de economia cual aplica metodos statistical a la studia empirical de teorias e relatas economial
economia = la ricia e recursos de un nasion o rejion, spesial notante la produi e consuma de benes e servis; la siensa e studia de esta
economia de mercato = un sistem de economia cual depende de la interata de demanda e ofre
ecoside = destrui la ecolojia de (un loca), tipal con intende
ecotono = un zona de cambia entre du comunias biolojial
ectare = un unia metral per mesura area, egal a 100 ares
ecto- = (un mesura) multiplida par 100
ecto- = estra, esterna
ectoderma = la strato de selulas la plu esterna, spesial en embrios temprana
-ectomia = estrae sirurjial
ectopia = un loca o posa nonormal de un organo
ectoplasma = la strato esterna, clar e la plu viscosa de sitoplasma en selulas amebin
ectotermal = (un animal) con sangue fria, e cui temperatur depende de la ambiente
Ecuador = un pais en America Sude norde-ueste, con costa a la Mar Pasifica
ecuanim = (un mente) stable e nonturbable
ecuator = un linia imajinada sirca la Tera, a distantia egal de ambos polos, cual divide la Tera entre la emisferas norde e sude; un linia simil sur un otra ojeto sielal
ecui- = egal
ecuilibra = (un person o cosa) ave un distribui egal de pesa cual permete ce lo resta stable; (un state) conteni elementos diversa en proportios egal o coreta
ecuinote = la tempo o data (a du veses en cada anio, sirca 22 setembre e 20 marto) cuando la Sol traversa la ecuator de sielo, cuando la dia e la note es de longia egal
ecuisito = un planta sin flores, con tronceta vacua e sesionida, cual porta spirales de folias magra e produi sporas en conos a la estremas de la rametas
ecumenisme = la promove de unia entre la ramos de cristiania en la mundo
eczema = un tipo de dermatite en cual pesos de pel deveni ru e inflamada, con bulas cual causa pruri e sangui
ed = un letera anglosason e islansce, representante un fricante dental
eda = la cuantia de tempo tra cual un person o organisme ia vive o un cosa ia esiste; un periodo spesifiada de istoria; (en jeolojia) un divide major de tempo, min ca un epoca
coedal = (un person) de la mesma eda como un otra
edeago = un organo per copula, trovada en insetos mas
edelvais = un flor peti cresente en la montanias de Europa, con folias peluxetin e flores stelin
edema = un maladia marcada par la colie de tro multe licuida acuin en la cavetas o texedas de corpo
Eden = (en alga relijios) la loca do la umanas prima ia abita; (metafor) un loca o state de felisia grande, como un paradiso
eder = un pato de mares norde
edera = un planta trepante e perene, tipal con folias verde oscur con sinco puntos
ederdon = la plumas peti e suave de la peto de un eder fema, usada per pleni covreletos
Edinburg = la site capital de Alba
Edipo = un re elinica mital ci ia reali nonintendente un predise ce el va mata sua padre e sposi sua madre
edita = prepara (scrivedas) per publici, par coreti, condensa o organiza los; eleje elementos per (un filma o simil) e organiza los a un unia coerente; cambia (un testo) a un computador
editorial = un article en un jornal, espresante la opina de la editor sur un tema corente
edonisme = la xasa de plaser
-edro = descrivente un solida jeometrial, con un prefisa cual indica la cuantia de fases
decaedro = (un ojeto) solida con des fases plana
dodecaedro = (un ojeto) solida con des-du fases pentagon
esaedro = (un ojeto) solida con ses fases plana
icosaedro = (un ojeto) solida con dudes fases triangulo
otaedro = (un ojeto) solida con oto fases triangulo
poliedro = (un forma solida) con plu ca ses fases plana
tetraedro = (un solida) con cuatro fases triangulo
educa = instrui (un person) en modos inteletal e sosial, tipal a un scola o universia
educa ajuntada = educa pos la liseo, ma no a un universia
coeduca = educa (persones fema e mas) en junta
Edward, Lago = un lago a la frontera entre Uganda e la Republica Democrata de Congo
edwardian = pertinente a la periodo de Re Edward 7 de Britan e Er (1901-1910)
efedra = un arboreta perene de zonas calda e seca, con troncetas trepante e folias pico e scamin
efedrina = un medisin otenida de alga efedras, usada per constrinje la tubos sangual e abri la broncos
efemera = esistente o usada per un periodo multe corta
efemera = un inseto magra, con alas diafana e du o tre filetas longa a la coda, notada per sua vive multe corta
efeto = un cambia cual resulta de un ata o otra causa; un usa de sona o lumina per forti la ilude de un teatral o filma
efeto de Doppler = un cambia en frecuentia de sona, lus o otra ondas cuando la fonte e la oservor move a via de lunlotra
efetosa = composada de o causante un efeto major o multe efetos
eficas = susedosa en produi la resulta desirada o intendeda
efrata = entra a (un construida) nonlegal con intende crimin, spesial de fura
egal = con la mesma cuantia, grandia, grado o valua; (un max) en cual la ecipos fini con un cuantia egal de puntos
desegali = un modo de deside un ganior entre competores con puntos egal
eglefin = un pex arjentin gris de la Mar Atlantica norde, relatada a la gado
eglesa = un construida usada par cristianes per adora publica; un organiza cristian spesifiada; relijio organizada, regardada como un forsa political o sosial
ego = la senti de respeta o importa cual un person ave en relata a se; (en psicoanalise) la parte de la mente cual razona e deside; (en filosofia) un sujeto consensa e pensante
egomania = un egosia osesente
egosentral = pensante sola a se, sin regarda la emosias o desiras de otras; focada a o veninte de la perspetiva de un person
egreta = un tipo de eron, tipal con plumas blanca
ejacula = ejeta (semin) de la corpo a la momento de culmina sesal
ejemonia = gida o domina, spesial par un stato o grupo sosial
Ejeo = la rejion de la Mar Ejeo e la paises bordante
Mar Ejeo = un parte de la Mar Mediteraneo entre Elas e Turcia
ejean = de o pertinente a la rejion de la Mar Ejeo e sua costas e isolas
ejeta = forsa o lansa (un cosa) a estra, tipal en modo subita o forte
Ejipte = un otra nom per Misre
ejiptolojia = la studia de la lingua, istoria e sivilia de Ejipte antica
ejitalido = un avia peti e pasarin de Eurasia, con color blanda e coda relativa longa
el = representante un person, un animal personin (per esemplo un mamal o avia), un robot personin, o (metafor) cualce otra cosa o fenomeno personida (per esemplo en racontas per enfantes)
elisme = la abitua de refere a se par sua nom o como `el`
ela = representante un person o animal fema
Elam = un stato antica en Iran sude-ueste, fundida en la milenio 4 AEC
Elas = un pais en Europa sude-este con costas a la Mar Ejeo, la Mar Ionica e la Mar Mediteraneo
elinici = (istorial) (un otra popla) segue la cultur elinica antica
elastan = un stofa elastica de poliuretan, tipal usada per calsas, vestetas e otra vestes abrasante
elastica = (un ojeto o materia) capas de reveni spontan a sua forma normal pos contrae, dilata o contorse
elefante = un mamal grande, pesosa e erbivor, con trompa prensil e dentones longa de ivor, nativa de Africa e Asia sude
elefante-de-mar = un foca grande, cual reprodui a la costa ueste de America Norde e la isolas sirca Antartica, cui mas es multe plu grande ca la fema e ave un colo spesa e un beco inflable cual sembla la trompa de un elefante
elefanti = deveni o condui como un elefante; (nonformal) usa elefen en modo torpe
elefantiase = un maladia en cual un membro o otra parte de corpo deveni multe grande par causa de la impedi de la dutos limfal, tipal par un nematodo parasito
elefen = pertinente a lingua franca nova
elegante = bela e refinada
eleje = deside ci o cual de du o plu alternativas es la plu bon o la plu conveninte
preelejal = aveninte en la tempo ante un eleje
elejia = un poesia de refleta seria, tipal un lamenta pos un mori; un poesia elinica o latina, scriveda en duples elejial
elemento = un parte o aspeta fundal de alga cosa, spesial si esensal o tipal; cada de plu ca 100 materias cimical cual no pote es simplida e cual es la partes fundal de tota materias; (en filosofia antica) cada de la cuatro composantes de materia: acua, aira, foco, tera; un fenomeno forte de la clima, como un venton o pluvon
elemental = fundal o esensal; pertinente a elementos
eletrica = un forma de enerjia cual resulta de la presentia de particulas cargada, como un cumula statical de carga o como un corente dinamical
idroeletrica = eletrica jenerada par enerjia idraulical
eletro- = eletrica
eletrocuta = feri o mata (algun) par xoca eletrical
eletrodo = un condutador tra cual eletrica entra a o sorti de un ojeto, materia o loca
eletroforese = la move de particulas cargada en un licuida o jelatin su influe de un campo eletrica
eletrolise = envia un corente eletrical tra (un licuida o disolve) cual conteni iones
eletrolito = un licuida o jelatin cual conteni iones e cual pote es descomposada par eletrolise
eletron = un particula suatomal e stable, con carga eletrical negativa, trovada en tota atomes e funsionante como la portante xef de eletrica en solidas
eletronica = la ramo de fisica e tecnolojia cual pertine a la desinia de sircuitos con transistores e microtelias, e a la condui e move de eletrones en condutadores, semicondutadores, gases o un vacua
eletronvolte = un unia de enerjia egal a la enerjia cinetical ganiada par un eletron aselerante tra un vacua con voltaje de 1 volte, aprosima egal a 1.6×10⁻¹⁹ jules
Eleusi = un vileta elinica, prosima a Atena, do un templo antica de Demetra ia sta, famosa par sua misterios
eleva = cura (un enfante) asta cuando el es matur; cura animales, spesial sua reprodui
elfo = un organisme mital con forma umana, comun peti, con oreas puntida e potias majiosa
elianto = un planta alta de America Norde en familia de margarita, con flores jala grande
elica = con forma enrolada o spiral; (un ase) portante un o plu lamas larga e angulida, como en un ventador
eliceta = un parte strana ma belinte, con forma risa o complicada, en arciteta, musica, vestes, ornetas, etc
elicotor = un tipo de volador cual usa du o plu rotores per asende e propulsa se
elidi = omete (un sona o silaba) cuando on parla
elimina = sutrae o esclui completa
elinisme = la cultur de Elas antica entre la mori de Alexandro la Grande e la batalia de Action, o a la studia o imita de esta
elio = la elemento cimical con numero atomal 2, un gas inerte
eliofilia = un atrae a lus de sol
eliosentrisme = la model moderna de la sistem solal, con la Sol como sua sentro
eliotropo = un purpur pal
eliotropo = un planta en familia de boraja, cultivada per sua flores blu o purpur cual es usada en parfum
eliporto = un airoporto per elicotores
elise = con forma de un sirculo platida, la resulta de talia un cono par un plano inclinada cual no crusa la funda
elisoide = un forma tridimensional simetre a tre ases perpendicular, cui talia traversal a un ase es un sirculo e tota otra talias es elises
elisurfas = un atereria per elicotores
elite = avente la autoria, favore, state o prestijia la plu grande en un sosia o asosia
elizabetan = pertinente a la periodo de Rea Elizabeth 1 de England e Er (1558-1603)
elminto = un verme parasito de clases diversa
antielmintal = un medisin per elimina elmintos
elmo = un xapo dur, portada par soldatos, polisiores, sportores, etc per proteje sua testa; un aparato portada sur la testa per esperia un realia virtual
elmeta = un elmo cual covre sola la parte alta de la testa
elmon = un elmo cual covre la testa intera
elo = representante un person o animal mas
em = espresante esita
ematemese = la vomiti de sangue
ematita = un mineral negra rojin, composada de osido ferica
emato- = sangue
ematolojia = la studia de la fisiolojia de sangue
ematoma = un infla solida de sangue coagulada en la texedas; dana cual apare como un area de pel malcolorida, causada par la rompe de dutos sangual
ematopoiese = la produi de selulas de sangue e trombosites, cual aveni en la medulas de la osos
ematoxilo = un jenera de plantas florinte en la familia de legumes
ematozon = un parasito cual vive en sangue
ematuria = la presentia de sangue en urina
embarasa = fa ce (algun) senti torpe, autoconsensa o vergoniosa
embarca = entra a (un veculo); comensa (un taxe o discute, tipal importante o difisil)
embargo = un proibi ofisial, tipal contra comersia con un nasion spesifiada
emberiza = un avia cantante de la mundo vea en familia de pinson, ci come semes e ave plumas con bandas brun e un testa forte marcada
embiotero = un inseto tropical o sutropical, capas de produi seda de sua gamas fronte per crea un pox per abita
embolo = un trombo, bola de aira o simil cual bloci un arteria
embolia = un bloci de un arteria par un embolo
embosce = espeta ascondeda e ataca surprendente
embraje = un aparato per lia e deslia un motor e un engranador
embrio = un enfante developante de cualce spesie, ante sua nase o emerje de ovo; un bebe umana ante sua nase, spesial en la oto semanas prima pos consepi, ante cuando tota organos developa; (en botanica) la parte de un seme cual va deveni un planta
embriolojia = la ramo de biolojia e medica cual studia embrios e sua developa
embuto = un tubo cual es larga a supra e magra a su, usada per gida licuidas o polvos tra un abri peti; cualce strutur o caveta con forma embutin
eme = un composada de un ion de fero en un anelo de porfirin, cual formi la parte nonprotenal de emoglobina e alga otra moleculas biolojial
Emelia = un rejion istorial de Italia norde, aora un parte de Emelia-Romagna
emeri = un spesie grisin negra de corindon conteninte osido de fero, tipal usada en forma moleda como un sustantia raspante
emerje = deveni vidable par move a estra o a via de alga cosa; (un animal) sorti de un ovo, cocon o crisalida; (metafor) deveni evidente, importante o conoseda
-emese = vomiti
emete = produi e descarga (alga cosa, spesial gas o radioativia)
emfisema = un maladia en cual la alveoles de la pulmones es danada e grandida, causante respira difisil
emi- = dui
-emia = disturba medical de sangue
emion = un asino savaje de Asia, con pelo pal brun e un banda oscur sur la dorso
emiplejia = un paralise de un lado de la corpo
emo = pertinente a un jenero de roc cual asentua la espresa de emosias, o a la cultur de sua presentores e fanes
EMO = en mea opina
emo- = sangue
emofilia = un state en cual la sangue no coagula bon, tal ce la sufror sangui grave an pos un feri minor
emoglobina = un protena roja cual transporta osijen en la sangue de vertebratos
emoji = un imaje dijital e peti, usada per espresa un idea o emosia en comunica eletronical
emolise = (selulas roja de sangue) deveni destruida, relasante emoglobina
emoraje = perde un cuantia grave de (sangue) de un duto sangual rompeda
emoroide = un vena o grupo de venas inflada en la rejion anal
emosia = afeta la sentis de (algun) par felisi, tristi, coleri, asusta, etc
emosianina = un protena conteninte cupre, cual transporta osijen en la plasma de sangue de artropodos e moluscos
emosicon = un representa de un espresa de fas, tapeda como un serie spesial de sinias, usada per espresa emosias en comunica eletronical
emosite = un selula de sangue
emositoblasto = un de la selulas de sangue cual produi plu selulas de sangue, tipal en la medulas de la osos
emostase = la sesa de un flue de sangue
emostaseolojia = la ramo de medica cual pertine a la nonsirculi de sangue
emotoxina = un toxina cual afeta la sangue
empanada = un comeda de pasta plenida con carne, ceso, mais, etc, e fritada, comun en Espania e paises en Sude America
empapa = pone (un cosa) en un licuida cual lo va asorbe partal; (metafor) ensenia un dogma a (algun)
empatia = comprende e comparti la emosias de (un otra person)
empireo = (en alga relijios) la parte la plu alta de la sfera de sielo do divines abita; un loca en la sielo composada de foco o eter pur en cosmolojia antica
empirical = fundida sur esperias e oservas sertable, en loca de sola teoria o lojica
emplea = furni labora a (algun) e paia a el per lo
emporta = (un nasion) trae (un ben o servi) de un otra nasion per vende interna; introdui (un idea) de un loca o contesto diferente; (en informatica) usa (datos) produida par un otra program
emprende = dedica se a (un taxe o encarga) e comensa lo
coemprende = un emprende comersial fada en junta par du o plu partitos ci reteni sua identias individua en otra modos
empresta = prende e usa (un cosa cual parteni a un otra person) con intende de redona lo a pos; prende e usa (mone) de un person o banco, con acorda ce on va repaia lo
emu = un avia grande de Australia, capas de core rapida ma no de vola, simil a un astruzo
emulsion = un sperde de gotas pico de un licuida en un otra en cual lo no es disolvable o miscable
en = a interna de; esente (o parente es) encluida o ensircada par
en = entrante a
en = pos la comensa e ante la fini de (un aveni o situa)
en = espresada o fada par usa (un lingua, media o modo)
en- = en, a en
en = la unia de mone en Nion
-en = idrocarbono nonsaturada
enaira = comensa vola
enama = comensa ama
enama = (un person) fa ce (algun) comensa ama el
encalia = (un barco, viajor o animal) deveni trapida a un plaia sin modo de sorti
encampa = restrinje (algun) a un rejion cluida per razonas political o militar
encanta = deleta forte (algun); influe o controla (algun) par deleta el
encarga = demanda o comanda ce (algun) emprende un rol o taxe per cual el va es culpable si el fali
encefalina = cada de du composadas cual esiste natural en la serebro, relatada a la endorfinas con efetos simil
enclave = un rejion ensircada par un teritorio plu grande, cui abitores es distinguida par cultur, relijio, lingua o etnico; cualce loca o grupo cual difere de los cual ensirca lo
enclui = ensirca a tota lados; restrinje (algun) par pone el en un sala cluida; separa (un comunia) de la mundo esterna
encolie = acrupi asustada o repulsada
encontra = veni a la mesma loca como (algun) o reuni con (algun), en modo organizada o acaso; trova (un problem) cuando on no nonespeta lo; (du cosas) deveni tocante lunlotra
endemia = un maladia o state frecuente trovada en un popla o rejion spesifiada
endirije = eleje un curso per envia (alga cosa); envia (datos, pacetas o informa) a la destina coreta en la interede o un otra rede de computadores
endo- = en
endocrin = (un glande) cual secrete ormones o otra produidas a direta en la sangue
endocrinolojia = la ramo de fisiolojia e medica cual studia la glandes endocrin e ormones
endodontia = la ramo de odontia cual pertine a la pulpa a interna de un dente
endogama = sposinte un person de sua propre comunia, clan o tribu; reproduinte con un individua prosima relatada
endojenese = crese de interna
endojenesal = con orijina o causa interna; cresente o orijinante a interna de un organisme
endometrio = la membrana mucosa cual fore la utero e spesi en la sicle menstrual per aseta posible la implanta de un embrio
endometriose = un maladia causada par texedas endometrial estra la utero e causante dole de la pelvis
endonim = (un nom de loca) usada par persones en acel rejion, per esemplo `Jonguo`
endoplasma = la strato la plu interna de la sitoplasma de selulas amebin
endoreica = (un lago o rio) perdente acua par vapori o filtri, e no par esflue
endorfina = cada de un grupo de ormones secreteda en la serebro e sistem de nervos, cual ave un efeto simil a opio
endoscopio = un aparato medical cual on pote introdui en la corpo per regarda organos interna
endostilo = (en alga animales primitiva, como lampreas) un ranur con silios a la mur ventral de la farinje, cual produi muco per colie particulas de nurintes
endotelio = la texeda cual formi un strato de selulas forente multe organos e cavetas de corpo, spesial la cor, la dutos sangual e la dutos limfal
endotermal = (un animal) con sangue calda, e capas de jenera caldia interna
enebria = (algun) perde controla de sua condui e capasias pos asorbe de un droga o alcol
enebria = (un droga o alcol) fa ce (algun) perde controla de sua condui e capasias
desenebria = estrae (algun) de un state de enebria
Eneida = un poesia epica en latina, en dudes libros, par Verjilio, cual raconta la viajas de Enea pos la defeta de Troia
enema = un trata medical en cual licuida o gas es injetada en la reto, tipal per aida feci, ma ance per introdui drogas o permete radiografi
enemi = un person o persones ci oposa o ataca un person o cosa
arcenemi = un person ci oposa un person o cosa en modo estrema e unica
enerjia = la fortia nesesada per ativia fisical o mental; la potia derivada de recursos fisical o cimical, usada per furni lus o caldia o per opera macinas; (en fisica) la cualia de materia e radia cual mostra se como la capasia de fa labora; la grado o nivel de esta poseseda par alga cosa o nesesada per un prosede
enets = pertinente a un popla samodeica de Sibir norde ci es pastores de renos, o a sua lingua
enfante = un umana joven e sesal nonmatur; un animal sesal nonmatur; un fia o fio
enfante con clave = un enfante ci ave un clave de la casa e resta ala sin adultes en la dia
estraenfante = un enfante de sua spos par un otra sposi
enfantiside = mata (un enfante)
enferno = (en alga relijios) un loca spirital do persones mal es punida pos mori
enflue = flue a en; (datos o testo) entra a un computador
enforsa = forsa la obedi de (un lege, regula o obliga)
engana = fa ce (algun) crede alga cosa cual no es vera, tipal per ateni un vantaje personal
England = un pais de Europa cual formi la parte la plu grande e la plu sude de Britan
engles estuarial = un dialeto fonetical de engles, parlada par un cuantia grande de persones de London e rejiones este longo la Rio Thames
engoli = permete ce (un comeda, bevida o simil) desende la garga; (un sustantia o forte) covre o enclui completa (un person o cosa)
engrana = (piniones) interlia per move un macina o veculo; entra a un combate o batalia
enigma = un person o cosa misteriosa o difisil per comprende
enlinia = lia (un person, casa, aparato, etc) a la interede; publici (un paje, video, etc) en la interede
enlinia = un ata de lia o deveni liada a la interede; un ata de publici en la interede
enliniada = liada a un computador o rede de computadores; (un servi o ata) disponable o fada en la interede
eno- = un, sola
enorme = con estracomun multe grandia, cuantia o estende
enotera = un planta con flores jala cual abri en la sera e produi semes de cual on pote estrae un olio medical
enrola = move se a un posa curva e comfortosa
enrola = curvi (alga cosa) sur se per dona a lo un forma compata e simil a un bal; fa ce (un aparato, tipal un orolojo) funsiona par turna un clave o manico
enrola de piano = un enrola de paper perforada cual controla la moves de la teclas en un piano automata
enscrive = scrive o siseli (parolas o simboles) sur alga cosa, spesial como un arcivo formal o permanente; organiza, par paia a ante, ce (algun) va reseta periodal un jornal o simil; rejistra (algun) per partisipa en alga cosa, spesial per deveni un soldato, un membro de un instituida, o un studiante en un curso
ensefalo = la contenidas de la cranio, incluinte la serebro, la serebreta e la tronco de ensefalo
ensefalite = un inflama de la serebro, causada par un infeta o un reata alerjica
ensefalograf = un aparato per rejistra la strutur o ativia de la serebro
ensefalogram = un rejistra creada par un ensefalograf
eletroensefalograf = un aparato per rejistra la ativia eletrical de la serebro
eletroensefalogram = un rejistra creada par un eletroensefalograf
ensefalomielite = un inflama de la serebro e medula spinal, tipal causada par un virus
ensela = pone un sela sur (un cavalo o otra animal)
ensende = comensa arde; (un fusil) comensa xuta; (un lampa) comensa lumina
ensenia = mostra o esplica (alga cosa) a algun; dona informa sur (un capasia o sujeto) a algun
ensiclica = pertinente a un letera de la pape enviada a tota bispos de la Eglesa Catolica Roman
ensiclopedia = un libro o colie de libros con informa sur multe sujetos o multe partes de un sujeto, tipal alfabetal ordinada
ensinta = (un fem o animal fema) con un feto developante en sua utero
ensirca = estende sirca tota lados de (un cosa); inclui; pone un mano, o cosa simil, sirca (un cosa)
ensofla = suca (aira, un odor, un sustantia) tra la nas, tipal con un sona
enspira = fa ce (aira, gas o fuma) entra a se par respira
entablamento = un lintel continuante en un construida de stilo antica roman o elinica, suportada par colonas o un mur
-ente = ajuntada a un verbo per formi la partisipio ativa
enteojen = (un sustantia) jenerante un sensa o senti mistica, spirital o divin
enteojen = un sustantia psicoativa cual jenera un sensa o senti mistica, spirital o divin
entera = pone o asconde (un cosa) su la tera; pone (un corpo mor) en la tera, un tomba o la mar, tipal con rituos funeral
enterite = un inflama de la intestin, tipal en la intestin magra, comun causante diarea
entomolojia = la ramo de zolojia cual studia insetos
entoprocto = un membro de un filo de animales acual, formida como copas con troncetas longa
entra = veni o vade a en (un loca); presenta sua identia per comensa usa un program o loca de rede
entra = fa o permete ce (un person o cosa) entra a un local; fa ce (datos) entra a un aparato
entre = a, en o tra la spasio o tempo cual separa (du o plu ojetos, areas o avenis)
entre = (un cuantia) divideda par (un otra)
entre- = entre
entretempo = en la periodo interveninte; en la mesma periodo (como un otra aveni ja descriveda)
entropia = (en fisica) un mesura de la cuantia de enerjia cual no es disponable per fa labora; (metafor) un desende a desordina o acasia en un sistem
nonentropia = la oposada de entropia
entxilada = un tortilia plenida con carne o ceso e servida con salsa de txili
enurese = urini nonvolente, tipal par enfantes a note
envelopa = un paper pliada e selable per conteni un letera o documento
envia = fa ce (un person o cosa) vade a un destina spesifiada, incluinte par metodos eletronical
envolve = covre o enclui (un person o cosa) en un materia mol, como paper o stofa; fa ce (un person o grupo) partisipa en alga cosa
enzima = un materia produida par un organisme, cual funsiona como un catalisente per un reata biocimical spesifiada
enzimolojia = la ramo de biocimica cual studia enzimas
eon = un periodo nondefinida ma multe longa de tempo; (en astronomia e jeolojia) un periodo de bilion anios; (en jeolojia) un divide major de tempo, plu ca un era
eora = pertinente a un popla nativa sirca la costa de Sydney en Australia
eosene = pertinente a la epoca du de la tersiar, entre la paleosene e la oligosene
eosin = un tinje roja e fluoresente
eosinofilia = un grandi de la cuantia de eosinofilicas en la sangue, cual aveni en responde a alga alerjenes, drogas, parasitos, e en alga tipos de leucemia
eosinofilica = un selula blanca de la sangue cual conteni granetas fasil per tinje con eosin
eparina = un composada en la figato e otra texedas cual redui la coagula de sangue; un medisin con la mesma efetos
epatal = pertinente a la figato
epatica = un planta peti, verde e sin flores, con talos folin o folias lobosa, e cual abita en zonas moiada
epatite = un inflama de la figato, tipal causada par un virus transmeteda en comedas o sangue
epe = un spada magra con punto agu, usada en duelas e scrima
epi- = sur, a supra, a contra
epica = pertinente a o en la stilo de poesias longa, tipal sur la aventuras de un eroe
epicanto = un plia de pel cual estende de la palpebra superior per covre la angulo interna de la oio, tipal en multe persones de Asia este
Epicuro = un filosofiste de Elas antica e la fundor de epicurisme
epidemia = un maladia comunicable cual vasti en un comunia a un ves spesifiada; cualce fenomeno nondesirada aveninte subita e vasta
epidemiolojia = la siensa de epidemicas
epiderma = la strato esterna de selulas covrente un organisme, como la surfas de la pel
epididimo = un de du dutos serpentin pos la testiculos, tra cual spermas pasa a la dutos seminal media
epifania = un apare de un spirito divin o supranatural; un aveni subita de intui o revela
epifenomeno = un state mental, regardada como un resulta ladal de la ativia de la serebro; un sintom ladal cual aveni simultan con un maladia, ma no es direta relatada a lo
epiglote = un ala de cartilaje a la radis de la lingua, cual es depresada per covre la abri de la tracea cuando on engoli
epigraf = un enscrive sur un construida o moneta; un sita corta a la comensa de un libro o capitol, sujestante la tema
epigram = un comenta o poesia corta e astuta
epilesia = un maladia de nervos, marcada par episodios subita de disturba de la sensas, perde de consensia, o convulsas, relatada a ativia eletrical nonormal en la serebro
antiepilesica = un medisin per combate epilesia
epiloga = ajunta un parte o parla a la fini de (un libro o presenta teatral), cual servi como un comenta sur o conclui per la avenis presedente; ajunta un paragraf pos la suscrive de (un letera); resoma elegante
epiproto = un protende de la rejion de la ano de alga insetos, usada en copula
episcopalian = pertinente a ramos de cristianisme cual promove governa par bispos, spesial lo en la SUA e Canada cual es derivada de la Eglesa Engles
episentro = la punto sur la surfas de la Tera cual es vertical supra la foco de un trematera
episodio = un situa cual aveni como parte de un serie plu grande; cada de un serie de naras o programes de radio o televisa
epistemolojia = la teoria de sabe, spesial sua metodos, valuas e estende
epistola = un letera postal (o epostal); un peso poesial o relijial scriveda como un letera
epistolografia = la arte o pratica de scrive leteras
epitelio = la texeda magra cual formi la strato esterna de la surfas de la corpo, e cual fore la duto de dijesta o otra strutures vacua
epiteto = un ajetivo o descrive cual espresa un cualia tipal de un person o cosa spesifiada; (en gramatica) un ajetivo cual parteni a un sintagma nomin, como `vea` en `la castel vea`
epoca = un periodo de tempo en istoria o la vive de un person, tipal marcada par avenis notable o cualias spesial; (en jeolojia) un divide major de tempo, plu ca un eda ma min ca un periodo
eponim = (un cosa) nomida per un person; (un person) donante sua nom a alga cosa
eposido = un composada organica cui molecula conteni un anelo de tre membros
epsilon = la letera sinco de la alfabeta elinica
Er = un pais en la isola grande a ueste de Britan Grande; esta isola, conteninte Er e Er Norde
Mar Eres = un mar entre Er e Britan
Er Norde = la parte de la isola Er cual parteni a Britan
era = no es coreta; ata en modo mal o noncoreta
era = (en jeolojia) un divide major de tempo, plu ca un periodo ma min ca un eon
eraldo = un mesajor ofisial cual trae novas; un person o cosa regardada como un indica de avenis seguente; (istorial) un ofisial ci supravide la rituos de la stato
erba = un planta, tipal corta, con folias longa e magra, cual crese savaje o es cultivada per nuri bestias o per crea campos sirca casas o de recrea; un zona estendeda de estas; cualce planta cui folias, semes o flores es usada en cosini o medica
erba-de-mar = un planta erbin cual abita en o prosima a la mar
erba-de-mate = un spesie de ilex de cual on prepara la bevida mate
erba de san Jacobo = un planta savaje comun, con flores jala
erba sitrica = cualce planta de la jenero _Cymbopogon_ con folias erisin e bonodorosa, comun usada como spises
colie erbas = xerca e colie erbas medisinal, per studia o vende
erberia = un colie de plantas secida, tipal sur paper
erbiste = un boteciste ci vende erbas medisinal
erbisteria = un boteca do on vende erbas medisinal
erbio = la elemento cimical con numero atomal 68
erbiside = un materia venenosa a plantas, usada per destrui plantas nondesirada
erbivor = (un organisme) cual come sola plantas
erbolojia = la studia e pratica de la usa medical de plantas
eremita = (un person) ci vive solitar como un disiplina relijiosa o (metafor) per cualce otra razona
erese = con credes o praticas cual no acorda con la forma ofisial o jeneral asetada, tipal pertinente a relijio
ergativa = pertinente a un lingua como euscara o inuit, en cual la sujeto de un verbo nontransitiva condui gramatical como la ojeto de un verbo transitiva, e diferente de la sujeto de un verbo transitiva; pertinente a un tal verbo
ergonomia = la studia de refina la desinia de ojetos per masimi la perosia de sua usores
ergote = un fungo cual crese sur segal e plantas relatada e produi alcaloides venenosa
-eria = ajuntada a un verbo, nom o ajetivo per nomi un loca: con un verbo, lo nomi un loca do on fa la ata indicada; con un nom, lo nomi un loca do on produi, usa o reteni la cosa indicada; con un ajetivo, lo nomi un loca do on aplica la cualia indicada
erica = un arboreta peti, con folias peti e cuorin e flores formida como campanas peti ros o purpur
Eridano = un constela en la sielo sude, nomida per un rio mital
Erie, Lago = un de la sinco Lagos Grande de America Norde, a la frontera entre Canada e la SUA
erije = deveni rijida e vertical
eriso = un mamal peti e noturna de la mundo vea, con pelo spinosa e gamas corta, e capas de enrola se como un bal per defende se
eriso-de-mar = un ecinodermato con conca sfera o plata, covreda con spinas movable, con un boca a la fondo
erita = reseta (mone, propria o un titulo) cuando la proprior presedente mori; reseta (un cualia) jenetical de sua jenitores o asendentes
eritisme = la teoria ce la majoria de la cualias de viventes, spesial de umanas, es eritada
eritema = un roji de la pel, tipal a multe areas peti, causada par un feri o irita cual ia dilata la capilares
eritro- = roja
eritroblasto = un eritrosite nonmatur, conteninte un nucleo
eritromisina = un antimicrobial usada per trata infetas causada par alga baterias, simil a penisilina
eritropoiese = la produi de eritrosites
eritrosite = un selula roja de la sangue, cual transporta osijen e diosido de carbono a e de la texedas
ermeneutica = la teoria e metodolojia de interprete, spesial en relata a testos biblial
ermino = un mamal peti e carnivor en familia de mustela, con coda negra, peto e adomen blanca, e pelo de color de castanias ma tipal intera blanca en inverno
ernia = (un parte de un organo) protende tra la mur de la caveta conteninte, per esemplo la intestin a un punto debil de la mur de la adomen
erode = (venta, acua o un otra fenomeno natural) causa la diminui gradal de (tera o roca) par frota continuante
eroe = un person ci es amirada o idealida per sua coraje, atenis eselente o cualias nobil; la carater xef en un libro, filma o presenta teatral, tipal con bon cualias e ci lejores o regardores pote compatia; un person mital de cualias supraumana, comun de orijina semidivin
eroina = un paradole multe abituante, derivada de morfina, comun nonlegal usada per produi estasia
eroinamania = un drogamania per eroina
erojen = sensosa a stimula sesal
eron = un avia grande e vadante con gamas longa, colo longa con forma de S, e beco longa e puntida, cual come tipal pexes
Eros = (en mitos elinica) la dio de ama e desira sesal
erotica = tendente stimula desira sesal
omoerotica = pertinente a o causante un desira omosesal
erpes = cada de un grupo de maladias causada par alga viruses, afetante la pel, tipal con bulas, o la sistem de nervos
erpetolojia = la ramo de zolojia cual studia retiles e amfibios
Ertra = un pais en Africa norde-este, a la Mar Roja
erudita = avente o mostrante sabes detaliosa sur sujetos academial
eruga = la larva de un papilio, cual ave un corpo vermin e sesionida con tre duples de gamas vera e otra duples de membros cual pare como gamas
eruta = (un volcan) deveni ativa e ejeta lava, sene e gases; (un situa nondesirada) aveni subita e dramosa; (un maladia) apare subita sur la pel o otra parte de la corpo
es = ave la state, cualia, identia, natur, rol, loca, etc, spesifiada
es- = estra, de en
-es = ajuntada a un nom jeografial per formi un ajetivo pertinente a la loca
-es = nominte un abitor o lingua de un rejion spesifiada
-es = ajuntada per plurali un nom cual fini con un consonante
esa- = ses
-esa = ajuntada a un nom per crea un titulo formal per un fem
esagram = un stela con ses puntos, formida par la crusa de du triangulos ecuiladal; cada de 64 grupos de ses linias paralel, intera o rompeda, en la libro Iijing
esajera = representa (alga cosa) como plu grande, plu bon o plu mal ca lo es en realia
esajo = un scriveda corta sur un tema spesifiada
esametre = un linia de poesia composada de ses pedes
esamina = oserva atendente (un person o cosa) per determina sua natur o state; investiga completa; dona un serie de taxes o demandas per determina la sabe o capasia de (algun)
esarca = (en la eglesa ortodox) un bispo a un nivel plu basa ca un patriarca
esata = no aprosima en cualce modo; (detalias) intera coreta; (un siensa) usante mesuras detaliosa como un funda per teorias confirmable
esca = un materia seca e flamable, como lenio o paper, usada per inisia un foco
escapisme = un tende de leje libros fantasin o regarda filmas fantasin per evade la realia mundal
escara = pel mor desfisada de la surfas de la pel, plu comun en lesiones de arde, ma ance en gangrena, ulseras, etc
escatolojia = la ramo de teolojia cual pertine a la destina final de la alma e la umanas
escava = rompe e move (tera) con un util o macina, o con manos, pedes, beco, etc; crea (un buco, cava, tomba o canal) en esta modo; oteni (minerales) en esta modo
esce = lo es vera ce ...? (usada per introdui un demanda de veria)
esce no = ajuntada a la fini de un frase per cambia lo a un demanda
esce si = ajuntada a la fini de un frase per cambia lo a un demanda
esclama = dise o cria subita (alga cosa), spesial cuando on es surprendeda, coler o dolente
esclui = preveni ce (un person o cosa) entra a un loca; preveni ce (un person o cosa) deveni o resta un membro de un grupo; forsa ce (algun) parti de un loca, spesial un nasion
autoesclui = esclui se
escorta = acompania (un viajor o carga) per proteje o su garda
escota = talia la colo de (un veste) en modo cual esposa alga de la peto o senos
escrete = (un organisme) separa e dejeta (un materia, spesial un produida de metaboli)
escretemania = un osese con escrete
escurso = un visita par un grupo a un loca interesante, per turisme, educa o labora; (metafor) un vaga a un tema minor en un esajo o simil
escusa = atenta minimi la culpablia cual resulta de (un fali o ofende); pardona (algun) per un fali o ofende
escuta = atende la parla o sona de (un person o cosa)
esecuta = comensa e completi (un comanda, taxe, projeta); mata (algun) en modo formal; inisia (un program de computador)
esede = (un cuantia o grandia) es plu ca
esejese = esplica (un testo antica difisil) par comenta e interprete
esele = es spesial capas a un ata o sujeto
esemplo = un cosa cual representa sua spesie, tipo, grupo, etc, o cual mostra un regula jeneral
esenio = parteninte a un seta antica de iudisme cual ia flori entre la sentenio du AEC e la sentenio prima EC
esense = la cualia de alga cosa sin cual lo no pote esiste o es se; la parte o aspeta la plu importante de un problem o projeta
esenta = libri (algun) de un obliga o culpablia forsada a otras
eserse = es fisical o mental ativa per manteni o boni sua sania o capasia
eseta = spesifia (un person o cosa) como no parteninte a un categoria o grupo
esfiltra = sorti de (un loca) en modo secreta e gradal
esflue = flue a estra; (datos o testo) es produida par un computador
esflue = produi e emete
esforsa = labora forte en modo fisical o mental en atenta ateni alga cosa
esibi = mostra publica (un obra de arte o cosa interesante) en un museo, galeria o feria
esicia = la state de calma mental e spirital otenida par la pratica de esicisme
esicisme = un dotrina e pratica asceta en la tradision eremita ortodox este
esiciste = un person ci pratica esicisme
esije = comanda (alga cosa) en modo insistente o obligante; demanda en modo brusca
esiste = es real
coesiste = esiste a la mesma tempo o en la mesma loca; esiste tolerante lunlotra, an con ideolojias o interesas diferente
esita = pausa ante un dise o ata, tipal cuando on es nonserta; move o parla sin sertia; comensa perde fortia o momento
esitosa = comun o multe esitante
esmalte = un materia vitrin e opaca o diafana, aplicada a un surfas dur per orna o proteje lo
esmeralda = briliante verde
esmeralda = un varia de beril con esta color, rica de cromo e valuada como un jem
eso- = estra, a estra, a estra de
esocrin = pertinente a la glandes cual secrete sua produidas tra dutos cual abri a un epitelio e no direta en la sangue
esodo = un migra de multe persones partinte
esofago = la tubo entre la garga e la stomaco
esogama = sposinte un person de estra sua propre comunia, clan o tribu; reproduinte con un individua no prosima relatada
esonim = (un nom de loca) usada par persones estra acel rejion, per esemplo `Xina`
esorsi = forsa ce (un spirito mal) parti de un person o loca, usante rituos spesifiada
esosceleto = un covrente esterna e rijida cual suporta e proteje la corpo de alga animales nonvertebrato, tipal artropodos
esosfera = la parte la plu esterna de la atmosfera de un planeta
esotica = con cualias tipal de paises stranjer distante; atraente o interesante car estracomun
Espania = un pais en Europa sude-ueste, a sude de Frans e a este de Portugal
espera = senti o espresa un desira forte per (alga cosa) o ce (alga cosa) va aveni
esperanto = pertinente a un lingua creada par Ludwik L Zamenhof en 1887 per comunica internasional
esperia = encontra o sufri (un aveni); senti (un emosia)
esperimenta = usa la metodos de siensa per proba e investiga; proba consetas o modos nova de fa alga cosa
esperta = ci ave o usa multe sabe, capasia o esperia en un campo spesifiada
espeta = regarda (alga cosa) como probable, o como un obliga de otra persones; resta asta (un tempo o aveni spesifiada)
espetosa = espetante con un espera forte
espetora = tose o sputa (muco) de la garga o pulmones
espia = fa alga cosa compensante afin on pardona (un peca, crimin o otra mal ata)
espira = forsa (alga cosa) a estra la pulmones; (en fonetica) produi (un sona) con un espira peti de aira
espira dulse = un sinieta indicante ce la vocal inisial de un parola elinica antica es nonespirada
espira ru = un sinieta indicante ce la vocal inisial de un parola elinica antica es espirada
esplica = clari (un idea, situa o problem) a algun par descrive plu detalias de lo o par mostra otra fatos o ideas pertinente; dona un razona, escusa o justi per (un condui o disposa)
esplode = rompe violente como la resulta de combusta rapida
esplora = viaja en (un rejion nonconoseda) per aprende plu sur lo; investiga detaliosa (un sujeto)
esplota = usa (un recurso) per benefica de lo; benefica de (un situa o la labora de algun) en modo nonjusta
esponente = (en matematica) la potia a cual un numero es levada, tipal scriveda como un supraindise
esponental = (un crese) sempre plu rapida en proportio a un cuantia o grandia cresente
esporta = (un nasion) envia (benes o servis) a un otra nasion per vende; sperde o introdui (credes e ideas) a un otra comunia; (en informatica) move (datos) a un forma cual pote es lejeda par otra programes
esposa = fa ce (alga cosa, spesial informa) deveni vidable o conoseda
espresa = comparti (un idea o senti) en parolas, jestis o condui
espreso = cafe negra forte, preparada par forsa vapor tra favas de cafe moleda
espulsa = lansa o forsa (un person o cosa) a estra o a via, tipal en modo subita o fortiosa
esta = cual nos vide asi; cual nos veni de indica, o cual nos es a punto de indica
estasia = senti o espresa felisia o joia estrema
estate = la saison la plu calda de la anio, entre primavera e autono
este = (un loca o parte de loca) situada en dirije a la punto do la Sol leva a la ecuinotes; (un person o venta) veninte de esta dirije
estende = crese per ocupa un rejion plu vasta o un tempo plu longa; sperde
estende = fa ce (un cosa) estende; reti (la corpo, un braso o gama, o un aparato) per ateni o ofre alga cosa
estende de mano = la distantia la plu longa de la diton a la dito peti de un mano, per esemplo como un unia antica de longia
iperestende = estende (un braso, gama o junta) ultra sua limitas normal
ester = de o pertinente a la radis -COO
ester = un composada organica con cualce du grupos (otra ca -H) liada a un radis ester
poliester = un resina sintesal en cual unias de polimer es liada par grupos de ester; un stofa fabricada de fibres de poliester
esterna = forminte la surfas o strutur estra la parte major de alga cosa; pertinente a otra paises ca la propre; (un max) juada par un ecipo no sur sua propre tereno
estetica = la ramo de filosofia cual studia la natur de belia
Esti = un pais entre Rusia e Lietuva, a este de la Mar Baltica
estima = judi o calcula aprosima (la valua, cuantia o estende probable de alga cosa)
estima divinante = un estima apena plu bon ca un divina, usante informa nonfidable o nonsufisinte
estingui = (un foco o lumina) sesa arde o brilia; (un spesie biolojial) mori, desaparente de la mondo
estorse = torse e compresa (alga cosa); estrae (un licuida) de alga cosa en esta modo; oteni (un cosa) par forsa, menasa o otra metodo nonjusta
estra = situada ultra la bordas o limitas de (un loca, tempo o grupo)
estra = movente a ultra la bordas o limitas de (alga cosa)
estra = no incluinte, con eseta de, ma no
estra- = a estra, a ultra, en ajunta; indicante un person relatada par la resposi de un jenitor
estradi = dona (un person acusada o condenada de un crimin) a la autoria de un pais stranjer do la crimin ia es fada
estrae = prende (alga cosa) de un loca interna o ascondeda
estragon = un planta perene en familia de margarita, con folias magra e bonodorosa usada en cosini
estralinia = deslia (un person, casa, aparato, etc) de la interede; despublici (un paje, video, etc) de la interede
estralinia = un ata de deslia o deveni desliada de la interede; un ata de despublici en la interede
estraliniada = no controlada par o juntada a un computador o rede esterna
estrapola = estende la aplica de (un metodo o conclui, tipal fundida sur statistica) a un situa nonconoseda par suposa ce tendes esistente va continua o metodos simil va funsiona
estravagante = noncapas de sesa spende mone o usa recursos; con plu ca la cuantia asetable o conveninte; notable per un stilo multe colorosa o noncomun
estrema = a grado la plu alta; la plu distante de un sentro o punto spesifiada; (un ata) sever o radisal; (un person o opina) promovente tal atas
Estremadura = un comunia autonom en Espania ueste
estremofilia = un microbio cual abita en situas estrema de temperatur, asidia, alcalinia o consentra cimical
estrildido = un pinson en un familia de Australia e Asia sude-este, notada per sua nidos grande cupolin
estro = un periodo reaveninte de interesa sesal e fertilia en multe mamales fema
estrojen = un ormon steroide cual promove la developa e manteni de cualias fema de la corpo; un ormon simil, artifis produida per usa en contraconsepi e alga maladias de menopausa e menstrua
estroverti = es sosial e espresosa; (en psicolojia) es plu interesada en cosas esterna
estrui = puxa o forsa (alga cosa) a estra
estuario = la boca mareal de un rio grande
esuan = pertinente a la Statos Unida de America
Esuatini = un rena peti sin costa en Africa sude, nomida Suaziland asta 2018
esurbe = un distrito rica ultra la suburbes de un site
Eswatini = un rena peti sin costa en Africa sude, nomida Suaziland asta 2018
esvasa = (un veste o simil) deveni gradal plu abrida o larga; (un punio) abri
et- = nominte alcanos e otra idrocarbonos con du atomes de carbono
eta- = sete
eta = la letera sete de la alfabeta elinica
-eta = ajuntada a un nom per nomi un varia plu peti, como la enfante de un animal o un veste plu interna, corta o simple
-eta = ajuntada a un verbo per formi un otra verbo indicante la mesma ata en modo min intensa
etametre = un linia de poesia composada de sete pedes
etano = un gas flamable, sin color e odor, cual es un composante de petrolio e gas natural
etanol = un licuida volatil, flamable e sin color, cual es la composante enebriante de vino, bir e otra bevidas, ance usada como un disolvente industrial e como un combustable
etc. = e tal cosas, e tal continuante
eter = un composada organica con du grupos idrocarbonal liada a un atom de osijen; un licuida flamable, bonodorosa e sin color, usada como un disolvente e un anestesente; (en siensa antica e medieval) un materia cual pleni la universo ultra la tera
eteri = anestese par eter
etera = un papilio neotropical
eterna = sempre continuante, sin comensa o fini; valida per tota tempo; continuante per la vive intera de algun
etero- = diferente
eterodox = no conformante con normas o credes asetada o ortodox
eterodoxia = la cualia de un person, cosa o crede eterodox
eterojen = con cualias o aspetas diversa
eteronim = (un parola) con la mesma spele como un otra, ma con sinifia e pronunsia diferente
eterotrof = (un organisme) nurinte se de materias organica complicada
etica = la ramo de filosofia cual studia la condui bon o mal de persones
eticeta = un peso peti de paper, stofa o otra materia, fisada a un ojeto per dona informa sur lo; (en informatica) un cadena de sinias usada per identifia o categori alga cosa en testo o otra datos
radioeticeta = un transpondador sur un ojeto cual permete identifia lo par un campo eletromagnetal
etil = la radical idrocarbonal -C₂H₅, derivada de etano e presente en multe composadas organica
etilen = un gas flamable de idrocarbono, trovada en gas natural, gas de carbon, olio cru e fruta matur, usada en la fabrica de polietilen
polietilen = un resina sintesal, durante, lejera e flexable, fabricada par polimeri etilen, usada per fabrica sacos plastica, contenadores per comedas, e otra pacos
etimolojia = la studia de la orijina de parolas e sua sinifias cambiante tra istoria
etiolojia = la causa o causas de un maladia; un investiga de la causa de alga cosa, tipal espresada en modo istorial o mital
etnico = un popla con un cultur, lingua, relijio o orijina comun, tipal contrastada con la nasion en cual lo abita
multietnical = pertinente a plu ca un etnico
etnobiolojia = la studia de la biolojia de un etnico spesifiada
etnocoreolojia = la studia antropolojial de dansa
etnografia = la studia de un etnico
etnojenese = la jenese de un etnico
etnolojia = la studia de la cualias de poplas diversa
etnomusicolojia = la studia de musica de etnicos spesifiada
etolojia = la studia biolojial de la condui de animales o umanas e sua organiza sosial
Etruria = la rejion en Italia antica entre la rios Arno e Tevere cual ia es la sentro de la sivilia etrusca
eu- = bon, abundante, rica
eucalipto = un arbor perene e rapida cresente de Australasia, valuada per sua lenio, olio, goma e resina, e como un arbor ornal
eucariota = un organisme composada de un o plu selulas en cual la ADN ave la forma de cromosomas contenida en un nucleo
eucaristia = la rituo cristian cual recorda la Come Ultima, en cual on santi e come pan e vino; esta pan e vino
Euclide = un matematiciste de Elas antica ci ia scrive un libro major de aprende jeometria
eucre = un jua de cartas per entre du e cuatro persones, tipal usante la 32 cartas la plu alta, con gol de gania tre o plu de sinco prendes
eudicota = un planta florinte en un clado multe grande cual inclui ranunculos, nelumbos, spinaxes, cactos, groselas e peonias
eue = pertinente a un etnico abitante xef en Gana e Togo, o a sua lingua
eufemisme = un parola o espresa usada per evita un otra cual pare tro vulgar o ofendente; la usa de un tal parola
eufonia = un avia tropical, blu a supra e jala a su, en familia de pinson
eufonio = un strumento de laton, cual sembla un tuba peti
euforbia = un planta o arboreta erbin, con flores peti e verde e un latex letin
Eufrates, Rio = un rio en Asia sude-ueste cual comensa en la montanias de Turcia este e junta se a la Rio Tigris en Irac sude
eumetazon = un membro de un clado major de tota animales, estra sponjas, placozones e alga otra organismes rara o estinguida
eunuco = un om castrada, istorial tipal empleada per garda la salas de femes en cortes asian
Eurasia = la parte de la Tera composada de Europa e Asia
afroeurasian = pertinente a la mundo vea (Africa, Europa, Asia)
eureca = espresante joia o sasia a un trova o descovre
euri- = larga
eurilaimo = un avia peti con testa grande, beco larga, e tipal plumas colorosa
euristica = la siensa cual studia metodos pratical, e no sempre perfeta, per solve problemes
euro = la unia de mone en la Uni European
euro- = european
Europa = un continente en la emisfera norde, separada de Africa a la sude par la Mar Mediteraneo, e de Asia a la este par la Streta Bosporo, la Montes Caucaso, e la Montes Ural
europio = la elemento cimical con numero atomal 63
Euscadi = un comunia autonom en Espania norde
Euscaleria = la rejion de Frans e Espania sirca la fini ueste de la Montes Pirineo do la popla euscara abita
eutanasia = mata (un organisme) en modo compatiosa
eutrofica = (un lago o otra corpo de acua) rica con nurintes e donce suportante un cuantia densa de plantas, cui descomposa mata viventes animal par priva los de osijen
Eva = un nom fema, incluinte de la fem prima en la Biblia
evacua = move (algun) de un loca perilosa a un loca plu secur; fa ce persones sorti de (un loca perilosa)
evade = deveni libre de (un prison o simil); evita (un situa nondesirada)
evalua = formi un idea de la valua, cuantia o cualia de (alga cosa)
evanjelio = (en la Biblia) cada de la cuatro libros prima de la Atesta Nova cual nara la vive e instrui de Jesus
evanjelialisme = un ramo global de protestantisme cual foca a la Biblia como nonerante
evanjeliste = cada de la cuatro autores de la evanjelios; un person ci atenta converti otras a cristianisme, tipal par proclamas publica
televanjelisme = la televisa de sermones evanjelial per predica e suplica per suporta finansial
Everest, Monte = un otra nom per Monte Djomolangma
eversa = (un cosa) cambia tal ce sua interna deveni la esterna, e sua esterna deveni la interna
evidente = clar per vide o comprende
autoevidente = tan evidente ce on no nesesa ajunta un esplica
evita = resta a via de; no vade a o tra (un loca); susede no encontra (un person o situa); preveni (un situa)
evoca = (un cosa) fa ce on recorda (un otra); fa ce algun ofre (un responde o reata)
evolui = (un forma complicada) developa gradal de un forma simple; developa tra jeneras seguente, tipal par causa de eleje natural
ewe = pertinente a un etnico abitante xef en Gana e Togo, o a sua lingua
exa- = 10¹⁸
eziditi = pertinente a un etnico curdi con relijio e cultur antica
f = la letera ses de la alfabeta roman; la nota cuatro de la scala diatonica de C major
fa = reali o partisipa en (un ata)
fa-como = un documento o libreta cual esplica en modo simple como on pote fa alga taxes
fatota = un empleada ci fa tota spesies de labora o repara
fa = la nota cuatro de la scala de C major, F, en la sistem de solfejo
fable = un nara corta con sinifia moral, tipal per enfantes, con carateres como animales o fes
fabrica = construi (un ojeto fisical) par prepara e combina sua partes
fabriceria misera = un fabriceria con regulas nonlegal o sosial nonasetable, tipal con paia basa
facir = un astenor muslim o indu ci survive sola par carita
facocero = un porco savaje de Africa sude, con dentones grande
facula = un rejion briliante a la surfas de la Sol, liada a la apare seguente de manxas solal en la mesma rejion; un manxa briliante a la surfas de un planeta
fado = un jenero musical portuges, sur temas lamentosa
fadiste = un cantor de fado
fago- = come
fagosite = un tipo de selula en la corpo, capas de enclui e asorbe baterias e otra selulas e particulas peti
fagositose = la consuma de baterias o otra materia par fagosites e amebas
faia = un arbor grande con cortex lisa e gris, folias briliante, e lenio dur e pal con fibres delicata
faiense = seramica vitrin, tipal decorada
-faje = comor
-fajia = come
fajita = un plato mexican, composada de bandas de carne spisida, vejetales axida, e ceso raspada, enrolada en un tortilia mol e comun servida con crema asida
falafel = un bal fritada de xixes moleda o favas de visia, tradisional comeda en Asia sude-ueste
falanje = un fola densa de soldatos, polisiores o simil; (en medica) un dito o diton de mano o pede
falaropo = un avia vadante e nadante, con beco reta e pedes lobosa
falasia = crede erosa (alga cosa) par razona noncoreta
falcon = un avia xasante, con alas longa e puntida e un beco con protende dentin, cual catura predas par tufa de supra
falda = un veste esterna basa, liada sirca la taie e pendente sirca la gamas
minifalda = un falda multe corta
falesa = un fas presipe de roca, tipal a borda de mar
fali = no susede ateni (un resulta desirada); es rejetada par (un proba, un intervisa, la regulas de un jua); (un macina) deveni nonfunsionante en modo nonespetada
falia = (en jeolojia) un rompe estendeda en un corpo de roca, marcada par un desloca relativa de stratos a cada lado de un plana spesifiada
Falkland, Isolas = un teritorio brites composada de plu ca 100 isolas en la Mar Atlantica
falo = un penis o simbol de penis, spesial si erijeda, tipal usada per simboli fertilia o la potia mas
falsa = no coreta, no vera, erante; no sertida, no como lo pare
falseto = (un vose de cantor mas) nonormal alta
falxe = un util usada per corti sereales e erbas, con un lama longa e curvida a la fini de un palo longa con un o du manicos corta
fama = la state de es bon conoseda o discuteda par multe persones, spesial per atenis notable
fame = sentinte o mostrante la nesesa de come
familia = un grupo de persones composada de persones relatada par sangue o sposi, ci abita con lunlotra; cada de la cuatro grupos de cartas de jua
familiar = bon conoseda o conosente, en pertine a un person o cosa frecuente esperiada; (un condui) nonformal
fan = un person con un interesa forte en un sporte, arte, etc; un person ci amira forte un ecipo de sporte o un person famosa
fandango = un dansa vivosa de Espania e Portugal per du persones, tipal acompaniada par castanietas o tambureta
fanfara = jua un melodia corta con strumentos como trompas, tipal per anunsia la ariva de un person importante
fango = un materia mol e aderente, miscada de tera e acua
fantasia = imajina (un cosa cual on desira)
fantasma = un alusina de un person mor, tipal como un imaje neblosa
fante = pertinente a un popla abitante en partes de Gana, o a sua dialeto comun
farade = la unia internasional per mesura capasia eletrical
farandola = un dansa vivosa de Provensa en cual la dansores teni manos per formi un cadena longa
faraon = un renor en Ejipte antica
farenhait = un scala de temperatur en cual acua jela a 32° e boli a 212°
farfulia = pronunsia nonclar, como algun ci es enebriada o parla rapida a se
farina = un polvo produida par mole gran, tipal trigo, e usada per produi pan, tortas e pasta
farinje = un caveta membranosa pos la nas e boca, juntante los a la esofago
farinjite = un inflama de la farinje, causante dole de la garga
rinofarinjite = un infeta virusal comun en cual la membranas mucosa de la nas e garga deveni inflamada, causante gotea de la nas, stornui, un garga dolente, e otra sintomes simil
fariseo = un membro de un seta antica de iudisme, notada per adere sever a leges relijial; un person moraliste o ipocrita
farmacodinamica = la ramo de farmacolojia cual studia la efetos de medisines e sua modos de ata en la corpo
farmacolojia = la ramo de medica cual studia la usas e efetos de drogas
psicofarmacolojia = la ramo de siensa cual studia la efetos de drogas a la mente e la condui
farmasia = un boteca do on prepara o vende medisin
faro = un tore o otra strutur prosima a un costa, con lampa alta e forte per gida barcones; un lampa a fronte de un veculo per lumina la via; cualce lampa o foco per sinia o gida
faro = un jua de cartas en cual on aposta sur la ordina en cual la cartas va apare
Faro, Isolas = un grupo de isolas en la Mar Atlantica norde, parteninte a Danmarc ma cuasi autonom
farsa = un presenta comedial con carateres bruta o stupida e situas nonprobable o asurda
farsi = pertinente a la lingua de Iran e otra rejiones, o la popla ci parla lo
fas = la parte fronte de la testa de un person, de la capeles asta la colo, o la parte simil de un animal; la lado de un moneta cual mostra la imaje de un person; la parte de un orolojo o aparato mesurante cual indica la ora o mesura; un de la surfases esterna de un poliedro
multifasetal = con multe fasetas
fasa = dirije sua fas o fronte a (un person o cosa); es menasada o perilida par (un risca o problem)
fase = pasa tra un serie de fases
fase = un periodo o grado en un prosede de cambia o developa; (en cimica) un forma de materia, como solida, licuida o gas; (en fisica) la relata tempal entre states o sicles seguente de un sistem osilante o repetente (como corente eletrical o ondas de lus o sona) e un otra sistem con cual lo es cisa sincrona; un parte de un roceto cual ave sua propre motor e es ejetada cuando sua carburante es consumada
anafase = la fase tre de la divide de selulas
bifasal = aveninte en du fases
metafase = la fase du de la divide de selulas
multifasal = con plu ca un fase
profase = la fase prima de la divide de selulas
fasian = un avia xasada grande con coda longa, nativa de Asia, cui mas ave plumas ostentosa
fasian galin = un avia xasada con corpo spesa e gamas plumosa, cui mas es plu colorosa ca la fema
fasil = fada o atenida sin multe labora; con poca problemes; movente en modo bela e refinada
fasimil = un copia esata, tipal de materia scriveda o primida
fasina = atrae la atende e interesa de (algun) en modo nonresistable
fasmido = un inseto longa e magra cual sembla un basteta
fatible = tal ce on pote fa lo
fatiga = comensa senti la nesesa de reposa, dormi o sesa labora
fatiga = fa ce (algun) senti la nesesa de reposa, dormi o sesa labora
fato = un sabe cual es serta e nondutable
contrafatal = pertinente a, o espresante, lo cual no ia aveni o no es vera
fator = un fato o influe cual contribui a un resulta; un numero par cual un otra es esata dividable
fatoral = la multiple de un intero spesifiada e tota la interos positiva a su
fatua = un deside par un autoria reconoseda sur un punto de lege muslim
fatura = dona o envia un nota de la paia espetada de (algun) per un ben o servi
fauno = (en mitos roman) un de un clase de dios libidosa campanial, imajinada como un om con la oreas, cornos, gamas e coda de un capra
faustian = pertinente o simil a Faust, un astronomiste e necromansiste deutx sur cual un lejenda dise ce el ia vende sua spirito a la diablo
fauvisme = un stilo de depinta de la temprana de la sentenio 20, con color forte
fava = un seme comable, tipal con forma de ren, cual crese en cascas longa sur alga plantas; un planta cual produi estas
favo = un strutur de selulas esagon, fabricada de sira par abeas per reserva miel e ovos; cualce strutur simil
favore = senti o mostra aproba o prefere per; (vestes) dona un bon aspeta a
fax = un imaje de un documento creada par scane eletronical e telecomunica
faxa = un plance orizonal de lenio o otra materia, tipal usada per covre otra partes de un strutur
faxisme = un sistem de governa autoritar e nasionaliste
faxo = un colie de cosas liada con lunlotra; un colie de nervos, musculos o otra fibres paralel corente, prosima a lunlotra; (en Roma antica) un colie de palos liada, con un lama de axa protendente, portada como un simbol de autoria
fe = un organisme mital, con forma de un umana peti con potias majiosa
fe de mar = un organisme mital, con testa e tronco umana e coda de pex
fea = nonplasente o repulsante, tipal par sua aspeta
febre = un temperatur nonormal alta de la corpo, tipal con trema, dole de testa, e cisa delira
antifebral = un medisin per redui febre
febrero = la mense du de la calendario gregorian
fece = materia escreteda de la intestines
federa = (un cuantia de statos o organizas) formi un unia, donante multe de sua autonomia a la potiosa sentral
federa = fa ce (statos o organizas) federa
fejoa = un arboreta o arbor peti perene; la fruta verde e comable de esta
felatio = la ata de stimula la jenitales de un om con lingua o labios
feldspato = un mineral comun, tipal esistente como cristales pal o sin color
felido = un membro de la familia de mamales cual inclui gatos
felis = sentinte o mostrante plaser, contentia o otimisme
feltro = un tipo de stofa fabricada par rola e presa lana, o otra materia simil, umidinte o caldinte lo afin la fibres adere a lunlotra e crea un surfas lisa
feltri = covre con feltro; compresa (un stofa) per formi un feltro
fem = un umana fema adulte; (nonformal) un sposa
bonfem familial = un fem ci ama sua familia
transfemin = (un fem) transjenero; (un person nonbinar) ci ia nase mas e regarda se como xef femin
fema = de la seso cual pote produi ovos o pari enfantes
femor = la oso de un coxa, con juntas a la anca e jeno
femto- = 10⁻¹⁵
fende = divide fortiosa a du partes
fenetra = un abri en un mur o teto, covreda con vitro o otra materia transparente
fengxui = (en credes xines) un sistem descrivente la relata de la organiza spasial e la flue de la enerjia txi, considerada en la desinia de construidas
fenilalanina = un aminoasida comun en protenas de plantas, e un nurinte esensal per vertebratos
fenilcetonuria = un noncapasia erital de metaboli fenilalanina
Fenisia = un pais antica a la costa de la Mar Mediteraneo
fenix = un avia mital cual ia vive tra sentenios en la deserto de Arabia, pos cual lo ia rejoveni se par arde per comensa un otra sicle de vive
Fenix = un constela en la sielo sude
feno = erba cual on ia falxi e seci per usa como comeda de bestias
fenobarbital = un medisin usada per trata epilesia e ansia
fenogreco = un planta en la familia de piso, con semes aromosa cual on usa per sabori
fenol = un composada cimical con un grupo idrosil direta liada a un anelo de benzen; un solida cristal, blanca e venenosa, derivada de catran de carbon, tipal diluida per es usada como un desinfetante
fenolftalein = un cimical usada per indica asidas e alcalines, o como un paraconstipa
fenomeno = un fato o situa oservable, spesial si sua esplica no es clar; un person, cosa o aveni multe notable; (en filosofia) la ojeto de la persepi de un person; lo cual la sensas o la mente nota
fenomenolojia = (en filosofia) la studia de la strutures de esperia e consensia, o un teoria sur estas; (en siensa) la usa de modeles teorial per fa predises confirmable par esperimenta
fenotipo = la cualias oservable de un organisme individua, resultante de la interata de sua jenotipo con la ambiente
feri = causa dana fisical a (algun)
feria = un colie de cioscos de vendores e divertis per la popla; un esibi per promove benes spesifiada
fermenta = deveni descomposada par baterias, fermento o otra microbios, tipal causante caldia e bola; (bir, vino e otra bevidas alcolosa) deveni produida par la cambia de zucares a etanol
fermento = un fungo microscopial, composada de selulas oval cual reprodui par broti e es capas de converti zucar a alcol e diosido de carbono
fermio = la elemento cimical con numero atomal 100, un metal radioativa
fero = la elemento cimical con numero atomal 26; un metal dur, forte, magnetal e arjentin gris, multe usada como un materia per construi e fabrica; un baston de golf con testa metal
fero calda = un util con fondo plana de aser caldida, usada per lisi stofas
ferica = pertinente a fero con valentia tre
ferovia = un via de reles de fero sur cual trenes vade
feromagnetal = fasil magnetida, como fero
feromon = un materia cimical produida e emeteda a la ambiente par un animal, afetante la condui o fisiolojia de otras de sua spesie
ferose = combatosa a grado savaje e asustante
ferosen = un composada de fero en forma de cristales orania
fertil = (tera) capas de produi multe cultivadas; (un seme o ovo) capas de deveni un individua nova; (un person, animal o planta) capas de consepi enfantes o produi semes; (un person o situa) fasil jenerante ideas nova; (en fisica, de materia nucleal) capas de deveni fisionable par la catura de neutrones
ferula = un banda de materia rijida, usada per suporta e restrinje un oso rompeda
festa = selebra (alga cosa), spesial par un dia de recrea
festa = un dia de recrea cuando la popla no labora; un dia de selebra, tipal relijiosa
festuca = un erba perene e comun con folias streta
fesur = un abri longa e magra, tipal la resulta de fende; (en anatomia) un ranur con esta forma, como un spasio entre plias de la serebro; (metafor) un ambigua o manca esplotable en un lege o regula
feta = un ceso blanca e salosa elinica, preparada de lete de oveas o capras
fetix = un ojeto adorada per sua potia majiosa o car on imajina ce un spirito abita lo; un dedica tro intensa e nonrazonada a alga cosa; un forma de desira sesal en cual la sasia es liada a grado nonormal con un ojeto spesifiada, como un parte de la corpo o un veste
feto = la enfante de un mamal ante nase; un bebe umana ante sua nase, ma a plu ca oto semanas pos consepi
feton = un avia de mar tropical con plumas blanca, de cual la codales es longida, e pedes peti
fetutxine = pasta en la forma de sintas
feudo = un imobila tenida con la esije de servi a un nobil plu alta
fez = un xapo cono con culmina plana, tipal roja con borla negra a supra
fi = la letera 21 de la alfabeta elinica
fiasco = un aveni cual fali completa, spesial en modo riable o vergoniosa
fibia = un retangulo plata de metal o plastica con un spino xarnierida, usada per junta la finis de un sintur o simil
fibre = un filo o fileta de cual un texeda vejetal, materia mineral o stofa es composada; un strutur simil cual formi un parte de la texeda de un corpo animal o umana; materia nondijestable en comedas vejetal cual aida la pasaje tra la intestines
fibreta = un fibre multe peti, spesial un con diametre tipal de 10-100 nanometres e trovada en organismes
fibrila = (un musculo, spesial de la cor) move en un modo tremante, causada par la contrae noncoordinada de la fibres individua
fibroblasto = un selula en texeda juntante, cual sintese colajenes e otra fibres
fibrose = la spesi e sicatrisi de texedas juntante, tipal causada par un feri
fibrose sistal = un maladia erital cual afeta la glandes esocrin, causante la bloci de dutos diversa de la corpo e tipal ance la infeta de la pulmones
fibrosite = un varia de un fibroblasto cual es nonativa
fibula = la oso la plu esterna de la du osos entre la jeno e la talo en umanas, o la parte simil en otra animales; (en arceolojia) un brox o fisador
ficolojia = la studia de alges
fida = crede ce on pote depende de la capasia o veria de (un person o cosa)
fidusia = un relata legal en cual un person fidada posese un propria per la benefica de un otra person o grupo
fie = un person en relata a sua jenitores
fia = un person fema en relata a sua jenitores; un enfante fema
fio = un person mas en relata a sua jenitores; un enfante mas
fife = un flauta peti e xiliante, usada prima en bandes militar
figato = un organo grande en la adomen de vertebratos cual partisipa en multe prosedes metabolal, incluinte aida converti produidas de dijesta a materias usosa per la corpo
figo = un arbor cual produi figas
figa = un fruta mol con forma de pera, pulpa oscur e dulse, e multe semes peti
figur = la forma de corpo de un person; un representa de un person o animal en desinia o sculta; un person regardada como importante en un comunia; un forma jeometrial; un scema, graf o simil cual acompania un testo tecnical
Fiji = un otra nom per Viti
filantrope = (un person o organiza) contribuinte a la bonstate de otras, spesial par dona mone
filarmonial = simfonial, usada en la nomes de alga orcestras
Filastin = un teritorio autonom en Asia ueste a la costa de la Mar Mediteraneo
filatelia = la studia e colie de selos postal
filepita = un avia perxinte de Madagasicara, en familia de pita
filete = estrae la osos de (un peso de carne), tipal de prosima a la lombo o costela
-filia = ama
filigrana = un obra ornosa de filos metal (tipal de oro o arjento), formida como dentela o traseria; un marca pal en paper cual deveni vidable cuando on teni la paper ante lus
filipino = pertinente a la popla de la Pilipinas o sua lingua nasional derivada de tagalog
filis = un planta con folias plumin ma sin flores, cual reprodui par sporas
filisteo = pertinente a un popla antica ci ia abita a la costa sude de Canan entre la sentenio 12 AEC e 604 AEC; no conosente la artes cultural o oposante los
filma = rejistra (un aveni) como fotos movente
microfilma = un filma conteninte fotos peti de pajes de un jornal, cataloga o otra documento, multe usada per arcivi informas ante la eda de computadores
filmografia = un lista de filmas par un ator o dirijor, o sur un tema spesifiada
filo = un estende longa e multe magra de lana, coton, nilon o simil, usada per cose o texe; un cosa simil usada per pexa; un cosa simil de metal; un linia de persones, tipal espetante
filo de datos = (en informatica) un tipo de dato cual manteni sua entradas en un segue, ajuntante los a un fini e sutraente los a la otra
fileta de esecuta = (en informatica) un sudivide de un program, cual pote es simultan esecutada con otra tal sudivides
filo = un categoria tasonomial supra un clase e su un rena
filo- = ama de
filolojia = la studia de la strutur e developa de parolas o linguas; la studia de un lingua en documentos scriveda
filosofia = la studia de la natur fundal de sabe, realia, esiste, moralia e belia; un sistem spesifiada de esta studia; la studia de la fundas de un ramo de sabe o esperia; un teoria o disposa de un person o organiza, usada como un prinsipe gidante per condui
filozon = un membro de un clado de organismes cual inclui animales e sua relatadas uniselulal la plu prosima, ma esclui fungos e mesomisetozones
filtro = un aparato forosa per sutrae nonpures de un licuida o gas
fimbria = un serie de fibres simil a un franje; un de esta fibres; la fibres a la fini de la trompa de utero
fina = (polvo, pluve, etc) fada de granes o gotas multe peti
finansia = suporta (un emprende) con mone
fini = completi; para; no continua
final = pertinente a la fini de alga cosa; aveninte a la fini de un serie, sujestante ce la serie no va continua plu en la futur
finalisme = la crede ce tota avenis es determinada par sua intendes
finalisme imajinal = la crede ce persones es plu influeda par intendes futur ca par avenis pasada
finisemana = la pausa de du dias pos la dias de labora en cada semana
finica = pertinente a la linguas uralica como suomi e esti
finita = con limitas o bordas; no estendente sin fini
finitia = la cualia o state de es finita o limitada
finitiva = (un verbo) cual ave un sujeto (espresada o implicada) e pote funsiona como la verbo xef de un proposa major
finje = ata o parla en un modo cual presenta (un cosa falsa) como vera; imita (un cualia o person)
Finland = un otra nom per Suomi
finoio = un planta bonodorosa de Europa con flores jala, en familia de persil
fiordo = un baieta magra, longa e profonda de la mar entre falesas alta, tipal formida par la sumerje de un vale glasial
fiorentin = (dialeto, cosini, etc) de la site Firenze en Italia
firma = con strutur solida o secur; no movente o no deviante de un curso
fisa = junta o clui secur; garda (datos) par copia los a un loca plu permanente
autofisa = (un program) fisa automata (un fix) en cuando la usor labora ancora sur lo
fisacable = un banda de plastica, con dentes peti a un fini cual on fisa tra un buco a la otra per lia cosas, tipal cables eletrical
fisalia = un cnidario colonial flotante con tentaculos venenosa
fiscorno = un strumento de venta cual sembla un trompeta ma sona como un trompon
-fise = crese
fisica = la siensa cual studia la natur e cualias de sustantia e enerjia; la cualias fisical de alga cosa
astrofisica = la ramo de astronomia cual studia la natur fisical de stelas e otra ojetos sielal, e la aplica de leges e teorias de fisica a la interprete de oservas astronomial
biofisica = la siensa de la pertine de leges fisical a cosas biolojial
jeofisica = la fisica de la Tera
metafisica = la ramo de filosofia cual studia la prinsipes prima de cosas, incluinte consetas astrata como esiste, sabe, materia, causa, identia, tempo e spasio
fisiolojia = la ramo de biolojia cual studia la funsiona normal de organismes e sua partes; la modo en cual un organisme o sua partes funsiona
eletrofisiolojia = la ramo de fisiolojia cual studia la fenomenos eletrical asosiada con la funsiona de la nervos e corpo
neurofisiolojia = la ramo de fisiolojia cual studia la sistem de nervos
fision = la ata de divide o fende alga cosa a du o plu partes; (en biolojia) reprodui par divide de selulas; (en fisica) la fende de un nucleo
fisionomia = (istorial) la pseudosiensa de dedui la cualias de un mente par esamina la cualias de la fas
fistula = un pasaje nonormal o creada par sirurjia, entre la interna vacua de un organo e la surfas de la corpo, o entre du organos
fito- = planta
fix = un carta o foto arcivida; un documento, program, colie de datos o simil, tenida en un computador su un nom identifiante; un peso de metal o plastica cual representa mone en juas de fortuna e transporta publica
fix de xapos = (en programi) un fix cual conteni declaras, intendeda per es incluida en otra fixes de fonte
flajelo = un banda de cuoro o peso de corda juntada a un manico, usada per bate un person o animal; un filo simil usada par baterias e otra microbios per nada
flama = un masa calda e briliante de gas ensendeda cual es jenerada par un cosa ardente
flamenco = un stilo de musica de Espania, con gitar e canta, e la dansa stimulante cual acompania lo
flamingo = un avia vadante grande con plumas rosa o oscur roja, gamas e colo longa, e beco oncin
Flandre = un rejion de Europa norde-ueste, aora divideda entre Nederland, Beljia e Frans, en cual on parla o ia parla nederlandes
flanela = un stofa texeda suave e feltrida, tipal de lana o coton
flanje = un borda plata cual protende de un ojeto per forti lo, junta lo, o (a un rota) manteni contata con un rel
flasida = (un parte de corpo) mol e laxe pendente; (un planta) pendente o nonelastica par causa de seci; (un veste) mol o nonfirma
flatule = relasa (gas) de la ano
flauta = un strumento de venta composada de un tubo de lenio o metal, con bucos cual on tapi par ditos o teclas
flauta de Pan = un strumento de lenio cual sembla un serie de flautas peti, ordinada par longia e juada par sofla supra sua abris
flauta dulse = un flauta de lenio sin claves, juada como un sibileta
flax = (un aparato) funsionante en modo subita e rapida
flax = un apare corta de un lus briliante, como produida par lampo o un camera
flebite = un inflama de la mures de un vena
flebotomia = la abri sirurjial de un vena, per estrae sangue o introdui acua, medisin, nurintes o otra licuidas
flerovio = la elemento cimical con numero atomal 114
flexa = un basto, agu a la fronte e con plumas o simil a la retro, xutada de un arco como un arma o per sporte; un sinia con forma simil cual indica un dirije o punto
Flexa = un constela en la sielo norde
flexador = un musculo cui contraes curvi un membro o otra parte de la corpo
flexe = curvi (un membro o junta); fa ce (un musculo) protende par contrae lo
flexable = capas de curvi; fasil cambiable per responde a situas nova
flirta = condui en modo intendeda per atrae sesal algun; finje un atrae per algun
floco = un peso peti, plata e magra de un cosa, tipal rompeda de un otra; un peso de petra dur, usada como un util par umanas preistorial
floema = la texeda vascular en plantas cual transporta zucar e otra produidas a su de la folias
flojisto = un materia sur cual cimicistes de la sentenio 18 ia suposa ce lo esiste en tota cosas combustable, e cual es relasada cuando la cosa arde
flor = la parte de un planta cual conteni la semes, tipal ensircada par petales e sepales colorosa
floral = pertinente a un flor o flores
florin = un moneta antica en Europa; (en arte) un motif o orna en forma de flor; (en musica o canta) un orna, cisa improvisada
Flores = un isola en Indonesia
Mar Flores = un mar a norde de Flores
Florida = un stato en la SUA sude-este, con un penisola cual estende en la Mar Atlantica e la Golfo Mexico
Streta Florida = un streta entre Florida e Cuba
flota = reposa o move sur un licuida sin afonda; es libre suspendeda en un licuida o gas
flota = un ata de flota; un ojeto vacua o inflada per aida flota; un boia peti usada per pexores; un strutur su un avion de mar cual permete ce lo enaira de sur acua
flotila = un grupo de barcones o otra veculos cual viaja o es poseseda en junta
flox = un planta peti de America Norde cual ave tipal grupos densa de flores bonodorosa e colorosa
flue = (un licuida, gas o eletrica) move continuante en un corente; (datos, tipal audio o video) es continuante transmeteda en la interede
fluente = tal ce lo flue; capas de parla fasil e rapida en un lingua spesifiada
fluentia = la cualia de un cosa cual flue; la capasia de usa un lingua en modo fluente
fluor = la elemento cimical con numero atomal 9, un gas pal jala e venenosa cual scalda la pel si on toca lo
fluorese = (un materia) brilia par radia emeteda cuando lo es colpada par raios X o lus ultravioleta
fluorido = un composada de fluor con un otra elemento o grupos
fluorita = un mineral composada de fluorido de calsio
fluorocarbono = un composada formida par sustitui atomes de fluor per un o plu de la atomes de idrojen en un idrocarbono
clorofluorocarbono = cualce de un clase de composadas de carbono, idrojen, cloro e fluor, tipal gases usada en friadores o airosoles, cual dana la strato de ozon en la atmosfera
fluoroscopio = un strumento con scermo fluoresente per regarda imajes de raio X
fluoxetina = un antidepresante de la clase de inibadores spesifiada de recatura serotonina
flutua = (un cuantia) leva e cade nonperiodal
fo = un sopa de bulion de bove, spises e talietas con talias magra de bove o gal, orijinante en Vietnam
fobia = un teme estrema o nonrazonada de alga cosa
-fobia = teme
foca = deveni consentrada como un raio agu de lus o enerjia; deveni capas de vide clar; (un person) atende forte con sua mente
bifocal = (un lente) con du partes con distantias focal diferente
foca = un mamal con corpo idrodinamical ci come pexes e reveni a tera per reposa o reprodui
focatxia = un pan italian, preparada con fermento e olio de oliva e saborida con erbas
foco = un arde o combusta, en cual materias combina cimical con osijen de la aira e emete tipal lus, caldia e fuma; un emosia forte e apena controlable
focador = un aparato peti e reusable per crea un flama, ance nomida un ensendador; un torxa usada per ensende
focon = un foco grande cual destrui multe tera o propria
fode = (nonformal) copula con (algun)
fodeta = (nonformal) masturba
fol = sin bon judi, nonsaja; asurda
fola = un cuantia grande de persones colieda, tipal en modo nonorganizada
folclor = la credes, costumes e naras tradisional de un comunia, pasada de un jenera a la seguente; un colie de credes popular de un loca, popla o ocupa
folia = un parte plata de un planta, tipal verde, juntada a un talo o tronceta, e capas de fotosintese; un peso de paper o otra materia multe magra
airofolia = un strutur con surfases curvida, la forma fundal de alas e pinas de aviones
cuatrofolia = un varia spesial de trefolia con cuatro lobes, cual es un simbol de bon fortuna
trefolia = un planta en familia de piso, con testas de flores densa e sferin, e folias cual ave tipal tre lobes; un de la cuatro familias de cartas de jua, representada par un folia negra con tre lobes
foliculo = un saco, caveta o glande peti, spesial lo cual ensirca la radis de un capel
folio = un libro de paper per desinia; un colie de documentos sur un person, aveni o sujeto spesifiada; un libro fabricada de paper pliada o de pajes grande
-fon = sona
fonda = un arma simple, fabricada de un banda o anelo de cuoro o stofa, usada per lansa petras o otra misiles peti
fonde = deveni licuida par caldi
fondo = la surfas la plu basa de un cosa; la parte de un sena o imaje cual es tipal plu distante de la regardor e cual formi un ambiente per la atores o ojetos xef; la situa esistente cuando alga cosa aveni
fondu = un plato composada de pesos peti de pan o otra comedas cual es sumerjeda en salsa, ceso fondeda, olio, bulion o xocolada calda
fonem = cada de la unias de sona persepal distinguable en un lingua spesifiada
fonetica = la studia e clasi de sonas de parla
-fonia = sona o vose
fono- = sona
fonograf = un macina cual permete oia la sonas rejistrada sur un disco de plastica
fonografia = la tecnolojia de fonografes, o sua desinia o usa
fonolojia = la ramo de linguistica cual studia la sistemes de sona de un lingua o linguas jeneral
fonotatica = la studia de la regulas de ordina fonemes en un lingua
fontanel = la spasio entre la osos de la cranio de un feto o bebe, do la osi e sutures no es completida
fonte = un loca do acua o olio emerje de su la tera; un strutur ornal de cual jetas de acua es pompida en la aira; la orijina de alga cosa
fonte idrotermal = un fesur en la fondo de mar cual esflue acua jeotermal caldida
fontina = un ceso italian e pal jala
fora = crea un buco en o tra (alga cosa), usante un aparato jirante
fora = un ata de fora; un buco forada tra un cosa
foraje = xerca (comedas, furnis o otra ojetos) en un rejion o contenador
foraje en sua nas = usa sua dito per estrae muco de sua nas
forame = un abri, boca o pasaje, tipal en un oso
forbe = un planta florinte e erbin cual no es un graminoide, per esemplo trefolia, elianto, lil de dia, o asclepia
force = un util con du o plu dentes agu, usada per leva comedas a la boca o per teni los pos talia los; un util simil, usada per escava o leva cosas en un jardin o cultiveria; un punto do un curso divide a du partes
fore = covre la surfas interna de (un veste o contenador) con un strato de materia diferente
forense = pertinente a la usa de siensa en investiga un crimin; pertinente a cortes legal
foresta = un rejion grande, xef covreda con arbores e subosce
-foria = senti o emosia
forinto = la unia de mone en Magiar
forja = fabrica o formi (un ojeto metal) par caldi lo en un foco o forno e bate o marteli lo
forma = la aspeta de la contorno de un cosa en du o tre dimensiones; la posa de la partes de un cosa; la fortia e sania de la corpo de un person; la regulas de condui en sosia cortes
-forma = con forma de
forma de adirije = un titulo o espresa spesial cual es usada cuando on parla o refere a un person de ofisia major
forma de onda = un representa grafica de un onda, como graf de un funsiona ondal
reformi = (alga cosa, tipal un instituida o pratica sosial, political o economial) cambia per deveni plu bon; (un person) no condui plu como un criminor o en modo nonmoral o autodestruinte
transformi = (eletrica) deveni convertida de un voltaje a un otra; muta (en sinifias tecnical)
formal = fada seguente la regulas de tradision o cortesia
formal = un prosede fada en modo formal o ritual
formaldehido = un gas malodorosa sin color en un disolve, produida par osidi metanol
formalin = un solve de formaldehido en acua, usada como un conservante per esemplos biolojial
formato = la forma o strutur de un libro, filma, fix o simil
formica = un inseto peti, comun con picador, cual abita tipal en colonias sosial con un o plu reas reproduinte
formicosia = un sensa titilosa en un membro o dito cuando la sirculi normal de sangue recomensa
formica = un lamina de plastica dur, usada per surfases de portes, tables de cosina, etc
formicaleon = un inseto cual sembla un libela, cui larvas construi cavetas cono per trapi formicas e otra predas
formicor = un mamal ci come formicas e termites, con beco longa e lingua aderosa; un avia insetivor con gamas longa e coda corta, trovada en la forestas tropical de America Sude
formula = crea (un proposa o stratejia) en modo metodosa; espresa (un idea) en modo sistemosa e esata
formula = un ata de formula; un relata matematical espresada en simboles; un metodo esata per ateni alga cosa
formulario = un serie de demandas, tipal primida e con respondes elejable, per colie informa
fornix = un strutur voltin o arcin en la corpo
forno = un comparte encluida per coce o caldi comedas o seramicas
Forno = un constela en la sielo sude
forneria = un sala o construida cui contenida xef es un forno
fornor = un person ci forni pan; un avia peti de la tropicos de America, de cual alga membros construi nidos de fango cual sembla fornos
foro = un loca, tipal en la interede, do on pote intercambia ideas e opinas sur un tema spesifiada; (en sites roman antica) un plaza publica per comersia e debate
foromanica = (un person) ci posta comentas frecuente a un foro spesifiada
foronido = un membro de un filo de animales de mar cual usa un lofofora per filtri sua comedas, e construi tubos vertical de citina per suporta e proteje
forsa = fa ce (algun) fa alga cosa contra sua vole; fa ce (un regula, imposta, multa, etc) es obedida o paiada
forsitia = un arboreta eurasian, cui flores briliante jala apare en primavera, ante la folias
forte = con la potia nesesada per move cosas pesosa o fa otra taxes difisil; capas de fa un ata spesifiada en modo bon e potiosa; capas de resiste; difisil per para o restrinje; multe intensa; produinte multe ruido
contraforte = un strutur de petra o brice, construida contra un mur per forti o suporta lo
fortres = un construida o vila forte e bon protejeda, tipal con intendes militar
fortuna = la acasia, o bon o mal, regardada como un potia esterna cual afeta la condui de umanas
fosena = un balena peti e multe intelijente, con dentes, un beco nonagu e ronda, e un pina dorsal triangulo
fosfato = un sal o ester de asida de fosfor
fosfina = un gas malodorosa e sin color, composada de fosfor e idrojen
fosfolipido = parteninte a la clase de lipidos cui molecula conteni un grupo de fosfato
fosfor = la elemento cimical con numero atomal 15, un nonmetal combustable e venenosa; un basteta de lenio o carton cual fini con un composada cual ensende cuando on frica lo contra un surfas ru, usada per inisia un foco
fosforica = pertinente a fosfor de valentia 5
fosforese = emete lus o radia sin combusta o caldia persepable
fosil = la restas o impresa de un organisme preistorial, petrida o moldida en petra
foso = un canal magra escavada en la tera, tipal longo un via o a la borda de un campo e usada per drena; un canal simil sirca un castel; un escavada magra usada per proteje soldatos en un gera; un depresa en un oso
fostrot = un dansa de balo simil a un valsa, ma con tempo 4/4; un peso de musica scriveda per esta dansa
foto = un imaje creada par usa un camera
fotomanica = zelosa sur fotografia
foto- = lus o fotografia
fotoforo = un organo cual emete lus, en alga baterias, insetos, calamares, etc
fotografia = la arte e siensa de usa cameras e crea fotos
fotojen = (un person, etc) aspeta atraente o bela en fotos o filma; (en biolojia) (un organisme o texeda) produinte o emetente lus
foton = un particula representante un cuanto de lus o otra radia eletromagnetal
fotonica = la ramo de tecnolojia cual studia la cualias e transmete de fotones
fotosfera = (en astronomia) la strato de atmosfera stelal la plu interna con brilia forte
fototrof = (un organisme) usante enerjia de lus per sintese composadas organica per nuri se
fototropo = (un planta) turnante en responde a lus
fovea = un depresa peti en la retina do la capasia de vide es la plu agu
Basin Foxe = un baia a sude de la Isola Baffin
Streta Foxe = un streta entre la Baia Foxe e la Baia Hudson
fractur = un stilo deutx de leteras gotica
frajil = fasil per rompe, dana o destrui; no forte o durante
Fram, Streta = un streta entre Calalitnunat e Svalbard, un parte de la Mar Atlantica
frambosa = un planta en familia de mora e rubo; la fruta mol e comable de esta, composada de un grupo de bacas peti e rojin ros
franc = la unia de mone en Suiz, Lixtenstain e multe paises african, e istorial en Frans
franca = onesta e direta en parla o scrive; sinsera e no desemblante en condui o apare
francamason = pertinente a francamasonisme
francamason = un membro de francamasonisme
francamasonia = francamasonisme; la cualia de un francamason
francamasonisme = un ordina internasional instituida per amia e aida mutua, cual inclui rituos secreta
francanoviste = (un person) ci parla Lingua Franca Nova
francisia = un autoria donada par un governa o compania a un person o grupo per partisipa en un comersia spesifiada; un propria inteletal composada de libros, filmas, juas video, etc derivada de la mesma nara creosa
franco = pertinente a la popla e lingua de un tribu germanica ci ia concista Galia en la sentenio 6; pertinente a la popla e lingua de un rejion de Deutxland sentral
franje = un borda ornal de fibres laxe, torseda o composada de borlas; un stilo de capeles con un borda laxe pendente sur la fronte
Frans = un pais en Europa ueste con un costa a la Mar Atlantica e un otra a la Mar Mediteraneo
fransio = la elemento cimical con numero atomal 87
fransiscan = pertinente a un ordina de monces catolica, fundida en 1209 par San Fransisco de Assisi
frase = un colie de parolas, tipal con sujeto e predica, espresante un declara, demanda, esclama o comanda, composada de un proposa xef e cisa proposas suordinada; (en musica) un grupo de notas forminte un unia distinguida en un peso plu longa
fraseolojia = un modo de espresa, spesial si asosiada con un parlor o scrivor spesifiada
frate = un umana mas en relata a otra enfantes de sua jenitores; un tipo de monce
fratiside = mata (sua propre frate o sore)
frato = un parte peti, rompeda o separada de alga cosa; un estraeda de un testo; (en matematica) un cuantia cual no es un intero, como 1/2 o 3,142
desfrati = (un fix de computador) deveni min fratida par la recombina fisical de sua partes
frecuente = aveninte o fada a multe veses, en multe casos, o en serie rapida; (un person) fante alga cosa a multe veses o abitual; (cosas en un serie) situada con distantia corta entre lunlotra
Freetown = la site capital de Siera Leon
fregan = (un person) ci foraje comedas dejetada, tipal per defia la consumisme e proteje la ambiente
fregata = un barcon de gera de grado su la plu grande; un avia de mar tropical con plumas oscur, alas longa e magra, coda forcin, e beco longa e oncin
freno = un aparato per para o lenti un veculo movente; un aparato cual limita o preveni la libria de move
frenolojia = la pratica pasada de determina cualias mental par studia la forma de la cranio
freon = un airosol composada de clorofluorocarbonos
fresa = un planta cultivada per sua frutas; la fruta mol, dulse e roja de esta, con surfas puntosa con semes
fresca = pur, limpa, clar, noncontaminada; (la aira) alga fria, donante un senti de enerjia; nova, corente, moderna
refrescor = un person ci furni e servi bevidas o comedas per refresci un grupo
fresco = un depinta rapida, creada con acuarela sur jeso moiada sur un mur o sofito; esta metodo de depinta, usada en la eda de la romanes antica e en Italia en la Renase
fresia = un planta peti de Africa sude en familia de iris, con flores tubo, bonodorosa e colorosa
fresno = un arbor con cortex arjentin gris e folias composada
freta = move o ata en modo rapida e ansiosa, tipal per no ariva o fini tarda
freudisme = la metodos de psicoanalise creada par Sigmund Freud, un dotor osteraices
fria = con temperatur relativa basa, spesial en compara con la temperatur de la corpo umana
friacua = un furnador de acua frida per bevi
frica = erode, caldi, irita o limpi par frota
fricase = un plato de carne taliada en salsa blanca e densa
fricase bolivian = un sopa tradisional de Bolivia, preparada de carne de porco o gal, mais moleda e patatas
fricase tunisi = un sanduitx tradisional de Tunis, conteninte tun, ovos dur, olivas, patatas e curcuma
friganea = un inseto peti semblante un tinia
Frigia = un rejion antica en Anatolia, cual ia ateni sua apico de potia en la sentenio 8 AEC su Re Midas
fringilo = un pinson eurasian, tipal con alas e coda oscur e xapeta bluin
frisbi = un disco concava de plastica, flotada tra la aira como un diverti o sporte
Frisia = un rejion istorial a la costa de la Mar Norde, incluinte la provinse Frisland e otra locas en cual frisce es oji parlada
Frisland = un provinse en Nederland norde
friso = un faxa larga, tipal decorada, sur un mur e prosima a la sofito; la parte sentral de un entablamento
frita = coce (comedas) en gras o olio calda
Friul = un rejion de Europa aora divideda entre Slovenia e Italia norde-este
furlan = pertinente a la popla de Friul, o a sua lingua romanica
frivol = nonseria o fol, spesial en un situa o loca nonconveninte
froda = usa enganas per priva (algun) de mone o posesedas
fronsi = fisa la plias de (un stofa o veste) par cose; (un person) plieta sua fronte per espresa desaproba o confonde
fronte = (un parte) a la lado xef o prima videda o usada de un cosa; anterior
fronte = la parte fronte de un cosa o sena; la parte de la fas supra la suprasiles
fronti = veni con fas a fas con (un enemi o problem); osa (alga cosa) sin vergonia
fronti = la ata de fronti; un osa sin vergonia
fronton = la parte alta e triangulo de un mur a la fini de un teto, o de la fronte de un construida clasica; un baldacin protendente supra la entra de un construida; un loca con un o du mures do on jua pelota
u la fronti! = criticante un condui tro osante o desrespetosa
frontera = un linia cual separa du paises; la limita estrema de tera poplada, ultra cual es tera savaje; un limita simil de cualce cosa, indicada par un cambia de state o cualias
frontispis = un desinia cual fasa la paje de titulo de un libro; (en arciteta) la fas xef de un construida, spesial un entra decorada
frota = move un mano, un tela o otra cosa de asi a ala sur la surfas de (alga cosa) con presa firma
frugal = cauta en spende mone o usa comedas o otra benes
frustra = turba (algun) par preveni el de continua sua condui normal o de ateni sua gol
fruta = un parte de un arbor o otra planta cual conteni semes, tipal dulse, pulposa e comable
frutosa = un zucar tipal trovada en frutas e miel
fu = espresante fatiga o lejeri pos frustra
fuca = un alge brun grande, tipal con tronceta longa e dur e un folia larga divideda a bandas
fucsia = con color forte e purpurin roja, como la sepales tipal de la planta fucsia
fucsia = un arboreta con flores tubo pendente, tipal con du colores contrastante
fufu = pasta preparada de manioca o plantano bolida e maxada, un comeda major en partes de Africa ueste e sentral
fuga = (en musica) un composada contrapuntal en cual la melodia corte de un parte es adotada par otra partes e developada par entretexe; (en psicolojia) un state o periodo de perde de conose de sua propre identia, tipal con un fuji de sua ambientes normal
fugu = un pex con corpo spesa, tipal con pel spinosa, cual infla se como un balon cuando menasada
fuji = vade a via de un person, loca o situa perilosa
fula = de o pertinente a un de la etnicos la plu grande en la Sahel e Africa ueste, o a sua lingua
fulcro = la punto sur cual un lever resta o pivote
fulereno = un molecula composada de multe atomes de carbono en forma de sfera vacua
fulgoro = un inseto peti e comun cual suca plantas e salta cuando disturbada
fuma = un suspende vidable de carbono o otra particulas en la aira, tipal emeteda de un cosa ardente; un cuantia de gas cual odori forte o es perilosa si enspirada
fumeria = un loca o casa do on fumi tabaco, opio, etc
fumaria = un planta de la mundo vea, con spigas de flores peti e rosa o blanca, e folias gris con divides delicata
fumarola = un abri en la tera cual emete vapor e gases volcanal
fumiga = esposa (pex, carne o un comable simil) a fuma per conserva lo; aplica la fumas de alga cimicales a (un rejion) per desinfeta lo o elimina animales nosiva
fumigador = un strumento usada par abeores per calmi la abeas cuando on abri la aberia
fumigeria = un loca do on fumiga carne, pexes, etc
Funafuti = la site capital de Tuvalu
funambul = un jinasta ci pasea (o bisicli, etc) sur un corda tensa
func = pertinente a un moda de musica de dansa, fundida sur elementos de blus e sol, con ritmo cual asentua forte la pulsa prima de cada mesura
funda = la parte de un construida, otra ojeto o idea cual suporta la otra partes; un organiza tipal constituida par un dona, como un universia, sentro de rexerca o asosia carital
cofundi = fundi (un organiza) con un o plu otra persones
Fundy, Baia = un baia entre Scotia Nova e Brunswick Nova
funera = la rituos onorante un person mor, tipal incluinte entera o seni de la corpo
fungiside = un cimical cual destrui fungos
fungo = cada de un rena de organismes primitiva cual nuri se con materia organica e reprodui par sporas
antifungal = un medisin per mata fungos
funicular = (un ferovia) operada par cordones, con vagones asendente e desendente en ecuilibra
funsiona = (un person o cosa) fa sua rol en la modo espetada
fura = prende (la propria de un otra) sin permete o direto legal e sin la intende de redona lo
furabolsa = un person ci fura de poxes o sacos
furaboteca = un person ci fura benes de un boteca, finjente ce el es un cliente
furacasa = un person ci fura de un casa, tipal entrante par forsa
furcula = un oso forcin entre la colo e peto de un avia
furgon = un veculo caxin e covreda, simil a un camion peti, usada per transporta persones o benes
furia = deveni estrema coler e cisa violente
furlong = un oti de milia, 201 metres, un distantia comun en corsas de cavalos
furni = fa ce (un materia o informa nesesada o desirada) es disponable a un person o loca
furon = un mamal eurasian en familia de mustela, con pelo oscur brun e un masca plu oscur longo la oios; un varia de esta, tipal brun o albino, domada e retenida como animal de casa
furtiva = atentante evita es persepida par otras, tipal par causa de culpablia o teme de puni
fusa = (cosas) combina completa, e cisa gradal, per formi un sola cosa
fusa = fa ce (cosas) fusa; junta (du partes metal) par fonde la surfases ante presa o marteli los
fusil = un arma composada de un tubo metal de cual baletas o otra misiles es propulsada par un esplode
fuso = un palo ronda e magra con finis diminuida, usada per torse e enrola filos de un masa de lana o simil; un spino cual porta la bobin de un macina de fili
fustan = un sarja densa e durante
fusuma = un panel liscable, usada como un dividente o porte entre sales en casas nion tradisional
futbal = un sporte juada par du ecipos de 11 juores, con un bal sfera cual no juor estra la golores pote toca par braso o mano; cualce de la varias de esta jua
futil = (un ata) sin resulta usosa
futon = un materas nion, desenrolada sur la solo per usa como leto; un tipo de sofa basa cual on desplia per usa como leto
futsal = un varia de futbal cual es juada par du ecipos de 5 juores sur un solo dur en casa
futur = a un tempo plu tarda ca la momento de parla o scrive
futurolojia = la predise sistemosa de la futur, tipal par estrapola tendes presente
g = la letera sete de la alfabeta roman; la nota sinco de la scala diatonica de C major
gaba = la neurotransmetador xef en la sistem de nervos de mamales (un corti de `asida gama-aminobutirica`)
gabardina = un sarja lisa e durante, tipal de lana o coton; un jacon de esta stofa
Gabon = un pais en Africa ueste, a la costa de la Mar Atlantica
Gaborone = la site capital de Botsuana
gado = un pex grande de mar con vibrisa peti sur sua mento
gadolinio = la elemento cimical con numero atomal 64
gadures = pertinente a un lingua romanica de Sardinia norde-este, prosima relatada a corsican, o a la popla ci parla lo
gailica = pertinente a la linguas celta de Er, Scotland e la Isola Man o a la poplas ci parla lo
gaina = un covrente per la lama de un cotel, spada o cosa simil; un strutur de texeda en un organisme cual abrasa streta un otra
gal = un avia domada elevada per sua ovos o carne
gala = un diverti publica; un esibi de obras spesial
galago = un primate peti e noturna de Africa con oios multe grande
galalito = un plastica sinteseda de casena e formaldehido
Galapagos, Isolas = un arcipelago de isolas a la ecuator en la Mar Pasifica a ueste de Ecuador, a cual los parteni
galasia = un sistem de miliones o biliones de stelas, con gas e polvo, tenida par gravita
galatosa = un zucar cual es un composante de latosa e multe polisacaridos
galea = un barco antica, basa e plata con un o plu velas e un, du o tre linias de remos, usada per gera, comersia e piratia
galeria = un sala o construida per esibi o vende obras de arte; un sala o pasaje longa, partal abrida a un lado
galia = un planta erbin con flores peti, jala o blanca, e spirales de folias magra, istorial usada per pleni materases
Galia = un rejion en Europa antica, corespondente a la loca moderna de Frans, Beljia, Nederland sude, Deutxland sude-ueste, e Italia norde
galinago = un avia vadante de pantanes e prados umida, con plumas brun, un beco longa e reta, e tipal un vola de cortea cual inclui un sona palpitante
galio = la elemento cimical con numero atomal 31
Galisia = un parte autonom de la norde-ueste de Espania; un rena antica en esta loca
galon = un unia tradisional de volum per licuidas, egal a sirca cuatro litres
cuatrigalon = un cuatri de un galon
otigalon = un oti de un galon
galopa = (un cavalo o otra cuatropede) core a sua rapidia la plu alta, con tota pedes enairante a cada paso
galvanisme = (istorial) la jenera de eletrica en modo cimical, incluinte en organismes; la contrae de un musculo tocada par un corente eletrical
gama = cada de la membros sur cual un person o animal sta o pasea; la parte corespondente de un pantalon; la parte magra de un vitro, entre la pede e la bol
entregama = la parte de la corpo umana entre la gamas do los junta se a la tronco; la parte corespondente de un veste
gamalonga = un arania con corpo sferin e gamas longa e magra
gama = la letera tre de la alfabeta elinica
-gama = sposi, copula o reprodui
gamba = un crustaseo peti e libre nadante, con corpo longa, valuada como un comeda
Gambia = un pais a la costa de Africa ueste
gamelan = un bande cual jua musica tradisional de Indonesia, tipal incluinte multe strumentos de percute de bronze
gameta = un selula matur aploide, mas o fema, cual pote uni con un de la otra seso per formi un zigoto
gametofite = la fase de developa cual produi gametas en moses e epaticas
gamo = un servo eurasian con cornos palmin e raminte, tipal con un pelo brun rojin con marcas blanca en la estate
gan = un dialeto de xines, parlada par sirca 20 milion persones, xef en la provinse Jiangxi
Gana = un pais en Africa ueste, con costa sude a la Mar Atlantica
ganax = un pleninte bateda de xocolada e crema, usada en tortas e confetos
gang = un grupo organizada de criminales; un grupo de jovenes envolveda en crimin o violentia minor; un grupo de jovenes ci asosia con lunlotra; un grupo organizada de persones ci labora par mano
ganga = un avia con plumas brunin, nidinte sur tera en desertos, comente semes, e relatada a pijones
Ganga, Rio = un rio en Barat norde e Bangladex cual comensa en la Montes Himalaia e fini en la Golfo Bengala
Gangdise, Montes = un cadena de montes en la parte ueste de Transhimalaia
ganglio = un strutur composada de un cuantia de corpos de neurones, tipal forminte un infla a la fibre; un masa bon definida de materia gris en la sistem de nervos sentral
gangrena = la mori e descomposa local de texeda, cual resulta de sangue blocida o un infeta baterial
gangster = un membro de un gang de criminales violente
gania = oteni (mone) per labora o servi, o par interesa o profita; susede (un concurso o desacorda); ariva puntual per usa (un bus, tren o avion)
ganso = un avia grande de acua con colo longa, gamas corta, pedes membranosa, e beco corta e larga; (nonformal) un person fol
ganto = un covrente per la mano cual proteje contra fria o susia, tipal con partes separada per cada dito e la diton; un covrente simil en boxe, basebal e otra sportes
gara = un ungia curva e puntida a cada dito de la pede de avias, lezardos e alga mamales; un onca simil a la gama de un inseto; la pinse de alga artropodos; un aparato simil usada per teni o leva
garaje = un construida per reteni veculos; un loca en cual on manteni e repara veculos
garantia = promete formal, tipal en un documento, ce (constrinjes spesifiada) va es realida, tipal ce (un produida) va es reparada o recambiada si lo no ave un cualia o dura spesifiada; (en lege) promete formal, tipal en un documento, ce on va paia (la deta) de un otra o completi (la obliga) de un otra en caso de fali
garda = atende (un person o cosa) per proteje o controla el o lo; reteni (mone) per usa futur
gardacorpo = un person o grupo empleada per acompania e proteje un person importante o famosa
gardacosta = un organiza cual atende acuas costal per aida persones o barcos en peril e per preveni contrabanda; un person tal empleada
gardafoco = un scermo protejente ante un foco; un strutur basa sirca un ximineria per preveni la cade de carbon o lenio ardente
gardaforesta = un person ci patrulia e manteni un foresta o parce natural
gardamano = un veste o aparato cual proteje la mano, per esemplo como parte de un arma
gardante = un valua spesial cual un program reconose como la fini de un lista de datos o simil
gardaporte = un person ci garda la entra de un construida; un empleada ci aida persones estra un otel
gardaporton = un person ci garda un porton e controla ci pasa tra lo
gardaxasa = un empleada ci eleva e proteje animales xasada
gardenia = un arbor o arboreta con flores grande, bonodorosa e blanca o jala
garga = la pasaje a dorso de la boca, a interna de la colo
gargara = lava la boca e garga con (un licuida) par espira tra lo
gargarosa = un pinson brun con fronte roja
gargola = un fas o figur siselida de un umana o animal monstrin, protendente de un construida e tipal funsionante como un beco per move la pluve a via de la mur
garifuna = pertinente a un popla de desende miscada african e american nativa, de ci multe ia migra a America Sentral e la Statos Unida, o a sua lingua
garlanda = un sirculo de flores e folias, portada sur la testa o pendeda como un orna
garnison = la soldatos encargada con proteje un fortres o vila; la construida cual los ocupa
garota = un filo o corda usada per strangula algun
gas = un materia fluente como aira, cual estende libre per pleni cualce spasio, sin relata a sua cuantia
gasolina = petrolio refinada, usada como un combustable per alga motores
gasolio = petrolio refinada plu pesosa ca gasolina, usada per alga motores
gasometre = un tance per reserva e mesura gas
gaspatxo = un sopa fria de tomate e otra vejetales, orijinante en Espania
gasta = deveni danada, erodeda o destruida par frica, usa o la pasa de tempo; (un comable) deveni nonfresca o putrida
gastral = pertinente a la stomaco
gastraljia = un dole de la stomaco
gastrite = un inflama de la strato interna de la stomaco
gastroenterite = un inflama de la stomaco e intestines, causante vomita e diarea
gastroenterolojia = la ramo de medica cual studia desordinas de la stomaco e intestines
gastrointestinal = pertinente a la stomaco e intestines
gastronomia = la arte e cultur de prepara e consuma bon comedas
gastropodo = un membro de un grupo grande de moluscos, como caracoles, limasas e businos
gastrotrico = un membro de un filo de vermes multe peti, comun en mares e lagos
gatilio = un aparato peti cual relasa un mola o simil per inisia alga cosa, tipal la ensende de un fusil
gatiliomanica = tendente reata violente, tipal usante un fusil
gato = un mamal peti, carnivor e domada con pelo suave, beco corta, e talones retirable; cualce membro de esta familia, como un leon o tigre
gauda = un ceso dur, plata e ronda de Nederland, tipal con casca jala
gaulteria = un planta sempreverde cual produi un olio bonodorosa mentin
gaus = un unia de indui magnetal, egal a un desmili de un tesla
gavia = un avia de acua, grande e tufante, con beco puntida e plumas negra e gris
gavota = un avia de mar con alas longa, pedes membranosa, e vose xiliante, tipal con plumas blanca e dorso negra o gris
gavota = un dansa de Frans de rapidia media, popular en la sentenio 18; un musica per esta
gaxa = un comeda semilicuida de avena o otra sereal, bolida en lete o acua; cualce comeda con forma de pulpa bultosa
gaza = un stofa de seda, lino o coton magra e diafana; esta stofa usada per proteje feris
Gaza = un teritorio de Filastin
gazela = un antilope peti e magra con cornos curva e pelo jalin brun e blanca a la adomen
gazi = un geror muslim veteran
ge = omosesal; pertinente a omosesales e omosesalia
geco = un lezardo noturna e comun ruidosa, con cuxinetas aderente a sua pedes per aida trepa sur surfases lisa
Geneve = un site en Suiz
Genova = un site en Liguria
Georgetown = la site capital de Guiana
Georgia = un stato en la SUA sude-este
gepardo = un gato grande, manxada, e multe rapida de Africa e partes de Asia
gera = partisipa en un disputa con armas entre nasiones, statos o grupos diferente
gerilia = un membro de un grupo peti e autonom ci partisipa en combate, tipal contra un forte militar plu grande
germanica = pertinente a un ramo de la familia de linguas indoeuropean cual inclui engles, deutx, nederlandes, frisce, dansce, norsce, svensce e gotica; pertinente a la poplas ci parla esta linguas
pangermanicisme = la idea o prinsipe de un uni political de tota europeanes ci parla deutx o un lingua germanica
germanio = la elemento cimical con numero atomal 32
Gernsi = un isola brites en la Manga, a norde-este de Jersi
geser = un fonte calda en cual acua boli a veses, ejetante un colona alta de acua e vapor en la aira; cualce jeta simil de licuida
gestalt = (en psicolojia) un intera organizada cual funsiona como plu ca la soma de sua partes
gestapo = un polisia secreta e cruel en Deutxland en la rena de la Nazis
geto = un parte de un site, tipal un visineria misera, ocupada par un popla o poplas minor; (istorial) la parte iudi de un site
gexa = un fem nion cual servi como un ospitor, divertinte omes con conversa, dansa e canta
gi = bur clarida, preparada de la lete de un bove o bufalo, usada en cosini barati
gibon = un primate peti e magra con brasos longa e forte e crias alta de `u-u`, abitante la arbores de la forestas de Asia sude-este
gic = un person, comun sosial torpe, ci es intensa interesada a un campo tecnical o un amato spesialida
gici = condui como un gic, spesial mostrante zelo per studia o discute un tema multe tecnical o spesialida
gida = mostra la via a (algun); dirije o influe la atas de (algun); fa ce (un person o animal) acompania on par teni el a la mano, con un corda, etc; opera e controla la dirije e rapidia de (un veculo)
giga- = 10⁹
gilotin = un macina con un lama pesosa cual lisca vertical en du ranures, usada per destesti persones; un aparato per talia paper, vejetales, etc, con un lama movable liada a un funda fisada
ginco = un arbor caduca, relatada a la arbores conifer, con folias vanin e flores jala, orijinante en Jonguo
Gine = un pais a la costa ueste de Africa
Golfo Gine = la parte norde-este e ecuatoral de la Mar Atlantica sude, prosima a Africa sentral
Gine-Bisau = un pais a la costa ueste de Africa
Gine Ecuatoral = un pais peti en Africa ueste a lado de la Mar Ginean e composada de alga isolas e un colonia a la costa
Gine Nova = un isola grande en la Mar Pasifica sude-ueste, a norde de Australia
ginea = un unia istorial de mone en la Rena Unida, usada entre la sentenios 17 e 19
gingam = un stofa de coton lejera, tipal con cuadros blanca e colorida
ginia = (un oio) clui e abri rapida, per indica ce alga cosa es un broma o un secreta, o per siniali amosia; (ambos oios) clui e abri rapida
gitar = un strumento musical de cordetas, con trastes, lados curva e ses o des-du cordetas, juada par la ditos o un plectro
gitar eletrical = un gitar con sensadores eletrica, tipal con un corpo solida
Gitega = la site capital de Burundi
gladiator = (en Roma antica) un om instruida per combate con armas en un stadion, contra otra omes o animales savaje
gladiolo = un planta en familia de iris, con folias spadin e spigas de flores colorosa
glamor = la cualia atraente o stimulante par cual alga persones o cosas pare spesial; un belia o encanta cual es sesal atraente
glande = un organo cual secrete cimicales spesial per usa en la corpo o per descarga a estra; la fini ronda de un penis o clitoris
glareola = un avia insetivor con alas longa e coda forcin, relatada a la pluviales
glasa = covre (comedas o stofa) con un strato lisa e briliante
glasia = un masa o rio lenta de jelo, formida par la cumula e compati de neva sur montes o prosima a la polos; un covre de jelo sur un rejion grande, tipal en zonas prosima a la polos
glasiolojia = la studia de glasias
glasnost = (en la URSS pasada) la politica o pratica de governa plu abrida a la sitadanes, inisiada par Mikhail Gorbachov en 1985
glaucoma = un state de presa plu grande ca normal en la oio, gradal causante la perde de vide
gleditsia = un arbor en familia de piso, con spinas longa e folias filisin
gli = un canta en tre o plu partes, tipal sin strumentos
glica = (un molecula de zucar) deveni liada a un molecula de protena o lipido sin regula enzimal
glico- = pertinente a o produinte zucar
glicojen = un materia deponeda en la texedas como un reserva de carboidratos
glicolica = un composada cristal, trovada en cana de zucar, uvas nonmatur e betas zucarosa, cual ave multe usas industrial
glifo = un simbol direta per un parola o espresa, en formas la plu antica de scrive; (en informatica) la representa grafica de un sinia
glifosato = un composada artifis usada como un erbiside forte
glisemia = la presentia de glucosa en la sangue
iperglisemia = glucosa suprabundante en la sangue, tipal asosiada con diabete
ipoglisemia = un manca de glucosa en la sangue
gliseria = cualce de un grupo de erbas con un sabor o odor dulse cual atrae bestias a lo
gliserol = un licuida viscosa, dulse e sin color, formida como un suproduida en la fabrica de sapon
glisina = un arboreta trepante, con grupos pendente de flores pal bluin lila
globo = un representa sfera de la Tera, Luna o constelas; cualce ojeto aprosima sfera
globulina = un protena simple cual es un parte major de sero sangual
glocenspil = un strumento de percute con un serie de pesos metal, colpada par marteletas
glomerulo = un grupo de capilares sirca la fini de un tubeta de ren, do produidas dejetada es filtrida de la sangue
gloria = un onora alta ganiada par atenis notable; belia o dinia grande
glosa = ajunta un tradui, esplica, interprete o parafrase de (un parola, frase o pasaje de leteratur)
gloso- = con forma de lingua
-gloso = con forma de lingua
glosolalia = parla un lingua cual on no sabe, o parla fluente ma sin un sinifia comprendable, en un transe relijial o simil
glote = la parte de la larinje composada de la plias vosal e la pasaje entre los
gloton = abituada a come suprabundante
glucagon = un ormon formida en la pancreas cual promove la rompe de glicojen per produi glucosa en la figato
glucosa = un zucar simple, importante como un fonte de enerjia en organismes e un composante de multe carboidratos
gluglu = la sona fada par un pavo o pavon
gluglui = fa la sona de un pavo o pavon
gluglui = la sona de un pavo o pavon
gluma = la casca de un seme de gran
gluon = un particula suatomal sin masa, sur cual on ipotese ce lo lia cuarces a lunlotra
glutamato = un sal o ester de asida glutaminal
glutamina = un aminoasida idrofilica cual es un composante de la plu de protenas
gluten = un misca de du protenas presente en granes, spesial trigo, cual causa la trama elastica de pasta
gluteo = cada de la du partes carnosa cual formi la area retro e basa de la tronco de un person; un parte simil de un animal; cada de la tre musculos en esta area cual move la coxa
gnais = un roca mutada con strutur stratida, tipal composada de feldspato, cuarzo e mica
gnatostomulido = un membro de un filo peti de animales multe peti de mar
gneto = un planta perene de la tropicos, cisa la prima polenida par insetos
gnomon = la parte vertical de un orolojo de sol, cui ombra indica la ora; la forma creada cuando on sutrae un paralelogram de un angulo de un paralelogram plu grande
gnostica = pertinente a sajia mistica e secreta; (istorial) pertinente a un grupo de filosofias o relijios antica cual ia asentua la developa de la spirito umana par la revela de sabe vera
agnostica = credente ce on no pote sabe esce dios esiste
gnu = un antilope de Africa con testa longa, barba, crinera, e dorso inclinada
go = un jua de table de Nion, con la gol de gania teritorio
Deserto Gobi = un deserto a la plano alta su Mongol sude e Jonguo norde
gobio = un pex peti de mar, tipal con ventosa
gofer = un rodente tunelinte con poxes foreda con pelo estra sua jenas, de America Norde
gol = (en sportes) un parte de un campo a cual on atenta dirije la bal per gania puntos; un gania de puntos en esta modo; la ojeto de la intende de algun; un resulta desirada
autogol = (en futbal) un punto ganiada cuando un juor colpa la bal a en sua propre gol
golem = (en mitos iudi) un corpo de arjila, animada par majia
goleta = un barcon de vela con du o plu mastos, cui anterior es tipal min grande ca la otra
golf = un sporte juada sur un campo grande, do on usa un baston spesial per colpa un bal a en un buco peti en la tera, con gol de usa tan poca colpas como posible
golfo = un parte de un mar cuasi ensircada par tera, tipal con boca streta
goma = un secrete viscosa de alga arbores e arboretas cual duri cuando secida e de cual on fabrica aderentes e otra produidas; cualce otra sustantia simil
gomi = usa un goma per sutrae (alga cosa) par frota; aplica goma sur (alga cosa); covre (alga cosa) con goma
gombo = un planta en familia de malva, con cascas longa e crestida, de la tropicos de la mundo vea; la cascas comable de esta
-gon = descrivente un figur plana jeometrial, con un prefisa cual indica la cuantia de angulos
decagon = (un forma plana) con des lados reta e des angulos
dodecagon = (un forma plana) con des-du lados reta e des-du angulos
esagon = (un forma plana) con ses lados reta e ses angulos
etagon = (un forma plana) con sete lados reta e sete angulos
icosagon = (un forma plana) con dudes lados reta e dudes angulos
nonagon = (un forma plana) con nove lados reta e nove angulos
otagon = (un forma plana) con oto lados reta e oto angulos
pentagon = (un forma plana) con sinco lados reta e sinco angulos
poligon = (un forma plana) con a la min tre angulos e lados reta, tipal sinco o plu
gonada = un organo cual produi gametas, per dise un ovario o testiculo
ipogonadia = un manca de secrete ormonal o otra ativia de la gonadas
gondola = un barceta longa e magra con fondo plana, usada en la canales de Venezia
gongo = un disco metal cual produi un sona resonante cuando on colpa lo
gonopor = un abri per copula, trovada en insetos fema
gonorea = un maladia sesal, marcada par inflama e descarga de la uretra o vajina
gorgon = un monstro ci ia ave serpentes vivente en loca de capeles
gorgonzola = un ceso mol e forte de Italia, con venas bluin verde
gorila = un primate grande e potiosa con testa grande e colo corta, trovada en la forestas de Africa sentral
gospel = un stilo de canta relijiosa developada en la eglesas de americanes negra
gota = (un licuida) cade como masas peti e ronda
gota = un masa peti, con forma ronda o perin, de un licuida cual pende, cade o adere a un surfas
gota = un maladia en cual la metaboli de asida urica es defetosa e causa artrite (tipal de la osos peti de la pedes), la depone de urato de sodio, e periodos de dole acuta
gotea = (un contenador) perde o asorbe acaso sua contenida, tipal un licuida o gas, tra un buco o fesur
gotica = de o pertinente a un moda de arciteta comun en Europa ueste entre 1100 e 1600, con arcos puntida, voltas costelin, arcos apoiante, vitro colorida, e ornas par perfora detaliosa; (leteras) derivada de un stilo angulo con verticales spesa, usada en Europa de la sentenio 13; pertinente a un stilo de musica punc o a sua sucultur de persones con vestes negra e disposas lamentosa
goto = pertinente a un popla germanica ci ia invade la Impero Roman de la este entre 200 e 500 EC
governa = maneja la politica, atas e consernas de (un stato, organiza o popla); eserse potia o autoria supra (un rejion o popla)
gradiente = un grandi o diminui de la grandia de un cualia como temperatur, presa o consentra
grado = la cuantia, nivel o estende a cual alga cosa aveni o es presente; un unia per mesura angulos; un nivel en un scala, serie o prosede, o en la ierarcia de un organiza o sosia; cada de la surfases orizonal cual formi un scalera
gradalisme = un politica de reformi gradal; la teoria en biolojia de evolui gradal
multigradal = con multe grados o pasos
gradua = susede ateni un diploma de un scola, universia o curso
graf = un scema mostrante la relata entre cuantias variante
-graf = un aparato per scrive o desinia
grafem = cada de la unias la plu peti en un sistem de scrive
-grafia = la siensa de scrive o desinia
grafica = pertinente a la artes vidal, tipal envolvente desinia, grava o leteri; (en informatica) pertinente a imajes vidable
grafiti = scrives o desinias, tipal nonlegal, sur un mur o otra surfas publica
grafito = un forma de carbono gris e cristal, usada como un lubricante, en lapises, e como un moderante en reatadores nucleal
grafolojia = la studia de scrive; la esamina de scrive par mano, como un modo de interprete la personalia de un individua
grai = la unia internasional per mesura la cuantia asorbeda de radia ioninte, egal a un jul per cilogram
gralia = un corvo sosial de Eurasia con plumas negra e fas calva, cual nidi en colonias a culminas de arbores
gram = la unia metral fundal de masa
-gram = un produida de un aparato scrivente
grama = cualce planta en un familia con talos sesionida e spigas de flores polenida par la venta, dominante en erba
gramatica = la sistem e strutur completa de un lingua, o de linguas jeneral
graminoide = cualce planta con forma simil a erba, con folias longa e plata, per esemplo siperos, juncos e erba mesma
gran = un seme o fruta de un sereal; un colie cultivada de estas; un particula de un materia como sal o arena
desgrani = bate (sereales) per libri la granes
desgranador = un util per desgrani sereales
desgraneria = un solo o tereno do on bate la sereales per desgrani los
granada = un bomba peti, lansada par mano o un lansador; un contenador de vitro con cimicales cual es relasada cuando lansada e rompeda, usada per proba cloacas e estingui focones
granada = un arbor nativa de Africa norde e Asia ueste; la fruta de esta, con pel dur e rojin, e con pulpa roja e dulse con multe semes
granato = un jem fabricada de un mineral profonda roja
grande = de un altia, estende, cuantia o masa plu ca normal per sua clase o tipo; (un person) de un capasia o importa multe plu ca normal
estragrande = (un produida comersial) multe grande
regrandi = deveni plu grande o plu peti
Rio Grande = un rio en America Norde cual comensa en la Montes Rocosa e fini en la Mar Mexico, e cual formi la frontera entre la SUA e Mexico de El Paso a la mar
granito = un roca magmal dur, granetin e cristal, composada xef de cuarzo, mica e feldspato, e comun usada como un petra per construi
graniza = granes de pluve jelada cual cade de nubes cumulonimbo
granuloma = un masa de texeda granin en la corpo, tipal causada par un infeta, inflama o la presentia de un materia stranjer
granulopoiese = la produi de granulosites
granulosite = un selula de sangue blanca con granes secretente en sua sitoplasma, per dise un eosinofilica o basofilica
granulositopenia = un nonsufisi de granulosites
grapa = un peso de filo metal magra, con finis curvida a angulo reta, cual un aparato presa tra paperes per junta los a lunlotra; un bara con forma simil, usada per junta du pesos de lenio o petra
gras = un materia natural de olio semisolida, presente en la corpo de animales, tipal en un strato su la pel o sirca alga organos; esta materia o otra simil, usada per lubrica o cosini
gras de lete = la parte grasosa de lete
grasia = espresa un senti de felisia a (algun) pos reseta alga cosa beneficante
grasil = magra en modo bela o refinada
Grau, Mar = un mar a ueste de Peru, un parte de la Mar Pasifica
grava = siseli o talia (un desinia) en la surfas de un ojeto dur; crea (un desinia) en un surfas dur par covre lo, desinia sur lo con un ago, e satura lo con asida per ataca la partes esposada, tipal per fabrica primidas
fotograva = un imaje produida par grava un foto a un placa metal
grave = (un feri, maladia o era) forte perilosa; (un situa o aveni) major e turbante; (un sinieta) avente la forma videda en leteras como à e ù
gravita = move, o tende move, a un masa o otra cosa atraente, tipal la sentro de la Tera, la Sol o otra cosa multe masosa
graviton = un cuanto ipotesal de gravita, regardada como un particula
grebe = un avia acual e tufante con colo longa, ditos lobosa, e coda multe corta
gregorian = pertinente a la periodo de Pape Gregorio 13, tipal a la calendario introduida par el en 1582, ancora usada par cuasi tota nasiones oji; pertinente a un canta liturjial catolica e ortodox
Grenada = un pais de isolas de la Mar Caribe sude-este
Grenadine, Isolas = un cadena de isolas peti en la Mar Caribe
gres = un seramica nonpermeable, durida a temperatur alta
greve = (empleadas) refusa labora como un forma de protesta organizada, tipal per oteni beneficas de sua empleor
greve savaje = un greve fada par laborores sin la aproba de sua sindicato
grifon = un monstro con corpo de leon e testa e alas de agila
grilia = un strutur de bandas de lenio o metal crusante, con spasios cuadro o diamantin a entre, usada como un serca, scermo, brasador, etc; un sinia de du linias vertical e du linias orizonal crusante, con sinifias diversa
grilo = un inseto en familia de locusta, cui mas produi un grinse ruidosa
grilo verde = un locusta grande e tipal verde
grima = fa un espresa de fas con suprasiles fronsida, per indica coleria, tristia, consentra o mal umor
grimorio = un tipo de libro majial european medieval, instruinte sur la fa de encantas e la clama de spiritos
grinse = fa un sona alta e forte, tipal causada par la raspa de un cosa o parte contra un otra
grio = un membro de un caste de poesistes, musicistes e narores ci manteni un tradision de istoria bocal en partes de Africa ueste
gripe = un infeta virusal e multe comunicable de la pulmones, causante febre, dole e cataro
gris = con color entre negra e blanca, como sene
grivnia = un forma alternativa de la parola `hrivnia`
grog = un bevida de acua e rum o un otra distilada, tipal calda e dulse
Gronland = un otra nom per Calalitnunat
Mar Gronland = un mar a este de Calalitnunat, un parte de la Mar Atlantica
grosela = un arboreta eurasian cual produi bacas peti negra, roja o blanca; la bacas comable de esta
grr = un sona fada par animales como leones, tigres e canes, indicante coleria o menasa
gru = un avia alta, con gamas e colo longa, tipal con plumas blanca o gris, notada per sua dansas de cortea complicada; un macina grande e alta, usada per move ojetos pesosa, tipal par suspende los de un braso longa
Gru = un constela en la sielo sude
grunje = un moda de roc, con gitar ruidosa e voses ru
grupi = un person, tipal un fem joven, ci segue un grupo musical o otra selebradas, e ci espera encontra los o developa un relata con los
grupo = un cuantia de persones o cosas prosima a lunlotra o clasida con lunlotra
aplogrupo = un grupo de aplotipos simil cual comparti un asendente con un muta de un nucleotido polimorfe
guacamole = un plato de avocado maxada con oniones, tomates e txilis axida, e spises
Guadelupe = un grupo de isolas en la Mar Caribe, governada par Frans
guaiaco = un arbor sempreverde de la Caribe e America tropical, istorial importante per sua lenio dur e oliosa
guaiava = un arbor nativa de Mexico, America Sentral e la norde de America Sude; la fruta tropical e comable de esta, pal orania, con pulpa rosa e jusosa e un odor forte e dulse
Guam = la isola la plu grande de la Isolas Majel, governada par la SUA
Guangdong = un provinse de Xina sude
guangdong = la lingua de la popla de la provinse Guangdong en Jonguo sude
guanina = un de la nucleotidos en ADN e ARN
guano = un fertilinte composada de la fece de avias de mar e ciroteros; un fertilinte artifis simil, tipal preparada de pexes
guarani = pertinente a un popla de americanes nativa de Paraguai, o a sua lingua
guarani = un person guarani; la lingua guarani; la unia de mone en Paraguai
Guatemala = un pais en America Sentral cual borda la Mar Pasifica con costa corta a la Mar Caribe; la site capital de la pais Guatemala
Guayaquil = un site de Ecuador
Golfo Guayaquil = un golfo a ueste de Ecuador, un estende de la Mar Pasifica
gud = la unia de mone en Aiti
Gudjarat = un provinse de Barat
gugli = xerca informa sur (un person o cosa) a la interede, usante la programes de la compania Google
gugli = (en criceta) un bal lansada con bondi enganosa
gugol = des a la potia 100
gugolplex = des a la potia gugol; (metafor) cualce cuantia enorme
Guian Franses = un pais en America Sude norde, governada par Frans
Guiana = un pais a la costa norde-este de America Sude
Guyana = un pais a la costa norde-este de America Sude
gul = (en mitos) un mal fantasma ci ruba tombas e come corpos mor
gulag = un campo de labora en la sistem mantenida en la Uni Soviet de 1930 a 1955, tipal usada per prisonidas political, en cual multe persones ia mori; cualce loca simil
gulax = un sopa o ragu de bove, paprica e onion, orijinante en Magiar
gulo = un mamal carnivor con corpo grande ma gamas corta, pelo longa e brun, e coda brosin, nativa de la tundra e forestas norde de Europa, Asia e America Norde
gundi = un rodente peti e sosial, abitante rejiones rocosa en la desertos de Africa norde e este
gupi = un pex peti de acua dulse, comun trovada en acuerias
Gupta = un dinastia indu fundida en 320 cual ia rena la plu de Barat norde tra un periodo; sua impero
guptan = pertinente a la dinastia Gupta
gurami = un pex colorosa de Asia, popular en acuerias
gurduara = la construida do sices congrega per adora e instrui relijiosa
gurgula = crea un sona como acua corente de un botela, un stomaco fame, o un paso en fango
gurme = un person con multe sabes e esperia de comedas de cualia alta
guru = (en budisme e induisme) un instruor relijiosa
gusta = senti ce (un person o cosa) es bon, simpatiosa, sasiante, plasente, etc
h = la letera oto de la alfabeta roman
h = ora (mesurante longia de tempo)
ha = espresante ce on es surprendeda, ce on ia vinse, ce on ia fa un descovre, o un otra reata simil
ha ha = espresante un rie
haca = pertinente a un popla de Jonguo sude-este, o a sua dialeto de xines
haca = un dansa ritual de gera maori, con canta lenta
hadj = la peregrina muslim a Maca cual aveni en la mense final de la anio, obligante per cada muslim a minima un ves en sua vive
hadji = un muslim ci ia vade ja a Maca como un peregrina
hadrosauro = un dinosauro grande, erbivor e xef bipede de la cretasica, con un mandibula plata como la beco de un pato
hafnio = la elemento cimical con numero atomal 72
hagis = un plato scotes, composada de la organos de un ovea o boveta, miscada con gras de ren, gaxa de avena e spises, e bolida en un saco, tradisional preparada de la stomaco de la animal
Haiastan = un pais sin costa en la Caucasos en Asia sude-ueste
haicu = un poesia nion con tre linias de sinco, sete e sinco silabas
haida = pertinente a un popla de americanes nativa de la costas de Columbia Brites e Alaska sude-este, o a sua lingua
Hainan = un isola en la Mar Xina Sude cual es un provinse de Jonguo
halal = pertinente a carne preparada en la modo prescriveda par lege muslim
halumi = un ceso blanca, blanda e firma de Cipros
halux = (en linguaje tecnical) la diton de la pede
Hampshire Nova = un stato en la SUA norde-este
han = la titulo de renores e ofisiores en Asia sentral e alga otra nasiones muslim; la titulo de la imperores mongol
hania = la impero o otra rena de un han
han = pertinente a la dinastias cual ia rena Jonguo de 202 AEC a 8 EC, e de 25 a 220 EC
han este = pertinente a la dinastia fundida par Liu Xiu, cual ia rena Jonguo de 25 a 220 EC
han ueste = pertinente a la dinastia fundida par Liu Bang, cual ia rena Jonguo de 202 AEC a 8 EC
handbal = un sporte en cual du ecipos usa sua manos per colpa un bal en dirije a goles
hangugo = pertinente a la popla de Tehan o Txoson, o a sua lingua
hangul = la alfabeta usada per scrive hangugo
Hanoi = la site capital de Vietnam
hantavirus = un virus transportada par rodentes, cual causa alga maladias con febre e emoraje, tipal con dana a o fali de la renes
hanuca = un festa iudi de oto dias en desembre, recordante la rededica de la Templo en 165 AEC
haraciri = un suiside ritual nion, fada par desventri con un spada, istorial praticada par samurais como un alternativa de desonora o esecuta
Harare = la site capital de Zimbabue
harmatan = un venta seca e polvosa cual sofla de la Sahara a la costa atlantica de Africa Ueste en desembre, janero e febrero, esente calda en alga areas e fria en otras; la saison en cual esta venta aveni
hascala = un promove de moderni e seculari entre iudis european en la sentenios 18 e 19
hasidisme = un seta fundaliste de iudisme, derivada de un seta mistica de Polsca de la sentenio 18
hasio = la elemento cimical con numero atomal 108
hausa = pertinente a un popla de Nijeria norde e rejiones prosima, o a sua lingua txadica
Havana = la site capital de Cuba
Hawaii = un stato en la SUA, composada de un grupo de isolas en la Mar Pasifica norde
Isolas Hawaian = un arcipelago de isolas en la Mar Pasifica norde cual formi la stato Hawaii
haxix = un droga recreal en familia de canaba
hazar = pertinente a un tribu turcica de relijio iudi cual ia ocupa Hazaria, o a sua lingua
Hazaria = un parte istorial de Rusia sude-ueste e Ucraina
he = atraente la atende de algun
he he = espresante un rie burlante, sarcasmosa o rusosa
Hebrides Esterna = un cadena de isolas a la costa ueste de Scotland
Hebrides Interna = un arcipelago a la costa ueste de Scotland, a sude-este de la Hebrides Esterna
Hecate, Streta = un streta a ueste de Columbia Brites
Helsinci = la site capital de Suomi
hemicordato = un membro de un filo de deuterostomios de mar, solitar e formida como vermes
hena = la folias polvida de un arboreta tropical, usada como un tinjente per colori la capeles e decora la corpo; la arboreta cual produi esta
henje = un monumento preistorial, composada de un sirculo de petras o lenios grande e vertical
henri = la unia internasional per mesura indui eletrical
hentai = un anime o manga pornografial
Hercule = (en mitos elinica e roman) un eroe con coraje e fortia supraumana ci ia fa 12 taxes grande e, pos mori, ia deveni un dio; un constela norde grande
herero = pertinente a un popla nativa de Africa sude, de ci la plu abita en Namibia
hermetisme = un sistem filosofial fundida sur la instruis de Hermes Trismegisto
hermetiste = pertinente a Hermes Trismegisto o a hermetisme
hermetiste = un person ci studia hermetisme
Hersegovina = un rejion en la Balcanes, la parte sude de Bosnia e Hersegovina
Hervatsca = un pais en Europa sude-este, con costa a la Mar Adriatica
herze = la unia internasional per mesura frecuentia, egal a un sicle per secondo
hi = (tipal repeteda) espresante un rieta nervosa o ascondeda
hibatxi = un casola o brasador nion en cual on arde carbon de lenio per caldi un casa; un aparato simil per coce
hidjab = un covrente per la testa, portada par alga femes muslim estra casa
hidjra = la vade de Maca a Medina par Muhammad en 622; la eda muslim cual ia comensa alora
hifa = un de la filetas raminte cual composa la miselio de un fungo
Himalaia = un rejion montaniosa en Asia sude cual estende de Caxmir en la ueste a Assam en la este
Montes Himalaia = un cadena de montes multe alta en Himalaia
Transhimalaia = un rejion montaniosa a norde de Himalaia e paralel a lo
hindi = pertinente a la lingua industani la plu comun parlada en Barat norde, scriveda en devanagari con multe parolas prendeda de sanscrito
hiolito = un membro de un clase de animales con concas peti e cono, conoseda como fosiles paleozoica
hiphop = un moda de musica creada par americanes negra e latina, cual inclui rap con fondo eletronical; un forma de dansa relatada a esta
hipi = (un person) de aspeta nonconformante, tipal con capeles longa e vestes diferente, de un sucultur pasiste cual rejeta valuas abitual e usa drogas alusinojen
Hipocrate = un mediciste famosa de Elas antica
hiragana = la forma la plu comun de la du formas de scrive silabal usada en Nion
hitita = parteninte a un popla antica ci ia fundi un impero en Anatolia e Suria cual ia flori de 1700 a 1200 AEC, o a sua lingua
hm = espresante ce on considera o vole atrae atende
ho = (tipal repeteda) espresante un rie basa; (con tre repetes) espresante la rie de Papa Natal (San Nicolas), spesial en America Norde
hobit = un membro de un raza de umanas peti en la obras de JRR Tolkien
hoci = un jua de ecipos, en cual on usa bastos oncida per gida un bal a goles a finis oposada de la campo
hoci de jelo = un varia de esta jua, fada sur jelo en patines, con un disco de cauxo
Hokkaido = la isola la plu norde de la cuatro isolas de Nion
holding = un compania creada per compra e posese asiones de otra companias, per controla estas
holi = un festa indu en febrero o marto, onorante Crixna
holmio = la elemento cimical con numero atomal 67
holo = pertinente a un popla de Taiuan, o a sua lingua
holozon = un membro de un clado de organismes cual inclui animales e sua relatadas uniselulal la plu prosima, ma cual esclui fungos
holstain = un bove de un raza de Holstein en Deutxland, elevada per lete, tipal blanca-negra
Homero = un poesiste elinica antica de la sentenio 8 AEC, a ci on atribui tradisional la _Iliada_ e la _Odisea_
Hongkong = un rejion cuasi autonom a la costa sude-este de Jonguo
Honiara = la site capital de la Isolas Solomon
Honshu = la plu grande de la cuatro isolas major de Nion
hopi = pertinente a un popla de americanes nativa de un rejion de Arizona norde-este en la SUA, o a sua lingua
Streta Hormuz = un streta a la boca de la Golfo Persian
hornpip = un dansa vivosa de Britan, asosiada con marores; un musica per esta
hrivnia = la unia de mone en Ucraina
Huanghai, Mar = un parte de la Mar Xina Este entre Corea e Jonguo
Huanghe, Rio = un rio en Jonguo cual comensa en la montanias de Jonguo ueste-sentral e fini en la Mar Huanghai
Baia Hudson = un mar a norde de Canada, ensircada par Canada e sua isolas norde
Rio Hudson = un rio en York Nova este cual flue a lado de Manhattan
Streta Hudson = un streta entre Quebec e la Isola Baffin
hula = un dansa de Hawaii cual inclui ses pasos fundal, ancas ondante e jestis simbolinte
hun = pertinente a un popla nomada de Asia ci ia ataca Europa entre 300 e 500, ativinte la move de multe otra poplas e ultima la fini de la Impero Roman antica
huri = un fem joven e bela, tipal un de la virjines cual acompania la fidosas en la paradiso muslim
Huron, Lago = un de la sinco Lagos Grande de America Norde, entre Canada e la SUA
husar = un cavalor lejera armada de Magiar en la sentenio 15
husci = un can forte con pelo duple, tipal gris, usada en zonas artica per tira trenos tra neva
husisme = un promove relijiosa inisiada en Txesco par Jan Hus, ci ia es ardeda en 1415
huterita = pertinente a un varia de cristianisme fundida en Moravia en la sentenio 16, o a la comunia en America Norde con credes simil cual pratica un modo de vive simple e comunial
huti = pertinente a un tribu de xias de Iaman, cual ia saisi cuasi un controla completa de Iaman en 2015
hutu = pertinente a la popla major de Ruanda e Burundi, o a sua lingua bantu
i = la letera nove de la alfabeta roman, e sua nom
i = espresante un teme subita
-i = ajuntada a un ajetivo o nom per formi un verbo nontransitiva per la ata de deveni tal, o, pos ajunta un ojeto, la ata de fa ce la ojeto deveni tal
-i = ajuntada a un nom per formi un verbo transitiva per la ata de usa (un util) o aplica (un materia)
-i = ajuntada a un cuanti peti de nomes per formi un verbo transitiva per la ata de emete (un licuida corpal)
-i = ajuntada a un nom jeografial per formi un ajetivo pertinente a la loca
-i = nominte un abitor o lingua de un rejion spesifiada
ia = usada direta ante un verbo finitiva per indica ce esta refere a un situa pasada
ia ta = usada direta ante un verbo finitiva per indica ce esta refere a un situa nonreal cual ta es pasada si lo ta es real
-ia = ajuntada a un ajetivo o nom per nomi la cualia astrata de es tal; ajuntada a nomes de postos (e cosas simil) per nomi la estende de la posto en tempo o spasio
-ia = maladia
IA = inteleto artifis
i-aa = un sona forte e desacordante como lo fada par un asino o mulo
iac = un mamal grande en familia de bove, de Asia sentral
Iaman = un pais en Asia sude-ueste
iambo = (en poesia) un pede metrical de du silabas de cual la prima es corta o nonasentuada e la seguente es longa o asentuada
Iamusucro = la site capital de Costa de Ivor
ianci = (demotica) un abitor de la SUA, o (plu esata) sua statos norde-este
iang = (en filosofia xines) la prinsipe ativa mas de la universo
iard = un unia de longia nonmetral, egal a 36 ditones o 0,9144 metres
Iaren = la distrito xef de Nauero
iarsanisme = un relijio fundida en Iran par Sultan Sahak en la sentenio 14
-iase = maladia
iate = un barcon de grandia media, con o sin velas e cabina, usada per corsa o viaja per plaser
iato = un interompe; (en medica) un abri en un organo; (en linguistica) un duple de silabas sin consonante interveninte
-iatria = dotores e trata medical
iatrojen = pertinente a un disturba medical causada par un mediciste
Iaue = un forma de la nom ivri de Dio, usada en la Biblia
Iaunde = la site capital de Camerun
Iberia = la penisola de Europa sude-ueste cual conteni Espania e Portugal
ibex = un capra savaje de montania, con barba e cornos longa e spesa
ibis = un avia vadante con gamas longa, colo longa, e beco longa e curvida
ibisco = un planta grande en familia de malva, con flores briliante colorida
ibride = composada de partes miscada; con jenitores de du spesies diferente
ica = fa nonvolente un spasma de la diaframa, subita cluinte la glote con un sona tipal
ica = un ata de ica
-ica = ajuntada a un nom jeografial per formi un ajetivo pertinente a la loca
-ica = nominte un abitor o lingua de un rejion spesifiada
-ica = ajuntada a un nom de un maladia medical o psicolojial con la coda `-ia`, per formi un ajetivo descrivente un person ci sufri de la maladia, e un nom per un tal person
-ica = indicante un valentia plu alta
icebana = la arte nion de ordina creosa flores taliada
icon = un depinta santa; un person o ojeto adorada; un imaje peti cual representa un program o util
iconin = onorada como un icon
iconoclasta = atacante o rejetante la credes e valuas tradisional; destruinte o rejetante la imajes relijiosa
iconostasio = (en multe eglesas bizantian) un mureta de icones entre la altar e la nave
icor = (en mitos elinica) la sangue de la dios; un suda de sangue e pus
icosa- = dudes
ictiolojia = la ramo de zolojia cual studia pexes
ictiosauro = un retil maral e estinguida de la mesozoica, cual sembla un delfin
id = (en la teoria psicoanalisal de Freud) la parte de la mente cual conteni la instintos e memorias represada
Idaho = un stato en la SUA norde-ueste
idea = un pensa, conseta, opina, crede o intende
ideal = desirada o perfeta, ma comun esistente sola en la imajina
ideali = deveni ideal
ideali = un ata de ideali
idealisme = un crede cual inclui la espera ce la ideal es realable; un filosofia cual sujesta ce tota realia es nonmaterial
identia = la fato de es lo cual on es, e la cualias (incluinte la nom) cual distingui on de otras
identica = simil en tota detalias; esata la mesma
identicia = la cualia de cosas (o persones) cual, an si los pare diversa, es identica
identifia = trova o indica la identia de; indica la identia de (la usor) cuando on comensa usa un program
radioidentifia = identifia (un ojeto) par un campo eletromagnetal cual deteta un transpondador sur la ojeto
ideogram = un sinia scriveda cual simboli un idea sin indica la pronunsia
ideolojia = un sistem de ideas e ideales
ides = pertinente a un lingua relatada a deutx, parlada par iudis en multe partes de la mundo
idilio = un sena o loca pasosa, felis o depintin, tipal presentada en un poesia
idiograf = un marca o sinia unica de un person individua
idiografia = la studia de persones individua
idiom = un espresa con sinifia no deduable de sua parolas composante
idiopatia = un maladia o sindrom cual comensa spontan o cui causa no es conoseda
-ido = un composada de sal
idol = un imaje de un dio o diva usada como un ojeto de adora
idra = un cnidario pico de acua dulse, con corpo troncetin e un anelo de tentaculos sirca sua boca
Idra = (en mitos elinica) un serpente con multe testas cual recrese si on talia los a via
Idra = la constela la plu grande
Idra Mas = un constela peti en la sielo sude
idrante = un tubo vertical de acua, con un boceta a cual on pote lia un mangera per combate focos
idrata = asorbe o combina con acua
desidrata = perde un cuantia grande de acua
idratante = un sustantia cual fa ce la pel deveni min seca
idrato = un sustantia cual conteni acua o sua elementos composante
idraulica = la ramo de siensa e tecnolojia cual studia la move de licuidas tra tubos e canales
idravion = un avion capas e de enaira de un estende de acua, e de amara
idro- = acua
asida idroclorica = un disolve forte asida de clorido de idrojen en acua
idroclorido = un composada de un alcalin organica con asida idroclorica
idrofilia = la tende per misca con acua, disolve en lo, o deveni moiada par lo
idrofilica = con la cualias de idrofilia
idrofilica = un cosa o organisme idrofilica
idrofobia = un teme estrema o nonrazonada de acua
idrofobica = con la cualias de idrofobia
idrofobica = un person idrofobica
idrografia = la siensa de mesura e mapa acuas grande, como mares, lagos e rios
idrojen = la elemento cimical con numero atomal 1, un gas sin color o odor, multe flamable
idrolase = un enzima cual catalise la idrolise de lias variosa
idrolise = rompe (un composada) par un reata cimical con acua
idrolojia = la studia de la cualias e moves de la acua de la Tera
idromel = un bevida alcolosa, de miel fermentada e acua
idroplana = un barco de motor con veletas per leva se e crese sua rapidia
idroponia = la crese de plantas en arena, calculos o licuida, con nurintes ma sin tera
idrosa = conteninte acua como un composante
idrosefalia = un maladia en cual licuida serebrospinal colie en la serebro, tipal en enfantes, cual grandi la testa e pote dana la serebro
idrosido = un composada metal cual conteni la ion OH⁻ o la grupo -OH
idrosil = de o pertinente a la radis -OH, en alcoles e multe otra composadas organica
idrosilase = un enzima cual introdui un grupo idrosil a un composada organica
idrozon = un membro de un clase de cnidarios cual inclui idras e fisalias
ie = corajinte o aprobante
iena = un mamal canin, con crinera erijeda e gamas anterior plu longa ca la posteriores
ier = a la dia ante oji
ierarcia = un sistem de organiza cual representa persones o cosas como relativa superior, inferior o egal, en acorda con sua state o grado
ieratica = pertinente a pretes, spesial los de Ejipte antica; pertinente a la scrive cuasi ieroglifal de Ejipte antica; pertinente a un stilo de arte de Ejipte e Elas antica cual segue metodos relijiosa
Ierevan = la site capital de Haiastan
ierofante = (en Elas antica) un prete major ci ia interprete misterios santa
ieroglifo = un imaje stilida cual representa un parola o sona, como los usada per scrive en Ejipte antica e otra locas
Ieruxalim = un site cual e Israel e Filastin reclama como sua capital
ieti = un primate lejendal sur cual on dise ce lo abita en Himalaia
ifen = un linia orizonal corta, usada per junta parolas cual indica un sinifia combinada, o per divide un parola entre du linias de testo
-ifer = produinte, portante
iftar = un come comeda par muslimes pos la reposa de sol en ramadan
iglu = un casa cupolin de inuites, tipal construida con blocos de neva solida
igrometre = un aparato per mesura umidia
igrostato = un aparato simil a un termostato cual responde a la umidia relativa, no la temperatur
iguana = un lezardo grande e verdin de America tropical, con cresta spinosa sur la dorso
iguanodon = un dinosauro erbivor e partal bipede de la temprana de la cretasica, con coda larga e rijida e diton spinin
iii = un sona alta como lo fada par un cavalo
i-i-i = un sona alta como lo fada par un simia
Iijing = un libro antica de divina xines
iin = (en filosofia xines) la prinsipe pasiva fema de la universo
iin-iang = (en filosofia xines) la interdepende de fortes oposada en la mundo natural
ijien = la states o praticas cual aida la manteni de sania e la preveni de maladias, tipal par limpia
-il = un radical cimical
ilario = estrema divertinte e comica
ilaria = la cualia de un cosa ilario; la felisia ruidosa cual lo causa
ileo = la parte tre de la intestin magra
ilex = un arboreta perene, con bacas roja e folias spinosa de verde oscur
Iliada = un poesia epica en elinica antica sur la Gera Troian, tradisional atribuida a Homero
ilio = la oso grande e larga cual formi la parte superior de cada dui de la pelvis
ilial = un musculo liante la ilio a la tibia
Ilio = un nom antica de la site Troia
Iliria = un rejion antica longo la costa este de la Mar Adriatica
Illinois = un stato en la SUA norde-sentral
ilocano = pertinente a un popla abitante en la norde-ueste de la isola xef de la Pilipinas, o a sua lingua
ilote = un membro de un clase de campanianes feudal en Sparta antica, con grado entre sclavos e sitadanes
ilude = fa ce (algun) ave un crede o persepi falsa; engana (algun)
desilude = fa ce (algun) perde un ilude, comun en modo deludente
ilustra = (un person) ajunta imajes a (un testo, libro o parla) per orna o documenti lo; (un imaje, foto o desinia) orna o documenti (un testo, libro o parla); (metafor) clari (alga cosa) par es o dona un esemplo
ilustra = la ata de ilustra un testo o parla; un imaje ilustrante un testo o parla
ilustral = (un documento o imaje) usada per ilustra un libro o parla
im- = en, a en
im- = no, non-
imago = la forma final developada de un inseto, tipal con alas; (en psicolojia de Jung) un imaje nonconsensa e idealida cual influe la condui
imaje = un representa vidal, real o mental de un person o cosa, como un sculta, depinta, desinia o foto; cada de la fotos individua en un serie cual formi un video; un fix cual conteni la strutur e contenidas intera de un disco
imajeta = un varia reduida de un imaje, como en catalogas de imajes
imaji = la crea de imajes, spesial en siensa
imajia = la cualia de imajes o cosas usada como imajes o simboles
imajina = conseta o formi un imaje mental de (un cosa)
imajinal = esistente sola en la imajina
imam = un person ci gida preas en un mascita
imantico = un avia vadante con beco longa, plumas negra e blanca, e gamas longa e rojin
imen = un membrana cual clui partal la abri de la vajina, cui presentia es tradisional tratada como sinia de virjinia
imita = copia la model de (alga cosa); fa ce sua propre modo de condui o parla sembla lo de (un otra person)
imno = un canta o poesia formal de loda
imobila = un propria nonmovable, tipal un construida e la tera ensircante
impala = un antilope de Africa este e sude, con moves refinada e cornos curva como un lira
impas = un strada o rua abrida a sola un fini; (metafor) un situa de cual on no pote progresa, per esemplo car la partisipores desacorda
impasto = la tecnica de aplica un pinta tan densa ce lo protende de un surfas
impedi = bloci (un person o cosa) per retarda o para el o lo
impedica = litiga (un ofisior governante), acusante el de tradi la stato o un otra malcondui simil
impenia = lasa (un ojeto) en la posese de un prestor per garantia la mone prestada
imperfeto = (en alga linguas) un tempo verbal cual espresa un ata pasada continuante o repeteda
impero = un grupo grande de statos o paises su un autoria suprema
impetigo = un infeta baterial e comunicable de pel, causante pustulas e ulseras jala e crostida
implanta = introdui (un cosa) en la corpo de un organisme, tipal par sirurjia
implica = (un fato) sujesta la veria de (un otra fato) en segue lojical; mostra la envolve de (algun) en un crimin
implode = colasa violente a en se
importa = es valuada per sua influe o efeto profonda
importante = valuada per sua influe o efeto profonda
imposta = (un governa) comanda ce un sitadan o comersia contribui a la stato un parte de (sua propre revenu) o la custa de (alga benes o servis)
surimposta = imposta plu (alga cosa ja impostada)
impresa = fa (un marca o desinia) sur un cosa par presa; fa un efeto a la sensas o mente de (algun); fa ce (algun) senti amira o respeta
impresisme = un stilo de depinta artal cual catura la impresa vidal de un sena en la lus de un momento definida
improvisa = crea e presenta (un obra) en modo spontan o sin prepara; construi (un cosa) de la materias cual es acaso disponable
impulsa = (un forsa corta e subita) causa la move de (un cosa) o un ata instintosa de (un person)
impulsa = un ata de impulsa, o la forsa cual fa lo
imune = protejeda contra la efetos de (un venena, infeta, obliga, etc)
autoimune = pertinente a maladias causada par anticorpos contra sustantias natural presente en un corpo
imunodebilia = un fali de la sistem imunial de proteje la corpo contra infeta, causada par la manca de un prosede o sustantia
imunojen = capas de crea un responde imunial
imunolojia = la ramo de medica e biolojia cual studia imunia
imunosupresante = un medisin cual supresa la ativia de la sistem imunial
imunoterapia = la trata o preveni de maladias par stimula respondes imunial
-in = ajuntada a un ajetivo o nom per formi un ajetivo descrivente un person o cosa con cualias o tendes simil
-in = idrocarbono nonsaturada
inata = (un capasia) ja fundida en la natur jenetical, tal ce un organisme no nesesa aprende lo
inatisme = la teoria ce capasias mental es inata
inaugura = introdui (algun) a un rol o organiza en modo formal; abri o santi (un construida o projeta) en modo formal
inca = un licuida colorida usada per scrive, desinia o primi
inca xines = un inca per caligrafia, desinia o depinta
inca = pertinente a un popla ci ia abita en la Andes sentral ante la concista espaniol en la sentenio 16
incandese = es tan calda ce lo brilia
incarne = (un dio o spirito) apare fisical como un umana o animal
inclina = apoia o verje a via de un plana o dirije, tipal la vertical o la orizonal; curvi sua testa o corpo alta como un sinia formal de saluta, respeta o vergonia
inclina sua xapo = desapone e reapone rapida sua xapo, o toca mera lo, per saluta o mostra respeta
es desinclinada de = (algun) no es disposada per un ata; senti no atrae a un ata cual on no vole fa, esitante o posponente fa lo
inclinada = diverjente de un plana vertical; disposada
inclinada = un surfas de cual un lado es plu alta ca la otra
inclui = conteni como un de sua partes o membros
inco = un bloco pesosa de aser o fero sur cual on marteli e formi metal; un oso en la orea media, con forma simil, cual transmete vibras entre la martel e la stribo
incoativa = pertinente a un verbo, o un aspeta de verbo, cual espresa la comensa de un ata
incore = reseta o esperia (un cosa nondesirada o nonplasente) par causa de sua propre condui o atas
incrementa = (un cuantia) crese par la ajunta de un otra cuantia peti, usual intero e la plu tipal 1
incrementa = un ata de incrementa; la cuantia mesma ajuntada
incuba = (un avia) senta sur (ovos) per manteni sua temperatur e causa la emerje de la avietas; manteni selulas, baterias, embrios, etc, a bon temperatur per developa; developa lenta (un maladia comunicable) sin sintomes persepable
incubo = un demon mas mital ci copula con femes dorminte
incuisisio = un periodo longa e intensa de demanda o investiga; (en istoria medieval) la organiza de judores catolica ci ia tortura persones per supresa la eresia
incunablo = un libro primida en la sentenio 15 en Europa
indente = fa un impresa en (un surfas plana), danante o taliante lo; largi la marjin de (un linia o bloco de testo)
indente de surie = un depresa peti en la carne de jena cual formi cuando algun surie
contraindente = largi la marjin de cada linia de (un bloco de testo) con eseta de la prima
desindente = redui la marjin de (un linia o bloco de testo)
India = un otra nom per Barat
Indian = un constela de la sielo sude
Mar Indian = la mar grande a sude de Barat, entre Africa e Australia
Indias Este = (istorial) la isolas de Asia sude-este de cual Indonesia es aora composada
Indias Ueste = la cadena de isolas cual estende de Florida a America Sude, entre la Mar Caribe e la Mar Atlantica
Indiana = un stato en la SUA norde-sentral
indica = mostra; (un sinia o sintom) implica; (un strumento) declara (un mesura); dise (alga cosa) per atrae atende a lo
contraindica = sujesta o indica ce (un tecnica o medisin spesifiada) no debe es usada en la caso spesifiada
indicador = la parte de un strumento cual mostra un mesura; un plata sur cual un avisa corta es mostrada; un ojeto usada per nota un loca, per esemplo sur un mapa o en un libro
indicador de venta = un strumento cual indica la dirije de la venta, tipal decorante la punto la plu alta de un construida
indiceta = indica sutil o nondireta
indicativa = pertinente a un moda de verbos cual espresa declaras simple de fatos
indigo = con color entre blu e violeta
indio = la elemento cimical con numero atomal 49, un metal mol e arjentin blanca
indise = rejistra (un cosa) par lia lo con un numero cual identifia lo en un serie
suindise = un indise scriveda min grande e plu basa ca la testo acompaniante
supraindise = un indise scriveda min grande e plu alta ca la testo acompaniante
individua = un, unica, distinguida, autonom, nondependente, solitar, isolida
Indo, Rio = un rio en Asia sude cual comensa en Bod, traversa Caxmir e Pacistan, e fini en la Mar Arabian
indoarian = de o pertinente a la familia de linguas indoiranian parlada en Asia sude, e a la poplas corespondente
indoeuropean = de o pertinente a la familia de linguas parlada tra multe de Europa e Asia sude, e a la poplas corespondente
protoindoeuropean = pertinente a la asendente de la linguas indoeuropean
indoiranian = de o pertinente a la familia de linguas indoeuropean parlada en Asia sude e sude-ueste, e a la poplas corespondente
Indonesia = un pais en Asia sude-este composada de multe isolas
indopasifica = pertinente a la partes tropical de la Mar Indian e de la ueste de la Mar Pasifica
Indoxina = la penisola de Asia sude-este, incluinte Camputxa, Lau, Miama, Tai, Vietnam e un dui de Malaisia
indri = un lemur grande, con coda corta, de Madagasicara
indu = de o pertinente a induisme, un relijio e tradision cultural de Asia sude
indui = introdui (algun) a un rol o organiza en modo formal; gida, provoca o convinse (algun) a fa alga cosa; (en medica) fa ce un nase comensa par metodos artifis, tipal par medisin; (en lojica) deriva un lege jeneral par considera casos individua; (un corpo prosima e eletrical o magnetal) produi un state eletrical o magnetal
industani = un grupo de dialetos parlada en Barat norde-ueste e Pacistan, en familia de linguas indoeuropean
industria = ativia economial cual trata la prosede de materias cru e la fabrica de benes en fabricerias
industri = developa multe industrias
inere = esiste esensal o permanente (en alga cosa)
inerte = sin la capas o fortia per move; nonativa
inerva = furni nervos a (un organo o parte de corpo)
infantria = soldatos de pede
infarta = (un area peti de texeda) mori par manca de sangue, tipal par causa de un trombo o embolo
inferior = plu basa en grado, ordina, state o cualia; (en anatomia) plu basa en loca
infesta = ataca, turba o es presente en (un loca, person o animal), ostinosa o en cuantia grande; (un fantasma) apare frecuente en (un loca)
infeta = afeta (un person, organisme, selula, etc) con un organisme cual causa maladia; contamina (aira, acua, etc) con organismes nosiva; afeta (un computador) con un virus
infiltra = entra a o ateni asede (un loca, organiza, computador, etc) en modo secreta e gradal, spesial per ateni informa secreta; (en medica) (un tumor, selula o simil) estende o invade (un organo o texeda); (un licuida) permea (alga cosa) par filtri
infinita = sin limita, sin fini, en spasio, tempo, estende o grandia; no mesurable o calculable; plu grande ca cualce cuantia o numero; capas de continua sin limita
infinitim = un cuantia nonmesurable peti
infinitiva = un forma nonfinitiva de un verbo, con o sin infleta distinguinte
infisa = introdui firma (un cosa) en un otra cosa; introdui (un morfem) en la corpo de un parola
infla = pleni (un balon, numatico o otra strutur cresable) con aira o otra gas per estende lo; crese (un cosa) con un cuantia grande o suprafluente
iperinfla = (la valua de mone) diminui con rapidia grande
inflama = deveni flaminte; (un emosia forte, como coleria) apare o crese en algun; (un parte infetada de la corpo) deveni roja, calda e comun dolosa
infleta = (la tono de vose) cambia per espresa umor o emosia; (en gramatica) (la forma de un parola) cambia per espresa un rol o cualia gramatical, tipal tempo, modo, person, cuantia, caso o seso
influe = es capas de afeta la natur, developa o condui de un person o cosa
infografia = imajes produida par computadores; la arte e siensa de produi estas
informa = dona a (algun) fatos o descrives importante o nesesada
desinforma = malinforma con intende de confusa o engana
malinforma = dona informa noncoreta, par era o con intende
informatica = la studia de prosede informa per reteni e reprende lo; la studia de la prinsipes e usa de computadores
infotecnolojia = la studia o usa de sistemes (spesial computadores e telecomunica) per reteni, reprende e envia informa
infra- = su, a su, a basa
infusa = (te, erbas, etc) es empapada en licuida per estrae la sabor o cualias saninte
ingrediente = un cosa cual on combina con otra cosas per produi un comeda; un parte o elemento nesesada per produi alga cosa
inguin = la area entre la adomen e un coxa; (en arciteta) la borda curva formida par du voltas crusante
Inguxetia = un republica autonom en Caucaso en Rusia sude-ueste
inibi = retarda o preveni un prosede fisiolojial o reata cimical; redui la ativia de (un enzima o otra ajente)
iniora = refusa intendente nota o reconose (un person o cosa); no considera (un cosa importante); (en lege) rejeta (un condena) como sin funda
inisia = (un ata o prosede) comensa; (un person) entra a un grupo secreta, tipal en modo ritual
inisia = fa ce (un ata o prosede) comensa; entra (un person) a un grupo secreta
injenia = desinia e fabrica (un macina o strutur)
bioinjenia = la usa de organismes o prosedes biolojial en injenia o industria; la usa de texedas o organos artifis per recambia partes danada de un corpo
injeta = forsa (un licuida, spesial un droga o vasin) a en la corpo de un person o animal con un siringa o otra aparato
injeta = fa o usa un injeta matematical
injeta = un funsiona cual asosia cada elemento de un colie a sola un elemento de un otra colie
inonda = covre o sumerje (un loca) con acua; (metafor) fa ce (algun) ave tro multe de un cosa, tipal problemes o labora
inosente = no intendente causa dole o sufri o otra problemes
inova = introdui metodos, ideas o produidas nova
insenso = un resina, spise o otra cosa cual on arde per la odor plasente cual lo produi
insensador = (en rituos relijial) un contenador do on arde insenso e cual on penduli
insensi = parfumi (un loca) par arde insenso; arde insenso per onora (algun o un aveni)
insensor = un person ci porta e penduli un insensador
inserta = pone (un basteta o jerme) en un ranur en la tronco o talo de un planta vivente; (en medica) transplanta sirurjial (un peso de texeda vivente); pone (un cosa) per formi un parte de un cosa plu grande
insesto = seso entre persones clasida como tro prosima relatada per sposi; la crimin de copula con un jenitor, enfante, conaseda o otra relatada prosima
insetiside = un materia usada per mata insetos
insetivor = (un organisme) cual come insetos
inseto = un artropodo peti con ses gamas e tipal un o du duples de alas
insidiosa = (un fenomeno) sutil o gradal, ma con efetos nosiva
insinia = un marca distinguinte de alga cosa, tipal un state en un forte militar o otra organiza
insinua = sujesta (un cosa mal o culpable) en modo nondireta e tipal nonplasente
insiste = declara forte (ce alga cosa es vera) o demanda forte (ce on fa alga cosa), no asetante un refusa
insonia = la noncapasia abitual de dormi
inspeta = esamina atendosa (alga cosa) per judi sua state o trova problemes
inspira = fa ce (algun) ave la motiva o capasia per fa o senti alga cosa, tipal positiva
instala = pone o fisa (macinas o aparatos) per usa; carga un computador con (un program); pone (algun) en un rol de autoria, tipal con rituo
instanse = un ojeto concreta, creada de un clase o otra tipo astrata
instante = (un aveni) ocupante no tempo o un tempo estrema corta
instante = un tempo estrema corta; un momento minima
instinto = un propensa inata de condui en un animal; un modo de ata o pensa natural o intuinte; un capasia natural
institui = fundi o comensa (un program, sistem o organiza, o un person en un rol)
instituida = un organiza per ateni goles en arte, siensa, instrui o aida
instrui = mostra o esplica a (un person o animal) como on fa alga cosa
insulina = un ormon produida par la pancreas cual regula la cuantia de glucosa en la sangue
insulta = parla a o trata (algun) con despeta o desrespeta
intalio = un desinia taliada o gravada en un cosa
intarsia = decora (un mobila o simil) con pesos peti de lenio colorida o otra materia
intata = no danada o descapasida; en bon state completa
integra = (un cosa) combina con un otra afin los deveni un unia intera
integra = combina; (en matematica) trova la integral de
integral = un funsiona de cual un otra es la derivada, espresante la area su la curva de la graf de la otra funsiona
periodo de semidesintegra = la tempo en cual la radioativia de un isotopo spesifiada descrese a la dui de sua valua orijinal
semidesintegra = (un isotopo) perde un dui de sua radioativia
inteleto = la capasia de razona e comprende, spesial regardante cosas astrata o academial; la potias mental de un person
intelijente = capas de oteni e aplica la sabe; capas de comprende, aprende, developa o aplica ideas
intende = ave (un resulta) como la gol o ojeto de un projeta o scema o atas jeneral; (un usa de un parola) vole indica (un sinifia)
intensa = de fortia o grado estrema; multe consentrada
inter- = entre
intera = con no parte mancante; completa unida; no rompeda o dejenerada
interesa = stimula la curiosia o atende de (algun)
interesa = un senti de curiosia; mone periodal paiada a un taso spesifiada, per la usa de mone prestada o per pospone la repaia de un deta; un envolve en un emprende, tipal con espera de profita finansial
desinteresa = sesa interesa (algun); elimina la envolve finansial de (algun)
interfas = la loca a cual du sistemes, sujetos, organizas, etc encontra e interata con lunlotra; (en fisica) un surfas entre du partes de materia o spasio; un aparato o program cual permete ce un usor comunica con un computador
interfere = partisipa o interveni (en un ata) sin invita o nesesa; preveni la continua o susede (de un prosede o ata)
interferon = un protena relasada par selulas animal, tipal en responde a un virus, cual ave la capasia de retarda o preveni la reprodui de viruses
interjeta = dise (alga cosa) subita, tipal a lado o como un interompe
interlingue = pertinente a un lingua creada par Edgar de Wahl en 1922 per comunica internasional
interlude = un peso corta de poesia o musica cual interompe momental un obra plu longa; un tempo corta en cual un prosede es interompeda e alga cosa aveni
intermete = (un aveni) sesa a recomensa a intervales predisable o no
interna = situada en alga cosa, sin estende ultra sua limitas; pertinente a un tal situa; (en jeografia) no prosima a mares
interniste = un mediciste ci spesiali sur maladias de organos interna
intero = (un numero) cual no es un frato
interoga = demanda a (algun, spesial un suspetada o prisonida) en modo formal, completa o violente
contrainteroga = fa demandas a (un atestor per la partito oposada) en un corte de lege, per proba o estende atestas ja donada
interompe = para la progresa continuante de (un ativia o prosede); para (un parlor) par dise o fa alga cosa; rompe la continua de (un linia o surfas)
Interpol = un organiza con base en Paris, cual coordina la investiga de crimines internasional par la polisia de nasiones diversa
interpola = introdui (alga cosa) entre puntos fisada; introdui (parolas) en un libro o otra testo; (en matematica) introdui (un valua o terma) en un serie par estima o calcula lo de valuas ambiente conoseda
interprete = esplica la sinifia de (informa, parolas o atas); comprende ce (un ata, modo o condui) ave un sinifia spesifiada; tradui simultan (la parla de un otra person) a un otra lingua; presenta (un rol de drama o un peso de musica) en modo cual indica la comprende individua par la artiste de la ideas de la creor
intersepi = impedi (un person o cosa) de continua a sua destina; (en fisica) para o verje (lus o otra radia eletromagnetal); (en matematica) (un linia o surfas) marca o talia un parte de (un linia, surfas o spasio)
interstisio = un spasio interveninte, tipal multe peti
interval = un tempo o spasio interveninte; un pausa en un taxe o ata longa
interveni = vade a entre per aida, o per preveni o cambia la curso de avenis o sua resulta; aveni en la tempo entre du otra avenis
intervisa = conversa con (algun) per oteni consela, per furni informa a escutores o regardores, o per esamina un aspiror per emplea
intestin = (en vertebratos) la canal de dijesta entre la stomaco e la ano; (en nonvertebratos) la canal de dijesta entre la boca e la ano
intima = (un person) bon conoseda, familiar, amin; (un loca) con ambiente nonformal e amin; personal e privata
intra- = en, interna
intro- = en, interna
introdui = presenta (alga cosa) per sua usa o funsiona prima; presenta (un idea o lege nova) per debate; trae un sujeto nova a la atende de (algun); trae (un planta, animal o maladia) a un loca nova; pone (un cosa) a en un otra cosa
introjeta = adota nonconsensa un idea o disposa de (un otra person)
introspeta = esamina la pensas o sentis cual on esperia en se
introverti = es o deveni consernada par sua propre pensas e sentis, tipal en modo timida o neurosica
intrui = pone se, con intende, en un loca o situa do on no es bonvenida; (alga cosa) es introduida a un situa con efetos negativa; (roca magmal) deveni forsada a en un forma preesistente
intuba = introdui un tubo en (un person o parte de corpo, spesial la tracea per respira)
intui = comprende o solve par instinto
inuit = pertinente a la popla nativa de la norde de Canada e partes de Calalitnunat e Alaska, o a sua lingua
invade = entra a (un pais, nasion o rejion) per vinse o ocupa lo; (un parasito o maladia) entra a e estende a en (un organisme o parte de la corpo); entra a un loca privata sin permete; (animales) entra a e domina un rejion
inventa = crea o desinia (un cosa nova); crea (un idea, nom, nara, etc), tipal per engana
inverno = la saison la plu fria (de desembre a marto en la emisfera norde, e de junio a setembre en la emisfera sude); (en astronomia) la periodo entre la solstisio de inverno e la ecuinote de primavera
inversa = deveni posada en la dirije o ordina oposante, tipal con la alta a la basa e la basa a la alta
investi = usa (mone) en un emprende finansial con la espeta de profita; compra (asiones o propria) con la espeta de profita; (metafor) dona (sua tempo, labora o enerjia) a un projeta con la espeta de un resulta valuada
investiga = atenta descovre e esamina fatos en modo formal o sistemal, per trova la veria de (un aveni o situa); rexerca o studia per descovre fatos o informa; atenta determina la carater, atas o istoria de (un person)
invia = desira ave (un poseseda o otra cualia valuada) de un otra person
invita = demanda de (algun), en modo cortes, formal o amin, ce el fa alga cosa o vade a alga loca
iocto- = 10⁻²⁴
iodle = canta (alga cosa), rapida alternante entre vose normal e falseto
iodo = la elemento cimical con numero atomal 53
iodi = misca iodo a (alga cosa); ajunta iodo a (alga cosa)
iog = un letera de engles medieval
ioga = (en induisme) un pratica spirital e asteninte cual inclui controla de respira, posas de la corpo, e medita
iogi = un praticor de ioga
iogurte = un comeda semisolida, preparada de lete fermentada par baterias, comun con la ajunta de dulses e otra sabores
ioide = un oso en la colo, con forma de U, cual suporta la lingua
ioio = un jueta composada de du discos separada par un ranur en cual un cordeta es enrolada, cual pote es jirada a basa e a retro par sua momento
ioman = (istorial) un om ci posese e cultiva un propria nongrande, tipal en England; un servor en un casa nobil; (en alga marinas) un ofisior ci servi como un secretor o un parte de la corpo de comunica
ion = un atom o molecula con un carga eletrical par causa de un perde o gania de un o plu eletrones
ioni = (un atom, molecula o sustantia) deveni convertida a un o plu iones, tipal par la perde de un o plu eletrones
ioni = (en induisme) la vulva, tipal como simbol de la enerjia divin de reprodui, comun representada par un petra sirculo
Ionia = un rejion antica a la costa ueste de Anatolia
Isolas Ionica = un grupo de isolas a ueste de Elas
Mar Ionica = un mar entre Elas e la parte la plu sude de Italia
ionosfera = la strato de la atmosfera cual conteni un consentra grande de iones e eletrones libre, capas de refleta ondas de radio
iora = un avia asian, peti e insetivor
ioruba = de o pertinente a la popla de Nijeria sude-ueste e Benin, o a sua lingua
iota = la letera nove de la alfabeta elinica
iota- = 10²⁴
Iowa = un stato en la SUA sentral
iper- = supra, suprabundante, plu ca normal
iperbara = de o con gas a presa plu grande ca normal
iperbola = un curva simetre e abrida, formida par la crusa de un cono sirculo con un plana a angulo plu peti con sua ase ca la lado de la cono
iperbole = un figur retorical par cual un cosa sona plu impresante ca lo es en realia
ipercinesia = un state en cual la musculos spasma
ipercolesterolemia = la presentia de tro multe colesterol en la sangue
iperemia = la crese de flue de sangue a texedas en la corpo
iperfajia = un tende estrema per come
iperico = un planta con flores jala con sinco petales, usada en preparas medical
iperidrose = un disturba medical de sui suprabundante
iperlipidemia = un consentra nonormal de lipidos en la sangue
ipernatremia = la presentia de tro multe sodio en la sangue
iperope = no capas de vide clar si ojetos es tro prosima a la oios
iperostose = un crese suprabundante de oso
iperpirexia = un febre grande cual deveni perilosa, egal a o plu alta ca 41,5°C o 106,7°F
iperplasia = un grandi de un organo o texeda, causada par un crese de rapidia de sua selulas, tipal como un grado inisial en la developa de canser
ipertermia = un state de ave un temperatur corpal nonormal alta
ipertonia = un firmia musculal o presa osmosal cual es plu alta ca normal
ipertricose = un cuantia nonormal grande de capeles sur la corpo
ipertrofia = la grandi de un organo o texeda, causada par la grandi de sua selulas
iperurisemia = un cuantia nonormal alta de asida urica en la sangue
ipnagojia = la state de mente entre velia e dormi
ipno- = pertinente a dormi
ipnose = la indui de un stato de consensia en cual on pare perde la potia de ata volente e deveni multe respondente a sujestas o comandas
autoipnose = la indui de la state ipnosal a se mesma
ipo- = su, nonsufisinte
ipocalemia = un manca de potasio en la sangue
ipocampo = crestas longa sur la fondo de ambos ventriculos ladal de la serebro, importante per emosia, memoria e la sistem de nervos autonom
ipocastania = un arbor caduca con nozas noncomable encluida en cascas spinosa
ipocolio = un avia peti de la semideserto de Africa e Asia sude e sude-ueste
ipocondria = ansia nonormal per sua sania, o un teme nonrazonada ce on ave un maladia grave
ipocrita = conduinte en un modo cual sujesta ce on ave valuas o morales plu nobil ca en realia
ipoderma = la strato la plu interna de la pel
ipofise = la glande endocrin major, fisada a la fondo de la serebro
ipogloso = un pex de mares norde, importante como un comeda
ipomea = un planta trepante, con flores trompetin cual abri en la matina
ipopotamo = un mamal grande con pel spesa e dentones grande, cual abita la rios de Africa
iposemia = un consentra nonormal basa de osijen en la sangue; (en ecolojia) un consentra basa de osijen en un ambiente de organismes
iposia = un manca de osijen ateninte la texedas
ipostase = la person esensal, spesial pertinente a la natur de cada de la tre persones de la trinia en cristianisme; la realia o sustantia fundal de cualce cosa; la efeto de un jen cual preveni la espresa de un otra jen
ipoteca = ofre (propria, tipal un imobila) per garantia un presta
ipotenusa = la lado la plu longa de un triangulo reta, oposante la angulo reta
ipotermia = la state de ave un temperatur corpal nonormal basa
ipotese = proposa un esplica fundida sur atesta limitada, per comensa un investiga, rexerca o curso de razona
ipovolemia = un volum reduida de sangue sirculinte en la corpo
Irac = un pais en Asia sude-ueste
iraco = un mamal peti e erbivor, trovada en zonas seca en Africa e Arabia
Iran = un pais en Asia sude-ueste, nomida Persia en edas antica
irena = un avia cantante de Asia sude
iridio = la elemento cimical con numero atomal 77, un metal arjentin
iriga = furni acua a (tera o un cultiveria) per aida crese, tipal par un sistem de canales; (en medica) aplica un flue continuante de acua o medisin licuida a (un organo o feri)
iris = un membrana plata e colorida ante la cornea de la oio; un planta con folias spadin e flores estravagante
irita = fa ce (algun) deveni coler, noncomfortosa o nonpasiente; (en medica) causa inflama o otra descomforta; (en biolojia) stimula (un organisme, organo o selula) per produi un responde ativa
irmo = (en cristianisme este) la strofe (tropario) inisial de un salmo
irmolojio = (en cristianisme este) un libro de imnos relijial
irocuoi = pertinente a un federa de poplas nativa de America Norde, o a sua linguas
ironia = un espresa de sinifia en linguaje cual indica normal la oposante, tipal per asentua o umor; un situa o aveni cual pare intendeda como la oposante de espetas, tipal divertinte
isberg = un masa de jelo grande e flotante, separada de un glasia
iscio = un oso de la pelvis basa
-iside = mata
islam = la relijio monoteiste como revelada par la profeta Muhammad
muslim = pertinente a islam
Islamabad = la site capital de Pacistan
Island = un isola e pais en la Mar Atlantica norde
isme = un sistem de crede
-isme = ajuntada a un nom per nomi un sistem de crede, alternante con `-iste`; ance usada en alga parolas internasional
iso- = egal, la mesma
isobar = un linia cual junta puntos con la mesma presa en un mapa meteorolojial
isoglosa = un linia sur un mapa de dialetos, marcante la borda de un rejion con un cualia lingual
isola = un parte de tera ensircada par acua; (metafor) un rejion ensircada par un otra materia
isomerase = un enzima cual catalise cambias de isomeri con un sola molecula
isomero = cada de du o plu composadas con la mesma formula ma un ordina diferente de la atomes en la molecula e con cualias diferente
stereoisomero = cada de du o plu composadas cual difere sola par sua organiza de atomes
isometral = con dimensiones egal; (en fisiolojia) de o pertinente a tensa de musculos sin contrae; (en desinia) usante un modo de mostra perspetiva en cual la tre dimensiones es representada par tre ases separada par 120°; (en matematica) pertinente a un cambia de un forma cual manteni distantias e angulos
isomorfe = simil en forma e relatas
isomorfe = un materia o organisme cual coresponde esata en forma con un otra
isopo = un planta de Asia con flores peti azul e folias aromosa, usada como un spise, un parfum o un medisin
isosel = (un triangulo) con du lados de longia egal
isostasia = la ecuilibra cual esiste entre partes de la crosta de la Tera, cual condui como si composada de blocos flotante sur la litosfera
isotonica = (du disolves) con la mesma presa osmosal, spesial en un selula o licuida en la corpo
isotopo = de o pertinente a cada de du o plu formas de la mesma elemento cual ave un cuantia egal de protones ma cuantias diferente de neutrones, tipal un forma radioativa
isotropo = avente la mesma cualias cimical o fisical en tota dirijes
Ispaniola = un isola en la Mar Caribe, divideda entre Haiti e la Republica Dominican
Israel = un pais en Asia sude-ueste a la costa de la Mar Mediteraneo; (istorial) la rena norde de la ivris sirca 930-721 AEC
istamina = un composada cimical cual selulas relasa en responde a un feri o en reatas de alerjia e inflama
Istanbul = un site major en Turcia
-iste = forminte un ajetivo descrivente un person o cosa cual pertine a la `-isme` corespondente
-iste = ajuntada a un nom per nomi un aderor de un sistem de crede o un person prejudosa, alternante con `-isme`; ajuntada a la nom de un campo de studia con la coda `-ia` o `-ica` per nomi un artiste, siensiste o membro de un profesa; ajuntada a un nom de strumento per nomi un musiciste; ance usada en alga parolas internasional per persones
ister- = utero
isterectomia = un sirurjia per estrae la intera o un parte de la utero
isteria = un maladia psicolojial en cual tensa psicolojial es presentada como sintomes fisical, amnesia spesifiada, emosias cambiable e condui dramosa; (metafor) emosia esajerada o noncontrolable, tipal par un grupo de persones
istmo = un banda streta de tera, con mar a cada lado, cual lia du partes plu grande de tera; (en anatomia) un organo streta, un pasaje o un texeda cual lia du partes plu grande
istogram = un scema composada de retangulos, con area proportial a la frecuentia de un variable e largia egal a la interval de la clase
istolojia = la studia de la strutur microscopial de texedas
istona = cualce de un grupo de protenas fundal, trovada en cromatina
istoria = la studia de avenis pasada, tipal en relatas umana; la serie intera de avenis pasada pertinente a un person o cosa; un arcivo cronolojial e continuante de avenis importante o publica o de un promove o instituida spesifiada
pseudoistoria = istoria falsa o usante metodos nonsiensal
istoriografia = la studia de scrives istorial; la scrive de istoria
Italia = un pais en Europa sude
italica = un tipo de letera _apoiada_, tipal usada per asentua, distingui o en parolas de linguas stranjer
-ite = maladia de inflama
item = un elemento, article o entrada en un lista o colie
itera = (un ata o dise) deveni repeteda; (un prosede matematical o computante) sicli, tipal aplicante cada repete a la resulta de la presedente
iterbio = la elemento cimical con numero atomal 70, un metal blanca arjentin
itero = un maladia de la duto bilal o figato cual jali la pel o la blancas de la oios
Itiopia = un pais en Africa norde-este, a la Mar Roja
itiopica = pertinente a un lingua ritual en eglesas itiopian o a un abugida usada par multe linguas itiopian
-ito = nominte sales o esteres de asidas con la coda `-osa`
itrio = la elemento cimical con numero atomal 39, un metal blanca grisin
iu = espresante repulsa
iuan = pertinente a la dinastia fundida par la mongoles, cual ia rena Jonguo de 1259 asta 1368, o a la unia de mone en Jonguo
iuca = un planta en familia de agave, con folias rijida e spadin e spigas blanca e campanin, trovada en Mexico e la SUA sude-ueste
iudi = pertinente a la relijio monoteiste de iudisme, o a sua aderores
criptoiudi = ascondente sua iudisme per evita discriminas e menasas, spesial en la eda medieval
iugo = un peso de lenio usada per lia du boves o otra animales a un arado, caro o vagon
Iugoslavia = un federa pasada de paises en Europa sude-este, cual ia es divideda per formi Slovenia, Hervatsca, Serbia, Tsernagora, Bosnia e Hersegovina e Macedonia
iupi = un person burjes e modosa con un posto bon paiada e un vive lusosa
iurt = un tende sirculo de feltro o peles sur un strutur colasable, usada par nomadas en Mongol, Sibir e Turcia
ivor = un materia dur e cremin blanca, composante la parte major de la dentones de elefantes, morsas e narvales
-ivor = comente
ivri = pertinente a la popla antica ci abita en lo cual es aora Israel e Filastin; pertinente a sua lingua o la lingua moderna derivada de lo
j = la letera des de la alfabeta roman
ja = ante aora o la tempo pertinente
jaca = un veste lejera con mangas, portada supra un camisa
jaceta = un veste sin mangas portada supra un camisa
jacon = un veste con mangas portada estra casa, comun per proteje contra fria, venta, pluve o neva
jacana = un avia peti e tropical con gamas longa per vada en pantanes
jacaranda = un arbor neotropical, con flores blu e trompetin, folias filisin, e lenio bonodorosa
Jacarta = la site la plu grande de Indonesia
jada = con color bluin verde
jada = un petra dur e comun verde, usada per ornas
jaguar = un gato grande e brun jalin con marcas negra, cual abita la forestas de America Sentral e Sude
jaguarundi = un gato peti american con pelo gris o roja, corpo magra e gamas corta, trovada de Arizona a Arjentina
jai = un avia en familia de corvo, comun con plumas blu
jaieta = profonda negra
jaieta = un petra dur e negra, derivada de lignito e usada per ornas
jain = pertinente a un relijio monoteiste, fundida en Barat en la sentenio 6 AEC par la Jina Vardhamana Mahavira
jala = con color entre verde e orania en la spetro, e oposada a blu
Mar Jala = un otra nom per la Mar Huanghai
jalapenio = un peperon verde e multe calda, tipal usada en cosini mexican
jalea = un pasta dulse preparada de frutas e zucar bolida
Jamaica = un isola e pais en la Mar Caribe, a sude-ueste de Cuba
James, Baia = un baia a sude de la Baia Hudson, entre Ontario e Quebec
jamon = carne de la parte superior de la gama de un porco, salida e secida o fumigada
janero = la mense prima de la calendario gregorian
Japan = un otra nom per Nion
Mar Japan = un mar entre Nion e la resta de Asia
jar = un contenador silindre de vitro o seramica, con boca larga, usada per reteni comedas
jardin = un rejion de tera, tipal prosima a un casa, usada per flores, frutas o vejetales; un rejion de erba corta e arboretas ornal
jardina = cura, maneja o cultiva (un jardin)
jardinor = un person ci jardina; un avia de Australasia, cui mas construi abitual un nido ornada per atrae la fema
jasinto = un planta en familia de lil, con folias corein e flores campanin en spigas compata
jasinto de bosce = un planta relatada a jasinto, con flores campanin e tipal blu o violeta
jasmin = un planta o arboreta trepante con flores bonodorosa, usada en parfum o te
jaspe = un tipo de cuarzo opaca e rojin brun
jat = pertinente a un popla sperdeda tra la norde-ueste de Barat e Pacistan
jaz = pertinente a un tipo de musica inventada par americanes negra, marcada par improvisa, sincopa e tipal un ritmo forte
jazor = un conosor de jaz; un membro de la sucultur de jaz en la desenios de 1940 e 1950
Jazair = un pais en Africa norde-ueste, a la costa de la Mar Mediteraneo; la site capital de esta
jejuno = la parte de la intestin magra entre la duodeno e la ileo
jel = un materia jelatin, tipal usada en la prepara de medisines o cosmeticas
jela = deveni jelo o un otra solida par causa de fria estrema
jelatin = con la densia de un semisolida
jelato = un crema jelada de Italia
jelo = acua jelada, un solida cristal e transparente
jeleria = un casa o sala per reteni jelo
jelosa = temente la perde de un poseseda amada; sentinte o mostrante un invia de algun o sua atenis o vantajes; sentinte o mostrante un suspeta de la fida de un otra
jem = un petra valuosa, tipal un cristal o mineral dur e taliada o briliada, e usada como un orna
jemelo = esente un de du enfantes naseda en la mesma pari; (metafor) composada de du partes identica
cuatrojemelo = un de cuatro enfantes naseda en la mesma pari
Jemelos = un constela de la zodiaco
otojemelo = un de oto enfantes naseda a la mesma pari
sesjemelo = un de ses enfantes naseda a la mesma pari
setejemelo = un de sete enfantes naseda a la mesma pari
sincojemelo = un de sinco enfantes naseda a la mesma pari
trejemelo = un de tre enfantes naseda a la mesma pari
jemi = produi (un sona basa, o parolas con tal sona) en responde a dole, despera o plaser sesal
jen = un unia de erita, pasada de un jenitor a sua enfantes e determinante un cualia de la enfantes; un serie de nucleotidos en un cromosoma, con ordina cual determina la ordina de monomeres en un molecula de polipeptido o asida nucleal cual un selula o virus pote sintese
-jen = produinte o produida par
jena = cada de la lados de la fas su la oio; cada de la lados de la interna de la boca
jenealojia = un linia de familia trasada de un asendente; la studia e trasa de linias de familia o developa; la developa par evolui de un planta o animal de formas temprana
jenera = fa ce (un emosia o situa) aveni o developa; produi (enerjia, tipal eletrical); produi (un grupo o segue de cosas) par fa operas matematical o lojical a un grupo prima
jeneral = afetante o consernante tota o la plu de persones, locas o cosas; no spesialida o limitada en sua estende de tema, aplica, ativia, etc; vera per tota o la plu de casos; pertinente a un clase o grupo de cosas
jeneral = un comandor de un armada, o un ofisior de alta grado
jeneral aidante = un jeneral ci aida un ofisior an plu potiosa, per esemplo un prinse o monarca
jenero = un clase de cosas con cualias compartida, dividable en clases suordinada; (en biolojia) un categoria tasonomial supra un spesie e su un familia; un forma de arte, musica o leteratur con cualias compartida en stilo o tema; pertinente a la identia como mas o fema; (en gramatica) un clase de nomes cual inclui mas, fema, neutra comun, etc
-jenero = descrivente identias de jenero
ajenero = (un person) ci regarda se no como masin, no como femin
bijenero = (un person) con du identias de jenero, o simultan o en situas diversa
de jenero fluente = (un person) cui jenero varia con la pasa de tempo
jeneral = pertinente a un jenero
panjenero = (un person) cui identia de jenero inclui tota posibles
sisjenero = pertinente a relatas sesal en cual la seso biolojial de un person acorda con sua identia sosial e personal
transjenero = (un person) cui autoidentia no conforma sin ambiguia a la consetas tradisional de jenero mas o fema
jenerosa = (un person) volente donante plu de alga cosa como mone o tempo ca on espeta o nesesa
jenese = la orijina de alga cosa o sua modo de formi
-jenese = causa o orijina
abiojenese = la evolui de organismes de sustantias nonorganica
biojenese = la sintese de materias par organismes
esojenesal = con orijina o causa esterna; cresente o orijinante estra un organisme
filojenese = la developa e diversi evolual de un spesie o grupo de organismes, o de un cualia spesifiada de un organisme
patojenese = la modo en cual un maladia developa
jenetica = la studia de erita e la varia de cualias eritada
eujenetica = la siensa de boni un popla par elevas controlada per plu frecuenti la cualias erital cual es desirada
eujeneticisme = un filosofia sosial cual crede ce on debe pratica eujenetica
filojenetica = la ramo de biolojia cual studia filojenese
jenio = algun ci ave capasias multe spesial de inteleto o crea
jeniseri = un soldato turces de la gardores de la sultan entre la sentenios 14 e 19, orijinal elejeda de sclavos joven prendeda de familias cristian
jenita = fa ce un enfante es consepida e naseda, par reprodui
jenitiva = un caso gramatical cual indica posese o asosia prosima
jenitoriside = mata (sua propre jenitor)
jenjiva = la area de carne firma sirca la radises de la dentes
jeno = la junta entre la coxa e la gama basa en umanas, o la junta analoja en otra animales
jenom = la colie completa de jenes o materia jenetical en un selula o organisme
jenomica = la studia siensal de la strutur, funsiona, evolui, mapa e edita de jenomes
jenoside = mata un grupo grande de persones de un etnico o nasion spesifiada
jenotipo = la composa jenetical de un organisme individua
jentil = (un person) con cualias umil, amable e compatiosa
jeo- = tera
jeocucu = un avia de la deserto de Mexico e la SUA sude-ueste, notada per core multe rapida
jeodesia = la ramo de matematica cual studia la forma e area de la Tera o partes grande de lo
jeodo = un roca con un caveta peti, interna stratida con cristales o otra materia mineral
jeoglifo = un figur artifis grande, gravada sur la tera
jeografia = la studia de la cualias de la Tera e sua atmosfera, e de la ativia umana como lo afeta e es afetada par estas, incluinte la distribui de poplas e recursos, usa de tera, e industrias
biojeografia = la ramo de biolojia cual studia la distribui jeografial de plantas e animales
zojeografia = la ramo de jeografia cual studia la distribui e moves de animales
jeolojia = la siensa de la strutur e materia de la Tera o otra planetas, sua istoria, e la prosedes cual afeta lo
jeomansia = predise par esamina la forma de un plenimano de tera, o la organiza de puntos acaso
jeomansiste = un person ci pratica jeomansia
jeometre = esamina e arcivi la area e cualis de (un parte de tera) per construi un mapa, desinia o descrive
jeometria = la ramo de matematica cual studia la cualias e relatas de puntos, linias, surfases, solidas e analojas en dimensiones plu alta; (metafor) la forma, strutur o organiza de alga cosa
jeometrido = cualce de un familia grande de papilios cui erugas peti move sur du duples de pedes, como si los mesura pasiente la tera
jeranio = un planta o arboreta con fruta longa e streta como la beco de un gru
jerbil = un rodente musin e tunelinte, ajustada a vive en locas seca
jerboa = un rodente de la deserto, con gamas anterior multe longa cual permete ce lo pasea vertical e salta longa, trovada de Africa norde a Asia sentral
jergo = un tipo de parla o scrive cual conteni parolas e espresas regardada como multe nonformal, o cual es tipal restrinjeda a un contesto o grupo de persones spesifiada; parolas o espresas usada par un profesa o grupo cual es difisil per comprende par otras
jerme = (un planta) comensa crese
jerontolojia = la studia de senese e la problemes de persones vea
Jersey Nova = un stato en la SUA norde-este, bordante la Mar Atlantica
Jersi = la isola la plu grande de la Isolas de la Manga
jerundio = un forma verbal cual funsiona como un nom, como `nada` en `nada es un bon eserse`
jeso = un materia blanca usada en sculta, construi e medica
jesta = (un feto) developa en la utero, de consepi asta nase; (un idea) developa gradal
jesti = move un parte de la corpo, spesial la mano o la testa, per espresa (un idea, emosia o intende)
jesuita = pertinente a la Sosia de Jesus, un ordina de pretes fundida par San Ignasio de Loyola, San Fransisco de Xavier e otras en 1534 per labora como misionores
Jesus = la person sentral de cristianisme, videda par cristianes como la maxia e la fio de dio
jeta = (un licuida) deveni ejetada tra un abrida, en la forma de un corente rapida o de multe gotas peti
jeto = un avion propulsada par la ejeta a retro de un jeta de gas
jeton = un peso de metal o plastica, usual un disco, usada como un moneta en un jua o per funsiona un macina
jezail = (istorial) un moscete simple paxtu
jiba = un protende ronda a la dorso de un camel, o como un cualia nonormal a la dorso de un person; un masa simil levada de tera
Jibraltar = un teritorio brites a la punto la plu sude de la penisola iberian
Streta Jibraltar = un streta entre Espania e Magrib
jiga = un dansa vivosa con saltas; un musica per esta
jigante = con multe plu grandia, cuantia o estende ca normal
jigolo = un om joven ci un fem plu vea paia per es un acompanior o amor
jimnopedia = un festa relijial en Sparta antica
jimnosperma = un planta con semes nonprotejeda par un ovario o fruta
jin = un bevida alcolosa, distilada de gran o malta e spisida con bacas de juniper
jina = un pantalon de denim
jinarca = un fem renante o membro de un grupo de femes renante
jinasio = un salon o construida furnida per jinasta, juas o otra eserse; (en alga nasiones) un scola cual prepara studiantes per entra a universia
jinasta = un person instruida o capas en jinastia
jineco- = fema, fem
jinecolojia = la ramo de fisiolojia e medica cual studia la funsiona e maladias de femes, spesial la sistem de reprodui
jinecomastia = la grandi de la senos de un om, tipal causada par un nonecuilibra ormonal
jinefilia = un atrae sesal a femes
jinefobia = un teme estrema o nonrazonada de femes o cosas fema
jineseo = la parte fema de un flor
jinesta = un arboreta florosa con talos longa e poca folias peti
jinjer = un planta de Asia sude-este cual sembla bambu; un spise calda e odorosa, preparada de la rizoma de esta planta
jinsen = un planta nativa de Asia este e America Norde; un tuber de esta planta, sur cual alga tradisiones crede ce lo aida contra maladias
jip = un auto forte e durante, engranada a cuatro rotas, orijinal fabricada per usas militar
jira = move en sirculos repeteda sur un ase sentral
jira = fa ce (alga cosa) jira; (nonformal) turi en (un auto, comun furada) per plaser
jirabroca = un util de fora, con manivel e caveta per teni un broca
jirafa = un mamal grande de Africa con colo longa e pelo de pesos brun separada par linias plu pal
Jirafa = un constela de la sielo norde
jiro = un plia o cresta entre du fesures a la surfas de la serebro
jiroscopio = un aparato composada de un rota o disco montada per jira rapida sirca un ase capas de cambia sua dirije, usada per manteni stablia
joala = un ojeto per orna la corpo, tipal incluinte un o plu jemes, como un anelo, brasaleta, colareta o orealeta
joce = un cavalor ci compete en corsas, tipal como un carera
jogla = lansa e catura repetente (bales o otra ojetos), tipal per diverti
joia = senti plaser o felisia en (un ativia o aveni)
joistic = un controlador per aviones; un controlador per juas video
joncila = un narsiso con grupos de flores jala, peti e bonodorosa, de Europa sude e Africa norde-este
Jonguo = un pais en Asia este, la pais tre de la plu grandes de mundo
Jorjia = un otra nom per Sacartvelo
jornal = un publici periodal, conteninte articles e imajes sur un tema o campo spesifiada; un arcivo dial de novas e avenis
jornal de governa = un publici periodal controlada par la governa per publici leges e comandas ofisial
fotojornalisme = la arte o pratica de comunica novas par fotos, spesial en jornales
jotun = (en mitolojia norsce) un membro de un raza de jigantes ci ia oposa tipal la dios de la aesir e spesial la dio Tor
jovedi = la dia entre mercurdi e venerdi en cada semana
joven = de un eda nonadulte; con cualias comun per persones nonadulte
joveni par des anios = perde des anios de sua eda
jua = ata per diverti e recrea en loca de un intende seria o pratical
jua = partisipa en (un sporte o concurso); produi musica a (un strumento); presenta (un peso de musica)
jua de la ganso = un jua de table juada con du dados sur un curso de sesdes-tre cuadretas mostrante imajes
jualista = un sistem cual jua en serie cada de la fixes audio o video en un lista, o esta lista mesma
multijuoral = (un jua eletronical) capas de es juada par multe persones a la mesma tempo
jubila = parti de sua emplea e sesa labora, normal cuando on ateni un eda normal per esta
Juda = un de la des-du apostoles de Jesus
Judea = un rejion conteninte la parte sude montaniosa de Israel e un parte de la Riva Ueste
judi = developa un opina o conclui sur (alga cosa); deside (un litiga) en corte; deside la resulta de (un compete)
judo = un sporte de combate sin armas, derivada de jujutsu e intendeda per eserse la corpo e mente
judoca = un praticor de judo
jugulal = pertinente a la colo o la garga; (la pinas de pelvis de un pex) locada ante la pinas de peto
jujutsu = un sistem nion de combate sin armas e eserse fisical
jul = la unia internasional de enerjia, egal a la labora fada par un fortia de un neuton cuando sua punto de aplica move tra un metre en la dirije de la ata de la fortia, egal a 1/3600 de un vate-ora
julepo = un bevida alcolosa, con zucar e menta
juliana = un vejetal, o otra comeda, taliada a bandas corta e streta
julio = la mense sete de la calendario gregorian
jumper = un roba sin colar o mangas, tipal portada supra un camisa
juna = asteni de tota o alga tipos de comeda o bevida, spesial como rituo relijial
junca = un barco de vela con fondo plana, comun en Jonguo e la Indias Este
junco = un planta de pantanes con folias magra, tipal usada per produi tapetos e sestos
junco = un avia cantante de America Norde, tipal gris
jungla = un parte de tera con foresta densa e plantas maraniada, tipal en la tropicos
junio = la mense ses de la calendario gregorian
juniper = un arbor o arboreta con conos bacin, usada per sabori jin
junta = (cosas o persones) deveni liada o unida con lunlotra
junta = lia, uni (cosas o persones)
junta se a = deveni un membro, suportor o empleada de; partisipa en
junta sua palmas = presa sua palmas a lunlotra ante se con la ditos a supra per saluta, grasia, demanda per pardona o simil
Jupiter = la dio xef de la relijio de Roma antica; (en astronomia) la planeta la plu grande, un jigante gasosa, numero sinco en ordina de la Sol, e un de la ojetos la plu briliante en la sielo a note
jura = declara seria (alga cosa); promete (ce on va fa alga cosa); afirma (ce alga cosa es vera)
jurasica = pertinente a la periodo du de la mesozoica, entre la triasica e la cretasica
juria = un grupo de persones (tipal 12) ci ia jura per dona un judi en un litiga pos atende atestas presentada a los en corte; un grupo de persones elejeda per judi un concurso
jus = un licuida en o estraeda de frutas o vejetales; un bevida preparada de esta
jusciam = un planta venenosa eurasian en familia de solano
justa = fundida sur codigos moral o legal; acordante con la regulas o normas; conveninte a la situa o caso
juta = un fibre cru, usada per produi cordas o stofa per sacos o tapetos; un planta cultivada per esta fibre
k = la letera 11 de la alfabeta roman
Kalahari, Deserto = un plano alta, vasta e seca en Africa sude, a norde de la Rio Orania
Kampala = la site capital de Uganda
Kansas = un stato en la SUA sentral
Karimata, Streta = un streta entre Sumatra e Borneo
Kattegat = un streta entre Noria e Danmarc
Kentucky = un stato en la SUA sude-este
Kerguelen, Isolas = un grupo de isolas en la sude de la Mar Indian
kg = cilogram
Kigali = la site capital de Ruanda
Kilimanjaro, Monte = un volcan estinguida en Tanzania norde
Kingston = la site capital de Jamaica
Kingstown = la site capital de San Vinsent e la Grenadines
Kivu, Lago = un lago en Africa sentral, entre Ruanda e la Republica Democrata de Congo
km = cilometre
Kobenhavn = la site capital de Danmarc
Kongzi = un filosofiste e politiciste de Jonguo antica e la fundor de la filosofia sosial la plu influente en Jonguo (551-479 AEC)
Kote = la site capital de Srilanca
KwaZulu-Natal = un provinse en la sude-este de Sudafrica
Kyushu = la isola la plu sude de Nion
l = la letera 12 de la alfabeta roman
la = indicante un o plu persones o cosas ja notada o comun conoseda
la = la nota ses de la scala de C major, A, en la sistem de solfejo
labia = un o la otra de la cuatro plias de la vulva
labio = un o la otra de la du partes spesa cual formi la bordas superior e inferior de la abri de la boca; un parte de la boca de alga insetos e crustaseos
bilabial = (un consonante) formida par pone la du labios a lunlotra, como P, B, M e W
labiodental = (un sona) fada con la labios e dentes, per esemplo F e V
labirinto = un rompetesta de ruetas e sepes, o linias sur paper, tra cual on debe trova un via; cualce rede de vias; (metafor) un masa confusante de informa; un strutur complicada de la orea interna; (en pexes) un strutur complicada per respira
labora = ata fisical o mental per reali un intende o resulta, tipal como sua emplea; (en fisica) la usa de fortia per oposa la resiste o produi cambias moleculal
colabora = labora con lunlotra, con la mesma intende; aida lunlotra
laboramania = un noncapasia de sesa labora
telelabora = labora en sua propre casa par usa la interede, eposta e telefon
Labrador = un rejion norde-este de Canada, e un parte de la provinse de Newfoundland e Labrador
Mar Labrador = un mar entre Labrador e Calalitnunat, un estende de la Mar Atlantica
labrador = un raza de canes orijinante de Labrador
laca = la sava de un arbor, o un sustantia artifis simil, usada como un vernis
laci = covre (alga cosa) con laca
lace = un servor mas, tipal en uniforma; (insultante) un person ci debe servi e obedi otras
lacrimal = pertinente a plora o larmas
lacrimojen = causante la produi de larmas
lacros = un jua de ecipos en cual un bal es lansada, portada e caturada con un basto de manico longa con un rede a la fini
Lacxaduip, Mar = un mar a ueste de Srilanca
ladin = un lingua de la familia reto-romanica, parlada en partes de Italia norde-este
lado = un loca a sinistra o destra de alga cosa; la parte sinistra o destra de alga cosa; cada de la du duis de un cosa, surfas o loca; un surfas vertical de un cosa o strutur cual no es fronte o retro; un rejion prosima a la borda e distante de la media; un person o grupo oposante otras en un concurso, debate o disputa
biladal = con du lados; afetante ambos lados; envolvente du partitos o nasiones
coladal = situada a lado de lunlotra; ajuntada, ma min importante; desendente de la mesma asendente ma par un otra serie de asendentes media
cuatroladal = (un forma plana) con cuatro lados
ecuiladal = (un triangulo) con la mesma longia a cada lado
multiladal = con multe lados
triladal = con tre lados
uniladal = pertinente o afetante sola un lado de alga cosa; (un ata o deside) fada par o afetante sola un person, grupo o nasion en un situa spesifiada, sin acorda de otras
lago = un rejion grande de acua ensircada par tera
lagosa = conteninte multe lagos
laica = sin la cualis nesesada per parteni a un grupo profesal o relijial
lama = la borda agu de un cotel, siera, spada, patin o otra util o arma; la parte plata e larga de un aparato como un remo o elica; un peso plata de metal con borda agu; un strumento con borda agu, usada per sutrae capeles de la fas o corpo
lama = un titulo onorosa, donada a un monce xef en budisme bod
lamarcisme = un teoria de la orijina de spesies, proposada par Jean-Baptiste de Lamarck, un naturiste franses
lambada = un dansa rapida e erotica de Brasil
lamda = la letera 11 de la alfabeta elinica
lame = un stofa entretexeda con fibres oro o arjento
lamenta = espresa tristia profonda pos la mori de (algun)
lamina = un strato magra de roca, texeda o otra materia; un materia composada de stratos magra, fisada sur lunlotra; cada de un serie de bandas magra, fisada a intervales en un porte o scermo per permete la pasa de aira o lus; cada de la platas vertical e radial ordinada a la fondo de un xampinion
lampa = un aparato per lumina
lampeta = un scarabe notada per sua organos luminosa, produida per atrae la seso oposante
lampo = un descarga natural de eletrica entre du nubes o entre un nube e la tera
lamprea = un vertebrato acual, simil a un angila, con boca ventosin, dentes e lingua raspante, cual junta se a otra pexes per suca sua sangue
lana = la capeles risa e suave de la pelo de un capra, ovea o animal simil, spesial cuando preparada per usa en la fabrica de stofa; la stofa produida con estas
landgraf = un titulo nobil, orijinal deutx, en la Impero Roman Santa
langeni = la unia de mone en Esuatini
langobarda = pertinente a la popla o lingua de un tribu germanica ci ia invade Italia en la sentenio 6
langosta = un crustaseo grande e comable con casca spinosa e antenas longa e pesosa, ma sin la garas grande de omaros
langur = un simia de Asia con coda longa e vose multe forte
lanio = un avia cantante con beco oncin e forte
lanolin = un sustantia grasosa trovada sur la lana de oveas
lansa = propulsa (alga cosa) con forsa tra la aira par un move de la braso e mano; fa ce (un imaje de lus) cade sur un surfas; fa ce (sua vose) es oiable a distantia
lansadardo = un aparato per lansa un dardo o lansia, composada de un basto con un protende retro cual teni la misil
lansaflama = un arma cual ejeta un plumon de foco longa e controlable
lansamisil = un aparato cual xuta un misil
lansapetra = un macina militar istorial per xuta petras grande
lansaroceto = un tubo fisada a un arma per xuta rocetos
lansia = un arma con ase longa e apico puntida, usada per lansa o puxa
lantanido = cada de la serie de 15 elementos metal de lantano a lutesio en la table periodal
lantano = la elemento cimical con numero atomal 57, un metal blanca arjentin
lanterna = un caxa transparente, comun portable o pendente, cual conteni un candela o otra fonte de lus
Laozi = un filosofiste de Jonguo antica e la autor de la _Daodejing_, ci ia mori en 531 AEC
lapa = un molusco de mar con conca basa e cono, cual adere a rocas
laparoscopio = un strumento de fibre otical cual es introduida tra la mur de la adomen per vide organos o permete sirurjia
laparotomio = un talia sirurjial en la mur de la adomen, cual permete diagnose o sirurjia
lapidario = pertinente a la atas de grava, talia o brilia petras o jemes
lapis = un strumento de grafito e lenio o metal per scrive o desinia
lapislazuli = un petra briliante azul usada en decoras e joalas
Lapland = un otra nom per Sami
Laptev, Mar = un mar a norde de Sibir sentral
lardo = carne curada de la dorso o lados de un porco
larga = con distantia grande de un lado a la otra
largo = (un musica) lenta juada con rapidia entre 40 e 66 pulsas per minuto
lari = la unia de mone en Sacartvelo
larinje = un organo musculosa e vacua cual formi un duto de aira a la pulmones e cual teni la cordas vosal en umanas e otra mamales
larinjite = un inflama de la larinje, tipal causante un vose ru o asente, respira ru e tose dolosa
larix = un arbor conifer con grupos de agos briliante verde e caduca
larma = secrete un gota de licuida clar e salosa de glandes en la oios cuando on plora o cuando la oios es iritada
larva = la forma ativa ma nonmatur de un inseto, entre un ovo e un pupa
lasa = permete ce (un person o cosa) resta o aveni; no prende (alga cosa) con se; permete (ce on fa alga cosa)
Lasa = la site capital de Bod
lasanie = pasta con forma de bandas larga; un plato italian fornida de esta e stratida con carne o vejetales, ceso e salsa de tomates
laser = un aparato cual jenera un raio intensa de lus coerente e monocromatica
lasera = deveni tirada a pesos; reseta un buco o fende, tipal nonintendeda, par tira o perfora
lasi = un bevida barati, preparada de iogurte o sero de bur con acua
lasiva = sentinte o mostrante un desira sesal en modo ofendente
laso = un anelo de corda con noda liscante cual streti cuando la corda es tirada, usada per catura animales o pende persones
lata = aser o fero en forma de plato stratida con stanio
laton = un aliada jala de cupre e zinco
latase = un enzima cual catalise la idrolise de latosa a glucosa e galatosa
latce = (en cosini iudi) un crepe, tipal de patatas raspada
latex = un licuida letin trovada en multe plantas, cual suda cuando la planta es taliada e coagula cuando esposada a aira; un produida artifis cual sembla esta
latica = pertinente a o derivada de lete
latina = pertinente a la popla o lingua de Roma antica; pertinente a la popla e cultur de la partes de America Norde e Sude en cual linguas romanica es parlada
prelatina = pertinente a la cultures en Italia ante la romanes; pertinente a la cultures en America Sude e Sentral ante la concistas espaniol
Latio = la rejion de Italia sentral ueste en cual on ia fundi la site Roma
latitude = la distantia angulo de un loca a norde o sude de la ecuator, o de un ojeto sielal a norde o sude de la ecuator sielal, normal espresada en grados e minutos
latolosa = un zucar artifis cual pote funsiona como un paraconstipa
latosa = un zucar trovada en lete, un disacarido con unias de glucosa e galatosa
latrina = un vason, o strutur simil, usada en un campa o caserna, tipal estra casa
Latvia = un pais a la costa este de la Mar Baltica
Lau = un pais sin costa en Asia sude-este
laudano = un disolve de alcol e morfina, usada en la pasada per redui dole
laura = un corona fabricada de folias de lauro, donada como un sinia de onora en la Impero Roman
laural = pertinente a un onora, spesial la ateni de la diploma prima cuando on gradua de un universia
laurensio = la elemento cimical con numero atomal 103, un metal radioativa
lauro = un planta o arboreta con folias briliante verde
dormi sur sua lauros = es tan sasiada con sua atenis ce on no esforsa plu
lava = limpi (un person o cosa) con acua e tipal sapon o deterjente
lavaoio = un disolve usada per limpi la oios
lavaplato = un macina o person cual lava platos
lavaveste = un macina o person cual lava vestes o otra stofas
lava = roca calda e fondeda cual eruta de un volcan o fesur, o la roca solida cual resulta cuando esta fri
lavabo = un bol fisada, con fonte de acua e tubo de drena
lavanda = con color pal violeta
lavanda = un arboreta perene e bonodorosa en familia de mentas, usada per parfum
laxe = no firma fisada; no tensada; tolerante e nonsever; (un veste) spasiosa e no streta
laxinte = un medica per stimula o fasili la vacui de la intestines
le = un garlanda polinesian de flores
leca = pasa sua lingua sur (alga cosa), tipal per proba, moli o limpi lo; (un flama, onda o venta) move en modo simil
lecabota = (nonformal) un adulor
lecaculo = (nonformal) un adulor
lecu = la unia de mone en Xciperia
lederhose = un pantala de cuoro de stilo tradisional alpan, con bretelas con forma de H
lega = lasa (sua imobila personal o sua corpo) a un person o otra beneficada par un atesta final
lega = un mesura antica de distantia, tipal sirca tre milias
lege = un sistem de regulas reconoseda par un nasion o comunia per regula la atas de sua membros, e cual permete la asinia de multas o punis; cada de la regulas en un tal sistem; un declara, deduida de oserva, ce un fenomeno natural o siensal aveni sempre en alga situa spesifiada; un corpus de comandas divin, espresada en un testo relijiosa
legal = pertinente a la lege; elejeda o asiniada par la lege; permeteda par la lege
estralegal = (un ata o situa) no regulada par lege
legum = cualce planta en familia de piso; la seme o otra parte comable de un de esta plantas
leje = regarda, comprende e cisa vosi (cosas scriveda o primida) par interprete la simboles usada per composa los; vosi
lejecarta = un aparato cual leje datos de un media cartin
lejedisco = un aparato par cual un computador asede la contenida de un disco
lejemente = un person ci pare capas de sabe la pensas de un otra
lejenda = un nara tradisional, videda como istorial ma tipal no autenticida
lejera = con poca o no pesa; no pesosa; fasil levada; de cuantia o intensia basa
lejeri par du cilogrames = perde du cilogrames de pesa
lejion = (en la armada roman antica) un unia de entre tre e ses mil soldatos; (en la armada franses) un unia xef composada de soldatos nonfranses
lema = un teorem media en un demostra matematical o filosofial; un titulo indicante un tema; un parola definida en un disionario
leming = un rodente peti en familia de campaniol, trovada en la tundra artica
lempira = la unia de mone en Onduras
lemur = un primate arboral con beco puntida e coda longa, trovada en Madagasicara
lenio = la materia dur e fibrosa de la tronco e ramos de un arbor o arboreta; esta preparada per usa en construi
lenta = no rapida
lente = un peso de vitro o otra materia transparente con lados curva per consentra o sperde lus, usada en telescopios, microscopios, cameras e oculos
lentil = un planta en familia de legum, con semes lentin e comable; un seme de esta
leon = un gato grande e pal brun, trovada en Africa e Barat norde-ueste; la unia de mone en Siera Leon
leon-de-mar = un otario abitante la costas de la Mar Pasifica, cui mas ave un crinera sur sua colo e spadas
Leon = un constela de la zodiaco
Leon Peti = un constela en la sielo norde
Leon = un rena antica e provinse presente de Espania norde
leopardo = un gato grande con pelo brun con manxas negra, trovada en la forestas de Africa e Asia sude
lepidio = un creson savaje, tipal con folias con odor agu
lepilemur = un primate arboral en familia de lemur, trovada en Madagasicara
lepre = un mamal simil a un coneo, con gamas e oreas longa
Lepre = un constela ecuatoral en la sielo sude
leprecan = un elfo peti e turbosa en fables eres
lepror = un can xasante cual trasa prima par vide
leprosa = sufrinte de o pertinente a un maladia de la pel, membranas e nervos, causada par un bateria
antileprosa = un medisin per combate leprosia
lepton = un particula suatomal, como un eletron, muon o neutrino, cual no partisipa en la interata forte
lesbian = un fem omosesal
-lesia = atacas de la sistem de nervos
lesion = un area de un organo o texeda cual ia sufri un dana
lesitina = un materia composada de fosfolipidos liada a colina, trovada en texedas animal, en jala de ovos e en alga plantas
leson = un periodo de instrui e aprende; un parla instruinte
Lesoto = un pais sin costas ensircada par Sudafrica
letarjia = sin enerjia e zelo; multe dormosa e nonativa
lete = un licuida blanca, plen de gras e protena, secreteda par mamales fema per nuri sua enfantes; esta licuida de boves, capras o oveas, bevida par umanas; (metafor) cualce licuida blanca e cremosa, como la jus de alga plantas
letera = un sinia cual representa un o plu de la sonas usada per parla; un de la simboles de un alfabeta; un comunica scriveda, tapeda o primida, tipal contenida en un envelopa e enviada par posta o mesajor
transleteri = scrive o primi (un parola o testo) par usa la leteras cual coresponde la plu prosima a leteras de un otra alfabeta o sistem de scrive
leteratur = obras scriveda, tipal regardada como arte valuada; libros publicida sur un tema tecnical
leto = un mobila o otra surfas usada per dormi o reposa, tipal un strutur con materas e covrentes
letseburges = pertinente a un lingua parlada par multe persones luxemburges
letuga = un planta cultivada en familia de margarita, con folias comable; esta folias usada en saladas
letuga de mar = un tipo de alge comable con folias verde cual sembla los de letuga
leu = la unia de mone en Romania e Moldova
leucemia = un maladia en cual la medula de osos e otra organos cual formi sangue produi tro multe leucosites nonmatur o nonormal
leuco- = blanca
Leucosia = un otra nom per Nicosia
leucosite = un selula sin color cual sirculi en sangue e otra licuidas de la corpo e partisipa en combate maladias
lev = la unia de mone en Bulgaria
leva = move de un loca plu basa a un loca plu alta
levacarga = un veculo usada per leva cargas pesosa
levapesa = un person ci leva pesas como un sporte o un eserse
Levante = la rejion de Asia sude-ueste bordante la Mar Mediteraneo, tipal incluinte Suria, Lubnan, Israel, Filastin, Urdun e Cipros, e en alga casos ance Turcia e la penisola Sina
levantan = pertinente a la Levante e a sua abitores
Mar Levante = la parte de la Mediteraneo este la plu prosima a la Levante
lever = un bara cual reposa sur un fulcro, usada per aida move cargas pesosa a un fini cuando on aplica presa a la otra fini
leviatan = un monstro de mar, tipal en la Biblia
levita = flota en la aira
lexem = un unia astrata fundal de un lingua, representante tota formas infletada de un parola; (en informatica) un cadena de sinias representante un elemento fundal de testo de fonte, per esemplo un parola reservada, un nom, un valua constante, un operador o un comenta
lexicografia = la arte e siensa de composa disionarios
lexicolojia = la studia de la formas, sinifias e conduis de parolas
lezardo = un retil ma no un serpente, tipal con corpo e coda longa e pel ru, scamosa o spinosa
Lezardo = un constela de la sielo norde
lfn = Lingua Franca Nova
LFN = Lingua Franca Nova
LGBT = lesbian, ge, bisesal e transjenero
lia = fisa (un person o cosa) con corda o banda a alga cosa; formi (un noda); crea un junta o relata entre (persones o cosas); junta (cosas) per transmete enerjia, informa, etc
lia = un ata de lia; un cosa liante; un liacalsa
interlia = lia (du cosas) con lunlotra
iperlia = (en informatica) lia (un fix o testo) a un otra, en un modo comun ativida par clica a un parola o imaje sur la scermo
liacalsa = un bretela per teni un calsa o calseta
sulia = (un satelite) transmete (datos) a la tera
supralia = transmete (datos) a un satelite o otra comunicador supra la tera
verbo liante = un verbo nontransitiva cual es sempre acompaniada par un completinte ajetivin o nomin, como en `los es libros`, `acel pare riable`, `me senti felis`
liama = un mamal en familia de camel, usada per transporta cargas en la Andes e valuada per sua lana suave
liana = un planta leniosa e trepante cual pende de arbores, tipal en forestas pluvosa tropical
liase = un enzima cual fende lias variosa par modos otra ca idrolise e osidi
libela = un inseto rapida volante e xasante, con du duples de alas grande e transparente
Liberia = un pais a la costa de la Mar Atlantica en Africa ueste
libertarisme = un politica estrema libraliste cual recomenda intervenis minima par la governa en la vives de sitadanes
Libia = un pais en Africa norde en la deserto Sahara, con costa a la Mar Mediteraneo
libido = la desira sesal
libra = un unia de pesa usada en alga paises, egal a 0,4536 kg
libre = no controlada par un otra; capas de ata como on desira
libral = (educa o artes) studiada per sua propre interesa, e no per benefica pratical
Librevila = la site capital de Gabon
libro = un obra scriveda o primida, composada de pajes colida o coseda a lunlotra a un lado e religada; un divide major de un obra longa (como la Biblia)
libro de festa = un colie academial de esajos o articles contribuida par persones diversa per onora un person erudita
libromanica = un person ci ama libros e leje
licen = un planta simple e lenta cresente, tipal abitante sur rocas, mures e arbores
licenosa = covreda con multe licen
liciris = un planta en familia de piso; un materia negra e bonodorinte, produida par vapori la jus de la radis de esta planta; un confeto saborida con esta
licopodio = un planta cual sembla mos, con talos raminte e folias nondivideda
licor = un bevida alcolosa forte e dulse, tipal bevida pos un come
licuida = con un coere como acua o olio, libre corente ma con volum constante; (metafor) cualce cosa cual move libre
semilicuida = con un densia entre solida e licuida
Lidia = un rejion antica de Anatolia ueste, florinte en la sentenio 7 AEC
Lietuva = un pais a la costa sude-este de la Mar Baltica
liga = un organiza de ecipos cual jua contra lunlotra en un torneo de sporte
ligamento = un banda corta de texeda dur, flexable e fibrosa cual junta du osos o cartilajes; un plia membranin cual suporta o manteni la loca de un organo
ligase = un enzima cual lia du moleculas con lias covalente
lignito = un carbon brun e mol, formida de torba natural compresada
Liguria = la parte de Italia norde-ueste cual estende longo la costa mediteranean de Toscana a la borda de Frans
ligustro = un arboreta en familia de olivo, con flores peti e blanca e bacas venenosa
lil = un planta cual crese de un bulbo, con flores grande e trompetin
lil de dia = un planta perene eurasian con flores grande e colorosa cual abri per sola un dia
lil-de-mar = un ecinodermato fisada, con corpo peti sur tronceta longa e sesionida, con brasos plumin per catura comedas
lila = pal rosin violeta
lila = un arboreta en familia de olivo, con flores violeta, ros o blanca e bonodorosa
Lilongue = la site capital de Malaui
Lilongwe = la site capital de Malaui
lim = un arbor de la jenero _Citrus_; la fruta de esta
lima = un util con surfas ru, comun de aser, usada per lisa o formi un materia dur
Lima = la site capital de Peru
limasa = un molusco con pel durante, simil a caracoles ma sin conca
limbica = pertinente a un sistem de nervos en la serebro cual es asosiada con instintos e emosias
limbo = (en alga formas de cristianisme) la abita de la spiritos de enfantes nonbatizada o de bon persones ci ia mori ante la aveni de Cristo
limbo = un dansa de la Indias Ueste en cual on curvi a retro per pasa su un bara orizonal
Limburg = un provinse de Nederland e de Beljia
limeric = un poesia comica e tipal vulgar, con sinco linias rimante en la sistem AABBA, cui du linias prima e la final es longa e la otras es corta, popularida par Edward Lear
limfa = un licuida sin color, conteninte selulas blanca de sangue, cual bani la texedas e drena tra la sistem limfal a la sistem sangual
limfo- = limfa
limfoblasto = un selula nonormal, semblante un limfosite grande, produida en cuantias grande en un forma de leucemia
limfoide = pertinente a la texedas cual produi limfosites e anticorpos, incluinte la nodas limfal, la timo, la tonsiles e la spleno
limfoma = un canser de la nodas limfal
limfoma de Hodgkin = un maladia de la texedas limfal, tipal remediable
limfopoiese = la prosede de jenera limfosites
limfosite = un forma de leucosite peti con un sola nucleo ronda
limina = la punto de entra a un casa o sala; un grandia o intensia cual produi un reata o alga otra aveni cuando on esede lo
limita = no permete ce (un person o cosa) estende ultra un punto, nivel, cuantia o grandia spesifiada
limita de arbores = la borda de un loca do arbores pote crese
limita de neva = la altia a cual la tera de un monte es covreda par neva
limonada = un bevida preparada de jus de limon, acua e zucar
limpa = sin susia o manxas; lavada; con bon ijien; sin contaminantes
limpibota = un person empleada per brilia sapatos e botas
limusin = un auto grande e lusosa, spesial con gidor profesal
lince = un gato savaje con pelo jalin brun, coda corta e oreas con mexa
Lince = un constela en la sielo norde
lineta = un pinson brun e gris con fronte e peto rojin
linga = (en induisme) un simbol de enerjia divin, tipal en la forma de un falo, adorada como un simbol de Xiva
lingua = la organo musculosa en la boca de un mamal, usada per proba, leca, engoli e (en umanas) parla; la organo corespondente en otra vertebratos; la organo corespondente en insetos; la metodo de comunica umana, parlada o scriveda, composada de la usa de parolas en un modo struturida e costumal
bilingual = capas de parla fluente du linguas; (un testo o ata) scriveda o fada en du linguas; (un nasion o site) usante du linguas, spesial si ambos es ofisial
linguiste = un person capas de usa o aprende linguas; un linguisticiste
monolingual = capas de parla fluente sola un lingua; (un testo o ata) scriveda o fada en sola un lingua
multilingual = capas de parla, o presentada en, plu ca du linguas
paleolinguiste = un linguiste spesialida sur linguas preistorial
linguaje = la stilo de vocabulo e frases elejeda per espresa en parla o scrive
linguine = pasta con forma de bandas streta
linguistica = la siensa de linguas e sua strutur, incluinte la studia de morfolojia, sintatica, fonetica e semantica
interlinguistica = la studia de aspetas diversa de comunica lingual entre persones ci no pote comprende lunlotra en sua propre linguas
neurolinguistica = la ramo de linguistica cual studia la relata entre linguas e la strutur e funsiona de la serebro
paleolinguistica = la ramo de linguistica cual studia linguas preistorial
psicolinguistica = la studia de la funsiona de la mente en la persepi, produi e aprende de linguas
sosiolinguistica = la studia de lingua en relata con fatores sosial cual inclui loca, clase, ocupa, jenero e bilingualisme
linia = marca (alga cosa) con un linia o con linias
linia = un marca o banda longa e streta; (en matematica) un estende continuante de longia sin largia; un cuantia de persones o cosas en un tal forma; un serie orizonal o vertical de parolas scriveda o primida; (en poesia) un tal serie de parolas forminte un de la unias metrical de cual un strofe es composada; un lia de telecomunica
duilinia = un dui de un linia de poesia, segueda par un pausa corta
en linia = enliniada
estra linia = estraliniada
linias de fas = la cualias cual contribui a la forma e aspeta de un fas
liniaoio = un macia aplicada como un linia sirca la oios afin los pare plu grande o notable
multilinial = con plu ca un linia
retilinial = composada de o movente en linias reta
lino = un planta con flores blu, cultivada per sua semes e per la fibre de stofa cual on prepara de sua troncetas; un seme de esta, usada per fabrica olio o pasta
linolio = un materia composada de un fondo de lona, stratida con un prepara de olio de lino e suber polvida, usada per covre la solo en construidas
lintel = un suporta orizonal de lenio, petra, beton o aser supra un porte o fenetra
Linux = un sistem de opera de fonte abrida, o sua nucleo
linxa = (un manada de persones) mata (algun), tipal par pende, per un ofende alegada, con o sin litiga
lipase = un enzima de la pancreas cual catalise la redui de gras o asidas grasal
lipido = parteninte a un clase de composadas organica cual es asidas grasosa o sua derivadas, e es nondisolvable en acua ma disolvable en disolventes organica, incluinte multe olios natural, siras e steroides
lipo- = gras
lira = un arpa peti con forma de U, usada en Elas antica e Africa este moderna
Lira = un constela peti
lira = la unia de mone en Turcia, e istorial en Italia
lirica = (leteratur, arte o musica) espresante la emosias de la creor en modo bela e imajinosa
liriodendro = un arbor de America Norde, con folias grande e lobosa e flores grande con forma de tulpas
liron = un rodente musin, con coda pelosa o brosin, de cual alga spesies es notada per sua invernis estendeda
lisa = con surfas o coere sin bultos o indentes persepable
Lisboa = la site capital de Portugal
lisca = move nonimpedida longo un surfas lisa
lisca sur aira = (un avia) vola con alas nonmovente; (un avion) vola sin motor
liscasapato = un util curva per aida pone un pede en un sapato abrasante
liscatera = un colasa de tera o roca de un monte o falesa
liscosa = (un cosa) tan lisa, moiada o melmosa ce on no pote fasil teni lo o sta sur lo
liscor = un marsupio peti australasian, con pel entre sua gamas anterior e posterior cual el usa per vola de arbor a arbor
lise = descomposa o desintegra
-lise = descomposa o desintegra
-lisica = desintegrante selulas
lisensa = dona un permete formal o ofisial a (algun) per posese, usa o fa alga cosa
liseo = un scola per adolesentes con edas cual depende de la nasion, ma tipal completida a 18 anios
lisosoma = un organeta en la sitoplasma de selulas eucariotal cual conteni enzimas dijestal encluida par un membrana
lista = scrive o dise (un cuantia de nomes o otra cosas) en serie
lista cadenida = un strutur linial de datos do cada elemento conteni un refere a la elemento seguente (e, a veses, ance a la elemento presedente)
lista unuple cadenida = un lista cadenida en cual cada elemento refere a sola la elemento seguente
lista duple cadenida = un lista cadenida en cual cada elemento refere a la elementos seguente e presedente
litania = un serie de preas o suplicas
litica = pertinente a petra
-litica = pertinente a petra
litiga = prende (un alega o disputa) a un corte legal; comensa un prosede legal contra (algun)
litiga falida = un litiga abandonada par causa de un era de prosede o un juria sin acorda
litio = la elemento cimical con numero atomal 3, un metal mol e arjentin blanca, usada per trata mania
lito- = petra
-lito = petra
litografia = la prosede de primi de un surfas plana, tratada per repulsa inca estra do on intende
litolojia = la studia de la cualias fisical de rocas
litorina = un caracol de mar, peti e comable
litote = un espresa ironiosa cual presenta la negativa de la oposada, como `no mal` per dise `bon`
litotrof = atraeda a minerales per nuri
litre = un unia metral de volum, egal a 1000 sentimetres cubida
liturjia = un ordina per gida la adora relijiosa publica, tipal en cristianisme
litvac = pertinente a iudis con asendentes en la Duxia Grande de Lietuva
litxi = un arbor xines; la fruta peti e ronda de esta
Liubliana = la site capital de Slovenia
livermorio = la elemento cimical con numero atomal 116
lixivia = (materia) sorti de un solida par disolve en un licuida
Lixtenstain = un pais peti en la Alpes, entre Suiz e Osteraic
lo = representante un cosa o situa; ance usada como un sujeto pupetin cuando la sujeto vera es la clima o ambiente jeneral, o apare plu tarda en la frase como un proposa suordinada
Lobamba = la site capital de Esuatini
lobe = un parte cuasi ronda e plata de alga cosa, tipal un de un duple juntada o separada par un fesur; cada de la du partes de la serebro o serebreta
lobio = un comeda de cosini cartuli, preparada de favas, coriandro, nozas, alio e onion
lobotomia = un talia sirurjial de la lobe fronte de la serebro, istorial usada per trata alga maladias mental
loca = pone (un person o cosa) en un spasio, ordina, situa o contesto spesifiada
jeolocali = identifia la loca jeografial de (un person o aparato) par infotecnolojia
locativa = un caso gramatical cual indica presentia a un loca
loco = (un person) no seguente la normas de sosia, en modo cisa perilosa a se o a otra persones; mental turbada, spesial en modo savaje, coler, esajerada, zelosa o fol; (nonformal) estrema fol o bizara
locomotiva = un veculo propulsada cual move sur reles, usada per tira trenes
locusta = un inseto grande de la tropicos, con la capasia forte de vola
loda = espresa amira o aproba de; espresa bon desiras a (un person) pos un aveni spesial; espresa respeta e grasia a (un dio o diva)
loden = un stofa spesa e secur contra acua, tipal verde oscur
loes = un tera laxe compatida, orijinal deponeda par la venta, tipal regardada como la tera la plu bon per cultiva
lofio = un pex pexorin cual abita la fondos de mares
lofofora = un strutur coronin con tentaculos de silios, sirca la boca de alga animales de mar peti
lofotrocozon = un membro de un suprafilo cual inclui braciopodos, moluscos e anelidos
logaritmo = un cuantia representante la potia a cual on debe leva un numero fisada per produi un numero spesifiada
logaritmo binar = un logaritmo a base 2
logaritmo desimal = un logaritmo a base 10
logaritmo natural = un logaritmo a base _e_ (sirca 2,71828)
logo = un simbol o otra desinia adotada par un organiza per marca sua produidas, uniformas, veculos, etc
logo- = parolas
logofilia = la ama de parolas
logografia = un forma de scrive usante imajes per representa parolas
logogram = un imaje cual representa un parola
Logudoro = un rena antica e rejion moderna en Sardinia norde-sentral
lojia = un galeria o sala con un o plu lados abrida, tipal a la jardin; un rejion privata de un teatro o simil, reservada per un grupo de persones
-lojia = studia, siensa
lojica = un modo de razona cual segue prinsipes sever de validia; un sistem de prinsipes simil a aritmetica, usada per calcula con bites en computadores
lojistica = la coordina detaliosa de un prosede complicada cual envolve multe persones, complesos o furnis
lolardo = un credor de lolardisme
lolardisme = un promove cristian preprotestante, fundida par John Wycliffe, cual ia esiste de la media de la sentenio 14 asta la sentenio 16
lolio = un segal eurasian
lom = un tera fertil de arjila e arena con umo
Lombardia = un rejion de Italia norde-sentral, entre la Alpes e la Rio Po
lombo = la parte de la corpo a ambos lados de la spina dorsal, entre la costelas la plu basa e la osos de anca
Lome = la site capital de Togo
lomen = un plato xines en cual talietas de trigo es miscada con salsa
lona = un stofa forte, bruta e nonblancida, fabricada de canaba, lino, coton o simil, usada per produi velas, tendas e surfases per depinta con pinta de olio
London = la site capital de England e la Rena Unida
longa = con estende grande en spasio o tempo
longi par du metres = gania du metres de longia
Isola Longa = un isola a la costa de York Nova, conteninte un parte de la Site New York
longo = movente o estendente en un dirije constante sur o paralel a
longo = en la opina de; como diseda par
lonjitude = la distantia angulo de un loca, espresada en grados e minutos a este o ueste de la meridiano de Greenwich
lonjitude de sielo = la distantia angulo de un ojeto sielal, espresada en grados e minutos a ueste de la meridiano normal
lonxura = un avia de la tropicos de la mundo vea
lor = de los; de se (plural)
lordose = un desformi cual curvi la spina dorsal a estra; un posa de alga mamales fema en copula
Loren = un rejion en la norde-este de Frans, fronterinte Beljia, Luxemburg e Deutxland
lori = un papagaio peti de Australasia e Asia sude-ueste, con un lingua con mexa per come netar e polen
loris = un primate peti e noturna, con coda corta o mancante, ci move lenta tra la foresta densa de Asia sude
lorisifero = un membro de un filo de animales de mar multe peti, tipal abitante en deponeda
los = representante du o plu persones o cosas
losa = un seramica composada de arjila e coceda a un state porosa, cual on pote vernisi per securi lo contra acua
losion = un licuida densa e lisa, desiniada per es aplicada a la pel per razonas medical o cosmetica
loti = la unia de mone en Lesoto
loto = un jua en cual juores compra biletas numerida e el ci ave un numero acaso elejeda reseta un premio; un jua en cual numeros acaso es clamada e juores marca estas a cartas per completi linias
Louisiana = un stato en la SUA sude-sentral, a la costa de la Mar Mexico
lsd = un composada cristal, usada como un droga forte alusinojen
lua = paia a algun per la usa de (un imobila, propria, auto, etc)
Luanda = la site capital de Angola
luau = un festa o selebra hawaian, tipal con divertis
Lubnan = un pais en Asia sude-ueste, con costa a la Mar Mediteraneo
lubrica = aplica un materia como olio o gras a (un motor o otra aparato) per minimi frica e permete ce lo move lisa
lucanido = un scarabe grande con mandibulas grande en la mas
lucarna = un fenetra en un teto inclinada; un fenetreta per trae lus de dia a en un sutera
ludisme = (istorial) un promove de laborores en England, oposada a la Revolui Industrial par teme de perde sua modo de susta
lufa = un planta tropical en familia de zuca; un ojeto fibrosa, tipal silindre, usada per lava, orijinal preparada de la fruta de esta planta
luje = un treneta lejera usada en concursos
lumbago = dole de lombo
lumen = un unia internasional de lumina; la parte vacua en un strutur tubo en un organisme o selula
lumina = furni lus a; fa ce (alga cosa) conteni plu lus; (metafor) dona sajia a
contralumina = camufla par bioluminese cuando videda de su
luminese = produi lus sin caldia
bioluminese = (alga baterias, insetos, calamares, etc) produi lus sin caldia par prosedes biocimical
luna = la satelite natural de la Tera, vidable par la lus refletada de la Sol; un satelite natural de un otra planeta
lundi = la dia entre soldi e martedi en cada semana
lunlotra = mutua; la un (a, con, sur, etc) la otra(s)
lupa = un lente cual produi un imaje grandida, tipal en un montur con manico o direta tenida par un oio
lupin = un planta en familia de piso, con spigas alta de flores colorosa
lupo = un carnivor savaje en familia de can
Lupo = un constela en la sielo sude
lupulo = un planta trepante, cultivada per sua flores cono, usada per produi bir
lupus = un de alga maladias marcada par inflama de la pel
lus = la enerjia natural cual stimula la vide e fa ce cosas deveni vidable, composada de radia eletromagnetal con ondas entre sirca 390 e 740 nanometres
Lusaca = la site capital de Zambia
lusio = un pex longa e xasante, con beco puntida e dentes grande
luso = un cosa desirada ma no nesesada, cual es custosa o difisil per oteni
lusosia = un stato de ricia e comforta grande
luta = combate sin armas, con gol de forsa sua oposor a la tera, acaso o como un sporte; atenta progresa o survive entre ostaculos o difisiles
lutefisc = un plato scandinavian de gado secida, moiada en alcalin corodente per moli lo e per sutrae la pel e osos, e jelatinida par boli
luteran = pertinente a la forma de cristianisme developada par Martin Luther
lutesio = la elemento cimical con numero atomal 71, un metal arjentin blanca de la serie de lantanidos
luto = un strumento de cordetas con colo longa, corpo ronda, e fronte plana como un ovo duida
lutra = un mamal semiacual en familia de mustela, con corpo longa, pelo densa, e pedes membranosa
lux = un unia internasional de lumina, egal a un lumen per metre cuadrida
Luxemburg = un pais peti en Europa ueste entre Beljia, Deutxland e Frans; la site capital de la pais Luxemburg
Luzon = la isola la plu grande e la plu norde de la Pilipinas
Streta Luzon = un streta a norde de Luzon
m = la letera 13 de la alfabeta roman
ma = introduinte alga cosa cual contrasta con lo cual es ja diseda
maa = la sona fada par un ovea o capra
Maca = un site en Arabia Saudi, regardada par muslimes como la site la plu santa de islam
macabre = asustante e repulsante par sua descrive o presenta de mori e feri
macaca = un simia de grandia media, con fas longa e poxes en sua jenas per porta comedas
macadamia = un arbor de Australia; la noza de esta
macaron = un biscoto de blanca de ovo, zucar, e tipal amandas moleda o coco
macaroni = un pasta con forma de tubos streta
Macau = un parte de Jonguo a la costa sude-ueste, un dependente de Portugal ante 1999
Macedonia = un pais antica en Europa sude-este, a norde de Elas antica; un rejion en la Elas de oji; la nom vea de Macedonia Norde
Macedonia Norde = un pais sin costa en la Balcanes
macero = un pex migrante, comersial importante como un comeda
macia = aplica polvos o cremas colorida a (la fas) per boni o cambia la aspeta
macina = un aparato, tipal con multe partes, cual usa o aplica potia macinal per un taxe spesifiada
macineria = un sala conteninte multe macinas
servomacina = un macina cual produi moves o fortes a un nivel de enerjia plu alta ca la nivel de enflue, tipal usante renuri per automati la controla
macrame = la arte de usa nodas en motifes per composa ojetos ornal
macro = un foto, filma o video cual mostra sua sujeto como prosima; un descrive detaliosa o intima; (en informatica) un regula per cambia un enflue spesifiada a un comanda o esflue spesifiada
macro- = grande
macrofago = un fagosite trovada en un forma nonmovente en la texedas o como un selula blanca de sangue, tipal a locas de un infeta
macropodo = un marsupial en la familia cual conteni cangarus e ualabis
macrosefalia = un malformi jenetical, marcada par un testa nonormal grande
macua = pertinente a un popla bantu en la norde de Mosambic, o a sua lingua
macula = un area jala e oval sirca la fovea, prosima a la sentro de la retina, cual es capas de vide plu agu
Madagasicara = un isola e pais en la Mar Indian, a este de Africa este
madalena = un torta peti, tipal fornida en molda concin e decorada con coco e jalea
Isolas Madera = un grupo de isolas en la Mar Atlantica prosima a la costa de Africa norde-ueste, e un rejion autonom de Portugal
madjong = un jua xines, normal per cuatro persones, con 136 o 144 telias retangulo de cual on atenta colie grupos
madona = la virjin Maria; un imaje de el; un fem virtuosa
madras = un stofa de coton, forte ma con trama delicata, con bandetas o cuadros
madre = un fem o animal fema en relata a un enfante o enfantes ci el ia pari; un fem o animal fema ci cura un enfante o enfantes en la mesma modo
comadre = un person (tipal un fem) instruida per aida femes en pari
Madrid = la site capital de Espania
madrigal = un forma de canta de la Renase, con plu ca un vose ordinada en contrapunto, tipal sin strumentos
madriside = mata (sua propre madre)
madrugada = la parte de la dia ante la leva de sol; la tempo entre medianote e la lus prima
mafia = un organiza internasional de criminales, orijinal de Sisilia e aora en Italia e la SUA, notable per sua condui cruel; cualce grupo con condui simil
Magallanes, Streta = un streta cual separa la Tera de Foco de la resta de America Sude
Magiar = un pais sin costa en Europa sentral
magma = materia fluente o partal licuida su o en la crosta de la Tera, de cual lava e otra roca magmal deriva pos fri
magnesio = la elemento cimical con numero atomal 12, un metal arjentin
magnete = un peso de fero cual atrae otra ojetos conteninte fero, e cual alinia se en un campo magnetal esterna
magnetia = la cualia de un magnete
magnetin = simil a un magnete; (metafor) atraosa
eletromagnete = un cor de metal mol, convertida a un magnete par la pasa de un corente eletrical tra un enrolada cual ensirca lo
paramagnete = un ojeto o sustantia cual es debil atraeda par la polos de un magnete, ma cual reteni no magnetia permanente
magnetica = la ramo de studia cual studia fenomenos magnetal
paleomagnetica = la ramo de jeofisica cual studia la magnetia induida par la campo magnetal de la Tera cuando rocas ia deveni formida
magnetometre = un aparato usada per mesura fortes magnetal, tipal de la Tera
magnolia = un arbor o arboreta con flores ros grande
magra = con lados oposada cual es prosima a lunlotra
Magreb = un rejion vasta a norde de Africa, incluinte Maroco, Mauritania, Aljeria, Tunisia e Libia
Magrib = un pais en Africa norde-ueste, con costas a la Mar Mediteraneo e la Mar Atlantica
mahaiana = un seta de budisme comun en Bod, Corea, Jonguo e Nion
maharaja = un prinse barati
maharani = un prinsesa barati
maharixi = un saja induiste
mahatma = (en Asia sude) un person adorada per sua virtua
mahayana = un seta de budisme comun en Bod, Corea, Jonguo e Nion
mahimahi = un pex grande con pinas raiosa
maia = pertinente a un de la tribus nativa de Yucatan e rejiones prosima
maiasauro = un dinosauro grande e erbivor, con testa cual aspeta como un pato
Maine = un stato de la SUA norde-este, a la costa de la Mar Atlantica
Golfo Maine = un golfo a este de Maine, un estende de la Mar Atlantica
mainel = un bara vertical cual divide partes de un fenetra
maio = la mense sinco de la calendario gregorian
maiones = un salsa densa e cremin, preparada de jalas de ovos bateda con olio e vinagra e spisida
maior = la xef elejeda de un site, vila o otra munisipa
Maiorca = la isola la plu grande de la Isolas Balear
Maiote = un isola en la Mar Indian, a este de Comori
Mayote = un isola en la Mar Indian, a este de Comori
mais = un planta sereal con granes grande; esta granes, usada per comeda de umanas e bestias
maitili = pertinente a la popla de Bihar norde e rejiones prosima
maitnerio = la elemento cimical con numero atomal 109, nomida per Lise Meitner
Isolas Majel = un pais de du cadenas de isolas en la Mar Pasifica norde-ueste
majenta = con color pal purpurin roja
majeste = alta e potiosa en modo amirable; briliante bela o grandiosa
majia = la potia de afeta avenis par metodos supranatural; trucos cual pare nonposible, presentada como un diverti
maji = crea o afeta par majia, o como si par majia
majial = pertinente a majia
majiosa = plen de majia; funsionante par majia
majo = un membro de la caste de pretes de Persia antica
major = multe importante, grave o potiosa; (un person con la mesma nom como un otra) la plu vea
majoran = un planta en familia de menta, usada en cosini
Majuro = la site capital de la Isolas Majel
Makassar = la site capital de la provinse indonesian Sulauesi Sude
Streta Makassar = un streta entre Borneo e Sulauesi
mal = con cualia basa; con capasia minima; nonmoral; nonvalida; noncoreta
mal- = ajuntada a un verbo o ajetivo per formi un varia per un ata o cualia plu mal, tipal spesialida; ajuntada a un nom per formi un insulta
Malabo = la site capital de Gine Ecuatoral
malacita = un mineral verde, composada de carbonato de cupre
malada = no sana; con mal state de corpo o mente
maladia mental = un modo de condui o pensa, persistente o no, cual causa turba o angusa notable, o un mali de funsiona personal
malagatani = un sopa de gal o otra carne con cari, orijinante en Barat brites
malaialam = pertinente a la popla de la stato barati Kerala, o a sua lingua dravidian
Malaisia = un pais en Asia sude-este, a sude de la Mar Xina Sude
malaisian = pertinente a Malaisia
Malaka, Streta = un streta entre Sumatra e Malaisia
malaria = un febre causada par plasmodio parasito cual invade la selulas roja de sangue, transmeteda par moscitos en rejiones tropical
antimalarial = (un medisin) usada contra malaria
Malaui = un pais sin costa en Africa sude-sentral, a ueste de la Lago Niasa
Lago Malaui = un lago en Africa este-sentral, entre Malaui e Tanzania e Mosambic
Malawi = un pais sin costa en Africa sude-sentral, a ueste de la Lago Niasa
Lago Malawi = un lago en Africa este-sentral, entre Malaui e Tanzania e Mosambic
Maldives = un otra nom per Divehi
Male = la site capital de Divehi
maleol = cada de la du protendes de la talo
Mali = un pais sin costa en Africa ueste, a sude de Jazair
malie = armur flexable, fabricada de anelos metal liada a lunlotra
malta = orzo o otra gran saturada, jermeda e secida, tipal usada per produi bir, uisce e vinagra
Malta = un isola e pais en la Mar Mediteraneo sentral, a sirca 100 km a sude de Sisilia
maltase = un enzima en saliva e jus de pancreas cual catalise la rompe de maltosa e zucares simil per formi glucosa
malthusian = seguente o pertinente a malthusianisme
malthusianisme = la dotrina de la economiste brites Thomas Malthus (1766-1834)
maltosa = un zucar produida par la descomposa de amidon; un disacarido de du glucosas juntada
Isolas Malucu = un grupo de isolas en Indonesia
Mar Malucu = un mar entre Sulauesi e la Isolas Malucu
maluro = un troglodite de Australia
malva = con color pal purpur
malva = un planta erbin con talos pelosa, flores ros o purpur, e frutas discin
Malvina, Isolas = un otra nom per la Isolas Falkland
mama = (nonformal) madre
mamal = un animal vertebrato, distinguida par ave capeles o pelo e par la secrete de lete par femas per nuri enfantes
mambo = un dansa de America latina, simil a la rumba; un prete fema de vudu
mamela = la organo cual secrete lete en mamales fema; (nonformal) un seno
mamluc = parteninte a un caste desendeda de sclavos, cual ia rena Suria (1260–1516) e Ejipte (1250–1517), e ia continua como un caste militar renante Ejipte osmanan, asta sua masacra par la visre Muhammad Ali en 1811
mamograf = un radiograf usada per deteta tumores de seno
mamogram = un imaje produida par un mamograf
mamute = un elefante grande estinguida de la plestosene
Man, Isola = un isola en la Mar Eres cual es un colonia de la Corona Brites con governa autonom
mana = (en la Biblia) un comeda miraclosa furnida a la ivris en la tera savaje
manacin = un avia peti de America tropical
manada = un grupo grande de animales; un grupo grande de umanas, tipal no gustada par la parlor
Managua = la site capital de Nicaragua
Manama = la site capital de Barain
manat = la unia de mone en Azerbaidjan e Turcmenistan
manati = un mamal de mar con coda plata e ronda, cual abita la estuarios de la Mar Atlantica tropical
manca = (un person o cosa nesesada) es intera o partal asente
mancala = un de un grupo de juas en cual on move calculos sirca un table de cavetas per catura los de la otra juor
mandala = (en budisme e induisme) un desinia jeometrial cual representa la universo
mandarin = un ofisior de Jonguo antica; un avia peti de Australia, con bandas blanca e negra a la fas
mandarino = un arbor cual produi mandarinas
mandarina = un fruta sitrica
Mandeb, Streta = un streta a la abri de la Mar Roja
mandeisme = un relijio etnical, monoteiste e gnostica
mandibula = la osos de vertebratos cual formi la strutur de la boca
mandinca = pertinente a un popla abitante xef en Senegal, Gambia e Siera Leon, e sua lingua
Mandju = un rejion montaniosa de Jonguo norde-este, incluinte ance alga partes de Sibir
mandola = un strumento de cordetas cual sembla un mandolin grande
mandolin = un strumento musical cual sembla un luto peti
mandorla = un oval puntida, usada en arciteta e per ensirca figures relijial en arte medieval
mandragora = un planta mediteranean, con flores blanca o purpur, bacas grande e jala, e un radis cual pote sembla la forma de un person e ia es usada en sorsoria
mandril = un babuin grande de Africa ueste, con fas roja e blu, e con posterior blu en la mas
maneja = gida (un organiza), controla (suordinadas), opera (un macina), usa (un util)
manera = la modo en cual on condui, spesial la modo la plu bon
manerisme = un stilo de arte european en la sentenio 16
manga = la parte de un veste cual covre tota o un parte de la braso; un saco ensircante la braso cual mesura la presa de sangue
mangeta = un polso de camisa; un parte eversada a basa de un gama de pantalon
manga = un jenero de cartunes o leteratur grafica, orijinante en Nion
manganes = la elemento cimical con numero atomal 25, un metal dur e gris
mangera = un tubo flexable, tipal usada per acui plantas o estingui focones
mango = un arbor de Barat; la fruta de esta
mangoste = un mamal peti e carnivor, con corpo e coda longa con pelo de bandas, de Africa e Asia tropical
Mani = un profeta de la rejion de Irac e Iran, 216-274 EC, ci ia fundi manisme
mania = un maladia mental, marcada par periodos de stimula, ajita, estasia, deludes e iperativia; un pasatempo abitual cual causa multe stimula
-mania = mania
ipomania = un forma min estrema de mania
maniate = un person rica e potiosa, spesial un comersior
manicin = un pupa usada per mostra vestes; un person ci porta vestes per mostra los a otras
manico = la parte de un cosa par cual on porta o controla lo
manicura = trata cosmetica (la manos o ditos)
Manila = la site capital de Pilipinas
manioca = un arbor de America tropical; la radis de esta, usada como un comeda pos sutrae sianido de la pulpa
manipula = usa o controla en modo destrosa; ajusta nononesta la resulta de (un prosede o compete)
Manitoba = un provinse de Canada sentral
manitu = (en alga poplas algoncian) la bon o mal spirito de vive
manivel = un parte ortogonal fisada a un ase, usada per turna la ase
Mannar, Golfo = un golfo entre Barat e Srilanca
mano = la parte final de un braso, incluinte la palma e la ditos
mani = palpa o manipula par mano
manobra = move en un modo cual nesesa capasia e atende
manometre = un strumento per mesura la presa sur un colona de licuida
manoscrito = un libro, documento o musica, scriveda par mano; un testo cual no es ancora publicida
manteni = fa ce (un cosa o situa) continua con la mesma cualia, tipal bon; furni la nesesadas per vive o funsiona a (un person o cosa)
manticor = un animal mital con corpo de leon, fas de umana, e picador de scorpion
mantis = un inseto xasante, con brasos pliada como manos preante
mantos = un inseto sin alas de Africa sude, semblante un mantis
mantra = un parola o sona repeteda per aida medita, orijinante en induisme e budisme
manual = un libro de instruis
manxa = marca (un cosa o person) en un modo cual mali sua aspeta
maori = pertinente a la popla nativa de Zeland Nova, o a sua lingua polinesian
mapa = crea un scema bidimensional per representa (un rejion de tera o mar)
Maputo = la site capital de Mosambic
maputxe = pertinente a un popla nativa de Txile sude e Arjentina sude-ueste, o a sua lingua
mar = un corpo grande de acua salin cual covre la plu de la surfas de la Tera
acuamarin = con color pal bluin verde
acuamarin = un varia de beril con esta color
marin = acua salosa, como en la mar
ultramar = pertinente a, o vadente a, un pais stranjer, tipal ultra un mar
marabu = un siconia grande de Africa, con beco grande
marabut = un eremita o monce muslim, tipal en Africa norde
maraca = un strumento de percute, composada de un zuca vacuida, plenida con favas seca, calculos o ojetos simil
Maracaibo, Lago = un lago grande en Venezuela, liada a la Mar Caribe
Marajo = un isola en la boca de la Rio Amazona en Brasil
marania = trapi (alga cosa) en un masa complicada
maranta = un erba de la isolas de la Mar Caribe, de cual on pote estrae amidon
marascino = un bevida alcolosa dulse e forte, preparada de serisas peti e amarga
marasmo = cualce maladia cual causa un perde grave de masa, tipal resultante de malnuri
marati = pertinente a la popla de Maharashatra en Barat sentral, o a sua lingua indoarian
maraton = un corsa de core de 26 milias e 385 iardes (42,195 cilometres); cualce taxe difisil cual ocupa un tempo longa
marca = decora (un cosa o person) con un manxa, figur o simbol per indica sua identia; (un cualia) es tipal de (un cosa o person); (en informatica) usa un mus o teclador per spesifia (alga cosa) como la ojeto de la opera seguente
marca = un cualia o manxa distinguinte; un nom comersial de un organiza o corpora
Marcesas, Isolas = un grupo de isolas volcanal en la Mar Pasifica sude, un parte de Polinesia Franses
marci = (en alga nasiones european) un nobil de grado supra un conte e su un duxe
marcia = (istorial) la rejion renada par un marci
marco = istorial la unia de mone en Deutxland, Suomi e otra paises
marco convertable = la unia de mone en Bosnia e Hersegovina
marea = ave un sensa de jira e perde de ecuilibra
marea = la leva e cade de la mar par la atrae de la Luna e la Sol
marexal = un ofisior de grado la plu alta en la fortes militar de alga nasiones; un xef de polisia o de pompores; un ofisior xef de un aveni publica
marga = un tera composada de arjila e calce, usada en la pasada como fertilinte
margarina = un sustitua per bur, preparada de olios vejetal o gras de animales
margarita = un planta peti, con flores blanca con sentro jala
margarita = un coctel preparada con tecila e jus sitrica
Margarita = un isola en la Mar Caribe, prosima a la costa de Venezuela
marial = pertinente a Maria, la madre de Jesus, o a sua culto
Isolas Mariana = un grupo de isolas en la Mar Pasifica ueste, incluinte Guam
mariatxi = pertinente a un stilo de musica mexican, tipal presentada par un grupo peti de musicistes vagante
marieta = un scarabe peti con dorso cupolin, tipal roja o jala con marcas negra
marimba = un xilofon african
marina = la ramo de la fortes militar cual opera a mar; un grupo multe grande de barcones, su un comandor; un grupo de veculos simil
marinara = un salsa italian preparada de tomates, oniones e spises
mariolojia = la studia teolojial de Maria
marioneta = un pupa operada de supra par cordetas fisada a sua membros
marjin = un borda streta, tipal a lado de un paje primida
marlin = un pex grande e comable de mares calda, con corpo longida, beco con forma de lansia, e pina dorsal longa e rijida cual formi un cresta a ante
Mar Marmara = un mar peti entre Turcia european e Turcia asian
marmelada = un comeda de frutas sitrica, preparada par boli en zucar
marmo = un forma cristal de calcario, usada en sculta e arciteta
marmota = un rodente grande, sosial e tunelinte, tipal abitante montania
Maroco = un otra nom per Magrib
marolojia = la ramo de siensa cual studia la cualias e fenomenos fisical e biolojial de la mar
Marselia = un vila e porto importante de Provensa, en Frans sude
marsupio = un pox cual proteje ovos, enfantes o strutures de reprodui, spesial la pox de un marsupial fema
Marte = la planeta cuatro de la Sol, peti e roja; la dio de gera de la romanes antica
martedi = la dia entre lundi e mercurdi en cada semana
martel = un util con testa metal pesosa, usada per rompe cosas, colpa clos, etc; un parte de un fusil o otra macina cual colpa un otra per funsiona lo; un oso peti en la orea media cual transmete vibras de la timpan a la inco
martel mol = un spesie de martel, usada con un sisel o per colpa lenio sin marca lo
marteleta = un basto con testa cuxinida, usada per jua alga strumentos de percute; un martel de lenio, sonada per cuieti la persones en un sala de justia, un subasteria, etc
martes = un mamal mustelin, cual abita arbores e es xasada per sua pelo
martin = un avia insetivor cual vola rapida, en familia de rondin
martini = un coctel de jin o vodca e vermute, tipal con un oliva o peso de limon
Martinic = un isola franses en la Mar Caribe
martir = un person matada per sua relijio o otra credes
marto = la mense tre de la calendario gregorian
Marx = un economiste, teoriste political e sosialiste revoluinte (Karl Marx, 1818-1883)
marxisme = la teorias political e economial de Karl Marx e Friedrich Engels, developada a pos per deveni la funda de comunisme
marxa = pasea en modo militar; pasea rapida con intende; prosegue en modo organizada, en un rituo, protesta o simil
Maryland = un stato en la SUA norde-este, a la Baia Chesapeake
mas = de la seso cual produi spermas capas de fertili ovos de un fema matur; (un planta) cual ave androseos ma no ave jineseos fertil
transmasin = (un om) transjenero; (un person nonbinar) ci ia nase fema e regarda se como xef masin
masa = un corpo de materia coerente ma sin forma definida; (en fisica) la cuantia de materia contenida par un corpo, mesurada par sua aselera su un forte spesifiada o par la forte aplicada a lo par un campo de gravita
biomasa = la masa intera de organismes en un area o volum spesifiada; materia organica usada como un combustable
masacra = mata intendente e violente (multe persones)
masai = pertinente a la popla pastoral de Tanzania e Cenia, o a sua lingua nilotica
masaje = frota e amasa (un person o un parte de corpo) con la manos
masapan = un pasta dulse de color jala o blanca, preparada de amandos moleda, zucar e blancas de ovo, usada per covre tortas o crea confetos
masca = un covrente per tota o un parte de la fas, tipal como un desembla o per asusta o diverti otra persones; un covrente per la boca e nas per proteje contra polvo, contamina o maladia, o per furni aira filtrida o medisin gasosa; un covrente cual proteje la fas en sportes como scrima e hoci; un covrente usada per esclui partes nondesirada de un imaje; un serie de bites indicante cual bites en un otra serie va es modifiada par un opera lojical; un varia blanca-negra de un imaje dijital, usada per indica cual partes es transparente
mascarpone = un ceso cremosa italian, usada en cosini
Mascate = la site capital de Uman
mascita = un loca per prea e la adora de Dio en la relijio muslim
mascote = un person o cosa usada per simboli un organiza o aveni, tipal regardada como fortunosa
Maseru = la site capital de Lesoto
masi- = la plu grande cual es posible
masif = un strutur jeolojial de montes interliada como un unia
masila = un oso supra la mandibula
premasila = un oso ante la masila cual porta tipal dentes
masima = tan grande, alta, intensa o multe como posible, permeteda o atenida
masis = la covrente esterna roja e pulposa de un muscada, secida e usada como un spise
masocisme = la deriva de plaser, tipal sesal, par dole o vergonia se
masplica = (un om) esplica (un tema) a un fem en modo superior, falsa suposante ce la fem no comprende ja la tema
Massachusetts = un stato en la SUA norde-este, a la Mar Atlantica
mastaba = un tomba de Ejipte antica conteninte un cambra de entera su salas de ofres
mastectomia = un sirurjia per sutrae un seno, tipal per limita canser
mastica = moli (un comeda) con sua dentes per fasili la engoli
mastica = un arbor mediteranean; la resina de la cortex de esta, usada per fabrica vernis e goma de mastica
mastin = un raza de can grande e forte
masto = un palo vertical e alta cual teni un vela sur un barco o barcon; un palo simil sur la tera, usada per transmete ondas de radio, televisa, etc
masto florinte = un spiga vertical e grande de flores
mastoide = la bulto de la oso tempal pos la orea, a cual la musculos de la col es juntada, e cual conteni spasios de aira liada a la orea media
mastosite = un selula plenida con granes basofilica cual relasa istamina e otra cimicales en reatas inflamante o alerjica
masturba = stimula la jenitales de (se o un otra) per plaser sesal
mata = causa la mori de (un person, animal o otra organisme)
matajoia = un person ci preveni la plaser de otras; un descrive de un novela o filma cual revela un elemento major de la trama
mate = (un color, pinta o surfas) sombre, sin brilia
mate = un bevida infusada tradisional de America Sude, conteninte multe cafina
matematica = la siensa astrata de numeros, cuantia e spasio
materas = un cuxin grande e plata, plenida con materia mol, sur cual on dormi
materia = lo cual esiste en spasio e ave masa, tipal contrastada con enerjia; un cosa de cual otra cosas o organismes es composada, tipal contrastada con mente e spirito
materialisme = (en filosofia) la crede ce cosa nonfisical no esiste; un condui cual aspira sola la oteni de posesedas material
matina = la periodo entre medianote e mediadia, spesial pos la leva de sol
matriarca = un fem, tipal vea, ci es la xef de un familia o tribu, o ci es potiosa en un familia o organiza
matriarcia = un sistem de sosia o governa cual es renada par un fem o femes; un organiza sosial en cual desendentes es en un linia fema
matrilinia = un linia de familia cual segue la madres
matrilocal = (un sposia) en cual la sposes abita con la familia de la sposa
matrioxca = cada de un colie de pupas de lenio vacuida e colorosa pintida, desiniada afin cada pote es caxida en un otra, tipal fabricada en Rusia o otra paises slavica
matris = un table de cuantias o espresas en linias e colonas, regardada como un cosa singular; un organiza bidimensional de puntos per representa un imaje; la texeda entre la selulas de animales o plantas; la ambiente de do on ia estrae un sample cimical
matsah = un pan nonfermentada de la cosini ivri
matur = completa developada; adulte; capas de reprodui; (fruta, gran, ceso, uisce, etc) sufisinte developada per es colieda o comeda
matxete = un cotel pesosa e larga, usada como util o arma, orijinante en America Sentral e la Isolas Caribe
mauisme = la ideas comuniste de Mao Zedong, cual ia formi un politica pasada de Jonguo
maurian = pertinente a la dinastia cual ia rena Barat norde de 321 AEC a 184 AEC
Mauris = un pais de isolas en la Mar Indian, a sirca 850 km a este de Madagasicara
Mauritania = un pais a norde-ueste de Africa
mausoleo = un construida, tipal grande, per conteni un tomba o tombas
max = un concurso de sporte, usual con du juores o ecipos
maxa = redui (un comeda o otra materia) a un masa uniforma par crase lo
maxia = la salvor prometeda de la nasion iudi, prediseda en la Atesta Vea de la Biblia; Jesus regardada par cristianes como la salvor prometeda
maximin = (en la teoria de juas) la plu alta de un colie de minimas
maxo = mostrante orgulo combatosa en sua masia
mazaua = pertinente a un popla nativa de Mexico sentral, o a sua lingua relatada a otomi
mazurca = un dansa polsce vivosa en tempo truple; un musica per esta
me = usada par un parlor per refere a se
meato = un pasaje o abri cual gida a la interna de la corpo
mecanica = la ramo de matematica aplicada cual studia moves e a fortes cual produi move
biomecanica = la siensa de pertine de leges mecanical a la move o strutur de organismes
eletromecanica = la siensa de aparatos macinal cual usa eletrica
mecanoresetador = un neuron sensal cual responde a stimulas mecanical, como sonas o tocas
Mecong, Rio = un rio en Asia sude-este cual comensa en Bod, flue tra Jonguo, Lau, Camputxa e Vietnam, e fini en la Mar Xina Sude
medalia = un disco metal con enscrive o desinia, produida per onora un aveni o la capasia de algun como un soldato, atleta o erudita
media = a distantia egal de ambos estremas; (un membro de un grupo o serie) con la mesma cuantia de otra membros a cada lado
media- = ajuntada a un nom de un periodo o estende per nomi la punto media
posmedia = la periodo (esata o aprosima) entre mediadia e la sera
posmedial = pertinente a la posmedia de un dia; (en anatomia) en un loca plu retro ca la media
media = un ata o sistem par cual on ateni un resulta o comunica un mesaje
multimedial = presentada en plu ca un media
Media = un rejion antica de Asia, a sude-ueste de la Mar Caspio
mediante = la grado 3 en un scala diatonica, determinante esce la scala es major o minor
medica = la siensa o pratica de la diagnose, trata e preveni de maladia
nanomedica = la usa de nanotecnolojia per diagnose, trata e preveni maladias
paramediciste = un person instruida sur medica, tipal sur aida urjente, ma no normal un dotor medical
medieval = parteninte a la eda entre aprosima la sentenios 5 e 15
mediocre = con cualia media o min ca media; no multe bon
medisin = un droga usada per trata o preveni maladia
medita = pensa profonda o foca la mente a (un ojeto, un demanda, etc) per un periodo de tempo, silente o aidada par canta lenta, per destensa o per razonas relijial o spirital
Mediteraneo = la rejion de la Mar Mediteraneo e la paises bordante
Mar Mediteraneo = un mar grande, cuasi ensircada par tera, entre Europa sude, Africa norde e Asia sude-ueste
mediteranean = pertinente a la Mediteraneo o a sua poplas
medula = la interna de un organo o texeda, spesial cuando distinguable de la area esterna; texeda mol o sponjin en plantas o animales
medusa = un cnidario maral con corpo con forma de campana o plateta, tipal diafana e con tentaculos picante a la borda
Medusa = un monstro mital umanin, con serpentes en loca de capeles
mega- = grande; 10⁶
megafon = un aparato embutin per grandi e dirije la vose
megalito = un petra grande cual formi tota o un parte de un monumento preistorial, tipal en Europa ueste
megalo- = nonormal grande
megalomania = la crede ce on es multe importante o omnipotente, tipal como un sintom de un maladia mental
megalotero = un inseto semblante un crisopa
megatero = un balena con jiba en loca de pina dorsal e aletas blanca longa, notada per sua vosis longa cual on nomi cantas
meiose = un tipo de divide selulal cual produi cuatro selulas de cual cada ave la dui de la cuantia de cromosomas de la selula orijinal
melaiu = un lingua austronesian major
melamina = un composada cristal blanca, usada en la fabrica de plasticas; un plastica fabricada de esta
melancolia = un senti de tristia pensosa, tipal sin causa clar
Melanesia = la isolas de un parte de la Mar Pasifica ueste, a sude de Micronesia e a ueste de Polinesia
melanin = un pigmento brun oscur, trovada en la capeles, pel e iris de la oio en umanas e animales, cual bronzi la pel cuando esposada a lus de sol
melano- = negra
melanoma = un tumor de la selulas cual produi melanin, tipal un tumor canserosa de la pel
melanose = la produi de cuantias nonormal o suprabundante de melanin en la pel o otra texeda
melanosite = un selula cual produi melanin, tipal en la pel
melasa = un xirope densa e brun oscur, derivada de zucar cru
melatonina = un ormon secreteda par la glande pineal, cual retarda la produi de melanin
melma = cualce materia simil a un muco liscosa, per esemplo alga fango o la bava de un caracol; un materia artifis simil, usada a veses en comedia fisical
melodia = un serie de notas cual es musical divertinte
contramelodia = un melodia du, simultan con la melodia xef de un musica
melodica = un strumento con teclador peti cual controla un linia de anxas, con beco per sofla a un fini
melodrama = un drama con carateres esajerada e avenis stimulante e emosiosa
meloido = un scarabe capas de secrete un sustantia nosiva
melon = un planta en familia de zuca; la fruta grande e ronda de esta
melonjena = un planta orijinante en Asia sude e este; la fruta grande de esta, con forma de ovo, tipal oscur purpur
mem = un elemento de un cultur o sistem de condui cual pote pasa un person a un otra en modo nonjenetical, per esemplo par imita; un imaje, video, testo, etc, cual es copiada (tipal con varias peti) e rapida sperdeda par usores de la interede
membrana = un strutur pliable e telonin cual ata como un borda, fore o divide en un organisme; un telon o pel comun usada per tamisi o separa
membro = un person, cosa o organiza cual parteni a un grupo; un person ci partisipa en la prosedes de un organiza; un peso de un strutur complicada; un braso o gama
memoria = la capasia par cual la mente reteni e recorda informa; la parte de un computador en cual datos o programes es retenida
menasa = espresa un intende per ata violente contra (algun); (un situa) pare ce lo va produi un resulta mal o perilosa
mendelevio = la elemento cimical con numero atomal 101, nomida per Dmitri Mendeleev
mendelisme = la teoria de erita proposada par Gregor Mendel en la sentenio 19
mendica = solisita umil (alga cosa, tipal mone o comeda) de algun
menestrel = un cantor e musiciste, comun vagante, de la eda medieval
meninje = un de la tre membranas cual fore la cranio e la canal vertebral e enclui la serebro e medula spinal
meninjite = un inflama de la meninjes causada par un infeta virusal o baterial, marcada par dole estrema de la testa, febre, sensosia a lus, e rijidia musculal, cual pote causa convulsas, delira e mori
menir = un roca vertical e alta, como los erijeda en la eda preistorial en Europa ueste
menisco = la surfas curva de un licuida en un tubo; un lente cual es convesa a un lado e concava a la otra; un cartilaje magra e fibrosa entre la surfases de alga juntas
menonita = pertinente a la seta protestante ci ia veni de Frisland en la sentenio 16, nomida per Menno Simons
menopausa = la sesa de menstrua; la eda de la vive de un fem en cual esta aveni, tipal entre 45 e 50 anios
menora = un candelabro santa con sete ramos, usada en iudisme
Menorca = un de la Isolas Balear, a norde-ueste de Maiorca
menorea = la flue de sangue menstrual
mense = un de la 12 periodos nomida a cual un anio es divideda; la longia aprosima de un de esta periodos
semimensal = a du veses per mense
mensiona = refere corta a (alga cosa) en parla o scrive
menstrua = la descarga de sangue e otra materia de la utero de un fem, a intervales de sirca un mense lunal
mensula = un strutur cual protende de un mur per suporta un strutur a supra
menta = un planta bonodorosa, tipal usada como un spise
menta fresca = un menta usada en cosini e como un saborinte per confetos
mentalisme = la teoria ce fenomenos fisical e psicolojial es ultima esplicable sola como efetos de un mente creosa e interpretente; la arte de presenta capasias parente psicica per diverti
mente = la parte de un person cual permete ce el persepi, pensa e senti
menti = espresa o intende (un declara falsa)
mento = la parte de la fas su la boca, formida par la apico de la mandibula
mentol = un composada cristal, con sabor e odor fresca e mentin
menu = un lista de comedas otenable a un restorante; (en informatica) un lista de comandas o elejes disponable; (metafor) cualce lista de avenis o elejes
menur = un avia grande de Australia, cui mas ave un coda longa con forma de lira, notada per sua canta e esibi
meprobamato = un medisin usada per la trata de maladias de ansia
mera = asentuante ce un person o cosa es peti o nonimportante, o ce sua presentia sufisi per influe un situa
mera = no plu ca, o apena plu ca
merbromina = un composada usada como un antisepsica
mercato = un asembla de persones per compra e vende furnis, bestias e otra benes; la spasio o construida en cual esta aveni; la clientes potensial per un tipo de ben; la sistem de comersia un tipo spesifiada de ben
mercurdi = la dia entre martedi e jovedi en cada semana
Mercurio = la dio roman de bonparla, capasia, comersia e fura, e la eraldo e mesajor de la dios; la planeta peti la plu prosima a la Sol
mercurio = la elemento cimical con numero atomal 80, un metal licuida a temperatures comun
merda = (nonformal) fece; un person o cosa sin valua
merenge = un comeda, tipal de deser, preparada de un misca de zucar e blanca de ovos bateda, fornida asta cuando lo es cracosa, e cisa plenida con fruta o crema bateda
merenge = un stilo de musica e dansa de la Republica Dominican
meridiano = un sirculo de lonjitude constante tra la polos norde e sude
merita = mostra condui o cualias sufisinte per reseta (un premio, recompensa, amira, puni o desonora)
meritocrata = pertinente a un sistem de governa par la persones la plu meritante
merlan = un pex magra en familia de gado
merlo = un avia comun, con plumas xef negra
merlon = cada de la partes levada de un parapeto entre indentes periodal de la mesma estende, usada per defende o decora
merlusa = un pex longa con testa grande, mandibula longa e dentes forte
mero = un pex grande de mar, con testo grande e boca larga
mersenaria = un spesie de bivalvo trovada a la costa atlantica de America Norde
mersenario = un soldato profesal empleada per servi en un armada stranjer
mertensia = un planta en familia de boraja, cual produi grupos de flores blu e campanin en la primavera
mervelia = senti un surprende amirante par causa de un esperia bela, nonespetada, nonconoseda o nonesplicable
mesa = un colina isolida con un culmina plata e lados presipe, trovada en rejiones con stratos orizonal
mesaje = lasa o envia (un comunica parlada, scriveda o rejistrada) per un resetor ci on no pote contata direta
mesaje = un comunica parlada, scriveda o rejistrada, enviada o lasada per un resetor ci on no pote contata direta
mescal = un bevida de alcol, distilada de la sava de un agave
mescalina = un droga enebriante cual produi alusinas, preparada de la cacto peote
mescite = un arboreta spinosa en familia de piso, trovada en la SUA sude-ueste e Mexico
mesensefalo = un parte de la sistem de nervos, asosiada con vide, oia, controla de move, velia, e regula de temperatur
mesenterio = un plia de la peritoneo cual afisa la stomaco, intestin magra, pancreas, spleno e otra organos a la mur posterior de la adomen
mesma = no diferente; no cambiada
mesma = no otra ca (la presedente)
meso- = media
mesofilia = la prefere par un organisme per abita en un ambiente de temperatur media
mesolitica = pertinente a la parte media de la eda de petra, entre la paleolitica e la neolitica
mesomisetozon = un membro de un grupo peti de organismes entre fungos e animales, de cual la plu es parasitos de pexes o otra animales
meson = un particula suatomal cual ave un masa entre los de un eletron e un proton, e cual produi un interata forte cual lia nucleones a lunlotra en la nucleo atomal
Mesopotamia = un rejion de Asia sude-ueste antica, spesial entre la rios Tigris e Eufrates
mesotelio = la epitelio cual fore la pleuras, peritoneo e pericardio
mesotelioma = un canser de la texeda mesotelial, asosiada con esposa a asbesto
mesozoica = pertinente a la eda entre la paleozoica e senozoica, conteninte la triasica, jurasica e cretasica
mesozon = un verme pico cual es un parasito interna de nonvertebratos maral
mestre = un person con capasia en un arte o otra ativia, tipal instruinte otras; (istorial) un person per ci sclavos o servores de casa labora
mestre de cuiz = un person ci fa demandas a la competores en un cuiz
contramestre = un ofisior ci supravide la manteni de la aparatos (special los sur la casco o la nivel) de un barcon
mestresa = (istorial) un mestre fema
mesura = trova la grandia, cuantia o grado de (alga cosa) par usa un strumento o aparato marcada con unias normal o par compara lo con un ojeto de grandia conoseda
comesura = mesura o compara (du cosas) longo la mesma norma
met- = nominte alcanos e otra idrocarbonos con un atom de carbono
meta- = indicante un nivel plu alta o transendente; ance usada en modos diversa en termas tecnical
metaboli = (comeda) muta en la corpo per manteni la vive
metabolite = un materia formida en o nesesada per metaboli
metacualona = un medisin calminte e adorminte
metadon = un paradole sinteseda, simil a morfina, usada per trata la usa abitual de morfina o eroina
metafor = (un parola o espresa) pertinente a un ojeto a cual lo no es leteral aplicable; (un cosa) videda como un representa o simbol de un otra, tipal astrata
metal = (un materia) solida, tipal dur, briliante, martelable, fusable, e formable sin rompe o frati
bimetal = composada de du metales
metal = pertinente a un tipo de musica roc marcada par la usa de gitar contorseda e pulsas forte, cual ia comensa en la desenio de 1960 en Britan e la SUA
metalurjia = la ramo de siensa e tecnolojia cual studia la cualias de metales e sua produi e puri
metamfetamina = un droga sinteseda con efetos plu forte ca amfetamina
metano = un gas flamable sin color e odor, cual es la composante xef de gas natural
metanol = un alcol venenosa, flamable, volatil e sin color, fabricada par distila de lenio o par osidi metano
metastase = (un canser) apare como un crese nova, a distantia de la loca de la crese prima
metatese = (fonemes o leteras) intercambia sua locas en un parola; (du composadas cimical) intercambia iones
metazon = un divide major de la rena de animales, composada de tota animales estra la protozones e sponjas, per dise animales multiselulal con texedas distinguida
meteor = un corpo peti de materia de spasio cual entra a la atmosfera de tera, incandesente como un resulta de frica e aspetante como un banda de lus
meteoroide = un corpo spasial plu peti ca un asteroide, capas de produi un meteor
meteorite = un meteor cual ia survive sua pasaje tra la atmosfera e ia colpa la tera
meteorolojia = un siensa cual studia la prosedes e fenomenos de la atmosfera, tipal per predise la clima local
biometeorolojia = la studia siensal de la relata entre la state de la atmosfera e organismes vivente
metical = la unia de mone en Mosambic
metil = la radical -CH₃, derivada de metano e presente en multe composadas organica
metodo = un modo spesifiada per fa alga cosa, tipal sistemosa o bon fundida
metodolojia = un sistem de metodos usada en un campo de studia o investiga
metonim = (un parola, nom o espresa) sustituinte per un otra cosa con cual lo es prosima asosiada
metraje = un colie de pesos de filma rejistrada, tipal ante edita los
metre = la unia fundal de longia en la sistem internasional
micrometre = un milioni de un metre; un aparato per mesura distantia o angulos multe peti, usante un spesie de vise
-metre = util o aparato de mesura
-metri = usa la util o aparato indicada per mesura (alga cosa)
-metria = mesura
metrica = la ritmo de un poesia o musica
metro = un ferovia su tera
metrolojia = la siensa de mesuras
metronomo = un aparato usada par musicistes per indica la tempo par tictacis o luses periodal
mexa = un colie peti de capeles, fibres, erba, etc; un banda de materia porosa tra cual licuida combustable es traeda a la flama de un candela, lampa, etc; un banda de materia longo cual un flama move per esplode un bomba o foco artal
Mexico = un pais en America Norde sude-ueste con costas longa a la Mar Mexico e la Mar Pasifica, a sude de la SUA; la site capital de la pais Mexico
Golfo Mexico = un estende grande de la Mar Atlantica ueste, con la SUA a norde, Mexico a ueste e sude, e Cuba a sude-este
Mexico Nova = un stato en la SUA sude-ueste, bordante Mexico
mezuza = un pergamin enscriveda con testos relijiosa e afisada en un caxa a la palo de porte de un casa iudi
mg = miligram
mi = la nota tre de la scala de C major, E, en la sistem de solfejo
Miama = un pais en Asia sude-este a la Golfo Bengala
miasma = un aira nonsana, odorosa e contaminada
miastenia = un malada cual causa un debilia nonormal de alga musculos
miau = la sona alta fada par un gato
miauiau = pertinente a un popla tradisional abitante en viletas isolida en la montanias de Asia sude-este, o a sua lingua
miauyau = pertinente a un popla tradisional abitante en viletas isolida en la montanias de Asia sude-este, o a sua lingua
mica = un mineral briliante de silica, con stratos peti, usada como un isolinte
Michigan = un stato en la SUA norde-sentral, con bordas a la Lago Michigan e la Lago Superior
Lago Michigan = un de la sinco Lagos Grande de America Norde
micolojia = la studia siensal de fungos
micose = un maladia de infeta par un fungo
micro- = peti; 10⁻⁶
microbio = un organisme multe peti, como un ameba, bateria o virus; un malfunsiona de un aparato, subita e tipal tempora
antimicrobial = un medisin per mata microbios
supramicrobio = un patojen capas de resiste multe antimicrobiales
microfon = un aparato per cambia ondas de sona a varias de enerjia eletrical, cual pote alora es grandida, transmeteda o rejistrada
microlito = un petra peti, formida per usa como un parte de un util como un lansia
Micronesia = un colie de isolas en la Mar Pasifica a norde de Melanesia e a ueste de Polinesia
Statos Federada de Micronesia = un pais composada de sentos de isolas en Micronesia
microscopio = un aparato otical, usada per vide ojetos multe peti, como selulas, tipal grandinte los a alga sentos de veses
Microscopio = un constela minor en la sielo sude
microsefalia = un malformi jenetical, marcada par un testa nonormal peti e un developa noncompleta de la serebro
microtomo = un strumento per talia sesiones multe magra per esamina su un microscopio
miel = un licuida viscosa, dulse e jalin brun, produida par abeas e otra insetos, de netar colieda de flores
mielada = un sustantia dulse e viscosa escreteda par afidos sur folias e talos
mielifaje = un avia cantante de Australasia con lingua longa e brosin per come netar
mielina = un gaina blanca e isolinte sirca multe fibres neuronal, cual grandi la rapidia de transmete impulsas
mieloide = pertinente a la medula de osos; (leucemia) marcada par la sperde nonormal de limfosites orijinante en la medula de osos
mieloma = un tumor canserosa de la medula de oso
mielosite = un selula joven, tipal locada en la medula de osos
miga = un peso pico cual cade de un pan, torta o otra comeda simil
migra = move de un parte o situa a un otra; (un animal, tipal un avia o pex) move de un rejion a un otra, tipal periodal e seguente la saisones; (un person) move de un rejion o pais per relocali en un otra, spesial per trova emplea
migrania = un dole de testa palpitante e reveninte cual afeta tipal un lado de la testa e es comun acompaniada par nausea e disturbas de vide
mil = 1000, 10³
mili- = un mili de
milan = un avia xasante con alas longa e coda divideda
milenio = un periodo de mil anios
milflor = un motif de flores e folias usada en tapetos, porselana o otra ornas; un tipo de vitro ornal, fabricada par fusa e talia bastos de vitro diversa
milfolia = un planta eurasian en familia de margarita, con folias plumin e flores peti, bonodorosa e blanca, jala o rosa
milia = un unia per mesura distantia
milia engles = un unia de 1,609 km
milia roman antica = un unia de 1000 pasos par la pede sinistra, egal a 1,481 km
milio = un planta sereal cual crese rapida e es cultivada en paises calda e rejiones con tera povre
milion = 1(~)000(~)000, 10⁶
militar = pertinente a soldatos o fortes armada
paramilitar = (un forte nonofisial) organizada en modo simil a un forte militar
militia = un forte militar asemblada de la popla nonmilitar per aida la militar normal en un crise; un forte militar de rebelores o teroristes, tipal oposante la militar normal
mima = usa moves e jestis per sujesta (atas e emosias) en presentas divertinte
mimal = pertinente a mima o mimores; espresante par jesti
mimal = sola par jesti, como un mimor
mimor = un person ci mima; un avia cantante, notada per sua capasia de mima
mimeograf = un macina istorial cual produi documentos par copia los de un stensil
mimetica = (un animal o planta) semblante sua ambiente o un otra animal, planta o ojeto
mimosa = un planta en la familia _Leguminosae_ cual responde a tocas par curvi sua folias; un arbor acasia con folias delicata e flores jala; un bevida de xampania con jus de orania
min = con cuantia plu peti; no tan multe
min = minuto (mesurante longia de tempo)
mina = oteni (carbon o otra minerales) par escava
minareta = un tore alta e magra, normal como parte de un mascita, con un balcon de cual un cantor clama a muslimes per prea
Mindanao = un isola en la Pilipinas, numero du en grandia
Streta Mindoro = un streta a ueste de Mindoro
mineral = (un materia) solida, nonorganica e natural aveninte, tipal otenida par mina
mineralojia = la studia siensal de minerales
ming = pertinente a la dinastia cual ia rena Jonguo de 1368 EC a 1644
mini- = la plu peti cual es posible
miniatur = con grandia multe plu peti ca normal
minima = la plu peti, la plu basa
minima = a la min
minimax = (en la teoria de juas) la plu basa de un colie de masimas
minio = un forma roja de osido de plomo, usada como un pigmento
ministre = la xef (fem o om) de un departe de la governa
ministra = la fem xef de un departe de la governa
ministro = la om xef de un departe de la governa
Minnesota = un stato en la SUA norde-sentral, bordante Canada
minor = min importante o grave; (un person con la mesma nom como un otra) la plu joven
minotauro = un monstro mital umanin, con testa de bove
Minsc = la site capital de Bielarus
minueto = un dansa de bal per du persones, popular en la sentenio 18; un musica en tempo truple per esta
minuto = un periodo de tempo egal a 60 secondos o un sesdesi de un ora; un sesdesi de un grado angulo
mio- = musculos
miocardio = la texeda musculosa de la cor
miope = no capas de vide clar, estra cuando cosas es prosima a la oios
miosene = pertinente a la epoca cuatro de la periodo tre de jeolojia, entre la oligosene e la pliosene
miosina = un protena composante de sarcomeros
miosite = un tipo de selula en texeda musculal
mira = un arbor de cual on oteni un resina bonodorosa usada en parfum, insenso e medisin; esta resina
mirabel = un tipo de pruno; un de sua frutas peti, oval, oscur jala, dulse e saborosa
miracle = un bon aveni nonesplicable par siensa e donce regardada como un ata divin; un bon aveni nonprobable o estracomun; un produida o ateni stonante bon
miraje = un ilude de vide causada par la state de la atmosfera, tipal la apare de acua en un deserto o sur un via calda
mirandes = pertinente a la popla de un parte peti de Portugal norde-este, o a sua lingua
miriapodo = un artropodo con multe pedes, como la sentopede o milpede
mirica = un arboreta de America Norde, con folias cuorin e bonodorinte e bacas sirin
miror = un surfas, tipal vitro combinada con metal, cual refleta un imaje clar
mirto = un arboreta perene con folias briliante e bonodorosa, e flores blanca segueda par bacas oval e purpurin negra
misa = un rituo de comunia santa, tipal de la Eglesa Catolica Roman
misandre = odiante mases
misantrope = odiante umanas
misca = combina (cosas) per forma un masa; reordina (cosas) en modo acaso
miscada = un person de raza miscada
miscador de beton = un macina cual misca semento con acua, arena e calculos per fabrica beton
miscito = pertinente a un popla american nativa ci abita a la costa atlantica de Nicaragua e Onduras, o a sua lingua
miselio = la parte de un fungo cual reprodui nonsesal, composada de un rede de filetas blanca e delicata
misera = multe triste e noncomfortosa; causante compatia
misericordia = par compatia, pardona (algun) per alga peca, spesial en contestos relijial
misil = un arma, tipal autopropulsada, cual es xutada a un ojeto
mision = un asinia importante, tipal nesesante un viaja
Misisipi = Mississippi
miso = un pasta de soia fermentada, orijinante en Nion
miso- = odiosa
misojine = odiante femas
Misre = un pais en Africa norde-este, bordante la Mar Mediteraneo
Mississippi = un stato de la SUA sude-sentral
Rio Mississippi = un rio major en America Norde, cual comensa en Minnesota, prosima a la borda de Canada, e flue a sude asta la Mar Mexico
Missouri = un stato en la rejion sentral de la SUA
Rio Missouri = un rio major en America Norde, cual comensa en la Montes Rocosa en Montana e fini en la Rio Mississippi en la SUA sentral
misterio = cualce cosa difisil o nonposible per esplica o comprende; un novela, presenta o filma sur un crimin confondente
mistica = pertinente a la crede ce on pote aprende direta sabes divin o deveni unida con un dio
mistral = un venta forte e fria de la norde-ueste cual sofla tra Frans sude a la Mediteraneo, tipal en la inverno
Misuri = Missouri
mito = un nara o colie de naras tradisional, spesial sur la istoria primitiva de un popla o esplicante avenis natural o sosial, tipal con carateres e avenis supranatural
mitocondrio = un organeta trovada en cuantias grande en la plu de selulas, la loca per la prosedes biocimical de respira e produi de enerjia
mitolojia = un colie de mitos, tipal parteninte a un tradision relijial o cultural; la studia de mitos
mitose = un tipo de divide selulal cual produi du selulas de cual cada ave la mesma cuantia de cromosomas como la selula orijinal
mitra = un xapo alta, portada par bispos como un simbol de sua rol
mitral = pertinente a un valva entre la atrio sinistra e la ventriculo sinistra de la cor
Mitra = la dio de lus, veria e onora, e la figur sentral de la relijio mitraisme
mitralia = ataca con un mitraliador; (un avion volante prosima a la tera) ataca repetente, con bombas o mitraliadores
mitraliador = un fusil cual xuta repetente en cuando la gatilio es presada
mixino = un pex primitiva, sin mandibula e con corpo angilin
mixna = un colie autoriosa de testos representante la tradision bocal de lege iudi, forminte la parte prima de la Talmud
mm = espresante pensa, o reatante a un bon sabor
moa = un avia grande e nonvolante, orijinal de Zeland Nova ma aora estinguida
mobila = un cosa alga grande ma movable, como un table, seja o leto, usada per fa ce un casa, ofisia o otra spasio conveni per abita o labora
mobileta = un ojeto manipulada par atores en un sena
moca = un cafe refinada o otra bevida simil; la color brun oscur de esta cafe
mocasin = un sapato de cuoro suave, sin talon, simple coseda, en un stilo de la americanes nativa
moda = un tende popular, spesial en stilo de vestes, decora, capeles o condui; un forma cual indica esce un verbo espresa un fato, comanda, demanda, espera o constrinje; la state de un program cual defini como lo va trata sua enflue; la valua la plu frecuente en un colie de datos
model = servinte como un esemplo per imita; representante la plu bon de sua tipo
model = un esemplo per imita; un person o loca vera sur cual un autor fundi un carater o loca imajinal; un representa peti de un construida o simil; un person ci porta vestes per esibi los; un descrive matematical de un sistem o metodo per aida calculas
modem = un aparato per modula e desmodula, per esemplo entre la datos dijital de un computador e la sinial analoja de un telefon
modera = fa ce (alga cosa) deveni min estrema, intensa, sever o violente
moderato = (un musica) juada con rapidia entre 96 e 126 pulsas per minuto
moderna = pertinente a la presente o la eda la plu resente
modesta = umil sur sua propre capasias o atenis; conduinte o vestinte se en un modo cual evita atrae atende sesal
modifia = cambia en modo minor ma sinifiosa
modo = un ata o sistem par cual un cosa aveni o on reali un resulta
modula = controla la intensia, fortia, tono o altia de (un vose, strumento o otra cosa); controla la altia o frecuentia de un onda eletrical o otra osila, seguente la varias de un sinial du con frecuentia plu basa
modulo = cada de un grupo de partes cual on pote combina per construi un strutur plu complicada; un numero usada como un dividente per esamina la cuantia restante
mofeta = un mamal american con pelo raiosa e blanca-negra, cual pote jeta un licuida iritante e malodorosa de sua glandes anal
mofo = un crese pelin de fungos pico, tipal en ambientes umida e calda
mofo melmosa = un organisme simple de protoplasma cual produi sporas ma es no un animal, no un planta, no un fungo
Mogadixo = la site capital de Somalia
mogano = un arbor de la tropicos american cual produi un lenio dur e brun rojin, tipal usada per mobilas de bon cualia; esta lenio
mohair = la pelo longa e sedin de un capra ancaran; un filo o stofa fabricada de esta, tipal miscada con lana
Mohave, Deserto = un deserto en California sude, en la SUA ueste
moia = toca o covre con licuida, spesial con acua
moisme = un filosofia xines developada par la seguores de Mozi
mol = no dur; fasil moldable, taliable, compresable o pliable
mol = un unia internasional de cuantia de materia, egal a la cuantia conteninte tan multe unias fundal como la cuantia de atomes en 0,012 kg de carbono-12
molalia = la consentra de un disolve, espresada como la cuantia de particulas de la disolveda per cilogram de la disolvente
mola = un aparato, tipal spiral elica metal, cual reveni rapida a sua forma orijinal pos es presada o tirada
mola = un pex grande de mares calda, con pinas alta dorsal e anal prosima a sua retro, e con coda multe corta
molda = un contenador vacua cual es usada per formi un materia fondeda como sira o metal cuando lo fri e duri
Moldova = un pais sin costa en Europa sude-este, entre Romania e Ucraina
moldur = un strutur cual formi la borda de un porte, fenetra, miror, depinta o simil; un orna de lenio, plastica o roca, usada per decora la bordas de un construida
mole = redui (alga cosa) a polvo o particulas peti par crase
molecula = un grupo de atomes liada a lunlotra como la unia la plu fundal de un composada cimical capas de partisipa en reatas cimical
molesta = ataca o menasa (algun), tipal en modo violente o persistente
molibdeno = la elemento cimical con numero atomal 42, un metal arjentin gris e frajil
molin = un aparato per mole gran o otra cosas; un construida conteninte xef un tal aparato; un parte musculosa de la stomaco de un avia, con mures spesa, per moli comedas
molo = un strutur cual protende de la costa a en un mar o lago
molotro = un avia cantante de la mundo nova, con plumas negra e beco relativa corta, cual pone tipal sua ovos en la nido de un otra avia
molusco = un membro de un filo grande de animales nonvertebrato, incluinte polpos, calamares, limasas e caracoles
molva = cualce de un jenero de pexes comable de mar, con corpos longa
momento = un periodo de tempo estrema corta; un punto esata en tempo; la cuantia de move de un cosa, mesurada como sua masa multiplida par sua rapidia; la enerjia ganiada par un cosa movente
momia = la corpo de un umana o animal conservada par estrae de sua organos interna, trata con natron e resina, e envolve en bandas de stofa, comun en Ejipte antica
Monaco = un pais peti a la costa de la Mar Mediteraneo encluida par Frans
monarca = la xef de un stato, spesial un re, rea, imperor o imperoresa; un papilio grande, orania e negra, de America Norde
monax = un marmota de Norde America con corpo spesa e gamas corta
monce = un membro de un comunia relijiosa, tipal jurante povria, obedi e asteni de seso
monca = un monce fema
monco = un monce mas
mone = un media de intercambia en forma de pesos de metal impresada o paperes prometente de un banco sentral, o retenida en modo virtual en un conta de banco o simil; la sistem de mone (dolares, euros, etc) usada en un teritorio spesifiada
mone sanguosa = un multa paiada par un omisidor a la familia de la vitim, per proteje se e sua propre familia contra venja
criptomone = un sistem de mone dijital, usante tecnicas de sifri per regula la jenera de mone e per validi la intercambias
monedula = un corvo peti e gris
Mongol = un pais en Asia este cual inclui la Deserto Gobi, a sude de Sibir e a norde de Jonguo
mongoloide = (ofendente e no plu usada) de la raza de Asia este; con sindrom de Down
monisme = un filosofia cual rejeta un distingui o dualia entre spirito e materia, o entre Dio e la mundo
monito = un marsupio peti, nativa de la montanias de Txile e Arjentina
monitor = un aparato usada per oserva, esamina o manteni un rejistra continuante de un prosede o cuantia
mono = (sona) dirijeda tra sola un parlador o usante sola un canal de transmete
mono- = un, sola
monoblasto = un selula en la medula de oso, cual deveni monosites e ultima macrofagos
monocini = un veste de nada per femes, egal a la dui basa de un bicini
monococo = (un spesie de trigo) en cual cada spigeta conteni sola un gran
monocordio = (un strumento) usante un sola filo tensada
monocordio = un strumento per compara altias de tono, usante un filo tensada de ci on pote cambia sua longia vibrante
monocota = un clado multe grande de plantas florinte, incluinte orcideas, erbas, bambus, bananas, oniones, liles, etc
monocrom = un depinta con un sola tono de un sola color
monodia = un tipo de musica vosal o strumental cual no es polifonial
monodial = cual no es polifonial
monoftongo = un vocal con sola un cualia persepida, contrastada con diftongos e triftongos
monogama = sposida a sola un person a la mesma tempo
monografia = un studia detaliosa, publicida sur un tema spesialida
monogram = un desinia de un o plu leteras, comun entretexeda, usada como un simbol de un person o organiza
monolito = un roca grande e vertical, comun como un monumento; (metafor) un strutur sosial o political cual es grande, nonpersonal e difisil per cambia
monologa = (un sola ator en un libro, teatral, filma o simil) fa un parla longa sur (un tema); (metafor) parla longa e monotonosa
monomania = un preocupa o zelo osesente sur sola un cosa
monomer = un molecula cual pote es liada a otra moleculas identica per formi un polimer
monomio = un espresa aljebral, composada de sola un terma
mononucleose = un cuantia nonormal alta de monosites en la sangue
monopolio = la posese o controla escluinte de la furni o comersia de un ben o servi; un compania o grupo con esta potia
monopolo = un particula ipotesal cual es un magnete con sola un polo
monosite = un selula blanca de sangue, grande e fagosital, con nucleo oval e sitoplasma clar e grisin
monositopoiese = un prosede cual causa la produi de monosites e ultima macrofagos
monotreme = un categoria de mamal ci pone ovos ma dona lete, incluinte sola la ecidnas e la ornitorincos
Monrovia = la site capital de Liberia
monson = un venta saisonal en Asia sude e sude-ueste, ventante de la sude-ueste entre maio e setembre e traente multe pluve, o de la sude-este entre otobre e april e traente aira seca
monstro = un animal imajinada cual es tipal grande, fea e asustante; (metafor) un person multe cruel o mal
monstro de Gila = un lezardo venenosa de Mexico e la SUA sude-ueste
monta = senta sur (un animal, bisicle o otra veculo); senta o sta con un gama a cada lado de; (metafor) estende a cada lado de
Montana = un stato en la SUA norde-sentral, bordante Canada
montania = un rejion distinguida par la presentia de montes, tipal difisil per traversa
montanial = pertinente a la montania
promontania = un tera alta e streta cual estende en un corpo grande de acua
monte = un rejion de tera natural levada a un altia grande
Montenegro = un otra nom per Tsernagora
Montevideo = la site capital de Uruguai
monton = un masa ronda cual protende supra un surfas; un masa de cosas poneda sur lunlotra; (nonformal) un cuantia grande de alga cosa
Montserat = un isola en la Mar Caribe e un teritorio ultramar de Britan
montur = un strutur metal o plastica cual teni la lentes de un oculo; un peso metal en cual un jem es fisada per formi un joala; un anelo metal cual teni la vitro de un orolojeta o otra strumento
monumento = un sculta, construida o otra strutur erijeda per onora un person o aveni; un ojeto o parte de un vista o vila cual es fasil per vide e reconose; (metafor) un paso o aveni importante en la developa de alga cosa
mopan = pertinente a un popla maia de Guatemala e Beliz, o a sua lingua
mor = no vivente
Mar Mor = un lago salosa, bordada a este par Urdun e a ueste par Israel e Filastin
mora = un arboreta en familia de rosa; la baca comable de esta
mora artica = un erba ambar en familia de rosa, simil a la mora, con flores blanca, nativa a America Norde e Eurasia; la baca jalin comable de esta
moral = pertinente a la prinsipes de bon e mal condui, e jeneral a la bonia e malia de umanas
Morava = un rejion en la oriente de Txesco
moravsce = pertinente a la abitores de Morava o sua lingua; pertinente a un congrega relijiosa protestante antica, creada en la sentenio 15 par Jan Hus en Boemia, la "Frates moravsce"
moravsce = un abitor de Morava; la lingua de Morava
morbilio = un maladia virusal e comunicable cual causa febre e erutas roja sur la pel, tipal aveninte en enfantia
morbosa = con natur de maladia o indicante maladia; interesada sur temas disturbante e nonplasente, spesial maladia e moria
comorbosa = (un maladia cronica) cual aveni simultan con un otra en la mesma pasiente
morde = usa la dentes per talia o corti (alga cosa) per feri, mata o come lo
mordeta = fa mordes peti e rapida, o lejera, a (alga cosa)
moren = un masa de rocas e deponeda transportada par un glasia, tipal como crestas a sua bordas o fini
morena = un pex angilin, xasante e noturna, de mares calda, cual asconde tipal en fesures de cual lo protende sola sua testa
morero = un arbor caduca con folias larga, orijinal de Asia este
morera = un baca roja o purpur de un morero
-morfe = forma
morfe = cambia lisa (un imaje) a un otra par pasos peti e gradal, usante tecnicas de anima par computador
morfe = un imaje cambiante de un otra par morfe
morfem = un unia de sinifia en un lingua, cual on no pote divide plu
morfina = un paradole e narcotica otenida de opio
morfo- = forma
morfolojia = (en biolojia) la studia de la formas de organismes e la relatas entre sua strutures; (en linguistica) la studia de la formas de parolas
jeomorfolojia = la studia de la cualias fisical de la surfas de la Tera e la relatas de estas con sua strutures jeolojial
mormon = pertinente a la Eglesa de Jesus Cristo de Santas de Dias Ultima, un relijio fundida en la SUA en 1830 par Joseph Smith
moro = pertinente a un popla muslim de Africa norde-ueste, desendente de berberes e arabis, en la eda medieval; pertinente a persones muslim de la Pilipinas
Golfo Moro = un golfo a ueste de Mindanao
Moroni = la site capital de Comori
morsa = un mamal de mar, grande e sosial, relatada a la foca, con du dentones grande e puntida a su, trovada en la Mar Artica
morso = un cosa, tipal metal, liada a un brida e poneda en la boca de un cavalo per controla el
mortal = capas de mori
mortasa = un abri, tipal retangulo, cual reseta un protende conveninte
mortero = un misca de calce con semento, arena e acua, usada per lia brices o petras; un fusil corta con cano lisa, per xuta cartuxes a angulos alta
morva = un maladia virusal de canes e otra animales, causante febre, tose e cataro
mos = un planta peti sin flores e radises, cresente con forma de tapeto basa o cuxin ronda
mosaica = pertinente a imajes o motifes produida par posa pesos peti de petra, telia, vitro, etc
Mosambic = un pais a la costa este de Africa sude
Streta Mosambic = un streta entre Mosambic e Madagasicara
mosarabi = pertinente a la abitores cristian de Espania en la renas de la res moro
mosasauro = un membro de un grupo de retiles grande e vivente a mar, ma estinguida
mosca = un inseto volante de un ordina grande, con du alas diafana e un boca spesialida per suca
mosca scorpionin = un inseto semblante un mosceta, ma no un mosca vera, cui mas ave jenitales cual sembla la picador de un scorpion
mosca serpentin = un inseto carnivor, ma no un mosca vera, con testa grande e colo curva, semblante un serpente
Mosca = un constela peti en la sielo sude
mosceta = un mosca multe peti, tipal videda en manadas prosima a acua
moscete = un fusil de antecarga, con cano longa e tipal lisa
moscito = un familia de moscetas de cual multe spesies morde, suca sangue e transmete baterias
moscovio = la elemento cimical con numero atomal 115
Moscva = la site capital de Rusia
mostarda = un planta con flores jala; un pasta jala o brun, preparada de la semes craseda de esta planta, usada como un spise
mostra = permete o fa ce (alga cosa) es vidable; ofre, esibi, presenta o produi (alga cosa) per oserva o esamina
mostror = un person ci mostra cosas, tipal interesante o nonusual, per esemplo animales o construidas istorial, comun per gania mone
motasila = un avia cantante con coda longa cual el secute frecuente
motel = un otel desiniada per motoristes, tipal un construida longa de un o du niveles con un parce de autos direta a estra
motif = un desinia decorante e tipal repeteda; un melodia o ritmo corta de cual pasajes de musica es plu developada
motiva = stimula la interesa o zelo de (algun) per fa alga cosa, tipal par furni un razona
eletromotiva = produinte un corente eletrical
moto = (nonformal) un motosicle
moto- = motorida, propulsada par motor
minimoto = un motosicle miniatur
motocros = un spesie de motosiclisme multiterenal
motor = un macina cual furni la potia per move un veculo o per opera un otra macina con partes movente
motorisme = la ativia o pasatempo de dirije un veculo motorida
servomotor = la parte de un servomacina cual furni la move
move = vade en un modo o dirije spesifiada; cambia sua loca o posa
move = fa ce alga cosa cambia sua loca o posa
moxa = dansa en modo violente par salta e colide con otra dansores, tipal a consertas de roc metal
Moxe = un profeta ivri, cisa vivente en la sentenio 14 o 13 AEC, ci ia gida la sclavos ivri de Ejipte; la scrivor de la Des Comandas de iudisme e cristianisme
mozabita = pertinente a la popla ci abita en M'zab en la Sahara norde en Jazair, o a sua lingua en la familia berber
mozarela = un ceso italian, tipal blanca e mol, e fondeda sur otra comedas
mu = la letera 12 de la alfabeta elinica
mua = presa sua labios a ante per espresa irita, mal umor o flirta
mucilajo = un disolve viscosa, estraeda de plantas e usada en medisines e colas
muco = un materia mol e viscosa, secreteda par membranas e glandes per lubrica, proteje, etc; cualce otra materia simil
muda = noncapas de parla; (metafor) tan xocada o emosiada ce on no pote parla
muezin = un om ci sta en la minareta de un mascita e clama muslimes a prea
mufin = un pan peti, tipal con bacas
mufti = un esperta de lege muslim ci ave la potia de deside sur desacordas relijiosa
mugete = un grama perene, con flores peti e blanca en forma de campanetas multe odorosa
mugre = cualce materia susia e repulsante, como fango o olio, o polvo cumulada
mugul = pertinente a la dinastia muslim de orijina mongol, fundida par la seguores de Timur, cual ia governa multe de Barat entre la sentenios 16 e 19
Muhammad = un profeta arabi e la fundor de islam, vivente de sirca 570 a 632
mujil = un pex, xef trovada en mares, e un fonte importante de comeda per umanas
mul = un bivalvo con concas brun o oscur purpur
mula = un muslim saja sur teolojia e leges
muladi = un muslim, tipal con asendentes miscada, de Andalusia en la eda medieval
mulato = (aora insultante) un person con jenitores o asendentes de razas blanca e negra
muleta = un baston con un peso orizonal, usada par persones ci no pasea fasil per move sua pesa de la gamas a la corpo alta; (metafor) cualce otra cosa usada per suporta o calmi; (en poesia) un parola ajuntada a un linia per aida la ritmo o per crea un rima
mulo = un enfante de asino mas e cavalo fema, normal steril e comun usada per tira aparatos de cultiva; cualce otra animal ibride e steril
mulo de scola = un scolor nonsusedosa, nonadatada a la sistem scolal
multa = puni (algun) par fa ce el paia un cuantia de mone, tipal per un ata criminal
multe = un cuantia grande de
multe = a grado forte
multi- = multe o plu ca un
multimetre = un strumento per mesura corente, resiste e voltaje eletrical
multiple = con plu ca un parte, elemento o membro
multipleso = un composada complicada con multe elementos
multiverso = un colie ipotesal de universos posible, incluinte lo cual nos abita
mundo = la Tera, con tota sua paises, poplas e partes natural; un parte spesifiada de esta, como la mundo antica, la mundo de animales, o un mundo de ideas strana; un otra planeta simil a la Tera; la fenomeno de interatas sosial umana
mung = un planta cultivada en Asia per sua favas
muni = furni baletas, cartuxes o bombas a (algun)
munisipa = un site o vila corporada, con governa local
munster = un ceso mol de Frans norde-este
muon = un particula suatomal e nonstable en la mesma clase como un eletron, ma con masa plu grande a sirca 200 veses
mur = un lado vertical de un construida o sala; un strutur vertical e continuante de brices o petras cual ensirca o divide un rejion de tera; alga cosa usada como un parador per proteje o restrinje
estramural = locada estra la mures o bordas de un vila o site; (un curso) separada de la program xef de un scola o universia
intramural = locada o aveninte a interna de un mur
mureta = un mur interna e lejera; un surfas vertical sur cual on afisa paperes o scrive
Muritania = un pais en Africa ueste con costa a la Mar Atlantica
murmura = produi (un sona) tan cuieta o basa ce lo es cuasi nonoiable
mus = un rodente peti con beco puntida, oreas e oios grande, e coda longa; un aparato peti cual on manipula per interata con un cursor a la scermo de un computador
musa = cualce de nove divas, fias de Zeus e Mnemosine, ci representa la artes e siensas; un person ci inspira un artiste
musaca = un plato elinica de melonjena, tomates e oveta axida a picos, fornida o fritada, con salsa de ceso
musarania = un mamal insetivor, peti e musin, con beco longa e puntida e oios peti
muscada = un arbor de la isolas de Malucu; un spise preparada de la semes de esta
muscari = un planta relatada a jasinto, con flores tipal blu e con forma de vaso
muscarina = un cimica natural trovada en alga xampiniones
muscatel = un varia de uva con odor muscosa; un vino preparada de esta
musco = un mamal peti, solitar e servin de Asia, sin cornos, ma con dentones longa; un materia rojin brun con odor forte, secreteda par la musco mas, e usada en crea parfumes; un materia simil de otra animales
musculo = un banda o faxo de texeda fibrosa en la corpo de un animal, capas de contrae per move o manteni la posa de partes de corpo
musculosa = con musculos grande
musculosceletal = pertinente a la sistem de musculos e sceleto
muse = un comeda lejera, preparada de crema e blanca de ovo bateda; cualce cosa con densia simil, tipal usada per lava o per stili capeles
muselina = un stofa de coton multe lejera e simple texeda
museo = un construida en cual on conserva e esibi ojetos de interesa istorial, siensal, artiste o cultural
musica = sonas de vose o strumentos, combinada en modo bela, armoniosa e emosial espresosa; un pasaje de esta
musicolojia = la studia academial de musica
musli = un misca de sereal (tipal avena), frutas secida e nozas, tipal comeda con lete a la come de matina
mustang = un cavalo savaje american, desendente de los domada par colonistes espaniol en la sentenio 16
mustax = un banda de capeles cresente supra la labio alta
mustela = un mamal carnivor, peti e magra
muta = cambia sua forma o natur; (en biolojia) cambia sua jenes
mutaforma = un esente cual pote muta sua forma fisical, tipal volente, como trovada en mitos e fantasias
mutaformi = muta sua forma fisical, tipal par un capasia inerente o par majia, como trovada en mitos e fantasias
mutaformia = la capasia, inerente o majial, per cambia sua forma fisical, como trovada en mitos e fantasias
mutajen = capas de inisia o aselera muta jenetical
mutila = malformi (un person o cosa) par feri o dana
mutua = esperiada o fada par cada de du o plu persones o grupos a lunlotra
muu = la sona basa fada par un bove
muxa = estrae muco de la nas par sofla
muxu = un comeda, orijinante en Jonguo norde, de porco trinxada e ovos, fritada en olio, con fungos e otra ingredientes
n = la letera 14 de la alfabeta roman
n. = numero
nabatea = pertinente a un popla antica de Arabia ci ia formi un rena autonom de 312 AEC, o a sua dialeto de arami
nabo = un planta en familia de col; la radis comable de esta
nacfa = la unia de mone en Ertra
nacre = un sustantia lisa e opalin cual formi la stratos interna de la conca de alga moluscos, usada per orna
nada = propulsa se tra acua par sua gamas e brasos, o (per pexes o otra animales acual) par sua pinas, codas o otra moves de la corpo
naderia = un construida per conteni un pisina
nadene = pertinente a un popla nativa de partes ueste de Canada e la SUA, o a sua linguas
nadir = (en astronomia) la punto de la sfera de la sielo direta su un oservor; (metafor) la tempo la plu basa en la fortunas de un person o organiza
nafta = un olio flamable cual conteni idrocarbonos, otenida par la distila seca de materias organica como carbon, xel o petrolio
naftalina = un composada organica con la formula C₁₀H₈, tipal usada per repulsa papilios de vestes
naftol = un materia cristal derivada de naftalina, usada per fabrica antisepsicas e tinjentes
naiade = (en mitolojia elinica) un spirito fema ci preside rios, fontes e otra acuas dulse
naira = la unia de mone en Nijeria
Nairobi = la site capital de Cenia
naive = mostrante un manca de esperia, sajia o bon judi; natural, nonfinjosa, inosente
nama = pertinente a un popla nativa de Sudafrica, Namibia e Botsuana
Namib, Deserto = un deserto en Namibia en Africa sude-ueste a la costa de la Mar Atlantica
Namibia = un pais en Africa sude-ueste, xef composada de deserto, con costa a la Mar Atlantica
nana = (nonformal) un enfantor
nano = un person estrema o noncomun peti; (en fables) un membro de un raza mital de viventes corta e umanin, jeneral capas de mina e metalurjia
nano- = multe peti; 10⁻⁹
napalm = un jelatin aderente e multe flamable, usada en bombas e lansaflamas
Napoleon = un xef militar e political franses e la imperor de la franseses entre 1804 e 1815
Napoli = un site xef en Italia sude
nara = reporta sur (avenis real o imajinada), en parla o scrive, ma tipal per diverti
narco- = nonsensosa
narcolesia = un maladia distinguida par un tende estrema de adormi en situas nonormal
narcose = un state de stupor, dormosia o nonconsensia, produida par drogas
narcotica = (un droga) reduinte dole e causante stupor, dormosia o nonconsensia
nardo = un planta himalaian en familia de valeriana; un unjente multe custosa preparada de la rizoma de esta en edas antica
narina = cada de la du abris esterna de la nas
narsisisme = un interesa suprabundante o erotica sur se e sua aspeta fisical
narsiso = un planta en familia de lil, con flores tipal blanca e jala con sentro trompetin
nartex = un spasio ante la nave, a la entra de alga eglesas paleocristian o medieval
narval = un balena peti de la Mar Artica, cui mas ave un denton longa e spiral cual estende a ante
nas = la parte supra la boca de un person o animal, usada per respira e ole
nas de mano = la jesti burlante de teni un diton a sua nas e estende la otra ditos
Nasau = la site capital de Bahamas
nase = (un enfante) deveni un individua par sorti de la utero de un fema; (metafor) deveni esistente
conaseda = con la mesma jenitores; (un parola) con la mesma radis orijinal como un otra
conaseda = un fio o fia de la mesma person o persones
nasel = un caxa o tance airodinamical a la esterna de un veculo, spesial un avion; la caxa esterna de un motor de un avion
nasion = un colie grande de persones, unida par desende, istoria, cultur o lingua, abitante un teritorio, tipal con sua propre governa
multinasional = incluinte plu ca un pais, o persones de plu ca un pais
multinasional = un compania cual opera en plu ca un pais
nasturtio = un planta de America Sude, con folias ronda, flores orania, jala o roja briliante, e frutas comable
natal = un festa anial a 25 desembre, cuando cristianes selebra la nase de Jesus Cristo; un otra selebra derivada de esta
Isola Natal = un isola en la Mar Indian a sude de Djava
nativa = veninte de o natural aveninte en un loca spesifiada
nativisme = un politica de proteje nativas contra migrores; un asentua de costumes tradisional e local contra influes esterna
nato = un comeda nion con odor forte, composada de semes de soia fermentada con un tipo spesial de basil
natron = un sal mineral trovada en lagos secida, composada de carbonato de sodio idratada
natur = la fenomenos de la mundo fisical, incluinte plantas, animales e otra produidas de la Tera, tipal contrastada con la mundo umana o artifis; la cualias inata o esensal de un person o animal, tipal contrastada con los developada par aprende
naua = pertinente a un popla de Mexico sentral e America Sentral, incluinte la astecas
nauatl = pertinente a un lingua de la nauas
Nauero = un isola e pais en la Mar Pasifica sude-ueste, prosima a la ecuator
naufraga = (un barcon) deveni destruida par afonda, encalia, etc; (un maror) deveni encaliada pos la destrui de sua barcon
nausea = fa ce (algun) deveni malada o repulsada con tende de vomiti
nautilo = un sefalopodo con conca spiral e lejera, e multe tentaculos corta sirca la boca
Navara = un rejion autonom de Espania norde; un rena autonom en la eda medieval
nave = un barcon; la parte sentral de un eglesa o catedral cual conteni la plu de la congrega
naval = pertinente a barcones
naveta = un util de lenio con du terminas puntida, conteninte un bobin, usada per porta la filo en texe; un barco cual transporta persones e carga entre la du lados de un rio o otra corpo de acua
naveti = move par o como un naveta
naviga = (un person) dirije la curso de un barco tra (un corpo de acua); (un barco) viaja tra (un corpo de acua); viaja tra (cualce loca) usante un mapa; move tra (informa en un computador)
sirconaviga = naviga intera sirca (un cosa, tipal la mundo)
Naypyidaw = la site capital de Miama
nazi = pertinente a la Partito Sosialiste Nasional de Laborores Deutx (1919-1945), conoseda per sua ideolojia de razisme, antiiudisme e militarisme e la mata de multe miliones de persones inosente
neonazi = pertinente a la ideolojia nazi pos la Gera Mundal Du
NB = nota bon
Ndjamena = la site capital de Txad
ne = un flauta de Asia sude-ueste
neandertal = pertinente a un spesie estinguida de umanas, ci ia abita Europa e Asia sude-ueste entre sirca 120(~)000 e 35(~)000 anios ante aora
nebla = un nube densa de gotas peti de acua, suspendeda en la atmosfera prosima a la tera, cual restrinje la vide
Nebraska = un stato en la SUA sentral
nebulosa = un nube de gas e polvo en spasio, vidable en la sielo a note
necator = un nematodo parasito cual abita la intestines de umanas e otra animales
necatoriase = un maladia causada par la infesta par necatores de la intestines de un person o animal
necro- = mor, moria
necrofilia = la desira de copula con persones mor
necrofobia = un teme estrema o nonrazonada de mori o moria
necromansia = la comunica suposada con persones mor, spesial per predise la futur
necrose = la mori de tota o un parte grande de la selulas en un organo o texeda, causada par maladia, feri o sangue nonsufisinte
Nederland = un pais en Europa ueste con costa a la Mar Norde
nefrite = un inflama de la renes
nefro- = renes
nefron = un de la unias funsional en la ren, composada de un glomerulo e sua tubeta asosiada, tra cual la filtrida glomerulal pasa ante emerje como urina
nega = refusa confesa la veria o esiste de (alga cosa); fa ce (alga cosa) no esiste plu o sesa funsiona
negativa = (un espresa) desacordante o negante; depresante o pesimiste; (un resulta de proba) indicante la manca de un sustantia o cualia; (un numero) min ca zero; con la carga eletrical de eletrones; (en fotografia) mostrante colores reversada de la orijinal
eletronegativa = eletrical negativa; (un elemento) tendente gania eletrones e formi iones negativa
negativisme = la tende de es negativa o setica, sin ofre sujestas o solves
negosia = atenta ateni un acorda o compromete par discute con otras; trova un modo tra o ultra un ostaculo o via difisil
negra = con la color la plu oscur, como resulta de la asentia o asorbe completa de lus
cuatrinegra = (istorial) un person ci ave un avo o ava de la raza negra
negrisil = un cosmetica per oscuri e spesi la siles
Foresta Negra = un cadena de montes forestosa en Deutxland sude-ueste
Mar Negra = un mar cuasi contenida par tera, a sude de Ucraina e Rusia, a ueste de Sacartvelo, a norde de Turcia, e a este de Bulgaria e Romania
negroide = (ofendente e no plu usada) de la raza de Africa sude e partes de Asia sude
nel = en la
nelumbo = un planta acual con folias grande e flores grande e solitar cual crese sur troncetas capas de estende a du metres supra la surfas de la acua
nematodo = un membro de un filo de animales variosa cual abita locas diversa, e cual ave sistemes tubo de dijesta, con bucos a ambos finis
nematomorfo = un membro de un filo de animales parasito, con formas simil a nematodos
nemerteo = un membro de un filo de vermes con forma de sinta
nenets = pertinente a un popla samodeica de Rusia artica, o a sua lingua
neo- = nova
neodimio = la elemento cimical con numero atomal 60, un metal blanca arjentin
neolitica = pertinente a la parte la plu tarda de la eda de petra
neolojia = crea neolojismes, crea (un parola nova)
neolojisme = un parola o espresa nova creada
neon = la elemento cimical con numero atomal 10, un gas inerte; un forma de lumina cual usa esta gas
neoplasma = un crese nova e nonormal de texeda, tipal causada par canser
neotenia = la reteni de cualias joven en un animal adulte
Nepal = un pais montaniosa sin costa en Asia sude, en la Montes Himalaia
nepentes = un planta con un pox grande con forma de carafa a cual lo atrae insetos per trapi e asorbe los per nuri se
nepeta = un planta en familia de menta, con odor cual atrae gatos
Nepiedo = un otra nom per Naypyidaw
nereida = (en mitolojia elinica) un de sincodes spiritos fema ci preside la mar e aida marores
Nerulmud = la site capital de Belau
nervo = un fibre blancin, o un faxa de estas, cual transmete siniales entre la serebro o medula spinal e otra partes de la corpo
nesesa = desira forte ave o fa (un cosa) car lo es multe importante o esensal
-nesia = isolas
neta = (un imaje) con detalias clar distinguable e no neblosa; (mone) restante pos sutrae un imposta, desconta o otra paia
netar = un licuida zucarosa secreteda par plantas, cual coraji poleni par insetos e es colieda par abeas per crea miel
netarina = un varia de pesca con casca lisa e magra; un avia cantante peti e briliante colorida de la mundo vea, con beco longa e curvida a su, cual come netar e sembla un colibri, ma no es capas de flota en aira
netbal = un sporte juada entre du ecipos de sete juores, en cual on reseta puntos per lansa un bal tra un tubo de rede a cada fini de la campo
nete = un enfante de un enfante
duneta = un dunete fema
dunete = un enfante de un nete
duneto = un dunete mas
neta = un nete fema
neto = un nete mas
treneta = un trenete fema
trenete = un enfante de un dunete
treneto = un trenete mas
netsuce = un orna siselida de ivor o lenio cual sembla un boton, usada en Nion per suspende cosas de la sintur de un cimono
netunio = la elemento cimical con numero atomal 93, un metal radioativa
Netuno = la dio de acua e la mar en mitolojia roman; la planeta oto de la sistem solal
neuraljia = un dole forte tra la curso de un nervo, tipal en la testa o fas
neurastenia = un maladia marcada par fatiga, dole de testa e iritablia, asosiada con alga maladias mental
neurite = un inflama de la nervos periferial
neuro- = sistem de nervos, medula spinal o serebro
neurolojia = la ramo de medica o biolojia cual studia la anatomia, funsionas e maladias de nervos e la sistem de nervos
neuron = un selula spesialida en la transmete de impulsas de nervos
motoneuron = un neuron cual transmete siniales a la musculos
neuronal = pertinente a neurones
neuropatia = un maladia de nervos periferial, tipal causante debilia o nonsensosia
neurose = un maladia mental marcada par ansia, depresa e osese
neuton = un unia internasional de fortia, egal a 100(~)000 dines, la fortia capas de aselera un masa de un cilogram par un metre per secondo per secondo
neutra = no aidante o suportante la un lado o la otra en un desacorda, disputa, gera, etc; (un color) blanda; (un cimical) no asida e no alcalin; (un animal) sin organos sesal developada, o pos la estrae de estas; (un nom en alga linguas) sin jenero gramatical
neutrino = un particula suatomal e neutra, con un masa prosima a zero e un jira de intero duida, cual interata rara con materia normal
neutrofilica = (un selula o sua contenidas) capas de es fasil colorida par tinjentes neutra
neutron = un particula suatomal con sirca la mesma masa como un proton, ma sin carga eletrical
neva = vapor de acua en la atmosfera, jelada como cristales de jelo, e cadente en flocos blanca e lejera, o reposante sur la tera como un strato blanca
Nevada = un stato en la SUA sude-ueste
Nevis = un de la isolas a norde-ueste de la Mar Caribe
nevo = un marca malcolorida e pico altida sur la pel
Newfoundland = un otra nom per Teranova
Newfoundland e Labrador = un otra nom per Teranova e Labrador
nganasan = pertinente a un popla samodeica en Sibir norde, o a sua lingua
niama = un tuber amidonosa e comable de un planta tropical; esta planta
Niamei = la site capital de Nijer
niasina = un vitamina de la grupo B, trovada en lete, jerme de trigo e carne, e sinteseda de triptofan en la corpo, cual preveni pelagra
nicab = un vela portada par alga femes muslim en publica, cual covre tota la fas estra la oios
Nicaragua = un pais en America Sentral, con costas a la Mar Atlantica e la Mar Pasifica
nicel = la elemento cimical con numero atomal 28, un metal blanca arjentin
Nicosia = la site capital de Cipros
nicotina = un licuida oliosa cual es la parte ativa xef de tabaco, e cual ata como un stimulante
nictofilia = un prefere forte per oscuria o la note
nictofobia = un teme forte de oscuria o la note
nido = un strutur o loca creada o elejeda par un avia per pone ovos e proteje enfantes; cualce loca usada par un animal o person per proteje o securia
Nientxentangla = un cadena de montes en la parte este de Transhimalaia
Nietzsche, Friedrich = un filosofiste deutx, notada per sua critica de la relijio e cultur de sua eda, e un fonte importante de esistentialisme (1844-1900)
nihilisme = la filosofia cual promove la idea ce no cosa ave sinifia o realia, o ce vive es sin sinifia
nihonio = la elemento cimical con numero atomal 113
Nijer = un pais sin costa en Africa ueste a la borda la plu sude de la Deserto Sahara
Rio Nijer = un rio en Africa norde-ueste cual comensa en Siera Leon, flue tra Mali, Nijer e Nijeria, e fini en la Golfo Ginea
Nijeria = un pais a la costa de Africa ueste, bordada a la norde par la Rio Nijer
Nilo, Rio = un rio en Africa este, la plu longa en la mundo, cual comensa en Africa este-sentral, flue a norde tra Uganda, Sudan, Sudan Sude e Misre, e fini en la Mar Mediteraneo
nilon = un polimer sintesal, elastica e lejera ma forte, produida como filos, telas o ojetos moldida
nilotica = pertinente a un grupo de linguas parlada en Africa ueste e en la rejion de la Rio Nilo
nimbo = (un nube) grande, gris e capas de produi pluve
nimfa = un spirito mital ci pare como un fem joven bela e abita bosces, lagos o rios; la forma nonmatur de un inseto cual no cambia multe en cuando lo adulti
nimfeta = un nimfa peti; un xica o fem joven atraosa
nimfea = un planta con folias grande e ronda cual flota sur la acua, con flores grande
nimfomania = un libido forte e noncontrolable en alga femes
ninja = un person capas en ninjutsu
ninjutsu = la arte tradisional en Nion de furtivia, camufla e sabota, developada en la eda feudal per spia, aora usada como un arte militar
niobio = la elemento cimical con numero atomal 41, un metal gris arjentin
nioci = en la cosini italian, un bal de pasta preparada de patata, semola o farina, tipal servida con un salsa
Nion = un pais en Asia este, composada de un cadena de isolas en la Mar Pasifica
nirvana = la gol ultima de budisme, un state transendente en cual sufri, desira e ego desapare e on es librida de la efetos de carma e la sicle de mori e renase; (metafor) un state ideal de felisia perfeta
Nisa = un vila importante, en Frans sude-este, a borda de la mar Mediteraneo, a lado de Italia
nisarda = pertinente a un dialeto ositan parlada a Nisa e en sua rejion
nisarda = un dialeto ositan parlada a Nisa e en sua rejion
nistagmo = un disturba medical en cual la oios move rapida e nonvolente
nitrato = un sal o ester de asida nitrica
nitrica = pertinente a o conteninte nitrojen con valentia alta
nitrito = un sal o ester de asida nitrosa
nitrogliserina = un licuida jala e esplodente, usada en dinamite e como un vasodilatante
nitrojen = la elemento cimical con numero atomal 7, un gas sin odor e color, nonreatante, e composante sirca 78 persentos de la atmosfera de la Tera
nitrosa = pertinente a o conteninte nitrojen con valentia basa
Niue = un isola e teritorio autonom de Zeland Nova en la Mar Pasifica sude, a este de Tonga
nivel = un plano o linia orizonal, en relata a sua distantia supra o su un otra punto; la altia o profondia de un loca, rio, etc; cada de la solos de un construida o barcon; cade de la locas en un scala o ierarcia
entrenivel = un spasio entre la cala e la nivel xef de un barcon
multinivelal = con plu ca un nivel
nivelador = un util conteninte un bola de aira en un licuida, usada per indica esce un surfas es perfeta orizonal o vertical
niveleta = un solo plana a la culmina o media de un scalera
nix = un alcova peti o basa, comun usada per mostra scultas o ornas; un situa comfortosa e conveninte de vive o emplea; (en ecolojia) la rol de un tipo de organisme en sua comunia
no = zero, la manca completa de
no = indicante la reversa o manca de un cualia o ata
no = donante un responde negativa a la demanda o declara presedente; ance ajuntada a la fini de un frase per cambia lo a un demanda
no = un forma de drama tradisional de Nion con musica e dansa e atores mascida, cual ia evolui de rituos de la relijio xinto
Noa = (en la Biblia) la patriarca presentada como la desendente des de Adam, e la fabricor de un arca con cual el ia salva sua familia e un duple de cada animal cuando Dio ia deluvia la Tera
nobelio = la elemento cimical con numero atomal 102, un metal radioativa
nobil = pertinente a o parteninte a la clase sosial eritada con grado alta; con cualias personal o prinsipes moral eselente
noca = un parte de la dito a la junta do la oso es prosima a la surfas, spesial do la dito es juntada a la mano; un protende de la junta carpal o tarsal de un animal
noda = torse (un corda o sinta) a sirca e streti lo per fisa lo a un otra ojeto, o a la corda mesma
noda = un anelo tensada de corda o sinta; un loca sur un tronco o ramo do un otra ramo o folias crese; un punto do un curva traversa se o un otra curva; un aparato liada a un rede de computadores; un unia de rapidia egal a un milia maral per ora
noda-fie = un sunoda
noda-padre = un supranoda
sunoda = (en un strutur de datos arborin) un noda cual desende direta de un otra noda
supranoda = (en un strutur de datos arborin) un noda cual asende direta de un otra noda
nodulo = un infla peti o un agrega de selulas en la corpo, tipal nonormal; un bulto peti e ronda de materia distinguida de sua ambiente; un infla sur la radis de un legum, conteninte baterias cual asorbe nitrojen
noia = (un manca de stimula, un parlor monotonosa o simil) fa ce (algun) deveni fatigada, iritada o noninteresada
noia se = senti noia; senti la descomforta de ave no cosa interesante per fa
es en noia = senti noia; senti la descomforta de ave no cosa interesante per fa
-noide = mente, spirito
nom = un parola o grupo de parolas cual identifia unica un person, animal, cosa, asosia, etc; (en gramatica) un sustantivo
conom = (en Roma antica) un nom personal, tipal pasada a desendentes
nomal = pertinente a o derivada de un nom
nomin = usada en un modo simil a un nom
nomada = pertinente a un membro de un popla ci no ave un abitada permanente, e ci viaja de loca a loca per trova pastos fresca per sua bestias; (metafor) vagante, no restante en un loca per tempo longa
nomina = proposa formal (algun) como aspiror per un posto o premio
nominalisme = la crede ce ideas jeneral e mera nomes sin realia corespondente
nominativa = un caso gramatical cual indica la sujeto de un verbo
non- = ajuntada a un ajetivo per reversa la cualia, o a un nom verbal per indica la manca de la ata o state
nona- = nove
noradrenalina = un ormon relasada par la medula de la glande suprarenal e par la nervos simpatica como un neurotransmetador
norde = (un loca o parte de loca) situada en la dirije indicada par la ago de un busola; (un person o venta) veninte de esta dirije
Mar Norde = un estende de la Mar Atlantica entre la costa de Britan Grande e la resta de Europa ueste
nordiste = suportante la norde en un disputa entre la norde e sude de un rejion
nordica = pertinente a la rejion composada de Danmarc, Sveria, Noria, Suomi, Island e la Isolas Faro; pertinente a la tipo fisical de persones comun de esta rejion, alta con capeles blonde, oios blu e pel pal
nori = un tipo de alge, comeda cuando lo es o fresca o secida
Noria = un pais montaniosa en Europa norde-ueste, con costas a la Mar Norsce e la Mar Artica
Mar Norsce = un mar a ueste de Noria, un parte de la Mar Atlantica
norma = alga cosa comun, tipal o model; un modo de condui comun o espetada de un grupo sosial
paranormal = pertinente a avenis o fenomenos como telecinese o clarvide cual no es un parte de la siensa normal
normande = pertinente a un popla ci ia coloni Normandia en Frans norde-ueste sirca 912 EC, e ia deveni un potia grande en la sentenio 11; pertinente a sua lingua, un dialeto de franses
normoblasto = un tipo normal de eritroblasto
noruz = la dia de la anio nova persian, aveninte a la ecuinote de primavera en la emisfera norde
nos = usada par un parlor per refere a un grupo de cual el es un parte; me e tu/vos; me e el/los
nose = fa mal a (un person o cosa); impedi partal o difisili (un prosede)
nonosisme = la prinsipe de evita violentia
nosebo = (un trata medical) causante un efeto negativa a la sania par la influe psicolojial de espetas negativa
nosiva = causante dana o feri; nosente
cardionosiva = danante la cor, causante debilia
nosolojia = la ramo de medica cual clasi maladias
nostaljia = esperia un senti amarga-dulse de anela per (un cosa pasada, tipal un eda o loca con lias felis)
nota = scrive un rejistra corta de (un fato, tema o pensa), cisa sola en sua mente, per aida recorda; deveni consensa de; refere corta a (alga cosa) en parla o scrive
nota = un rejistra corta scriveda per aida recorda; un letera o mesaje corta scriveda; (en musica) un tono musical de altia spesifiada; un sinia scriveda cual representa un tal tono
nota de stadio = (en un senario) un nota spesifiante como un ator debe parla o condui, o como on debe presenta la sena
notatecla = un program cual rejistra, tipal furtiva, la serie de teclas usada
notario = un person con autoria per fa alga prosedes legal, tipal la scrive o validi de contratas, atas o otra documentos per usa par otra autoriosas
note = la periodo de oscuria en cada 24 oras; la tempo entre la reposa de sol e la leva de sol
notocorda = un bara sceletal de cartilaje cual suporta la corpo en embrios e alga animales adulte
noturna = aveninte o ativa a note
nova = cual no ia esiste a ante; cual veni de ariva; resente fada, produida, introduida, descovreda, esperiada o poseseda, cisa a la ves prima; fresca; diferente de la presedente
nova = un stela cual mostra un crese grande e subita de brilia, ante reveni lenta a sua state orijinal tra alga menses
ipernova = un tipo de supranova enerjiosa, produida par stelas multe grande
nove = 3 multiplida par 3; la numero entre oto e des
novela = un libro de prosa cual presenta un nara imajinada
telenovela = un serie dramosa a radio o televisa cual presenta tipal la avenis dial en la vives de la mesma grupo de carateres
novembre = la mense des-un de la calendario gregorian
novena = (en la Eglesa Catolica Roman) un forma de adora composada de preas spesial a nove dias en segue
novitxoc = cualce de un familia de gases nerval forte matante, developada par la Uni Soviet en la gera fria
nozeto = un arbor o arboreta con folias larga, amentos en la primavera e nozas comable en la autono
nozeta = un noza de un nozeto
nozo = un arbor alta cual produi nozas e lenio valuada par carpentores
nozo de Brasil = un arbor de la forestas de America Sude, cual produi un noza grande con tre lados e un cor comable
noza = un fruta composada de un casca dur sirca un nucleo comable; spesial, un seme comable de un nozo
-nte = ajuntada a un verbo per formi la partisipio ativa
nu = la letera 13 de la alfabeta elinica
NU = Nasiones Unida
Nuacxot = la site capital de Muritania
nube = un masa vidable de vapor condensada de acua, flotante en la atmosfera, tipal alta supra la tera; (metafor) cualce masa simil; (en informatica) un rede de servadores en la interede, usada per reteni e prosede datos en loca de servadores local o computadores personal
nuca = la retro de la colo
nucleo = la parte sentral e la plu importante de un ojeto, move o grupo; (en fisica) la cor de un atom, con carga negativa, composada de protones e neutrones; la organeta presente en la plu de selulas eucariotal, conteninte la materia jenetical; (en gramatica) la parola cual governa la otras en un sintagma, con la mesma categoria gramatical como la sintagma intera
termonucleal = pertinente a reatas nucleal cual aveni sola a temperatures multe calda
nucleol = un strutur peti e sferin en la nucleo de un selula en la interfase
nucleon = un proton o neutron
nucleotido = un de la unias fundal de asidas nucleal como ADN
nuclido = un clase de atomes o nucleos distinguida par sua cuantias de protones e neutrones
Nucualofa = la site capital de Tonga
nuda = (un person) no portante vestes; sin la covre normal; (tera) esposada e nonfertil
nuga = un confeto composada de zucar o miel, nozas e blancas de ovos
numatico = un covre de cauxo, normal inflada o ensircante un tubo interna inflada, poneda sirca un rota per formi un contata flexable con la via
numeno = un cosa mesma, distinguida de se como on conose lo par la sensas
numero = la valua aritmetical de un parola, simbol o figur, representante un cuantia astrata e usada per calcula, per identifia, o per mostra ordina en un serie; (en gramatica) un parola de esta tipo
numero aljebral = un numero real o composada cual es un solve de un egali polinomial con fatores razonal
numero composada = un numero cual pote es espresada como la soma de un numero real e un numero imajinal
numero imajinal = un numero cual pote es espresada como la multipli de un numero real e la unia imajinal
numero nonrazonal = un numero real cual no pote es espresada como un proportio entre du interos
numero razonal = un numero cual pote es espresada como un proportio entre du interos
numero real = un numero razonal o nonrazonal, representable par un serie finita o infinita de dijitos
numero transendente = un numero nonrazonal cual no es un numero aljebral
numerolojia = la studia de la sinifia oculta de numeros
numismatia = la studia o colie de monetas, biletas de mone e medalias
nun = no person
Nunavut = un teritorio de Canada norde, bordante la Mar Artica e Baia Hudson
nunca = a no tempo en la pasada o futur; a no ves; tota no
nuntxacu = un arma de la artes militar de Nion, con du bastos juntada par un cadena, corda o banda de cuoro
nurage = un construida megalital de Sardinia, con forma de tore
nuri = furni a (un person o animal) la comedas o otra materias nesesada per sua crese, sania e bon state; boni la fertilia de (tera); furni a (un macina o compleso) materias como carbon, gas o olio per produi caldia o potia; (metafor) susta o intensi un suspeta, desira o otra senti
nusia = un festa selebrante un sposi
nusiales = tota la cosas e avenis pertinente a un nusia
Nuuk = la site capital de Calalitnunat
o = la letera 15 de la alfabeta roman, e sua nom
o = juntante du espresas o frases cual es membros alternativa de un lista o grupo
o sola ... o sola = espresante (plu forte ca `o ... o`) ce on pote eleje sola un de la alternativas
o = espresante surprende; (en leteratur anticin) introduinte la nom de la person a cual on parla
-o = ajuntada a alga nomes fema con la coda `-a` per nomi la mas corespondente; ajuntada a la nom de un fruta con la coda `-a` per nomi sua arbor
oasis = un loca en un deserto do on pote trova acua
obedi = segue (un comanda, un comandor o un lege de sosia o natur); sede a (un autoria)
obelisce = un colona cui talia traversal es cuadro o retangulo, con culmina piramide
obesa = con tro multe gras; tro pesosa
obi = un banda de stofa sirca la taie de un cimono
oblica = apoiada, no paralel e no a angulo reta
oblida = no recorda; no pote recorda; era par no fa o trae (alga cosa)
no-oblida-me = un planta corta en familia de boraja, tipal con flores blu
obliga = constrinje (algun) a un ata, par normas de sosia o cortesia
oboe = un strumento de venta de lenio con anxa duple
obra = la resulta de un ata creosa par un artiste, scrivor, musiciste o injenior
obra grande = (en alcimica) la labora per crea la petra filosofial
obsoleta = no plu usada, no plu bon per usa
obus = un tipo de bomba cava, plenida con esplodente e lansada de un mortero o aparato simil
obusador = un canon simil a un mortero
ocapi = un mamal grande en familia de jirafa, abitante la forestas pluvosa de Congo
ocarina = un strumento de venta peti, con forma de ovo, con bucos e un beco per sofla
oce = sufisinte bon, asetable, no mal
ma oce = espresante ce on aseta un delude minor
ocer = con color de la pigmento ocer, un jala brunin pal
ocer = un pigmento conteninte osido ferica, tipal con arjila
ocroma = un arbor rapida cresente de America tropical; la lenio multe lejera de esta, tipal usada per fabrica balsas e modeles
oculo = du lentes con un montur, usada per aida la vide o per proteje la oios
monoculo = un sola lente per boni la vide, tenida ante la oio par la musculos sirca la oio
oculta = parteninte a la mundo supranatural; parteninte a un disturba medical cual es ascondeda o nonconoseda
oculta = la mundo supranatural, o avenis cual parteni a lo
ocupa = abita o ave sua loca de comersia en (un construida); (un ata) pleni (un tempo) o fa ce (algun) no reposa; (un nasion) saisi controla de un parte o tota de (un otra teritorio)
odalisce = un sclavo fema o un concubina en un arem
ode = un poesia en la forma de un parla lodante sur un tema spesifiada, tipal en stilo sofisticada e scriveda en metrica variada o nonregulada; (istorial) un poesia intendeda per canta e acompaniada par un strumento, tipal un lira o aulo
odia = senti forte un antipatia o nongusta contra (un person o cosa)
Odisea = un poesia epica en elinica antica sur la aventuras de Odiseo, tradisional atribuida a Homero
odisea = (metafor) un aventura longa e difisil
odjibua = pertinente a la popla american nativa de la rejion sirca la Lago Superior, o a sua lingua algoncian
odometre = un strumento per mesura la distantia tra cual un veculo ia viaja
odontia = un siensa cual studia la strutur e maladias de dentes
odor = un cualia olable
ofende = fa ce (algun) senti turbada, iritada o desonorada; viole (un lege o norma moral)
ofisia = un sala, un colie de salas, o un construida per labora mental; un posto de autoria o servi, tipal publica
ofisia de vileta = un construida usada per maneja un vileta
suofisior major = un ofisior de grado entre la encargadas e la nonencargadas
ofre = presenta (alga cosa) a algun per aseta o rejeta, como el desira; mostra ce on pote o intende fa (alga cosa) per algun; presenta (un ben) per compra; presenta (un vivente o cosa) per sacrifia; furni (un vantaje)
oftalmite = un inflama de la oio, per esemplo conjuntivite
oftalmo- = oios
oftalmolojia = la ramo de medica cual studia maladias de la oio
oftalmoplejia = un paralise de la musculos en o sirca un oio
oftalmoscopio = un strumento per esamina la retina e otra partes de la oio
ogam = un alfabeta eres antica
oganeson = la elemento cimical con numero atomal 118
ogro = un jigante mital ci come umanas
Ohio = un stato de la SUA norde-este
Rio Ohio = un rio cual comensa en Pennsylvania ueste e fini en la Rio Mississippi
Ohotsc, Mar = un mar a ueste de la penisola de Camtxatca
oia = persepi con sua orea la sona produida par (un person o cosa); deveni informada (ce alga cosa ia aveni)
-oide = con forma de
oio = cada de la du organos sfera en la testa, par cual umanas e animales vide o deteta lus
oieta = un oio peti estra la du oios major en insetos e otra artropodos; un buco peti e ronda en un stofa o cuoro, tipal fortida, per aseta un filo o cordeta
ojeto = un cosa material cual on pote vide e toca; un cosa estra la mente; un gol o intende; un person o cosa a cual on dirije un ata o senti spesifiada; (en gramatica) un nom o sintagma nomin cual es governada par un verbo ativa transitiva o par un preposada; (en informatica) un strutur cual conteni no sola datos ma ance metodos per labora con la datos
oji = en esta dia presente
ojiva = (en arciteta) un arco puntida o gotica; un de la costelas diagonal de un volta; un cosa con esta profil; (en statistica) un graf de frecuentia cumulante; la parte anterior de un misil, conteninte esplodentes
Oklahoma = un stato en la SUA sude-sentral
-ol = olios, alcol, fenoles e otra composadas organica
olandes = pertinente a un salsa cremin de bur fondeda, vitelo, e jus de limon o vinagra, tipal comeda con pex
olartica = pertinente a la ecosistem cual conteni Eurasia norde de la Montes Himalaia, Africa norde, partes de la penisola arabi, e America Norde asta Mexico norde
ole = persepi o deteta la odor de (un person o cosa)
oleandro = un arboreta perene venenosa de la mundo vea
olibano = un resina bonodorosa, otenida de un arbor african e ardeda como un insenso
oligarca = un membro de un grupo peti de persones ci controla un nasion, organiza o instituida
oligo- = con poca partes o membros
oligosene = parteninte a la epoca entre la eosene e la miosene, de sirca 35,4 milion a 23,3 milion anios ante aora
Olimpia = un plano en Elas cual ia es la loca de la Juas Olimpial en Elas antica
olimpial = pertinente a la loca antica Olimpia o la Juas Olimpial
olimpian = pertinente a la Monte Olimpo en Elas norde-este, o a la dios antica ci ia abita ala
olimpian = cada de la 12 dios de Elas antica; un concursor en la Juas Olimpial
olimpiada = un selebra de la Juas Olimpial antica o moderna; un periodo de cuatro anios entre la Juas Olimpial, usada par la elinicas antica per indica datas de avenis
Olimpo, Monte = un monte en Elas norde-este, la abitada tradisional de la dios antica
olio = un licuida viscosa derivada de petrolio, tipal usada per carbura o lubrica; un licuida densa, viscosa e tipal flamable, nondisolvable en acua ma disolvable en disolventes organal; un prepara licuida usada como un cosmetica; (en cimica) un ester de gliserol o asida grasosa cual es licuida a temperatur de sala
olisme = la teoria ce partes es interliada e sola esplicable par refere a la intera
olito = cada de la granes ronda cual composa un spesie de calcario
oliva = con color grisin verde, simil a un oliva nonmatur
oliva = un fruta peti e oval con seme dur e pulpa amarga, verde cuando nonmatur e negra brunin cuando matur, usada como comeda e un fonte de olio
olivo = un arbor perene cual produi olivas
olmo = un arbor caduca alta, tipal con folias ru sierin e reproduinte par jermes de radis
olo- = intera, completa
olocausto = un destrui o masacra estrema, tipal causada par foco o gera nucleal; (istorial) en la tradision iudi, un sacrifia cual es completa ardeda sur un altar
Olocausto = la masacra de iudis e multe membros de otra poplas persegueda, como romanis e omosesales, par la rena de la nazis entre 1941 e 1945
olografia = la siensa e ata de crea ologrames
ologram = un imaje tridimensional, formida par la interfere de raios de lus de un laser o otra fonte coerente
olosene = pertinente a la epoca jeolojial presente, cual segue la plestosene, comensante a sirca 10(~)000 anios ante aora
om = un umana adulte mas; (nonformal) un sposo
om-lupo = un umana ci deveni un lupo en la note
om savaje = un carater de mitos european medieval, imajinada como un om covreda con pelo
bonom familial = un om ci ama sua familia
-oma = tumor, crese nonormal
omaro = un crustaseo con corpo silindre, oios sur troncetas, e sinco duples de membros, de cual la prima es alterada a un pinse
Ombai, Streta = un streta entre Alor e Timor
ombilico = un depresa ronda e nodosa a la sentro de la adomen, causada par la desfisa de la corda entre la feto e la plasenta
ombra = un rejion o forma oscur, produida par un cosa entre lus e un surfas; un oscuria e fria relativa creada par scermi la lus direta de sol; la forma de un person o cosa vidable sur un fondo plu pal, spesial como un representa negra sur un surfas blanca
ombra = con color de la pigmento ombra, un brun jalin oscur
ombra = un pigmento natural simil a ma plu oscur ca ocer
ombrela = un spesie de parasol peti portable, simil a un parapluve per proteje se de la sol
ome = la unia internasional de mesura de resiste eletrical
omemetre = un aparato per mesura resiste eletrical, usual en omes
omega = la letera 24 e final de la alfabeta elinica
omeleta = ovos bateda e coceda en un padela asta solidi, tipal plenida e servida pos es pliada a un ves
omento = un plia de la peritoneo cual lia la stomaco a la otra organos de la adomen
omeo- = la mesma
omeopatia = un metodo, no asetada par la majoria de dotores, de trata maladias par cuantias multe peti de materia natural cual, en un person sana, ta produi la sintomes de la maladia
omeostase = la tende a un ecuilibra relativa stable entre cosas interdependente, tipal en prosedes fisiolojial
omero = la oso de la braso alta en umanas o la gama anterior alta en animales, juntada a la spala e la codo
omete = no inclui (un person o cosa), par intende o oblida
omicron = la letera 15 de la alfabeta elinica
ominido = un primate de la familia cual inclui umanas e sua asendentes fosilida
omiside = mata nonlegal e intendeda (un otra person)
omni- = tota, completa, intera
omnisiente = sabente tota cosas
omnivor = (un organisme) cual come e plantas e animales
omo- = la mesma
omofobia = un antipatia estrema o nonrazonada contra omosesalia o persones omosesal
omofon = (un parola) con la mesma pronunsia como un otra, ma con sinifia, orijina o spele diferente
omojen = de la mesma tipo o spesie
omoloja = con la mesma relata, loca o strutur; (en biolojia) con similia de loca, strutur o orijina evolual, ma no sempre de rol, como la relata de la aleta de un foca a la braso de un umana
omonim = (un parola) con la mesma spele como un otra, ma con sinifia e orijina diferente
cuasiomonim = (un radis elefen) cual difere de un otra par sola la vocal final (per esemplo `porta` e `porte`)
omotese = un cambia jeometrial de grandia de segmentos e surfases, partinte de un punto (la sentro de la omotese) e respetante un proportio spesifiada
omoto = un relijio japanes fundida par Deguchi Nao en 1892
omotopia = la relata entre du funsionas continuante cual on pote desformi la un a la otra
omunculo = (en alcimica) un varia pico de un umana, creada par un alcimiciste; (en credes istorial) un umana pico de ci un feto ia developa
on = un person imajinal ci representa cualce person o persones jeneral
-on = ajuntada a un nom per nomi un varia plu grande o un veste plu esterna
-on = particula suatomal, cuanto, unia moleculal o materia
-ona = composadas diversa, tipal cetonas
onca = un peso de metal o otra materia, curvida a un angulo, per saisi o pende cosas; un peso de metal per catura pexes
oncianelo = un fisador con un anelo cual aseta un onca
oncolojia = la studia e trata de canser e tumores
onda = move en la modo de un cresta de acua entre du depresas; (un emosia o otra fenomeno) intensi subita
onda de opina = un crese de un opina spesifiada en un cuantia grande de persones
microonda = un onda eletromagnetal con longia de onda entre 0,001 e 0,3 metres, plu corta ca ondas de radio ma plu longa ca ondas infraroja, usada en comunica e per coce
microondador = un forno de microonda
ondatra = un rodente grande e semiacual de America Norde, con odor muscosa
Onduras = un pais en America Sentral con un costa a la Mar Caribe e un otra corta a la Mar Pasifica
onesta = sin engana e nonveria; sinsera; virtuosa; sin culpa; con bon intendes
onicoforo = un membro de un filo minor de ecdisozones, sesionida, con oios peti, antenas, multe duples de gamas, e glandes cual produi melma
onion = un bulbo comable, con sabor e odor agu, multe usada en cosini; la planta cual produi esta
oniromansia = la interprete de sonias per predise la futur
onisco = un crustaseo peti con corpo sesionida e sete duples de gamas, ci vive en abitadas umida e pote enrola se per proteje se de predores
onix = un varia semivaluosa de agata con stratos de colores diferente
onomatopea = la formi de un parola cual ave la sona de sua sinifia, como `cucu` o `xuxa`
onora = regarda (algun) con respeta grande; dona respeta publica a (algun)
onsa = un unia de pesa egal a un des-sesi de un libra, sirca 28 grames
Ontario = un provinse en Canada este entre la Mar Hudson e la Lagos Grande
Lago Ontario = la lago la plu peti e la plu este de la sinco Lagos Grande de America Norde
onto- = esiste o sustantia
ontojenia = la developa de un organisme individua, de la comensa asta maturia
ontolojia = la ramo de metafisica cual studia la natur de esiste
op = espresante la reconose de un era o asidente, tipal como un parte de un escusa
opaca = no transparente o diafana; difisil per comprende
opal = un jem de silica idratada, tipal diafana e mostrante colores diversa contra un fondo pal o oscur
opera = (un macina o sistem) funsiona; fa sirurjia
opera = gida o direta la funsiona de (un macina o sistem)
opera = la funsiona (de un macina o sistem); un ves de sirurjia
coopera = (persones o organizas) ata o labora en junta, en dirije a la mesma gol
cooperosa = un compania partal o intera poseseda per sua empleadas o clientes
opera = un presenta unida cual integra musica, ata, nara, etc
operculo = un strutur anatomial cual clui o covre un abri
-opia = maladia de oio
opiato = un droga simil a o derivada de opio
opina = ave e declara (sua persepi o judi) sur alga cosa, sin nesesa de fato, conose o sabe como funda
opio = un narcotica abituante, brun rojin e con odor forte, preparada de la jus de la papavera, usada per redui dole o como un droga nonlegal
opioide = un composada simil a opio cual lia a un o plu de tre resetadores en la corpo, usada como un medisin o un droga nonlegal
oplita = (en Elas antica) un peon multe armada
oportun = (un tempo) bon elejeda, o forte favorente o conveninte
oposa = no aproba (un aveni) e atenta preveni lo, tipal par disputa; resiste o refusa segue (un person o sistem); compete contra (algun) en un concurso
oposum = un marsupio american con coda ratin e teninte, e pedes anterior con diton fasante
opresa = reteni (algun) en state sclavin e sufrinte, tipal par la usa nonjusta de autoria; fa ce (algun) senti angusada, ansiosa, turbada o noncomfortosa
-opsia = prosede de esamina
optometria = la esamina de oios per defetos de vide e la prescrive de lentes coretinte
-or = ajuntada per nomi un person ci fa la ata de un verbo, produi o usa un nom, o aplica la cualia de un ajetivo, tipal como sua emplea
ora = un periodo de tempo egal a un dudes-cuatri de un dia e note, e dividable a 60 minutos; un punto de tempo espresada en forma de esta periodos
ora de labora = un parte de la dia en cual persones labora usual; la cuantia de labora cual un person tipal pote fa en un ora
oraculo = (en edas antica) un prete mas o fema ci ia funsiona como un media per solisita avisas, conselas o predises de la dios; (metafor) un person regardada como un autoria nonfalinte sur alga cosa
orangutan = un primate grande, xef solitar, con pelo longa e rojin, brasos longa, e manos e pedes oncin, nativa de Borneo e Sumatra
oranio = un arbor perene con folias cuorin, orijinante en Asia sude-este, cual produi oranias
orania = con color briliante rojin-jala
orania = un fruta grande, ronda e jusosa con casca spesa e briliante rojin-jala
oranieria = un inverneria per cultiva oranios
Oranjestad = la site capital de Aruba
orario = un table de la oras de avenis, como per la arivas e partis de transporta publica, per la lesones a un scola, o per la sesiones a un confere
oratorio = un egleseta, tipal per usa privata; un forma musical de tema relijial
orbicula = la musculo sirca la oio cual clui la palpebras
orbita = (un ojeto o veculo spasial) move en curso curva sirca (un stela, planeta o luna)
orbita = un move orbitante; (en anatomia) la caveta cual conteni un oio
periorbita = (en anatomia) la area sirca la oio e la orbita
orca = un balena con dentes grande e marcas distinguinte de blanca e negra
orcectomia = un sirurjia per estrae un testiculo
orcestra = un grupo grande de musicistes, tipal combinante strumentos de cordeta, venta e percute, e tipal juante musica clasica
orcidea = un planta con flores complicada e tipal ostentosa o strana formida, con labio grande, valuada como orna
orco = un membro de un rasa mital de organismes umanin, descriveda como fea, gerosa e malvolente, orijinante en la obras de JRR Tolkien
ordina = pone (cosas, persones o nomes) en un serie usosa, como par grandia, prestijia, la alfabeta, etc; pone (cosas o persones) en categorias usosa; pone cosas en un modo plasente o bela; encarga (algun) con la cargas de un prete o otra rol relijiosa
coordina = maneja la elementos diversa de (un cosa complicada) per crea un armonia produosa entre los; (un conjunta) junta parolas, espresas o frases cual ave la mesma importa como lunlotra
coordinada = (en matematica) cada de un grupo de numeros usada per indica la loca de un punto, linia, o plana
infraordina = un categoria tasonomial su un suordina
ordovisian = pertinente a la periodo du de la paleozoica, entre la cambrian e silurian
orea = la organo de oia e ecuilibra en umanas e otra vertebratos, spesial sua parte esterna; la organo cual sensa sonas en otra animales
orealeta = un joala portada sur la lobe o borda de la orea
oregano = un planta bonodorosa con folias usada como un spise en cosini; esta spise
Oregon = un stato en la SUA norde-ueste
orexina = cada de la du ormones produida par la ipotalamo de mamales cual pertine a la regula de apetito e dormi
orfan = un enfante cui jenitores es mor
orfisme = un relijio antica asosiada con la poeta mital Orfeo
organdi = un stofa magra, rijida e diafana, de coton, seda o otra fibres
organica = pertinente a, o derivada de, materia biolojial; pertinente a composadas de carbono; produida sin pestiside
organisme = un animal, un planta, o un vivente uniselulal
microorganisme = un organisme microscopial, spesial un bateria, virus o fungo
organiza = coordina la ativias de (un person o grupo) per funsiona como un unia per ateni intendes o goles spesifiada
organo = un parte de un organisme, partal autonom, e con rol spesialida; un strumento musical de teclas, con tubos e pedales
omorganal = (fonemes) pronunsiada a la mesma loca en la boca
organal = pertinente a un organo
organofosforosa = un composada organica sinteseda cual conteni fosfor, tipal un pestiside o venena
organoletica = pertinente a la cualias de un cimical cual on pote deteta con sua sensas
organotrof = (un microbio) oteninte idrojen o eletrones de fundas organica
orgasma = ateni la culmina de stimula sesal, marcada par sentis de plaser consentrada en la jenitales
orgulo = un senti de plaser o sasia grande, derivada de sua propre atenis, o de los con ci on es asosiada, o de cualias o posesedas cual otra persones amira
oria = pertinente a la popla major de la stato barati Orissa, o a sua lingua relatada a bangla
orible = estrema fea o repulsante
orienta = alinia o posa (alga cosa) relativa a la puntos de la busola o a otra cosas spesifiada; ajusta o cambia (alga cosa) per conveni a situas o nesesas spesifiada
origami = la arte nion de plia paper per crea figures ornosa
orijina = comensa en o veni de un loca o tempo o modo spesifiada
orijina = la punto de cual algun o alga cosa comensa o veni
Orinoco, Rio = un rio en America Sude norde cual comensa en Venezuela sude-este e fini en la Mar Atlantica
oriol = un avia en familia de storno cual come fruta e insetos, e cui mas ave tipal plumas negra e briliante jala; un avia american en familia de turdo, con plumas negra e jala o orania
Orion = (en mitos elinica) un xasor jigante ci ia es cambiada a un constela pos mori; un constela representante el a la ecuator de la sielo
oriteropo = un mamal noturna e tunelinte de Africa, con oreas longa, beco tubo, e lingua longa e estendable per come formicas e termites
orix = un antilope nativa de zonas secida de Africa e Asia, con marcas oscur a la fas, e cornos longa e puntida
orizon = la linia longo cual la sielo pare toca la tera o la tetos de construidas
orizonal = paralel a, o pertinente a, la orizon; (un paje o scermo) plu larga ca alta
orjia = un selebra nonrestrinjeda, tipal incluinte un suprabunda de alcol e ativia sesal; (metafor) cualce ativia en cual on regala se sin restrinje
Isolas Orkney = un grupo de isolas en la norde de Scotland
ORL = otorinolarinjolojia
orlo = la borda pliada e coseda de un veste o stofa
ormese = un responde biolojial, jeneral bon, a esposas minor a toxinas
ormon = un materia regulante, produida en un organisme e transportada en licuidas como sangue o sava per stimula respondes de selulas spesifiada; un materia sinteseda simil
ormon tiroidal = un ormon secreteda par la tiroide cual regula la crese e la rapidia de metaboli
orna = decora (un cosa) par ajunta motifes complicada o partes nonesensal
ornito- = avia
ornitolojia = la studia siensal de avias
ornitorinco = un mamal semiacual cual reprodui par ovos, con beco formida como lo de un pato, pedes membranosa e pelo densa, trovada sola en Australia
oro = con la color jala briliante de la metal oro
oro = la elemento cimical con numero atomal 79, un metal valuada per sua usa en joalas e per garantia la valua de mone
orojenia = la prosedes jeolojial cual formi montanias
orolojia = la studia de la mesura de tempo; la arte de fabrica orolojos
orolojo = un aparato per mesura la tempo, indicante oras, minutos e cisa secondos
Orolojo = un constela minor en la sielo sude
oromo = pertinente a un popla de Africa este ci es la etnico la plu grande en Itiopia, o a sua lingua
oroscopo = un predise de la futur de algun, fundida sur la locas relativa de la stelas e planetas a sua nase
ortensia = un arboreta o planta trepante, con testas ronda de floretas peti
orteo = cada de la sinco ditos de la pede; la parte de un sapato o calsa cual covre estas
ortica = un planta erbin, con folias sierin covreda con capeletas picante
orticultur = la arte o pratica de cultiva e maneja jardines o ortos
orto = un cultiveria cual produi vejetales e frutas per la mercato
orto- = reta, vertical
ortodontia = la trata de cualias nonormal en dentes e mandibulas
ortodox = (un person o sua credes) conformante a lo cual on aseta tradisional como vera o bon; manteninte tradisiones
ultraortodox = estrema ortodox
ortogonal = composada de angulos reta; (un varia) statistical nondependente
ortografia = la spele normal o tradisional de un lingua
ortonectido = un membro de un filo peti de animales multe simple, parasitos de nonvertebratos de mar
ortonis = un avia cantante de Australasia, con dorso negra e brun e coda puntida con un spina, preferente abita sur la tera
ortopedia = la ramo de medica cual studia la repara de malformis de osos o musculos
ortxata = un bevida dulse, preparada de ris, txufa o amando, acua, zucar, canela e cisa lete
orzo = un sereal con capelones ru estendente de la spigas, xef usada per prepara bir o como comeda de bestias
osa = es sufisinte corajosa per fa (alga cosa)
-osa = plen de o con multe de (un cosa o cualia)
-osa = zucar o otra carboidrato
osale = un planta european con folias flexin, usada en cosini
oscan = pertinente a un popla de Italia antica, o a sua lingua estinguida
oscur = con poca o no lus; (un color) prosima a negra; ascondeda de conose, o conoseda par poca persones
-ose = maladia o prosede medical
Oseania = un parte de la Tera cual enclui la isolas de la Mar Pasifica e mares bordante
oseanografia = la siensa de la cualias e fenomenos fisical e biolojial de la mares
oselote = un gato savaje con pelo brunin jala, marcada con manxas blanca, nativa de America Sude e Sentral
osena = forte ofendente normas de moralia, spesial en relatas sesal
oserva = persepi (alga cosa) e rejistra lo como sinifiante; regarda atendente (un person o cosa); segue (un obliga sosial, legal, moral o relijial); partisipa en (un rituo)
osese = preocupa o pleni la mente de (algun) en modo continuante
Osetia = un rejion en Caucaso sentral
osidase = un enzima cual catalise un reata de osidi-redui
osidiana = un roca volcanal, dur e oscur
osido = un composada de osijen e un otra elemento o grupo
diosido = un osido conteninte du atomes de osijen
monosido = un osido con un atom de osijen en sua molecula o formula empirical
osidoredutase = un enzima cual catalise reatas de osidi o redui
osijen = la elemento cimical con numero atomal 8, un gas sin color e odor, e la composante de aira nesesada par organismes
diosijen = un molecula comun en aira, composada de du atomes de osijen
osila = move o penduli de ala a asi, o orizonal o vertical
osileta = movi pico a supra e a su, como un ojeto peti flotante en acua; inclina pico sua testa, o plia pico sua jenos, en modo respetosa
osiloscopio = un aparato per vide osilas eletrical a un tubo catodal
osimoro = (un espresa) juntante termas contradisente, como `amarga-dulse` o `solitar en un fola`
osio = tempo libre per recrea, destensa o plaser
osipital = pertinente a la retro de la testa o cranio
osisolda = junta (pesos metal) par caldi los usante un soldador con flama de osijen e asetilen
ositalia = talia (alga cosa) par caldi lo con flama de osijen e asetilen
Ositania = un rejion en la sude de Frans, do on ia parla orijinal la lingua ositan
ositan = un colie de dialetos romanica de Frans sude e rejiones visina en Espania e Italia
osite = un selula en un ovario cual pote developa per formi un ovo
ositono = (un parola) asentuada sur la silaba final
ositosina = un ormon relasada par la ipofise cual aumenta la contraes de la utero en pari e stimula la secrete de lete en la dutos de seno
osiuro = un nematodo peti cual es un parasito interna de vertebratos
osiurose = un infeta par osiuro
Oslo = la site capital de Noria
osmanan = pertinente a la dinastia turces de Osman 1, o a sua ramo de la turceses, o a la impero de sua seguores
osmio = la elemento cimical con numero atomal 76
osmol = un unia de presa osmosal
osmolalia = la consentra de un disolve, espresada como la cuantia de particulas osmosal de la disolveda per cilogram de la disolvente
osmose = la pasa de moleculas de un disolvente tra un membrana semipermeable, de un disolve min consentrada a un plu consentrada, egalinte la consentras a ambos lados; (metafor) la asorbe gradal o nonconsensa de informa
oso = cada de la pesos de texeda dur e blancin cual composa la sceleto de umanas e otra vertebratos; la materia estas es composada
ospisio = un abiteria cual cura maladas, tipal prosima a mori
ospita = bonveni e diverti (visitores) en sua casa, vila o pais; (un loca) furni la recursos per (un aveni)
ospitafix = un servi enliniada per teni e comparti fixes
ospital = un instituida cual furni cura e trata medical e sirurjial a persones malada o ferida
ostaculo = un cosa cual impedi progresa
ostaje = un person saisida per garantia la obedi de un comanda, per esemplo asta un envia de mone o relasa de prisonidas
ostenta = mostra sua cualias, capasias o atenis en modo intendeda per evoca amira o invia
osteolojia = la studia de la strutur e funsiona de osos e la sceleto
osteopatia = la trata de disturbas medical par la manipula e masaje de la osos, juntas e musculos
osteoporose = un maladia en cual la osos deveni frajil, tipal la resulta de cambias ormonal o la manca de calsio o vitamina D
Osteraic = un pais montaniosa sin costa, en Europa sentral
ostetrica = la ramo de medica e sirurjia cual studia e trata femes parinte e enfantes nasente
ostia = un biscoto magra cual representa pan santida en la eucaristia
ostina = continua an si on esperia problemes o falis
ostomia = un crea sirurjial de un stoma artifis en la corpo o un organo
ostra = un de alga bivalvos con concas ru, comeda como un deleta o elevada per perlas
ostrogoto = pertinente a un popla de gotos ci ia concista Italia en la sentenios 5 e 6, o a sua lingua
ostror = un avia costal vadante, con plumas intera negra o blanca-negra e beco orania-roja, xef comente moluscos
ota- = oto
OTAN = Organiza de la Trata de la Atlantica Norde
otano = un idrocarbono flamable e sin color
otante = un oti de la perimetre de un sirculo, o la area encluida par esta e du radios de la sirculo; un strumento antica con esta forma, usada en astronomia e naviga
Otante = un constela minor en la sielo sude
otarda = un avia grande e spesa, capas de core rapida
otario = un mamal acual con corpo idrodinamical e pedes developada como aletas, cual come pexes e reveni a tera per reposa o reprodui
Otaua = la site capital de Canada
Otawa = la site capital de Canada
otava = (un interval musical) de oto grados diatonica, entre du tonos con la mesma nom, do la cuantia de vibras per secondo de la plu alta es la duple de la plu basa
otel = un instituida cual furni un abiteria tempora, comes e otra servis a viajores e turistes
oteni = deveni la posesor de (alga cosa), tipal par compra lo
otica = la studia siensal de vide e la condui de lus, o de la transmete e refleta de otra formas de radia
otima = la plu bon posible
otimisme = un tende de vide la aspeta la plu bon de cosas o persones, o de crede ce avenis va es bon e susedosa; un fida de la futur
otite = un inflama de la orea
oto = 2 multiplida par 4; la numero entre sete e nove
oto- = oto
otal = pertinente a un sistem de aritmetica fundida sur la numero oto
oti- = un oti de
otobre = la mense des de la calendario gregorian
otodon = un familia de rodentes de la sude-ueste de America Sude, noturna, sosial, tunelinte e erbivor
otolarinjolojia = la studia de maladias de la orea e garga
otolito = un calculo pico en la orea interna de vertebratos, cual permete sensa gravita e move
otolojia = la studia de la anatomia e maladias de la orea
otomi = pertinente a un popla de Mexico sentral, o a sua lingua
otorinolarinjolojia = la studia de maladias de la orea, nas e garga
otoscopio = un aparato per esamina la timpan e duto de la orea esterna, tipal con lampa e lentes
otra = (un person o cosa) diferente o distinguida; no la mesma; (la cosa) du (el du cosas listada)
otusa = (un angulo) plu abrida ca un angulo reta; (un ojeto) nonagu; (un sensa o mente) cual persepi lenta o nonclar
oval = con forma ronda e cuasi longida, simil a un ovo; con la forma cual resulta cuando un plana talia un cono a angulo nonreta
ovario = un de la du organos fema de reprodui en cual ovos es produida; (en botanica) la fondo cavetin de la carpel de un flor, conteninte ovulos
ovea = un mamal domada e remasticante, con pelo de lana densa, elevada per sua lana e carne
ovi- = ovo
oviraptor = un dinosauro bipede de la tarda de la cretasica, con mandibula sin dentes, e brasos longa con ditos con garas
OVN = ojeto volante nonidentifiada
ovo = un ojeto ronda o oval, produida par un avia, retil, pex o nonvertebrato, tipal conteninte un embrio; un ovo nonfertilida, tipal de un gal, usada como un comeda; (en biolojia) la selula fema de reprodui en animales e plantas
ovovivipari = produi enfantes par ovos cui enfantes sorti cuando ancora en la corpo de la madre, como en alga serpentes
ovulo = un ovo peti o nonmatur; (en un planta) la parte de la ovario cual conteni la selula fema de reprodui e cual deveni la seme pos fertili
ozon = un gas nonstable, nosiva, sin color, con odor agu e capasias forte de osidi, formida de osijen par descargas eletrical o lus ultravioleta
p = la letera 16 de la alfabeta roman
p. = paje, pajes
pacarana = un rodente de America Sude simil a un cavia, con pelo oscur brun, bandas blanca, e coda corta e pelosa
paci- = densa, spesa
pacidermo = un mamal grande con pel spesa, como un elefante, rinosero o ipopotamo
Pacistan = un pais en Asia sude a norde-ueste de Barat
paco = un contenador e sua contenidas
padela = un casola basa con manico longa
padre = un om en relata a sua enfantes; un jenitor mas
padriside = mata (sua propre padre)
paela = un plato de ris, zafran, gal e comeda de mar, coceda e presentada en un padela grande
pagan = pertinente a la teni de credes relijiosa estra los de la relijios major
neopaganisme = un forma moderna o reviveda de paganisme
pagoda = un templo o otra construida santa de induisme o budisme, tipal un tore con multe niveles, trovada en Barat e Asia este
paia = dona (mone) a algun per sua labora, benes resetada o deta incoreda
pais = un parte de la Tera, como un nasion, teritorio o rejion
Pais Basa = un otra nom per Nederland (la pais moderna)
Paises Basa = un rejion istorial de Europa norde-ueste cual coresponde a la paises moderna Nederland, Beljia e Luxemburg
paises golfal = la sete paises arabi a la Golfo Persian
pajama = un combina de pantalon e camisa comfortosa per dormi; un pantalon laxe usada en alga partes de Asia
paje = un lado de un folia de paper en un colie como un libro o jornal; un presenta simil, vidable a un scermo de un computador
pajo = un person, tipal joven e en uniforma, empleada per aida visitores a un otel o simil; (istorial) un person, tipal joven, empleada como un atendor de un person major; (istorial) un xico resetante instrui en cavaleria; un carta con valua plu grande ca la cartas numerida ma min grande ca un dama
pal = con poca color; con multe lus blanca
pala = un util con un parte cuasi plana e un manico longa, usada per escava o move tera, arena, carbon, etc
paladio = la elemento cimical con numero atomal 46, un metal arjentin blanca e rara
palanca = un bara de fero con un fini platida, usada como un lever
palasio = la abiteria ofisial de un renor, bispo o otra person de grado alta; (metafor) un casa grande e lusosa
palato = la parte de la boca pos la dentes e supra la lingua, cual separa la cavetas de la boca e la nas en vertebratos
palatovelal = (un consonante) velal e palatalida
paleo- = vea, antica
paleografia = la studia de manoscritos antica e de sistemes antica de scrive
paleolitica = pertinente a la parte temprana de la eda de petra
paleontolojia = la siensa e studia de animales e plantas fosilida
paleosene = pertinente a la epoca la plu temprana de la periodo tre de jeolojia, entre la cretasica e eosene
paleozoica = pertinente a la eda entre la precambrian e mesozoica
pali = pertinente a un lingua indoarian antica, relatada a sanscrito, en cual la testos relijiosa de budisme teravada es scriveda
palia = troncetas secida de gran, tipal usada como un comeda de bestias o per tetos, texe o paci
palieta = un tubo streta de plastica o paper per suca un bevida de un vitro o botela
paliaso = un bufon tradisional de Europa
Palicir = la site capital de la Statos Federada de Micronesia
palimpsesto = un paje sur cual on ia rescrive pos sutrae la testo orijinal par frota o lava
palindrom = un parola o frase cual presenta la mesma serie de leteras en ambos dirijes
palisandro = un lenio bonodorosa con pelo refinada, usada per fabrica mobilas e strumentos musical; la arbor de cual esta es produida
Palk, Baia = un baia entre Barat e Srilanca
palma = la surfas interna de la mano entre la polso e la ditos; un arbor perene sin ramos e con corona de folias longa, comun en zonas tropical
palo = un peso de lenio o metal longa, magra e ronda
palo de oro = un planta en familia de margarita, con spigas alta de flores briliante jala
palpa = contata (un ojeto) con la pel; manipula (un ojeto) con un parte de la corpo, tipal la mano
palpebra = cada de la du plias de pel, alta e basa, cual covre la oio cuando on clui lo
palpita = bate o pulsa rapida e forte
pampelmus = un arbor nativa de Asia sude e sude-este; la fruta sitrica grande de esta, simil a un pomelo
pan = un comeda preparada de farina, acua e fermento o otra fermentante, miscada e fornida
pani = covre (alga cosa) con picos de pan ante coce lo
pan- = incluinte tota
Pan = (en mitos elinica) un dio de la manadas, regardada como un om con cornos, oreas e gamas de capra
Panama = un pais en America Sentral, entre Colombia e Costa Rica, e la loca de la canal entre la mares Atlantica e Pasifica; la site capital de la pais Panama
Golfo Panama = un golfo a ueste de Panama
Istmo Panama = la banda streta de tera entre la Mar Caribe e la Mar Pasifica, conteninte Panama e liante America Norde e America Sude
panarabi = pertinente a tota nasiones arabi
pancreas = un glande grande ante la stomaco cual secrete enzimas de dijesta a la duodeno e la ormones insulina e glucagon a la sangue
panda = un mamal ursin negra e blanca, nativa de la forestas de la montanias de Jonguo
pandemia = un maladia estendente tra un pais intera o tra la mundo
pandion = un avia ci come pexes, con dorso, alas e coda brun, e testa e adomen gris
Pandjab = un rejion de Barat norde-ueste e Pacistan norde-este, un plano larga e fertil traversada par la Rio Indo
Pandora = (en mitos elinica) la fem mortal prima creada par Zeus, ci ia relasa malia de un caxa an pos es avisada contra abri lo
panel = un peso de lenio, vitro, metal, carton o otra materia magra e tipal retangulo; un rejion simil en un parte de un paje de paper o de la interede
panenteisme = la crede ce Dio inere en cada parte de la universo e estende ultra lo
pangolin = un mamal de Africa e Asia con corpo covreda par scamas cornin, testa peti con beco longa, e lingua longa e aderente per catura formicas e termites
panial = un teleta ijienal per noncontenintia
panica = senti o fa ce (algun) senti un teme o ansia subita e noncontrolable, tipal con condui nonrazonada e confusada
panorama = (un camera o otra aparato) move tra un plana orizonal o vertical, tipal per dona un efeto vasta o per segue un sujeto; (un sona en un rejistra stereo) move a destra o sinistra
pantala = un veste cual covre la corpo de la taie o anca asta la coxas o jenos, con tubo separada per cada gama
minipantala = un pantala estrema corta; un vesteta de forma simil
pantaleta = un veste interna cual covre la jenitales, tipal la gluteos e a veses la coxas
pantalon = un veste esterna cual covre la corpo de la taie o anca asta la talos, con tubo separada per cada gama
Pantalone = un carater tradisional en comedia del arte
pantan = un rejion de tera basa, acuosa e noncultivada
panteon = la colie de tota dios de un popla o relijio; un construida dedicada a la mores importante de un nasion
pantera = un leopardo negra
pantofla = un sapato lejera e comfortosa, portada en casa
pantograf = un aparato de desinia per copia formas, con un proportio spesifiada, par un prosede omotesal
pantomima = un diverti teatral, con musica, comedia fisical e bromas sur avenis corente, tipal presentada sirca natal
papa = (nonformal) padre
papagaio = un avia, tipal colorosa, con beco corta e curvida a su, popular como animal de casa
papagaio de mar = un avia de mares norde e artica con testa grande e beco grande e colorosa
papaio = un arbor cual produi papaias
papaia = un fruta tropical simil a un melon longida, con pulpa orania comable e semes peti e negra
paparazo = un fotografiste libre ci xasa selebradas per fotografi los
papavera = un planta con flores ostentante, sava letin e capsulas ronda de semes, de cual alga conteni la cimical per prepara opio
pape = la bispo de Roma e la xef de catolicisme
paper = la materia fabricada en folias magra de la pulpa de lenio o otra materias fibrosa, usada per scrive, desinia o primi, o como un materia per paci; un folia o paje de esta
papiamentu = un creol espaniol con ajuntas de portuges e nederlandes, parlada en la isolas Aruba, Bonaire e Curasau
papila = un bulteta a un parte o organo de la corpo; un bulteta sur un planta
papilio = un ordina de insetos con cuatro alas con marcas distinguinte e larvas en forma de erugas
papiro = un planta acual de cual on produi un forma de paper; esta paper, orijinante en Ejipte antica; un testo scriveda sur un tal paper
papo = un parte de la sistem de dijesta de multe avias e alga otra animales per reteni comedas ante continua dijesta
paprica = un planta trepante con bacas de cual on fabrica un spise roja; esta spise
Papua Gine Nova = un pais en la Mar Pasifica ueste cual inclui la dui este de la isola Gine Nova e alga otra isolas visina
Golfo Papua = un golfo a sude de Papua Gine Nova
papula = un bulteta, tipal un parte de un eruta inflamada de la pel
par = indicante la ajente de un ata, la causa de un efeto, o la creor de un obra
par = indicante la modo en cual alga cosa es fada o transportada
par = indicante la cuantia du en un multipli
par = indicante la grandia o cualia de un difere
par = indicante un dio o cosa santa a cual on clama en un esclama
para = (un move o otra ata fisical) sesa aveni
para = fa ce (un aveni, ata o prosede) fini; fa ce (un cosa) sesa move; preveni (un ata o aveni); preveni (algun) de ata o ateni un gol
parabaleta = un scermo o veste per proteje contra baletas
parabomba = un strutur sufisinte forte per tolera la esplode de un bomba
parabus = un loca do un bus pausa abitual per aseta pasajores
paracade = un stofa cual deveni plen de aira e lenti la cade o move de un person o cosa
paracolico = un droga usada per lejeri spasmas musculal
paracolpa = un bara orizonal a la fronte o retro de un veculo per redui la dana en un colide
paraconstipa = un droga cual fasili la vacui de la intestines
paracua = un contenador cual acua no pote permea; un veste de cauxo, portada per caldia en acua
paradeluvia = un colineta o porton construida per preveni ce un rio supraflue
paradiarea = un droga per lejeri diarea
paradole = un droga cual lejeri dole
parafango = un covrente per un rota cual proteje la resta de un veculo contra salpicas de mugre
parafebre = un droga cual lejeri o preveni un febre
paraflama = un sustantia cual preveni la arde de un cosa conteninte lo
parafoco = un porte o mur cual preveni la sperde de un focon; un sistem de computador cual impedi asedes nonpermeteda ma permete comunicas a esterna
parafola = un parador per controla la flue de un fola grande de persones
paragasta = un borda cual preveni ce un stofa deveni destexeda
paragota = un peso de suber o materia simil per proteje un table contra gotas de un vitro
paragravita = un covretota portada par avionores e astronautas ci esperia aseleras grande
parajela = un licuida cual on ajunta a acua per basi sua temperatur de jela, tipal usada en la radiador de un veculo de motor
paralampa = un covrente usada per suavi o dirije la lus de un lampa
paralampo = un peso de metal fisada a un parte esposada de un construida per diverje lampo a la tera
paramar = un mur longa cual preveni deluvias par la mar
paramorde = un aparato cual covre la beco de un animal per preveni ce lo morde; (metafor) un situa cual impedi ce un person parla libre
paramoscito = un grilia metal o plastica, covrente un fenetra per preveni ce moscitos entra; un rede contra moscitos
paransia = un droga cual lejeri ansia
parapluve = un stofa sirculo sur un strutur pliable con basto sentral, tenida per proteje contra pluve
paraporte = un ojeto pesosa usada per preveni ce un porte clui; un ojeto cual preveni ce un porte colpa un mur
parario = un ostaculo construida per reteni acua e leva sua nivel, forminte un lago usada per jenera eletrica o per furni acua
parasangue = un sustantia cual para sangui si on aplica lo a un feri
parasol = un stofa sirculo sur un strutur pliable con basto sentral, tenida per proteje contra sol
parasuo = un sustantia aplicada a la pel, tipal su la brasos, per preveni o redui sui
paratose = un droga cual lejeri o preveni tose
paraventa = un scermo de vitro a fronte de un veculo; cualce scermo contra la venta
paravide = un mobila o cosa natural cual asconde un ojeto o loca
paraxoca = un aparato cual asorbe vibras, tipal un parte de un veculo
para- = a un lado de, simil a, a ultra, aidante
parabola = un raconta corta e alegorial; un curva simetre e abrida, formida par la crusa de un cono con un plana paralel a sua lado
parade = fa un prosegue publica, tipal per selebra un dia o aveni spesial; (soldatos e veculos militar) marxa formal; (persones o cosas) apare la un pos la otra en serie
paradiso = (en alga relijios) la sielo como la abiteria de la mores virtuosa; (en la nara biblial de la crea de la mundo) la jardin de Eden, do Adam e Eva ia abita ante la cade; (metafor) un loca o state ideal
paradox = un declara o proposa cual, an si lo pare lojical derivada de premisas asetable, ateni un conclui cual pare sin sinifia, lojical nonasetable, o autocontradisente; un declara o proposa cual pare asurda o autocontradisente ma cual, cuando esaminada o esplicada, pote deveni vera o lojical
parafilia = un state psicolojial, marcada par desiras sesal nonormal, tipal envolvente atas estrema o perilosa
parafina = un solida flamable, blancin, diafana e sirin, composada de un misca de idrocarbonos saturada, otenida par la distila de petrolio o xel e usada en candelas, cosmeticas, sira per brilia, e composadas per seli e securi contra acua
parafrase = espresa la sinifia de (un scrivor, parlor o alga cosa scriveda o parlada) usante otra parolas, tipal per ateni plu claria
paragraf = un parte distinguida de un testo, comun sur un sola tema, e indicada par un linia nova, un indente o un numero
Paraguai = un pais sin costa en America Sude sentral, entre Bolivia, Arjentina e Brasil
paralax = la efeto par cual la loca o dirije de un ojeto pare difere cuando videda de locas diferente, como tra la lente de un camera; la angulo de esta en un caso spesifiada, tipal de un stela cuando videda de locas diferente en la orbita de la Tera
paralegal = pertinente a partes minor de la lege
paralegaliste = un person instruida sur cosas paralegal ma sin capasia de avocato
paralel = (linias, planas, surfases o ojetos) a lado de lunlotra e con sempre la mesma distantia entre los; aveninte o esistente a la mesma tempo o en modo simil; (en informatica) envolvente funsionas simultan; (en eletrica) pertinente a sircuitos juntada a puntos comun, e no la un a la otra en serie
paralelepipedo = (un solida) de cual cada fas es paralelogram
paralelogram = un forma plana de cuatro lados, tal ce la lados oposada es paralel
paralimpial = pertinente a la Juas Paralimpial
Juas Paralimpial = un aveni internasional de concursos major per atletas descapasida
paralise = fa ce (un person o parte de la corpo) deveni partal o completa noncapas de move; fa ce (algun) no pote pensa o ata normal, tipal par causa panica o teme; fa ce (un sistem o organiza) sesa funsiona par causa un disturba o caos
paralise de dormi = un paralise tempora en adormi o velia
Paramaribo = la site capital de Suriname
paramesio = un animal uniselulal, abitante acua dulse e covreda con silios
parametre = cada de la fatores cual defini un sistem o constrinje sua funsiona
paramnesia = un disturba de memoria en cual on pare recorda situas cual no ia aveni, o no pote distingui entre sonias e realia; un senti de ja videda
paramnesica = un person afetada par paramnesia
Parana, Rio = un rio en America Sude cual comensa en Brasil sude-este e fini en la Rio de la Plata
paranoia = un state mental, distinguida par deludes de persegue, jelosia nonrazonada o importa nonmeritada, tipal detaliada como un sistem organizada; suspeta e desfida de persones o sua atas sin atesta o justi
parapente = un tipo de paracade usada par sportores per lisca tra la aira
parapeto = un mur basa longo la borda de un teto, ponte o balcon; un mur de tera longo la alta de un foso, per proteje soldatos
paraplejia = un paralise de la gamas e corpo basa, tipal causada par un maladia o feri de la spina dorsal
parasetamol = un cimical sinteseda, usada como un droga per lejeri e redui febres, comun consumada en forma de pil
parasito = (un organisme) vivente en o sur un otra organisme (sua ospitor) e beneficante par estrae nurintes en modo cual dana la ospitor
parasito = un organisme cual vive en o sur un otra organisme (sua ospitor) e benefica par estrae nurintes en modo cual dana la ospitor; un person ci esplota la jenerosia de otras sin resiproci lo
ectoparasito = un parasito cual abita a esterna de un ospitor
endoparasito = un parasito cual abita a interna de sua ospitor
parasiti = es un parasito de (un animal o planta); vive a custa de (algun); profita de (algun)
parasitolojia = la studia de parasitos
parazon = un membro de un clado de animales cual ave selulas distinguida ma no texedas o organos
parca = un jaca pesosa per usa en clima multe fria, plenida con peluxeta e avente un capeta con fore de pelo
parce = un jardin publica usada per recrea; un rejion grande mantenida en un state natural per usas publica o per conserva animales savaje; un rejion reservada per un intende spesifiada
parcimetre = un aparato de cual on compra un permete de parci un auto per un tempo definida
parceta = un solo composada de brices de lenio, organizada con motif jeometrial
parcur = la ativia o sporte de move rapida tra un ambiente urban, par core, salta e trepa
pardalote = un avia cantante peti de Australia con beco corta, tipal con marcas o bandas blanca sur sua alas e corona oscur
pardona = sesa senti coler o odiosa a (algun) per un ofende, fali o era; sesa senti coler a algun per (un ofende, fali o era); cansela (un deta); relasa (un ofendor) de la resultas legal de un ofende o condena
pare = presenta la idea o sensa de es (alga cosa) o ave (un cualia)
parentese = inserta (un parola o proposa completa) en un frase, tipal entre brasetas, linietas o virgulas, per esplica o comenta acel frase, como en `"Me va veni" – el dise – "doman"` o `Dr Bobo Majiste (si, acel ia es sua nom!) ia bonveni me a sua biblioteca`
parfe = un deser composada de niveles de crema jelada, frutas, etc, servida en un vitro alta; un deser calda e rica, composada de crema bateda, ovos e tipal frutas
parflexa = un ojeto cultural amerindian, fabricada de la pel de un bison, spesial un saco
parfum = un licuida bonodorosa, tipal preparada de olios esensal estraeda de flores e spises, usada per dona un odor plasente a la corpo o vestes
pari = (un madre) fa ce sua bebe nase
ovipari = produi enfantes par ovos poneda par la fema
paria = un person escluida de un grupo sosial; (istorial) un membro de un caste basa en Barat sude
Paria = un rejion de Venezuela
Golfo Paria = un golfo entre Venezuela e Trinidad
pariete = un mur de un caveta de corpo o de un contenador; un fas natural de roca o simil
parietal = pertinente a un mur de la corpo, caveta de corpo o otra strutur vacua
Paris = la site capital de Frans
parla = dise (parolas) per espresa informa, un opina o un senti; conversa; comunica en o es capas de comunica en (un lingua spesifiada); fa un presenta formal a escutores o en un debate
parlamania = un maladia mental en cual un person parla estrema multe
parlor de adio = (en alga paises) un person ci fa la parla cluinte en un rituo de gradua o simil, tipal la studiante ci ia reseta la grado la plu alta en sua esaminas
parlamento = la institui la plu alta per crea leges en un nasion o stato
parmesan = un ceso dur e seca, tipal raspada sur comedas italian
paro = un avia cantante peti ci xasa jinastin insetos entre folias e ramos
parocia = (en cristianisme) un distrito peti con sua propre eglesa e prete o pastor
parodia = imita la stilo de (un artiste, scrivor o jenero) en modo comica esajerada
parola = un elemento de parla o scrive, distinguida e sinifiante, usada con otras per formi un frase e tipal scriveda o primida con un spasio a cada lado
parositono = (un parola) asentuada sur la silaba ante la silaba final
parotida = un de la du glandes grande de saliva situada ante la oreas
parotidite = un inflama de un parotida
parsec = un unia de distantia usada en astronomia, egal a sirca 3,26 anios de lus
parte = alga ma no tota de un cosa; un peso de un ojeto, ata o periodo de tempo cual formi un intera cuando on combina lo con otra pesos; un elemento o composante de alga cosa cual es esensal a sua natur; un composante de un macina
bipartal = composada de du partes
parteni = es poseseda par; es un membro o parte de (un grupo, organiza o clase)
partenojenese = reprodui de un ovo sin fertili, tipal como un prosede normal en alga nonvertebratos e plantas simple
parti = vade a via (de un loca, grupo, person, etc)
a parti de = indicante la orijina spasial o tempal de un ata o situa
reparti = parti denova; parti per revade a la loca de cual on ia veni
Partia = un rena antica a la sude-ueste de la Mar Caspio
particula = un peso pico de materia
nanoparticula = cualce particula microscopial con min ca sirca 100 nanometres de diametre
partisan = prejudosa per o contra un caso, grupo o person
partisipa = es envolveda en (un ata o aveni)
partisipio = un parola formida de un verbo e usada como un ajetivo
partito = un grupo political; un person o grupo de persones ci formi un lado en un contrata o disputa
bipartital = pertinente o acordada par du partitos
multipartital = con plu ca un partito
tripartital = pertinente o acordada par tre partitos
partitur = un representa scriveda de un composada musical cual mostra tota voses e strumentos; un composada musical per un filma o simil
parxea = repara (un veste o simil) par ajunta un peso peti de stofa nova; (en informatica) ajunta o cambia (un parte peti de la codigo) per repara o boni un program
parxea dinamical = (en informatica) un ajusta o estende tempora fada par un program a la condui normal de un biblioteca cual lo usa
pas = calmia, cuietia e libria de turba; libria de gera o viole
pasa = move de un loca o state a un otra; (un periodo de tempo) aveni, sesa es presente
pasa = move se a ultra (alga cosa); move (alga cosa) a un otra loca o state; usa o spende (un tempo) en un ocupa spesifiada
pasaporto = un documento ofisial donada par un governa cual indica la identia de la posesor e sua sitadania, e permete ce el viaja a e de paises stranjer su la proteje de la governa
pasatempo = un ata cual on fa en sua tempo libre
pasada = completida, finida; presedente, plu temprana
pasaje = la ata de move tra, su, supra o ultra alga cosa, en via de un loca a un otra; un viaja o permete per viaja; un via interna o streta; un parte de un testo o musica
pasaro = un avia peti de la mundo vea, tipal con plumas brun e gris; un otra avia cual sembla esta en grandia o color
pascal = la unia internasional de presa
pascua = la festa la plu importante de cristianisme, cual selebra la revive de Jesus Cristo
Isola Pascua = un isola en la Mar Pasifica sude-este, a ueste de e governada par Txile, famosa per sua scultas grande de testas umana
pasea = move usante sua pedes, en modo min rapida ca core
paseamania = la pasatempo de pasea per distantias longa, tipal tra campania o forestas
sircopasea = pasea lenta e ritual sirca (un sculta santa, un monumento, un mausoleo, etc)
pasiente = capas de tolera un retarda o sufri sin deveni coler o turbada
pasiente = un person ci reseta o es preparada per reseta trata medical; (en gramatica) la rol semantical de un sintagma nomin cual indica la cosa afetada par la ata de un verbo
pasifica = pertinente a la Mar Pasifica o a la paises con costas a lo
Mar Pasifica = la mar la plu grande, entre America a la este e Asia e Australia a la ueste
pasiflora = un planta trepante de zonas calda, con flores cual misionores ia interprete como simboles de la crusi de Jesus Cristo
pasigrafia = un sistem de scrive en cual cada simbol representa un conseta, en loca de un parola o serie de sonas, intendeda como un lingua internasional o filosofial
pasion = un emosia forte e cuasi noncontrolable; un desira sesal intensa; un zelo intensa
pasiva = asetante o permetente lo cual aveni o lo cual otras fa, sin resiste o responde ativa; (un verbo) indicante un ata cual es fada a sua sujeto
pasivi = deveni pasiva; (un sustantia) deveni min afetada o corodeda par la ambiente
pasivi = fa ce (un person, o un verbo o frase) es pasiva
paso = un move de un pede ante la otra cuando on pasea o core; un ata en un serie dirijeda a un gol
paspie = un dansa simil a un minueto rapida, popular en la sentenios 17 e 18
pasta = un materia densa, mol e umida, tipal produida par misca ingredientes seca con un licuida; un tal materia usada per produi pan, tortas, talietas, etc
pastetas = pesos de pasta comable cual composa un plato de pasta
pastel = con un tinje de color delicata
pasteuri = caldi (lete, vino, etc), o sterili lo en otra modo, per redui la cuantia de baterias
pastinaca = un radis vejetal cual es crema, longa e diminuinte, con sabor dulse; la planta cual produi esta
pastis = un licor de anis ositan, cual on bevi con un ajunta de acua fresca
pastix = un obra de arte o musica cual imita un otra obra, artiste o periodo; un obra cual es composada de pesos prendeda de fontes diversa
pasto = un rejion de tera covreda con erbas e otra plantas corta per nuri animales como boves, oveas, etc
pastrami = carne de bove fumigada, forte spisida e tipal magra taliada
Patagonia = un plano grande e seca, estendente de la rio de Colorado en Arjentina sentral a la Streta Magallanes e de la Andes a la costa atlantica
patajio = un membrana de pel laxe entre la gamas de alga animales cual permete ce los lisca
patata = un tuber amidonosa cual es un de la cultivadas la plu importante, coceda e comeda como un vejetal; la planta cual produi esta
pate = un pasta rica e saborosa, preparada de ingredientes axida a picos o maxada, comun carne o pex spisida
patenta = oteni de un autoria governal un lisensa, direto o titulo per (un inventada) per un periodo, tipal la direto per fa, usa o vende la inventada
paternalisme = la politica de restrinje la libria e obligas de sua suordinadas o dependentes per benefica los
-patia = dole o otra state medical
patin = un bota con lama a la fondo, usada per move sur jelo; un bota o aparato con cuatro o plu rotas peti, usada per move sur un surfas dur
patina = un peleta verde o brun a la surfas de bronze o otra metal
patio = un rejion, tipal paveda, estra o ensircada par un casa, serca o otra construida
pato = un avia de acua con beco larga, gamas corta e pedes membranosa
pato- = maladia
patojen = (un bateria, virus o otra microbio) capas de causa un maladia
patolojia = la siensa de la causas e efetos de maladia
emopatolojia = la studia e trata de la selulas ematopoiesal
psicopatolojia = la studia siensal de disturbas mental
patriarca = la om xef de un familia o tribu
patrilinia = un linia de familia cual segue la padres
patrilocal = (un sposia) en cual la sposes abita con la familia de la sposo
patriota = avente o espresante un dedica a e suporta forte per sua pais o nasion
patrisio = (en Roma antica) parteninte a la familias composante la popla roman ante la developa de la clase de comunores, o (plu tarda) a la clase alta de sitadanes roman con direto de membria en la Senato
patrolojia = la studia de la obras de la scrivores cristian antica (la "padres" de la eglesa); la colie de esta obras
patron = un peso formida de metal, lenio, plastica, carta, paper o otra materia, usada per gida la crea de formas cuando on pinti, talia, fora, etc; un suportor finansial de un artiste o un otra emprende
patrulia = garda o atende (un rejion) par pasea o viaja sirca o tra lo
patxinco = un forma nion de la jua pinbal
patxisi = un jua barati de table per cuatro persones, en cual peones move sirca un curso con forma de crus, seguente lansas de dados o concas de cauri
paund = la unia de mone en la Rena Unida
pausa = (un ata o parla) sesa tempora
pausa entre atas = un pausa entre du atas de un teatral
pavana = un dansa lenta e diniosa de la sentenios 16 e 17; un musica per esta
pave = covre (un rejion) con beton, asfalto, petras o brices
pavilion = un construida tipal peti, per un usa spesial como consertas o presentas teatral, tipal locada en un jardin o parce; un tenda grande per un aveni spesial
pavlova = un deser composada de un funda o casca de merenge, plenida con crema bateda e frutas, nomida per Anna Pavlova, un dansor rusce
pavo = un avia grande, tipal domada, de America Norde, con testa calva, valuada como un comeda, spesial per natal e la festa de grasia
pavon = un avia grande cui plumas de taie mas es longa e briliante tinjeda
paxtu = pertinente a la popla de Afganistan e rejiones norde de Pacistan, o a sua lingua
PC = personal computador
pd. = per dise
pe. = per esemplo
peaje = paia per usa un via o ponte, o per asede un loca ueb
peaje = fa ce (algun) paia per usa un via o ponte, o un loca ueb
peca = un ata regardada como un fali, ofende o omete seria, o un viole de lege divin
pecan = un noza lisa e brun con cor comable; un arbor cual produi esta
pecari = un mamal porcin e sosial, trovada de la SUA sude-ueste asta Paraguai
peco = un te negra de cualia alta, preparada de folias joven
pectina = un polisacarido jelatin, trovada en frutas matur
pedagojia = la metodo e pratica de ensenia, tipal como un sujeto academial o conseta teorial
pedal = un lever operada par un pede, usada per controla o propulsa un veculo, aparato o strumento
pedante = tro atendente a detalias e regulas minor
pede = la parte la plu basa de la gama, su la talo, sur cual un person sta o pasea; la organo simil en otra animales; la funda simil de un vaso o vitro; la parte simil de un table; un mesura de longia egal a 30,48 cm; un unia de metrica en poesia
-pede = ajuntada a un numero per descrive un ojeto o animal cual ave acel cuantia de gamas
bipede = (un animal) paseante sur sola du gamas
cuatropede = (un animal) con cuatro pedes
milpede = un nonvertebrato con corpo longa de multe sesiones, de cual la plu ave du duples de gamas
pedi cadente = cade (un bal) e pedi lo cuando lo colpa la tera
sentopede = un nonvertebrato xasante con corpo longo e plata composada de multe sesiones, de cual la plu ave un duple de pedes
trepede = con tre pedes o suportadores
pedestal = la funda par cual un sculta, obelisce, colona, lavabo o vason es suportada
pediatria = la ramo de medica cual pertine a enfantes e sua maladias
pedicura = trata cosmetica (la pedes e ungias de orteos)
pedionom = un avia con coda corta, simil a un coturnix, de la savanas de Australia sude-esta
pedo- = enfantes
pedofilia = un atrae sesal a enfantes
Pedrolino = un carater tradisional en comedia del arte
pega = un resina negra e viscosa, usada per preveni la permea de acua
Pegaso = un cavalo mital volante con alas; un constela en la sielo norde
pel = la strato magra de texeda cual formi la covrente natural esterna de la corpo de un person o animal; esta texeda, tanada o preparada per usa, a veses con pelo o lana ancora afisada
pelagra = un maladia resultante de un nonsufisi de niasina o triptofan, causante dermatite sever, diarea e dementia
pelican = un avia de acua, grande e sosial, con beco longa, plumas blanca o gris, e un pox de garga estendable per catura pexes
pelo = la capeles corta, magra e suave de alga animales; la capeles cual crese sur la fas o corpo umana; la capeles o fibres a la surfas de stofa o cuoro suave; la posa de fibres en lenio, paper, etc
Peloponeso = la penisola grande en la sude de Elas
pelota = un sporte euscara o espaniol, juada con un mur, un bal e racetas fisada a la manos
peltre = un metal gris, aliada de stanio con cupre e antimonio
pelux = un stofa lusosa de seda, coton, lana o un combina de estas, con pelo longa e suave
pelvis = la strutur grande de oso prosima a la funda de la spina a cual la gamas es ajuntada
pemfigo = un maladia de la pel marcada par bulas acuosa
pen = un strumento de metal, plastica o pluma per scrive o desinia con inca
penal = pertinente a la puni de prisonidas e criminores en la sistem legal
Penas, Golfo = un golfo a ueste de Aisen en Txile
pende = es suportada de supra, sin toca la tera o solo
pende = fa ce (un cosa) pende; mata (algun) par suspende el par un corda sirca sua colo
pendejacon = un cavil o onca per teni un jacon
pendeveste = un arco de metal, lenio o plastica, con un onca a la apico, de cual on pende vestes per manteni los en bon forma
pendexapo = un palo o otra strutur con oncas grande per teni xapos
pendulo = un pesa pendeda e libre movente, tipal usada per regula un orolojo; un seja suspendeda par cordas o cadenas
pene = un tipo de pasta en la forma de tubos corta
penetra = forsa un via a en o tra (alga cosa)
-penia = manca de un cosa esensal
penis = la organo mas de reprodui en vertebratos alta, cual conteni la duto cual transporta spermas en copula e (en umanas e la plu de otra mamales) es composada de texeda erijable e ance usada per elimina urina; la organo simil en alga nonvertebratos, como gastropodos
penisilina = un grupo de antimicrobiales natural produida par alga mofos blu, ma aora usual preparada en modo artifis
penisola = un peso de tera cuasi ensircada par acua, o estendente en la mar o un lago
Pennsylvania = un stato en la SUA norde-este
penombra = la rejion partal ombrida a la borda de un ombra
pensa = dirije sua mente; usa sua mente per formi (ideas); imajina (un situa real o posible); ave (un opina, crede o idea) sur algun o alga cosa
Pensilvania = Pennsylvania
pension = un paia periodal donada par la governa o un reserva de investi a persones jubilada
penta- = sinco
pentadatilo = (un membro de vertebrato) con sinco ditos
pentagram = un grupo de sinco linias paralel con spasios a entre, sur cual notas musical es scriveda; un stela con sinco puntos, desiniada par scrive un linia con sinco partes reta, tipal usada como un simbol mistica o majial
pentametre = un linia de poesia composada de sinco pedes; (en poesia latina e elinica antica) un linia de du duis, de cual cada ave du pedes e un silaba longa
pentecoste = la festa cristian cual selebra la desende de la Spirito Santa a la disiplos de Jesus pos sua asende a sielo
pentecostal = pertinente a pentecoste o pentecostalisme
pentecostalisme = un seta de cristianisme protestante cual asentua la esperia direta de Dio tra batiza con la Spirito Santa
pentobarbital = un droga narcotica e calminte, istorial usada per lejeri insonia
penultima = (un silaba) direta ante la silaba ultima
antepenultima = (un silaba) du ante la silaba ultima
peon = un laboror noninstruida o nonlibre; un soldato de grado minima; (en xace) la peso con la min valua
peonia = un planta de zonas temperada norde, cultivada per sua flores ostentosa
peote = un cacto peti, mol, blu-verde e sin spinas, de Mexico e la SUA sude; un droga alusinal preparada de esta, cual conteni mescalina
peper = un spise comun de sabor agu e calda; un vite trepante con bacas cual on pote seci per produi esta
peperomia = un planta tropical peti, con folias pulposa
peperon = un planta tropical de America con frutas comable; la frutas diversa de esta, de cual alga ave un sabor calda
pepita = un masa peti de oro o otra metal; un masa peti de un comeda
-pepsia = dijesta
pepsin = la enzima xef de dijesta en la stomaco, cual rompe protenas a polipeptidos
peptido = un composada de du o plu aminoasidas liada en un cadena
neuropeptido = cada de un grupo de polipeptidos corta cual ata como neurotransmetadores
polipeptido = un polimer organica linial composada de un cuantia grande de la restas de aminoasidas liada en un cadena, e cual formi un parte o tota de un molecula de protena
per = con intende de; beneficante
per = intercambiada con
per = (en mesuras de rapidia e simil) en cada (de la unias spesifiada)
per = suportante o representante (un promove)
per = indicante la longia de un periodo de tempo o distantia tra cual on intende pasa
per = no plu tarda ca (un tempo spesifiada)
per- = tra, tra tota; (en cimica) con la masima de alga elemento en combina
perca = un pex comable de acua dulse, con pina dorsal alta e spinosa, baras vertical oscur sur la corpo, e pinas basa orania
percal = un stofa refinada de coton o poliester, tipal usada per telones
perce = per cual razona o intende; par cual causa
percore = traversa (un distantia o loca); viaja longo (alga curso)
percute = bate (un strumento) per dona un ritmo a musica; (en medica) bateta sur (un parte de corpo) con dito o strumento per diagnose
perde = sesa ave o reteni (un cosa); deveni privada de (un person o cosa); no gania (un batalia o concurso); ariva tro tarda per usa (un veculo)
perde se = (algun) no trova plu sua via; no sabe plu do on es; (metafor) deveni profonda asorbeda en alga taxe
perdis = un fasian xasada con coda corta e plumas brun
perdis blanca = un fasian de zonas artica e montaniosa, con gamas e pedes plumosa cual cambia tipal a blanca en la inverno
peregrina = viaja o vaga de loca a loca; viaja a un loca asosiada con un person o cosa bon conoseda o respetada
peregrinor = un person ci peregrina; un falcon forte ci abita xef montes e falesas costal
perene = permanente tra tempo longa, o sempre reveninte; (un planta) vivente tra plu ca un anio; (un person) sempre ocupada par un rol o modo de vive spesifiada; (un rieta o fonte) fluente tra la anio intera
perfeta = con tota la elementos o cualias nesesada o desirada; tan bon como posible; sin alga fali o defeto; intera coreta; multe conveninte; esata
perfora = (un ojeto puntida e agu) vade en o tra (un cosa); fa (un fora) con un strumento agu; fa un fora en (la oreas, nas o otra parte de corpo) per porta joalas en lo; crea un fora o tunel tra; forsa o corti un via tra
performa = fa un presenta de (un musica o teatral, tipal ante regardores o escutores); responde eficas a solisitas; funsiona bon en sua labora
pergamin = un materia rijida, plata e magra, fabricada de la pel preparada de un animal e usada como un surfas durante per scrive en edas antica e medieval; un manoscrito scriveda sur esta materia; un paper tratada per sembla esta materia e usada como un paralampa, un surfas per scrive, e en forni
pergola = un arco en un jardin o parce, construida de un sceleto covreda con plantas trepante; un alcova ombrida en un jardin, con lados e teto formida par arbores o plantas trepante sur un sceleto de lenio
peri = usa o consuma estravagante, sin cura, o sin resulta intendeda; fali usa bon o completa; usa en modo fol; permete ce (un oportun) pasa o es perdeda
peri- = sirca, prosima
pericardio = la membrana encluinte la cor
pericardite = un inflama de la pericardio
perielio = la punto en la orbita de un planeta, asteroide o cometa do lo es la plu prosima a la Sol
periferia = la borda o limitas esterna de un rejion o ojeto; un rol min importante en un ativia, grupo o sujeto
perifrase = espresa (un sinifia) par parolas nondireta o multiple
perijeo = la punto en la orbita de la Luna o un satelite do lo es la plu prosima a la Tera
peril = la posible de sufri dana o feri; un person o cosa cual pote causa dana o feri; la posible de un aveni nondesirada o nonplasente
perila = un planta asian en familia de menta, con usas en medica e cosina
perimetre = un linia continuante cual formi la borda de un forma jeometrial cluida; la borda de un forma jeometrial sirculo; la distantia sirca alga cosa; la borda de un rejion o ojeto; la borda defendeda de un base militar
perineo = la area de corpo entre la ano e la scroto o vulva
periodo = un sesion de tempo; un parte de la vive de un person, nasion o sivilia, con cualia spesifiada; (en jeolojia) un divide major de tempo, plu ca un epoca ma min ca un era
periodontia = la ramo de odontia cual studia la strutures ensircante e suportante la dentes
periscopio = un tubo conteninte mirores o prismas, permetente ce on regarda ojetos de un loca plu alta
peristalsia = la constrinje e relasa nonvolente de la musculos de un intestin, esofago o otra canal, creante un move ondin cual puia la contenidas a ante
peristilo = un galeria de colonas sirca un construida, a interna o a esterna
peritoneo = la membrana serosa cual fore la caveta de la adomen e covre la organos adomenal
perjura = menti intendente cuando on atesta a un corte
perla = un masa dur, sfera e briliante, tipal blanca o bluin gris, formida en la conca de un ostra o otra bivalvo, valuada como un jem; un imita artifis de esta
perma = prepara (la capeles) en ondas o risas e trata (los) con cimicales afin la stilo permane per alga menses
permacultur = la developa de ecosistemes cultival sustable e autosufisinte
permajelada = un strato de tera cual es jelada tra la anio intera
permane = continua esiste; resta en la loca cual on ia ocupa; resta pos cuando otras o otra partes ia es completida, usada o tratada
permea = entra a e estende tra (alga cosa); es presente e evidente tra tota de
permete = dona autori o acorda a (algun) per fa alga cosa; no preveni o proibi (alga cosa)
permian = pertinente a la periodo final de la paleozoica, entre sirca 290 milion anios e 245 milion anios ante aora
permil = (en espresas de grado o cuantia) un parte en cada mil
permuta = cambia la ordina o organiza de
pero = un arbor cual produi peras
pera = un fruta comable, jala-verde o brun-verde, tipal magra a la alta e plu larga a la basa, con sabor dulse
perosido = un composada de du atomes de osijen liada con lunlotra en sua molecula o como un anion
perosisoma = un organeta peti en la sitoplasma de multe selulas cual conteni enzimas cual redui idrojen perosido
perpendicular = a un angulo de 90° en relata a un linia, plana o surfas; vertical
persegue = fa ce (algun) sufri odia e maltrata, tipal per sua raza o credes relijial o political; molesta o irita (algun) persistente
persentil = cada de sento grupos egal en cual on pote divide un popla par la valua de un variable
persento = (en espresas de grado o cuantia) un parte en cada sento
Perseo = (en mitos elinica) la fio de Zeus e Danae, un eroe selebrada per multe atenis; (en astronomia) un constela grande en la emisfera norde cual inclui un parte densa de la Via Lete
persepi = es consensa de (informa colieda par la sensas)
Persia = un pais antica en Asia sude-ueste, oji nomida Iran
Golfo Persian = un golfo entre Arabia e Iran
persil = un planta duanial con flores blanca e folias bonodorosa, usada como un erba en cosini
persiste = continua esiste; continua firma o ostinosa con un opina o curso de ata an con difisiles, oposas o falis
person = un umana videda como un individua; un organisme con consensia simil a un umana
personalia = un combina de cualias cual formi la natur distinguinte de un person
perspetiva = un modo de regarda alga cosa; un vista de alga cosa; un modo de desinia sur un surfas cual dona un impresa tridimensional
perspetivisme = la teoria ce sabe es nonevitable limitada par la perspetiva de la individua
pertine = (un cualia) es asosiada o relatada con
pertuse = un maladia comunicable causada par un bateria, cual afeta plu la enfantes, marcada par tose convulsante, segueda par un sona forte de un enspira rapida
Peru = un pais en America Sude a la costa de la Mar Pasifica, e cual conteni un parte de la Andes
peruca = un covrente per la testa, fabricada de capeles real o artifis, tipal portada par persones ci atenta asconde sua calvia, e par judores e avocatos en Britan
perverti = gida (algun) de lo cual es regardada como coreta, natural, asetable o legal
perxa = un cosa sur cual un avia atera o reposa, tipal un ramo de un arbor o un bara en un caje; un loca, tipal alta o perilosa, sur cual un person o cosa sta o senta
pesa = ave un masa relativa de (un cuantia spesifiada); determina la masa de (un person o cosa)
nonpesa = un manca de la senti de pesa, como en orbita
peseria = (en istoria) un construida do on ia pesa benes
pesosi par du cilogrames = gania du cilogrames de pesa
pesah = la festa iudi major de primavera, recordante la libri de la ivris de sclavia ejiptian
pesca = con color rosin jala
pesca = un fruta ronda con seme grande, pulpa jala e jusosa, e pel rosin jala
pesco = un arbor cual produi pescas
pesimisme = un tende de vide la aspeta la plu mal de cosas o persones, o de crede ce avenis va es mal
peso = un parte de un ojeto o materia produida par talia, lasera o rompe la intera; un de la partes cual ia es juntada per produi alga cosa e a cual lo divide natural; un parte de un colie; un obra de leteratur, musica, o arte; un sesion de un album de musica; un moneta de un valua spesifiada; un figur usada en un jua de table; un rejion de tera, spesial per ajunta un construida; un stofa ajuntada per repara un veste; la unia de mone en Mexico e otras colonias pasada espaniol
pesta = infesta; (metafor) causa angusa constante a
pesta = un maladia comunicable cual estende rapida tra un popla e mata multe, tipal causada par un bateria e marcada par bubones, febre, delira e infeta de la pulmones; un cuantia nonormal grande de insetos o otra animales cual infesta un rejion e causa dana
peste = un inseto destruinte o otra animal cual ataca cultivas, comedas, bestias, etc; (nonformal) un person o cosa iritante
pestiside = un composada cimical usada per destrui insetos e otra organismes cual dana cultivas, comedas e bestias
pesto = un salsa de folias craseda de basil, semes de pino, alio, parmesan e olio de oliva, tipal servida con pasta
peta = (nonformal) flatule
peta- = 10¹⁵
petal = cada de la sesiones de la corola de un flor, cual es folias alterada e tipal colorida
petardo = un foco artal, forte e esplodente, tipal envolveda en paper e ensendeda con un mexa
petecia = un manxa peti roja o purpur a la pel, causada par un sangui minor
peten = un banda de plastica, metal o lenio con un linia de dentes magra, usada per desmarania o ordina la capeles
peten = un bivalvo comable con conca costelin e forma de vano
peti = min grande ca normal o comun; no multe en cuantia, grado o fortia; joven o plu joven; no completa developada o creseda; no importante, trivial; sin fortia o autofida
petineo = un musculo liante la pubica e la tibia
petirosa = un avia peti de la mundo vea con dorso brun e peto roja
peto = la surfas de la fronte de la corpo de un person o animal entre la colo e la adomen
petra = la materia dur, solida e nonmetal de minerales de cual roca es composada, tipal usada per construi; un peso de esta
petra-paper-sisor = un jua en cual la du juores pone simultan sua mano a un de tre formas posible
petrel = un de alga avias de mar de jeneros diversa cual vola tipal a distantia grande de la tera
petro- = pertinente a petra o petrolio
petroglifo = un figur gravada en la roca, tipal creada par umanas preistorial
petrografia = la siensa cual descrive e clasi rocas, spesial par microscopi; la usa de simboles enscriveda sur rocas
petrogram = un simbol enscriveda sur un roca
petrolio = un licuida de idrocarbonos miscada cual esiste en alga stratos de petra e pote es estraeda e refinada per produi carburantes como gasolina, cerosen e gasolio
petrolojia = la ramo de siensa cual studia la orijina, strutur e composa de petras
petronia = un membro de un jenero de pasaros, tipal en Africa
petunia = un planta con flores embutin e briliante colorida, developada como un ibride ornal
pex = un vertebrato con brancias e pinas, sin gamas, e abitante sola en acua; la carne de esta animales usada per come
pex anjelin = un pex con corpo ronda ma ladal compresada, e pinas triangulo, tipal colorosa o raiosa
pex arjento = un inseto peti sin alas, notada per sua color arjento
pex caxin = un pex de mares tropical con conca de platas ososa e spinosa
pex de rocas = un pex de mar con corpo plata, cual abita areas rocosa
pex de siera = un pex de mar con beco longa e plata con dentes grande longo cada lado
pex de spada = un pex grande de mar con un beco longa e spadin
pex de vela = un pex con pina dorsal alta e velin
pex gatin = un pex con barbos vibrisin sirca la boca, cual abita la fondo de lagos e mares
pex linguin = un pex plata peti de mares calda
pex oro = un pex en familia de carpa, elevada per produi multe varias de forma e color, ma tipal rojin oro
pex pexorin = un pex cual tenta preda con un crese carnosa de sua testa
pex pipin = un pex magra e longa de mar con un beco longa e tubo
pex plata = un pex de mar cual nada a sua lado con ambos oios a la lado superior, e cual abita tipal la fondo de mar e es colorida per sembla lo
pexeta = un pex peti e sosial, trovada en la lagos e rios de Eurasia
pexa = catura o atenta catura (pexes), tipal usante un rede o un onca e filo
pexor = un person ci pexa; un avia con testa grande e beco longa e agu, tipal briliante colorida, cual tufa per pexes
pf. = per favore
pff = espresante noia o noncurantia
pH = un cuantia cual espresa la asidia o alcalinia de un disolve, usante un scala logaritmal en cual sete representa la valua neutra, valuas plu basa indica plu asidia e valuas plu alta indica plu alcalinia
pi = la letera 16 de la alfabeta elinica; la valua de la proportio de la perimetre de un sirculo a sua diametre (sirca 3,1416)
pia = produi un sona corta e de tono alta, como un avia peti o joven o como un mus; parla rapida con tono alta
piafa = (un pede) colpa forte la tera o solo
piamadre = la membrana la plu interna cual envelopa la serebro e la medula spinal
piano = un strumento musical grande con un caxa de lenio cual enclui un resonador e cordetas de metal cual es colpada par marteles cuando la teclas es depresada
piano orizonal = un piano cui caxa e cordetas es orizonal posada
piano vertical = un piano cui caxa e cordetas es vertical posada
piastre = un unia istorial de mone en Asia sude-ueste
pibgorn = un strumento musical de Cimri, composada de un anxa e un trompa de lenio o oso
pica = feri o perfora (alga cosa) con un ojeto peti e agu, como la organo a la fini de la adomen de alga insetos, la tentaculos de un medusa, la beco de un avia, la spina de un planta, o un strumento medical
picajelo = un util peti per rompe un bloco de jelo
picor = (en combates de bove) un person montante ci usa un lansia per speroni la bove; un avia con beco forte e coda rijida, cual asende la troncos de arbores per trova insetos e colpa lenio mor per marca sua teritorio
pica = un mamal peti relatada a coneos, con oreas ronda, gamas corta e coda multe peti
pica = un desira per come materias nonormal, cual pote aveni en enfantia o ensintia, o como un sintom de maladia
picalili = un salsa engles de vejetales axida, spises calda e mostarda, derivada de salsas simil de Barat
picatarte = un avia de la grandia de un corvo, con colo longa e testa calva e briliante colorida, cual nidi en cavas, trovada en la forestas de Africa ueste
picnica = come comedas pacida estra casa
pico = multe peti
pici = deveni pico; deveni pesos pico
pico- = 10⁻¹²
picolo = un flauta peti cual sona a un otava plu alta ca un flauta normal
picon = un util composada de un manico longa con un bara curva de fero o aser con un punto a un lado e un sisel o punto a la otra, usada per rompe roca o tera dur
picon de jelo = un util grande usada par trepores sur jelo
Piemonte = un rejion de Italia norde-ueste, orijinal un parte de Savoie
piemontes = pertinente a la rejion Piemonte en Italia, o a la lingua romanica cual on parla ala
pietisme = un promove en la sentenio 17 per la reasentua de dedica relijiosa en la eglesa luteran
piga = un corvo con coda longa e vose xiliante
pigmento = la materia de color natural de la texeda de animales o plantas; un materia usada per colori o pinti, tipal un polvo cual deveni un pinta o inca cuando on misca lo con olio o acua
pigmeo = un membro de alga poplas de altia multe corta ci abita partes de Africa sentral e Asia sude-este
pigostilo = la vertebras codal fusada de un avia, suportante la plumas de la coda
pigra = no volente labora o usa enerjia; sin fortia o ativia
pijin = un lingua con gramatica simple e vocabulo limitada, usada per comunica entre poplas con linguas diferente
pijon = un avia con testa peti e gamas corta, tipal con plumas gris e blanca
pil = un masa peti de medisin solida cual on engoli intera
pila = colie (cosas) par pone la un sur la otra
despili = (en informatica) sutrae (un dato) de un pila
pili = (en informatica) ajunta (un dato) a un pila
pilaf = un plato orijinal de Asia sude e sude-ueste, composada de ris o trigo, con vejetales e spises, e tipal con carne o pex ajuntada
pilastro = un colona retangulo, tipal estendente de un mur
Pilipinas = un pais en Asia sude-este, composada de un arcipelago de plu ca 7000 isolas
Mar Pilipina = un mar a este de la Pilipinas
pilori = un strutur de lenio con bucos per la testa e la gamas o manos, en cual un prisonida es restrinjeda, esposada e publica maltratada
piloro = la duto juntante la stomaco a la intestin magra
pilote = un person ci controla un avion, auto o otra veculo; un esperta local ci controla un barco en acua restrinjeda
copilote = la pilote du en un avion o otra veculo
pilsen = un bir con sabor forte de lupulo, orijinante en Pilsen, Txesco
pimento = un arbor orijinante en la Antiles Major, Mexico sude e America Sentral; la fruta bonodorosa de esta, secida e usada como un spise
pimpinela = un planta peti en familia de primula, con troncetas rampente e flores plata con sinco petales
pina = un estende plata a la corpo de multe vertebratos e alga nonvertebratos, usada per propulsa, gida e ecuilibra; un parte simil de aviones, rocetos o autos; un aleta cual on fisada a sua pede per nada
pinaculo = un strutur diminuinte, cono o piramide a la culmina de un construida
pinbal = un jua en cual bales peti de metal es xutada sur un table inclinada per cumula puntos par colpa blancos diversa
pineal = pertinente a un masa de texeda con grandia de piso ante la ventriculo tre, cual secrete un materia ormonin en alga mamales
pinguin = un avia grande e nonvolante de la emisfera sude, con alas cual ia developa a pinas per nada su acua
piniacolada = un coctel composada de rum, jus de ananas e coco
piniata = un forma de un animal o person, fabricada de paper maxada, conteninte juetas e confetos, suspendente a supra, e rompeda con baston par enfantes con oios bandida
piniin = la sistem normida per transcrive xines con la alfabeta latina
pinion = un de un grupo de rotas con dentes cual funsiona con lunlotra per cambia la relata entre la rapidia de un aparato propulsante (como un motor) e la rapidia de la partes propulsada (como la rotas)
pino = un arbor conifer e perene con grupos de folias formida como agos longa, cultivada per sua lenio mol
pinocle = un jua de cartas per du o plu persones, con 48 cartas (du de cualce entre nove e la as), con gol de crea combinas e gania prendes
pinse = un util composada de du pesos de metal con mandibulas nonagu e concava, usada per teni e tira cosas; un gara duple simil de alga crustaseos
pinson = un avia cantante ci come semes e ave tipal un beco spesa e plumas colorosa
pinta = un licuida colorida cual es aplicada como strato magra sur un surfas per decora o proteje lo
pinti = aplica pinta a (un surfas)
suprapinti = aplica pinta a (un surfas) per asconde un manxa o un desinia plu vea
pinyin = la sistem normida per transcrive xines con la alfabeta latina
piolio = un inseto parasito, peti e sin alas, cual abita la pel de mamales e avias
piolio de libros = un relatada primitiva de otra piolios, comun trovada entre libros vea
Piongiang = la site capital de Corea Norde
Pyongyang = la site capital de Corea Norde
piopio = un avia estinguida de Zeland Nova
pip = la pia de un mus o un avia peti o joven
pipeta = un avia cantante de la campania, tipal con plumas brun bandetosa
pipa = un tubo magra de lenio o arjila, con un bol peti a un fini per conteni tabaco o otra materia ardente, cui fuma es traeda a en la boca
pipal = un figo de Barat e Asia sude-este, regardada como santa par alga budistes
piperacina = un medisin antimalarial
pipilo = un avia cantante de America Norde, en familia de emberiza, tipal con plumas brun, ma negra e rojin brun a veses
pira = un monton de materia flamable, tipal per arde un corpo en un rituo funeral
piramide = (un forma) con funda cuadro o triangulo e lados inclinada e juntada a la apico
piramide = un construida monumental con esta forma, spesial un construida de petra usada como un tomba real en Ejipte antica
pirania = un pex de acua dulse de America Sude, con dentes multe agu per lasera la carne de sua preda
pirata = un person ci ataca barcos a mar per fura sua contenida
piriforma = perin, con forma de pera
piriforma = un musculo liante la sacro a la tibia
Pirineo = la rejion de la Montes Pirineo
Montes Pirineo = un cadena de montes cual estende longo la borda entre Frans e Espania, de la costa de la Mar Atlantica a la costa de la Mar Mediteraneo
pirinean = parteninte a Pirineo o a sua poplas
pirita = un mineral jala e briliante, composada de disulfido de fero
piro- = foco
pirogi = bales de pasta con un pleninte como patata o ceso, tipal servida con oniones o crema asida
piromania = un desira osesente per ensende cosas
pirometre = un strumento per mesura temperatures alta, tipal en fornones
pirueta = jira sur un pede, tipal con la pede altida tocante la jeno de la gama suportante
pirula = un pinson larga de Eurasia, con beco corta e spesa, tipal con plumas gris o rosin, alas oscur e posterior blanca
pisa = (nonformal) urina
pisea = un arbor conifer con forma cono e portante conos pendente, cultivada per lenio e arbores de natal
pisin = un creol fundida sur engles, usada como un lingua de comersia e governa par plu ca du milion persones en Papua Gine Nova
pisina = un stange artifis per nada
piso = un seme sfera e verde, comun comeda como un vejetal; un planta trepante cual produi la cascas cual conteni estas
pistaxio = un noza pal verde comable; un arbor perene de Asia cual produi esta
pistil = la organos fema de un flor
pistol = un fusil peti desiniada per es tenida en un mano
piston = un silindre corta cual vade prosima en un tubo en cual lo move a supra e a su contra un licuida o gas, usada en motores e pompas
piston de mole = un baston peti con un fini grandida, usada per mole gran e otra comedas
pita = un avia peti con plumas briliante e coda multe corta
pita = un pan plata, vacua e pico levada, cual pote conteni un pleninte
Pitagora = un filosofiste e matematiciste famosa de Elas antica
pitia = (en Elas antica) la titulo de la pretesa la plu alta de la templo de Apolon de Delfi, ci ia servi como un oraculo
piton = un serpente grande ma nonvenenosa, cual mata sua preda par presa lo
pitui = un avia briliante de Gine Nova
pivote = turna sur un fulcro o otra punto sentral
pixa = (nonformal) un penis
pixon = (nonformal) un penis erijeda
pixel = cada de la multe picos de lumina de cual un imaje es composada sur un scermo
piza = un comeda italian, composada de un funda plata e ronda de pan, fornida con salsa de tomate e ceso e tipal alga carnes o vejetales
pizicato = (un peso musical) juada par toca la cordetas de un violin o strumento simil con la dito
placa = covre (un ojeto de metal) con un peleta o strato magra de un otra metal
eletroplaca = placa (un cosa metal) par eletrolise
placozon = un membro de un filo de nonvertebratos la plu fundal
plaia = la tera longo la borda de un mar o lago; un costa con calculos o arena, tipal prosima a la mar, entre la marcas de acua basa e acua alta
plajia = prende (un obra o idea de un otra person) e finje ce lo es sua propre
plana = lisa e sin bultos, indentes o inclinas grande; (un rejion de tera) sin colinas; (un rejion de acua) calma e sin ondas; no inclinada
biplana = un spesie temprana de avion con du duples de alas, la un supra la otra
triplana = un spesie temprana de avion con tre duples de alas, la un supra la otras
planaria = cualce de un jenero de platielmintos peti, capas de rejenera se
plance = un peso de lenio longa, streta e plana; un peso simil de un otra materia
plancton = organismes pico cual flota o vaga en la mar o en acua dulse, composada xef de diatomeas, protozones, crustaseos peti e la ovos e larvas de animales plu grande
fitoplancton = plancton composada de plantas microscopial
planea = lisca sur aira; (un avia) vola con alas nonmovente; (un avion) vola sin motor
planeta = un masa grande en spasio cual move en un orbita elise sirca un stela
esoplaneta = un planeta cual orbita un stela estra nosa sistem solal
planetesimo = un planeta pico; un masa en spasio cual no pote uni con otras par gravita per formi un planeta
planetolojia = la studia de planetas
plano = un rejion grande de tera plana sin multe arbores
planta = pone (un planta o simil) en la tera
planta = un organisme como arbores, arboretas, erbas, filises e moses, cual asorbe acua e materia nonorganal tra sua radises e fotosintese nurintes en sua folias, usante la pigmento verde clorofila
transplanta = move (un cosa) de un loca a un otra; move (un planta) a un otra loca; sutrae (un texeda vivente o organo) de un corpo o parte de corpo a un otra
planta = la fondo de la pede
plantago = un planta corta con roseta de folias e flor spinin verde e magra
plantano = un tipo de banana amidonosa, usada como un vejetal coceda; un planta arborin cual produi esta
plantigrada = (un mamal) paseante sur la plantas de la pedes, como un umana o un urso
plase = fa ce (algun) senti felis e sasiada
plasebo = (un trata medical) sin efeto nosiva, e prescriveda per sua benefica psicolojial
plasenta = un organo sirculo e plata en la utero de mamales ensinta cual nuri la feto tra la corda ombilical
plaser = un senti de joia o sasia felis
con plaser = un responde formal a "grasias"
-plasia = masa, crese
plasma = (en medica) la licuida sin color de sangue, limfa o lete; (en fisica) un gas ionida con iones positiva e eletrones libre en un proportio cual produi un carga eletrical prosiminte a zero, tipal a temperatures basa o alta
-plasma = masa, crese
plasmasite = un selula blanca de sangue cual secrete cuantias grande de anticorpos
plasmide = un molecula peti de ADN, separada de la ADN cromosomal, capas de reprodui autonom, e comun en baterias
plasmodio = un protozon parasito de un jenero cual inclui los cual causa malaria
-plastia = sirurjia reconstruinte
plastica = pertinente a o fabricada de un materia artifis preparada de polimer organica, cual on pote moldi a formas diversa
microplastica = pesos pico de plastica dejetada en la ambiente
plasto = cada de un clase de organetas peti en la sitoplasma de la selulas de plantas, conteninte pigmento o nurinte
cloroplasto = (en selulas verde de plantas) un plasto cual conteni clorofila e en cual fotosintese aveni
leucoplasto = un selula sin color, trovada en selulas de plantas, usada per reteni amidon o olio
plata = (un cosa) con poca spesia en compara con sua otra du dimensiones
plata = un peso plata de metal o otra materia, tipal usada per junta o forti, o como un parte de un macina
plataforma = un surfas levada sur cual persones o cosas pote sta; un solo levada usada par parlores, atores, etc afin los pote es videda par sua regardores; un strutur levada longo la lado de un ferovia do pasajores pote entra a e sorti de trenes; un strutur levada supra la mar de cual on pote oteni fontes de olio o gas
platan = un asero alta de la emisfera norde
platdeutx = la lingua parlada orijinal en Deutxland norde, aora cuasi estinguida
platielminto = un membro de un filo de biladales simple, sin sesiones, con corpo mol e sin organos spesialida per respira o sirculi de sangue
platino = la elemento cimical con numero atomal 78, un metal blanca arjentin e multe valuada
platizon = un membro de un clado major de tota animales, estra sponjas, placozones e alga otra organismes rara o estinguida
plato = un contenador basa, tipal ronda, con fondo plana, per coce o servi comedas; un comeda servida en esta
Platon = un filosofiste de Elas antica, multe importante en la developa de filosofia european
platonica = (ama o amia) intima e amosa ma no sesal
plaza = un rejion publica e abrida, intera o partal ensircada par construidas; un rejion publica usada per vende e compra benes
Pleades = (en mitos elinica) la sete fias de Atlas e Plione, xasada par Orion asta cuando Zeus ia cambia los a un grupo de stelas; un grupo de stelas en la Bove
plebe = de la popla comun; de la clases basa de sosia
plecotero = un inseto primitiva e comun, cual no tolera acua contaminada
plectro = un peso magra e plata de plastica o otra materia cuasi flexable, usada per toca la cordetas de un strumento como la gitar; un parte simil per toca la cordetas de un strumento como la clavesimbal
-plejia = paralise
plen = conteninte tan multe como posible; (pos come) sin desira de come plu
pleniboca = un cuantia, tipal de comeda o bevida, cual pleni la boca; un rompelingua
plenibraso = un cuantia portada par ambos brasos
plenida = un spasio intera plenida con materia; un spasio plenida con aira en un strutur
plenimano = un cuantia cual pleni un mano
plenioio = un cuantia de sustantia cual colpa un oio; (metafor) un person o cosa cual saisi la oio
pleniorea = un cuantia de sustantia cual pleni un orea; un ruido forte o coler
plenipunio = un cuantia cual pleni un punio
plenisaco = un cuantia cual pleni un saco
pleo- = plu ca normal
pleonasmo = la usa de plu parolas ca nesesada per espresa alga cosa; un tal espresa
plesiosauro = un retil maral, grande e estinguida de la mesozoica, con corpo plata e larga, gamas como remos grande, coda longa e flexable, e testa peti
pleso = un rede complicada de nervos o dutos en la corpo
plestosene = pertinente a la epoca prima de la cuatronar, entre la pliosene e olosene
pleura = cada de la du membranas serosa cual fore la torax e envelopa la pulmones en umanas e otra mamales; (en zolojia) la parte ladal en un corpo animal
pleurite = un inflama de la pleuras, causante respira dolosa
plia = (alga cosa plana e flexable) curvi sur se afin un parte covre un otra
pliosene = pertinente a la epoca final de la tersiar, entre la miosene e la plestosene
plisa = un plia duple o multiple en un veste o otra stofa, tenida par cose la culmina o la lado
plomo = la elemento cimical con numero atomal 82, un metal pesosa, formable, e bluin gris
plora = produi larmas, tipal con sanglotas o crias per espresa dole, angusa o tristia
ploton = un sudivide de un compania de soldatos
plu = un cuantia, grandia o grado ajuntada a un cuantia, grandia o grado esistente o normal
pluf = la sona de un cosa colpante o cadente en licuida; la sona de alga cosa mol colpante o cadente sur un surfas dur
pluma = un de la formas cresente de la pel de un avia, composada de un spina vacua bordada par spinetas capelin
plumasedin = un avia de America Sentral con plumas sedin, cual come moscas
plumbago = un arboreta perene e florinte de rejiones calda e cultivada a otra locas como un planta ornal
plumeria = un arbor tropical con flores bonodorinte
plur = referente a cosas en cuantia plural: plu ca un o du, ma no multe
plural = plu ca un; (en gramatica) indicante un cuantia plu ca un o (en linguas con sustantivos dual) plu ca du
pluralisme = un sistem de du o plu grupos colaborante
pluri- = plu ca un
Pluto = un planeta nanin cual orbita la Sol; (en mitos elinica) la dio de la sumundo
plutocrata = un person cui potia deriva de sua ricia
plutonio = la elemento cimical con numero atomal 94
pluve = (acua condensada) cade vidable en gotas individua
pluvial = un avia vadante e sosial, con beco corta
pm. = pos mediadia
PM = pos mediadia
-pnea = respira
pneumatica = un ramo de injenia cual usa gases compresada, comun aira
pneumo- = aira, respira, pulmones
pneumonia = un inflama de la pulmon causada par un infeta par baterias o viruses
Pnom Pen = la site capital de Camputxa
poca = un cuantia peti de; no multe
pocer = un jua de cartas, juada par du o plu persones ci aposta sur la valua de la cartas cual ia es distribuida a los
podcasta = cada en un serie de fixes audio dijital, disponable a la interede per escuta a un computador o telefoneta
Podgoritsa = la site capital de Tsernagora
podolojia = la trata de la pedes e sua maladias
podometre = un strumento per estima la distantia traversada par pede par recorda la cuantia de pasos
poesia = un obra de leteratur cual usa stilo e ritmo per espresa sentis e ideas
poesiste = un person ci scrive poesias
poeta = un poesiste; un person con imajina fertil e creosa o con disposa romantica a la vive
pogrom = un masacra organizada de un etnico, spesial lo de iudis en Rusia o Europa este
poi = (e) a pos; (e) pos alora; (e) seguente; como la cosa o ata seguente en la serie
poi = un plato hawaian, preparada de un radis fermentada de taro, cual es fornida e bateda per formi un pasta
-poiese = formi
poitin = un bevida alcolosa eres, nonlegal preparada, tipal de patatas
polacio = un pex verdin brun e comable en familia de gado, con mandibula basa protendente
polca = un dansa vivosa en tempo duple, orijinante en Boemia
polder = un peso de tera basa reclamada de la mar o un rio e protejeda par paramares, spesial en Nederland
polemica = ataca forte (un person o opina) en parla o scrive
polen = un materia polvin e delicata, tipal jala, composada de la granes microscopial descargada de la parte mas de un flor o de un cono mas
polenta = un plato de farina de mais (o otra sereal, o de castania) bolida
polex = (en linguaje tecnical) la diton
poli = (en Elas antica) un site-stato
acropoli = (en Elas antica) un vila o fortres construida sur tera alta
necropoli = un semetero grande de un site antica
poli- = multe
poliandria = un forma de sposi en cual un fem ave plu ca un sposo; un forma simil de relata per animales
polidatilo = con plu ca sinco ditos a un mano o pede
polifonia = un stilo de musica cual combina simultan partes diversa, tal ce cada formi un melodia individua ma armoninte con la otras
poligala = un planta peti con flores peti, sur cual persones ia crede en la pasada ce lo pote crese la cuantia de lete produida par boves e madres de bebes
poligama = pertinente a un forma de sposi en cual un person sposi plu ca un otra person; pertinente a un forma simil de relata per animales; (un planta) con alga flores con sola stames, otras con sola pistiles, e otras con ambos
polijinia = un forma de sposi en cual un om ave plu ca un sposa; un forma simil de relata per animales
polimer = un materia con strutur moleculal composada xef o intera de un cuantia grande de unias simil liada con lunlotra, como multe materias organica sintesal usada como plasticas e resinas
polimerase = un enzima cual causa la crea de un polimer, spesial ADN o ARN
polimorfe = esistente en formas diversa
Polinesia = un colie de isolas en la Mar Pasifica sentral a este de Micronesia e Melanesia e a ueste de la Americas
Polinesia Franses = un teritorio de Frans en la Mar Pasifica Sude, composada de multe isolas
polinomio = (en matematica) composada de plu ca un terma
poliomielite = un infeta par viruses cual afeta la sistem sentral de nervos e cual pote causa paralise tempora o permanente
polioptila = un avia cantante peti de la Americas con dorso gris e coda longa
polipo = un forma fisada, solitar o colonial, de un cnidario como la anemone-de-mar; (en medica) un crese peti, tipal noncanserosa, cual estende de un membrana mucosa sur un tronceta
polisia = un forte nonmilitar de un governa nasional o local, encargada per preveni e deteta crimines e manteni la pas publica
polisomia = la presentia de plu ca du copias de un cromosoma en un organisme
politburo = la comite political xef de la partito comuniste
politica = la ativias asosiada con la governa de un nasion o rejion, spesial la debate o disputa entre persones o partitos cual ave o desira potia; un curso o prinsipe de ata adotada o proposada par un governa, partito o otra organiza
jeopolitica = politica, spesial relatas internasional, como afetada par jeografia
polo = cada de la du locas (norde o sude) a la surfas de la Tera o otra ojeto sielal cual es la finis de la ase de jira; (en jeometria) cada de la du puntos a cual la ase de un sfera crusa la surfas; (en biolojia) un fini de la ase major de un selula, organo o parte; un de la du puntos a la surfas de un magnete do la fortes magnetal es la plu intensa; un de la du terminas (positiva e negativa) de un selula eletrica, pila o macina; un de du prinsipes o ideas cual oposa o contradise lunlotra
bipolal = con du polos o estremas; con episodios alternante de mania e depresa; (un neuron) con du asones
dipolo = un duple de polos, separada en spasio, con cargas o magnetis egal e oposada; un molecula en cual un consentra de carga eletrical positiva es separada de un consentra de carga negativa
multipolal = con multe polos o estremas; (un sosia) polalida en multe dirijes
polo = un sporte simil a hoci de campo, juada sur cavalos con un martel longa, orijinante en Asia
polonesa = un dansa formal, orijinante en Polsca, cual sembla un prosegue lenta
polonio = la elemento cimical con numero atomal 84, un metal radioativa
polpo = un molusco sefalopodo con oto brasos con ventosas, corpo mol e sacin, e mandibulas becin e forte
Polsca = un pais en Europa sentral con costa a la Mar Baltica
polso = la junta cual lia la mano a la braso; un junta simil en otra animales; la parte de un manga cual covre la polso
polvo = particulas peti e seca produida par crase, mole o desintegra un materia solida; particulas de tera o otra materia cual covre surfases o flota en la aira
pomatostomo = un avia de Australia e Gine Nova con plumas sombre, beco curva, e coda longa
pomelo = un arbor orijinante en Barbados; la fruta sitrica grande, ronda e jala de esta, con pulpa jusosa e asida
pomeran = un can peti con pelo longa, beco puntida e oreas erijeda
pomis = un roca volcanal porosa e lejera, formida cuando un spuma de lava vitrin solidi rapida
pomo = un arbor en familia de rosa cual produi pomas
poma = un fruta ronda, con pel magra roja o verde e pulpa cracosa
pomon = la parte ronda a la fini de la manico de un spada; la parte alta a la fronte de un sela
pompa = un aparato cual usa suca o presa per leva o move licuidas, compresa gases o forsa aira en ojetos inflable como numaticos; un aparato biolojial en selulas cual transporta iones tra un membrana selulal contra un gradiente de consentra
pompa sodio-potasio = un enzima trovada en la membrana de tota selulas de animales, cual regula la cuantia de sodio e potasio en la selulas
pompador = un moda de capeles alta brosida supra la fronte
pompon = un bal peti de lana, juntada a un veste, tipal un xapo, per orna; un grupo de bandas magra de colores diversa, usada par animores
pone = move (un person o cosa) a un loca, posa o situa spesifiada; (un animal) emete (un ovo) de sua corpo; introdui (un regula)
interpone = pone o introdui (alga cosa) entre du otra cosas
suprapone = pone (un cosa) supra un otra, tipal tal ce ambos resta vidable; combina (du o plu imajes) per crea un sola
transpone = fa ce (du o plu cosas) intercambia sua locas; composa o jua (musica) en un otra tonalia; (en matematica) move (un terma), cambiante sua sinia, a la otra lado de un egali
ponte = un strutur cual suporta un rua, rueta, ferovia o canal supra e ultra un rio, canion, rua, ferovia o otra ostaculo; un plataforma alta e encluida sur un barcon, de do la capitan e ofisiores dirije la opera de la barcon
pontxe = un bevida, comun con alcol, cual inclui frutas o sua jus
pontxo = un veste simple de lana, sin mangas e con ranur per la testa, orijinante en America Sude; un veste simil usada per proteje contra la pluve
pop = pertinente a musica popular e comersialida
popa = la parte la plu retro de un barco o barcon, spesial sua teto; (nonformal) la gluteos
popcorn = un tipo de mais con granes dur cual esplode cuando caldida; esta mais usada como un comeda, tipal con bur e sal
pope = (en cristianisme) un prete ortodox
popelin = un stofa, tipal de coton lejera, con surfas costelin
popla = (un loca) pleni con abitores; (un lista, etc) pleni con datos
popla = fa ce persones abita (un loca); pleni (un lista, etc) par datos
popla = la cuantia de persones ci abita un loca; la persones de un nasion, comunia, etnico o otra grupo
poplo = un arbor alta e rapida cresente, usada per sua lenio e pulpa, e como un paraventa
popular = gustada, amada, amirada o joiada par multe persones; conveninte a la prefere de persones comun, en contrasta con lo de espertas o inteletosas; (un crede o disposa) mantenida par la majoria de persones comun
popuri = un misca de materia plantal secida e bonodorosa, tipal en un bol, usada per parfumi un sala; un colie miscada de cosas diversa, como cantas o obras corta de leteratur
por = un abri pico en un surfas, tipal en la pel de un organisme, tra cual gases, licuidas o particulas microscopial pote pasa
porco = un mamal omnivor con capelones e un beco plata per escava en la tera, domada e elevada per sua carne
porcospina = un rodente grande con spinas sur sua corpo e coda
porfir = un roca magmal dur, conteninte cristales
porfirin = cualce de un clase de pigmentos (incluinte eme e clorofila) cui moleculas sembla un anelo plata, a veses con un atom de metal a la sentro
porifero = un membro de un filo de animales multiselulal, incluinte la sponjas, cual ave corpos plen de pores e canales cual permete ce acua sirculi tra los
porina = un protena capas de traversa un membrana selulal e funsiona como un por
porno = (nonformal) pornografial
pornografia = naras, imajes, fotos o filmas con descrives o mostras de atas sesal, intendeda per stimula sentis erotica
poro = un planta en familia de onion, con folias plata e partal supraponeda cual formi un bulbo longa e silindre, comeda como un vejetal
-porose = porosia
porselana = un seramica blanca, vitrida e diafana
porta = suporta e move (un person o cosa) de un loca a un otra; ave (un veste o orna) sur sua corpo
portabagaje = un spasio encluida a retro de un auto per porta bagaje o otra ojetos
portabal = un cavil peti con testa concava, poneda en la tera per suporta un bal de golf cual on va colpa
portabebe = un spesie de saco usada sur peto o dorso per porta bebes
portabroca = un abrasador spesialida per teni un ojeto silindre
portabulbo = un asetador per teni un bulbo de lus
portacandela = un suportador per un o plu candelas
portacarta = un contenador simil a un portamone, spesialida per conteni un carta de identia o simil
portacaxon = un strutur sur cual un caxon o corpo reposa ante entera o seni
portaclave = un anelo de metal a cual on fisa claves per reteni los en grupo
portacoda = un banda sirculo de elastica covreda con stofa, usada per fisa la capeles
portacontenador = un barcon cual transporta benes en contenadores grande
portacopa = un person ci pleni e distribui copas de bevida en un rituo; un aparato per teni un copa plastica o otra contenador de bevi
portacrus = (en cristianisme) un person asiniada a porta un crus ritual en prosegue; cualce ojeto ornada par un crus
portacua = un contenador longa e streta de cual animales bevi
portaculpa = un portapeca
portadato = un aparato per reteni datos en, o usada con, un computador
portadetrito = un contenador multe grande per detrito de construi o otra dejetada
portafeno = un contenador longa e streta de cual animales come
portaferida = un strutur de du palos con un lona longa entre los, usada per porta persones ferida o mor
portaflexa = un contenador en cual un arcor porta flexas
portaflor = un contenador peti, tipal de plastica o losa, en cual on crese un planta
portafolio = un contenador plata per paperes nonfisada; un contenador plu profonda e con manico, per porta libros o documentos; (en finansia) un colie de ativas investida, incluinte mones, asiones e obligas
portafortuna = un cosa cual, longo alga costum, atrae bon fortuna o proteje
portaganto = un alcova cluable en fronte de un veculo, usada per reteni ojetos peti
portagrafito = un lapis con grafito cual on pote estende macinal e recambia
portainca = un caxa per botelas de inca e otra strumentos de scrive
portainsenso = un vaso o contenador en cual on arde insenso
portainserta = la tronceta de un arbor o arboreta cual reseta un inserta
portajoala = un caxa per joalas
portala = un covrente de la alas de alga insetos
portalampa = un suportador per un lampa
portalapis = un contenador per lapises o penes, comun conteninte ance otra utiles de scrive como un regla o un puntilapis
portalia = un sintur ornal con lias elastica per teni calsas, usada como vesteta de fem
portalibro = un table alta con surfas inclinada per teni la libro o notas de cual on leje a vose
portamone = un contenador peti e pliable per mone e cartas de credito
portamortero = un plance peti e cuadro con un manico a su, usada par bricores per teni mortero; un xapo academial, plata e cuadro con un borla
portaovo = un taso peti per teni un ovo bolida cuando on come lo
portapaper = un libro, o contenador de carton, per teni paperes
portapartitur = un portador per teni un partitur, usual alta e trepede
portapeca = (en la Biblia) un capra a cual la prete xef iudi ia pone simbolin la pecas de la iudis; un person culpada per la crimines o eras de otras
portapen = un strutur per teni penes cuando los no es usada
portapil = un caxa peti e silindre, per reteni piles
portapistol = un contenador per un pistol, tipal de cuoro e portada a un sintur o su la braso
portaplanta = un contenador ornal en cual on crese plantas
portasalsa = un bol o carafa usada per servi salsas
portasapon = un contenador abrida do un bloco de sapon pote es poneda per seci
portasene = un plato peti per senes de tabaco e restas de sigareta
portaseno = un vesteta de fem cual suporta la senos
portaseso = un protejente per la jenitales mas, tipal usada par sportores; un covrente a fronte de calsones de omes en la sentenios 15 e 16
portasigareta = un tubo magra per teni un sigareta afin on fumi lo sin toca direta
portaspada = un gaina per la lama de un spada o daga
portaspino = un cuxin peti usada par cosores per teni spinos
portatela = un bara o serie de baras de cual on pende telas de bani
portatorxa = un anelo fisada a un mur per teni un torxa; un person ci porta un torxa en un rituo; (metafor) un gidor ci inspira otras a labora per un gol
portatronco = un suportador metal per lenio ardente en un ximineria, tipal un de un duple
portaveste = un strutur sur cual on pende vestes per seci o airi los
portavion = un barcon grande de gera do aviones pote enaira e atera
portavose = un person ci fa anunsias per un otra person o grupo
portaxapo = un caxa, tipal ronda, per reteni un xapo
transporta = (un veculo) porta (persones o benes) de un loca a un otra; (un person) es infetada con (un maladia) e ave la capasia de transmete lo a otras
portamento = un lisca de un nota a un otra, en canta o en jua un strumento de cordetas con un arco
porte = un peso de lenio, vitro o otra materia cual impedi la entra a un construida, sala, veculo o armario; la abri mesma tra cual on entra
porte lojical = un aparato, oji cuasi sempre eletronical, cual reali un funsiona boolean
portico = un strutur composada de un teto suportada par colones, tipal usada como un estende de un construida plu grande
porto = un loca costal do barcos pote trova proteje; un vila o site sirca esta loca; un abri en un computador per ajunta otra aparatos
Porto-al-Prinse = la site capital de Aiti
Porto de Espania = la site capital de Trinidad e Tobago
Porto Luis = la site capital de Mauris
Porto Moresby = la site capital de Papua Gine Nova
Porto Novo = la site capital de Benin
Porto Vila = la site capital de Vanuatu
airoporto = un loca do aviones enaira e atera, con construidas per organiza la pasajores
porto = un vino forte e dulse de roja oscur, orijinante en Portugal, tipal bevida pos un comeda
Porto Rico = un isola en la Mar Caribe e un comunia en asosia volente con la SUA
portrae = crea un imaje de (algun) par depinta, desinia, fotografia, etc; (un ator) presenta la rol de (un carater); (un autor) presenta o descrive (un person, cosa o situa) con cualias spesifiada
Portugal = un pais en la parte ueste de la penisola iberian en Europa sude-ueste
portulaca = un planta peti con folias pulposa cual crese en locas moiada
pos = a, o prosima a, la retro de (alga cosa), o plu retro ca lo; seguente (en un ordina o prosegue); min avansada ca
pos = movente per ateni la retro de (alga cosa)
pos = en la tempo seguente (alga cosa)
pos- = pos, plu tarda
a pos = a la retro (de un cosa sujestada par la contesto); movente en dirije a la retro; movente en la dirije cual on no fasa; en la tempo seguente
posa = (un person o cosa) es poneda o teni se en un modo o loca spesifiada; (cosas) es poneda en un ordina bon, bela o usosa
posese = ave (un cosa) como sua propria
posible = capas de es fada par algun o alga cosa; capas de aveni; capas de deveni
positiva = distinguida par la presentia de cualias en loca de sua asentia; indicante la presentia de alga cosa; espresante afirma, acorda o permete; con intendes bon o bela; otimiste, fidante, serta; mostrante progresa, profita o boni; sin posible de duta
eletropositiva = eletrical positiva; (un elemento) tendente perde eletrones e formi iones positiva
positron = un particula suatomal con la mesma masa como un eletron e un carga egal ma positiva
poso = un duto escavada o forada en la tera per oteni acua, olio o gas; un stange do la acua de un rio desapare par vapori o permea
poso de carbon = un sistem natural o artifis cual asorbe e reteni carbon de la biosfera
pospone = causa o organiza ce (un cosa) aveni a un tempo plu tarda ca prima organizada
posposada = un parola o morfem poneda pos la parola cual lo governa
posta = envia (notas, leteras, pacos, etc); mostra (un avisa) en un loca publica; anunsia o publica (alga cosa); pone (informa) a la interede; envia (un nota) a un loca de comunica a la interede
posta caracolin = leteras fisical traeda, en contrasta con mesajes eletronical
posta restante = un servi postal cual garda leteras asta ce la resetor veni per prende los
airoposta = envia (posta) par avion, tipal ultramar
poster = un imaje o desinia primida, tipal grande, usada como un orna; un avisa o anunsia primida, tipal grande, postada en un loca publica
posteri = (un imaje) deveni un poster; (un imaje) adota un efeto con min colores e cambias subita de tinje entre los cual resta
posterior = a pos
posterior = un parte de un person o animal a la fini de la spina dorsal; la parte de un fusil la plu prosima a la fusilor
posto = la rol ofisial con cual un person en un organiza es encargada; un loca spesifiada a cual soldatos pote es enviada per garda, etc
potasio = la elemento cimical con numero atomal 19, un metal mol e arjentin blanca
pote = ave la capasia o la acaso oportun per (fa alga cosa)
omnipotente = posesente potias nonlimitada
ta pote = espresante un posible en modo cortes o iniorable
poterna = un porte secreta en la muron de un forteria, permetente un sorti o entra discreta cuando la forteria es atacada
potensia = la cuantia cual determina la enerjia de un masa en un campo de gravita o de un carga en un campo eletrical; la studia de funsionas armonial en varias; la capasia de developa bon en la futur
potensial = pertinente a potensia; cual pote aveni o reali en la futur
potia = la capasia per ata en un modo spesifiada, tipal como un cualia; la capasia per dirije o influe la condui de otras o la curso de avenis; autoria politica o sosial, tipal de un governa; la forte militar de un nasion o organiza; un dio, forte o esente supranatural; la fortia fisical de algun o alga cosa; la capasia de un motor o otra aparato; la capasia de alga cosa per afeta forte la emosias o inteleto; la enerjia macinal o eletrical usada per opera alga cosa; (en matematica) la resulta de multipli un numero par se a un cuantia spesifiada de veses
potlatx = un festa ritual de la americanes nativa de la costa norde-ueste de America Norde, en cual la xef distribui sua posesedas
poto = un primate peti, noturna e lenta con coda corte, abitante la junglas de Africa
povre = sin mone sufisinte per vive a un nivel regardada como comfortosa o normal en un sosia; plu mal ca normal, espetada o desirada; (un person) meritante compatia
pox = un saco peti coseda en o sur un veste per porta cosas peti; un saco peti en la corpo de un animal, como la saco de marsupiales o la jenas estendable de rodentes; (en informatica) un rejion tempora de memoria en cual datos pote es retenida per prosede o envia
poxe = coce (un ovo) sin sua casca en o supra acua bolinte; coce rapida o corta en un cuantia peti de licuida calda
prado = un rejion de tera erbosa sin arbores
pragmatica = la ramo de linguistica cual studia la rol semantical de contesto
Praha = la site capital de Txesco
Praia = la site capital de Capo Verde
pralin = un caramel nozosa
prao = un tipo de barcon de vela, orijinante en Malaisia e Indonesia, tipal con un vela grande triangulo e un ecuilibrador
praseodimio = la elemento cimical con numero atomal 59
pratica = fa abitual o periodal (un ata, metodo o costum); fa (un ata) o eserse (un capasia) en modo repeteda o periodal per boni o manteni sua capasia per lo
pratical = pertinente a la fa o usa real de alga cosa, en loca de teoria e ideas; probable susedente en situas real; conveninte per un intende spesifiada; (un person) realiste en sua disposa a un situa o problem
pre- = ante, plu temprana
prea = dirije (un solisita sinsera o un espresa de grasia) a un dio o otra ojeto de adora; espera forte (un resulta o situa spesifiada); espresa un desira emosiosa
preambul = un declara comensante o preparante; un introdui
preda = un animal cual es xasada e matada par un otra per come
predica = presenta (un sermon o parla relijiosa) a un grupo de persones, tipal en un eglesa; presenta (un crede o curso de ata) en modo simil; (en gramatica e lojica) declara o afirma (alga cosa) sur la tema de un frase o la partisipa de un proposa
predicativa = (un ajetivo o nom) forminte o contenida en la predica, tipal par la usa de la verbo `es` per fa un declara sur la sujeto; (en lojica) conduinte como un predica
prefasa = presenta (un testo o parla corta) per introdui un libro o parla estendeda
prefere = gusta (un cosa o person) plu ca un otra o otras; tende eleje
prefeto = un governor en la Impero Roman antica; un governor en alga paises
prefisa = pone (un parola, letera o numero) ante un otra; (en gramatica) pone (un morfem) a la comensa de un parola per ajusta o cambia sua sinifia
prelato = un eglesor de grado alta e autoriosa
prelude = (un peso corta de musica) prepara (un peso plu longa); (un aveni) prepara o anunsia (un otra aveni plu importante)
prelude = un peso corta de musica; un aveni preparante o anunsiante un aveni importante
premia = presenta un premio a (algun)
premio = un cosa donada a un ganior de un concurso o per reconose un otra ateni eselente; un cosa, tipal mone o un ojeto valuada, cual pote es ganiada en un jua de acaso; un cosa de valua grande cual merita un luta per ateni lo; la cuantia par cual la custa de un asion esede la valua de lo cual lo representa
premisa = (en lojica) un declara o proposa presedente de cual un otra es deduida o segue como un conclui; un declara o proposa cual formi la funda per un obra o teoria
prende = estende la mano e teni (un cosa); move e teni (un cosa); estrae (un person o cosa) de un loca; catura (un person o cosa) par usa fortia
malprende = prende (alga cosa, tipal mone) con intendes mal o nonlegal
prensil = (un coda, pede o trompa de un animal) capas de teni cosas
preocupa = (un aveni o sujeto) domina la mente de (algun), escluinte otra pensas, tipal en modo ansiosa
prepara = fa ce (un cosa) pote es usada o considerada; crea a ante; fa ce (comedas) deveni conveninte per coce o come; fa ce (algun) deveni capas; produi (te o cafe) par misca lo con acua calda; duri (plastica, beton, cauxo, etc) con cimicales pos produi
preposada = un parola cual governa la nom o pronom cual segue lo, espresante la relata de esta a otra elementos de la frase
prepus = la plia de derma cual ensirca la clitoris; la plia de derma cual covre la fini de la penis
presa = fa ce (un cosa) toca un otra par aplica fortia continuante; teni forte (un cosa) entre du otras, per esemplo entre la manos; plati con fortia; plani o lisi (un stofa) con un fero calda; atenta obliga (algun) a fa alga cosa
presalio = un util de cosini cual crase bulbos de alio par forsa los tra un grilia
presapantalon = un aparato eletrical per lisi pantalones
presapaper = un ojeto artin o improvisada cual on pone sur paperes nonfisada afin los no deveni desordinada o vola a via
presaveste = un aparato portable, tipal eletrical con fondo plana de aser caldida, usada per lisi vestes e otra stofas
presbiope = no capas de vide clar cosas prosima, tipal en eda media o senese
presbiterian = pertinente a la eglesa cristian governada par un decano, seguente la prinsipes de presbiterianisme
prescrive = recomenda (un cosa o ata) como un cosa beneficante; (un dotor) avisa e autori la usa de (un medisin o trata), tipal par un nota scriveda; declara con autoria o como un regula ce on debe fa (un ata o prosede)
presede = aveni ante (alga cosa) en tempo; vade ante (alga cosa) en ordina o loca; esiste o aveni a un tempo plu temprana ca (alga cosa)
presenta = dona (un cosa) a algun en un modo formal o ritual; dona (un cosa) a un otra o otras per considera o judi; introdui (un person) a un otra, tipal en modo formal; (un ator) ata como (un carater)
presente = (un person o cosa) esistente en un loca spesifiada; esistente o aveninte aora; pertinente a esta tempo, aveninte aora; en usa comun o jeneral
omnipresente = trovable en tota locas
preside = ave la rol de autoria (en un asembla o consenta)
presidentia = la posto o periodo de un presidente
presidio = un consilio coletiva de xefes political, a lado o en loca de un presidente
presipe = (un inclina o curva) rapida altinte o basinte
presipita = la cade de gotas de acua o otra particulas de la atmosfera; pluve, neva
presipita = fa ce (un materia) es deponeda como un solida de un disolve
presisa = (un person o strumento) multe rigorosa, atendosa, clar, esata e nonambigua en sua atas; (un cuantia, mesura, loca, etc) estrema esata
presta = dona a algun la usa de (un cosa) con la comprende ce lo va es redonada; permete a algun la usa de (un cuantia de mone) con un acorda ce el va repaia lo a tempo plu tarda, tipal con interesa; (en aritmetica) move (un dijito cual esede la capasia de un colona) a la colona visina
prestijia = la respeta e amira publica sentida per la atenis o cualias de un person o cosa
presto = (un musica) rapida juada con rapidia entre 100 e 156 pulsas per minuto
prete = un xef ordinada de un eglesa cual ave la autoria de presenta rituos spesifiada
arciprete = la prete xef de un grupo relijiosa
Pretoria = la site capital dirijal de Sudafrica
preveni = fa ce (un cosa) no aveni; fa ce algun no pote fa (un cosa)
priapisme = un erije persistente e dolosa de la penis
priapulido = un membro de un filo de vermes de mar cual abita en la fango de acua basa
prima = veninte o aveninte ante tota otras en tempo o ordina, la plu temprana; sin presedente; presente o esistente de la comensa
primajenita = la state de es la prima naseda; la diretos parteninte a esta state
primate = un mamal de un ordina cual inclui simias e umanas, distinguida par la posese de manos usosa e oios fronte
primatolojia = la ramo de siensa cual studia primates
primavera = la saison pos inverno e ante estate, en cual plantas comensa apare
primeval = esistente de la comensa de tempo; fundal; de o semblante la edas prima en la istoria de la mundo; (un selula o texeda) en sua grado prima de developa
primi = produi (un libro, jornal, etc), tipal en cuantias grande, par la prosede macinal de pone testo, imajes, etc, a paper o otra materia
primitiva = pertinente a la cualias de un nivel plu temprana en la evolui o istoria de alga cosa; pertinente a un sosia o cultur nonalfabetiste e nonindustrial, con organiza simple
primula = un planta comun de la bosces de Europa con flores pal jala en la primavera temprana
prinse = la fio o neto de un monarca; un renor mas de un stato peti
prinsia = un stato renada par un prinse
Isola Prinse Edward = un provinse de Canada, un isola en la Golfo San Laurent
prinsipe = un vera o proposa cual ata como un funda de un sistem de credes o conduis o per un cadena de razona; un crede o colie de credes tenida e enseniada par un eglesa, governa, partito o otra grupo
prisma = un forma solida cui du finis es formas retilinial simil, egal e paralel, e cui lados es paralelogrames; un ojeto de vitro o simil en esta forma, tipal un cual separa lus blanca a un spetro de colores
prison = un construida en cual persones es legal tenida como un puni per sua crimines o cuando los espeta es prosededa; un loca per teni tempora persones acusada de un crimin
prison botelin = un prison cui sola porte es un buco en la sofito alta
priva = no permete a (un person o loca) la posese o usa de un cosa; (mori o asentia longa) fa ce on perde un person amada
privata = per la usa de sola un individua o grupo spesifiada; (un pensa o senti) no per comparti o revela a otras; (un loca) sin persones escluida; no publica; secreta
Prixtina = la site capital de Cosovo
pro- = acordante con
pro- = movente o estendente a ante
proa = la parte fronte de un barcon, spesial la parte supra la nivel de la acua
proba = esamina, usa o fa (un cosa nova o diferente) per vide esce lo es produosa, conveninte o plasente
probable = statistical o lojical espetada en un situa spesifiada
probiotica = (un medisin) cual promove la crese de alga microbios en la sistem de dijesta
problem = un situa, tipal nosiva o perilosa, cual nesesa un solve
problemi = deveni un problem; es considerada como un problem
problemi = fa ce (alga cosa) deveni un problem; considera (alga cosa) como un problem
proboside = la nas de un mamal, spesial cuando lo es longa e movente, como la trompa de un elefante o la beco de un tapir; la parte longa de la boca de alga insetos, usada per suca nurintes, tipal tubo, flexable e estendable
procaina = un composada derivada de asida benzoica, usada per anestese
procariota = un organisme pico e uniselulal (como un bateria) cual no ave un nucleo con membrana, e no ave otra organetas spesialida
proclama = anunsia ofisial o publica; declara forte (alga cosa) sur cual on opina ce lo es importante
proctolojia = la ramo de medica cual studia la ano e reto
proctoscopio = un util medical con lampa per esamina la ano e reto
prodroga = un composada biolojial nonativa cual pote es metabolida en la corpo per produi un droga o medisin
produi = fabrica (un cosa) de partes o materias; crea o formi (un cosa) par un prosede fisical, cimical o biolojial; crea (un cosa) par capasia mental o creosa
contraprodui = produi la reversa de la efeto desirada
produisme = un teoria economial en cual la produi es la gol prima
profesa = pratica (un carera)
profesa = un carera, spesial si lo nesesa un instrui estendeda e un documento ofisial de serti
semiprofesal = resetante paia per un ativia, ma no intera dependente de lo per vive
profesor = un mestre o ensenior con un diploma avansada, tipal en un universia
profeta = un person regardada como un mestre inspirada o un proclamor de la vole de un dio; un person ci promove o parla como un previdor sur un crede, caso o teoria; un person ci previde o declara sua capasia de previde avenis
profil = un contorno de alga cosa regardada de un lado, tipal la fas de un person; un descrive corta de un person o organiza; un analise de la cualias e condui de un person per evalua o predise sua capasias o intendes
profita = reseta un benefica finansial, tipal la difere entre la cuantia ganiada e la cuantia usada per compra, opera o produi alga cosa; (metafor) reseta un vantaje o benefica jeneral
profiterol = un bal peti de pasta dulse, plenida con crema e covreda con salsa de xocolada, comeda como un deser
profonda = estendente a un distantia grande de la culmina, surfas o borda; (un state, cualia o emosia) multe grande, intensa o sever; (un person o declara) mostrante un comprende o intui grande; (un tema o pensa) esijente multe studia o pensa
prognose = predise la curso de (un maladia o otra situa)
prognose = la curso probable de un maladia; un predise de la resulta probable de un situa
program = un desinia o projeta per un prosede, con listas de avenis intendeda; un presenta en radio o televisa; un serie de instruis codigida per la opera de un computador o otra aparato
program ueb = un program cual funsiona en un paje ueb
program web = un program cual funsiona en un paje ueb
programable = (un computador o otra macina) capas de aseta instruis codigida per fa un taxe
progresa = move a ante en spasio o tempo; avansa o developa a un state plu bon, plu completa o plu moderna
proibi = no permete (alga cosa) par lege, regula o otra autoria
projenia = la desendentes de un person, animal o planta, tipal sua enfantes direta
projeta = fa ce (un lus, ombra o imaje) es vidable sur un surfas; fa ce (un sona, tipal la vose) pote es oiada a un distantia; desinia (un emprende) con cura per ateni un gol spesifiada
prolaso = un lisca a ante o a su de un parte o organo de la corpo; la parte o organo cual ia lisca, tipal un utero o reto
proletaria = laborores o persones de la clase de laborores, coletiva regardada (spesial en teorias de marxisme); la clase la plu basa de sitadanes en Roma antica
prologa = ajunta un parte o parla a la comensa de (un libro o presenta teatral) per introdui lo
prologa = un parte o parla introduinte un libro o presenta teatral
promedia = avente cualias regardada como tipal de un grupo spesifiada; con la nivel o cuantia comun o normal
promedia = la resulta otenida par divide un soma par la cuantia de somadas
promerope = un avia de Africa sude, con beco longa e delicata e coda multe longa, ci come netar e insetos
promete = declara o serti ce on va fa o furni (un cosa), o ce (un cosa) va aveni; declara ce on va dona tota o multe de (sua tempo o recursos) a un person, ata o promove
prometio = la elemento cimical con numero atomal 61, un metal radioativa
promiscua = avente multe plu relatas sesal tempora ca on regarda como normal, sosial asetable o sana
promove = suporta o labora per progresa (un emprende, filosofia, etc); atenta influe politicistes sur (un caso); (soldatos) ata per ateni un gol militar
prona = reposa plata, con fas o palma a su
pronom = un parola cual pote es usada como un sintagma nomin e cual refere a la persones ci conversa (como `me`, `tu`, `nos`) o a un person o cosa notada a otra locas de la conversa (como `el`, `los`, `esta`)
pronom-sujunta = un pronom cual introdui un suproposa ajetivin o nomin
pronto = preparada per funsiona direta o pos tempo minima
pronto = pos tempo minima o multe corta
pronunsia = produi la sona de (un parola), tipal en modo coreta o spesial
prop- = nominte alcanos e otra idrocarbonos con tre atomes de carbono
propaganda = informas prejudosa o malgidante, usada per promove o publici un caso political
propano = un gas flamable idrocarbonal, esistente en gas natural e usada como un combustable botelida
propanol = cada de du alcoles isomeral usada como disolventes
proparositono = (un parola) asentuada sur la silaba ante la silaba presedente la silaba final
propen = un idrocarbono gasosa en la serie de alcenes
propensa = fa ce (algun) es plu disposada a un ata, intende o state spesifiada
proportio = la relata de un cosa a un otra par cuantia o grandia; la relata de la grandia de un parte a la grandia de la intera; la cuantia relativa de un materia contenida en un disolve
proposa = presenta (un idea, projeta o desinia) per considera o discute par otras; sujesta (algun) per un rol ofisial o un parteni en un asosia; dona un ofre de sposi a (algun)
propre = parteninte o pertinente a un person o cosa spesifiada
propria = un cosa o cosas poseseda par algun
propriosepi = la sensa de la relata e move de la partes de sua propre corpo
propulsa = fa ce (un cosa) move en un dirije, comun a ante; furni la enerjia per move (un cosa)
prosa = lingua parlada o scriveda en sua forma comun, sin strutur poesial
prosede = fa un serie de atas sur (un person o cosa) per ateni un gol o produi un otra cosa
prosegue = move a ante en modo ordinada, tipal como parte de un rituo o festa
prosero = un musculo de la fas, entre la oios
prosima = a un distantia corta; a un tempo no distante en la futur; aprosima; (un ami) multe bon conoseda
prosion = un mamal grisin brun de America, con fas volpin con masca negra, e con coda anelosa, notada per sua tende de lava sua comedas entre sua du pedes anterior
prosodia = la motifes de ritmo e sona usada en poesia; la studia de estas
prostaglandina = cada de un grupo de composadas de asidas grasosa con efetos ormonin, spesial la promove de contraes de la utero
prostata = un glande sirca la colo de la vesica en mamales mas, cual relasa un licuida cual formi un parte de semin
prostese = un parte artifis de corpo, per esemplo un gama, braso, cor o seno
prostitui = ofre (algun) per ativia sesal paiada
prostituor = un person ci maneja prostituidas o trova clientes per los
protactinio = la elemento cimical con numero atomal 91, un metal radioativa
protagoniste = la carater xef o un de la carateres major en un nara, tipal con bon intendes
protea = un arboreta perene con flores cono grande, ensircada par brateas briliante colorida, nativa de Africa sude
protease = un enzima cual redui protenas e peptidos
proteje = preveni la feri o dana de (un person o cosa)
protele = un mamal noturna de Africa, con bandas negra, en familia de iena, ci come xef termites
protena = cada de un clase de composadas organica de un o plu cadenas longa de aminoasidas e cual es un parte esensal de tota organismes
lipoprotena = cualce de un grupo de protenas disolvable cual combina con lipidos en la sangue e transporta los
protende = estende de un surfas
proteom = la colie completa de protenas cual pote es espresada par un jenom, selula, texeda o organisme
proteomica = la studia de proteomes e sua funsionas
protesta = espresa publica un oposa forte a (un politica de la autoriosas)
protestantisme = un forma de cristianisme cual ia orijina en la Reformi de la sentenio 16
protista = un rena de organismes cual composa la plu de organismes uniselulal
proto- = prima, asendente
protocol = la prosedes o sistem de regulas ofisial
proton = un particula suatomal stable cual esiste en tota nucleos atomal, con carga positiva egal a lo de la eletron ma con sinia oposante
protoplasma = la materia sin color cual formi la parte vivente de un selula, incluinte la sitoplasma, nucleo o otra organetas
protostomio = un membro de un clado de animales biladal, cual difere de la deuterostomios en la developa de la embrio
protozon = un animal pico e uniselulal de la rena protista
antiprotozonal = un medisin per mata protozones
Provensa = un provinse pasada de Frans sude-este a la costa de la Mar Mediteraneo, a este de la Rio Ron
proverbo = un dise corta e consisa, jeneral usada, cual declara un vera jeneral o ofre consela
providensia = la governa saja de la mundo umana par Dio o la natur; un aveni regardada como un caso de esta
provinse = un parte major de alga nasiones o imperos
provitamina = un materia cual pote es convertida a un vitamina
provoca = stimula (un reata o emosia, tipal forte o nonbonvenida) en algun, spesial coleria e atas de coleria
provolone = un ceso italian, mol e fumigada
proxi = un servador cual ata como un media per demandas de clientes ci xerca recursos de otra servadores
prunel = un arboreta spinosa con cortex negra e frutas de cual on crea un licor; un de esta frutas
pruno = un arbor caduca cual produi prunas
pruna = con color rojin purpur
pruna = un fruta oval e pulposa cual es purpur, rojin o jala cuando matur e conteni un seme platin e puntida
pruri = esperia un sensa iritante a la pel, cual crea un desira de rasca
Prusen = un rena pasada de Deutxland, orijinal un pais peti a la costa sude-este de la Mar Baltica
PS = pos scrive
psefolojia = la studia statistical de elejes e tendes de vota
pseudo- = falsa, no real; semblante o imitante
pseudopodo = un protende tempora de la surfas de un selula amebin per move e come
psi = la letera 23 de la alfabeta elinica
psice = la spirito o mente umana
psiciatria = la studia e trata de dementia, disturba de emosia, e condui nonormal, spesial par dotores medical
neuropsiciatria = la ramo de psiciatria cual pertine a disturbas resultante de maladias de la sistem de nervos
psicica = pertinente a capasias o esperias cual no pare esplicable par leges natural, tipal los cual envolve telepatia o clarvide
psico- = mente
psicojen = con un orijina psicolojial, contrastante con causas fisical
psicolesica = pertinente a medisines cual calmi la mente
psicolojia = la studia siensal de la mente umana e sua funsionas, spesial los cual afeta condui en un contesto spesifiada
parapsicolojia = la studia de fenomenos mental cual no es esplicable par siensa ortodox
psicolojisme = un tende de interprete avenis o razonas en modo tro psicolojial
psicomotor = pertinente a la orijina de move en la mente consensa
psicopatia = un disturba mental cual inclui condui sosial nonormal, tendes combatosa, e la asentia parente de emosias como simpatia e culpablia
psicose = un disturba mental grave en cual razona, persepis e emosias es desfisada de realia esterna
antipsicosica = un medisin per redui la sintomes de psicose
psicosomatica = (un maladia fisical) causada o malida par fenomenos mental como stresa o desacorda interna
psicotropial = pertinente a medisines cual afeta la state mental de un person
psilosibe = un fungo cual conteni psilosibina
psilosibina = un alusinojen, estraeda de alga xampiniones
psoas = cada de du musculos liante la lombo a la gama
psoriase = un maladia de la pel, marcada par areas roja, scamosa e prurinte
ptero- = con forma de ala, o pertinente a un ala
pterodatilo = un pterosauro de la tarda de la jurasica, con testa e colo longa e magra e coda multe corta
pterosauro = un retil estinguida con sangue calda e capas de vola, de la jurasica e cretasica, con alas membranosa suportada par un dito cuatro grande estendeda
Ptolemeo = un astronomiste elinica antica; cada re en un dinastia de Misre eliniste
ptolemean = pertinente a Ptolemeo o a sua teorias; pertinente a la Ptolemeos de Misre antica
pu = espresante repulsa
pubica = pertinente a la du osos cual formi la lados de la pelvis
publica = pertinente a la popla como un grupo intera; abrida a o compartida par tota persones de un rejion o pais; furnida par la governa e no par un compania autonom o comersial; envolveda en la ativias de la comunia, spesial en la governa; conoseda par multe persones, famosa; aveninte en la vide potensial de cualcun, no privata
pueblo = pertinente a la poplas diversa de americanes nativa de la SUA sude-ueste
pueblo = un comunia de americanes nativa, tipal composada de casas multinivelal de adobe
puia = move o presa (un person o cosa), tipal con la manos; presa (un boton o simil) per sua efeto
pula = la unia de mone en Botsuana
pulea = un rota con borda ranurida sirca cual un corda pasa, cual cambia la dirije de un fortia aplicada a la corda e es xef usada per leva cosas pesosa
pulga = un inseto peti, sin alas e capas de salta, cual nuri se con la sangue de mamales e avias; (en un jua) un disco peti cual on atenta salta a un gol par presa sua bordas con un disco plu grande
pulmon = cada de un duple de organos situada en la caxa toraxal, composada de sacos flexable con pasajes raminte en cual aira es tirada afin osijen pote entra a la sangue e diosido de carbono pote sorti
cardiopulmonal = pertinente a la cor e pulmones
pulpa = un masa mol, moiada e sin forma; la parte mol de un fruta; un masa mol e moiada de fibres derivada de trapos o lenio, usada per fabrica paper; la texeda vascular cual pleni la caveta interna de un dente e sua canales de radis
pulsa = (arterias) palpita ritmosa cuando la sangue move tra los, en modo cual on senti en la polso o la colo; (sona, eletrica, lus o otra onda) vibra, o alterna rapida entre presentia e asentia; (musica o otra ritmo) vibra o palpita
pulsar = un ojeto sielal, probable un stela neutronal rapida jirante, cual emete periodal ondas de radio o otra radia eletromagnetal a un frecuentia de asta mil pulsas per secondo
Pulxinela = un carater tradisional en comedia del arte
pum = un sona forte e subita; (en bascetbal) un xuta en cual un juor puxa la bal tra la sesto
puma = un gato savaje grande, trovada de Canada asta Patagonia
punc = pertinente a un forma de musica forte, rapida e coleriosa, popular en la desenios de 1970 e 1980, o a la cultur de sua presentores e fanes
puni = forsa un resulta negativa a (algun) como venja per un ofende, tipal como parte de un codigo o norma legal o moral
punica = pertinente a Cartago antica
punio = la mano de un person cuando la ditos es curvida e tensada a la palma e forte tenida ala, tipal per colpa algun o teni alga cosa
punta = (un arma o camera) es dirijeda a un ojeto
punto = la fini agu de un util, arma o otra ojeto; un marca peti e ronda; un numero o detalia en un discute o lista; un unia de valua ganiable en la curso de un jua; un marca de puntua cual indica la fini de un frase completa; un anelo de filo resultante de un pasa de la ago en cose o tricota
punto calda = un loca peti cual es plu calda ca la ensircantes; un loca popular de ativia o diverti; un loca con un rede Wi-Fi publica asedable; un loca de peril o violentia
punto de fuji = (en un desinia) un punto do la linias paralel pare converje
contrapuntiste = un composor ci usa contrapunto
contrapunto = la arte o tecnica de composa o presenta un melodia juntada con un otra; un disputa, idea o tema usada per crea un contrasta con la elemento xef
mediapunto = la loca o tempo a media de un viaja, un prosede o simil; (en tipografia) un punto vertical sentrida, acc. punto media
puntilapis = un aparato cual agi un lapis par jira lo contra un lama
puntisme = un tecnica de depinta impresiste cual usa puntos peti de colores pur
puntua = ajunta marcas como puntos, virgulas e brasetas a (un testo scriveda) per separa frases e sua partes e per clari sinifias
puntual = arivante o comensante a la tempo acordada
pupa = un model peti de un umana, tipal usada como un jueta; un model de un person spesifiada cual on dana o destrui per protesta o espresa coleria; un inseto en sua forma nonmatur e nonativa, entre larva e adulte
pupil = la abri sirculo e negra en la sentro de la iris de la oio, cual varia sua grandia per regula la cuantia de lus ateninte la retina
pur = no miscada con un otra materia; sin contamina; no plu ca spesifiada; asteninte de ativia sesal
purisme = un adere osesente a regulas tradisional
purda = la costum en alga sosias muslim e indu de separa femes de omes e stranjeres, tipal par un cortina
pure = produi un materia cremosa e lisa par crase, maxa o licuidi frutas o vejetales
purga = elimina de (algun) emosias, memorias o states nondesirada; sutrae un grupo de persones videda como nondesirada de (un loca o organiza) en modo subita o violente
purgatorio = (en catolicisme) un loca o state de sufri abitada par la spiritos de pecores ci debe espia sua pecas ante entra a la sielo
puritan = parteninte a la grupo de protestantes engles de la sentenios 16 e 17 ci ia opina ce la reformi de la Eglesa de England su Rea Elizabeth es noncompleta, e ia atenta simpli e regula la formas de adora; (metafor, en edas plu moderna) ofendeda par nudia o seso
purpur = con color entre roja e blu
purpura = un malcolori roja o purpur de la pel cual no pali cuando presada
pus = un licuida densa e jalin o verdin, produida en texeda infetada, composada de selulas blanca mor, baterias e otra materias
pustula = un bula peti sur la pel cual conteni pus
puta = (ofendente) un prostituida o otra fem regardada como promiscua o nonplasente
puto = (ofendente) un prostituida o otra om videda como promiscua o nonplasente
putong = la forma normal de xines moderna, fundida sur la dialeto de Beijing
putri = (materia organica) descomposa par la ativia de bateria e fungos
puxa = puia (un person o cosa) en modo bruta e noncurante
puzel = un pasatempo composada de un imaje primida sur carton o lenio e taliada en pesos de formas diversa cual on debe reasembla
q = la letera 17 de la alfabeta roman
Qahira = la site capital de Misre
Quebec = un provinse de Canada este, bordante la Golfo San Laurent e la Baia Hudson
r = la letera 18 de la alfabeta roman
rabano = un radis comable, spesial un varia peti, sferin e roja; la planta en familia de col cual produi esta
rabano blanca = un rabano con radis grande, magra e blanca, tipal coceda en cosini asian, o usada per nuri bestias
rabano forte = un radis comable de un planta european en familia de col, tipal usada como un spise o salsa; la planta cual produi esta
Rabat = la site capital de Magrib
rabi = un erudita o ensenior iudi, ci studia o ensenia tipal la lege iudi; un person nomida como un xef relijiosa iudi
rabia = un maladia comunicable e matante de canes e otra mamales cual causa dementia e convulsas, comunicada par saliva a umanas
raceta = un tipo de baston con un moldur ronda o oval en cual cordetas es entretexeda, usada per tenis, badminton, scuax e otra sportes
raceta = un strumento de venta corta e spesa con du anxas, usada en musica de la renase
racetabal = un sporte juada con un bal peti e dur, un raceta con manico corta e un campo con cuatro mures
raci = un licor turces aromida con anis
racite = un maladia de enfantes causada par un nonsufisi de vitamina D, marcada par calci nonperfeta, moli e contorse de la osos, tipal curvinte la gamas
raconta = comunica (sua esperias), tipal en forma de nara
radar = un sistem per deteta la presentia, dirije, distantia e rapidia de aviones, barcones e otra ojetos, par envia pulsas de ondas eletromagnetal cual deveni refletada
radia = emete (enerjia, spesial lus o caldia) en la forma de raios o ondas; diverje o sperde de un punto sentral; evolui a formas diversa, ajustante a situas o modos de vive nova; transmete (un program o informa) par radio o televisa
radian = un unia de angulo, egal a un angulo a la sentro de un sirculo cui arco ave un longia egal a la raio
radiato = un membro de un grupo tasonomial usada per clasi animales con simetria radial
radical = (en cimica) un grupo de atomes cual ata como un unia en alga composadas
radiculopatia = un disturba medical en cual la radis de un nervo es compresada
radio = la transmete e reseta de ondas eletromagnetal de alga frecuentia, tipal los usada per transmete programes de parla o musica; un aparato per reseta esta programes; un aparato per reseta e envia mesajes entre persones, barcones, aviones, etc
radio- = radia
radio = la oso la plu corta e spesa de la du osos de la braso umana; la oso corespondente en la gama anterior de un vertebrato o la ala de un avia
radio = la elemento cimical con numero atomal 88, un metal radioativa rara
radiograf = un aparato cual usa radia eletromagnetal de enerjia grande e ondas multe corta, cual pote pasa tra multe materias opaca a lus, tipal usada par medicistes per deteta maladias o otra disturbas en la corpo umana
radiogram = un imaje produida par un radiograf
radiolojia = la siensa de usa radiografes per diagnose e trata maladias
radis = la parte de un planta cual afisa lo a la tera o a un suporta, e cual porta acua e nurintes a la resta de la planta; la causa o fonte ultima de alga cosa; la materia o natur esensal de alga cosa; la orijinas etnical o cultural de un familia; (en gramatica) un morfem cui parolas es creada par la ajunta de afisas o otra cambias; (en musica) la nota fundal de un acorda; (en matematica) un numero cual, cuando multiplida par se a un cuantia de veses spesifiada, produi un otra numero spesifiada
radon = la elemento cimical con numero atomal 86, un gas radioativa rara
raelisme = un relijio cual crede ce estrateranes ia crea la umanas, fundida par "Raël" (Claude Vorilhon)
rafia = un palma nativa a Africa tropical, cui fibre de folias es usada per fabrica xapos, sestos e tapetos
raga = un forma de musica barati, composada de un motif de notas con intervales tipal, ritmosa, e belis variosa, usada como la funda de improvisa
ragade = un fesure o sicatris en la pel, spesial a la angulos de la boca e nas
raglan = un tipo de manga cual continua en un peso asta la colo de la camisa, sin costur de spala
ragnaroc = la batalia final entre la dios e la potias de malia en mitos scandinavian
ragtaim = musica marcada par un melodia sincopada e acompania periodal asentuada, evoluida par musicistes negra american en la desenio de 1890 e tipal presentada a la piano
ragu = un plato de carne taliada a pesos peti, lenta coceda con vejetales
raia = un pex larga e plata con un sceleto cartilajosa, pinas como alas, e coda longa e magra
raio = cada de la linias en cual lus, caldia o otra enerjia eletromagnetal pare radia de la Sol o cualce corpo luminosa, o tra un abri peti; (en matematica) cada de un grupo de linias reta cual pasa tra un punto; un linia reta de la sentro a la perimetre de un sirculo o sfera; un braso de un grupo ordinada con forma stelin; un linia de lampo
raion = un fibre per stofas, fabricada de selulosa rejenerada
raja = un re o prinse de Barat o otra paises de Asia sude-este
-raje = esflue violente
ral = un avia con plumas gris e brun, tipal con beco longa e abitante areas plen de plantas a lado de lagos o mares; un avia relatada con plumas brun e beco corta, abitante savanas bruta, ci ave un vose notada per sua raspa
ram = (en informatica) memoria cui contenida es no sola lejable ma ance cambiable
ramadan = la mense nova de la calendario muslim, en cual muslimes juna
Ramala = la site capital par fato de Filastin
rami = un jua de cartas en cual on atenta formi grupos e segues de cartas
ramo = la parte de un arbor cual crese de la tronco o de un ramo plu grande; un estende ladal de alga cosa; un ofisia de un compania grande cual funsiona local; un sudivide consetal de alga cosa, como un grupo de linguas o otra tema; un grupo autonom de un relijio o otra asosia
rampa = un inclina cual junta du niveles, como entre du niveles de un construida o un via inclinada per entra a o sorti de un via major
rampe = move a ante sur manos e jenos o par tira la corpo prosima a la tera; (metafor) move umil o vergoniosa; move lenta sur un surfas; move lenta e curante, spesial per evita deteta; (un planta) crese longo la tera o otra surfas par troncetas o ramos estendente
rana = un amfibio sin coda con corpo corta e truncin, pel lisa e umida, e gamas multe longa per salta
rand = la unia de mone en Sudafrica
rani = un rea o prinsesa de Barat o otra paises de Asia sude-este
ranunculo = un planta con flores peti, copin e briliante jala, comun en savanas e como un malerba en jardines
ranur = un abrida, talia o depresa longa e streta; un fora peti tra cual lus pasa en un camera; la depresa spiral de un disco de vinil
ranxo = un eleveria grande, tipal en la SUA e Canada ueste, do boves e otra bestias es elevada; un casa de un nivel, con teto basa
rap = un tipo de musica popular, introduida par musicistes afroamerican en cual parolas es narada en modo rapida e ritmosa supra un fondo de musica ancora rejistrada, tipal de strumentos eletronical
Rapanui = un otra nom per la Isola Pascua
rapela = desende un surfas cuasi vertical, usante un corda duple enrolada sirca la corpo e fisada a un punto plu alta
rapida = aveninte en un tempo corta; movente de un punto a un otra en un tempo corta
rapidometre = un aparato cual indica la rapidia de un veculo
rapsodia = un composada strumental en un move estendeda, tipal marcada par emosia o zelo; un poesia elinica antica cual ia es resitada sin interompe
rara = (un aveni, situa o state) no aveninte frecuente; no trovada en cuantias grande e donce interesante o valuada; noncomun; nonsufisinte
rasa = corti completa con un lama o otra cosa; corti completa la barba o otra capeles
rasca = marca la surfas de (alga cosa) con un cosa agu o puntida; causa un feri longa o magra en la pel de; frota (un parte de corpo) con sua ungias de dito o con un cosa ru per lejeri un pruri; (un avia o animal, tipal un gal) usa sua beco o talones a (un surfas) per trova comedas
rascasielo = un construida multe alta
rasiona = permete ce cada person ave sola un cuantia fisada de (un ben spesifiada)
rasiona = un cuantia fisada de un ben restrinjeda
raspa = puia o tira un util dur o agu sur (un surfas o ojeto) per sutrae susia o otra materia; usa un util per sutrae (susia o otra materia) de alga cosa; frota o fa ce on frota a (un surfas ru o dur), causante dana o feri; move (un cosa) longo un otra, creante un ruido bruta; redui (alga cosa, tipal comeda) a pesetas par frota lo a un surfas ru o agu
rastafari = pertinente a la promove relijiosa de Jamaica cual crede ce la popla negra es la popla elejeda par Dio, ce imperor Haile Selassie de Itiopia ia es la maxia, e ce la popla negra va reveni ultima a Africa
rasto = un util composada de un palo con un bara con dentes como un peten, usada per tira erba, folias, tera o calculos; un util simil usada per tira cosas
rasti la plaia = xerca, sur la costas, cosas naufragada cual on ta pote usa o vende
rata = un rodente cual sembla un mus grande, tipal con beco puntida e coda longa sin pelo
ratan = la troncetas magra e pliable de un palma, usada per fabrica bastos e mobilas; la palma cual produi esta
ratatui = un plato composada de oniones, zucetas, tomates, melonjena e peperon, soteda e coceda lenta en olio
ratel = un mamal simil a un texon, con dorso blanca o gris e fondo negra, nativa de Africa e Asia
ratio = un relata entre du cuantias de la mesma tipo
ravioli = envelopas peti de pasta cual conteni carne moleda, ceso o vejetales, orijinante en Italia
raza = cada de la divides major proposada de umania, con cualias fisical diferente; (en biolojia) un popla en un spesie cual es distinguida en alga modo; un grupo de animales o plantas developada par eleje intendeda
birazal = pertinente a o conteninte membros de du razas
multirazal = pertinente a plu ca un raza
razona = pensa, comprende e judi par un prosede lojical; presenta (lojica e atestas) per atenta convinse
re = la renor mas de un stato autonom, ci tipal eritante la rol par direto de nase (como un titulo); (en xace) la peso la plu importante; la carta de jua con la imaje de un re
rea = la renor fema de un stato autonom, tipal eritante la rol par direto de nase (como un titulo); la sposa de un re; (en xace) la peso la plu potiosa, ance nomida la dama; la carta de jua con la imaje de un rea, ance nomida la dama
real = un person real; la unia de mone en Brasil
reia = la cualia o autoria de un re, un rea o la membros de sua familia
reial = pertinente a reia; real
reial = un person reial
re = la nota du de la scala de C major (do major), D, en la sistem de scrive leteral de solfejo
re- = ajuntada a un verbo per ajunta la idea `denova`, `a retro` o `en la dirije oposante`
rea = un avia grande sin capasia de vole, de la savanas de America Sude, semblante un astruzo peti, con plumas grisin brun
-rea = esflue (medical)
real = vera esistente como un cosa, o vera aveninte; no imajinada o suposada
fotorealisme = la arte de crea desinias o depintas tan detaliosa e realin como fotos, tipal de vive comun
realpolitica = un sistem de politica o prinsipes fundida plu sur consideras pratical ca sur consideras moral o ideolojial
reata = ata en un modo spesifiada como la resulta de la ata de alga otra cosa; interata e cambia en modo cimical o fisical
contrareata = (un cuantia grande de persones) reata negativa a un cambia political o sosial
rebela = oposa o resiste un governa o renor instituida, como un grupo e tipal con armas; oposa o resiste autoria, controla o costum
contrarebela = ata militar o political contra la atas de gerilias o revoluistes
rebita = un spino o bulon corta de metal, usada per junta du pesos de metal par bate o presa un fini
rebus = un enigma cual usa imajes per representa parolas o partes de parolas
recambia = sustitui un cosa nova e simil per (un cosa gastada)
reclama = declara ce alga cosa es vera, tipal sin atestas; declara ce on ia gania o ateni (alga cosa); oteni la redona de (propria o titulo)
reclina = (un person o cosa) reposa en posa orizonal o cuasi orizonal
recolie = prende e colie (alga cosa) par atas repetente; talia e colie (un cultiva) de un rejion de tera
recomenda = sujesta (un person o cosa) con aproba como conveninte per un intende o rol spesifiada; sujesta forte ce persones fa (alga cosa)
recompensa = paia (algun) per sua labora; paia (algun) per sua perde o sufri
reconose = persepi ce on conose ja (un person o cosa) de un encontra pasada; declara ce on conose la esiste, validia, legalia o contribui de
reconsilia = restora relatas amin entre; causa la coesiste armoniosa de; fa ce (un conta) coere con un otra, tipal par ajusta per intercambias comensada ma ancora no finida
recorda = retrae (un person o cosa cual on ia vide, conose o esperia) a sua consensia
recordo = (en sporte e jua) la ateni la plu bon de sua tipo cual ia es ofisial mesurada e rejistrada
recore = aveni denova; (un person malada) sufri un mali pos un periodo de boni
recorsa = aplica un prosede o defini repetente
recovre = reveni a un state normal de sania o fortia
recurso = un furni de mone, materia, persones o otra benes cual un person o organiza pote usa per funsiona nonperosa; un fonte de aida en un situa difisil
rede = un peso de materia lejera texeda, fabricada de cordas, filos o simil, usada per catura pexes o otra animales; un ordina de linias orizonal e vertical crusante; un strutur interliada; un sistem complicada de vias; un sistem de persones o cosas interliada; un grupo de computadores interliada
rede sosial = la rede de interatas e relatas personal de un person; un servi en la interede par cual usores comunica con lunlotra
intrarede = un rede local e restrinjeda, tipal privata ma asededa con un surfador
redin = un banda longa e magra liada a un fini a la morso de un cavalo, tipal usada en duples per gida un cavalo
redui = deveni plu peti en cuantia, grado o grandia
reduvido = un inseto de zonas tropical con gamas longa cual come o morde xef otra artropodos
refere = fa un nota o indica per dirije la atende de (un lejor o escutor)
referendo = un vota jeneral par la votores sur un demanda political cual ia es pasada a los per un deside direta
refina = perfeti; sutrae nonpures o elementos nondesirada de (un materia), tipal como un parte de un prosede industrial; boni (alga cosa) par cambias peti; fa ce (un idea, teoria o metodo) deveni plu sutil e esata
refleta = (un surfas o corpo) lansa a retro (caldia, lus o sona) sin asorbe lo; (un miror o otra surfas briliante) mostra un imaje de; pensa introspetante
reflexe = (un ata) fada sin pensa o intende; fada o aveninte en modo spontan
ipereflexia = un responde tro rapida de la reflexes
reflexolojia = un sistem de masaje per destensa e trata maladias, usante la teoria ce puntos spesial sur la pedes, manos e testa es liada a cada parte de la corpo
reforti = forti o suporta, tipal con plu persones o materias; forti (un emosia, senti o abitua)
refrata = (acua, aira o vitro) fa ce (un raio de lus) cambia sua dirije cuando lo entra a un angulo
refren = un linia o linias repeteda de un poesia o canta, tipal a la fini de cada strofe; la musica cual acompania esta; un comenta o cexa cual es frecuente repeteda
refuja = proteje (algun o alga cosa) de feri o dana, spesial de persegue o de atacas par sua governa o militar
refusa = indica o mostra ce on no vole fa, dona o aseta (alga cosa); trata (alga cosa) como nonvaluada; declara ce on no aseta la veria o esiste de (alga cosa)
refuta = mostra ce (un declara o teoria) es falsa o noncoreta
regala = permete ce (algun) joia un plaser desirada; furni comedas, bevidas, divertis, etc a (algun); es multe o tro multe jenerosa a (algun)
regarda = vide (un person o cosa) con interesa e atende; sta fasante e plu alta ca (un vista); ave un opina spesifiada sur (un person o cosa)
rege = un forma de musica popular con un ritmo du cual es forte asentuada, orijinante en Jamaica
regex = (en informatica) un serie de sinias spesial cual representa un motif de testo
regla = un peso reta de plastica, metal o lenio, marcada a intervales periodal, per desinia linias reta o mesura distantias
regla pliable = un regla sesionida a segmentos, cual on plia per redui lo a un formato fasil portable
regolito = la strato de materia nonfisada cual composa la plu de la surfas seca de la Tera, la Luna e alga otra ojetos sielal
regresa = reveni a un state pasada o min developada; (en astronomia) move a retro; (en statistica) calcula la fator o fatores de la relata entre la promedia de un variable e la valuas corespondente de otra variables
regrete = es triste, repentinte o deludeda par causa de (un aveni), tipal si on ia causa la aveni
regula = controla o manteni la rapidia de (un macina o prosede) afin lo funsiona bon; controla o supravide (un compania o ativia comersial) par usa modeles o gidas ofisial
regular = coerente con un regula; obedinte un regula; cual no cambia; de cual tota sua elementos es egal
Reiciavic = la spele elefenin de Reykjavik
reiside = mata (un re)
rejente = (un person) renante un stato car la monarca es tro joven, asente, o noncapas en otra modo
rejeta = refusa o no acorda con (un comanda o proposa); (en medica) mostra un responde a (un organo o texeda transplantada) tal ce lo no survive
rejimento = un unia permanente de un armada, tipal comandada par un coronel
rejion = un parte de un nasion, pais, teritorio, site, construida, jardin, etc, con identia, usa o cualia distinguinte; (jeneral) un parte notable de cualce loca, ojeto o surfas
rejionisme = un parola, costum o cualia propre a un rejion
rejistra = pone (un cosa) en forma permanente per refere futur; pone (musica, imajes o ativia) en forma permanente per reprodui futur
rejistrador de prosedador = un rejion de memoria rapida asedable en un prosedador
rejistrador cuantal = un sistem de cubites en un computador cuantal
rel = un bara o grupo de baras usada como parte de un serca, parador o scalera, o per pende cosas; un bara de metal usada per formi un ferovia
monorel = un ferovia con sola un rel, tipal altida, con trenes suspendeda o suportada
relasa = permete ce (un person cosa) evade restrinje; libri; permete ce (un person o cosa) move, ata o core libre; permete ce (informa) deveni jeneral disponable
relata = ave un lia (a o con); es un parte de la mesma familia
corelata = (du cosas) ave un relata mutua en cual la un afeta o depende de la otra
relativa = esistente o posesente un cualia spesifiada en compara con un otra cosa; regardada en relata o proportio con un otra cosa
rele = un aparato eletrical, tipal usante un eletromagnete, cual es ativida par un corente o sinial en un sircuito per abri o clui un otra; un aveni en cual persones o animales partisipa per un periodo de tempo ante deveni sustituida par otras
releva = fa ce (un cosa) es clar vidable car lo es asentuada en alga modo
relicia = un ojeto survivente de un tempo plu temprana, tipal con interesa istorial o sinifiante; un parte de la corpo de un person mantenida como un ojeto de adora; un ojeto, costum o crede cual ia survive de un eda pasada ma es aora anticin
religa = fisa e enclui (la pajes de un libro) en un covrente
relijio = la crede e adora de un potia controlante supraumana, tipal un dio o dios personal; un sistem de credes e adora; (metafor) un interesa cual algun vide como suprema importante
rem = un unia per mesura la radia ioninte asorbeda par texedas umana, egal a un rontgen de raios X
remane = resta en la mesma loca o state, longo sua propre preferes o tra tempo plu longa ca otras ta desira
remedia = coreti e boni (un situa nondesirada); boni o elimina (un maladia o sua sintomes)
remente = fa ce (algun) recorda alga cosa, per esemplo par similia de aspeta o de condui o par lo cual on dise
remete = cansela o asteni de aplica (un deta o puni)
remize = un avia cantante de la mundo vea, simil a un paro, ci construi un nido pendente de un ramo
remo = un palo con lama plata a un fini, usada per move e gida un barco tra la acua
remora = un pex magra de mar cual afisa se a un pex plu grande par un ventosa sur sua testa
ren = cada de du organos en la adomen de mamales, avias e retiles, cual puri la sangue par estrae dejetadas e escrete los como urina
rena = eserse potia o autoria ultima supra (un rejion e sua popla); ata como la re o renor de (un nasion)
Rena de la Comunia = cualce pais cui xef de stato es la Re de la Rena Unida
renoreta = un re minor; un avia cantante peti, tipal con un cresta jala, nomida un corona
Rena Unida = un pais en Europa ueste, composada de England, Cimri, Scotland e Er Norde
rendere = usa color e trama afin (un model o contorno) pare solida e tridimensional; produi la forma final de (un imaje o video)
renegada = un person ci abandona e tradi un organiza, nasion o grupo de prinsipes
renin = un enzima secreteda par e reservada en la renes, cual stimula la produi de la protena anjiotensina
renio = la elemento cimical con numero atomal 75, un metal rara arjentin blanca
reno = un servo de la tundra e zonas suartica de Eurasia e America Norde, de cual ambos sesos ave cornos grande e raminte
Reno, Rio = un rio en Europa ueste cual comensa en la Alpes de Suiz e fini en Nederland a la Mar Norde
renovascular = pertinente a la sistem de sangue de la renes
renunsia = parti volente de (un emplea, rol o direto); declara ce on abandona un (alega, direto o poseseda); no permete (un cosa desirada) a se
reolojia = la ramo de fisica cual studia la flue e desformi de materia
reostato = un strumento eletrical usada per controla un corente par varia la resiste
repara = fa ce (un cosa danada o nonfunsionante) deveni denova bon o funsionante
repenti = senti o espresa regrete per (sua peca, mali, crimin, era o otra ata)
repertorio = un colie de teatrales, musicas o dansas cual un compania o presentor sabe o es preparada per presenta; (metafor) un colie de capasias o tipos de condui cual un person usa abitual
repete = (un cosa ja fada o diseda) aveni denova
replica = dise (alga cosa) como un responde, tipal en modo astuta o agu
reporta = dona un nara parlada o scriveda de (un cosa oservada, oiada o fada)
reposa = sesa labora per refresci se; reclina sur la tera, un sofa, un leto, etc; resta tempora a un loca; (la Sol, Luna, etc) move a su la orizon
reposabraso = un braso cuxinida de un seja
reposadorso = la parte de un seja cual suporta la dorso
reposapede = un sejeta basa per suporta la pedes de un person sentante
reposatesta = un parte cuxinida a la retro de un seja, desiniada per suporta la testa
represa = restrinje o preveni la espresa o developa de (alga cosa)
representa = descrive o imaji (un person o cosa), tipal sua natur esensal; es encargada per ata o parla per (algun)
reprodui = produi (enfantes) par un prosede sesal o asesal; crea un copia o representa de (alga cosa)
reproxa = espresa a (algun) sua nonaproba o delude
republica = un stato en cual la potia suprema es tenida par la popla e sua representores, e cual ave un presidente elejeda en loca de un monarca
Republica de Africa Sentral = un pais sin costa en Africa sentral, a norde de la Rio Ubangi
Republica de Africa Sude = un pais en la parte la plu sude de Africa
repulsa = forsa a retro; fa ce (algun) senti desaproba estrema, tipal a un cosa multe nonplasente o ofendente
reputa = regarda o considera en modo spesifiada; fa ce on crede jeneral (alga cosa) sur algun, an si lo no es vera
rescata = (un caturor) esije un cuantia de mone o otra paia per la relasa de (un prisonida); oteni la relasa de (un prisonida) par un tal paia
rescata = un cuantia de mone o otra paia esijeda o paiada per la relasa de un prisonida
resenia = analise e evalua (un teoria o obra) en un modo detaliada
resente = aveninte, comensada o fada a no multe tempo ante aora; de un eda o periodo pasada no multe distante de la presente
reserpina = un droga usada per la trata de presa sangual alta
reserva = no usa o dejeta (un cosa); reteni per usa futur; reteni (mone o otra valuadas) per usa futur; fa ce (un salon, seja, bileta, etc) es retenida per un person spesifiada e no donada a cualce otra person
reseta = oteni (un cosa) donada; bonveni formal (un visitor); developa (un maladia comunicable)
reseta = un ata de reseta; un serie de instruis per prepara un comeda, incluinte un lista de la ingredientes
fotoresetador = un selula o organo cual responde a lus
resetosa = inclinada a considera o aseta ideas nova
resife = un cresta de rocas, coral o arena apena supra o su la surfas de la mar
resina = un materia organica, aderente, flamable e nondisolvable en acua, secreteda par alga arbores e otra plantas; un polimer artifis simil usada per produi plasticas, aderentes, vernises o otra produidas
resini = misca resina con (alga cosa); aplica resina sur (alga cosa)
resinosa = un arbor resinosa
resinia = parti volente de (un emplea o otra rol); aseta defeta en un jua como xace
resiproca = donada, persepida o fada como un redona o reenvia; egal liante o afetante ambos de du persones o grupos; (un cuantia o funsiona) relatada a un otra tal ce la multipli de la du egali un
resiste = ata contra la ata o efeto de; atenta preveni par ata o razona; resta nondanada o nonafetada par
resita = repete a vose (un poesia o nara) de memoria ante escutores; dise (un lista de nomes, fatos, etc) en ordina spesifiada
resitativa = relativa a un resita sur un melodia
resitativa = (en un opera) un dialoga parlada en melodia simple, per esplica la nara
resolve = separa (alga cosa) a sua composantes; redui (alga cosa) par analise a sua elementos plu simple
resoma = redui la puntos la plu importante de (alga cosa) a un declara corta
respeta = amira (un person o cosa) profonda, como la resulta de sua capasias, cualias o atenis; valua la sentis, desiras, diretos o tradisiones de
respira = prende (aira) en la pulmones e alora presa lo a estra, tipal como un prosede fisiolojial natural; (un animal o planta) intercambia gases per vive
responde = dise (alga cosa) como un reata a la dise o demanda de un otra person
respondosa = (un person o organiza) con obliga de responde esplicante sua atas cuando nesesada
resta = continua esiste, tipal pos cuando otra persones o cosas ia sesa esiste; continua en la mesma loca; continua en un rol; continua ave un cualia spesifiada; continua pos cuando otra persones o cosas ia es finida, usada o tratada
restora = fa ce (un person o cosa) move a un state o loca pasada; fa ce (un person o cosa) es o pare nova
restrinje = limita; manteni (un person o cosa) su sua controla; priva (un person o cosa) de move o ata libre; declara ce (algun) no es elejable; elimina (algun) de un concurso
resulta = aveni o segue par causa de un otra aveni
resulta = (un aveni) ave (un otra) como sua resulta
resus = pertinente a un antijen aveninte sur selulas roja de sangue de multe persones e alga otra primates, importante como un causa de maladia emolitica de enfantes e de nonacorda en transfusas de sangue
reta = estendente o movente en un dirije sin curvi; (un triangulo) conteninte un angulo de 90°
retangulo = con cuatro lados reta e cuatro angulos reta, tipal con du lados juntada nonegal
retarda = fa ce (un person o cosa) no progresa o developa en la modo normal, natural o espetada
reteni = ave o continua posese; reserva per usa futur; reserva en un loca spesial o abitual; no relasa
reti- = reta, no deviante
reticulo = un rede delicata o strutur redin simil; un serie de linias o fibres delicata en la vidador de un aparato como un telescopio, microscopio, fusil, etc
retil = un vertebrato con sangue fria, marcada par pel seca e scamosa, de la clase cual inclui serpentes, crocodiles e tortugas
retina = un strato a la dorso de la oio cual conteni la selulas cual sensa lus e stimula la neurones cual pasa tra la nervo otical a la serebro
retinoica = pertinente a asida retinoica
retinol = un vitamina importante per vide, spesial a note, e per la pel
retinopatia = un maladia de la retina cual causa la mali o perde de vide
retinoscopio = un strumento usada per mesura la era refratal de un oio
reto = la sesion final de la intestin spesa, fininte a la ano
retoca = boni o repara (alga cosa) par ajustas peti
retorica = la arte de parla o scrive convinsente, tipal con la usa de metafor e otra tecnicas de composa
retorta = un contenador o forno per fa un prosede cimical; un contenador de vitro con colo longa, usada per distila licuidas
retro = (un parte) a la lado posterior de alga cosa
retro = la parte posterior de alga cosa; la spasio o loca pos la dorso de un person o cosa; la parte posterior de un armada, marina o linia de persones
retro- = a retro
retroflexe = (un consonante) pronunsiada con la punto de la lingua curvida a la palato dur
retrospeta = considera (avenis o situas pasada)
retsina = un vino elinica blanca o ros fermentada con resina de pino
reumatica = pertinente a o causada par cualce maladia marcada par inflama e dole en la juntas, musculos o texedas fibrosa
reumato- = licuida de corpo
reumatoide = pertinente a, afetada par, o semblante reumatica
reumatolojia = la studia de reumatica, artrite e otra maladias de la juntas, musculos e ligamentos
Reunion = un isola e rejion franses en la Mar Indian
rev = un selebra con multe jovenes, dansas nonrestrinjeda, musica eletronical de tipo rapida e forte, e tipal drogas e alcol; un bar o salon grande per tal avenis
revela = fa ce (informa secreta o nonconoseda a ante) deveni conoseda par otras; permete ce (un cosa) es vidable; mostra atesta de, o demostra; mostra (un cualia o senti) par sua atas o aspeta; (un maladia) deveni evidente par la apare de sintomes
malrevela = revela prematur un punto importante de (un nara), matante per otra persones la plaser de descovre
revenu = mone resetada per labora, par investi, o de un aveni o presenta
reversa = vade a retro; deveni sua oposante; (roles de du cosas o persones) deveni intercambiada; (un motor) funsiona en la dirije oposante; (un judi, deside o condena fada par un corte o autoria plu basa) deveni canselada; (un testo o desinia) deveni blanca en un bloco de color solida
revisa = reesamina e cambia (un cosa) pos plu atesta; rescrive (un documento) pos reesamina; prepara (un testo) de un otra person per publici
revisor = un person ci organiza testos per publici
revista = resenia un libro, presenta, filma, esibi, etc, en un jornal; presenta (soldatos) per inspeta par un superior o visitor
revista = un jornal cual conteni articles cual analise avenis nova, studias siensal, etc; un presenta de soldatos per inspeta par un superior o visitor
revoca = cansela (un lege, obliga o otra cosa formal)
revolta = ata contra un governa o autoria local
revolui = aboli, desvalidi o reversa (un sistem presedente); cambia (un cosa) en modo estrema o fundal
revolver = un pistol con cambras turnante, cual permete plu ca un xuta sin recarga
rexerca = la investiga en modo organizada de un campo de studia per determina fatos e developa teorias
rexercar = un composa strumental multe complicada, en stilo de fuga o canon, tipal de entre la sentenios 16 e 18
Reykjavik = la site capital de Island
Rhode Island = un stato en la SUA norde-este, bordante la Mar Atlantica
Riad = la site capital de Arabia Saudi
rial = la unia de mone en alga paises arabi
riboflavina = un vitamina de la grupo B, nesesada per enerjia, trovada en multe comedas, spesial lete, figato, ovos e vejetales verde
ribonucleal = pertinente a la composadas de asida ribonucleal
ribonucleotido = un nucleotido con ribosa
ribosa = un zucar cual es un parte de nucleotidos e alga vitaminas e enzimas
ribosoma = un particula pico, composada de asida ribonucleal e protenas asosiada, trovada en cuantias grande en la sitoplasma de selulas vivente
rica = posesente un cuantia grande de mone, recursos o ativas; (un nasion o pais) posesente recursos natural valuosa o un economia susedente
ricetsia = cualce de un grupo de baterias pico cual inclui la causas de tifo e otra maladias febrosa en umanas
ricota = un ceso mol e blanca de Italia
ricxa = un veculo con du rotas e un covrente, tirada par un o plu persones; un veculo simil a un bisicle con tre rotas, con un seja per pasajores pos la gidor
rie = mostra subita sua diverti, sasia o despeta par moves spesial de la musculos de la boca e fas, tipal acompaniada par un sona cacarante; vosi (alga cosa) en esta modo
riel = la unia de mone en Camputxa
rif = (en pop e jaz) un frase corta e repeteda, tipal juada supra cordas o armonias cambiante o usada como la fondo per un improvisa solo
rifa = ofre (un cosa) como un premio en un jua, per gania mone par vende biletas con numeros de cual un o plu va es acaso elejeda
Riga = la site capital de Latvia
Golfo Riga = un golfo entre Esti e Latvia, un estende de la Mar Baltica
rigatoni = un pasta con forma de tubos corta
rigodon = un dansa vivosa per duples, en tempo duple o cuatruple, orijinante en Provensa
rigor = (en siensa) un atende sever a la constrinjes de lojica e bon pratica; (metafor) la cualia de esplora completa tota solves posible de un problem
rijida = no fasil curvable o flexable o capas de cambia forma; no tan libre movente como normal o desirada; (un person o un parte de corpo) noncapas de move fasil e sin dole; (un person o sua condui) tensada e constrinjeda en modo de condui
ril = un dansa vivosa de Er o Scotland; un musica per esta, tipal en tempo simple o duple
rima = (un parola, silaba o linia) fini con un sona cual coresponde a un otra, tipal a la fini de linias de poesias o cantas
ringit = la unia de mone en Malaisia
rinite = un inflama de la membranas mucosa de la nas, causada par un virus o alerjia
rino- = nas
rinorea = la gotea de muco de la nas
rinosero = un mamal grande e pesosa con un o du cornos sur la nas e pel spesa e pliada, de Africa e Asia sude
rinse = lava (un person o cosa) con acua limpa per sutrae sopa, susia, etc
rio = un corente grande e natural de acua, contenida en un canal e fininte en la mar, un lago o otra acua
ris = un erba de pantanes cual es comun cultivada, spesial en Asia; la semes comable de esta
risa = produida, cresente o ordinada en curvas
risca = esposa (un person o cosa valuada) a peril, dana o perde; ata o fali ata en modo cual trae la posible de (un aveni nonplasente o nonbonvenida); tolera la posible de un resulta nonfortunosa par partisipa en (un ata)
risole = un misca presada de carne e spises, stratida con pesetas de pan e fritada
risoto = un plato italian, de ris coceda en bulion con otra ingredientes como carne e vejetales
ritmo = un motif de move o sona forte, periodal e repeteda
bioritmo = un sicle periodal en la fisiolojia o funsiona de un organisme, como la sicle dial de dormi e velia; un ritmo sicle de ativia fisical, mental o emosial en la vive de un person
rituo = un serie de atas tradisional per selebra un aveni publica o relijiosa
riva = la tera longo la borda de un rio
riviera = un costa sutropical e atraosa, comun visitada par turistes
rizofora = un arbor o arboreta cual vive en la pantanes costal de la tropicos cual es inondada a marea alta
rizoide = un capel o fibre a la inferior de la talo de alga plantas simple, spesial moses e epaticas cual ancori la planta e transmete acua
rizoma = un talo suteran cual crese orizonal e crea jermes e radises a periodos
ro = la letera 17 de la alfabeta elinica
roan = (un cavalo o bove) con pelo de un color xef con alga fibres de un otra color
roba = un veste de un peso, tipal per xicas e femes, cual covre la corpo e estende supra la gamas; un veste longa e laxe, portada a rituos como un indica de rol o profesa; un veste longa portada per covre pos bani o per reposa privata
robinia = un arbor en familia de piso cual produi semes con cascas grande; la casca comable
robot = un macina capas de fa series de atas programida complicada; un macina cual sembla un person e es capas de copia alga atas umana
robotica = la ramo de tecnolojia cual studia la desinia, construi, opera e aplica de robotes
roc = pertinente a un tipo de musica popular, tipal per dansa, marcada par ritmo forte e melodias simple, cual ia comensa en la desenio de 1950 en la SUA como un misca de blus afroamerican e la musica campanial de americanes blanca
roc = un avia mital jigante, descriveda en la nara de la Notes Arabi
roca = un materia solida de minerales cual formi un parte de la surfas de la Tera e planetas simil; un masa de esta
roceria = un jardin de rocas con plantas a entre
Montes Rocosa = la cadena de montes de America Norde estendente de la frontera ueste entre Mexico e la SUA asta Canada norde-ueste
roca = (la re en xace) move de sua cuadro orijinal par du cuadros en dirije a la cuadro de la tore, cual on move a la cuadro pasada par la re
rocefort = un ceso blu con sabor forte, fabricada en Frans de lete de oveas
roceta = (en croceta) colpa (un otra bal) con sua propre bal afin la otra bal move a via
roceto = un misil cual es propulsada a un altia o distantia grande par la combusta de sua contenidas; un motor operada par la combusta de sua contenidas
rocetolojia = la ramo de siensa cual studia rocetas e sua propulsa
rococo = (un arciteta o mobila) marcada par un stilo de orna detaliosa de la sentenio 18 en Europa
rode = morde persistente
rodente = un mamal de un ordina cual inclui ratas, muses, scurales, etc, distinguida par dentes sisorinte forte e un manca de dentes canin
rodeo = un colie de boves a un ranxo per conta, marca o vende; un esibi o concurso en cual caubois mostra sua capasia de resta sur cavalos savaje, lasi bovetas, luta con boves, etc
rodi = un person empleada par un banda de musicistes turinte per institui e manteni la aparatos de la presenta
rodio = la elemento cimical con numero atomal 45
rododendro = un arboreta en familia de erica, con grupos grande de flores campanin e tipal con folias perene grande
rodopsina = un pigmento presente en la retina, sensosa a lus purpurin roja
rohingia = pertinente a un popla indoarian de Miama, o a sua lingua
roibos = un planta sudafrican; un bevida calda preparada de sua folias
roja = con color a la fini de la spetro a lado de orania, la color de sangue
infraroja = (radia eletromagnetal) con longia de ondas apena plu grande ca lo de la fini roja de la spetro de lus vidable, ma min ca lo de microondas
Mar Roja = un mar entre Arabia e Africa
rol = un parte en un presenta, filma, etc, representada par un ator; la funsiona realida par un person o cosa en un situa spesifiada; un ativia natural a o intendeda per un person o cosa
rola = move en un dirije spesifiada par turna a un ves o repetente sur sua ase; (un avion) move lenta sur la tera ante enaira o pos atera; cade subita, torpe e sin controla; (un animal) turna se en fango o acua; (la contenida de la scermo de un computador) move vertical o orizonal per revela plu
rom = (en informatica) memoria cui contenida es sola lejable e no cambiable
Roma = la capital de Italia; la site antica cual ia es la orijina de la Impero Roman
romaji = un sistem de spele per transcrive nion, usante la alfabeta roman
romani = pertinente a un popla sperdeda tra Europa e Asia sude-ueste, orijinal de Barat, o a sua lingua
Romania = un pais en Europa sude-este, bordante la Mar Negra
romanica = pertinente a la grupo de linguas indoeuropean desendente de latina; pertinente a la stilo de arciteta cual ia es comun en Europa de sirca 900 a 1200
romaniol = pertinente a un rejion de Italia norde-sentral, o a sua dialeto de italian
romanse = un nara de la eda medieval sur cavaleros e damas, comun en la linguas romanica e germanica; un nara moderna en stilo simil; un musica corta e nonformal
romansor = un autor de un romanse
romantica = evocante la emosias asosiada con ama
romaro = un arboreta bonodorosa en familia de menta; la folias de esta, usada en cosini e parfum
rombo = con forma cuatroladal de cual tota sua lados es egal
romboide = con forma cuatroladal de cual sola sua lados e angulos fasante es egal
rombozon = un membro de un filo de parasitos peti cual vive en la renes de sefalopodos
romeo = un mas atraosa, pasionosa e seduosa
rompe = separa a pesos como la resulta de un colpa, xoca o tensa; sesa funsiona normal
rompegreve = un person ci labora en loca de otras ci greve, tal sutraente la efeto de la greve
rompejelo = un barcon desiniada per crea pasajes tra jelo
rompelingua = un parola o frase, tipal aleterosa, cual es difisil per pronunsia sin era
rompetesta = un jua o problem desiniada per defia la inteleto; un baston pesosa con testa spinosa de metal
rona- = 10²⁷
ronc = un sona basa e gargal como lo fada par un porco
ronci = fa un sona basa, tipal continuante; (un animal) fa un sona basa e asustante; resona forte
ronda = con forma simil a un sirculo o sfera; alga obesa
rondin = un avia cantante e migrante, con coda forcin e alas longa e puntida, cual pote vola rapida per xasa insetos
rondo = un poesia de 13 linias, divideda en tre strofes de 5, 3 e 5 linias, con sola du rimas e en cual la parolas prima de la linia prima es usada como la refren a la fini de la strofes du e tre; un canta fundida a un tal poesia
ronrona = (un gato) fa sonas basa, continuante e vibrante, tipal espresante contentia; (un person o macina) fa sonas simil
rontgen = un unia de radia ioninte
rontgenio = la elemento cimical con numero atomal 111
ronto- = 10⁻²⁷
rorcual = un balena en un familia de des spesies, ance nomida un balenotero
ros = con color entre roja e blanca
rosa = un arboreta cual produi tipal flores bonodorosa roja, ros, jala o blanca; esta flor
rosa spinosa = un rosa savaje de Europa con folias e flores bonodorosa
roseria = un cultiveria de rosas
roseta = un grupo radiante de folias orizonal estendente a la funda de un planta; un sinta con forma de rosa, portada par suportores de un ecipo o partito
rosario = (en la Eglesa Catolica Roman) un forma de adora en cual preas es repeteda en un ordina spesifiada; un cordeta de perletas usada per conta esta preas
Roseo = la site capital de Dominica
roseola = un maladia de enfantes en cual un febre es segueda par un eruta, causada par la virus de erpes; un eruta simil en tifoide, sifilis e otra maladias
roseta = un fringilo cui mas ave plumas rosin roja o rosin purpur
rosida = un clado grande de plantas florinte, incluinte jeranios, cocas, favas, rosas, peros, zucas, nozos, col, coton, etc
rosiniol = un turdo european con plumas brun, notada per la canta rica e melodiosa de la mas, tipal oiada en la note en sua periodo de cortea
rosio = gotas peti de acua cual formi sur surfases fria a note, cuando la vapor de la atmosfera condensa
rosta = coce (carne) par esposa lo a caldia en un forno o supra un foco per un periodo estendeda
rostralata = un avia vadante peti con beco longa e plumas brun con marcas colorosa
rota = un ojeto sirculo cual turna sirca sua ase e es fisada a o su un veculo o otra ojeto per permete ce lo move fasil sur la tera; un ojeto sirculo cual turna sirca sua ase e ata como un parte de un macina
rotas de stabli = rotas peti ladal afisada a un bisicle per aida un aprendor
rotica = (un consonante) licuida e simil en pronunsia a R; (un dialeto de engles) en cual on pronunsia R ante un consonante e a la fini de un parola
rotifero = un membro de un filo de animales multe peti, comun en lagos
rotor = un parte jirante de un macina o veculo, tipal con lamas inclinada sirca un ase
rotula = la oso convesa ante la junta de la jeno
rotunda = un construida o salon sirculo, tipal con un cupola; un construida ronda per manteni locomotivas
roxi = la xef spirital de un comunia de monces de zen
Rozo = la site capital de Dominica
ru = con un surfas cual no es lisa o plana; con multe bultos o indentes; (un lama) nonagu; no completa o final
ru = un misca de gras (tipal bur) e farina usada per fa salsas
RU = Rena Unida
rua = un via, tipal per veculos e locada en la campania
Ruanda = un pais sin costa en Africa sentral
ruba = prende nonlegal la propria de (un person o loca) par forsa o menasa
rubarbo = un planta eurasian con folias grande; esta folias, comeda pos coce
rubeola = un maladia virusal e comunicable, con sintomes simil a roseola, e cual pote causa malformis de un embrio si sua madre es malada en ensintia temprana
rubi = un varia de corindon valuada como un jem en colores como roja oscur, purpur o ros pal
rubia = un planta en familia de galias, con spirales de cuatro a ses folias, cui radises produi un pigmento; esta pigmento profonda roja, usada en tinje
rubidio = la elemento cimical con numero atomal 37, un metal mol, arjentin e rara
rublo = la unia de mone en alga paises de Europa este
rubo = un arboreta o vite trepante e maraniante, tipal con bacas negra; un de esta bacas
ruca = un planta mediteranean en familia de col, de cual on come sua folias en saladas
rue = un om, tipal vea, ci es oseseda par seso e otra plaseres a un grado cual es persepida como nonmoral o nosiva
rugbi = un sporte simil a futbal, orijinante en Britan, e juada con un bal oval cual pote es pedida, portada e pasada de mano a mano
ruido = un sona disturbante, tipal un sona forte, confusada o nonplasente
ruina = destrui completa (un loca, site, construida, person, etc)
ruji = (un leon o otra animal grande) produi un cria forte e profonda; (un person, manada, macina o otra cosa) produi un sona simil
rum = un bevida alcolosa distilada de la restas de zucar de cana o melasa
rumans = pertinente a un lingua romanica parlada en la canton suiz de Grisons, e un lingua ofisial de Suiz
rumba = un dansa ritmosa, orijinante en Cuba; un musica per esta
rumor = un reporta sirculinte cui veria es nonserta o dutada
runa = un letera de la alfabeta germanica antica
rundi = pertinente a un lingua bantu cual es un de la linguas ofisial de Burundi, parlada ance en Tanzania, la Republica Democrata de Congo, e Uganda
rupi = la unia fundal de mone de Barat, Pacistan, Srilanca, Nepal, Mauris e la Sexeles
rupia = la unia de mone en Indonesia
rus = un ata intendeda per engana algun
Rusia = un pais multe grande de Asia norde e Europa este
ruta = relasa (aira) de la stomaco tra la boca en modo forte e noncortes
ruta = un arboreta perene e sempreverde con folias lobosa, amarga e odorosa cual on usa en medica erbal
rutenio = la elemento cimical con numero atomal 44
ruterfordio = la elemento cimical con numero atomal 104, radioativa e nonstable
rutilo = un pex de la familia _Cyprinidae_, trovada en la acua dulse e marin de Europa e Asia ueste
rutina = un serie de taxes o atas fisada par abitua; un colie de comandas cual un computador segue per fa un taxe
Rwanda = un pais sin costa en Africa sentral
RVB = roja, verde e blu
sistem RVB = un sistem de misca la colores roja, verde e blu per oteni otra colores, comun en imajes dijital
s = la letera 19 de la alfabeta roman
s = secondo (mesurante longia de tempo)
s. = sirca
-s = ajuntada per plurali un nom cual fini con un vocal
sabatica = un periodo paiada en cual un profesor o otra laboror studia o viaja
sabe = es consensa de (un cosa) par oserva, demanda o informa; pote usa (un lingua); es instruida sur (un arte, siensa, labora, jua, sporte, etc)
sabetota = un person ci irita otras par condui como si el es multe saja o sabosa
sabor = la cualia de alga cosa esperiada par la sensas cimical de la lingua, tipal con detalias ajuntada par la sensa de ole
sabori = ave un sabor
saborea = sensa con gusta o joia (bon comedas o bevidas); (metafor) sensa (alga cosa) con gusta o joia
sabota = destrui, dana, o impedi (un cosa) con intende, tipal per vantaje political o militar
sabre = un spada pesosa con borda agu e lama curvida, tipal usada par cavalores militar; un spada simil ma plu lejera, usada en scrima
ruido de sabres = (metafor) un mostra de agresivia militar
saca = fura la ricas e destrui la construidas de (un loca o site caturada)
sacabuta = un forma vea de la trompon, usada en musica baroca
-sacarido = forminte nomes de carboidratos
disacarido = cada de un clase de zucares cui moleculas conteni restas de monosacaridos
monosacarido = cualce de la clases de zucar, como glucosa, cual no pote es idroliseda per deveni un zucar plu simple
oligosacarido = un carboidrato cui moleculas es composada de un cuantia peti de unias de monosacaridos
polisacarido = un carboidrato (como amidon, selulosa o glicojen) de cual la moleculas es composada de un cuantia de moleculas de zucar liada a lunlotra
Sacartvelo = un pais en Asia sude-ueste a la costa de la Mar Negra
sace = un bevida alcolosa preparada de ris fermentada, orijinante en Nion
Sachsen = un rejion de Deutxland norde e sentral; un duxia en la eda medieval
saci = un simia de la tropicos de America con pelo ru e coda longa, brosin e nonprensil
saco = un contenador de materia flexable, con un abri a la alta, usada per porta cosas
saco de gas = un saco o ojeto simil per conteni gas, como en un balon de aira calda
saceta = un paceta selida cual conteni un cuantia peti de un sustantia, per esemplo un servi de zucar o un salsa, o un secinte en un paco plu grande
saceta aromosa = un saco peti de tela, plenida con un sustantia de bon odor natural
sacra = (un direto, lege, ojeto, loca o simil) nonviolable car multe importante, per cualce razona
sacrifia = mata (un person o animal) como un ofre a dio o otra potiosa supranatural; abandona (un cosa valuada) per pote fa un otra cosa
sacro = un oso triangulo en la dorso basa, entre la du osos de la ancas
sacroilio = la junta rijida entre la sacro e la ilio
saculo = la plu peti de la du sacos de fluente en la labirinto de la orea interna
sadisme = la deriva de plaser, tipal sesal, par causa dole, sufri o umili en otras; (metafor) cruelia calosa
sadomasocisme = un tende psicolojial cual combina sadisme e masocisme
saduseo = un membro de un seta antica de iudisme cual ia nega la esiste de spiritos e ia aseta sola leges scriveda
safari = un mision per oserva o xasa animales en sua abita natural, tipal en Africa este
safir = un varia de corindon valuada como un jem, cual ave tipal un color oscur blu
saga = un nara longa de la atenis de un eroe, tipal un nara medieval en norsce vea o islansce vea; (metafor) un nara o reporta longa e complicada
saguaro = un cacto jigante cui ramos es formida como un candelabro
Sahara = un deserto vasta en Africa norde cual estende de la Mar Atlantica a la ueste asta la Mar Roja a la este, e de la Mar Mediteraneo e la Montes Atlas asta la Sahel a la sude
Sahara Ueste = un rejion en Africa norde-ueste a la costa de la Mar Atlantica, de governa nonserta
Sahel = la parte de Africa entre la Sahara e la Savana Sudani
saimiri = un simia peti de America Sude con coda nonprensil, cual move tipal par salta entre arbores
saisi = prende subita e fortiosa (un person o cosa); (un program) sesa responde a la usor
saison = cada de la cuatro divides de la anio, marcada par clima spesifiada resultante de la loca de la Sol en la sielo; un periodo de la anio marcada par un cualia de clima o un aveni o festa spesifiada
saja = avente o mostrante esperia, sabe e bon judi; respondente con intelijentia o astutia a un situa spesifiada
sajia comun = la sabes e credes comun a tota persones, o a tota persones en un comunia
sajital = pertinente a la plana imajinal cual divide la corpo entre lados destra e sinistra; pertinente a la sutur sur la cranio cual pasa de fronte a retro, o a la cresta de oso sur la cranio de alga animales
sal = clorido de sodio, un materia blanca e cristal cual contribui la sabor spesial de acua de mar e es usada como un spise o per conserva comedas; un cimical eletrical neutra cual es composada de cationes e aniones juntada con lias ional
sala = un parte de un construida ensircada par mures, sofito e solo, tipal usada per abita o labora
sala de jornalistes = un sala en un construida publica do on fa conferes jornaliste
salon de vileta = un construida publica usada par la comunia en un vileta
salada = un plato fria de miscas de vejetales ru o coceda, tipal spisida con olio, vinagra o otra ajuntas, e acompaniada a veses par carne, pex o otra ingredientes
salamandra = un amfibio simil a un triton, tipal con marcas briliante
salami = un tipo de salsix multe spisosa, orijinante en Italia
salario = un paia fisada e periodal par un empleor a un empleada, tipal a cada semana, cada duple de semanas o cada mense
salda = paia (un deta o conta); compara detas e creditos en (un conta), tipal per serti ce los es egal
saldeta = la mone redonada como la salda de un cuantia plu grande paiada per alga cosa
saliva = un licuida acuin, secreteda en la boca par glandes per aida mastica, engoli e dijesta
Salix, Mar = un rede de vias costal a sude-ueste de Columbia Brites e norde-ueste de Washington, cual inclui la Streta Georgia, la Streta Juan de Fuca e la Streta Puget
salmo = un imno o canta santa, spesial un de los contenida en la Atesta Vea de la Biblia
salmon = con color pal rosin orania
salmon = un pex grande e comable, valuada per sua carne rosa e oliosa
salmonela = un bateria, xef en intestines, cual causa salmonelose
salmonelose = un infeta par la bateria salmonela, marcada par diarea, febre, vomita e crampos adomenal
salopeta = un veste composada de un pantalon con covrentes per la peto e dorso, suportada par du bretelas, tipal de stofa durante e portada per labora; un veste simil usada per sci
salpica = cade o sperde en gotas grande
salsa = un licuida densa, servida con o sur comedas; un tipo de musica e dansa de America latina cual misca elementos de jaz e roc
salse = un arbor o arboreta con folias longa e magra cual abita prosima a acua
salsix = un tubo corta de carne axida a picos, spisida e caxida en un pel; esta comeda, coceda e magra taliada
salsola = un planta de zonas seca cual deveni desfisada en la tarda de estate e es rolada par la venta per sperde sua semes
salta = enaira par usa la musculos de sua gamas e pedes; (metafor) sta se en modo multe rapida pos senta o reclina
salterio = un strumento musical, antica e medieval, simil a un dulsimer, ma juada par toca la cordetas con ditos o plectro
saluta = dona un sinia de bonveni o reconose a (algun) en encontra el
saluta = espresante bon desiras cuando on encontra algun o parti
salva = manteni la securia de (un person o cosa); proteje (un person o cosa) de dana, feri o mori; manteni e reserva (un cosa, tipal mone) per usa futur
salvascermo = un anima cual apare a la scermo de un computador pos un tempo de nonativia
salvatempo = un metodo per rapidi la fa de un taxe
Salvador = un pais en America Sentral a la costa de la Mar Pasifica
salvia = un planta bonodorosa con folias grisin verde, usada como un erba en cosini
samara = un noza o acenio con un o du alas e sola un seme, como de la olmo o asero
samario = la elemento cimical con numero atomal 62
samba = un dansa de Brasil, orijinante en Africa; un musica per esta
sambuco = un arboreta con talos medulosa e tipal con flores blanca e bacas roja o bluin negra
Sami = un rejion en Europa norde cual estende de la Mar Norsce a la Mar Blanca, e cual es xef a norde de la sirculo artica
Samoa = un grupo de isolas en Polinesia; un pais composada de la isolas ueste de esta
samodeica = pertinente a cualce de un familia de linguas de la popla nomada de Sibir norde, ci vive tradisional como pastores de renos, incluinte enets, nenets, nganasan e selcup
samovar = un vaso ornosa per te, orijinante en Rusia
sampan = un barco usada en Asia este, tipal con remos a la popa
sample = prende acaso un grupo de (cosas) per analise; proba la cualias de (comedas o bevidas); rejistra o estrae dijital un peso peti de musica o sona per reusa en un composada o canta
samsara = (en budisme e induisme) la sicle de mori e renase en cual organismes en la mundo material es prisonida
samurai = un membro de un caste militar potiosa en Nion feudal
San = santa, usada como un titulo
Golfo San Jorge = un golfo a este de Arjentina sude-sentral
San Domingo = la site capital de la Republica Dominican
San Joan = la site capital de Antigua e Barbuda
San Jose = la site capital de Costa Rica
San Jorj = la site capital de Grenada
San Kitts e Nevis = un pais de du isolas en la Mar Caribe
Golfo San Laurent = un golfo entre Quebec e Newfoundland, a la sorti de la Rio San Laurent
Rio San Laurent = un rio grande en America Norde, liante la Lagos Grande a la Mar Atlantica, traversante Quebec, Ontario, e York Nova
San Lusia = un pais e isola en la Mar Caribe este
San Marino = un pais peti cual es ensircada par Italia; la site capital de la pais San Marino
San Martin = un isola de la Antiles Minor en la Mar Caribe, divideda entre Frans e Nederland
Golfo San Matias = un golfo a este de Arjentina sentral
San Nicolas = un bispo de Mira, un site antica en la ueste de Anatolia, ci es la patron santa de enfantes, marores, Elas, Rusia, etc; un person imajinada sur ci on crede ce el trae donadas per enfantes a natal
San Salvador = la site capital de Salvador
San Tome = la site capital de San Tome e Prinsipe
San Tome e Prinsipe = un pais de isolas en la Golfo Ginea
San Vinsent e la Grenadines = un pais de isolas en la Mar Caribe
san = pertinente a un popla nativa de Africa sude, spesial de la deserto Kalahari, o a sua linguas
sana = (un organisme) en bon state e enerjiosa, no malada e sin descapasia
Sana = la site capital de Iaman
sanatorio = un tipo de ospital, usual en la campania, cual furni un ambiente natural do persones recovre pos maladias cronica
sanbernardo = un can grande de un raza de Suiz e Italia norde
sandal = un sapato lejera cui planta es liada a sua pede par bandas
sandalo = un arbor de Barat cual produi lenio e olio bonodorosa; la olio derivada de esta arbor
sanduitx = un comeda composada de du pesos de pan con carne, ceso o otra pleninte entre los, comeda como un come lejera
sanga = un comunia budiste de monces e seguores
sanglota = enspira subita con la boca abrida, tipal en dole o stona; plora ruidosa con tal enspiras
sango = pertinente a un popla en Sentrafrica o a sua lingua, cual es un de la linguas ofisial de esta pais
sangria = un bevida de Espania, composada de vino roja, limonada, frutas e spises
sangue = la licuida roja cual sirculi en la arterias e venas de umanas o otra vertebratos, e cual trae osijen a e diosido de carbono de la texedas de corpo; un licuida simil en nonvertebratos
sanguefria = un calmia estrema en situas perilosa
sanscrito = pertinente a un lingua de Barat antica, en cual la scrives induiste e poesias temprana ia es scriveda, e de cual multe linguas de Barat norde ia desende
santa = dedicada a un dio o un intende relijiosa; (un person) dedicada a la servi de dio; (un testo) conteninte la leges o credes de un relijio; respetada par un seta o person de un relijio; moral e spirital eselente
Santiago = la site capital de Txile
sanumberto = un can grande de un raza cual ave un sensa multe agu de ole, usada per segue trasas
sapaio = un avia peti e oliva, con garga jala, trovada en la junglas de Panama, Venezuela e Colombia
sapato = un covrente per la pede, fabricada de cuoro o otra materias, con planta dur, no plu alta ca la talo; un peso curvida de fero, usada per proteje un pede de un cavalo
sapo = un amfibio sin coda, con corpo corta e spesa, e con pel seca e verucosa cual pote suda venena
sapon = un composada de olios o grases con idrosido de sodio o otra alcalin forte, usada per lava e limpi
sapota = un arbor grande e perene de la tropicos american, cual ave un fruta comable e lenio dur, e cual produi xicle
saprofaje = comente materia organica putrida
SAPT = sindrom de angusa pos trauma
sarabanda = un dansa lenta e diniosa en tempo truple, de Espania; un musica per esta
Saraievo = la site capital de Bosnia e Hersegovina
Sarayevo = la site capital de Bosnia e Hersegovina
saraseno = un erba de Asia cual produi semes amidonosa
sarcasmo = ironia usada per burla o indica despeta
sarco- = carne de corpo
sarcofago = un caxon funeral de petra, tipal decorada con scultas o scrivedas, asosiada con la sivilias antica de Ejipte, Roma e Elas
sarcoidose = un maladia cronica, marcada par la grandi de la nodas limfal en multe partes de la corpo e la apare vasta de granulomas derivada de la sistem de fagosites
sarcoma = un tumor canserosa de texeda juntante o otra texeda nonepitelial
-sarcoma = sarcoma
sarcomero = un unia strutural de la fibrilas en musculos raiosa
sarcopenia = la perde de texeda musculal como un parte natural de senese
sardas = un dansa magiar con un introdui lenta e un fini rapida e savaje
sardina = un pex peti, simil a un arenge peti
Sardinia = un isola grande a ueste de Italia en la Mar Mediteraneo
Mar Sarda = un mar entre Sardinia e la Isolas Balear
Sargasso, Mar = un mar a sude-este de la SUA, un parte de la Mar Atlantica
sari = un veste composada de un peso longa de coton o seda envolveda sirca la corpo, portada par femes de Asia sude
sarin = un gas organofosforosa cual dana o destrui la nervos
sarja = un stofa texeda per crea un surfas de crestas paralel e diagonal
sarjento = un ofisior nonencargada en la fortes militar
sarong = un veste composada de un peso longa de stofa envolveda sirca la corpo e plisada a la taie o axilas, portada par femes de Asia sude-este
sartorio = un musculo longa e magra de la gama basa
sasafras = un arbor de America Norde con folias bonodorosa cual pote es usada per prepara un te
sasanan = pertinente a un dinastia cual ia rena Persia de la sentenio 3 asta 651
sasares = pertinente a la popla o lingua de partes de Sardinia norde
sasia = ateni la espetas, nesesas o desiras de (algun); furni no min ca la cuantia desirada o comandada de alga cosa a (algun)
Saskatchewan = un provinse de Canada sentral
sasofon = un strumento de venta, fabricada de metal con un beco con sola un anxa
sason = pertinente a la popla germanica cual ia abita partes de Deutxland sentral e norde de la eda de la romanes, de ci multe ia coloni England sude en la sentenios 5 e 6; pertinente a la lingua de esta popla
satai = un plato de Asia sude, composada de pesetas de carne grilida sur un lansieta e servida con un salsa spisida cual conteni tipal aracides
Satan = la nom de la spirito xef de malia en iudisme, cristianisme e islam
satelite = un corpo artifis poneda en orbita sirca la Tera, Luna o otra planeta per colie informa o per comunica
satem = (un lingua indoeuropean) cual ia cambia la consonantes esplodente palatovelal a sisantes
sati = (istorial) un ata ritual de Barat en cual un fem vidua ia lansa se sur la foco funeral de sua sposo
satin = un stofa lisa e briliante, tipal de seda, produida par un texe en cual la fibres de la cadena es caturada e anelida par la trama sola a intervales
satir = un organisme omin de mitos elinica e roman antica, con oreas, coda, gamas e cornos de capra, tipal presentada como enebriada e libidosa
satira = conteninte o usante umor, ironia, esajera o burla per esposa e critica la stupidia o la mal abituas de persones
satiriase = un desira sesal esedente o noncontrolable
satori = un state de lumina en zen
satrap = un governor provinsal en la Impero Persian antica; (metafor) un renor suordinada
satura = pleni (un cosa) con un sustantia asta cuando lo no pote teni, disolve o asorbe plu
saturdi = la dia entre venerdi e soldi en cada semana
Saturno = la dio antica de cultiva; la planeta ses de la Sol, notada per sua sistem de anelos
sauain = un festa de la celtas antica marcante la comensa de inverno, tipal selebrada par neopaganes a la dia prima de novembre
saudi = pertinente a Arabia Saudi, sua popla o sua dinastia renante
sauerbraten = un plato de carne de bove, longa marinida en vinagra, acua e spises
sauna = un sala peti usada como un banio de aira o vapor calda per limpi e refresci la corpo
sauternes = un vino blanca dulse de Frans sude-ueste
sava = la licuida, xef acua con zucares e sales mineral disolveda, cual sirculi en la sistem vascular de un planta
savaje = (un animal o planta) abitante sua ambiente natural, no domada; (un person) barbar, primitiva, no sivilida; (un person, animal, forte de natur) ferose, violente, noncontrolada, cruel
savana = un plano grande de erbas ma poca arbores en zonas tropical, sutropical o temperada
Savoie = un rejion de Frans sude-este, bordante Italia norde-ueste, e un duxia e contia en la pasada
Savu = un isola en Indonesia
Mar Savu = un mar entre Flores e Savu
sawain = un festa de la celtas antica marcante la comensa de inverno, tipal selebrada par neopaganes a la dia prima de novembre
saxifraje = un planta basa de tera povre con flores peti blanca, jala o roja cual formi rosetas de folias suculente o colinetas de folias mosin
saximi = un plato nion de pesetas de pex cru, comeda con salsa de soia e pasta de uasabi
sca = un tipo de musica de Jamaica de sirca 1960 e la asendente de rege
scabia = un maladia infetante de pel, marcada par pruri e manxas roja peti levada, causada par un acaro
scafal = un plance de lenio o otra materia cual furni un surfas per conserva o esibi ojetos; un forma simil de tera o petra; un strutur tempora a la esterna de un construida, tipal de plances de lenio e palos de metal, usada cuando on construi, repara o limpi la construida; (en un table) un linia orizonal de selulas, contrastada con un colona vertical
scala = un util composada de un serie de baras entre du pesos vertical de lenio, metal o cordon, usada per asende o desende; un serie de valuas gradal cual formi un sistem per mesura o gradi cosas o persones; un serie de notas en un sistem de musica en ordina asendente o desendente de tono
scala fratal = (sur un mesurador) un scala du con gradis plu peti ca los de la scala xef
scala major = un scala musical con interval de semitono entre la notas tre e cuatro, e sete e oto
scala minor = un scala musical con interval de semitono entre la notas du e tre, sinco e ses, e sete e oto
scalda = arde (un cosa) con licuida o vapor multe calda; feri (algun) con licuida o vapor multe calda
scalena = (un triangulo) con un longia diferente a cada lado
scalera = un serie de grados cual asende o desende de un nivel a un otra en un construida o sur un inclina
scalera de entra = un scalera con un plataforma ante la entra de un construida
scalmo = un aparato a lado de un barceta, servinte como un fulcro per un remo
scalpo = la pel covrente la testa, escluinte la fas; esta pel, taliada de la testa de un enemi e esibida como un trofeo
scama = cada de la laminas peti e magra cual proteje la pel de pexes e retiles
scandal = un ata o aveni regardada como nonmoral o nonlegal, causante xoca, ofende e coleria publica
scande = analise la metrica de (un linia de poesia) par leje lo con asentua a sua ritmo o par esamina la motif de pedes o silabas; (un grupo) repete ritmosa (un slogan de protesta o simil)
Scandinavia = un penisola grande en Europa norde-ueste, composada de Noria e Sveria; un rejion cultural composada de Noria, Sveria, Danmarc e, a veses, ance Island, Suomi e la Isolas Faro
scandio = la elemento cimical con numero atomal 21
scane = regarda tota partes de (un cosa) per deteta un cualia spesial; regarda rapida (un testo) per trova informa pertinente; fa ce (un surfas, ojeto o corpo) es traversada par un detetador o raio eletromagnetal; resolve (un testo o imaje) a sua elementos de lus per televisa lo; cambia (un testo o imaje) a un forma dijital per conserva en o prosede par un computador
scapula = un de la osos grande, plata e triangulo cual estende sur la costelas en la dorso alta, e furni la lias per la oso e musculos de la braso alta
scarabe = un inseto de un ordina distinguida par alas anterior cual es tipal cambiada a caxas dur per proteje la alas posterior e la adomen
scarabe de coton = un scarabe, orijinal de Mexico, cual come la brotos e flores de coton
scarabe de maio = un scarabe brun e grande de Europa, cual vola a lus final
scarabe sacra = un scarabe de Misre e rejiones prosima, regardada como santa en Ejipte antica; un jem taliada en la forma de esta
Scaramux = un carater tradisional en comedia del arte
scaramuxa = fa un batalia no projetada o ordinada, spesial entre partes peti o distante de armadas o marinas; combate desordinada; disputa sur cosas trivial
scarlata = con color briliante roja
scarlatina = un infeta baterial, tipal en enfantes, cual causa febre e un eruta scarlata
scat = canta improvisada en jaz, con vose imitante un strumento
-sce = ajuntada a un nom jeografial per formi un ajetivo pertinente a la loca
-sce = nominte un abitor o lingua de un rejion o nasion
sceleto = un strutur interna o esterna de oso, cartilaje o otra materia rijida cual suporta o conteni la corpo de un animal o planta; cualce strutur simil, como de un construida
sitosceleto = un rede microscopial de filetas e tubetas de protena en la sitoplasma de multe selulas cual dona forma e coere
scema = prepara (un metodo) per fa, crea o oteni alga cosa
scema = un intende o proposa per fa o ateni alga cosa; un desinia detaliada cual descrive la forma de alga cosa
scermo = un cosa cual asconde o proteje un person o cosa; un peso de metal o otra materia forte, usada per proteje en combate, o alga cosa con un forma simil; un aparato sur cual imajes e datos es mostrada
scermioio = un scermo peti de cuoro fisada a la brida de un cavalo per preveni ce lo regarda a lado
scerzo = (un peso musical) lejera o juosa
scet = un plance magra e corta, con rotas peti a ante e a pos, sur cual un person pote turi stante par puia con un pede
scetx = un sena comica corta, tipal como parte de un presenta o program plu longa
sceuomorfe = (un ojeto nova) imitante la aspeta o desinia de un ojeto simil ma plu vea, en modo funsional nonesesada
sceuomorfia = la cualia de un cosa sceuomorfe
Schwaben = un rejion de Deutxland sude-ueste
sci = cada de du pesos longa e magra de un materia flexable, juntada su la pedes per lisca sur neva
scife = un barco con fondo plata, proa agu e popa cuadro
scifel = un stilo de jaz de la desenios de 1920 e 1930 en la SUA; un stilo de musica brites con influes de jaz o blus, popular en la desenio de 1950
scinco = un lezardo lisa, con membros corta o asente, cual tuneli en tera arenosa
scizo- = fendeda, divideda
scizofrenia = un maladia mental cual inclui un rompe de la relata entre la mente e realia, con malpersepis, alusinas, iludes, emosias noncoerente e condui nonormal
scizoide = avente un tipo de personalia marcada par emosias nonsosial e abituas solitar
sclavo = un person ci es la propria legal de un otra e debe obedi el; algun ci labora forte sin paia o reconose
sclera = la strato blanca esterna de la oio
sclero- = dur
scleroderma = un maladia marcada par la duri e contrae de la pel e texedas juntante, o local o tra la corpo
sclerose = un duri nonormal de texedas de corpo
-sclerose = duri nonormal
scola = un instituida per educa enfantes; la construida usada per esta; la studiantes e empleadas de esta; un departe de un universia cual pertine a un sujeto spesifiada; un grupo de artistes, autores o filosofistes ci comparti ideas, metodos o stilos simil; un tal stilo
scola media = un scola per persones des-unan a des-cuatran
scolastica = un sistem de teolojia e filosofia instruida en la universias de Europa en la eda medieval, fundida sur la lojica de Aristotele e la scrives de la Padres de la Eglesa temprana
scoliose = un curvi ladal nonormal de la spino dorsal
scolta = un membro de un promove cual suporta la developa fisical, mental e spirital de jovenes, afin los condui produosa en sosia, con asentua forte a la capasia de survive estra casa
scon = un torta peti e cuasi dulse, preparada de farina, gras e lete, e conteninte pesos de fruta a veses
scopa = un brosa grande con manico longa
scopineva = un veculo cual sutrae neva profonda de vias par puia lo a lado
-scopi = esamina par vide, comun usante un util spesial
Scopie = la site capital de Macedonia Norde
-scopio = strumento estendente la capasia de vide
scorbuto = un maladia causada par un manca de vitamina C, marcada par jenjivas sanguinte e la abri de feris sanida a ante, e cual ia afeta spesial marores malnurida a la fini de la sentenio 19
scoria = un forma de lava simil a sene, tipal con trama spumosa; un dejeta petrin cual es separada de metales en la fonde o refina de minerales
scorpion = un aracnido con pinses simil a los de un omaro e un pica venenosa a la fini de sua coda sesionida
Scorpion = un constela de la zodiaco
Mar Scotia = un mar a sude-ueste de la Tera de Foco
Scotia Nova = un provinse de Canada este, bordante la Mar Atlantica
Scotland = un otra nom per Alba
scotes = un person scotes; un lingua germanica parlada en Scotland e partes de Er Norde
scotoma = un perde partal de vide o un punto sieca en un campo de vide cui otra partes es normal
scrabel = un jua en cual on usa leteras per formi parolas orizonal e vertical sur un table de 225 cuadros
scratxa = pausa la jua de (un disco) par mano e move lo de asi a ala per crea un efeto de rasca ritmosa
scrima = un sporte de combate con spadas
scrimxa = grava imajes o testo sur ivor, dentes o osos
scrive = pone (leteras, parolas o otra simboles) sur un surfas, comun paper, con un pen, lapis o strumento simil; composa (un testo o obra) per primi o publici; composa (un obra musical); pone (datos) en la memoria de un computador, en un disco, o en un otra media
coscrive = scrive (alga cosa) con un otra person
cosuscrive = suscrive (alga cosa) con un otra person
malscrive = fa un era en scrive (alga informa); scrive nonclar
scriveta = scrive rapida e probable nonclar
transcrive = scrive o primi (pensas, parlas o datos); cambia (un testo) de un sistem de scrive a un otra (como de leteras latina a cirilica); composa (un musica) per un otra strumento, vose o grupo de estas; (en biocimica) sintese (un asida nucleal) par usa un asida nucleal esistente como un model per copia la informa jenetical
scroto = la pox de pel cual conteni la testiculos
scuadron = un grupo de persones e cosas militar con encarga comun; un grupo de juores de cual on eleje un ecipo de sporte
scuax = un sporte en cual du juores usa racetas per colpa un bal peti contra mures de un campo ensircada
sculta = crea un representa de (un cosa) par siseli, moldi o otra modos de formi
scultin = simil a un sculta; (un person) alta, refinada e atraosa
scural = un rodente ajil con coda brosin ci abita arbores e come nozas e semes
scuter = un motosicle lejera con rotas peti
scuteri = viaja par scuter, longo (un via) o tra (un distantia); transporta (alga cosa) par scuter
se = usada como la ojeto de un verbo o preposada, per refere a la person o cosa cual es la sujeto de la proposa, cuando la sujeto no es `me`, `tu`, `nos` o `vos`
seanse = un asembla do persones atenta contata la mores
sebo = la secrete oliosa de la glandes cual lubrica la pel e la capeles; un materia dur e grasosa preparada de la gras de animales e usada per fabrica candelas e sapon
seborea = la secrete suprabundante de sebo de la glandes sebosa
sebuano = pertinente a la popla de la Isolas Bisaia Sentral de la Pilipinas, o a sua lingua
seca = no moiada o umida; (un clima) con poca o no pluve o umidia; (un rio o lago) sin acua; sin gras o otra idratante o lubricante
estraseca = (un vino bolante) estrema seca e no dulse
secante = un funsiona trigonometrial, egal (en un triangulo reta) a la longia de la ipotenusa divideda par la longia de la lado tocada par la angulo agu pertinente; un linia reta cual divide un curva a du o plu partes
bisecante = un linia reta cual divide un curva a du partes egal
cosecante = un funsiona trigonometrial, egal (en un triangulo reta) a la longia de la ipotenusa divideda par la longia de la lado oposante la angulo agu pertinente
seco = un pox liada a la junta de la intestines magra e spesa
secobarbital = un droga barbiturica usada como un calminte, anestesente e anticonvulsante, o per suiside
seconda = (un interval musical) de du grados diatonica
secondo = un mesura de tempo egal a un ses-desi de un minuto
secreta = no conoseda o videda (o intendeda per conose o vide) par otras; fada en un tal modo
secrete = (un selula, glande o organo) produi e emete (un materia)
ipersecrete = secrete a grado plu ca normal
secuestra = prende subita e fortiosa (un person o veculo viajante) con un intende criminal, per esemplo per un rescata
secular = pertinente a ativias, disposas o otra cosas cual no ave un funda relijial o spirital
secuoia = un conifer jigante con cortex spesa e fibrosa, de la costa ueste de la SUA
secur = protejeda contra peril; sin probablia de dana o perde; fisada per no deveni libre o perdeda; protejeda contra ataca o crimin
securilibro = un suportador vertical a la fini de un scafal de libros per preveni ce los cade
securipolso = cada de du anelos metal liada e securable sirca la polsos per restrinje la manos de un prisonida
securitalo = un cadena o anelo securable sirca la talos per restrinje la moves de un prisonida
sibersecuria = securia contra atacas eletronical
secute = move rapida e forte a alta e a basa, o de lado a lado
secutesal = un contenador per sal con un covrente perforada
seda = un fibre magra, forte, suave e lusosa, produida par erugas de bombises de morero; un stofa fabricada de esta; un fibre simil produida par aranias per catura sua predas; un fibre simil de alga plantas
sede = no plu resiste atacas par un otra; abandona la posese de (alga cosa); no disputa plu (un nonacorda); permete a un otra (sua vole)
seder = un rituo e come ritual iudiste a la un o du notes prima de pesah
sedi = la unia de mone en Gana
sedilia = un marca scriveda su la letera C, spesial en franses, per indica ce lo es pronunsiada como S e no como K; un marca simil scriveda su S en turces e otra linguas
sedo = un planta con flores stelin, tipal usada per decora
sedro = un de alga coniferes cual produi tipal un lenio durante e bonodorosa
sedui = atrae (algun) a un crede o condui cual es malconselada o fol; atrae (algun) a ativia sesal; atrae forte
sefalaljia = un dole en la testa o colo
sefalica = en o pertinente a la testa
sefalo- = testa
sefalopodo = un animal ativa e xasante de la filo de moluscos, como un polpo o calamar
sefardi = pertinente a la iudis desendente de los espulsada de Espania e Portugal, ci conserva la tradisiones iudi de Babilonia en loca de los de Filastin
Sefeo = (en mitos elinica) un re de Itiopia e la sposo de Casiopea; un constela prosima a la polo norde de la sielo
segal = un sereal simil a trigo cual tolera teras povre e temperatures basa
segmento = un parte de un linia reta entre du puntos
segrega = separa o divide (persones, ativias, o grupos) par raza, jenero, relijio, etnico, o simil
segue = vade o veni pos (un otra person o cosa movente); apare o aveni pos; adere a o obedi (un obliga sosial, legal, etical o relijial)
seguensa = trova e descrive la segue de aminoasidas o nucleotidos en (un protena, ADN, etc)
seja = un mobila sur cual on senta; un de la postos en un legeria, consilio o otra corpo autoriosa
teleseja = un serie de sejas pendeda de un cordon movente, tipal usada afin pasajores asende e desende un monte
sela = un seja fisada a la dorso de un cavalo o otra animal per fasili monta lo, tipal de cuoro
selaco = un pex con un corpo longa, un sceleto cartilajosa, un pina dorsal protendente, e scamas dentin
seladon = con color pal verdin gris
selcup = pertinente a un popla samodeica en Sibir norde, o a sua lingua
-sele = inflante, ernia
selebra = reconose publica (un aveni o dia felis o importante) con un asembla sosial o atas plaserosa; presenta (un rituo relijiosa)
selenio = la elemento cimical con numero atomal 34
seleri = un planta cultivada en familia de persil, con folias suculente cual on pote come cru o coceda
seleucan = pertinente a un dinastia cual ia rena Suria e un parte grande de Asia ueste de 311 a 65 AEC
selfi = un foto de un person, cisa con otra persones, fada par la person mesma
seliaca = un maladia autoimune cual afeta xef la intestin magra de persones con un propensa jenetical
selo = un cosa cual preveni alga cosa de entra a o sorti de un contenador o duto; un peso de sira, plomo o otra materia con un desinia presada en lo, fisada a un documento; un peso peti de paper fisada a alga cosa per indica ce un cuantia de mone ia es paiada, spesial per posta
selobiosa = un disacarido con du moleculas de glucosa
selofan = un materia multe magra, fabricada de selulosa, usada per envolve comedas e otra cosas
selula = (en biolojia) la parte la plu peti funsionante de un organo; un sala peti en cual un prisonida es securida o un monce dormi; un rejion peti cual es separada de otra areas par un mureta e conteni cisa un leto en un casa o un buro en un ofisia; un grupo peti de persones ci formi un parte de un organiza plu grande e tipal nonlegal
fotoselula = un aparato cual jenera eletrica cuando lo reseta lus
multiselulal = composada de plu ca un selula
uniselulal = composada de sola un selula
selulase = un enzima cual cambia selulosa a glucosa o un disacarido
selulite = un inflama de texeda juntante ipodermal
seluloide = un plastica transparente e flamable, fabricada en folias e usada en la pasada per filmas
selulosa = un materia nondisolvable cual es la parte major de la mures de la selulas de plantas e de fibres como coton
semafor = un sistem de envia mesajes par posa la brasos o du banderas seguente un codigo alfabetal; un aparato per esta sistem; un colie de lampas colorida, tipal roja, ambar e verde, per controla automata la flue de trafica
semana = un periodo de sete dias; esta periodo calculada entre medianotes a fini de saturdis o soldis
semantica = la ramo de linguistica e lojica cual studia sinifias
sembla = ave cualias, tipal de aspeta, simil a (un person o cosa)
seme = la unia de reprodui de un planta florinte, capas de developa a un otra tal planta; la calculos peti o la sentro dur de un fruta
semento = un materia polvosa composada de calce e arjila, cual deveni mortero si on misca lo con acua, o deveni beton si on misca lo con acua, arena e calculos
semestre = un periodo de 15 a 18 semanas cual composa un unia de cursos en scola o universia
semetero = un rejion en cual mores es enterada
semi- = dui
semin = la licuida de reprodui emeteda par la mas, conteninte spermas
seminar = un leson a universia en cual studiantes e un profesor discute un tema
seminario = un universia cual prepara studiantes per es pretes, rabis e ministros relijiosa
semiotica = la studia de sinias e simboles e sua usa o interprete
semita = pertinente a la linguas cual inclui ivri, arabi, arami, fenisia e acad, o a la popla ci parla esta linguas
semola = la granes dur cual resta pos la molini de farina, usada en gaxas e pasta
sempre = per tota tempo futur; tra tota la tempo pertinente; a tota veses
sempreverde = reteninte folias verde tra la anio
sena = un loca do alga cosa aveni en realia, imajina o un nara; un serie de atas continuante en un teatral, filma, opera o libro; un sudivide de un teatral, continuante sin cambia de loca o persones
senario = la testo per un teatral, filma o difusa de radio o televide
senari = transformi (un nara) a en un senario; scrive la senario de (un filma)
senato = un de alga legerias, como la Salon Alta en la SUA, Frans e Roma antica
sene = polvo o otra materia restante pos un arde
senes = la sene de un person o cosa spesifiada
Senegal = un pais a la costa de Africa ueste
senese = deveni vea
senglar = un porco savaje de Eurasia, de cual porcos domada desende
senil = avente o mostrante la debilias o maladias de veia, tipal la perde de capasia mental
senior = (en parla cortes o formal) un om; un om de un grado sosial superior, spesial nobil; usada como titulo ante la nom de un om sin otra titulo; un nom per Dio o Cristo
seniora = (en parla cortes o formal) un fem; un fem de state alta; usada como titulo ante la nom de un fem sin otra titulo
seniorel = (en parla cortes o formal) un person
seno = cada de la du organos mol e protendente de la corpo de un fem cual secrete lete pos pari; la parte de la corpo de un om cual sembla esta
entreseno = la rejion entre la senos de un fem
senotafio = un monumento tombin per algun enterada a un otra loca, tipal un cual onora persones ci ia mori en un gera
senozoica = pertinente a la eda jeolojial la plu resente, cual ia segue la mesozoica
sensa = reseta informa par la oios, oreas o otra organos, de avenis en la ambiente o la corpo
sensa = un de la modos par cual la mente deteta la ambiente, incluinte par vide, oia, ole, proba e toca, e la persepis de ecuilibra, orienta, move e dole; un persepi resetada par un sensa
sensa comun = (en filosofia) un sensa spesial cual integra tota la otras
estrasensal = usante un modo de persepi otra ca la sensas, como telepatia
fotosensante = respondente a lus en modo cimical o eletrical
ipersensosa = sensosa en modo nonormal o estrema, psicolojial o fisical
presensa = senti (un aveni) ante cuando lo aveni
sensable = un nota (usual la sutonica de un scala diatonica) cual tende resolve se a la nota a un semitono plu alta
sensorimotor = (un nervo) con funsionas de sensa e move
sensorio = la sensas regardada como un unia completa
sensura = esamina materia cual va es publicida, como libros, filmas, novas e arte, e supresa cualce partes regardada como ofendente, political nonasetable o menasante la securia
senta = es en o move a un posa en cual sua pesa es suportada par sua posterior e sua dorso es cuasi vertical
sentauro = un organisme con testa e tronco de umana e corpo de cavalo
sentenio = un periodo de sento anios; un periodo de sento anios pos o ante la punto entre AEC e EC, per esemplo la sentenio 21 EC
sentese = un perfora sirurjial per estrae licuida par suca
-sentese = perfora per estrae par suca
amniosentese = la esamina de la licuida amnial par la introdui de un ago cavetin a la utero, usada per deteta developas nonormal en un feto
senti = es consensa de (un emosia o otra state mental, incluinte dole)
sentim = un moneta con valua egal a un senti de la unia major como la dolar, la euro, etc
sentina = la esterna de un barcon do la fondo curvi per deveni vertical; la comparte la plu basa en un barcon
sento = des multiplida par des; 100
senti- = divideda par 100
Sentrafrica = un nom corta per la Republica de Africa Sentral
sentri- = sentral
sentrifuga = un macina con un contenador cual jira rapida per separa licuidas de solidas, o licuidas de densias diferente
sentriol = un organeta pico, prosima a la nucleo de selulas de animales, envolveda en la divide de selulas
sentripeta = movente o tendente move a la sentro
sentro = la punto a la media de un sirculo o sfera, a un distantia egal de cada punto a la perimetre o surfas; un ase de jira o orbita; (metafor) un punto de cual un ativia o prosede es dirijeda, o a cual lo es focada; (metafor) la loca la plu importante en un modo spesifiada
sentro de site = la sentro de comersia e diverti en un site
eurosentrisme = un vista de mundo consentrada sur la cultur o istoria de Europa, iniorante la resta de la mundo
jeosentral = (en astronomia) mesurada en relata a la sentro de la Sol
jeosentrisme = un model de la sistem sola con la Tera como sua sentro, como en astronomia antica
teosentrisme = un sistem de crede con un dio o dios a sua foca
sentromero = la parte de un cromosoma a cual la microtubetas de la fuso afisa se en divide selulal
senturion = la comandor de un grupo de sirca sento soldatos de Roma antica
Seoul = la site capital de Corea Sude
sepal = cada de la partes de la calix de un flor, cual enclui la petales
separa = move a via de un grupo o cosa plu grande; deveni dejuntada o desliada; divide a sua elementos individua; divide par raza, seso, relijio, etnico, etc
separa = move (un person o cosa) a via de un grupo o cosa plu grande; dejunta o deslia (un person o cosa); pone un distingui o borda entre (persones, cosas o locas); estrae o sutrae (un cosa) per usa o dejeta; divide (un cosa) a sua elementos individua; divide (persones, avenis o instituis) par raza, seso, relijio, etnico, etc; trata (un grupo de persones) en modo diferente e nonjusta
sepe = un serca o borda formida par arboretas prosiminte a lunlotra
sepia = un color brun rojin, asosiada con fotos monocromatica de la sentenio 19 e la temprana de la sentenio 20; un pinta preparada de la secrete negra de la sepida, usada en desinias e depintas monocromatica
sepida = un molusco de mar cual sembla un calamar larga, con oto brasos e du tentaculos longa cual lo usa per prende predas
sepiolita = un arjila composada de silicato de magnesio
sepse = la presentia de baterias nosiva e sua venenas en texedas, tipal par la infeta de un feri
-sepse = infeta
antisepse = un metodo o prosede per combate sepse
antisepsica = un medisin per combate sepse
septo = un divide entre du cambras, como lo entre la narinas o la cambras de la cor
sera = la periodo de tempo a la fini de la dia, tipal entre sirca 18:00 e medianote
serafin = un anjel cual alga relijios regarda como parteninte a la ordina la plu alta de anjeles
Seram = un isola en Indonesia
Mar Seram = un mar a norde de Seram
seramica = fabricada de arjila e durida par caldi; pertinente a la fabrica de cosas de esta
serbatana = un arma primitiva composada de un tubo longa tra cual on espira per xuta un dardo
Serbia = un pais sin costa en la Balcanes
serca = un parador, rel o otra strutur vertical, tipal de lenio o filo, cual ensirca un rejion de tera per marca un borda, controla la entra o preveni fuji
serco = un organo a la posterior de multe insetos, cual servi per toca, defende o copula
sereal = un gran usada per comeda, como trigo, avena o mais; un comeda preparada de gran rostada, tipal comeda en la matina con lete
serebro = un organo de texeda mol de nervos, contenida en la cranio de vertebratos; la parte anterior de esta, cual es la parte la plu grande en umanas
serebrospinal = pertinente a la serebro e la medula spinal
serenada = un musica cantada o juada estra un casa a note, tipal par un om per sua amada
serfo = un laboror cultival en la sistem feudal, restrinjeda a labora sur la tera de sua mestre
seri = pertinente a un popla nativa en la stato mexican Sonora, o a sua lingua
seria = (un person) conduinte en modo pensosa, o diniosa e no bromante; (un ativia o state) nesesante pensa o aplica atendente; (pensa o discute) atendente o profonda
serie = un cuantia de cosas, avenis o persones de un tipo simil o natural relatada, ordinada la un pos la otra; un grupo de libros, mapas, jornales o otra documentos publicida en la mesma forma o stilo o con titulo comun; un grupo de programes de radio, televisa o filma con tema comun, tipal presentada en ordina; (en cimica) un grupo de elementos con cualias comun o de composadas relatada par sua composa o strutur
miniserie = un serie corta de programes de televisa
serialisme = un tecnica de composa musica usante sola un serie de elementos spesifiada (e sua formas cambiada) per construi la obra intera
serif = un estende peti cual completi un linia de un letera en alga tipos de leteras
serigrafia = la primi de desinias par un scermo de seda
serigram = un desinia primida par un scermo de seda
serin = un pinson peti de Eurasia e Africa norde, en familia de canario
serio = la elemento cimical con numero atomal 58
seriso = un arbor cual produi serisas
serisa = un fruta peti e ronda, tipal de roja oscur o briliante
sermon = un parla relijiosa o moral, tipal en un eglesa e fundida sur la Biblia
sero = la parte acuin de lete cual resta pos la formi de caliadas; un licuida cual separa de sangue cuando la sangue coagula; esta licuida, usada per furni imunia a un patojen o venena par vasini, o como un aida de diagnose
serolojia = la studia o esamina de sero sangual, tipal per esamina la responde par la sistem imunial contra patojenes o otra cosas introduida en la corpo
seronegativa = (un proba de sero de sangue, o un person tal probada) con resulta negativa sur la presentia de un virus o simil
seropositiva = (un proba de sero de sangue, o un person tal probada) con resulta positiva sur la presentia de un virus o simil
serotino = un cirotero de un jenero comun, con fases simple
serotonina = un neurotransmetador e un composada en trombosites e sero, constrinjente la dutos sangual
serpe = segue un curso con multe curvas; move en curvas como un serpente; vaga acaso; prosede sin gol o intende; torse e verje con moves rapida
serpente = un retil longa cual ave no membros, no palpebras, coda corta, e mandibulas estendable; un strumento de venta vea, fabricada de lenio covreda con cuoro formida en tre curvas, con un sona simil a un baritono o tuba
serpente de mar = un monstro jigante cual destrui barcones
serpentor = un person ci labora con serpentes; un jenero de agilas notada per xasa e come serpentes
serseta = un pato peti de acua dulse, notada per un banda verde a la ala, vidable cuando el vola
sersis = un arbor en familia de piso, con flores rosa cual crese de la tronco, ramos e bastetas
serta = conoseda sin duta; sentida sin duta; vera sin duta; avente tota fida en un fato o esplica
serumen = un sustantia jala e sirin, secreteda en la duto de la orea per proteje lo
serval = un gato savaje de Africa, con gamas longa, oreas grande, e pelo oranin brun con manxas negra
servi = fa taxes per (un otra person o organizada); furni labora o produidas a (un popla o rejion); dona (comedas o bevidas) a algun; atende a (un cliente) en un boteca
servix = la pasaje streta cual formi la fini basa de la utero; un parte simil a un colo en otra organos
servo = un mamal con cornos raminte cual es perdeda a cada anio
servo- = servomacina
ses = la numero entre sinco e sete
sesa = para sua ativia presente
sesaspara = un acorda tempora de sesa combate
sesajesimal = pertinente a un sistem de aritmetica fundida sur la numero sesdes (60)
sesamo = un planta alta de zonas tropical e sutropical de Africa e Asia, cultivada per sua semes; la semes de esta, comeda o usada per sua olio
sesarea = un sirurjia per aida pari un bebe par talia tra la mur de la adomen e la utero de la madre
sesio = la elemento cimical con numero atomal 55
sesion = cada de la partes en cual un cosa es o pote es divideda; un periodo dedicada a un aveni; (en zolojia) cada de un serie de unias de anatomia de cual la corpo o membros de alga animales es composada
bisesioni = divide a du partes
trisesioni = divide a tre partes
seso = un o la otra de la du categorias (mas e fema) en cual umanas e multe otra organismes es divideda, fundida a sua rol en reprodui; la ata de copula, spesial en umanas
asesal = sin seso o sentis sesal; no reproduinte par la fusa de gametas o organos sesal
bisesal = sesal atraeda a e omes e femes; (en biolojia) con cualias de ambos sesos
eterosesal = sesal atraeda a persones de la otra seso; pertinente a esta spesie de atrae
fa la seso = copula
intersesal = esente media entre mas e fema, o pertinente a esta state
omosesal = (un person) sesal atraeda a persones de la mesma seso; pertinente a la atrae sesal entre persones de la mesma seso
pansesal = no limitada en elejes de seso biolojial, jenero o identia de jenero
psicosesal = pertinente a la aspetas psicolojial de la libido
transesal = pertinente a persones ci senti ce los parteni vera a la seso oposante, o a persones ci ia es medical tratada per oteni la cualias fisical de la seso oposante
unisesal = (vestes) desiniada per conveni a ambos sesos
sespe = un peso o rejion de tera con erba cresente sur lo
sesta = (un interval musical) de ses grados diatonica
sesta = un interval musical de ses grados diatonica
sestante = un aparato usada per mesura distantias angulo entre ojetos, tipal per determina altias en naviga
sesto = un contenador per reteni o porta cosas, tipal composada de bandas entretexeda de cana o filo
sesto de leva = un sesto cual formi pan levante
sestodo = un verme plata cui adulte vive en la intestines de umanas e otra vertebratos
set = (en tenis, dardos e otra juas) un de un grupo de juas individua cual composa un max completa
seta = un grupo de persones con credes relijial alga diferente de los de la grupo la plu grande en cual los es membros, tipal regardada como ereses
setaseo = pertinente a mamales maral de la ordina Cetacea, como balenas, delfines e fosenas
sete = la numero entre ses e oto
setembre = la mense nove de la calendario gregorian
setica = no fasil convinsable; avente dutas o oposas; (en filosofia) pertinente a la teoria ce la sabe serta no es posible
eurosetica = oposada a la crese de la potia de la Uni European
setima = (un interval musical) de sete grados diatonica
Seto, Mar = un mar a norde e ueste de Nion
setor = la forma ensircada par du raios de un sirculo o elise e la arco entre los; un unia (tipal 512 baites) de datos tenida en serie en un banda de un portadato; un campo de ativia finansial
setorino = un selaco grande cual come sola plancton e nada frecuente lenta e prosima a la surfas de la mar alta
setro = un baston ornosa portada par renores a rituos como un simbol de sua rena
Seues = un site e porto en Misre norde-este
Canal Seues = un canal en Misre cual lia la Mar Mediteraneo a la Mar Roja
Golfo Seues = la estende norde-ueste de la Mar Roja
Sewes = un site e porto en Misre norde-este
Canal Sewes = un canal en Misre cual lia la Mar Mediteraneo a la Mar Roja
Golfo Sewes = la estende norde-ueste de la Mar Roja
sever = comandante ce on obedi la regulas de condui; comandante obedi completa; seguente regulas o credes; causante punis forte o cruel; con modo de espresa cual refleta esta credes; multe nonflexable; vivente sin comforta o lusos
sevitxe = un plato de America latina composada de pex o crustaseo cru marinida con jus de alga fruta sitrica e spisida con txilis, tipal servida con onion e coriandro axida
Sexeles = un pais composada de un grupo de sirca 90 isolas en la Mar Indian
sfenoide = un oso a la funda de la cranio, pos la oio e su la parte fronte de la serebro
sfera = con forma ronda e tridimensional, con un surfas sur cual tota puntos es a la mesma distantia de la sentro
biosfera = la partes de la surfas, atmosfera e idrosfera de la Tera cual organismes abita
emisfera = un dui de un sfera; un dui de la Tera, tipal o la parte norde e la parte sude como divideda par la ecuator, o la parte este o la parte ueste divideda par cualce linia entre la polos (per esemplo la mundos vea e nova); cada de la du partes, destra e sinistra, de la serebro
idrosfera = la colie de lagos, mares e otra acuas sur la surfas de la Tera
litosfera = la parte rijida e esterna de la Tera o otra planetas
sfigmometre = un aparato per mesura la presa de la sangue
sfinje = un organisme mital con testa e tronco de fem, partes anterior de leon, e alas de agila
sfinter = un anelo de musculos cual ensirca un abri o tubo e es capas de abri o clui lo, como la ano o la abris de la stomaco
Isolas Shetland = un grupo de isolas en la norde de Scotland, entre la Isolas Orkney e Faro
si = con la constrinje ce; con la suposa ce; en la situa ipotesal ce; sempre cuando
e si = introduinte un demanda sur un varia imajinal de avenis futur o pasada
si = donante un responde positiva, espresante acorda con un declara positiva a ante, o contradisente un declara negativa a ante; ajuntada a la fini de un frase per cambia lo a un demanda
si = la nota sete de la scala de C major, B, en la sistem de solfejo
sian = con color verdin blu cual es un de la colores prima de sutrae, oposada a roja
sianido = un asida usada como un venena o per la estrae de oro e arjento
sianoacrilato = cualce de un clase de composadas cual es fasil polimerida, usada per fabrica colas estrema aderente
sianogram = un desinia tecnical primida sur paper blu, o primida con inca blu sur paper blanca; (metafor) cualce cosa cual ata como un model, scema o projeta
sianose = un malcolori bluin de la pel cual resulta de sirculi debil de sangue o un manca de osijen en la sangue
siatica = pertinente a la nervo grande cual pasa de la spina dorsal a la gama
siber- = redes de comunica eletronical e realia virtual
sibernetica = la siensa de comunica e controla en macinas e viventes
sibil = un profeta fema en tempos antica
sibila = emete (un melodia o simil) como un sona alta e clar par forsa la respira tra un abri peti entre la labios o dentes; (un avia, macina o strumento) produi un sona alta e clar; (un cosa rapida movente) produi un sona simil
sibileta = un aparato peti tra cual on sofla per crea un sona forte de sibila; un strumento de venta, tipal de stanio, cual sona como un flauta alta
sibilor = un person ci sibila; un avia de Australasia e Indonesia con beco forte e oncin e vose forte e melodiosa
Sibir = un rejion vasta de Rusia en Asia cual estende de la Montes Ural a la Mar Pasifica e de la costa de la Mar Artica a la bordas norde de Cazacstan, Mongol e Jonguo
Mar Sibir Este = un mar a norde de Sibir este
sibola = un onion con colo longa e bulbo peti
siboleta = un planta peti de Eurasia, en familia de onion, con flores purpur e ros, e folias longa e tubo, usada como un erba en cosini
siborge = un person ci es partal umana e partal androide
siborgio = la elemento cimical con numero atomal 106
Sibuyan, Mar = un mar interna de la Pilipinas, a este de Mindoro
sic = pertinente a la relijio monoteiste fundida par Guru Nanak en Panjab en la sentenio 15
sicada = un planta palmin de zonas tropical e sutropical, con conos grande mas o fema, comun en la triasica e jurasica, ma rara aora
sicadela = un inseto peti e briliante, cual salta cuando disturbada, un pesta comun de plantas
sicala = un inseto grande con alas longa e transparente, cui mas fa sonas forte e xiliante a note per atrae femes
sicatris = un marca sur la pel o otra texeda do un feri, scalda o ulsera no ia es completa remediada e ia developa texeda fibrosa; (metafor) la efeto permanente de teme, dole, tristia o otra emosia cual un person reteni, causada par un esperia traumal; cualce marca restante a alga cosa pos un dana; un marca restante a la punto de separa de un folia o otra parte de un planta
siclamen = un planta de Europa en familia de primula, con flores roja, ros o blanca con petales cual curvi a retro
sicle = aveni en modo repetente e periodal
sicle = un prosede cual revade a sua comensa e repete se; (nonformal) un bisicle
sicle de vive = la serie de cambias en la vive de un organisme, incluinte reprodui, nase, crese, mori e predi
bisicle = un veculo con du rotas, la un pos la otra, propulsada par pedales e gidada par manicos liada a la rota fronte
bisicle sin pedales = un tipo de bisicle istorial o per enfantes, propulsada par puia la pedes contra la tera
bisicli = viaja par bisicle, longo (un via) o tra (un distantia); transporta (alga cosa) par bisicle
eterosicle = (un composada) cui molecula conteni un anelo de atomes de minima du elementos
monosicle = un veculo simil a un bisicle ma con un sola rota
motosicle = un veculo motorida con du rotas
motosicli = viaja par motosicle, longo (un via) o tra (un distantia); transporta (alga cosa) par motosicle
trisicle = un veculo simil a un bisicle ma con tre rotas, tipal un a ante e du a pos; cualce strutur composada de tre sirculos o anelos
siclido = un pex de acua dulse, simil a un perca, vasta distribuida en paises tropical
siclioforo = un membro de un jenero de animales acual, multe peti e sacin, cual ajunta se a la corpos de omaros de acua fria
siclope = en mitos elinica, un jigante con sola un oio; un crustaseo pico e xasante de acua dulse, con corpo silindre e sola un oio
siclotron = un aparato en cual particulas atomal e suatomal es aselerada par un campo de eletrica alternante cuando los segue un curso sirculo o spiral en un campo magnetal
sicomoro = un arbor en familia de figo
siconia = un avia vadante, alta, con gamas longa e beco spesa, tipal con plumas blanca e negra
side = sentinte un nesesa de bevi; nesesante acua
-side = mata
SIDO = sindrom de imunodebilia otenida
sidra = un bevida preparada par maxa frutas, tipal pomas; un bevida alcolosa composada de frutas maxada e fermentada, tipal pomas
sieca = noncapas de vide; (metafor) sin la informa nesesada per un taxe; (metafor) noncapas de persepi alga cosa; (un pilote) usante sola strumentos per vola
sielo = la atmosfera e spasio, videda de la tera; un loca regardada par alga relijios como la abita de Dio o dios, anjeles e bon persones pos mori, tipal consetada como esistente supra la sielo material; (en alga relijios) la state de esiste con Dio pos mori
siena = con color de un tipo de tera brun usada como un pigmento en depinta
siena ardeda = un pinta rojin brun
siena cru = un pinta jalin brun
siensa = la ativia inteletal e pratical de la studia sistemosa de la strutur e condui de la mundo natural e fisical par oserva e esperimenta; un campo spesifiada de esta; un corpo de sabes sistemosa organizada en un campo de studia
neurosiensa = un o tota de la siensas cual studia la strutur e funsiona de la sistem de nervos e la serebro
pseudosiensa = un campo de ativia cual presenta se como siensal ma no segue la metodo siensal
sientolojia = un relijio de la developa spirital par studia, fundida en 1955 par L Ron Hubbard, un scrivor de naras siensal, e regardada par multe persones como un culto
siera = un util per talia lenio o otra materiales, tipal con un lama de aser longa e magra con borda dentosa, usada par move lo a ante e a retro; un macina usada per talia, tipal con un disco dentosa jirante o un banda movente; (metafor) un cadena de montes con apicos agu
motosiera = un siera motorida, con dentes fisada a un cadena jirante
sieribuco = un util per crea bucos sirculo, composada de un silindre de metal con borda dentosa
siericurva = un siera con lama streta, usada per talia motifes en lenio
Siera Leon = un pais a la costa de Africa ueste
sifilis = un infeta baterial e cronica cual es xef resetada par infeta en copula, ma ance par la infeta de un feto developante
sifon = un tubo usada per trae licuida a supra de un reserva e alora a su a un nivel plu basa, afin la flue continua sin aida; (en zolojia) un organo tubal en alga animales acual, tipal moluscos, tra cual acua es tirada a en o forsada a estra
sifose = un desformi cual curvi la spina dorsal a en, causante un jiba sur la dorso alta
sifra = un sistem de parolas, leteras, numeros o otra simboles sustituida per otra parolas, etc, tipal per intendes secreta; un serie de leteras o otra simboles usada per clasi o identifia
sigar = un silindre de tabaco, enrolada en folias de tabaco per fumi
sigareta = un silindre de tabaco magra taliada, enrolada en paper per fumi
sigma = la letera 18 de la alfabeta elinica
sigmoide = curva como un sigma o letera S
sil = cada de la capeles corta cual crese a la bordas de la palpebras, e cual proteje la oios de polvo
suprasil = la banda de capeles cual crese sur la cresta supra la oio de un person
silaba = un unia de pronunsia, tipal con un sona vocal, con o sin consonantes, cual formi un parte o tota de un parola
dusilaba = un parola con du silabas
monosilaba = un parola con sola un silaba
polisilaba = (un parola) con plu ca un silaba
silabario = un colie de simboles scriveda cual representa silabas e cual, en alga linguas, ave la mesma rol como un alfabeta
silente = no produinte un sona; no parlante; no espresada a vose; (un letera en un parola) scriveda ma no pronunsiada; (un filma) sin banda de sona; (un person) ci no parla multe; (metafor) nunca parlante o scrivente sur un tema spesifiada
silex = un cuarzo o calsedonia dur, opaca e comun usada per crea flama; un util de esta materia
silica = un composada dur, sin color, e nonreatante cual es trovada como cuarzo e como la parte xef de arenito e otra rocas
silicato = un sal en cual la anion conteni e silico e osijen
silico = la elemento cimical con numero atomal 14
silicon = cada de un clase de materias sinteseda con strutur cimical fundida sur cadenas de silico e osijen, con grupos organica liada a la atomes de silico, tipal usada per fabrica plasticas e lubricantes
silindre = un forma solida con lados reta e paralel, cui talia traversal es sirculo o oval; cualce cosa con esta forma
silio = un strutur corta, microscopial, capelin e vibrante, usada par alga selulas e protozones per move se o la licuida ambiente
Silisia = un rejion en la sude de Turcia, estendente de la angulo norde-este de la Mar Mediteraneo
silo = un tore alta o un profonda, usada per conserva gran a un cultiveria
silojisme = un dedui de un conclui de du proposas sur cual on dise o suposa ce los es vera
silueta = (un person o cosa) apare como un forma oscur contra un fondo plu luminada; (un person o cosa) es representada par sola sua contorno, tipal negra
silurian = pertinente a la periodo tre de la paleozoica, entre la ordovisian e devonian
sim- = con, con lunlotra
simbal = un strumento musical composada de un plato de laton cual pote es colpada con un otra o con un basto
simbiose = (du organismes) interata en asosia fisical prosima, tipal beneficante ambos; (persones o grupos) esiste en un relata mutua beneficante
simbol = un cosa cual representa un otra cosa, tipal un ojeto material cual representa un cosa astrata; un marca usada per representa un ojeto, funsiona o prosede, como la leteras cual representa elementos cimical o notas musical; un forma o sinia cual representa un organiza, nasion, etc; un cosa cual representa un fato, cualia, emosia, etc
simbolisme = un modo de espresa usante simboles; un promove literatural, depintal e musical en la fini de la sentenio 19
simbolojia = la studia o usa de simboles
simense = la unia internasional de conduta eletrical
simetre = formida par partes esata simil cual fasa lunlotra o es situada sirca un ase
simfito = un inseto en familia de vespa, con tubo sierin cual pote talia plantas ante ovipari
simfonia = un obra musical grande per un orcestra completa, tipal en cuatro partes
simia = un primate peti, tipal con coda longa e abitante arbores en paises tropical
simil = semblante; con la mesma aspeta; en la mesma familia; relatada a; (formas jeometrial) con angulos e proportios identica, ma diferente par grandia
simitar = un spada corta con lama curva cual es plu spesa a la punto, orijinal usada en Asia ueste e sude
simonia = la vende o compra de ojetos santa o eglesal
simpatia = senti un gusta e comprende natural de (un person o cosa), causada par cualias o interesas compartida
parasimpatica = pertinente a un parte de la sistem autonom de nervos cual modera la nervos simpatica
simpatiosa = comprendente e gustante; amin, amable
simple = fasil comprendeda o fada, sin difisiles; noncomplicada, sin multe decora o orna; conteninte sola un parte, noncomposada; en un state o grado basa; umil, nonostentosa, nonfinjosa
simultan = aveninte o fada a la mesma tempo
sin = no acompaniada par, en la asentia de; privada de, nesesante, desirante
sin- = con, juntada, con lunlotra
Sina = un penisola en Misre entre la Golfo Suwais e la Golfo Acaba
sinabar = un mineral briliante roja, composada de sulfido de mercurio, usada como un pigmento
sinagoga = un construida do iudis congrega per adora e instrui relijiosa; un asembla o congrega iudi
sinala = pertinente a un popla de Srilanca, o a sua lingua
sinapse = un junta entre du selulas neuronal, composada de un fesur pico ultra cual impulsas pasa par difusa de un neurotransmetador
sincim = un moneta con la valua de 20 sentimes
sinclo = un avia cantante con coda corta, en familia de troglodite, capas de nada, tufa, sumerje e pasea su la acua de rietas per come
sinclosoma = un avia cantante de Australia, con coda longa e un clama como la craci de un flajelo
sinco = la numero entre cuatro e ses
sincopa = desloca la pulsas o asentuas en (musica o un ritmo) afin la pulsas forte deveni debil e la debiles deveni forte; corti (un parola) par cade sonas o leteras en la media
sincrona = esistente o aveninte a la mesma tempo; (un satelite o sua orbita) completinte un orbita en la periodo en cual la corpo orbitada jira sur sua ase
jeosincrona = (la orbita de un satelite) con un periodo de jira sincrona con la jira de la Tera
sindi = parteninte a un person de Sind en Barat ueste, o a sua lingua
sindicato = un grupo de persones o organizas combinada per promove un interesa comun; un organizada asosiada de laborores, formida per proteje e promove sua diretos e interesas; un asosia de artisanes o mercatores en la eda medieval, tipal con potia grande
sindrom = un grupo de sintomes cual coere con lunlotra, o un state con un grupo de sintomes asosiada
sindrom de imunodebilia otenida = un maladia, causada par un virus en licuidas de corpo, cual redui grave la imunia selulal
sinecura = un posto cual esije poca labora ma cual dona prestijia o beneficas finansial
sinema = un teatro cual mostra filmas
sinemafilia = un ama de filmas
sinematografia = la produi de filmas
sinerese = la pronunsia de du vocales como un silaba
sinerjia = la interata o coopera de du o plu organizas, materias o otra ajentes per produi un efeto combinada plu grande ca la soma de sua efetos individua
sinestesia = la produi de un persepi en un sensa par la stimula de un otra sensa
Singapor = un pais peti en Asia sude-este, composada de la isola Singapor e sirca 54 isolas plu peti
singular = (un parola o forma gramatical) referente a sola un person o cosa
singularia = un punto a cual un funsiona ave un valua infinita, spesial en spasio-tempo cuando materia es infinita densa, como a la sentro de un buco negra
sinia = es un indica de; es un simbol de; indica o declara (un senti o intende); fa un jesti, ata o sona per comunica (un informa o instrui); usa un lingua de sinias, pd. un sistem de comunica usante jestis, como lo usada par persones sorda
sinial = un impulsa o onda de radio o eletrica transmeteda o resetada
sinica = credente ce persones es motivada par sua propre interesas; nonfidante la sinseria de umanas; dutante ce alga cosa va aveni o ce lo es meritada; consernada sola con sua propre interesas e tipal iniorante normas sosial per ateni los; despetosa; burlante
sinie = un avia de acua con colo longa e flexable, gamas corta, pedes membranosa, beco spesa e tipal plumas blanca
sinifia = intende indica o refere a (un cosa o idea spesifiada); vole dise; (un parola) es definida como
sinistra = a, o pertinente a, la lado cual es a ueste cuando on fasa a norde; pertinente a un person o grupo ci favore ideas libraliste, sosialiste o radical
sinodo = un asembla de eglesores cristian
sinonim = (un parola o espresa) sinifiante esata o cuasi la mesma como un otra
sinovia = la licuida lubricante cual es contenida en un saco encluinte alga juntas de la corpo
sinsacro = la vertebras codal o lombal fusada o partal fusada en avias
sinsera = sin finje o engana, con intendes onesta
sinta = un banda magra e longa de stofa, paper o otra materia, tipal usada per lia o decora
sintagma = (en gramatica) un serie corta de parolas cual formi un unia consetal e es tipal un parte de un proposa
sintagma ajetivin = un sintagma cui nucleo es un ajetivo
sintagma de preposada = un sintagma nomin cual es introduida par un preposada
sintagma nomin = un sintagma cui nucleo es un nom
sintagma verbin = un sintagma cui nucleo es un verbo
sintase = un enzima cual catalise un prosede de sintese
sintatica = la ordina de parolas e sintagmas per crea un bon frase en un lingua; un colie de regulas per esta; la campo de linguistica cual studia esta
sintese = combina cosas a (un intera coerente); combina (ideas) per formi (un teoria o sistem); produi (composadas) cimical par la reata de materias plu simple; (en gramatica) combina parolas per formi (nova parolas); (en linguistica) usa formas infletada en loca de la ordina de parolas per espresa strutur gramatical
biosintese = la produi de moleculas complicada en organismes o selulas
fotosintese = la prosede par cual plantas verde e alga otra organismes usa lus per sintese nurintes de diosido de carbono e acua, con osijen como un suproduida
oligosintesal = (un lingua) marcada par sua cuantia peti de morfemes cual combina per formi parolas composada
polisintesal = (un lingua) marcada par parolas relativa longa cual conteni multe morfemes
sintil = un particula peti e focosa, lansada de un foco, ardente en la senes, o produida par colpa du cosas dur como petra o metal a lunlotra; un lus produida par un descarga eletrical tra la aira; un descarga eletrical usada per ensende un esplode, como en un motor de combusta interna; (metafor) un peso pico de un cualia o emosia spesifiada; (metafor) un aira de vivosia e stimula
sintom = un cualia fisical o mental cual on regarda como indicante un maladia o sindrom; un sinia de la esiste de alga cosa, tipal de un situa nondesirada
sintomolojia = un grupo de sintomes cual es tipal de un maladia o disturba medical; la grupo de sintomes esibida par un pasiente
sintrono = (en alga eglesas bizantian) un scalera de bancas curva per la eglesores, pos la apside
sintur = un banda de cuoro o otra materia portada sirca la taie o sur la peto, tipal per suporta vestes o porta armas
sinus = un caveta en un oso o otra texeda, tipal en la osos de la fas o cranio liada a la cavetas nasal; un caveta en la sistem de sangue o de limfa; un duto de un infeta profonda cual descarga pus a la surfas; un funsiona trigonometrial, egal (en un triangulo reta) a la longia de la lado oposante la angulo agu pertinente, divideda par la longia de la ipotenusa
cosinus = un funsiona trigonometrial, egal (en un triangulo reta) a la longia de la lado tocada par la angulo agu pertinente, divideda par la longia de la ipotenusa
sinusite = un inflama de un sinus nasal
sinusoide = un capilar permeable
Monte Sion = un colina en Ieruxalim, pico estra la murones de la site vea
sioniste = pertinente a la promove per la fundi, manteni e proteje de un nasion iudi en la rejion de Israel aora, fundida en 1897 par Theodor Herzl
sipai = (istorial) un soldato barati ci servi su comanda brites o european; (en Asia sude) un polisior
sipero = un planta erbin con talos triangulo e flores cuasi nonvidable, tipal cresente en tera moiada
sipres = un arbor perene e conifer con conos peti, ronda e leniosa
sipunculo = un membro de un filo de vermes de mar, nonsesionida
sir = un om de un grado sosial superior, spesial nobil
Sir = un titulo usada ante la nom de un om nobil (per esemplo un cavalero o baroneta en Britan)
sira = un materia jala, aderente e moldable, secreteda par abeas per fabrica un favo; un materia blanca e diafana preparada de la sira de abeas, usada per fabrica candelas e otra cosas; cualce materia viscosa, simil a la sira de abeas
Siracusa = un site e provinse italian, en Sisilia
sirca = locada o situada a tota lados de; movente longo un via sirculo en relata a
sirca = indicante un tempo o cuantia aprosima
sircadial = natural reaveninte en un sicle de 24 oras, an sin cambias de lus
sirco = un compania de jinastas, animales instruida, bufones e otra divertores ci presenta, tipal en un tenda enorme e en locas variante; (en Roma antica) un stadio sirculo o oval usada per juas e sportes; un vale simil a un amfiteatro, formida par erode glasial
sirco- = sirca
sircoflexe = un sinieta xapin, scriveda supra un letera en alga linguas per indica un varia de pronunsia
sircopolal = situada o abitante sirca un de la polos de la Tera; (un stela o move) supra la orizon a tota tempos en un latitude spesifiada
sircoscrive = restrinje (alga cosa) par limitas; desinia (un forma jeometrial) sirca un otra, tocante lo a alga puntos ma no entrante a lo
sircoside = corti la prepus de (un enfante mas) en un rituo relijiosa, o como un trata medical; corti la clitoris e/o la labias de (un enfante fema) como un tradision en alga cultures
sircoveni = vade a ultra o sirca; evita (un impedi o problem)
sircuito = un curso completa e cluida sirca cual un corente eletrical pote flue
sirculo = con forma plana e ronda cui borda es formida de puntos a un distantia egal de un punto sentral fisada
duisirculo = con forma de un dui de un sirculo
duisirculo = un forma duisirculo; un sala o salon duisirculo
semisirculo = con forma de un dui de un sirculo
sirculor = un avia xasante con corpo magra e alas longa
sirena = un organisme de la mar cual pare como un fem ci atrae marores a sua moris
sirfido = un mosca cual sembla tipal un abea o vespa, cual flota frecuente sin move en la aira, e cual come la netar de flores
siringa = un tubo peti con un boceta e un piston per suca o ejeta licuida, usada per limpi feris o cavetas, o con un ago vacua per injeta o estrae licuida; un util simil, usada en la jardin o cosina
sirinje = un organo cual formi un duto de aira a la pulmones e cual inclui la timpanes cual permete ce alga avias canta
siripede = un crustaseo con conca esterna, cual afisa permanente se a un surfas, como un barcon, molo o roca en la mar
siro = pertinente a nubes formida de bandetas rarida a un altia alta; (en zolojia) pertinente a un fileta delicata de un animal o planta
sirose = un maladia cronica de la figato, marcada par la dejenera de selulas, inflama e la densi fibrosa de texedas, tipal la resulta de alcolomania o epatite
sirsacar = un stofa de coton primida con un surfas de bandetas alternante lisa e plietosa
Golfo Sirte = un golfo a norde de Libia
sirurjia = la trata de feris, maladias o otra disturbas de la corpo par talia o manipula, tipal con strumentos
eletrosirurjia = sirurjia cual usa un corente eletrical de frecuentia alta per caldi e talia texedas con multe esatia
microsirurjia = sirurjia usante un microscopio e strumentos peti
neurosirurjia = sirurjia a la sistem de nervos, tipal la serebro o medula spinal
sis- = a esta lado de
sisa = sona en un modo agu como la letera S
sisal = un agave mexican con folias spesa, cultivada per fibres
sisel = un util de mano con un lama longa con borda biselida e un manico simple cual on colpa con un martel per talia o formi lenio, metal o otra materias dur
Sisilia = un isola grande italian en la Mar Mediteraneo, a la punto sude-ueste de Italia
Streta Sisilia = un streta entre Sisilia e Tunis
Sisjordania = un teritorio situada a la ueste de la Rio Urdun e de la Mar Mor
sismica = pertinente a tremateras e otra vibras jeolojial
sismograf = un strumento cual mesura e recorda detalias de tremateras, como la fortia e la longia
sismogram = un rejistra produida par un sismograf
sismolojia = la ramo de siensa cual studia tremateras e avenis relatada
sisor = un util usada per talia stofa, paper o otra materia magra, composada de du lamas supra lunlotra e liada en la media tal ce on pote abri e clui los par pone sua ditos en du anelos a la manicos
siste = en un animal o planta, un organo o caveta con mures magra, conteninte un secrete licuida; (en medica) un caveta nonormal como esta; un capsula dur e protejente cual enclui la larva de un verme parasito o la state restante de un organisme
sistite = un inflama de la vesica urinal
sistem = un colie de partes cual formi un intera complicada como un rede o macina; (en biolojia) un colie de organos en la corpo con strutur o funsiona comun; (en informatica) un grupo relatada de aparatos o programes o ambos, tipal cuando usada per un aplica unica; (en jeolojia) un cadena major de stratos cual coresponde a un periodo en tempo, sudivideda entre series; (en astronomia) un grupo de ojetos spasial liada par sua fortias mutua de atrae; un colie de prinsipes o prosedes par cual alga cosa es fada; un scema o metodo organizada
sistem de montes = un grupo de cadenas de montes con la mesma orijina
antisistemal = oposante la sistem instituida de autoria e potia
ecosistem = un comunia biolojial de organismes interatante e sua ambiente fisical
sistena = un aminoasida comun en enzimas
sistersian = pertinente a un ordina de monces ci segue la regulas benedictin e asentua prea contemplante silente
sisticola = un avia cantante con plumas de bandetas brun, xef trovada en Africa
sisto = un arboreta de Europa sude con flores blanca o roja
sistole = la fase en la bateta de cor cuando la musculo contrae e forsa sangue a sorti de la cambras
sistre = un strumento de cordetas simil a un mandola, con dorso plana e colo longa
sita = repete o copia (un parte de un testo o parla), tipal con un indica ce on no es la autor o parlor orijinal; dona esta como atesta o evidente; refere corta a (un person o cosa) en parla o scrive
sita = un avia cantante peti con beco forte, coda rijida e corta, e la abitua de trepa a su de arbores con prima sua testa
sitadan = un person legal reconoseda como un membro de un nasion; un abitor de un vila o site spesifiada
cositadan = un sitadan de la mesma nasion o comunia como un otra
sitadela = un fortres sur tera alta supra un site
sitar = un luto larga de Barat con colo longa e trastes movable
site = un vila multe grande, con defini political e bordas clar
Site de Capo = la site capital leginte de Sudafrica
-site = selula matur
sitela = un avia cantante peti de Australasia en familia de sita, tipal con xapeta o testa negra
sito- = selula
sitocina = un de alga materias secreteda par selulas de la sistem imunial
sitolojia = la ramo de biolojia cual studia selulas
sitoplasma = la materia en un selula vivente, estra la nucleo
sitosina = un de la nucleotidos en ADN e ARN
sitra = un strumento musical, composada de un caxa plata de lenio con multe cordetas estendeda ultra se, orizonal poneda e juada con la ditos e un plectro
sitriste = un juor de sitra
sitrica = derivada de o relatada a frutas como sitrones, oranias, limes e limones
sitron = un arbor asian; la fruta grande de esta, simil a un limon ma con pulpa min asida e cascas plu spesa e plu bonodorosa
sitronela = un olio natural e bonodorosa, usada per repulsa insetos e en parfumes e sapones; un erba de Asia sude de cual on oteni esta
situa = fisa o construi (un cosa) en un loca, posa o contesto spesifiada
siverte = la unia internasional per mesura la efeto biolojial de radia ioninte
siveta = un mamal magra, noturna e carnivor, con pel de bandetas e puntos, e glandes anal de odor forte, nativa de Africa e Asia
sivil = pertinente a un popla o stato developada a un state sosial, cultural e moral avansada; conduinte en modo propre a un cultur como esta; cortes, con bon maneras; nonmilitar
siviles = persones nonmilitar e nonpolisial
sizijia = un conjunta o oposa, spesial de la Luna e la Sol; un duple de cosas liada o corespondente, como mas e fema
sizijio = un arbor de Indonesia; la broto secida de esta, usada como un spise bonodorosa
Skagerrak = un streta entre Sveria e Danmarc
Sl = Seniorel
slalom = un sporte de sci a su de un curso vagante marcada par palos o banderas; un curso simil en acua, tipal per canoas, barcos de vela, o sci acual
slavica = pertinente a la poplas o linguas indoeuropean de Europa este
slip = un pantaleta corta cual no covre la gamas
slipeta = un spesie de slip sin lados estra la banda o cordeta de taie
minislip = un spesie de slip con lados streta
slogan = un espresa corta e saisinte o memorable, usada per promove un partito, promove o produida; un espresa simil cual indica un idea asosiada con un partito, promove, nasion, popla o familia
Slovenia = un pais en Europa sude-ueste, a este de Italia
Slovensco = un pais en Europa sentral, a este de Txesco
slup = un barco de vela con un masto
smegma = un secrete sebosa en la plias de la pel, tipal a la jenitales
smilax = un planta trepante de America tropical; un prepara de la rizomas de esta planta, usada per sabori alga bevidas e medisines
smilodon = un gato grande con dentones grande de la plestosene
smorgasbord = un bufe con un varia de carnes, saladas, etc, tipal con comedas scandinavian
snaps = un bevida alcolosa simil a jin, tipal saborida con fruta, orijinante en paises de Europa norde
snobe = (un person) ci vole ce on regarda el como de clase alta e ci despeta persones cui preferes pare nonrefinada a el
soborna = convinse (algun) per ata per benefica on, tipal par un modo nonlegal o nononesta, como par usa un dona de mone o otra cosa desirada
sobre = no afetada par alcol, no enebriada; no abituada a alcol
sobrin = un relatada de la mesma jenera como sua enfantes, como la enfante de sua frate o sore, ma no sua propre fia o fio
soceta = (en redes de computadores) un strutur consetal usada per crea lias e intercambia datos entre programes
Socrate = un filosofiste de Elas antica, regardada como un de la fundores de la filosofia ueste
soda = acua gasosa, comun saborosa o bevida con alcol
sodio = la elemento cimical con numero atomal 11
sodomia = copula anal, regardada como un peca en alga edas pasada
sofa = un seja longa e tapetida con un dorso, per du o plu persones
-sofia = sajia, sabe
Sofia = la site capital de Bulgaria
sofisme = la usa de razonas astuta ma falsa
sofiste = un person ci engana par sofisme; un instruor paiada de filosofia e retorica en Elas antica
sofistica = fa ce (algun) sabe plu sur cosas complicada e sutil; fa ce (algun) esperia multe de la mundo jeneral, tipal de cultur o moda
sofito = la surfas superior e interna de un sala o saleta; un limita masima
sofla = (un corente de aira) move
sofla = move e crea (un corente de aira); (un person) espira (aira) tra labios plietada; espira aira tra o a en (un strumento musical o otra aparato)
sofoca = mori par manca de aira o perde de capasia de respira; (metafor) senti caturada e opresada
soia = un planta asian, cultivada per sua semes comable; la semes de esta planta, tipal usada per sua proportio grande de protena
Soia, Streta = un streta entre Hokkaido e Sahalin
Soya, Streta = un streta entre Hokkaido e Sahalin
sol = la stela sirca cual la Tera orbita; cualce stela simil; la unia de mone en Peru
soli = un ata de bani alga cosa en lus de sol; un periodo tra cual la sol brilia en un loca e tempo definida
sol = un tipo de musica cual combina aspetas de ritmo e blus e gospel, inventada par afroamericanes
sol = la nota sinco de la scala de C major (scala de do major), G (sol), en la sistem de solfejo
sola = con no otra person o cosa; escluinte tota otras; la un e no la otra
solano = un planta en familia de patata, tipal con bacas negra o roja e venenosa
solda = junta (pesos) con un metal fasil fondable; junta (pesos de metal) par caldi la surfases a la punto de fonde con un torxa eletrical o de gas o otra combustable, e uni los par presa o marteli
soldato = un person ci servi en un armada
soldi = la dia entre saturdi e lundi en cada semana
soldura = un aliada de metales fasil fondable, tipal de plomo e stanio o laton o arjento, usada per junta metales min fondable
solea = un pex plata de mar, trovada tra la mundo, importante como un pex comable
solenoide = un enrolada de filo cual funsiona como un magnete cuando un corente eletrical pasa tra lo
solfejo = un eserse en canta usante silabas
solida = con forma dur e stable, no licuida o fluente; tridimensional; de la mesma materia tra tota sua forma, sin partes vacua
solipsisme = un filosofia cual dise ce la ego es la sola cosa sur cual on pote sabe ce lo esiste
solisita = demanda cortes o formal per (alga cosa)
solitar = sin otra persones o cosas presente; sin la aida o partisipa de otras; isolida o separada de otras; sin acompaniores
malsolitar = triste car on es solitar
solo = la surfas basa, tipal de un sala, sur cual on pote pasea
solo de tera = la strato superior de la tera, en cual plantas crese, tipal negra o brun, composada de un misca de arjila, particulas de roca, e materias organica
solo = per o fada par sola un person
Isolas Solomon = un pais composada de multe isolas en la Mar Pasifica a este de Papua Gine Nova
Mar Solomon = un mar entre la Isolas Solomon e Papua Gine Nova
solstisio = cada de la du veses en la anio cuando la Sol ateni sua punto la plu alta o la plu basa en la sielo a mediadia, marcada par la dias la plu longa e la plu corta
solve = trova un esplica per o un modo de trata (un problem o misterio)
som = la unia de mone en Uzbecistan e Cirgistan
soma = (du o plu numeros o cuantias) es ajuntada a lunlotra
soma = ajunta (du o plu numeros o cuantias) a lunlotra per calcula sua valua intera
soma = un bevida enebriante, preparada de un planta e usada en rituos vedal antica
Somalia = un pais en Africa norde-este, a la penisola nomida la Corno de Africa
somatotropina = la ormon de crese umana, secreteda par la ipofise anterior
sombre = con color oscur; con tono seria; con umor oscur, seria o melancolica
sombrero = un xapo de feltro o palia con borda larga, tipal portada en Mexico e la SUA sude-ueste
somoni = la unia de mone en Tadjicistan
sona = emete o causa la emete de vibras cual move tra la aira o otra media e pote es oiada
ultrasona = sonas o otra vibras con frecuentia multe alta, spesial como usada en ecografia
sonambula = pasea, o condui ativa en otra modos, cuando on dormi
sonar = un sistem per deteta ojetos su acua e per mesura la profondia de la acua par emete e deteta sonas; un metodo simil usada en aira o acua par animales como balenas o ciroteros
sonata = un obra musical per un soliste strumental, frecuente con acompania par un piano, tipal en plu ca un move
sonda = esamina o esplora fisical (alga cosa) par mano o strumento; atenta descovre informa sur (un person o cosa); investiga la opinas o esperias de (un grupo de persones) par demandas; rejistra la opinas o votas de
soneto = un poesia de 14 linias, usante un modo formal de rima
sonia = esperia un serie de (pensas, imajes e sensas) en sua mente cuando on dormi
sonilocuo = ci parla dorminte
sonilocuo = un person ci parla dorminte
sonilocuia = un state en cual algun parla dorminte
sopa = un comeda licuida, tipal preparada par boli carne, pex, vejetales, etc, en acua o bulion
soprano = (un vose cantante de fem) la plu alta; (un strumento) con tono la plu alta en sua familia
mediasoprano = (un vose cantante de fem) con tono entre soprano e contralto
sorbe = bevi (un cosa) en cuantias peti
sorbete = un deser composada de jus de fruta o acua saborosa, jelada con zucar
sorbo = un arbor de la montanias de Europa; la baca roja briliante de esta arbor
sorda = intera o partal noncapas de oia
sore = un fem o xica cual es la fia de la mesma padre o madre; (metafor) un bon ami fema; un membro de un ordina relijiosa o un otra congrega de femes
sorgo = un sereal comun cultivada en la zonas calda de la mundo vea
sorsor = un person ci ave potias majiosa
sorti = vade a estra, parti (de un loca, casa, sala, etc)
sosia = la intera de persones ci abita con lunlotra en un comunia ordinada; la comunia de persones ci abita un nasion, pais o rejion, e ci comparti costumes, leges e organizas; un grupo de persones con un intende o ativa compartida
psicososial = pertinente a la interata de roles sosial e la pensa e condui de un individua
sosio- = pertinente a sosia
sosioleto = la dialeto de un clase sosial
sosiolojia = la studia siensal de la developa, strutur e funsiona de sosia umana; la studia de problemes de sosia umana
sosiopatia = un disturba mental cual inclui un disposa estrema antisosial
sotana = un roba de prete
sote = frita rapida en un cuantia peti de gras calda
soto = pertinente a la popla ci abita en Botsuana, Lesoto e Sudafrica norde, o a sua lingua
soviet = pertinente a un consilio local, distrital o nasional en la Uni Soviet pasada, o un consilio de la revolui de laborores-campanianes en Rusia ante 1917
spada = un arma con un lama metal longa e un manico con un gardamano; un de la cuatro familias en un paceta de cartas, representada par un folia negra simple
spageti = un pasta con forma de cordas longa e magra; un plato italian composada de esta, tipal con un salsa
spala = la junta alta de la braso umana e la parte de la corpo entre esta e la colo; la parte de un veste cual covre esta area; (en cuatropedes) la junta alta de la gama anterior e la partes prosima; un talia de carne de la area de la gama anterior e la partes prosima; (en avias e insetos) la junta a cual la ala es liada
spam = mesajes o anunsias ofendente, nonpertinente o nondesirada cual es enviada a multe persones en la interede
spaniel = un tipo de can con un pel longa e sedin e oreas pendente
spara = xuta un baleta o otra misil de (un arma)
Sparta = un site elinica situada en Peloponeso
spartan = abitante en Sparta
spartan = sin comforta o luso
spartan = un abitor de Sparta
sparver = un de alga spesies de falcones peti de la forestas de la emisfera este, ci xasa avias peti
spasio = un rejion continuante sin contenidas; la dimensiones de altia, largia e profondia en cual tota cosas esiste e move; la rejion entre stelas, planetas, etc, cual es cuasi un vacua
airospasio = la aira disponable per voladores, spesial la parte governada par un pais spesifiada; la ramo de tecnolojia e industria cual pertine a avioni e vola spasial
siberspasio = la ambiente consetal en cual comunica tra redes de computadores aveni
spasiotempo = la conseta de un continua de cuatro dimensiones, composada de tempo e spasio
spasma = un contrae subita e nonvoleda de un o plu musculos
-spasma = spasma
antispasmal = un medisin per redui la cuantia e severia de spasmas
spatula = un util con lama larga e plata, usada per misca, estende o sutrae materias mol
spele = scrive o dise la leteras cual formi (un parola) en la segue coreta; (leteras) formi (un parola)
speleolojia = la studia de cavas; la sporte de esplora cavas natural
spelta = un varia de trigo antica nurinte
spende = paia (mone) cuando on compra o lua benes o servis; usa (mone, furnis, enerjia, tempo) per la benefica de un person o per la boni de alga cosa
sperde = move o estende en dirijes diversa e acaso
sperdeteme = un person ci predise desastre o repete rumores asustante
sperdosa = cual tende sperde
sperma = un selula matur e movente, produida par un mas, par cual la ovo es fertilida
spermaseti = un materia blanca e sirin produida en la testa de la caxalote, usada en la pasada per candelas e unjentes
spermiduto = la duto cual transporta spermas de la testiculo a la uretra
spermiside = un materia cual mata spermas, usada como un contraconsepinte
speron = un baston con un spina per fa ce bestias move a ante o plu rapida; un util con un spina o un rota con spinas juntada a la talon de un sapato o bota, usada per fa ce un cavalo move a ante o plu rapida; un ramo minor de un montania o ferovia; un tubo magra cual protende de un flor, tipal conteninte netar
spesa = con lados o surfases oposante cual es distante de lunlotra; (un veste) fabricada de stofa pesosa per caldia o comforta; (un letera o tipo de letera) composada de linias larga
spesial = plu bon ca, plu grande ca, o diferente en un otra modo de lo cual es normal; multe bon o valuada; desiniada o organizada per un person o loca spesifiada; parteninte a un person o loca spesifiada
spesiali = deveni spesial; (un person, tecnica, etc) deveni consentrada sur un tema
spesie = un grupo de persones o cosas con cualias simil; (en biolojia) un grupo de organismes composada de individuas simil e capas de reprodui
spesifia = identifia clar e defininte; declara clar e esata (un fato o nesesa)
spetaculo = un presenta o mostra divertinte, spesial si lo saisi la sensas e emosias
spetro = un banda de colores, como videda en un arco de sielo, produida par la separa de la composantes de lus par sua grados de refrata seguente la longia de ondas; la estende intera de longias de onda; un imaje de alga cosa, ordinada par cualias como frecuentia, carga o enerjia; un clasi de alga cosa en la forma de un scala entre du puntos estrema o oposante
spetrometre = un aparato usada per rejistra e mesura spetros
spetroscopio = un aparato per produi e rejistra spetros
spia = oserva secreta, incluinte per colie informa sur (alga cosa) per un governa o otra organiza
contraspia = ata per impedi o preveni spia par un enemi
spicisi = un bar o boteca per alcol nonlegal, de la eda de proibi en la SUA entre 1920 e 1933
spiga = un grupo de flores direta liada a un talo longa; la testa cual porta la semes de un planta sereal
spina = un peso magra e agu de metal, lenio, oso o otra materia rijida; un parte de un planta o animal simil
spinablanca = un arbor o arboreta spinosa en familia de rosa, con flores blanca, roja o rosa e frutas rosa peti
spinosa = un pex peti con spinas agu longo sua dorso
spinacer = un vela triangulo ante la vela major de un barcon
spinax = un planta asian multe cultivada, con folias grande e oscur verde, cual on come cru o coceda
spineta = un pinson briliante colorida con alga plumas jala
spino = un peso magra de metal con un punto agu a un fini e un testa ronda a la otra, tipal usada per junta pesos de stofa; un insinia o brox peti; un basteta de metal usada per junta la finis de osos fratida cuando los sani; un peso magra usada per ajusta la cordetas de strumentos de cordetas; un peso magra de metal cual es usada per preveni la esplode de un granada; un estende metal de un junta eletrical
spiral = enrolante en un curva continuante e gradal estendente (o stretinte), sirca un punto sentral sur un plana o sirca un ase cono; enrolante en un curva continuante de un diametre constante sirca un ase sentral, como longo un silindre
spirea = un arboreta en familia de rosa, con grupos de flores peti, blanca o ros
spirito = la parte nonfisical de un person cual es la loca de emosias e carater; un esente supranatural
spirobal = un jua en cual on colpa un bal suspendeda de un palo, con gol de enrola la cordeta sirca la palo
spiroceta = un bateria elica con du dermas
spise = un materia vejetal e bonodorosa usada per sabori comedas
splenio = cada de du musculos, liada a la vertebras de la colo e la dorso alta, cual tira la testa a retro
spleno = un organo en la adomen envolveda en la produi e sutrae de selulas de sangue en la plu de vertebratos
splenectomia = un sirurjia per estrae un spleno
spondeo = (en poesia) un pede metrical composada de du silabas longa (o asentuada)
spondilite = un inflama de la vertebras
sponja = un nonvertebrato primitiva e fisada, con un corpo mol e porosa, tipal suportada par un sceleto de fibres o spinetas; un peso de un materia mol, lejera e porosa usada per lava e limpi, orijinal preparada de esta nonvertebrato ma aora normal fabricada de materia sinteseda
sponsor = un person o organiza cual furni la finansia per un projeta o ativia de un otra o otras; un person o organiza cual suporta en otra modos
cosponsor = un de un grupo de sponsores
spontan = pertinente a un ata o aveni cual resulta de un impulsa o inclina subita, sin preconsidera o stimula esterna; franca e nonrestrinjeda; (un imaje de un person) nonformal fotografida, spesial sin la permete de la person fotografida
spora = un unia pico de reprodui, tipal un selula, capas de deveni un individua nova sin fusa sesal, como en alga plantas, fungos e protozones; (en baterias) un forma ronda e dur tipal proprida par baterias en situas perilosa
sporan = un bolsa peti, portada sirca la taie per pende ante un falda scotes
sporocarpo = un strutur multiselulal cual suporta la strutures cual produi sporas en fungos
sporofite = la fase nonsesal de plantas, produinte la sporas de cual la gametofite deriva
sporte = un ativia envolvente fortia, eserse e capasia, en cual un person o ecipo compete contra un otra o otras per la diverti de la partisipores o oservores
spos = un person liada con un otra person par lege o rituos tradisional, comun per ama, copula, comparti furnis, aida mutua e a veses produi e eleva enfantes; la acompanior sesal de un animal
estrasposal = (un relata sesal) con algun otra ca sua spos
sposin = como en un sposi, como entre sposes
springboc = un gazela con abitua de salta alta cuando lo es menasada, cual formi manadas grande a la planos seca de Africa sude
sprinta = core tan rapida como posible tra un distantia corta
sprinta = un ata de sprinta; (en programi) un periodo fisada en cual un ecipo de programores debe completi alga taxes
spuma = produi un masa de bolas peti
sputa = emete (saliva, comeda o licuida) de la boca con fortia; declara en modo combatosa o violente; emete (sintiles o gras calda) con un serie de sonas corta e esplodente
sputafoco = un person ci crea un plumon de foco de sua boca par sputa un carburante supra un torxa
sputnic = la satelite artifis prima, lansada par la URSS en 1957
Sr = Senior
Sra = Seniora
sras = sindrom respiral acuta sever
Srilanca = un isola e pais sude de la costa sude-este de Barat
ss = un sona agu como la letera S, como lo fada par un serpente; esta sona usada per espresa burla o desaproba; un sona simil de la relasa de gas
sta = ave o manteni un posa vertical, suportada par la pedes
stable = firma, fisada; sin probablia de cambia, fali o dejenera; (un pasiente o maladia) no deveni plu mal pos un feri o sirurjia; (un person) mental sana, no fasil ajitada o turbada
bistable = (un sistem) con du states stable
jeostable = (un satelite artifis) movente en orbita jeosincrona en la plana de la ecuator, e tal no movente en relata a un punto fisada sur la surfas
stacato = con cada sona o nota clar separada de la otras
stadio = un solo o plataforma levada, tipal en un teatro, sur cual atores, musicistes, dansores o parlores presenta; un sena de ata o un foro de debate, tipal en un contesto political
stafilococo = un bateria de cual multe tipos causa la formi de pus, spesial en la pel e la membranas mucosa
stajia = fa studias o eserses pratical, tipal per tempo corta e sin reseta un diploma, per developa sua carater e capasia o per esplora la ambiente de un profesa en cual on considera labora
stala = un saleta individua per un animal en un graneria, tipal con tre lados; un saleta simil usada par umanas
stalamita = un colona asendente de la solo de un cava, formida de sales de calsio en acua gotante
stalatita = un strutur pendente de la teto de un cava, formida de sales de calsio en acua gotante
-stalsia = contrae
stame = la organo mas de reprodui de un flor
stampot = un plato nederlandes composada de pure de patata miscada con vejetales como xicoria o col risa, tipal servida con carne
stange = un rejion peti de acua o otra licuida nonfluente, natural formida o formida par escava o par un riva artifis, tipal min grande ca un lageta
stania = (acua o aira) sesa move o flue; (un carera o otra ativia) sesa developa, deveni nonativa o noiante
stanio = la elemento cimical con numero atomal 50, un metal arjentin blanca
-stase = restante en loca o state
stasion = un loca de para de transporta publica, tipal a un ferovia con un plataforma e construida; un loca o construida a cual un ativia o servi spesifiada es fundida; un compania de radio o televisa; un loca do un soldato es poneda
state = la forma o cualia de la esiste de un person o cosa a un tempo spesifiada
statica = la ramo de mecanica cual studia corpos nonmovente e fortes ecuilibrada
eletrostatica = la studia de cargas o campos eletrical statical, contrastada con corentes eletrical
idrostatica = un ramo de mecanica cual studia la ecuilibra de licuidas e la presa aplicada par licuida reposante
statical = sin move, ativia, cambia o developa, spesial si regardada como nondesirada o noninteresante; (en informatica) (un prosede o variable) noncapas de varia en un periodo spesifiada, como cuando un program es funsionante; (en linguistica) (un verbo) cual indica un state, no un ata
statina = cada de un grupo de medisines cual redui la niveles de grases, incluinte trigliseridos e colesterol en la sangue
statistica = un fato o dato otenida par studia un cuantia grande de datos numeral; la siensa o pratica de colie e analise datos numeral en cuantias grande, tipal per dedui proportios en un intera par considera un sample tipal
stato = un nasion o teritorio regardada como un comunia political organizada su un governa; un comunia o rejion political organizada cual es un parte de un republica federal
statos golfal = la sinco statos esuan a la Golfo Mexico; la sete paises arabi a la Golfo Persian
Statos Unida de America = un pais cual conteni la parte sentral de America Norde, entre Canada e Mexico, con costas a la Mar Atlantica e Mar Pasifica, e incluinte Alaska e Hawaii
-stato = aparato per mesura
statoreatador = un tipo de motor de jetos, en cual la aira per combusta es compresada sola par la move avansante de la avion
steatita = un spesie de roca mutada, xef composada de talco
steatopijia = un cumula de gras a la gluteos e la fronte de la coxas, spesial como un state normal en alga poplas de Africa sude
steca = un peso spesa de carne de bove, tipal de bon cualia
stegosauro = un dinosauro cuatropede e erbivor con un testa peti e du linias de laminas o spinas grande e ososa sur sua dorso, de la jurasica e cretasica temprana
stela = un punto stable e luminosa en la sielo a note cual es un corpo grande, distante e incandesente como la Sol; un simbol simil a la aspeta de un stela, tipal con sinco o plu puntos; un simbol con ses puntos usada per indica la importa de un informa, o ce plu informas relatada es disponable a un otra loca; un person famosa o con un talento grande, spesial en sportes o divertis
stela-de-mar = un ecinodermato con sinco o plu brasos, cual ave pedes tubo su los per move e, en alga spesies, per abri la concas de moluscos
stela-de-mar plumosa = un ecinodermato con corpo peti e discin, brasos longa e plumin, e protendes corta per saisi la surfas
stela de norde = un stela multe briliante en la constela de la Ursa Peti
stela polal = un stela multe briliante en la constela de la Ursa Peti
costela = un ator major ci presenta con un otra ator egal importante
stenografia = cualce metodo per scrive rapida
stenose = un streti nonormal de un pasaje en la corpo
-stenose = streti nonormal
stensil = un folia magra de carton, plastica o metal con un motif o leteras taliada de lo, usada per recrea la motif o leteras sur un surfas a su par aplica inca o pinta tra la bucos; un desinia produida en esta modo; (en testos eletronical) un strutur cual furni un aspeta preajustada o cual conteni tenilocas per informas
stepe = un rejion grande, erbosa, noncultivada e sin arbores
stepe-foresta = un rejion do un stepe cambia a un foresta
steradian = la unia internasional de un angulo solida, egal a la angulo a la sentro de un sfera sutendeda par un parte de la rejion de la surfas con area egal a la raio cuadrida
sterco = feces de animales usada per fertili tera; un materia artifis usada per la mesma intende
stercoraro = un avia de mar, grande e brun, relatada a la gavotas, con la abitua de xasa otra avias afin los sputa la pexes cual los ia catura
stereo = (sona) dirijeda tra du o plu parladores afin lo pare ensirca la escutor e veni de multe orijinas
stereo- = pertinente a formas solida; pertinente a un efeto o ordina tridimensional
stereoscopio = un aparato per regarda juntada du fotos simil ma xutada a angulos pico diferente, creante un persepi tridimensional
steril = noncapas de produi enfantes; (un planta) noncapas de produi fruta o semes; (tera) de un cualia tro povre per cultiva; completa limpa, sin baterias o otra microbios vivente
sterna = un avia de mar en familia de gavota, tipal plu peti e plu magra, con coda forcin e alas longa
sterno = un oso magra e plata longo la sentro de la peto e juntante la costelas
sterno = un jelatin flamable de idrocarbono, furnida en botes per usa como un combustable per stufas o casolones per caldi
steroide = parteninte a un grupo grande de composadas organica con cuatro anelos de atomes de carbono, incluinte multe ormones, alcaloides e vitaminas
sterol = cada de un grupo natural de alcoles steroide nonsaturada, tipal en forma de solidas sirin
stetoscopio = un aparato medical per escuta la cor o pulmones, tipal con un resonador peti, formida como un disco e du tubos juntada a escutadores
stigma = un marca de desonora asosiada con un situa, cualia o person spesifiada; (en medica) un sinia vidable de un maladia; (en un flor) la parte de la pistil cual reseta la polen
stilo = un modo de fa alga cosa; un modo de depinta, scrive, composa, construi, etc, tipal de un periodo, loca, person o promove spesifiada
stilo = un util per scrive, composada de un basto con fini puntida, usada per scrive leteras sur un tableta covreda con sera; un util simil usada per grava e trasa; (en un fonograf) un punto dur, tipal de diamante o safir, cual segue la ranur de un disco e transmete la sonas rejistrada; (en informatica) un util simil usada per enflue direta desinias o testos scriveda par mano a un computador
stilo- = con forma de pen o stilo
stilton = un ceso forte, tipal con venas blu, orijinante en England
stimula = promove la developa e ativia en (un state o prosede); promove interesa o ativia en (un person o animal); alti la nivel de ativia fisiolojial o neuronal en (la corpo o un sistem biolojial)
iperstimula = stimula en modo nonormal o estrema, psicolojial o fisical
stimulante = un droga nonlegal cual stimula la ativia de la corpo; un medisin con la mesma efetos
stiren = un idrocarbono nonsaturada licuida, otenida como un suproduida de petrolio, usada per produi plasticas e resinas
polistiren = un resina sintesal cual es un polimer de stiren, xef usada como un filma o spuma lejera ma rijida
Stix = un de la rios de la mundo suteran en mitolojia elinica antica, supra cual Caron ia naveti la spiritos de la mores
Stocholm = la site capital de Sveria
stoco = un spada magra, lejera e con punto agu
stofa = cualce materia produida par texe o tricota fibres
stoica = pertinente a un scola antica de filosofia cual ia recomenda un reata nonemosiosa a plaser e dole; capas de tolera dole o difisiles sin cexa o mostra emosias
stolen = un pan rica con fruta e nozas, orijinante en Deutxland
stoma = un abri natural o artifis creada en un corpo o organo vivente, no causada par dana o feri; un por en la epiderma de un folia
stomaco = la organo interna en cual un parte major de la dijesta aveni, e cual ave la forma (en umanas e multe mamales) de un pera entre la esofago e la intestin magra; esta organo de un animal, usada como un comeda
-stomia = abri sirurjial
stona = surprende multe o mervelia (algun)
storno = un avia cantante de la mundo vea con beco reta e tipal plumas oscur ma opalin
stornui = fa un esplode subita e nonintendeda de (aira) tra la nas e boca, tipal par causa de un irita de la narinas
straba = con un alinia nonormal de la oios
strada = un via publica en un site o vila, tipal con casas o otra construidas a un o ambos lados
stramonio = un datura malodorosa, con flores grande e trompetin; la fruta spinosa de esta
strana = noncomun o surprendente en modo disturbante o difisil per comprende
strangula = constrinje o bloci la garga de (algun), tal ce el deveni noncapas de respira
stranjer = de, en o tipal de un pais, cultur o lingua cual no es sua propre
stratejia = un projeta per ata, desiniada per ateni un gol major; la arte de crea un projeta de esta tipo, spesial per intendes militar
strato = un covrente de materia, como pinta, sur un surfas o corpo; un nube cual formi un covrente continuante e orizonal de gris, tipal con pluve o neva; (en fisica) cada de un grupo de orbitas sirca la nucleo de un atom, abitada par eletrones
multistratal = con plu ca un strato
stratocumulo = (nubes) forminte un strato basa de masas gris
stratosfera = la strato de la atmosfera supra la troposfera, estendente a sirca 50 km supra la surfas de la Tera; (metafor) la niveles la plu alta de un rol o cuantia
strepsitero = un inseto pico de un ordina cual es endoparasitos de otra insetos
streptobasilo = un bateria cual formi cadenas de palos e pote causa infetas comunicada par ratas
streptococo = un bateria cual formi cadenas, de cual alga es beneficante ma otras causa maladias como meninjite e pneumonia
streptomisina = un antimicrobial usada contra multe maladias como tuberculose e pesta
stresa = senti angusa o tensa mental o fisiolojial
stresa = causa angusa o tensa mental o fisiolojial a (algun)
streta = con poca largia en compara con sua longia; limitada en estende o cuantia; sin spasio per move; a sua estende masima, sin laxia
streusel = un decora o pleninte granetin, composada de gras, farina, zucar e spises
stribo = cada de du aparatos juntada a cada lado de la sela de un cavalo, con forma de anelo con fondo plana, per suporta la pede de la cavalor; un aparato simil per suporta la talones en un esamina jinecolojial o un pari; un oso pico en la orea media, con esta forma; un strutur suportante a la fini de un ponte o parario
stricnina = un composada amarga e multe venenosa, otenida de un arbor de Barat e Asia sude-este
striptisa = desvesti gradal se con musica, en modo intendeda per stimula sesal los ci regarda
stroboscopio = un lampa cual flaxi repetente
strofe = un grupo de linias cual formi la unia fundal de metrica en un poesia; un grupo de linias en un canta cual formi un unia
stroganov = un plato de bove en un salsa de crema asida
strombo = un molusco de mares tropical, con conca spiral cual pote ave protendes longa e un labio esvasada
strontio = la elemento cimical con numero atomal 38, cui sales es usada per crea luminas briliante roja en pirotecnica
strudel = un torta de pasta folin, enrolada sirca un pleninte de fruta e fornida
struma = un infla de la colo resultante de un grandi de la tiroide
strumento = un cosa o aparato per produi sonas musical; un util o aparato, tipal usada per labora delicata, siensal o medica
strutur = la ordina de e relatas entre partes o elementos de un cosa complicada; un construida rijida cual suporta o enclui alga cosa como un fenetra, un veculo, un casa, etc; (en musica) un grupo de notas cual formi un unia distinguida en un serie plu longa; un grupo de moves cual formi un unia en un serie de pasos en un dansa
infrastrutur = la strutures fundal nesesada per la funsiona de un sosia o emprendes (construidas, vias, transportas, sentros eletrical, etc)
stuco = un jeso refinada, usada per covre la surfases de mures o per moldi ornas en arciteta
studia = usa sua tempo e atende per aprende (un sujeto), tipal par vade a scola o universia o par leje; investiga e analise profonda (un sujeto)
costudiante = un de la otra persones ci studia en la mesma curso o loca
studio = un sala o salon do on pratica, eserse, rejistra, etc, artes, musica, filma, etc; un sala en un casa usada per leje, scrive, studia, etc
stufa = un aparato per coce o caldi, funsionada par arde combustables o par eletrica
stupa = un strutur cupolin, intendeda como un santeria budiste
stupida = (un person) con intelijentia minima; sin sensa comun; noncapas de pensa clar; (un cosa) fada o diseda par un tal person
stupor = (en medica) un state cuasi nonconsensa de stimulas esterna
sturion = un pex primitiva con laminas de oso sur sua corpo, importante per sua carne e caviar
sturnela = un avia cantante de la prados american
su = situada o estendente a un loca plu basa o profonda ca; plu basa ca (un cuantia, frecuentia o norma)
su = movente a un loca plu basa ca
su- = su; a su; plu basa o poca en loca o grado; min ca espetada
su = pertinente a un popla de americanes nativa, o a sua lingua
sua = de el; de lo; de los; de on; de se; parteninte a o asosiada con un person o cosa (o persones o cosas) indicada a ante (o direta persepable en un situa)
SUA = Statos Unida de America
suahili = pertinente a un lingua de la familia bantu, usada como un lingua franca en Africa este, o a la popla ci desende de la parlores orijinal de esta lingua
suami = un instruor relijiosa mas de induisme
suastica = un simbol antica con forma de crus con cuatro brasos egal de cual cada continua a un angulo reta; esta usada como la sinia de la partito nazi de Deutxland en la Gera Mundal Du
suave = (capeles, stofa, pel, etc) con surfas o trama lisa o plasente per toca; (lus) no intensa; (sona o musica) no xiliante o iritante
Suaziland = un nom pasada de Esuatini
subasta = vende publica (un ben o propria) a la person ci ofre la plu mone
suber = un materia pal brun e flotante, otenida de la strato esterna de la cortex de un spesie de cuerco
subita = aveninte o fada en modo rapida e nonespetada o sin avisa
sublima = (en cimica) cambia direta a un vapor cuando caldida, tipal forminte denova un deponeda solida cuando frida; (en psicolojia) cambia (un impulsa instintosa) a un ativia plu asetable en sosia
suburbe = un distrito a la borda de un site, tipal un rejion abital
subuteo = un falcon migrante de la mundo vea, con alas longa e streta, ci catura libelas e otra avias cuando el vola
suca = tira (un cosa) a en la boca par contrae la musculos de la labios e boca per crea un vacua partal; labora a (un cosa) en la boca par contrae la musculos de la labios e jenas; estrae (lete) de la seno de un fem o mamal fema; tira (un cosa) par crea un vacua en un aparato o macina como un sucapolvo
liposuca = un tecnica en sirurjia cosmetica per estrae gras de su la pel par suca
sucapolvo = un aparato eletrical cual suca per sutrae polvo e particulas peti de solos
sucasangue = un verme con ventosas a ambos finis, tipal un parasito cual suca sangue de vertebratos
sucasava = un picor american cual crea bucos peti en arbores per prende sava e insetos
pop sucetin = un jenero de musica pop per jovenes cual ia flori en la desenio de 1970
suciaci = un plato nion de carne taliada, tipal de bove, fritada rapida con vejetales e salsa
sucotax = un plato miscada de mais, favas e otra vejetales bolida
Sucre = la site capital de Bolivia
sucrosa = un composada cual es la parte xef de zucar de cana o beta
sucubo = un demon fema mital ci copula con omes dorminte
suculente = (un comeda) mol, jusosa e saborosa; (un planta) con folias o talos spesa e pulposa, ajustada per reteni acua
Sucumi = la site capital de Abcazia
suda = (un licuida) flue multe lenta
suda = emete (un licuida) multe lenta
Sudafrica = un nom corta per la Republica de Africa Sude
Sudan = un pais en Africa norde-este, a sude de Misre, con costa a la Mar Roja
Sudan Sude = un pais sin costa en Africa norde-este, a sude de Sudan e a ueste de Itiopia
sude = (un loca o parte de loca) situada en la dirije oposada de norde; (un person, venta) veninte de esta dirije
sudiste = suportante la sude en un disputa entre la norde e sude de un rejion
sudocu = un rompetesta en cual juores scrive la numeros de un a nove en un grilia composada de nove cuadros sudivideda a nove plu cuadros, per crea un situa en cual cada numero aveni a un ves en cada linia orizonal e vertical
sudui = (la borda de un placa de la crosta de la Tera) move a lado e a su, a en la litosfera su un otra placa
sueba = pertinente a la tribu germanica antica ci ia menasa la Impero Roman
sueter = un veste tricotada, tipal con mangas longa, portada sur la corpo alta
sufi = pertinente a un scola de islam mistica e asetica, o a sua membros
sufisa = pone (un morfem) a la fini de un parola per ajusta o cambia sua sinifia
sufisi = esiste en un cuantia cual sasia la nesesa, ma no es tro multe
sufle = un plato lejera e sponjin, tipal preparada par ajunta vitelos saborida a albumenes multe bateda
sufrajeta = un fem ci esije la direto de vota par protestas organizada, tipal en la tarda de la sentenio 19 e la temprana de la sentenio 20
sufri = esperia (un cosa dolosa o triste)
sugo = un arbor conifer de la jenero Cryptomeria, en familia de sipres
suhur = (en islam) un come temprana en ramadan
suing = pertinente a un moda de musica e dansa derivada de jaz, con un ritmo forte ma suave
suiside = mata se
suite = un colie de cosas cual parteni con lunlotra, como un colie de salas, mobilas, obras musical o programes simil
Suiz = un pais montaniosa sin costa en Europa sentral
suje = un materia negra e polvin o flocosa, xef composada de carbono sin forma, produida par la arde noncompleta de materia organica
sujesta = dise (alga cosa) per la considera de un o plu otra persones; declara o espresa (alga cosa) en modo nondireta; fa ce algun pensa a (alga cosa) par un sembla o simili
sujeto = un person o cosa cual es discuteda, descriveda o studiada; (en gramatica) un sintagma nomin cual ave la rol de cual la resta de un proposa o frase es predicada
sujunta = un parola cual introdui un suproposa
sujuntiva = pertinente a un moda de verbos cual espresa lo cual es imajinada, voleda, desirada o posible
Sulauesi = un isola en Indonesia
Mar Sulauesi = un mar a norde de Sulauesi
Sulawesi = un isola en Indonesia
Mar Sulawesi = un mar a norde de Sulauesi
sulfato = un sal o ester de asida sulfurica
sulfido = un composada binar de sulfur con un otra elemento o grupo
sulfito = un sal de asida sulfurosa
sulfur = la elemento cimical con numero atomal 16, un nonmetal jala e combustable
sulfurica = conteninte sulfur o asida sulfurica
sultan = un renor mas muslim
Sulu, Mar = un mar entre la Pilipinas e Borneo
sumaco = un arboreta en familia de anacardio, con folias composada, frutas en grupos cono e colores briliante en la autono
sumaco venenosa = un jenero de anacardios cual secrete un olio iritante cual pote causa dermatite
sumarina = un barcon con corpo airodinamical, capas de funsiona completa sumerjeda en la mar per periodos longa
sumarineta = un veculo suacuan cual depende de un otra veculo acual plu grande
Sumatra = un isola grande en Indonesia, a sude-ueste de la penisola malaisian
Sumba = un isola en Indonesia
Streta Sumba = un streta entre Sumba e Flores
Sumer = un rejion antica en Asia sude-ueste (Irac moderna), la parte sude de Mesopotamia
sumerje = desende a su la surfas de un licuida
sumo = un forma nion de luta pesosa, en cual un lutor gania par forsa sua oposor a sorti de un sirculo marcada, o par fa ce el toca la tera con cualce parte de sua corpo estra la plantas de sua pedes
suna = la parte de lege muslim fundida sur la parlas o atas de Muhammad, asetada (con la Curan) como autoriosa par muslimes e spesial segueda par sunis
sunda = pertinente a la popla de Djava ueste, o a sua lingua
Streta Sunda = un streta entre Sumatra e Djava
sunde = un plato de crema jelada con otra ingredientes como frutas, nozas, xirope e crema bateda
suni = pertinente a un de la du ramos xef de islam, en cual on aseta la suna e la tre califas prima
sunisme = un ramo de islam
suo = umidia emeteda tra la pores de la pel, tipal un cuantia grande como un reata a caldia, eserse, febre o teme
Suomi = un pais a este de la Mar Baltica, entre Sveria e Rusia
Golfo Suomi = un golfo entre Suomi e Esti, un estende de la Mar Baltica
superflua = (un cosa) cual on no nesesa ajunta o reteni; cual es plu ca sufisi o plu ca on nesesa
superior = plu alta en grado, state, prestijia o cualia; con cualia alta; plu grande o potiosa; (en anatomia) plu alta o plu esterna
Lago Superior = un de la sinco Lagos Grande de America Norde, entre Canada e la SUA
superlativa = (un ajetivo o averbo) espresante un grado la plu alta o multe alta de un cualia
superstisio = un crede tro credosa per esistentes supranatural; un crede nonrazonante en la lia de alga causas e efetos
supina = (un person) reposante e fasante a supra; (un mano) con palma fasante a supra
suplica = demanda, en modo multe seria o desperante, ce (un person) fa alga cosa
suporta = porta tota o alga de la pesa de (un person o cosa); dona aida a (algun), tipal finansial
suposa = opina ce alga cosa es real o vera o probable, ma sin demostra o sabe serta
supositorio = un prepara medical desiniada per introdui en la reto o vajina per disolve
supra = situada o estendente a un loca plu alta ca; plu alta ca (un cuantia, frecuentia o norma)
supra = movente a un loca plu alta ca
supra- = supra; a supra; plu alta o multe en loca o grado; plu ca espetada
supraspira = respira a un rapidia nonormal, tal ce on perde tro multe diosido de carbono
suprema = (un autoria o rol, o un person ci ave lo) superior a tota otras; la plu forte, importante o potiosa; multe grande o intensa
supremisme = la crede ce un cultur (raza, relijio, jenero, etc) es superior ca otras, tal ce sua membros ave la direto de domina otra persones
supresa = para par forsa; preveni la developa, ata o espresa de (un impulsa, senti, idea, etc); preveni la difusa de (informa); preveni o retarda (un prosede o reata); elimina partal o completa (un interfere eletrical); (en psicolojia) retarda o evita (un idea o memoria nonplasente)
sur = suportada a la surfas de (un cosa)
sur = movente a la surfas de (un cosa)
sur = consernante o pertinente a (un tema)
sura = la parte musculosa a la retro de la gama basa
sureal = strana en modo simil a la modo introduida par la move surealiste en arte e leteratur, cual vole relasa la creosia de la suconsensia par junta imajes noncoerente
surfa = move sur un plance idrodinamical a la cresta de un onda; vaga tra (pajes a la interede)
surfas = la parte esterna o la strato la plu alta de alga cosa; la limita la plu alta de un licuida; lo cual es fasil vidable o comprendable; (en jeometria) un colie continuante de puntos en du dimensiones
Suria = un pais en Asia ueste, con costa a la Mar Mediteraneo este
suricata = un mangoste peti de Africa sude, tipal de la spesie con bandas oscur sur sua dorso e un coda con punto negra
surie = formi sua fas con espresa plaseda, amin o divertida, tipal verjente la angulos de la boca a supra e esposante la dentes
Suriname = un pais a la costa norde-ueste de America Sude
surje = apare, emerje o avansa en modo subita o brusca
surjeta = fa o usa un surjeta
surjeta = un funsiona cual asosia tota elementos de un colie a tota elementos de un otra colie
surprende = stona (algun) con un cosa nonespetada, tipal plasente o nonmenasante; catura, ataca o descovre (algun) en modo nonespetada
sursolo = la plances o otra materia de cual un solo es fabricada
survive = continua vive o esiste en o pos (un situa) tipal difisil o perilosa; (metafor) continua en un situa difisil
susede = ateni (un gol o resulta desirada); deveni la ocupor nova de un posto pos la resinia, mori, etc de (un otra person)
susia = covreda o marcada con un sustantia nonlimpa; (un licuida) oscur e plen de un sustantia nonlimpa
susiste = susta se, spesial a grado minima
suspende = fa ce (un person o cosa) pende de un suportador; para (un jua, encontra, prosede, etc) con intende de recomensa plu tarda
suspende = un ata de suspende; un emosia plasente stimulante cuando on ancora no sabe la conclui de un nara o simil
suspeta = ave un idea o senti ce (alga cosa) esiste, es presente o es vera, sin demostra serta; crede o senti ca (algun) es culpable de un ata nonlegal, nononesta o nonplasente, sin demostra serta; duta la veria de (alga cosa)
suspira = emete (un sona o senti) como un espira longa, profonda e oiable cual espresa tristia, fatiga, lejeri o un emosia simil
susta = forti o suporta fisical o mental; fa ce (un cosa) continua per un periodo estendeda o sin interompe
sustantia = la materia fisical de cual un person o cosa es composada; lo sin cual un person o cosa no pote esiste; la funda de realia
sustantivo = un parola de un spesie cual indica tipal un person, animal, cosa, asosia o idea astrata, e cual pote funsiona como un sujeto o ojeto de un verbo o preposada
sustantival = pertinente a o derivada de un sustantivo
sustantivin = usada en modo simil a un sustantivo
sustitua = atante o usada en loca de un otra person o cosa simil
sutende = (un linia o arco) formi (un angulo) a la punto do linias reta estendeda de sua estremas encontra lunlotra; (en botanica) estende su (un flor) per suporta o envolve lo
sutil = (un ata o projeta) tan esata o delicata ce lo es difisil per analise, descrive o persepi
sutra = un diseda saja en leteratur sanscrito; un scriveda santa en budisme o jainisme
sutrae = move (un cosa) de la loca cual lo ia ocupa; elimina (un scrive o fix); prende (un numero o cuantia) a via de un otra per calcula la difere; prende (un cosa) a via de un otra per diminui la grandia, cuantia o valua
sutur = un punto o serie de puntos de filo cual teni la bordas de un feri o talia sirurjial; la filo usada per esta; la junta nonmovable e costurin entre du osos
suturi = la ata de cose la bordas de un feri o talia sirurjial
Suva = la site capital de Viti
suveni = suporta la emprendes de (un person o organiza) par un donada finansial
suvenir = un cosa retenida per recorda un person, loca o aveni
suverti = sutrae (un person o cosa) de autoria o potia par forsa; fini (alga cosa) par usa de forsa
suxi = un plato nion, composada de roladas o bales peti de ris saborida con vinagra, cual conteni vejetales, ovos o pex
suzeran = un renor o stato cual ave alga controla de un otra stato cual es interna autonom; un renor superior de otra renores en un sosia feudal
Svalbard = un arcipelago norsce en la Mar Artica
Sveria = un pais de Europa norde, bordada par Noria a la ueste e par Suomi e la Mar Baltica a la este
swahili = pertinente a un lingua de la familia bantu, usada como un lingua franca en Africa este, o a la popla ci desende de la parlores orijinal de esta lingua
swami = un instruor relijiosa mas de induisme
swastica = un simbol antica con forma de crus con cuatro brasos egal de cual cada continua a un angulo reta; esta usada como la sinia de la partito nazi de Deutxland en la Gera Mundal Du
Swaziland = un nom pasada de Esuatini
sweter = un veste tricotada, tipal con mangas longa, portada sur la corpo alta
swing = pertinente a un moda de musica e dansa derivada de jaz, con un ritmo forte ma suave
Swiz = un pais montaniosa sin costa en Europa sentral
t = la letera 20 de la alfabeta roman
ta = usada direta ante un verbo finitiva per indica ce esta refere a un situa nonreal (imajinal, dutada, desirada o mera posible)
ta = usada en un suproposa introduida par `ci`, `cual`, `como`, `cuando`, `cuanto` o `do` per asentua ce la eleje entre la posibles no importa
ta = usada en demandas cortes
ta ce = espresante un desira o comanda
tabaco = un planta de la tropicos american en familia de solano; la folias de esta, cual conteni nicotina e es preparada par seci e fermenta per fuma o mastica
tabano = un mosca grande cui fema suca sangue e causa mordes dolosa sur cavalos e otra mamales, incluinte umanas
tabla = un duple de tambures peti liada a lunlotra e juada par presa con la manos per cambia tono
tablatur = un modo de scrive musica per strumentos de cordetas par indica la moves de la ditos e no la tonos mesma
table = un mobila con surfas plana e un o plu gamas, sur cual on pone ojetos per come, scrive o labora; un peso de lenio o otra materia sur cual on fa xace o otra juas; un colie de fatos o numeros mostrada en colonas; (en informatica) un colie indiseda de elementos relatada
table de desinia = un surfas grande e plana sur cual artistes, arcitetores, etc., desinia sur paper estendeda
table de multipli = un table cual ordina tota multiplis de du interos peti, tipal asta 10, 12 o 20
tabu = proibida par un tabu
tabu = un costum sosial o relijial cual proibi discutes de un pratica spesifiada, o cual proibi asosia con un person, loca o cosa spesifiada; (metafor) cualce ativia cual es proibida o restrinjeda
tabule = un salada de bulgur, tomates, persil, olio de oliva e jus de limon, popular en Lubnan e rejiones prosima
taca = la unia de mone en Bangladex
taci- = rapida
tacicardia = batetas tro rapida de la cor
tacion = un particula ipotesal cual move plu rapida ca lus
tacistoscopio = un aparato cual mostra un imaje per un tempo spesifiada
tacle = (en rugbi e futbal american) para la move de (la juor ci posese la bal) par saisi el e forsa el a la tera; (en futbal internasional) atenta prende la bal de (un oposor) par intersepi el
taco = un plato mexican, composada de un tortilia fritada, tipal pliada e plenida con miscas diversa como carne spisida, favas, letuga e tomates
ta-da = usada cuando on revela alga cosa nova o surprendente
Tadjicistan = un pais montaniosa e sin costa en Asia sentral, norde de Afganistan
tafel = un grupo de juas de table, orijinante en Scandinavia, en cual un juor atenta prende la re e la otra atenta move la re a securia
tafeta = un seda delicata e briliante, con trama lisa; un otra materia simil
tagalog = pertinente a un popla de Luzon sentral en la Pilipinas, o a sua lingua austronesian
tagua = un palma de un jenero de cual on usa semes per fabrica joalas e scultetas
Tahiti = un isola en la Mar Pasifica sude-sentral, un de la Isolas Sosia cual formi un parte de Polinesia Franses
Tai = un pais en Asia sude-este, a este de Miama e a ueste de Lau e Camputxa
Golfo Tai = un golfo a sude-este de Tai
taie = la parte de la corpo umana su la costelas e supra la ancas; la parte de un veste cual ensirca o covre esta; (metafor) la parte en la media de un cosa como un violin, un orolojo de arena, la corpo de un vespa, o la media de un barcon
taiga = la foresta de coniferes, pantanosa a veses, de la latitudes norde, spesial entre la tundra e la stepes de Sibir e America Norde
Taipei = la site capital de Taiwan
taitxi = un arte militar e sistem de eserse fisical, composada de series de moves lenta e controlada
Taiuan = un isola e pais a lado de la costa de Jonguo sude-este
Taiwan = un isola e pais a lado de la costa de Jonguo sude-este
tajete = un planta en familia de elianto, con flores jala
Takelamagan, Deserto = un deserto en Jonguo norde-ueste
tal = de la spesie ja indicada
talamo = cada de la du masas de materia gris entre la emisferas serebral a cada lado de la ventriculo tre
ipotalamo = un area de la serebro su la talamo cual coordina la sistem de nervos autonom e la ativia de la ipofise, e cual controla tal la temperatur, famia, sidia e otra sistemes omeostasal
talasocrata = pertinente a imperos maral
talco = un mineral blanca, gris o pal verde con trama grasosa; la polvo composada de esta, usada como un cosmetica, tipal parfumida
talento = un capasia natural, o un tende natural de developa un capasia
talia = fa un abri en (alga cosa) con un util agu; (en informatica) estrae (un parte de un testo, un imaje, etc) per pote reajunta lo en un otra loca
taliafilo = un util per talia filos de metal
taliagarga = un omisidor o otra criminal violente
taliapaper = un cotel nonagu per abri envelopas o pajes nontaliada de libros
taliban = pertinente a un organiza political, militariste e suni islamiste cual ia governa multe de Afganistan entre 1996 e 2001
talidomida = un medisin usada per trata alga canseres, ma ance istorial usada per trata nausea de ensintia con la resulta nonintendeda de bebes malformida
Talin = la site capital de Esti
talio = la elemento cimical con numero atomal 81, con composadas multe venenosa
talmud = la colie de leges e rituos iudiste
talo = la junta entre la pede e la gama; la parte de la gama entre la pede e la sura; la parte de un planta o arboreta cual crese de la tera e suporta tipal un fruta, flor o folia; la corpo de un planta simple, como de alges, fungos, licenes e alga epaticas
talon = la parte retro de la pede, su la talo; la parte simil de la pede de vertebratos; la parte de la palma de la mano la plu prosima a la polso; la parte de un sapato o bota cual suporta la parte retro de la pede
talpa = un mamal peti con pelo oscur e veludin, beco longa e oios multe peti, cual come insetos e vive su tera
tam = un xapeta ronda con pompon sentral, orijinante en Scotland
tamale = un plato mexican de carne spisida, envolveda en pasta de farina de mais e vaporida o fornida en palias de mais
tamarin = un simia peti de la forestas de America Sude en familia de uistiti, tipal con colores briliante e mexas de capeles sirca la fas e colo
tamarindo = un arbor tropical de Africa; la pulpa de la casca de esta, usada como un saborinte en cosini asian
tambur = un strumento de percute, sonada par bate con la manos o bastetas, tipal formida como un silindre, bol o baril, con membrana tensada sur un o ambos finis
tambur de conga = un tambur alta e magra con tono basa, usada en musica de America latina
tamia = un scural peti con poxes de jena e bandetas pal e oscur longo sua corpo
tamil = pertinente a la popla de Barat sude e Srilanca, o a sua lingua dravidian
tamis = un util de rede en un moldur, usada per estrae solidas de licuidas o particulas plu grande de particulas plu peti, o per maxa solidas mol
tampon = un masa de materia mol, tipal coton, usada per pleni, asorbe o limpi; un masa de paper conteninte polvo negra per un moscete o pistol
tan = a un tal estende, grandia, cuantia, cualia, etc; espresante surprende sur la estende, grandia, cuantia, cualia, etc de algun o alga cosa
tana = converti (la pel de un animal) a cuoro par empapa lo en un licuida cual conteni asida tanica o otra cimicales
tanatolojia = la studia de mori e la rituos asosiada, incluinte la nesesadas de morintes e sua familias
tanca = un poesia nion con sinco versos de sinco, sete, sinco, sete e sete silabas
tance = un contenador grande o cambra de reteni, tipal per un licuida o gas; un contenador grande, tipal ronda con fondo plana, usada per conteni acua o otra materias; un veculo militar blindada cual move sur un banda erugin de metal
tancini = un spesie de bicini cui alta ave la forma de un camiseta
tandur = un forno de arjila de un spesie orijinal usada en Barat norde e Pacistan
tang = pertinente a la dinastia cual ia rena Jonguo de 618 EC a 906
tanga = un pantaleta minima, composada de un peso de stofa juntada a un cordeta o banda de taie
Tanganyika, Lago = un lago grande en Africa este, entre la Republica Democrata de Congo e Tanzania e Burundi
tangar = un avia cantante american en familia de emberiza, cui mas ave tipal plumas briliante orania
tango = un dansa orijinante en Arjentina, usante ritmos e posas spesial e pausas subita
tangram = un rompetesta xines, composada de un cuadro taliada entre sete pesos cual on pote reordina per crea otra formas diversa
tanica = pertinente a tanin
tanin = un materia organica, jala o brun e amarga, presente en alga texedas de plantas e usada per produi cuoro e inca
tanje = toca lejera; es un tanjente a
cotanjente = un funsiona trigonometrial, egal (en un triangulo reta) a la longia de la lado tocada par la angulo agu pertinente, divideda par la longia de la lado oposante esta angulo
tanjente = un linia o plana reta cual toca un curva a un punto, sin traversa esta si on estende lo; un funsiona trigonometrial, egal (en un triangulo reta) a la longia de la lado oposante la angulo agu pertinente, divideda par la longia de la lado tocada par esta angulo
tanjerino = un arbor cual produi tanjerinas
tanjerina = un fruta sitrica peti con casca laxe, tipal con casca orania-roja intensa
tanpura = un strumento con cuatro cordetas e colo longa, de orijina barati
tantalo = la elemento cimical con numero atomal 73
tantra = un testo mistica o ritual de induisme o budisme entre la sentenios 6 e 13; adere a la credes o prinsipes de esta testos, incluinte mantras, medita, ioga e rituos
Tanzania = un pais en Africa este a ueste de la Mar Indian
tapaculo = un avia de America Sude, tipal de la Andes, e de America Sentral
tape = fa sonas lejera e rapida de colpa
tape = produi (un ritmo) con tal colpas; scrive (un testo) con un teclador
tapadorin = (un tipo de letera) en cual tota sinias ave la mesma largia
tapeto = un covrente per solos o scaleras, fabricada de stofa spesa; un texeda mol e cuxinida fisada a mobilas como sejones e sofas
tapeti = covre con un tapeto o cosa simil
tapioca = un materia otenida de manioca e usada per coce gaxas e otra platos
tapir = un mamal con ungulas, corpo e gamas spesa, e un proboside corta e flexable, de la forestas de Malaisia e America tropical
tapo = un cosa cual bloci un abri o tubo, comun un peso ronda de metal, cauxo, suber o plastica, usada per reteni un licuida o preveni contamina de la contenidas
Tar, Deserto = un deserto a la este de la Rio Indo en Barat e Pacistan, ance nomida la Deserto Indian Grande
tarama = un pasta ros, preparada de la ovos de alga pexes, miscada con olio de oliva e spises
tarantula = un arania grande e pelosa de America tropical e sutropical
Taraua Sude = la site capital de Ciribas
Tarawa Sude = la site capital de Ciribas
tarda = (un cosa o aveni) pos la tempo espetada, normal o cortes
tarda = la parte final de un tempo o periodo spesifiada; un person ci ariva tarda
tardigrado = un membro de un filo de animales multe peti, sesionida, con esosceleto e oto gamas juntada
tarifa = un imposta cual debe es paiada sur un clase spesifiada de importas o esportas; un imposta sur imobilas
taro = un planta de Asia tropical en familia de arum, con folias e cormos comable
taroci = un colie de cartas, tradisional 78 en sinco familias, usada per clarvide e per alga juas; la usa de esta cartas per clarvide o juas
tarsio = un primate peti, insetivor, noturna e abitante en arbores, con oios grande, coda longa con mexa e gamas posterior longa, de la isolas de Asia sude-este
tarso = un grupo de osos peti entre la parte major de la gama posterior e la metatarso en vertebratos teran
metatarso = la grupo de osos en la pede, entre la talo e la ditos
tartan = un stofa de lana, de orijina scotes, con bandetas colorosa cual crusa orizonal e vertical
tartar = un depone dur de calce cual formi sur la dentes o en un caldera; un depone formida en la fermenta de vino
tarte = un plato fornida de frutas, crema, o carne e vejetales, tipal con un basa de pasta dulse
Tarteso = un site e porto antica e cuasi mital a la costa sude de Espania estra la Streta Jibraltar
tas = un contenador peti con forma de bol, de cual on pote bevi, tipal con manico; la cuantia contenida par esta; un mesura de volum egal a un cuatri de un cuatrigalon
tasi- = posa, ordina
tasidermia = la arte de prepara animales mor per un efeto vivin
Tasman, Mar = la mar entre Australia e Zeland Nova
Tasmania = un isola sude de Australia; un stato de Australia composada de esta isola e alga isolas plu peti
taso = un cuantia espresada como persentos de un otra cuantia, o finansial o otra
tason = un grupo tasonomial de un grupo de cualce grado, como un spesie, familia o clase
tasonomia = un clasi de alga cosa, spesial organismes; un scema de clasi; un ramo de siensa cual studia clasi, tipal de organismes
tatami = un tapeto de palia covreda con juncos, tradisional usada en Nion
Tatarstan = un republica en la ueste de Rusia
tatar = pertinente a un popla de Tatarstan e otra locas en Rusia e Ucraina, o a sua lingua turcica
tatica = la arte de organiza fortes militar per batalia; un stratejia como un parte de un stratejia plu grande
contratatica = un ata fada per oposa o coreti un otra, o per dana la capasias militar de un enemi
tato = capasia e sensosia en la trata de otras o de casos difisil
tatua = marca (un person o parte de corpo) con un desinia par introdui pigmento en perforas en la derma, tipal con un ago o aparato spesial; fa (un desinia) en esta modo
tau = la letera 19 de la alfabeta elinica
taurina = un aminoasida importante per la metaboli de gras
tautolojia = la redise de la mesma cosa par otra parolas; un declara cual es vera par sua forma lojical
taverna = un instituida cual vende bir e otra bevidas per bevi ala, e cual servi ance comedas en alga casos
Taxcent = la site capital de Uzbecistan
taxe = un peso de labora o studia cual on debe fa
multitaxal = capas de fa plu ca un taxe a la mesma tempo
taxi = un veculo, como un auto o barco, usada per porta pasajores per un custa
taximetre = un aparato usada en taxis cual rejistra la distantia e custa de la viaja
taxo = un conifer con frutas roja e bacin, de cual la plu es venenosa, usada per fabrica armarios e, en edas pasada, arcos longa
taze = sesa parla; no dise (alga cosa); no revela (alga cosa); asconde (alga cosa) par silenti
Tbilisi = la site capital de Sacartvelo
te = un arboreta trovada en Asia sude e este; un bevida calda preparada par infusa la folias secida e craseda de esta en acua bolinte; esta folias; un bevida fria preparada par ajunta jelo a te calda
te de bolas = un bevida orijinante en Taiwan, un misca parfumida de te, fria o calda, de lete e de perlas negra de tapioca
te de bosce = un arboreta sempreverde en familia de erica, con bacas comable, e folias e bastetas de cual on pote prepara un te erbal per usas medical
teatro = un construida o salon per presentas dramal; un rejion simil estra casa
amfiteatro = un teatro ronda o duisirculo, comun sin teto, con loca sentral per presenta dramas o sportes; un salon con scaleras de bancas do un profesor ensenia, en un universia
Teba = un site elinica situada en Beotia
teca = un arbor grande caduca de Barat e Asia sude-este; la lenio dur de esta, usada per fabrica barcos e mobilas
tecel = un can de raza con corpo longa e gamas corta
tecila = un bevida mexican, distilada de agave
tecla = un de la botones sur un panel con cual on opera un computador, telefon o tapador; un de la leveres cual on presa con un dito per opera un strumento musical; un lever usada per opera un aparato eletrical, como en telegrafia
tecli = comunica (alga cosa) par presa un tecla o un serie de teclas
tecnesio = la elemento cimical con numero atomal 43
tecnica = un modo de fa un taxe spesifiada, spesial en arte o siensa, o cual nesesa un grado de capasia e instrui
pirotecnica = la arte de produi focos artal
politecnical = un scola cual ofre cursos en multe sujetos, tipal sujetos tecnical o careral
tecno = un stilo de musica per dansa, tipal rapida, pesosa e eletronica, con poca o no canta
tecno- = tecnolojia
tecnocrata = pertinente a un governa composada de un elite con capasias tecnical
tecnofilia = un zelo per tecnolojia nova
tecnofobia = un teme de tecnolojia nova o tecnolojia jeneral
tecnolojia = la aplica de sabe siensal per intendes pratical; macinas e aparatos developada de la aplica de sabe siensal; un ramo de sabe sur injenia e siensas aplicada
biotecnolojia = la esplota de prosedes biolojial per intendes industrial o comersial, spesial la manipula de jenes de microbios per produi antimicrobiales, ormones, etc
nanotecnolojia = la siensa e tecnolojia de crea e manipula nanoparticulas
tef = un sereal african, cultivada cuasi sola en Itiopia e xef usada per prepara farina
teflon = un resina usada per sua liscosia
Tegucigalpa = la site capital de Onduras
Tehan = un pais en Asia este, a la parte sude de la penisola de Corea
Teheran = la site capital de Iran
teisme = la crede ce un dio o dios esiste, tipal un dio ci ia crea e rena la universo e ci ave un relata personal con sua creadas vivente
ateisme = la crede ce no dio o dios esiste
enoteisme = la adora de sola un dio sin nega la esiste posible de otra dios
monoteisme = la prinsipe o crede ce sola un dio esiste
panteisme = un filosofia cual regarda Dio e la universo como la mesma cosa
politeisme = la prinsipe o crede ce plu ca un dio esiste
tela = un peso de stofa; un peso de stofa o paper asorbente, usada per seci
telanjectasia = un maladia marcada par la dilata de la capilares, cual causa ce los apare como linias peti roja o purpur, comun aranin, sur la pel o surfas de un organo
Telaviv = la site du la plu grande de Israel, reconoseda par la plu de statos como sua site capital
tele = (nonformal) un televisador
tele- = distante
telecinese = la capasia suposada de move ojetos distante par potia de mente o otra metodos nonfisical
telefon = un aparato cual cambia vibras de sona a siniales eletrical e la reversa, tipal per transmete voses a un loca distante
radiotelefon = un radio portable e bidirijal; un telefon cual funsiona par radio
telefoto = un lente con distantia focal plu ca normal, usada per fotografi cosas distante
telegraf = un aparato cual crea siniales eletrical per transmete mesajes par comuta e descomuta un junta eletrical
telegrafin = pertinente a un modo consisa de scrive, como cuando on telegrafi
telegram = un mesaje enviada par telegraf e traeda en forma scriveda o primida
telemarc = (en salta de sci) un stilo de move o atera con un sci avansada e la jenos pliada
telemetre = un aparato cual transmete la indicas de un otra strumento; un aparato per estima la distantia de un ojeto, tipal usada con un camera o fusil
teleolojia = la esplica de un cosa o aveni par sua intendes o usas
teleoste = un membro de la infraclase la plu grande en la clase de pexes con pinas raiosa, con un premasila movable
telepatia = la comunica suposada de pensas o ideas par otra modos ca la sensas normal
teleporta = (en naras siensal) es direta transportada de un loca a un otra, sin traversa la spasio interveninte
telescopio = un aparato otical desiniada per fa ce ojetos distante pare plu prosima, composada de un sistem de lentes o de lentes e mirores curva
televisa = transmete imajes e sonas par converti los a siniales eletrical e alora reconverti los a imajes e sonas en televisadores
telia = un peso magra e retangulo de arjila fornida, beton, seramica, suber, linolio, lenio, metal, ardosia o otra materia, usada per covre tetos, mures, solos, etc
microtelia = un telieta de materia semicondutante, usada per fabrica un sircuito integrada
telica = (un ata) dirijeda a un gol; (un verbo) presentante un ata como dirijeda a un gol
telofase = la fase cuatro de la divide de selulas
telugu = pertinente a un popla de Barat sude-este, o a sua lingua dravidian
telurio = la elemento cimical con numero atomal 52, usada en eletronica
tema = la idea xef de un parla, scrive, pensa o esibi; un idea spesifiada cual distingui o domina un composada de arte o leteratur; un serie de notas en musica, de cual partes plu longa es developada; un desinia repeteda, persepable en un cosa completa; un teoria promoveda como un premisa cual debe es suportada o mostrada; (en gramatica) la composante la plu importante de un proposa
teme = senti ce (un person o cosa) es perilosa, dolosa o menasante
preteme = presensa, temente un cosa asustante
tempe = la parte plana a cada lado de la testa, entre la fronte e la orea
tempera = duri (un metal) par recaldi e alora fria lo; ata como un forte neutrinte o ecuilibrante a (alga cosa); ajusta un strumento musical per coreti la sona
tempera = un metodo de depinta con pigmentos miscada con un diluinte cual conteni vitelo
temperatur = la grado de caldia presente en un materia o ojeto, como la aira o la corpo, tipal representada par un numero como en un termometre
temperatur de sala = la temperatur comun comfortosa per umanas, entre sirca 20 e 24 grados de celsius
tempesta = un disturba violente de la atmosfera con ventas forte e tipal pluve, tona, lampo o neva
templo = un construida intendeda per la adora de un dio, dios, o otra ojetos relijial
templan = pertinente a un ordina militar catolica, fundida en 1119, cui nom completa ia es la Cavaleros de la Templo de Solomon
tempo = la progresa continuante de esiste e avenis en la pasada, presente e futur; un cuantia de esta, mesurada par un norma; un eda; (en gramatica) un indica de la tempo de avenis en un frase o proposa
tempora = esistente tra sola un periodo limitada o corta; no permanente
temprana = aveninte o fada ante la tempo normal o espetada
temprana = la parte prosima a la comensa de un periodo spesifiada
temprani = deveni plu temprana
temprani = fa ce (alga cosa) es plu temprana
tempura = un plato nion de pex, molusco, crustaseo o vejetales, fritada en pasta
tenda = un construida lejera fabricada de stofa, suportada par un o plu palos, e tensada par cordas o anelos liada a caviles martelida en la tera
tende = condui comun en un modo spesifiada
tendon = un corda flexable ma no elastica, composada de colajen fibrosa forte cual lia un musculo a un oso
tendonite = un inflama de un tendon
tenebrio = un scarabe noturna, e brun o negra
tenera = mostrante dulsia e amosia per un person o otra esente capas de senti; (carne o un otra comeda) fasil per mastica
tenesino = la elemento cimical con numero atomal 117
tenge = la unia de mone en Cazacstan
tengrisme = un relijio de la popla antica de Asia sentral
teni = usa la manos o brasos per porta o suporta; manteni (alga cosa) en un posa spesifiada; manteni la posese de (alga cosa), spesial cuando atacada o defiada
tenibota = un aparato per teni la talon de un bota cuando on estrae sua pede
teniloca = un simbol o parola sustituida per un otra cual on no pote o vole spesifia direta
nontenosia = un state, promoveda en relijios como induisme e budisme, en cual on vinse sua lias emosial a cosas e persones
tenosa = (un person) forte o emosial teninte cosas o persones a se
teninte = un grado basa militar
tenis = un sporte en cual du o cuatro juores usa racetas per colpa un bal supra un rede cual traversa un campo contornida
Tennessee = un stato en la SUA sude-este
tenor = (un vose cantante de om) con tono entre baritono e alto; (un strumento) con tono cuasi la plu basa en sua familia
tenosinovio = un strutur de lubrica cual ensirca la tendon como un tubo, composada de du membranas e la sinovia a interna
tenosinovite = un inflama de un tenosinovio
tenrec = un mamal peti e insetivor, de Madagasicara
tensa = deveni fisada o cluida en modo difisil per move, desfisa o abri
destensante de musculo = un droga cual destensa la musculos
ipertensa = un presa de sangue nonormal alta
ipotensa = un presa de sangue nonormal basa
tensimetre = un aparato per indica la tensa de un materia o strutur a la punto de lia
tensor = un conseta matematical simil a, ma plu jeneral ca, un vetor
tenta = fa ce (algun) fa o prende alga cosa cual el desira o a cual el es atraeda, ma sur cual el sabe ce lo es nonlegal, nonmoral o no beneficante
tentaculo = un membro o apendis magra e flexable de un animal, tipal sirca la boca de un nonvertebrato, usada per teni o move, o con organos de sensa; alga cosa simil a esta
teo- = Dio o dios
teocrata = pertinente a un sistem de governa en cual pretes rena en la nom de Dio o un dio
teodolito = un aparato usada en jeometria con un telescopio jirable per mesura angulos orizonal e vertical
teolojia = la studia de la natur de Dio e crede relijiosa
teorem = un proposa jeneral e no autoevidente, ma mostrada par un cadena de razona; un regula en matematica, espresada par simboles o formulas
teorem de Tale = un teorem jeometrial cual afirma ce un linia paralel a un lado de un triangulo formi, con la linias de la otra lados, un triangulo nova con lados proportial a los de la triangulo prima
teoria = un sistem de ideas intendeda per esplica alga cosa, tipal fundida sur prinsipes jeneral e nondependente
teosofia = un filosofia cual sujesta ce la conose de Dio pote es atenida par intui direta, estasia spirital o simil
tepida = alga calda, ma no multe
tera = la planeta cual nos abita; la surfas de la planeta; la parte de la surfas cual no es covreda par acua
tera- = pertinente a la tera
estrateran = ultra la Tera o sua atmosfera; no de esta planeta
sutera = un sala o nivel cual es partal o intera su la nivel de tera
Terabasa = la site capital de San Kitts e Nevis
Teranova = un isola grande en Canada este, a la boca de la Rio San Laurent
Teranova e Labrador = un provinse de Canada este, bordante la Mar Atlantica
tera- = 10¹²
teracota = un losa sin vernis, tipal brunin roja, usada xef como un materia ornal de construi e en modeles
terapia = un trata medical, intendeda per lejeri o remedia un disturba o maladia
idroterapia = la usa de eserses en un pisina per trata artrite o paralise partal
ipnoterapia = la usa de ipnose per trata maladias mental
psicoterapia = la trata de disturbas mental par modos psicolojial en loca de modos medical
radioterapia = la trata de maladias, tipal canser, par la usa de radiografes e aparatos simil
teraplen = un colineta artifis sur cual un via, ferovia o canal traversa un rejion basa o acuosa
teratofobia = un teme de persones malformida, o de pari un enfante malformida
teratojen = causante la malformi de un embrio
teravada = pertinente a la ramo la plu conservaliste de budisme, tipal en Srilanca, Miama, Tai, Camputxa e Lau
teraza = cada de un serie de areas plana sur un inclinada, usada per cultiva; un rejion nivel e paveda a lado de un casa o otra construida; un veranda con grados
terbio = la elemento cimical con numero atomal 65, usada per fabrica semicondutadores
terebentin = un olio distilada de la resina de alga arbores, usada en pintas, vernises e balsam
teremin = un strumento musical en cual du osiladores crea un tono, cui altia e fortia es cambiada par moves de mano en la aira
tereno = un rejion de tera e sua cualias fisical, per esemplo do on intende ajunta un construida; un ambiente real e pratical de labora
multiterenal = (un veculo) capas de funsiona en terenos cual no conveni a veculos normal
teriaci = un plato nion, composada de pex o carne marinida en salsa de soia e grilida
terier = un can peti de un raza orijinal usada per xasa volpes e otra animales de sua tuneles o nidos
teritorio = un rejion su la autoria de un renor o stato; (en zolojia) un rejion defendeda par un animal o grupo de animales contra otras de la mesma spesie o seso; un rejion defendeda par un ecipo o juor en un jua o sporte
estrateritorial = fabricada, locada o comersiante estra sua propre nasion, tipal per esplota custas plu basa o regulas min sever
Teritorios Norde-ueste = un teritorio de Canada norde
terma = un parola o espresa usada per nomi un cosa o un conseta, tipal en un dialeto o campo de studia; cada de la cuantias en un proportio, serie o espresa matematical
termal = pertinente a caldia; pertinente a acua mineral calda
idrotermal = pertinente a la ativia de acua a la crosta de la Tera
jeotermal = pertinente a o produida par la caldia interna de la Tera
termina = un stasion a la fini de un ferovia; un construida a un airoporto per la ariva e parti de pasajores; un punto de junta per clui un sircuito eletrical; un aparato usada per enflue e mostra datos en un sistem de computador
terminolojia = la studia e crea de termas tecnical
termita = un misca de polvo de aluminio e osido de fero, capas de produi caldia intensa, usada per fusa e bombas ensendente
termite = un inseto peti e pal, con corpo mol, cual abita colonias grande con castes diferente, e de cual alga tipos come lenio
termo- = caldia
termofilia = la cualia de alga microbios de crese la plu bon a temperatures plu alta ca normal; un atrae a caldia
termometre = un aparato per mesura temperatur, tipal composada de un tubo de vitro cual conteni mercurio o alcol e indica la temperatur a grados marcada longo la surfas
termos = un contenador cual manteni la caldia o fria de un bevida o otra licuida par un mur duple cual enclui un vacua
termostato = un aparato cual regula automata la temperatur, o cual ativi un otra aparato cuando la temperatur ateni un grado spesifiada
teror = un senti intensa de teme, xoca o repulsa
antiterorisme = ativias political o militar desiniada per preveni o oposa terorisme
tersa = (un interval musical) de tre grados diatonica
tersiar = pertinente a la periodo prima de la senozoica, entre la cretasica e cuatronar
tese = un declara o teoria presentada como un premisa cual debe es mantenida o mostrada; un obra de rexerca scriveda par un aspiror per un diploma avansada de un universia
tesla = la unia internasional de indui magnetal
tesoro = un cuantia de metales, jemes o otra cosas valuada; un libro cual lista parolas en grupos de sinonimes e consetas relatada
testa = la parte la plu alta de la corpo umana, o la parte anterior o la plu alta de la corpo de un animal, tipal separada de la corpo par un colo e conteninte la serebro, boca, nas, oios e oreas
testiculo = un de la du organos oval cual produi spermas en omes e otra mamales mas, encluida en la scroto
testo = parolas scriveda o primida, tipal composante un obra completa; un de estas cual furni informas o atestas o servi como un arcivo ofisial; la parolas de un canta
ipertesto = (en informatica) un sistem cual lia temas sur un scermo a informa e imajes relatada; un testo presentada en esta modo
testosterona = un ormon steroide cual promove la developa e manteni de cualias mas de la corpo
teta = la protende en cual la dutos mamelal de mamales fema fini e de cual lete pote es secreteda; la protende simil ma vestijial en la mas; la fini de un botela o tetin de un bebe
teton = (nonformal) un seno
teta = la letera oto de la alfabeta elinica
tetania = un state marcada par spasmas musculal causada par un malfunsiona de la glandes paratiroide e la nonsufisi resultante de calsio
tetano = un maladia causada par un bateria, marcada par tetania
teto = la strutur cual covre la culmina de un construida o veculo; la covrente de un contenador; la nivel su sielo de un barcon
suteto = un sala o spasio en la teto de un construida
tetor = un person ci construi o repara tetos
tetonica = la ramo de jeolojia cual studia la prosedes grande cual afeta la strutur de la crosta de la Tera; esta prosedes mesma
tetra = un pex peti de acua dulse en partes de Africa e America tropical, popular en acuerias
tetra- = cuatro
tetralojia = un grupo de cuatro obras relatada de leteratur o opera; un grupo de cuatro sintomes o nonormales relatada cual aveni frecuente con lunlotra
tetrametre = un linia de poesia composada de cuatro pedes
tetraplejia = un paralise de tota cuatro membros de la corpo
tetrapoda = un vertebrato, tipal con cuatro pedes, e spesial un membro de un grupo cual conteni tota la vertebratos plu developada ca pexes, incluinte serpentes
tetrarca = un de la cuatro renores de un tetrarcia
tetrarcia = un governa con cuatro renores autonom
tetrasiclina = un antimicrobial per trata infetas
tetun = pertinente a un lingua austronesian parlada en Timor, un de la linguas ofisial de Timor Este
teurjia = la opera de un potia supranatural en cosas umana
Texas = un stato en la SUA sude-sentral, bordante Mexico
texe = produi (stofa o un cosa de stofa) par pasa cordetas longa entre otra cordetas longa paralel; (un eruga, arania, etc) produi fibres e usa los per construi (un cocon o rede)
entretexe = lia (cosas longa e magra, como filos, capeles, bandas o ditos) par texe los con lunlotra
texor = un person ci texe; un avia cantante de Africa e Asia tropical, ci texe nidos grande e detaliosa
texon = un mamal noturna e omnivor en familia de mustela, tipal con pelo gris e negra
tiamina = un vitamina de la grupo B, trovada en granes nonrefinada, favas e figato
Tibet = un otra nom per Bod
tibia = un de la du osos entre la jeno e la talo, paralel con la fibula; la fronte de la gama su la jeno
tic = un spasma repetente de la musculos, tipal de la fas
tica = un aracnido parasito cual junta se a la pel de un vertebrato de cual lo suca sangue
tica = un plato barati de pesetas de carne o vejetales saturada en un misca spisosa
ticodroma = un avia cantante de Eurasia relatada a la sitas, con plumas gris e alas briliante roja
tictac = la sona de un orolojo indicante la secondos
tie = un person familial de la mesma jenera como sua jenitores; (nonformal) un person familial de cualce jenera plu temprana ca la propre
tia = un tie fema
tio = un tie mas
tifa = un planta alta de pantanes, simil a un cana, con testa silindre con surfas veludin e oscur brun
tifo = un maladia comunicable, causada par ricetsias, marcada par erutas purpur, dole de testa, febre e tipal delira
tifoide = pertinente a un infeta baterial con febre, la eruta de puntos roja sur la peto e adomen, e un irita sever de la intestines
tigre = un gato multe grande, con pelo jalin brun con bandetas negra, nativa de la forestas de Asia ma aora multe rara
tigrinia = un lingua semita parlada en Ertra e Itiopia norde
Tigris, Rio = un rio en Asia sude-ueste cual comensa en la montes de Turcia este e junta se a la Rio Eufrates en Irac sude
tilapia = un siclido de acua dulse African cual on ia introdui per comeda a multe locas
tilde = un sinieta supra la letera N en espaniol cuando lo es palatal, o supra la A o O en portuges cuando los es nasalida; un sinieta simil en otra linguas; un simbol simil en matematica per indica similia, o en lojica per indica nega
tilia = con color briliante pal verde
tilia = un arbor caduca con folias corin e flores jalin e bonodorosa
tim = un planta basa e bonodorosa en familia de menta, cui folias es usada en cosini
timalo = un jenero de pexes de acua dulse en familia de salmon
timida = mostrante ansia en la compania de otra persones; sin autofida; fasil asustada
timina = un de la nucleotidos en ADN
timo = un organo limfoide en la colo de vertebratos cual produi selulas T per la sistem imunial
timon = un peso plata de lenio, metal o otra materia dur, usada per dirije un barco o barcon; un plata simil a la coda de un avion per controla move; un manico o rota e otra aparatos per dirije un barco o barcon
Timor = un isola a este de Indonesia, divideda entre Indonesia e la nasion Timor Este
Timor Este = un pais a la parte este de la isola de Timor a la este de Indonesia
Mar Timor = un mar entre Timor e Australia
timpan = un membrana de la orea media cual vibra como un responde a ondas de sona
timpano = un tambur grande e basa, con forma de bol covreda con un membrana, usada en orcestras
Timpu = la site capital de Druciul
tinamo = un avia teran de America tropical ci sembla un fasian galin
tinca = un pex de acua dulse de Europa, en familia de carpa
tinea = un maladia comunicable de la pel, con areas peti e sirculo cual pruri, causada par un fungo
ting = un asembla judal o leginte, spesial en la cultures de Scandinavia
tinia = un papilio cui larva come fibres animal diversa
tinito = la oia de sona continuante, tipal vibrante o clicante, cuando no sona es presente
tinje = colori (un cosa) par empapa lo en licuida colorida; colori (un cosa) par aplica un cimical penetrante
acuatinje = un primida cual sembla un depinta de acuarela ma es produida con un plato de cupre gravada con asida; la metodo de produi un tal primida
tinocor = un avia de America Sude ci sembla un perdis peti con plumas brun
tintina = fa un sona clar e peti, con tono alta
tintura = un medisin produida par disolve un droga en alcol
tipi = un tenda cono portable, fabricada de peles, stofa o lona sur un strutur de palos
tipo = un categoria de persones o cosas cual ave cualias comun; un spesie de letera primida o mostrada sur scermo
aplotipo = un grupo de alelos en un organisme cual es eritada con lunlotra de un sola jenitor
prototipo = la model prima de un cosa, tipal un macina, de cual otra formas es developada o copiada; la esemplo la plu tipal de un clase de organismes, ojetos de astronomia, etc
scizotipal = avente un tipo de personalia con sintomes min estrema de scizofrenia
stereotipo = un imaje o idea comun, ma fisada e tro simplida, de un tipo de person o cosa; un person o cosa cual conforma a un tal imaje; un lamina per primi, preparada en un molda de tipografia composada o un placa orijinal
tipografia = la arte de usa leteras en primi
tipolojia = la studia e interprete de tipos e simboles; un clasi par tipos jeneral, spesial en siensas umana
tipula = un mosca magra con du alas e gamas multe longa
tira = usa forsa sur (algun o alga cosa), tipal par teni lo, per move o atenta move lo a se o a la orijina de la forsa
airotira = portada o propulsada tra la aira
tiratapo = un util per tira tapos de botelas, con un spiral de metal e un manico
tiramisu = un deser italian composada de stratos de torta sponjin empapada en cafe e licor, con xocolada polvida e mascarpone
Tirana = la site capital de Xciperia
tirano = un renor cruel e opresante; un avia de la Americas ci sembla la caturamoscas de Eurasia e Africa, tipal con plumas colorosa
tiranosauro = un dinosauro multe grande, bipede e carnivor de la eda cretasica tarda, con mandibulas forte e gamas anterior peti
tiroide = un glande grande e sin dutos en la colo, cual secrete ormones per regula crese e developa par controla la rapidia de la metaboli
ipertiroidia = la ativia suprabundante de la tiroide, aselerante la bateta de cor e la metaboli
ipotiroidia = ativia nonormal reduida de la tiroide, lentinte la crese e developa mental
paratiroide = pertinente a la glande prosima a la tiroide cual secrete un ormon cual regula la niveles de calsio en la corpo
tiroidectomia = un sirurjia per estrae un tiroide
tisa = move (un cosa) per misca o aumenta lo; coraji o provoca (un emosia o tende forte); tenta (algun) sin intende sasia el
tisana = cualce bevida preparada par infusa materia de plantas en acua bolinte
titan = cada de la dios de Elas antica ci ia presede la olimpianes; la satelite la plu grande de Saturno
titanio = la elemento cimical con numero atomal 22
titi = un simia peti de la forestas de America Sude
titila = toca lejera (un person o parte de corpo) en modo cual causa pruri e rie; fa ce (algun) ave sentis formicosa o cuasi picante; stimula (algun) en modo cuasi sesal
titina = un protena jigante e un composante de sarcomeros
tito = un buo con fas corin ci nidi tipal en granerias o en bucos de arbor
titola = mesura la consentra de (un disolve) par usa un otra disolve de cual on sabe ja sua consentra; mesura e ajusta la cuantia de un medisin o funsiona fisiolojial
titulo = la nom de un libro o otra obra artiste; la parolas a la comensa de un article o paje en un jornal cual indica la tema; un esplica corta ajuntada a un article, desinia, cartun o poster; un parte de un jornal cual trata un sujeto spesifiada o es scriveda par un person spesifiada; un parola como `Senior(a)`, `Seniorel`, `Dotor` o `Baron` usada ante la nom de un person per indica sua grado sosial
tlingit = pertinente a la americanes nativa de la costa e isolas de Alaska sude-este e la partes de Canada prosima, o a sua lingua de la familia nadene
tobogan = un strutur con surfas lisa e inclinada, sur cual enfantes lisca; un canal simil, longo cual on envia ojetos a basa
toca = veni tan prosima a (un ojeto) ce on contata lo; fa ce (un strumento musical o sua cordetas) sona par usa la ditos o un plectro
tocada = diseda per reconose un colpa en scrima o, metafor, en debate
tocamac = un aparato cual usa un campo magnetal potiosa per teni plasma calda en forma de anelo
tocarian = pertinente a un popla de Asia sentral en la milenio 1 EC, o a sua lingua
tocata = un composada musical per un strumento de teclas, desiniada per esibi la toca e tecnica de la juor
Tocelau = un grupo de tre isolas en la Mar Pasifica ueste cual formi un teritorio de Zeland Nova
toco = un xapeta peti e abrasante
tofu = un caliada preparada de soia maxada, xef usada en cosini asian e vejetaliste
toga = un veste esterna usada par la sitadanes de Roma antica, composada de un peso grande de stofa envolveda sirca la corpo
Togo = un pais en Africa ueste con costa corta a la Golfo Ginea
togrog = la unia de mone en Mongol
Tokyo = la site capital de Nion
tolera = permete la esiste o aveni de (un cosa cual on no gusta) sin reata; aseta (un person o cosa nonplasente) sin cexa; es capas de es cargada con (un droga, venena o state ambiente) sin reata mal
tomate = un planta de America Sude en familia de solano; la fruta pulposa e roja o jala de esta, tipal comeda como un vejetal o en salada
tomba = un loca per la entera de un corpo mor, como un buco en la tera marcada par un petra, o un construida dedicada a esta usa
tombal = pertinente a un tomba o a tombas
-tomia = talia sirurjial
-tomo = strumento sirurjial per talia
tomografia = un tecnica per mostra un representa de un talia traversal tra un corpo umana o otra ojeto solida par usa un radiograf o ecograf
tomografia computada = la crea de imajes par computador, usante raios X
tomtom = un tambur primitiva, orijinante en Asia o con la americanes nativa, tipal juada par la manos; un tambur media grande, usada en bandes de jaz
ton = un unia internasional de pesa egal a mil cilogrames; un unia de pesa de la sistem engles vea, egal a 2000 libras
tona = ruidi forte e basa, como pos lampo
tonaje = la volum de un barcon o de sua cala, mesurada en tones; la cuantia de tones cual un barcon flotante desloca
tong = un asosia jonguo, comun asosiada con crimin organizada
Tonga = un pais en la Mar Pasifica sude, composada de un grupo de isolas a la sude-este de Fiji
tonica = pertinente a la nota prima en un scala diatonica, fundinte un tonalia
tonica = la nota prima de un scala diatonica
supratonica = la grado 2 en un scala diatonica
sutonica = la grado 7 en un scala diatonica, a un tono su la tonica
tono = la cualia de un sona produida par un frecuentia spesifiada de vibras; un sona de musica o vose; la alti e basi de la vose en parla; la nivel de luminosia de un color
microtono = un interval plu peti ca un semitono; un interval estra la sistem de tempera egal de 12 tonos en musica ueste
monotono = (un sona) continuante sin cambia la altia de sua tono; (alga cosa) multe noiante par sua noncambia o nonvaria o par sua repete tro longa; (un funsiona matematical) manteninte o reversante la ordina de la elementos de un colie ordinada
monotono = un nota basa e continuante tra un peso musical
semitono = un dui de un tono, un dudesi de un otava
sutono = un tono basa o reduida de sona o color; un cualia o mesaje fondal o implicada en un testo
tonsil = cada de la du masas de texeda limfoide en la garga, de cual un es situada a cada lado de la radis de la lingua
tonsilectomia = un sirurjia per estrae tonsiles
tonsilite = un inflama de la tonsiles
tonsura = la parte rasada de la testa de un monce o prete
topazio = un jem valuada, jala, pal blu o sin color
tope = con color gris con un pico de brun
topiaria = la arte de formi arbores e arboretas par desrami los
topo- = surfas
topografia = la forma de la surfas natural e artifis de un rejion de tera o de un otra surfas
topolojia = la studia de cualias jeometrial e relatas spasial cual no es afetada par cambias continuante de forma o grandia; la modo en cual la partes composante de un cosa es interelatada o ordinada
toponim = pertinente a la nom propre de un loca
tora = la libro santa sentral de la tradision relijiosa iudi
torax = la parte de la corpo de un mamal entre la colo e la adomen; la parte simil de otra vertebratos; la parte media de la corpo de un inseto
torba = un materia brun, tipal de tera asida e pantanosa, composada de plantas partal descomposada, usada como un combustable e en jardines
torca = un peso peti de metal o otra materia, tipal cuadro o esagon, con un fora con fileta per usa con un bulon
torce = un banda de metal torseda, portada par celtas antica
tore = un construida alta e streta, tipal un parte de un eglesa o castel ma ance autonom a veses; un peso en xace, con forma de tore, cual pote move en linias orizonal e vertical
torente = fluente en modo multe rapida o volumosa
torente = un flue multe rapida o volumosa de acua o un otra licuida; (metafor) un flue inondante de parolas, pensas, sonas, etc
tori = la porton de un santeria de xinto, con du colonas e du faxas
tori = (en la Rena Unida) suportante o pertinente a la partito conservaliste; (en la Revolui American) suportante la lado brites
torida = (clima) calda e seca; (emosia) ardente o pasionosa
torio = la elemento cimical con numero atomal 90
tormenta = fa ce (algun) sufri mental o fisical; irita o provoca (algun) sin compati
torn = un letera anglosason e islansce, representante un fricante dental
tornado = un vortis de ventas destruinte cual aspeta como un nube embutin e avansa su un tempesta grande
torneo = un serie de concursos entre persones per un premio; (en la eda medieval) un concurso entre du cavaleros con armas nonagu, en cual cadun atenta colpa la otra de sur sua cavalo
torpe = no capas de move o condui en modo fasil o bela
torpedo = un misil autopropulsada, desiniada per move tra acua a sua ojeto
Torres, Streta = un streta entre Australia e Papua Gine Nova
torse = deveni curva, risa o contorseda
torse = curvi, risi o contorse (un person o cosa); presa e malformi (un cosa)
Torshavn = la site capital de la Isolas Faro
torta = un comeda dulse e mol, preparada de un misca de farina, bur o otra gras, ovos, zucar e otra ingredientes, fornida e comun decorada; un comeda con forma simil, preparada de otra ingredientes
tortelini = cuadros peti de pasta, plenida con carne o ceso e formida a anelos peti
tortilia = (en cosini mexican) un crepe de farina, tipal de mais, usada en multe platos mexican; (en cosini espaniol) un omeleta spesa, plenida con patatas e otra vejetales
tortora = un pijon peti de la mundo vea con vose dulse, notada per sua mostra de ama per sua spos
tortuga = un retil lenta, con casca cupolin en cual lo pote retira sua testa e gamas
tortura = causa un dole sever a (algun); causa un sufri mental multe grande a (algun)
torxa = un modo portable de lumina, tipal un peso de lenio o stofa moiada con gras; un lampa de olio portada par un baston
Toscana = un rejion en Italia sentral con costa a la Mar Liguria
tose = forsa subita (aira o alga blocinte) de la pulmones, tipal con sona agu
antitosal = un medisin per redui la cuantia e severia de toses
-tose = pendente; prolaso
-tosia = pari, nase
tosta = coce o bruni (comedas, como pan o ceso) par esposa a un grilia, foca o otra fonte de caldia radiante
tota = referente a la cuantia o estende intera de un grupo o cosa
total = intera; completa; somante tota partes; pertinente a tota
total = en soma; en modo o a grado completa
totem = un animal o cosa spirital importante per un sosia cual adota lo como un sinia de identia
toxemia = un veneni de la sangue par toxinas de un infeta baterial
toxicolojia = un siensa cual studia la natur, efetos e deteta de venenas
toxina = un produida venenosa, creada en la selulas de un planta o animal
antitoxina = un medisin per combate la efetos de toxinas
neurotoxina = un toxina cual afeta la sistem de nervos
tra = pasante de un lado a la otra de (un loca), o a en e continuante a ultra
tra = ocupante tota de (un loca o un tempo esperiada)
tracea = un tubo grande e membranosa, fortida par anelos de cartilaje, estendente de la larinje a la brancia, cual porta aira a e de la pulmones
traceotomia = un stoma creada en la tracea per sircoveni un impedi de respira
Tracia = un pais antica a ueste de la Mar Negra e a norde de la Mar Ejeo, aora divideda entre Turcia european, Bulgaria e Elas norde-este
tradi = esposa (sua nasion, un grupo o un person) a peril par dona informa a un enemi; abandona (sua nasion o promove), e adota un oposante; revela prematur un punto importante de (un nara)
tradision = la transmete de costumes o credes de jenera a jenera; un costum o crede de edas pasada cual ia es transmeteda en esta modo
tradui = reespresa la sinifia de (un parola o testo) en un otra lingua
traduolojia = la studia de tradui e interprete
trae = fa ce (un person o cosa) ariva con se, cisa per dona lo a un otra person
trafica = (veculos o persones) move sur un via publica, tipal en cuantias grande
trafica = transporta benes o pasajores; transmete (un sinial) tra un sistem de comunica; comersia nonlegal (un ben)
tragon = un planta perene con folias magra e bonodorosa, usada como un erba de cosini
tragulo = un mamal peti servin con dentones corta, tipal noturna e trovada en la forestas tropical de Africa e Asia sude
trajedia = un aveni causante multe sufri, destrui e angusa; un teatral cual trata un tal aveni e fini tipal en modo triste
trajedial = pertinente a trajedia
trajedin = tan angusante como un trajedia
trajicomedia = un novela o teatral cual conteni elementos de e comedia e trajedia
tram = un veculo per pasajores cual usa eletrica furnida par un cordon eletrical a supra, tipal movente sur reles
tram de cable = un bus tirada par cable sur reles
tram volante = un veculo, tipal asendente e desendente un monte, cual pende de un cordon moveda par un motor a un fini de la via
tramvia = la reles cual formi la via per un tram
trama = crea un cualia spesifiada, como ruia o lisia, en (un surfas o materia); crea la segue de avenis en (un novela, filma o presenta teatral); oscuri o colori (un desinia) con linias paralel o crusada, o con un bloco de color
tram-bus = un bus cual usa eletrica de un cordon a supra como un tram
trampolin = un telon forte juntada par molas a un strutur, usada per salta e fa eserses jinastial
trans- = tra, supra, ultra
transdui = converti la un de (un cuantia fisical o un sinial eletrical) a la otra
transe = un stupor ipnoseda, spiritiste, mistical o simil
transende = es o vade ultra la limitas de (un cosa astrata, tipal un campo consetal)
transetador = un aparato cual reseta e transmete siniales de radio
transferase = un enzima cual envia un grupo funsional (per esemplo un grupo de metil o fosfato) de un molecula a un otra
transfere = (potia, maneja, mone, armas, etc) es formal donada a un otra person o grupo
transfobia = un antipatia estrema o nonrazonada contra persones transesal
transfusa = move (sangue o sua composantes) de un person o animal a un otra
Transilvania = un rejion grande de Romania norde-ueste
transistor = un semicondutador con tre juntas, capas de grandi e reti siniales eletrical
transita = (un planeta o luna) traversa la fas de (la Sol o un planeta)
transitiva = (un verbo) capas de aseta un ojeto direta
ambitransitiva = (un verbo) capas de aseta un ojeto direta, ma no esijente lo
transmete = envia (un sinial eletrical o un program de radio o televisa); comunica (un maladia); conduta (enerjia)
neurotransmete = envia (un impulsa) tra un sinapse entre neurones
neurotransmetador = un cimical cual es relasada a la fini de un neuron e vade ultra la sinapse per stimula la selula seguente
transparente = (un materia o cosa) permetente ce lus pasa tra lo e ce ojetos pos lo es clar vidable; (un governa o otra organiza) abrida per esamina par cualce person
semitransparente = diafana; partal transparente
transpira = (un planta) relasa (vapor) tra sua stomas
transponde = reseta (un sinial de radio) e transmete automata un sinial diferente
transuma = move (animales) de un pasto a un otra con la sicle de saisones
trapa = un aparato desiniada per catura e reteni animales; un situa nonplasente cual es difisil per evita o evade; un problem o nonvantaje en un situa cual pare bon
trapimosca = un sinta de paper, tratada con venena e cola, usada per trapa e mata moscas
trapitota = un categoria cual conteni elementos de multe spesies diversa
trapezio = cuatroladal con sola du lados paralel
trapezoide = un oso peti de la carpo en la mano
trapo = un peso de stofa vea, tipal usada per limpi; un veste vea o laserada
trasa = segue la move de (un person o cosa) par persepi indicas de sua pasa; acompania (algun) per aprende como el labora; copia (un desinia, mapa, etc) par segue sua linias con un pen o lapis sur un paper transparente supra la orijinal; crea un graf de
traseria = un obra ornosa de petra, con partes abrida como dentela, tipal suportante la vitro en fenetras de eglesas gotica
traste = cada de un serie de baras o crestas peti de alga strumentos musical, como la gitar, usada per loca la ditos per produi la notas desirada
trata = ata a (un person o cosa) en modo spesifiada; fa un serie de atas a (un person o cosa) per boni o manteni el o lo
trator = un veculo potiosa con rotas grande a ante, usada per tira aparatos de cultiva o vagones per transporta
trauma = (un aveni xocante o feri fisical) fa ce (un person) sufri de dole mental; (en medica) causa feri fisical a (un texeda)
traversa = vade o estende de un lado a un otra de (un via, rio, sala, etc)
travua = un tipo simple de treno, formida de du palos juntada, e tirada par un can o cavalo
tre = 1 + 2; la numero entre du e cuatro
tre- = con tre composantes; (en jenealojia) un person relatada a du jeneras ante la asendente o pos la desendente indicada
trealosa = un zucar de la clase de disacaridos, produida par alga fungos, fermento e organismes simil
trelis = un strutur, tipal composada de faxones, palos e suportadores, cual suporta un teto, ponte o otra strutur
trema = secute nonvolente se, tipal como resulta de ansia, stimula o debilia
trematera = un secute subita e violente de la tera, causada par moves en la crosta o ativia volcanal
tremosa = multe tremante, o con tende de trema
trematodo = un verme plata e parasito con oncas o ventosas
tren = un serie de vagones tirada como un unia par un locomotiva o par motores integrada; un serie de animales o veculos viajante en la mesma dirije
treno = un veculo con reles a su per move sur neva o jela, tirada par cavalos o canes o puxada par motor
trensa = entretexe tre o plu grupos de (filos, capeles o otra materias longa e flexable)
trepa = move laborosa a supra
tri- = tre
triaje = deside la ordina de trata (un cuantia grande de pasientes o simil) par asinia grados de gravia a la problemes
triaje = un metodo de
triasica = pertinente a la periodo la plu temprana de la mesozoica, entre la permian e la jurasica
tribor = a la lado destra de un barco cuando on fasa la fronte
tribu = un divide sosial en sosias tradisional, composada de familias o comunias con lias sosial, economial, relijial o familial, con cultur e dialeto comun, e tipal con un xef reconoseda
tribui = mostra grasia, respeta o amira par dedica (un ata, declara, obra, etc) a algun; (un stato o renor) fa un paia periodal a un otra
tribuno = un ofisial en Roma antica, elejeda par la popla comun per proteje sua interesas; un person moderna ci promove la interesas de la popla comun
tricina = un nematodo parasito de umanas e otra animales, cual abita la intestin magra
tricinose = un maladia causada par un bateria trovada en carne de porco, marcada par febre, disturba de dijesta e rijidia de musculos
tricota = fabrica (un veste, covrente, etc) par entretexe anelos de lana o otra materia con agos longa o par macina
tricota inversada = tricota par pasa la ago de ante a pos
tricotero = un inseto peti, simil a un papilio de note, con larva acual, cual construi tipal un caxa portable de bastetas e calculos per proteje se
trictrac = un jua de table en cual du juores move sua pesos sirca 24 puntos seguente la numeros a du dados, con gol de sutrae tota sua pesos de la table
tricuspide = un dente con tre puntos; un valva de la cor con tre partes triangulo
trifle = un deser fria de torta sponjin e frutas, covreda con stratos de crema de ovos, jelatin dulse, e crema
triftongo = un unia de tre vocales pronunsiada como un silaba
trigliserido = un de la composantes de gras de corpo
trigo = un planta sereal de cual on molini sua granes per produi farina per pan, pasta, tortas, etc; esta granes
trigo intera = granes intera de trigo
trigonometria = la ramo de matematica cual studia la relatas entre la angulos e lados de triangulos e la funsionas pertinente de tota angulos
triler = un novela, filma o presenta teatral con trama stimulante, tipal sur un crimin o espia
trilion = milion milion, 10¹²
trilojia = un grupo de tre novelas, filmas, operas, albumes o teatrales relatada
trimestre = un periodo de tre menses; la periodo tre de ensintia, ocupante tre menses; cada de la tre periodos de la anio academial de alga universias
trimetre = un linia de poesia composada de tre pedes
trinar = avente sola tre states posible; pertinente a o espresada en un sistem de numeros con la base 3 e usante sola la dijitos 0, 1 e 2; (un stela) composada de tre partes
tringa = un avia vadante con beco longa e gamas tipal longa, cual nidi sur tera prosima a acua, e comun trovada a costas cuando lo migra
trinia = la dio de cristianisme, consetada como un sola dio en tre persones (la Padre, la Fio e la Spirito Santa)
Trinidad e Tobago = un pais en la Mar Caribe composada de du isolas a lado de la costa norde-este de Venezuela
trinxa = lasera, corti o talia (un cosa) a pesos peti; (metafor) vinse completa
trinxalenio = un macina cual redui lenio a pesetas
tripanosoma = un protozon parasito e uniselulal con un flajelo, cual infesta la sangue
tripanosomiase = cualce maladia causada par tripanosomas e tipal transmeteda par insetos mordente
tripo = un inseto pico e negra cual suca la sava de plantas
Tripoli = la site capital de Libia
triptico = un depinta, tipal per un altar, sur tre paneles de lenio cual pote es cluida como un libro
triptofan = un aminoasida cual es un elemento de la plu de protenas, e un nurinte esensal en la dieta de vertebratos
trirem = un barcon de gera de la elinicas o romanes antica, con tre linias de remos
triscel = un motif, simetre pos turna, composada de tre spirales, linias o membros flexeda cual radia de un sentro
trisepe = cada de alga musculos con tre puntos de lia a un fini, tipal la musculo grande a la dorso de la braso alta
triseratopo = un dinosauro grande, cuatropede e erbivor de la cretasica, con testa grande e du cornos grande, un corno plu peti a la beco, e un fronsi ososa sur la colo
trisomia = la presentia de tre copias de un cromosoma en un organisme
triste = sentinte o mostrante angusa pos perde, delude o un otra mal esperia de se o otras
trit = un unia de informa avente tre states posible, tipal espresada como 0, 1 e 2
tritio = un isotopo radioativa de idrojen con masa sirca truple de lo de la isotopo normal (idrojen-3)
triton = un amfibio peti e magra con pulmones e un coda, tipal abitante sur tera e reveninte a acua per reprodui
tritono = un interval musical de tre tonos, como entre F (fa) e B (si)
trivia = detalias, consideras o informas de importa minima o sin valua
tro = a grado plu grande ca desirada, permeteda o posible
troca = intercambia (benes o servis) per otras sin usa mone
trocanter = en vertebratos con gamas, la fini de la femor prosima a la junta con la anca, no incluinte la testa o colo de la oso; en alga artropodos, la sesion du de la gama, entre la coxa e la femor
trocar = un strumento sirurjial con un punto taliante de tre lados ensircada par un tubo, usada per estrae licuida de un caveta anatomial
troceo = (en poesia) un pede metrical composada de un silaba longa o asentuada, segueda par un silaba corta o nonasentuada
trofeo = un ojeto ornal, donada como un premio per un vinse o susede
-trofia = xercante nuri
troglodite = un person ci abita un cava, spesial en la edas preistorial; un avia cantante peti con alas corta e coda corta e apoiada a supra
trogo = un contenador streta e retangulo, usada per crese plantas, per amasa pasta, per teni comedas o acua per animales, per lava vestes, vejetales, etc
trogon = un avia de la forestas tropical american, con coda longa e plumas briliante colorida
Troia = la site de re Priamo en la lejendas de Homero, prosima a la costa norde-ueste de Turcia
trol = un organisme mital, umanin e multe fea, ci abita en cavas o su pontes; un person ci troli enliniada
troli = fa comentas enliniada per provoca o ofende
trombo = un masa semisolida de sangue coagulada cual pote impedi o bloci la flue de sangue
trombopoiese = la prosede de jenera trombosites
trombose = la coagula local de sangue en un parte de la sistem de sangue
trombosite = un selula peti, discin, sin color e sin nucleo, trovada en la sangue en cuantias grande e envolveda en coagula de sangue
trompa = un strumento de venta, con forma de tubo esvasada a la fini e enrolada en un spiral, fabricada de corno o laton, e juada par vibra la labio; la nas longa e prensil de un elefante
trompa de Triton = un molusco grande con un conca spiral alta con abri grande, abitante en mares tropical e sutropical
trompetor = un avia grande e sosial ci abita sur la tera en la forestas tropical de America Sude, con plumas negra e vose simil a un trompeta
tronco = la parte major de un arbor, distinguida de sua ramos e radises; un peso grande taliada de un arbor; la parte de la corpo de un umana o animal estra sua membros o testa; la parte major de un avion estra sua alas; (en gramatica) la parte de un parola estra sua afisas infletal
tronco de ensefalo = la partes la plu basa de la ensefalo cual lia con la medula spinal, incluinte la ensefalo media, la ponte e la medula retangulo
tronco serebral = (nonformal) un tronco de ensefalo
trono = un seja ritual per un renor, bispo o otra person importante
tropario = (en cristianisme este) un imno corta, tipal conteninte un sola strofa
tropeza = perde momental la ecuilibra en pasea; cade car alga cosa ia trapi un pede
tropico = la latitude 23°26' a norde o sude; la zona entre esta latitudes
neotropico = la tropico de la mundo nova, pd. America Norde e Sude
paleotropico = la tropico de la mundo vea, pd. Africa, Asia, Europa e Australia
tropisme = la verje de un planta o animal en dirije a un stimula
troposfera = la strato la plu basa de la atmosfera
trota = (un cavalo o otra cuatropede) move plu rapida ca par un pasea, levante alternante cada duple diagonal de gamas
trova = descovre o persepi (un person o cosa) pos xerca el o lo, o en modo acaso e sin espeta
truco = un ata o scema destrosa, intendeda per engana algun o es plu astuta ca algun; un ata destrosa presentada per diverti; un modo de scrive intendeda per produi un efeto spesial en un parla o obra de leteratur; un solve injeniosa en programi un computador
trucioio = un ilude de vide en arte, tipal donante la aspeta de tre dimensiones a un detalia depintada
trufa = un fungo con odor forte, semblante un patata bultosa, cresente su la tera e valuada como un deleta
trumfo = (en juas) un familia de cartas elejeda como plu valuada ca otras; un carta de esta familia
trunca = deveni cortida a sua culmina o fini
truta = un pex de acua dulse en familia de salmon, valuada en pexa e come
tsar = un imperor de Rusia ante 1917
tsatsici = un plato acompaniante de Elas, composada de iogurte con concombre, alio e menta
Tsernagora = un pais montaniosa e sin costa en la Balcanes
tsetse = un mosca african cual morde mamales per suca la sangue, notada per transmete la maladia de dormi
tsuga = un arbor conifer de America Norde con folias verde oscur
tsuga de Douglas = un arbor conifer grande e magra con folias suave, de la costa ueste de la SUA e Canada
tsunami = un onda alta e longa en la mar, causada par un trematera, lisca de tera su mar, o otra disturba grande
tu = usada par un parlor per refere a la sola person a ci el dirije sua parolas
tuatara = un retil noturna e tunelinte con cresta de spinas mol sur sua dorso, trovada sola a alga isolas peti prosima a Zeland Nova
tuba = un strumento grande de laton, con tono multe basa
tuber = un parte multe spesa e suteran de un tronceta o rizoma, per esemplo de un patata, cual servi como un reserva de nuri e la fonte de brotos de cual plantas nova crese
tuberculo = un protende peti e ronda, spesial sur un oso o la surfas de un animal o planta; (en medica) un lesion peti en la pulmones o otra texedas, tipal de tuberculose
tuberculose = un maladia causada par un infeta par baterias, tipal con la crese de tuberculos en la pulmones o otra texedas
antituberculosica = un medisin per combate tuberculose
tubo = con forma de tubo
tubo = un silindre longa e vacua de metal, plastica, vitro, etc, usada per conteni o transporta alga cosa, spesial licuidas o gases; cualce cosa cual sembla un tubo
nanotubo = un molecula composada de multe atomes de carbono en forma de tubo
tucana = un avia de America tropical con beco enorme e plumas briliante, cual prefere come frutas
tucotuco = un rodente ratin de America Sude
tudor = pertinente a la dinastia real de England o a la arciteta de acel eda
tufa = salta de tera a acua, con prima sua testa; move a un nivel plu basa de acua; move presipe a su tra la aira
tufatera = (en mitos de crea de Sibir e America Norde) un esente, tipal un animal, ci retrae tera de la mar
tufa = un roca porosa, formida sirca fontes mineral
tui = pertinente a la dialeto xef de la lingua acan
tuia = un arbor conifer de America Norde e Asia este en familia de sipres
tuid = un stofa de lana con surfas ru, tipal de manxetas de colores miscada, orijinante en Scotland
tuist = un dansa de moves torsente de la ancas, popular en la desenio de 1960
tuita = posta (un mesaje) a la rede sosial Twitter
tul = un stofa suave de seda, coton o nilon simil a un rede, usada per velos e robas
tulio = la elemento cimical con numero atomal 69
tulpa = un planta en familia de lil, con flores copin de colores forte
tumor = un infla de un parte de corpo, jeneral sin inflama, causada par un crese nonormal de texeda
tumulo = un monton o colina de tera e petras, construida per covre un tomba
tumuleta = un monton de petras indicante la punto la plu alta de un monte o usada como un monumento
tumulta = la ruido, confusa e desordina causada par un masa grande de persones; un disturba violente de la pas par un fola
tun = un pex grande e xasante en familia de macero, trovada en grupos grande e popular per pexa e come
tun blanca = un tun de mares calda, viajante en manadas grande, comersial importante como un comeda
tundra = la zona vasta, plana e sin arbores de la artica de Eurasia e America Norde, do la sustrato de tera es permanente jelada
tunel = un pasaje artifis su tera, construida par umanas o animales
tungus = pertinente a un popla de Sibir e Jonguo norde, o a sua linguas altaica
tunica = (en Elas e Roma antica) un veste laxe, tipal sin manga e ateninte la jenos; un veste laxe, tipal portada par femes con un falda o pantalon, ateninte la coxas
tunicato = un nonvertebrato maral con du sifones per tira acua a en e a estra
Tunis = un pais en Africa norde, con costa a la Mar Mediteraneo e estendente a sude en la Deserto Sahara; la site capital de la pais Tunis
Golfo Tunis = un golfo a ueste de Tunis
tunisan = de la site Tunis
tunisan = un abitor de la site Tunis
Tunisia = un otra nom per la pais Tunis
tunisian = de la pais Tunis
tunisian = de la pais Tunis
tupaia = un mamal peti e insetivor cual sembla un scural con beco puntida, nativa de Asia sude-este
tupelo = un arbor de rejiones umida e pantanosa en Asia e America Norde
tupi = pertinente a alga americanes nativa ci abita la basin de la Rio Amazona, o a sua linguas
turaco = un avia de Africa con plumas briliante, cresta protendente e coda longa, ci prefere frutas
turba = desordina, confusa o ajita (un person, sustantia o situa) en modo major, subita o angusante
turban = un varia de xapo, composada de un peso longa de coton o seda enrolada sirca un xapeta o la testa, portada spesial par alga omes muslim o sic
turbina = un macina per produi potia continuante, en cual un rota, tipal con veletas, es jirada par un flue rapida de acua, vapor, gas o aira
turbo- = pertinente a la funsiona de un turbo
turbo = (en motores de combusta interna) un aparato cual usa un turbina per forsa aira en la cambra de combusta, per boni la funsiona de la motor
turcesa = con color verdin blu
turcesa = un jem semivaluosa, tipal blu verdin o azul
Turcia = un pais locada en la penisola de Anatolia en Asia ueste, con un peso peti en Europa sude-este
turcica = pertinente a la grupo grande de linguas relatada de la familia altaica, trovada en Asia ueste e sentral
Turcmenistan = un pais en Asia sentral entre la Mar Caspio e Afganistan
turdo = un avia cantante, tipal con dorso brun, peto manxada, e canta forte
turdo roja = un turdo de America con peto roja
turi = viaja per plaser, visitante (locas diversa), par veculo o pede; (un artiste o sportiste) fa un presenta o compete en cada de un serie de locas
Turkana, Lago = un lago salosa en Cenia norde-ueste, sin sorti
turmalina = un mineral tipal negra, trovada como cristales en granito e otra rocas
turna = move a un dirije nova
returna eterna = la dotrina ce tota avenis en la universo repete se en un sicle sin fini
turnabroca = un util peti per fora, con forma de T e un punto simil a un vise
turnatorca = un util usada per teni e turna torcas e bulones
turnavise = un util con punto plata o crusin, capas de turna la testa de un vise
turnix = un avia peti, simil a un coturnix ma en familia de ral, con sola tre ditos a cada pede
turno = cada de un serie de periodos en cual un grupo nova de laborores continua la mesma labora en modo de rele; (en un jua o simil) cada de un serie de veses per ata cual veni a cada juor, la un pos la otra
turon = un tipo de confeto espaniol, simil a nuga, preparada de amandas e miel
tut = un sona de claxon o trompa
tutsi = pertinente a un popla ci es un minoria de la abitores de Ruanda e Burundi
Tuvalu = un pais en la Mar Pasifica sude-ueste, composada de nove isolas xef
TV = televisa, televisador
twi = pertinente a la dialeto xef de la lingua acan
twid = un stofa de lana con surfas ru, tipal de manxetas de colores miscada, orijinante en Scotland
twist = un dansa de moves torsente de la ancas, popular en la desenio de 1960
twita = posta (un mesaje) a la rede sosial Twitter
txa = espresante coleria, frustra o irita
txacra = (en budisme e induisme) un de sete sentros de potia spirital en la corpo umana
Txad = un pais sin costa en Africa norde-sentral
txadica = pertinente a un grupo de linguas afroasian
txador = un capa grande e semisirculo, portada par alga femes muslim
txapareras = covregamas de cuoro, liada par un sintur, tipal portada par caubois
txapati = (en cosini barati) un pan plata e nonfermentada de gran intera, coceda sur un grilia
txapsui = un plato xines de carne, lenta coceda e fritada con oniones e jermes de favas e bambu, e tipal servida con ris
txarango = un gitar peti de la Andes, tradisional fabricada de la casca de un armadilo
txarci = carne taliada a bandas e secida
txatni = un salsa orijinante en Barat, preparada de frutas o vejetales con vinagra, spises e zucar
txatxatxa = un dansa e stilo de musica vivosa, orijinante en Cuba
txau = salutante cuando on ariva o parti
txaumen = un plato xines simil a lomen, ma sempre fritada en uoc
txedar = un spesie de ceso firma, blanda e jala, orijinante en Cheddar en England sude-ueste
Txesco = un pais sin costa en Europa sentral
Txescoslovensco = un pais pasada en Europa sentral, divideda en 1993 per deveni Txesco e Slovensco
Txetxnia = un republica autonom en Caucaso en Rusia sude-ueste
txeua = pertinente a un popla de Malaui e Zambia, o a sua lingua bantu
txewa = pertinente a un popla de Malaui e Zambia, o a sua lingua bantu
txi = la forte de vive cui esiste e cualias formi la funda de un parte grande de filosofia e medica tradisional de Jonguo
txia = un planta bonodorosa en familia de menta, nativa de Mexico e la sude-ueste de la SUA, con grupos de flores blu o violeta e frutas comable
txigong = un sistem xines de eserses fisical e controla de respira, relatada a taitxi
Txile = un pais en America Sude cual formi un banda longa longo la costa de la Mar Pasifica
Mar Txile = un mar a ueste de Txile, un parte de la Mar Pasifica
txili = un baca con sabor spisosa e calda
salsa de txili = un salsa spisosa cual conteni txilis
tximu = pertinente a un popla ci ia abita a la costa norde de Peru entre sirca 900 e 1470
txin = pertinente a la dinastia cual ia rena Jonguo de 221 a 206 AEC
txing = pertinente a la dinastia fundida par la mandjus, cual ia rena Jonguo de 1644 a 1911 EC
txintxila = un rodente de America Sude, con pelo gris e suave
txinuc = pertinente a alga poplas nativa de la costa norde-ueste de la SUA, o a sua linguas
txinucuaua = pertinente a un lingua cual ia formi como un pijin a la costa norde-ueste de la SUA, partal desendente de la linguas txinuc
txinucwawa = pertinente a un lingua cual ia formi como un pijin a la costa norde-ueste de la SUA, partal desendente de la linguas txinuc
txipotle = un txili fumigada, usada en cosini mexican
txiuaua = un can multe peti con pelo lisa e oios grande, orijinante en Mexico
txoriso = un tipo de salsix spisosa espaniol
Txoson = un pais en Asia este en la parte norde de la penisola de Corea
txucot = pertinente a un popla nativa de la norde-este estrema de Sibir, o a sua lingua sin relatadas
Mar Txucotca = un mar a norde de Sibir este e Alaska ueste
txufa = la tuber peti, seca e comable de un spesie de sipero
txuro = un cometa dulse de Espania, composada de un banda de pasta fritada e covretada con zucar o canela
u = la letera 21 de la alfabeta roman, e sua nom
u = pertinente a la dialeto de xines parlada en la provinses Jiangsu e Zhejiang e la site Shanghai
u = esclamada per espresa amira, surprende o mervelia
u ala = revelante un cosa plasente, impresante o surprendente
u asi = presentante un person o cosa presente o aveninte; asi es ...
ua = la sona de un bebe criante
uacari = un simia con coda corta, pelo longa e ru, e fas roja, blanca o negra sin capeles, trovada en la foresta de la Rio Amazona
uadi = un vale o foson cual es seca estra la saison pluvosa
uafel = un torta peti con esterna cracosa, fornida en un padela con surfas con forma de favo, e comeda con bur o xirope
Uagadugu = la site capital de Burcina Faso
ualabi = un membro de un spesie de cangaru peti
Ualonia = la parte de Beljia sude en cual la popla parla franses o un dialeto de franses
uampum = un perleta de conca, tipal tenida con otras en un cadena, usada par alga tribus de americanes nativa como un media de intercambia o per rejistra avenis
uapiti = un servo roja grande de America Norde
uarfarin = un composada usada per mata ratas e como un medisin per trata trombose
uasabi = un planta nion con radis verde e spesa cual sabori como rabano forte e es usada en cosini, tipal con pexes cru; la salsa preparada de esta radis
uaua = un efeto musical fada par aplica e sutrae un sordador a un strumento de venta, o par controla la fortador de un strumento eletrical par un pedal
uau-uau = la sona de la abaia de un can
Ucraina = un pais en Europa este, a norde de la Mar Negra e a sude e ueste de Rusia
ucronia = un nara imajinada sur un varia de la mundo con un istoria diferente de la nosa
uculele = un gitar peti con cuatro cordetas, orijinante en Hawaii
ud = un strumento de cordetas simil a un luto o mandolin, orijinante en paises arabi
UE = Uni European
ueb = pertinente a la ipertesto de documentos e otra recursos en la interede
uergeld = la valua de alga cosa en la leges de la germanicas antica, spesial la valua de un person, cual debe es paiada a la proprior o a la familia de la vitim como compensa
ueste = (un loca o parte de loca) situada en dirije a la punto do la Sol reposa a la ecuinotes; (un person, venta) veninte de esta dirije
uestern = pertinente a filmas o libros cual portrae la vive de caubois e banditos en la statos ueste de la SUA, tipal en la parte du de la sentenio 19
uf = espresante dole pos colpa, o fatiga o lejeri pos frustra
Uganda = un pais sin costa en Africa este
ugia = la unia de mone en Muritania
ugonote = un protestante franses de la sentenios 16 e 17, de ci multe ia es persegueda par la catolicas
ugrica = pertinente a la ramo de la familia de linguas uralica cual inclui magiar
ui = espresante joia, stimula o deleta
Uiangtxan = la site capital de Lau
uica = un relijio cual atenta reconstrui la relijios pagan de Britan antica
uiguam = un cabana composada de un strutur oval covreda con erba o bastetas
uigur = pertinente a un popla de Jonguo norde-ueste, o a sua lingua turcica
uija = un tableta con leteras, numeros o otra sinias, sur cual on suposa ce lo comunica respondes de demandas a persones mor
uin = un letera anglosason
uipet = un can de raza peti e magra, elevada per corsa
uisce = un bevida alcolosa distilada de gran maltida, tipal orzo o segal
uist = un jua de cartas per du duples de juores, en cual on reseta puntos per la cuantia de prendes
uistiti = un simia peti de America tropical con pelo sedin e coda longa e prensil
Ulanbatar = la site capital de Mongol
ulex = un arboreta con flores jala e folias como spinas, nativa de Europa ueste e Africa norde
ulna = la oso la plu magra e longa de la du en la braso basa de umanas, a la lado oposante la diton; la oso corespondente en cuatropedes e avias
ulong = un te oscur de Jonguo, preparada par fermenta la folias secida a sirca un dui de la grado usual per tes negra
ulsera = (un surfas esterna o interna de la corpo) deveni ferida par un rompe de la pel o membrana mucosa cual no sani
ultima = esente o aveninte a la fini de un prosede, o como la aveni la plu resente en un serie cual va estende probable plu en la futur; esente la esemplo la plu bon o la plu estrema
ultimato = un esije final, cual, si o rejeta lo, va provoca un venja o un rompe de relatas
ultra = a la lado plu distante de; (un cualia o cuantia) esedente
ultra = movente a la lado plu distante de
ultra- = ultra, plu ca, estrema
ulula = (un animal) cria longa e forte, como un can o lupo; (un person) cria longa e forte, indicante dole, teme, coleria o un otra emosia forte
umaian = pertinente a un dinastia muslim cual ia rena la mundo muslim de 660 a 750 e Espania de 756 a 1031
umami = (en comedas) con la sabor de glutamatos o carne coceda
Uman = un pais a la angulo este de la Penisola Arabi
Golfo Uman = un golfo entre Uman e Iran
umana = pertinente a persones de la spesie _Homo sapiens_
umbreta = un avia brun de la pantanes de Africa, relatada a la siconias, con cresta cual pare un protende a retro de la testa
Umbria = un rejion de Italia sentral, istorial e moderna
umbrian = pertinente a la popla e lingua antica de Umbria
umida = (aira) con un cuantia alta de vapor de acua; moiada a grado peti
umil = avente o mostrante un estima basa de sua propre importa; no egosa o ostentosa
umlaut = un sinieta scriveda supra un vocal en alga linguas, como deutx, per indica un cualia diferente, comun de fronti; (en linguas germanica) la prosede par cual un vocal retro deveni un vocal fronte en la contesto de un otra vocal fronte
umo = un composante organica de tera, formida par la descomposa de folias e otra materia plantal par microbios
umor = un state de mente, o un tende a un state de mente; la cualia de es divertinte o comica; (istorial) cada de cuatro licuidas xef de la corpo sur cual on ia crede ce los determina la cualias de persones
umus = un pasta densa de xixes e semes de sesamo moleda, con olio de oliva, limon, e alio
un = indicante persones o cosas no ja notada o conoseda, en la cuantia contable la plu basa
uni = deveni un intera; (person o organizas) alia con lunlotra per un intende o ata comun
uni = un ata par cual partes deveni un intera; la intera cual resulta de un tal ata; (en la Gera Interna Esuan) la statos norde cual ia eleje resta en la Statos Unida
unanim = (un deside o opina) acordada par tota persones presente
Ungaria = un otra nom per Magiar
Ungava, Baia = un baia a norde de Quebec e a sude de la Streta Hudson
ungia = un covrente cornin sur la surfas superior de la fini de la dito o orteo de umanas e otra animales
ungula = la parte cornin de la pede de alga animales, spesial un cavalo
ungulato = un ordina de mamales con ungulas, aora divideda entre _Artiodactyla_ e _Perissodactyla_
uni- = un, singular, solitar
unia = un cosa o person individua e completa cual pote es ance un composante de un cosa plu grande o plu complicada; un cuantia de mesura elejeda como un model per espresa otra cuantias
unia astronomial = un unia de distantia usada en astronomia, egal a sirca 1.5×10¹¹ metres
unica = esente la sola esemplo de sua spesie o tipo; simil a no otra cosa o person
uniforma = con la mesma forma o aspeta en tota casos e tempos
uniforma = un colie de vestes identica portada par membros de la mesma profesa, organiza o scola
unisona = (plu ca un vose o strumento) cantante o juante la mesma melodia con la mesma notas (ma cisa en otavas diferente)
unisoni = (plu ca un vose o strumento) canta o jua unisona
unitarian = pertinente a un seta cristian cual rejeta la idea de la trinia e prefere tipal developa credes par razona
universia = un institui de instrui avansada, tipal per adultes e culminante con un diploma
universial = pertinente a un universia
universo = la intera de la materia, enerjia e spasio cual esiste, regardada como un unia; la mundo o colie de mundos imajinada en un nara o francisia spesifiada
unje = marca con olio, tipal como parte de un rituo relijiosa
unsial = (un scrive medieval) con leteras rondida de cual la leteras minor moderna es derivada
uoc = un padela formida como un bol, usada en cosini xines
uolaita = de o pertinente a un etnico abitante un rejion en la sude-ueste de Itiopia, o a sua lingua
uolfram = la elemento cimical con numero atomal 74
uolof = pertinente a un popla de Senegal e Gambia, o a sua lingua
uombata = un marsupio australian, erbivor e tunelinte cual sembla un urso peti con gamas corta
uon = la unia de mone en Corea Sude
uonton = un bal o enrola de pasta con pleninte saborosa, tipal de carne de porco e comeda pos boli en sopa
upanixad = cada de un serie de testos santa induiste, scriveda en sanscrito
uple = (en matematica) un lista ordinada de un cuantia spesifiada de elementos; (en informatica) un strutur de datos con partes diversa, per esemplo la colie de campos cual composa un arcivo en un banco de datos
-uple = ajuntada a un numero per formi un ajetivo multiple
-uple = ajuntada a un numero per nomi un grupo con acel cuantia de membros
upsilon = la letera 20 de la alfabeta elinica
ura = espresante joia o aproba
Ural, Montes = un serie de montes en Rusia cual estende tra sirca 1600 km de la Mar Artica a la Mar Aral, e cual formi la frontera tradisional entre Europa e Asia
uralica = pertinente a la familia de linguas parlada de Scandinavia norde a Sibir este, incluinte suomi, magiar e enets
uranio = la elemento cimical con numero atomal 92, un metal radioativa usada en reatadores nucleal
Urano = (en mitos elinica) la plu antica de la dios, un personi de la sielo e la renor prima de la universo; la planeta sete de la Sol
urasil = un de la nucleotidos en ARN
urato = un sal o ester de asida urica
urbe = un rejion multe poplada e plenida par construidas, per esemplo un site o vila, ma no sempre political definida
urbolojia = la studia de la problemes de sites
urdu = pertinente a la dialeto de industani scriveda en la scrive farsi, con multe parolas derivada de farsi e arabi
Urdun = un pais sin costa en Asia ueste, a este de Israel
Rio Urdun = un rio de la Levante cual enflue en la Mar Mor
urea = un cimical cristal sin color, la produida nitrojenosa major de la metaboli de protena en mamales, escreteda en urina
uremia = un cuantia plu ca normal de urea e otra cimicales nitrojenosa en la sangue, cual es normal eliminada par la renes
uretan = un composada cristal sintesal, usada per produi pestisides e fungisides, e como un anestesente en la pasada
poliuretan = un resina sintesal en cual la unias de polimer es liada par grupos de uretan, usada xef en pintas, vernises, aderentes e spumas
ureter = la duto tra cual urina move de la ren a la vesica
uretra = la duto tra cual urina es escreteda de la vesica e cual, en vertebratos mas, escrete ance semin
uria = un avia de mar con peto negra e beco magra e puntida, cual nidi tipal sur falesas
urieta = un avia peti de la Mar Pasifica norde, relatada a la uria
-uria = urina, urini
urica = pertinente a urina
urina = un licuida acuin, tipal jala, retenida en la vesica e descargada tra la uretra
urinalise = analise la urina de (algun) per deteta maladias, drogas, etc
urje = atenta forte o repeteda convinse (algun) ce el debe fa alga cosa; (un problem) esije un responde rapida
urjente = un crise o otra problem urjente
urjentia = la cualia de cualce cosa urjente
uro = un bove savaje grande de Eurasia, aora estinguida, cual ia es la asendente de boves domada
uroboro = un simbol representante un serpente ci come sua propre coda
urolito = un calculo en la vesica de un can, gato o otra animal
urolojia = la ramo de medica cual studia e trata maladias de la sistem urinal
urso = un mamal grande e pesosa cual pote pasea sur la plantas de sua pedes, con pelo densa e coda multe corta
URSS = Uni de Republicas Sosialiste Soviet
urticaria = un eruta de bultetas ronda e sever prurinte sur la pel, con infla perilosa en alga casos, causada par un reata alerjica tipal a un comeda
Uruguai = un pais a la costa de la Mar Atlantica de America Sude, a sude de Brasil
Urumtxi = la site capital de Xinjiang
usa = prende, teni, aplica o ativi (alga cosa) per ateni un resulta intendeda; porta (un veste o simil) sur sua corpo
multiusal = usable en multe modos
multiusoral = (un sistem) capas de es usada par multe persones a la mesma tempo
usosi = deveni usosa
usosi = usa efetosa (alga cosa); trova un aplica pratical nova de (un cosa)
usual = fada o aveninte en modo abitual o tipal
usufruta = la direto de usa la propria de un otra person, sin destrui o peri lo
usura = presta nonlegal (mone) a taso de interesa nonjusta alta
usurpa = saisi un posto de autoria par fortia o modo nonlegal
Utah = un stato en la SUA sude-ueste
utero = la organo en la adomen de un fem o mamal fema do la feto es consepida e crese ante nase
intrauteral = en la utero
utia = un rodente con gamas e coda corta, trovada sola en la paises de la Mar Caribe
util = un cosa usada per ateni un resulta spesifiada, tipal tenida en la mano o manos
utilitarisme = la filosofia ce atas es bon o coreta si los benefica la majoria de persones
utopia = un loca imajinada do tota es perfeta
contrautopia = un loca o state imajinada en cual tota es nonplasente o mal, tipal autocrata o con un ecolojia degradada
utriculo = la plu grande de la du sacos de fluente cual es un parte de la labirinto de la orea interna
u-u = un sona basa como lo fada par buos e pijones
Uvea e Futuna = un teritorio de Frans, composada de du grupos de isolas a ueste de Samoa en la Mar Pasifica sentral
uvo = un planta cual produi uvas
uva = un baca, tipal verde, purpur, roja o negra, cresente en drupas de vites, comeda como un fruta o usada per fabrica vino
uvula = un protende de carne a retro de la velo, pendente supra la garga
uygur = pertinente a un popla de Jonguo norde-ueste, o a sua lingua turcica
Uzbecistan = un pais sin costa en Asia sentral a sude e sude-ueste de la Mar Aral
uzo = un distilada saborida con anis, orijinante en Elas
v = la letera 22 de la alfabeta roman
v. = vide
va = usada direta ante un verbo finita per indica ce esta refere a un aveni futur
vacanse = un periodo estendeda de recrea, spesial a distantia de la propre casa
vacua = conteninte no cosa; no plenida o abitada; sin elementos; (en matematica) avente o asosiada con la valua zero
vacuol = un caveta o vesicula en la sitoplasma de un selula, encluida par un membrana e tipal conteninte licuida; un caveta en un texeda, tipal en texeda de nervos par causa de un maladia
vada = pasea tra acua o otra licuida o materia mol; (un animal) nada con brasis corta e rapida
revada = vada denova a la loca do on ia es a ante
vade = move de un loca a un otra; funsiona; (sania, etc) es en un (bon o mal) state
vado = un loca en un rio o rieta do la acua es tan nonprofonda ce on pote traversa par pede o en veculo
Vaduz = la site capital de Lixtenstain
vaga = vade sin intende o dirije clar; regarda libros o benes en modo osiosa
vagador = un veculo telecomandada per esplora estrateran
vagabon = un person ci vaga de un loca a un otra sin propre casa o emplea
vago = cada de la duple des de nervos cranial, furninte a organos de la peto e adomen
vagon = un veculo pesosa con rotas ma sin motor, tipal covreda, tirada par cavalos o otra animales grande, o par un camion o locomotiva
vagoneta = un veculo peti e tirada par cavalos, comun con bancas fasante
vajina = la tubo musculosa de la jenitales esterna a la colo de la utero en femes e la plu de mamales fema
vajinite = un inflama de la vajina
vajraiana = un ramo de budisme de Bod e Mongol e otra partes de Asia este-sentral
Valahia = un rena pasada en Europa sude-este, entre la Rio Danubio e la Alpes de Transilvania
valciria = (en mitos norsce antica) un de la femes ci condui gerores matada a Valhala
valdes = pertinente a un promove reformiste en la Eglesa Catolica Roman, fundida en la tarda de la sentenio 12
vale = un rejion de tera basa entre colinas o montes, tipal con un rio o rieta
Valencia = un site a la costa este de Espania
valente = pertinente a la eletrones en o disponable a un lia cimical; (en jenetica) composada de un cuantia spesifiada de cromosomas
covalente = pertinente a lias cimical formida par la comparti de eletrones par atomes
polivalente = con multe formas, fasetas o funsionas; (en cimica) con valentia de tre o plu; (en medica) con la capasia de ata contra plu ca un venena o de dona imunia contra plu ca un varia de un microbio
univalente = (un cromosoma) restante estra la duples en meiose
valeriana = un planta, tipal con grupos de flores peti rosa o blanca, valuada per sua cualias medical
Valeta = la site capital de Malta
valga = (un malformi) marcada par un desloca de un parte de un membro a via de la linia media
Valhala = (en mitos norsce antica) la pais de la dios e de gerores onorada ci mori en gera
valida = (un razona) bon fundida en lojica o fatos; (un acorda) legal asetable; (un bileta, conta, etc) ancora ativa
valis = un caxa con manico e covrente xarnierida, usada per porta vestes e otra poseses personal
valsa = un dansa en tempo truple per du persones ci jira ritmosa en move sirca la solo; un musica per esta
valua = crede ce (algun o alga cosa) es importante o beneficante; ave un opina alta de; estima la valua o custa de (alga cosa)
ave la valua de = ave (alga cuantia) como sua valua (grandia, mesura, custa, etc); (un cuantia o mesura) es egal a (un otra)
semivaluosa = (un mineral) cual pote es usada como un jem ma es min valuada ca otra jemes
valva = un aparato per controla la flue de un licuida tra un tubo o duto; un parte de un strumento de venta cual on depresa o turna per entra aira a tubos diversa per cambia la notas disponable
vampir = un umana mital cual bevi sangue umana, vive sola a note, e pote cambia se a un cirotero
vana = con un opina tro alta de sua propre aspeta, capasia o valua
vanadio = la elemento cimical con numero atomal 23, usada per fabrica aser aliada
vandal = pertinente a un popla antica ci ia saca Roma en 455, o a sua lingua germanica
vandal = un criminor ci dana o destrui propria publica o privata
vandalisme = un ata de destrui o dana posesedas publica o privata
vanelo = un avia grande en familia de caradrio, con plumas negra e blanca e vose forte
vanga = un avia cantante de Madagasicara, simil a un lanio
vangarda = con ideas nova, noncomun o esperimental, spesial en la artes
vanilia = un planta tropical e trepante con flores bonodorosa e frutas longa e cascin; la materia otenida de la fruta de esta, o artifis produida, usada per sabori comedas dulse o dona un bon odor a preparadas cosmetica
vanilina = un composada bonodorosa en vanilia
vano = un aparato, tipal pliable e formida como un parte de un sirculo, tenida en la mano e brandida per move la aira e fresci la person ci teni lo
vanta = parla con orgulo e egosia suprafluente de (sua atenis, posesedas, capasias, familia o asosias)
vantaje = (un situa o cualia) pone (algun) en un state superior o beneficada
vantaje = un state superior o beneficada cual algun esperia par causa de sua situa o cualias
Vanuatu = un pais composada de un grupo de isolas en la Mar Pasifica sude-ueste
vapea = usa un sigareta eletronical
vapea = la ata de vapea
vapeador = un sigareta eletronical
vapeor = un person ci vapea
vapor = un materia difusada o suspendeda en la aira, tipal si lo es normal licuida o solida, como acua
vara = (un malformi) marcada par la desloca de un parte de un membro en dirije a la linia media
varano = un lezardo de la tropicos de la mundo vea, con colo longa, testa magra, lingua duida, talones forte e corpo corta
varia = (membros de un clase) difere par sua grandia, cuantia, grado o natur
multivariante = con plu ca un cuantia variable
varicosa = (un vena) inflada, torseda e longida par mal sirculi
variola = un maladia comunicable virusal, con febre e pustulas cual causa tipal sicatrises permanente
varisela = un maladia comunicable, xef de enfantes, con febre e pustulas prurinte cual buli e crosti final
Varxava = Warszawa
vasal = (en un sistem feudal) un person ci reseta la teni de un rejion de tera, ma con constrinje de onora e obedi
vascular = pertinente a un duto de la corpo, tipal un ci porta la sangue; (en botanica) pertinente a la texedas de un planta cual porta acua, sava e nuri
cardiovascular = pertinente a la cor e dutos sangual
vasculite = un inflama de la dutos de sangue
vasectomia = un sirurjia per talia la spermidutos de un om per preveni consepi
vaselina = un misca omojen de idrocarbonos saturada, usada como un lubricante o unjente
vasila = alterna o esita entre du o plu opinas, elejes o atas
vasin = un materia usada per stimula la produi de anticorpos e dona imunia contra maladias, preparada de la causa de la maladia, sua produidas o un sustitua sinteseda, tratada per ata como un antijen sin causa la maladia
vasinia = un de un grupo de arboretas peti en familia de erica; un baca de esta, tipal comable
vaso = un contenador, tipal ronda o silindre, de seramica o metal, tipal usada per reteni o cosini
vasoconstrinje = constrinje (dutos sangual) par leva de presa sangual
vasodilata = dilata (dutos sangual) per diminui la presa sangual
vasopresina = un ormon de la ipofise cual regula la reteni de acua par la renes e alti la presa de sangue
vasta = de un estende, cuantia o influe multe grande
vasto = la area plana entre la taie e jenos de un person sentante; la parte de un veste cual covre esta
vate = la unia internasional per mesura potia
cilovate-ora = un unia de enerjia eletrical, egal a la consuma de mil vates per ora
Site Vatican = un stato autonom en Roma cual es la sentro de governa de la Eglesa Catolica Roman
vea = ja vivente tra un tempo longa; no joven; construida o fabricada en la pasada distante; xef o sola pertinente a la pasada, spesial la pasada distante
vei par des anios = ajunta des anios a sua eda
veber = la unia internasional per mesura la flue magnetal
veculo = un cosa usada per transporta persones o benes
veculi = transporta (alga cosa o algun) par un veculo, o es usada como veculo (per alga cosa); (un parola o testo) espresa o comunica (un idea o sinifia)
veculor = un person ci controla e dirije un veculo
veda = cada de la scrivedas santa la plu antica en induisme, scriveda en sanscrito e conteninte imnos, filosofia e gidas per rituos
vedanta = un de la ses filosofias ortodox en induisme, fundida sur la testos la plu antica
vegan = (un person) ci no come o usa produidas animal
vejetal = un planta o parte de un planta usada per come
vela = un peso de materia estendeda sur un masto per usa la venta per propulsa un barco o otra veculo; un aparato cual catura la venta a un braso de un molin
velcro = un fisador per vestes o otra cosas, composada de du bandas de plastica, la un covreda con anelos pico e la otra covreda con oncas pico
veleja = naviga par vela, longo (un via) o tra (un distantia); transporta (alga cosa) par barco de vela
veleja = la ata, arte o sporte de naviga par vela
velia = emerje de dormi
velo = un peso de stofa delicata, usada par femes per proteje o asconde la fas; un cosa simil cual asconde, desembla o oscuri alga cosa
velo = un membrana cual covre o oscuri partal un otra strutur; la palato mol, pd. la parte de la sofito de la boca la plu prosima a la uvula
velosiraptor = un dinosauro carnivor peti de la cretasica, capas de core rapida
veluda = un stofa de seda, coton o nilon, streta texeda, con pelo densa e corta a un lado
vena = cada de la dutos de sangue cual transporta xef la sangue sin multe osijen a la cor; un strato magra de roca cual difere de sua ambiente
intravenal = aveninte en la venas; introduida a un vena
vende = intercambia (alga cosa) per mone; reserva un cuantia de (alga cosa) per intercambia futur
vendeta = un disputa en cual la familia de un person matada atenta venja par mata la mator o sua familia; un disputa seria e estendeda contra algun
venena = un materia cimical o organica cual, cuando introduida en un organisme, feri o mori lo
antivenenal = un medisin per combate la efetos de venena
contravenena = un medisin cual reversa la efetos de un venena spesifiada
venerdi = la dia entre jovedi e saturdi en cada semana
Veneto = un rejion en Italia norde-este cual inclui la site Venezia
Venezia = un site en Italia norde-este, locada a lado de un lagon de la Mar Adriatica
Venezuela = un pais a la costa norde de America Sude, a lado de la Mar Caribe
Golfo Venezuela = un golfo a norde de Venezuela
veni = move o viaja a o en un loca cual es prosima a o conoseda par la parlor; ariva a un loca spesifiada
venipuntur = un tecnica medical per estrae sangue o introdui medisin a la corpo
venja = feri o dana (algun) como un responde a (un feri o dana resetada)
venseo = un avia insetivor con alas longa e magra, capas de vola rapida
venta = (aira) move, creante un corente de aira
venti = refresci la aeron en (un sala) o sirca (un person); desglumi (granes) par un sofla de aira
ventosa = un organo plata o concava cual permete ce un animal adere a un surfas par suca; un aparato simil cual pote adere a un surfas
ventre = la fronte de la adomen
ventriculo = un caveta en un organo, spesial cada de la du cavetas xef de la cor, o cada de la cuatro cavetas de la serebro
ventrilocuo = un person ci pote parla en un modo cual pare veni de un otra loca, tipal de un pupa con boca movable
venturi = un peso corta de tubo magra entre sesiones plu larga, per mesura la rapidia de flue o per suca
Venus = (en mitos) un diva, adorada como la diva de ama en Roma antica; (en astronomia) la planeta du de la Sol, vidable tipal ante la leva de sol (comun nomida la stela de matina) o pos la reposa de sol (comun nomida la stela de sera)
vera = acordante con fatos o realia
veranda = un plataforma con teto a la lado de un casa, a la nivel de tera
verbena = un planta erbin con grupos de flores briliante
verbo = un parola usada per descrive un ata, state o aveni, e cual pote es la parte major de la predica de un frase
verbal = pertinente a o derivada de un verbo
verbin = usada en un modo simil a un verbo
verde = con color entre blu e jala en la spetro
verdeta = un pinson eurasian con plumas verde e jala
verdin = un avia cantante de Asia sude e sude-este con plumas xef verde e un beco negra
verga = un palo longa, perpendicular a un masto de un barcon, cual suporta un vela cuadro
vergonia = senti embarasada o culpable per sua atas, cualias o asosias
verifia = esamina o esplora (alga cosa) per descovre esce lo es vera, coreta, autentica o tal como lo debe es
verje = (un ojeto movente) cambia sua dirije
Verjilio = un poeta latina famosa
verjilin = simil a o inspirada par la poesias de Verjilio
verme = un de multe varias de animales nonvertebrato con corpos longa, magra e mol e sin gamas
verme de orea = un canta o melodia cual repete constante se en la mente
vermosa = conteninte vermes o gastada par los; putrida o ruinada; sobornosa, frodante o moral malida
vermiculita = un mineral jala o brun, usada per isoli o como un media cual reteni umidia per plantas cresente
vermitxeli = pasta formida como cordetas longa e magra
Vermont = un stato en la SUA norde-este, bordante Canada
vermute = un vino roja o blanca, saborida con erbas bonodorosa, xef preparada en Frans e Italia e usada en cocteles
vernis = resina disolveda en licuida per aplica a lenio, metal o otra materias per formi un surfas dur, clar e briliante cuando lo es seca; un materia vitrin fusada a la surfas de seramica; un licuida como lete o olio bateda, usada per formi un strato briliante a comedas
Verona = un site e provinse italian
veronica = un planta erbin de rejiones norde temperada, tipal con talos vertical, folias streta e puntida, e spigas de flores blu o purpur
versa = (un licuida, arena, etc) flue rapida e continuante, tipal de un contenador; move rapida de vertical a un angulo plu orizonal
versimil = cual sembla multe un cosa vera, o cual es multe probable vera
verso = un linia de poesia
vertebra = cada de la osos serial cual forma la spina dorsal e tra cual la medula spinal pasa
vertebrato = un animal en un grupo grande, marcada par la posese de un spina dorsal, incluinte mamales, avias, retiles, amfibios e pexes
vertex = cada de la puntos angulin de un figur jeometrial
vertical = a un angulo de 90° de un plana orizonal; (un paje o scermo) plu alta ca larga
vertije = ave un sensa de jira e perde de ecuilibra
vertije = la sensa de jira e perde la ecuilibra, asosiada con regarda a su de un altia grande, o causada par un maladia de la orea interna
vertijosa = sentinte vertije; causante vertije
veruca = un crese dur ma no canserosa sur la pel, causada par un virus; cualce crese sur la pel de un animal o la surfas de un planta
ves = cada de la tempos a cual un cosa repetente aveni; cada de la tempos a cual un juor ata en un jua
vesica = un saco membranosa en cual urina es colieda per escrete; un saco simil de otra contenidas
vesicula = un saco o caveta plenida con aira o licuida, tipal en la corpo de un animal
vespa = un inseto sosial con alas, taie magra e picador
Vesta = (en mitos roman) la diva de la ximineria e la casa familial
vestal = pertinente a un prete fema de la relijio roman antica, ci ia debe resta virjin per la 30 anios de sua servi de la diva Vesta
veste = un cosa usada per covre la corpo, tipal de stofa, cuoro o pelo
transvesti = vesti (algun) como un person de la seso oposante
vestibulo = un caveta o spasio peti a la comensa de un canal anatomial, per esemplo de la labirinto de la orea interna, la larinje, e la aorta
vestibulal = pertinente a la sensa de ecuilibra e move en la orea interna
vestijio = un indica restante de alga cosa cual desapare o no esiste plu; un peso pico de alga cosa
veteran = (un person) ci ia esperia longa un campo spesifiada; (un person) ci ia servi militar
veterinar = pertinente a la maladias, feris e trata medical de animales
vetiver = un planta alta con folias streta e rijida e radises aromosa de cual on estrae un parfum
veto = un direto ofisial per rejeta un deside de otras, tipal de un lejeria
veti = usa un veto contra
vetor = un cuantia con no sola grandia ma ance un dirije, tipal indicante la loca spasial de un punto en relata con un otra; un matris con sola un linia o colona
vetulicola = un jenero de animales peti de la cambrian
via = un tereno usada o creada per vade o viaja, como un rua, strada, etc
-via = forminte nomes de tipos de via
viable = capas de funsiona susedosa
viaduto = un spesie de ponte longa, tipal con un serie de arcos, par cual un via o ferovia traversa un vale, un otra tera basa, o un otra via o ferovia
viaja = vade, tipal tra un distantia longa
viajamania = un desira forte per viaja
vibra = move continuante e rapida de asi a ala; un (sona) varia rapida en tono; (lumina) cambia rapida sua brilia
vibral = relatada a la vibra, o causada par un vibra
vibrafon = un strumento de percute, con un serie de baras metal supra tubos resonante e vibrante
vibrisa = un capel longa e estendeda, cresente de la fas o beco de multe mamales; un filo simil cual crese de la boca o beco de un pex
viburno = un arboreta con grupos plata o ronda de flores blanca e peti
vici = un loca ueb cual permete ce sua usores edita sua contenidas e strutur
vicing = cualce de la piratas e mercatores de Scandinavia ci ia ataca e coloni multe partes de Europa entre 700 e 1100
Vicipedia = un ensiclopedia grande enliniada, con forma de un vici internasional
vicitesto = la testo cru de un paje de vici, scriveda en un lingua lejera de marca
Victoria, Porto = la site capital de Sexeles
Lago Victoria = la lago la plu grande en Africa, en Uganda e Tanzania e bordante Cenia, drenada par la Rio Nilo
victorian = pertinente a la rena de Rea Victoria de Britan, incluinte la valuas, modas, arte, etc de la periodo
vicunia = un relatada de la liama, abitante la montanias alta de America Sude e valuada per sua lana sedin
vide = persepi (alga cosa) par la oios; regarda (un filma, sporte, etc); comprende pos investiga o pensa
televide = regarda (alga cosa) a la televisador
video = pertinente a la rejistra, reprodui o difusa de imajes vidal movente
vidua = (un person) cui spos es mor
vidua = un texor african cui mas ave un dorso negra e un coda negra e multe longa, usada per cortea en vola
Vientiane = un otra nom per Uiangtxan
Vietnam = un pais en Asia sude-este, a lado de la Mar Xina Sude
vijesimal = pertinente a un sistem de aritmetica fundida sur la numero dudes (20)
vijila = regarda o oserva (alga cosa) con atende, tipal per un tempo longa, per nota problemes o peril
vijila = un ata de vijila; la dia o sera ante un festa spesifiada
vil = (un person) multe nonplasente, sin prinsipes moral
vila = un urbe con nom, bordas definida e governa local, min grande ca un site
vila de universia = un vila dominada par la popla de sua universia
vileta = un grupo de casas e construidas relatada en la campania
vileta noncorporada = un agrega peti de casas cual formi un vileta pico
Vilnius = la site capital de Lietuva
vilo = un estende peti e ditin de la fore de la intestin magra; un capeleta sur un fruta, flor o otra parte de un planta
vim = bastetas pliable, tipal de salse, trensada o texeda per fabrica cosas como mobilas e sestos
vina = un strumento de cordetas de Barat
vinagra = un licuida con sabor asida, produida par fermenta licuidas alcolosa diluida, tipal vino, bir o sidra, e usada como un spise o marininte
vinagreta = un salsa per salada, composada de olio, vinagra e spises
vinca = un planta basa de la mundo vea con flores plana e tipal blu, con sinco petales
Vindhuc = la site capital de Namibia
vinieta = un desinia o descrive peti
vinil = un resina sinteseda o plastica de clorido de polivinil o polimer simil, usada per paper de mur e per discos de fonograf
vino = un bevida alcolosa produida par fermenta jus de uvas
vinocultiva = prepara e usa (un rejion de tera) per eleva uvos
vinocultiva = la siensa de cultiva uvos per vino
vinofilia = un ama de vino
vinolojia = la studia de vinos
vinse = causa un defeta a (algun) en un batalia o otra concurso
viola = un strumento de cordetas, plu grande ca un violin ma min grande ca un xelo
viola de mano = un strumento de cordetas, con forma simil a un gitar ma ajustada como un luto, usada en la sentenios 15 e 16 en Espania
viole = fali segue (un regula o lege); fali respeta (la pas, privatia o diretos de algun); trata (algun o alga cosa santa) sin respeta; ataca sesal (algun)
violeta = con color bluin purpur
violeta = un planta erbin con flores purpur, blu o blanca
ultravioleta = con frecuentia plu alta ca lo de la color violeta ma min ca lo de raios X
violin = un strumento de cordetas, juada con arco
vipera = un serpente venenosa con dentones grande e xarnierida
vireo = un avia cantante peti de America, tipal con dorso verde o gris e peto jala o blanca
Virginia = un stato en la SUA este, bordante la Mar Atlantica
Virginia Ueste = un stato en la SUA
virgula = un marca de puntua cual indica un pausa entre partes de un frase, separa cosas en un lista, o indica la comensa de la parte fratal de un cuantia scriveda con dijitos
virion = un virus cuando estra un selula ospitante
virjin = (un person) ci no ia copula e ia fa no otra relatas sesal; (metafor) naive, sin esperia
Isolas Virjin = un grupo de isolas en la Mar Caribe norde-este, governada par la SUA e la Rena Unida
virola = un arbor de la foresta tropical de America Sude, relatada a la muscada
virolojia = la ramo de biolojia cual studias viruses
virtua = un condui o cualia cual mostra bon moralia
virtual = sin esiste fisical ma creada par programes per pare real
virus = un organisme infetante, tipal composada de un molecula de asida nucleal en un covrente de protena, capas de copia se sola en la selulas vivente de un ospitor; (en informatica) un program, tipal malvolente, cual es capas de copia se
antivirus = un program antivirusal
antivirusal = (un medisin) per combate viruses; (un program) capas de deteta e elimina viruses de computador
vis- = ajuntada a un nom de posto per nomi la suordinada direta seguente
visa = un validi sur un pasaporto cual indica ce on permete ce la posesor entra a, sorti de, o resta en un nasion per un periodo spesifiada
viscio = un planta parasito cual crese sur pomos, cuercos o otra arbores e porta bacas blanca en la inverno
viscosa = (un licuida) aderosa o no libre fluente
vise = un peso de metal corta, magra e silindre con fileta elica, usada per junta un cosa a un otra, con un punto agu o un torca
visera = la organos interna en la cavetas major de la corpo, spesial los en la adomen
visia = un planta erbin e trepante en familia de piso
visiera = un borda firma a la fronte de un xapeta; la parte movable de un elmo cual pote covre la fas; un scermo per proteje la oios de lus intensa, como en un auto
visigoto = pertinente a un ramo de la gotos ci ia invade la Impero Roman entre 200 e 500, e ia rena multe de Espania asta 711
visina = prosima abitante; situada a lado de un otra cosa
visita = vade per encontra sosial (algun) e pasa tempo con el; (un invitada o turiste) resta tempora con (algun) o a (un loca)
vison = un mamal carnivor peti, semiacual e nativa de America Norde e Eurasia, valuada per sua pelo
vista = un vide bela, tipal un sena natural regardada de un punto spesifiada; la cualias estetical de un rejion de tera
vitamina = cada de un grupo de composadas organica cual es esensal per la nuri e crese normal, e cual es nesesada en cuantias peti car los no pote es sinteseda par la corpo
vite = un planta trepante en familia de uvo; un planta simil de otra familias
vitelo = la parte jala de la interna de un ovo de un avia; la parte corespondente en la ovo o larva de tota vertebratos e alga nonvertebratos
Viti = un pais en la Mar Pasifica sude, composada de plu ca 800 isolas
vitiligo = un maladia en cual partes de la pel perde sua pigmento, causante areas blanca
vitim = un person o otra organisme danada, ferida o matada par un crimin, asidente o otra aveni o ata; un person ci es frodada o enganada
vitimisme = un cualia de personalia en cual un person regarda se como la vitim de atas negativa de otra persones
vitral = un fenetra composada de pesos de vitro con colores diversa
vitrali = pone un vitral en (un loca)
vitralida = ornada con vitrales
vitraliste = un artiste ci desinia o fabrica vitrales
vitriol = critica cruel e amarga
vitro = un materia dur e frajil, tipal transparente o diafana, creada par fusa arena con carbonato de sodio e calce e fri rapida; un contenador de esta materia, usada per bevi; un plata peti de esta materia, usada per porta cosas cual on regarda con microscopio
vitreria = un sala con mures de vitro (e comun ance un teto de vitro), sur la teto o sur la lado de un casa
VIU = virus de imunodebilia umana
vivas = (un musica) rapida juada con rapidia entre 136 e 160 pulsas per minuto
vive = esiste como un individua biolojial; no es mor
vive = aclamante un person o cosa onorable
duivive = la tempo en cual la radioativia de un isotopo spesifiada diminui a un dui de sua valua orijinal
semivive = la periodo de semidesintegra de un isotopo spesifiada
viverna = un dragon con alas, du gamas e un coda spinosa
vivifia = (alga cosa) deveni plu vivente o vivin, plu animada o vivosa
vivifia = fa ce (alga cosa) es plu vivente o vivin, plu animada o vivosa
vivipari = pari enfantes vivente, e no de un ovo cual separa de la corpo de la madre; (un planta) reprodui de un broto cuando ancora liada a la planta orijinal
vivisesioni = fa sirurjia sur un animal vivente per rexerca siensal
vixisuaz = un pure fria de patatas, poros e crema, orijinante en Frans
Vixnu = un de la tre dios suprema en induisme, tipal regardada como la conservor
vizir = un ofisior alta en alga paises muslim
vocabulo = la colie de parolas en un lingua o campo spesifiada; la parolas conoseda par un individua
vocal = pertinente a un sona de parla produida par un formi relativa abrida de la curso de vose, con vibra de la plias vosal ma sin frica oiable, cual es un unia de la sistem de sonas de un lingua e formi la nucleo de un silaba
intervocal = entre du vocales
semivocal = (un sona de vose) entre un vocal e un consonante, como `i` en `ia` o `u` en `ueste`
vocativa = un caso gramatical cual indica la person a ci on dirije sua parolas
vodca = un bevida alcolosa, orijinal de Rusia, preparada par distila segal, trigo o patatas
vodevil = pertinente a un tipo de presenta popular en la temprana de la sentenio 20, composada de canta, dansa, comedia vulgar e a veses striptisa
voior = un person ci deriva plaser sesal de oserva otras cuando los es nuda o copulante; un person ci deriva plaser de oserva la dole o angusa de otras
vol. = volum
vola = move tra la aira como un avia, avion, misil, bal, etc
volante = un rota usada per dirije un veculo
volatil = (un materia) fasil vaporinte a temperatures normal; tendente cambia sua natur en modo nonpredisable
volcan = un monte o colina, tipal cono, con un crater o ximine tra cual lava, rocas, vapor calda e gas pote es ejetada
volcanolojia = la siensa de volcanes
vole = intende seria (un ata); desira posese o fa (alga cosa)
ta vole = espresante cortes un desira o un ofre
volea = (en sportes) colpa (la bal) ante cuando lo toca la tera
volibal = un jua de du ecipos en cual on usa sua manos per colpa un bal supra un rede alta e cade lo a la lado de la otra ecipo
volpe = un mamal carnivor en familia de can, con beco puntida e coda brosin, notada per sua astutia
volta = (un person) turna se tra la aira o sur la tera per fini sur sua pedes, como un jinasta o par acaso
volta = un teto con forma de un arco o serie de arcos, tipal en un eglesa o otra construida grande
voltaica = pertinente a eletrica produida par ativia cimical
fotovoltaica = pertinente a la produi de corentes eletrical a la junta de du sustantias esposada a lus
voltaje = la difere de potensial eletrical entre du puntos, mesurada en voltes
volte = la unia internasional de tensa eletrical e fortia eletromotiva
voltemetre = un aparato per mesura voltaje, usual en voltes
volum = la cuantia de spasio ocupada par alga cosa, o encluida par un contenador; la grado de fortia de un sona; cada de la libros en un serie
volunta = la capasia par cual un person deside e comensa ata o freni se de ata; la capasia de intende
voluntosa = con un volunta forte
volvox = un vivente uniselulal cual formi colonias pico e sfera
vomita = materia ejetada de la stomaco tra la boca
vormela = un mamal peti, simil a un furon, con marcas jala e negra sur sua dorso, trovada de Europa este asta Xina ueste
vortis = un masa jirante de aira o licuida
vos = usada par un parlor per refere a la du o plu persones a ci el dirije sua parolas
vose = la sona produida en la larinje e emeteda tra la boca cuando un person parla o canta; la capasia de produi esta; la stilo distinguinte de un autor o testo; un forma par cual un verbo indica como sua sujeto relata a la ata
vota = indica formal un eleje entre du o plu persones o atas posible
vudu = un relijio de alga persones de la Isolas de Caribe e la SUA sude, composada de elementos de rituos catolica e rituos tradisional de Africa, tipal incluinte la usa de sorsoria e posese par spiritos
vulcani = duri (cauxo o materia simil) par trata lo con sulfur a temperatur alta
vulgar = sin sofistica; referente a seso o otra funsionas fundal de la corpo en modo ofendente
vultur = un avia grande con testa e colo calva, ci come tipal caronia
vulva = la jenitales esterna de un fema
w = la letera 23 de la alfabeta roman
wa = la sona de un bebe criante
wacari = un simia con coda corta, pelo longa e ru, e fas roja, blanca o negra sin capeles, trovada en la foresta de la Rio Amazona
wadi = un vale o foson cual es seca estra la saison pluvosa
wafel = un torta peti con esterna cracosa, fornida en un padela con surfas con forma de favo, e comeda con bur o xirope
walabi = un membro de un spesie de cangaru peti
Walonia = la parte de Beljia sude en cual la popla parla franses o un dialeto de franses
wampum = un perleta de conca, tipal tenida con otras en un cadena, usada par alga tribus de americanes nativa como un media de intercambia o per rejistra avenis
wapiti = un servo roja grande de America Norde
warfarin = un composada usada per mata ratas e como un medisin per trata trombose
Warszawa = la site capital de Polsca
wasabi = un planta nion con radis verde e spesa cual sabori como rabano forte e es usada en cosini, tipal con pexes cru; la salsa preparada de esta radis
Washington = un stato en la SUA norde-ueste, bordante Canada e la Mar Pasifica; la site capital de la SUA
Washington, Distrito de Columbia = la site capital de la SUA
wawa = un efeto musical fada par aplica e sutrae un sordador a un strumento de venta, o par controla la fortador de un strumento eletrical par un pedal
wau-wau = la sona de la abaia de un can
web = pertinente a la ipertesto de documentos e otra recursos en la interede
Wellington = la site capital de Zeland Nova
wergeld = la valua de alga cosa en la leges de la germanicas antica, spesial la valua de un person, cual debe es paiada a la proprior o a la familia de la vitim como compensa
western = pertinente a filmas o libros cual portrae la vive de caubois e banditos en la statos ueste de la SUA, tipal en la parte du de la sentenio 19
wi = espresante joia, stimula o deleta
Wiangtxan = la site capital de Lau
wica = un relijio cual atenta reconstrui la relijios pagan de Britan antica
Wien = la site capital de Osteraic
Wi-Fi = un tecnolojia de rede sin filo, comun usada per lia aparatos en un rede local e per asede la interede
wigwam = un cabana composada de un strutur oval covreda con erba o bastetas
Wilemstad = la site capital de Curasau
win = un letera anglosason
wipet = un can de raza peti e magra, elevada per corsa
wisce = un bevida alcolosa distilada de gran maltida, tipal orzo o segal
Wisconsin = un stato en la SUA norde-sentral, bordante la Lago Michigan
wist = un jua de cartas per du duples de juores, en cual on reseta puntos per la cuantia de prendes
wistiti = un simia peti de America tropical con pelo sedin e coda longa e prensil
woc = un padela formida como un bol, usada en cosini xines
wolaita = de o pertinente a un etnico abitante un rejion en la sude-ueste de Itiopia, o a sua lingua
wolfram = la elemento cimical con numero atomal 74
wolof = pertinente a un popla de Senegal e Gambia, o a sua lingua
wombata = un marsupio australian, erbivor e tunelinte cual sembla un urso peti con gamas corta
won = la unia de mone en Corea Sude
wonton = un bal o enrola de pasta con pleninte saborosa, tipal de carne de porco e comeda pos boli en sopa
Wyoming = un stato en la SUA sentral
x = la letera 24 de la alfabeta roman
xa = la titulo de la re de alga paises en Asia sude e sentral
xabeco = un barcon de vela de la Mediteraneo, de la sentenio 18
xabli = un vino blanca seca de Chablis en Frans este
xacal = un can savaje con gamas longa, de Africa e Asia sude
xace = (en xace) menasa catura (la re)
xace = un jua per du persones sur un table de 64 cuadros negra e blanca; un situa en cual la re es menasada en esta jua
xace = diseda cuando on xace la re
xaceria = un table de xace o de damas; (metafor) un motif cuadretosa en cual du colores alterna
xacemata = (en xace) vinse par catura (la re)
xacemata = diseda cuando on xacemata la re
xacuhatxi = un flauta nion de bambu
xaiote = un vite de America tropical cual produi frutas verde e jusosa, con forma de pera e sabor de concombre; un de esta frutas
xal = un stofa laxe, portada sur la spalas o ance sur la testa
xale = un caseta de lenio, tipal de la Alpes
xama = (insetos, persones, etc) move caososa como un grupo grande o densa
xaman = pertinente a tecnicas ritual de comunica entre persones tribal e la mundo de la spiritos de natur
xaman = un person sur ci on crede ce el es capas de comunica con spiritos per influe avenis mundal
xambelan = (en istoria) un ofisior ci maneja la casa de un nobil
xamisen = un luto nion con tre cordetas
xampania = un vino bolante de uvas de la provinse Champagne en Frans
xampinion = un fungo protendente, tipal con talo e un cupola con laminas a sua fondo
xampu = un licuida usada per lava capeles
xamroc = un spesie de trefolia, un simbol de Er
xangtxi = un jua xines simil a xace
xantoma = un nodulo jala sur la pel, causada par lipidos en la selulas
xantopsia = un disturba medical en cual cosas videda aspeta jalin
xapa = un strato magra de lenio, usada per decora un otra surfas
xapo = un veste per covre la testa; un paragraf de metadatos a la comensa de un fix, documento o paje
xapo de mulo = un xapo alta e cono fada con paper, a veses con du oreas de asino
xapo de note = un xapo portada en leto
xapo de paje = un titulo a la comensa de cada paje
xapo saturnin = un xapo sirculo con borda larga, portada par alga eglesores catolica
xapo silindre = un xapo de om, alta e formal, con borda larga
xapeta = un xapo mol e plata, sin borda ensircante, ma cisa con borda fronte
xapon = cualce xapo casual con borda larga
xarada = un enigma presentada como un poesia descrivente en modo astuta cada silaba de la responde
xarada mimada = un jua en cual on mima parolas o espresas, e comun la silabas individua de estas
xaria = la codigo moral de islam, incluinte leges relijial
xarif = un desendente de Muhammad par sua fia Fatima
xarlatan = un frodor ci menti ce el es capas de alga cosa; un avia cantante simil a un turdo, con coda longa, alas corta e vose forte
xarleston = un duple de simbales operada par pede; un dansa vivosa de la desenio de 1920
xarnier = un junta con du placas sur un ase comun, permetente la abri de un porte
xarpe = un banda larga de stofa portada sur la testa o sirca la colo
xarpe de taie = un banda de stofa portada sirca la taie
xarpe medical = un banda per suporta un braso ferida
xarpe ofisial = un banda de stofa diagonal portada de un spala a la anca oposada
xasa = segue (un animal o person) per catura el
xasa savaje = un mito de folclor european envolvente un grupo de xasores fantasmal, gidada par un figur mital, un dio o un diablo
xasafem = un om promiscua
xasatesta = un person ci identifia empleadas per ocupa postos en otra companias
xasatorpedo = un barcon de gera, peti e rapida, tipal con rol defendente contra sumarinas e aviones
xasavampir = (en naras) un person ci xasa vampires
xasor = un person ci xasa; un can ci aida un xasor umana
xasi = la strutur sceletal de un veculo o otra ojeto artifis
xasibasa = un auto personalida con xasi basida
Xciperia = un pais en Europa sude-este
xec = la titulo de un xef arabi o erudita muslim
xece = un paper cual comanda un move de mone entre du contas, usada per paia
xecel = la unia de mone en Israel; un unia de mone antica en Filastin
xecerisme = un varia de cuecerisme fundida en 1747
xef = la plu importante; con grado la plu alta o estende la plu grande
xef = plu ca tota otra posibles; como sua parte o cualia la plu grande o importante
xef de governa = la person con posto dirijente la plu alta en un stato, tipal un ministro xef
xef de mundo = la xef de un pais potiosa, con multe influe political a la mundo
xef de serie = la produor dirijal xef, e comun ance la scrivor xef, de un serie televisada
xef de stato = la person con posto constitual la plu alta en un stato, como un presidente o monarca
xeferia = un loca sentral per maneja un organiza
xel = roca deponeda, mol e delicata stratida, formida de fango e arjila solidida, e fasil fendable a blocos frajil
xelo = un strumento basa, simil a un violin grande, ma min grande ca un contrabaso
xenil = un cordeta o filo mexin e veludin, usada per vestes e tapetos e per decora mobilas
xeno- = stranjer
xenofilia = un zelo per persones e cultures de otra paises
xenofobia = un antipatia estrema o nonrazonada contra persones de otra paises o cultures
xenon = la elemento cimical con numero atomal 54, un gas
xenoturbelido = un membro de un jenero de vermes de mar con corpo multe simple
xerca = esplora o demanda per atenta trova o oteni (alga cosa)
xerca sieca = xerca par palpa en un loca oscur
xercador = un program cual xerca informas en pajes ueb o en bancos de datos
xercaemplea = un person nonempleada ci xerca un posto
xeres = un vino fortida de uvas de Jerez en Espania
xerif = un ofisior ci atende un contia (en maneras diversa en la paises); (en alga partes de la SUA) un polisior
xero- = seca
xerofilia = la capasia de crese e reprodui en locas sin multe acua
xeroftalmia = un disturba medical en cual la oios no pote produi larmas
xerografia = un metodo de fotocopia, en cual un polvo adere a partes eletrical cargada de un surfas esposada a lus
xerostomia = un disturba medical en cual la boca es seca e sin saliva
xerpa = pertinente a un etnico de la rejion la plu montaniosa de Nepal
Xetland = Shetland
xevron = un motif angulo simil a la letera V; un braseta angulo; un faxon en la strutur interna de un teto
xi = la letera 14 de la alfabeta elinica
xia = pertinente a un de la du ramos xef de islam, en cual on rejeta la suna e regarda Ali como la califa prima
xisme = un ramo de islam
xiang = un lingua parlada en la provinse Hunan en Jonguo
xiatsu = un spesie de masaje nion
xibolet = un abitua o crede par cual on pote clasi un person
xice = un enfante; (nonformal) un person
xica = un enfante fema; (nonformal) un fem
xica de cor = la fema en un relata de ama ante sposi
xica masin = un xica con conduis tradisional de un xico
xico = un enfante mas; (nonformal) un om
xico de barcon = un joven ci es empleada sur un nave per deveni un maror
xico de cor = la mas en un relata de ama ante sposi
xico femin = un xico con conduis tradisional de un xica
xicle = un goma sudada par sapotas
xicoria = un planta con flores blu e un radis usada como un sustitua per cafe
xicungunia = un maladia marcada par febre, causada par un virus transmeteda par moscitos; esta virus
xifon = un stofa lejera e diafana, usual de seda o nilon
xilema = (en un planta vascular) un texeda cual porta acua e nurintes
xilha = pertinente a un popla berber en partes de Magrib, o a sua lingua
xilia = cria alta e forte
xiliante = produinte o semblante un xilia; (un color o motif) noncomfortosa forte
xiling = la unia de mone en paises diversa
xilo- = lenio
xilofaje = cual come xef lenio
xilofon = un strumento de percute con baras de lenio de longias diversa
xilografia = un metodo de primi en cual on siseli un imaje a un bloco de lenio
xilografial = pertinente a xilografia
xilogram = un imaje creada par xilografia
xilosa = un zucar comun en plantas
ximi = move osilante, de su a supra o de lado a lado, par moves peti e rapida
ximine = un tubo vertical cual emete la fuma o gases de un foco, forno, macina, volcan o simil
ximineria = la rejion su un ximine cual ensirca un foco; la alcova per la foco mesma
ximpanze = un primate, xef negra, con oreas grande
Xina = un otra nom per Jonguo
xinion = un enrola de capeles a retro de la testa de un fem
Xinjiang = un provinse en Jonguo
xinolojia = la studia de la lingua, istoria e politica de Jonguo
xinto = la spiritalia nativa de Nion
xinxe = un inseto de multe spesies de cual, jeneral, sua alas anterior es partal membranin e partal dur, ma sua alas posterior es intera membranin
xinxe de acua = un xinxe cual tende abita acua dulse
xinxe de leto = un xinxe cual tende abita letos e suca la sangue umana
xinxe focosa = un xinxe comun, con color forte roja e negra
xinxe scermin = un xinxe cui torax ave tipal la forma de un scermo
xip = un talia magra de patata, fritada e cracosa
xiroco = un venta mediteranean de orijina saharan
xirope = un disolve viscosa de zucar en acua
xirope de asero = un xirope preparada par ajunta zucar a sava de asero
xirope de granada = un xirope preparada par ajunta zucar a jus de granada o un otra fruta
xiste = un roca mutada e particulosa, composada de stratos de minerales diversa, fendable a talias magra e ru
xitace = un fungo de Asia este
Xiuaua = Chihuahua
Deserto Xiuaua = un deserto de Mexico norde-sentral e la SUA sude-sentral
xiva = (en iudisme) un periodo de sete dias de lamenta pos un funera
Xiva = (en induisme) un dio asosiada con la potias de destrui e reprodui
Xiwawa = Chihuahua
Deserto Xiwawa = un deserto de Mexico norde-sentral e la SUA sude-sentral
xixa = un misca saborida de tabaco e melasa, fumida con un pipa de acua
xixe = un planta cultivada per sua semes ronda e jalin; un seme de esta
xnautser = un can de un raza con beco barbida
xoca = fa ce (algun) senti turbada par un esperia subita, surprendente e nonplasente; (un ojeto movente) colpa nonintendeda (un otra cosa)
antixocal = capas de resiste xocas
xocaoio = un construida o otra cosa estrema fea
xocolada = un comeda de semes de cacau rostada e moleda
xocolatina = un paneta dulse fada de un pasta folin con un o du baras de xocolada
xofar = un corno musical antica, tipal de un ovea, usada en relijio iudi
xogi = un jua nion simil a xace
xogun = (en Nion feudal) un tirano erital
xoji = un porte nion con la forma de un grilia covreda con paper
xova = un avia en familia de corvo, con beco curvida a su e alas larga e rondin
xtetl = un vila peti con un popla grande iudi en Europa sentral e este ante la Olocausto
xucrute = un plato deutx de col vinagrida e axida a picos
xufelborda = un jua en cual on usa un baston per puia discos sur un surfas longa e marcada con goles
xuta = (un misil, un bal, lava, etc) es lansada en modo violente o par aparato; (un person) core subita e rapida
xuta = lansa (un misil, etc); fa un foto o video de (un sujeto)
xuta de su = (en fotografia e sinematografia) un xuta en cual la camera ocupa un loca plu basa ca la persones o cosas mostrada
xuta de supra = (en fotografia e sinematografia) un xuta en cual la camera ocupa un loca plu alta ca la persones o cosas mostrada
xuta larga = (en fotografia e sinematografia) un xuta en cual on vide persones intera o un sena intera
xuta media = (en fotografia e sinematografia) un xuta en cual on vide sola la parte plu alta de persones, de aprosima la taie
xuta streta = (en fotografia e sinematografia) un xuta en cual on vide apena plu ca la fas de un person
xutapiso = un jueta consistente de un tubo tra cual on sofla per xuta pisos o otra ojetos peti
xux = demandante per silentia
xuxa = dise cuieta, sin usa sua plias vosal; (stofas o folias movente) fa un sona simil; furni (un replica oblidada) a un ator
xva = un vocal media e sentral; (en scrive ivri) un sinia vocal cual sembla un dupunto scriveda su un letera
y = la letera 25 de la alfabeta roman
yac = un mamal grande en familia de bove, de Asia sentral
Yaman = un pais en Asia sude-ueste
Yamusucro = la site capital de Costa de Ivor
yanci = (demotica) un abitor de la SUA, o (plu esata) sua statos norde-este
yang = (en filosofia xines) la prinsipe ativa mas de la universo
yard = un unia de longia nonmetral, egal a 36 ditones o 0,9144 metres
Yaren = la distrito xef de Nauero
yarsanisme = un relijio fundida en Iran par Sultan Sahak en la sentenio 14
yate = un barcon de grandia media, con o sin velas e cabina, usada per corsa o viaja per plaser
Yawe = un forma de la nom ivri de Dio, usada en la Biblia
Yaunde = la site capital de Camerun
ye = corajinte o aprobante
Yerevan = la site capital de Haiastan
yeti = un primate lejendal sur cual on dise ce lo abita en Himalaia
Yijing = un libro antica de divina xines
yin = (en filosofia xines) la prinsipe pasiva fema de la universo
yin-yang = (en filosofia xines) la interdepende de fortes oposada en la mundo natural
yocto- = 10⁻²⁴
yodle = canta (alga cosa), rapida alternante entre vose normal e falseto
yog = un letera de engles medieval
yoga = (en induisme) un pratica spirital e asteninte cual inclui controla de respira, posas de la corpo, e medita
yogi = un praticor de ioga
yogurte = un comeda semisolida, preparada de lete fermentada par baterias, comun con la ajunta de dulses e otra sabores
yoyo = un jueta composada de du discos separada par un ranur en cual un cordeta es enrolada, cual pote es jirada a basa e a retro par sua momento
yoman = (istorial) un om ci posese e cultiva un propria nongrande, tipal en England; un servor en un casa nobil; (en alga marinas) un ofisior ci servi como un secretor o un parte de la corpo de comunica
yoni = (en induisme) la vulva, tipal como simbol de la enerjia divin de reprodui, comun representada par un petra sirculo
York Nova = un stato en la SUA norde-este, con bordas a la Mar Atlantica e la Lago Ontario
yoruba = de o pertinente a la popla de Nijeria sude-ueste e Benin, o a sua lingua
yuan = pertinente a la dinastia fundida par la mongoles, cual ia rena Jonguo de 1259 asta 1368, o a la unia de mone en Jonguo
yuca = un planta en familia de agave, con folias rijida e spadin e spigas blanca e campanin, trovada en Mexico e la SUA sude-ueste
Yucatan = un stato en Mexico sude-este
Yugoslavia = un federa pasada de paises en Europa sude-este, cual ia es divideda per formi Slovenia, Hervatsca, Serbia, Tsernagora, Bosnia e Hersegovina e Macedonia
Yukon = un teritorio de Canada norde-ueste, bordante Alaska
yupi = un person burjes e modosa con un posto bon paiada e un vive lusosa
yurt = un tende sirculo de feltro o peles sur un strutur colasable, usada par nomadas en Mongol, Sibir e Turcia
z = la letera 26 e final de la alfabeta roman
zabalion = un deser italian con jala de ovo, zucar e vino dulse
zada = un util con manico longa e lama inclinada, usada per turba la tera
zafran = un spise orania jala veninte de un croco; esta planta
zagaia = un lansia magra de lenio dur, con punto de fero, tipal usada en Africa sude
Zagreb = la site capital de Hervatsca
zagruta = un tono longa, alta e vibrante, como produida par alga femes arabi en selebra
zaideco = un spesie de musica per dansa, orijinante en la sude de Louisiana, tipal con acordion e gitar
Zair = un nom vea de la Republica Democrata de Congo
Zambia = un pais en Africa sude
Zanzibar = un isola a costa de Africa este e un parte de Tanzania
zapoteca = pertinente a un popla nativa de Mexico sentral, aora consentrada en la stato Oaxaca, o a sua sivilia istorial e cultur arceolojial
zazen = (en zen) un forma de medita sentante
zebra = un cavalo savaje african con raios negra e blanca
zebu = un bove jibosa barati
Zeland = la provinse la plu ueste en Nederland
Zeland Nova = un pais isolida en la Mar Pasifica
zelo = un emosia intensa de aproba o interesa
zelosa = con multe zelo
zen = un varia de budisme de Nion, orijinante en Jonguo
zenite = la punto en la sielo direta supra un oservor; la momento la plu bon o susedosa
zepto- = 10⁻²¹
zero = an no un; la manca de
zero = prima en un serie tecnical cui indises comensa con zero
zero = la dijito 0; la punto zero en un scala
zeta = la letera 6 de la alfabeta elinica
zeta- = 10²¹
Zeus = la dio suprema en la relijio de Elas antica
zezea = pronunsia (un consonante sisante) en modo interdental
zibelina = un martes nion o sibirsce
Zica = un foresta en Uganda, en cual un maladia ia es prima oservada
zifido = un suprafamilia de balenas con dentes e beco
zigoma = la arco ososa de la jena
zigoto = un selula produida par la fusa de du gametas
zigurat = un piramide terazida, tipal de Mesopotamia antica
zigzaga = move tal ce on fa verjes angulo subita en dirijes alternante
Zimbabue = un pais en Africa sude
zinco = la elemento cimical con numero atomal 30, un metal
zinci = covre (aser o fero) con un strato protejente de zinco
zinia = un planta american con flores solitar e briliante
zipe = un fisador per stofas, en cual du bandas es entretexeda par un liscador; un abri cluable par un zipe
zircon = un mineral cristal composada de silicato de zirconio
zirconio = la elemento cimical con numero atomal 40, un metal
zizania = un erba acual alta, relatada a ris, con granes comable
zloti = la unia de mone en Polsca
zo = un parce do on esibi animales savaje en ensircas
zo- = animales
zoco = un sapato con un planta de lenio, o intera de lenio
zodiaco = la zona de la sielo tra cual la Sol, Luna e planetas pare move en cada anio
zofilia = (en un person) un atrae sesal a animales
zofite = un animal simil a un planta, como un coral, sponja o anemone-de-mar
zolojia = la siensa cual studia animales
criptozolojia = un pseudosiensa cual xerca e studia animales lejendal e folcloral
zombi = un corpo mor, reviveda par sorsoria; un person nonconsensa ma capas de responde a stimulas
zona = un rejion de un site o planeta con un cualia o usa distinguinte
zona de ora = un rejion en cual la ora es la mesma per tota locas
eurozona = la grupo de nasiones de la Uni European cui unia de mone es la euro
zoratero = un inseto peti, tipal trovada su folias seca e otra detrito de arbores, cual lo come
zorila = un mamal peti de Africa, simil a un furon, cual abita en climas seca
Zoroastra = un profeta persian de la sentenio 6 AEC e la fundor de zoroastrisme
zoroastrisme = un relijio monoteiste de Persia antica
zoroastriste = pertinente a zoroastrisme
zoroastriste = un credor de zoroastrisme
zoster = un inflama acuta e dolente de la nervos
zuavo = un infantrior franses de un rejimento istorial en Africa norde
zuca = cualce de un grupo de plantas cual produi frutas grande e pulposa con casca dur; un de esta frutas, cui pulpa es tipal coceda e comeda como un vejetal
zuceta = un spesie de zuca comeda cuando lo es ancora peti
zucar = un carboidrato cristal e disolvable, como glucosa o sucrosa, usada per dulsi comedas e bevidas
zucar de orzo = un confeto jala o orania de zucar bolida
zulu = pertinente a un popla de Sudafrica ci abita tradisional en la provinse KwaZulu-Natal, o a sua lingua
zuma = (un camera o imaje) cambia lisa de un plana distante a un plana plu prosima
zumbi = fa un sona basa e continuante como un abea, per esemplo par canta sin move sua labios; move rapida tra la aira con sona simil
Abdero = un eroe ci ia aida Hercule en sua taxe oto e ia es matada par la cavalos fema de Diomede
Aca Larentia = la sposa de Faustulo; los ia eleva Romulo e Remo pos cuando sua sposo ia trova la enfantes con la lupo fema
Acama = la fio de Fedra e Teseo, un de la elinicas ci ia es en la cavalo de Troia
Acaste = un de la oceanides; el ia es entre la acompaniores de Persefone en Sisilia cuando el ia es saisida par Hades
Acate = un eroe troian, ami de Enea, ci ia acompania el en sua viaja a Italia; el ia mata Protesilao, la elinica prima ci ia desembarca en Troia
Aceron = un de la sinco rios de enferno
Acile = un eroe de la gera de Troia, e la fio de Tetis e Peleo; sua madre ia bani el en la Rio Stix, teninte el a la talon, e donce el ia deveni nonmortal con eseta de sua talon; el ia mori cuando Paris ia lansa un flexa a el, gidada par Apolon
Aciroe = la fia de la dio-rio Nilo e sposa de Belo; la madre de Danao e Egipto
Acteon = un eroe e xasor teban, conoseda car el ia vide Artemis nuda baninte se; per puni el, la diva ia cambia el a un servo cual sua canes de xasa ia devora
Admete = un de la oceanides; el ia es entre la acompaniores de Persefone en Sisilia cuando el ia es saisida par Hades
Admeto = la re de Fere (Φεραί) en Tesalia (un rejion elinica), e sposo de Alceste
Adonis = la amor mortal de Afrodite; el ia mori en la manos de Afrodite, lansida par un senglar enviada par Artemis
Adrastea = un nimfa critica, fia de Meliseo, encargada a cura secreta la enfante Zeus per proteje el de sua padre Crono
Afrodite = la diva elinica de ama
Agamemnon = la re de Micene e comandor de la armada acean en la gera de Troia
Aganipe = un naiade de la fonte Aganipe
Agave = la fia de Cadmo e Harmonia, prinsesa de Tebas, sposa de Ecion e madre de Penteo e Epiro
Agenor = la re fenisia de Tiro, la fio de Posidon e Libia, la sposo de Telefasa e la padre de Fenix, Cilix, Cadmo, Europa e Fineo
Aiax maior = la fio de la re Telamon e Periobea, duifrate de Telamon; el ia combate en la gera de Troia
Aiax minor = ance conoseda como Aiax Oileo, la fio de Oileo, re de Locris; el ia combate per la aceanes en la gera de Troia
Alba Longa = un site fundida par Ascanio
Alcestis = un prinsesa, fia de Pelia e Anaxibia, famosa per sua ama a sua sposo, la re Admeto
Alcimede = la madre de Iason e Promaco e sposa de Eson
Alcioneo = un jigante, fio de Gea e de la sangue de Urano castrada, matada par Heracle
Aloades = du jigantes, Oto e Efialte, fios de Ifimedia, sposa de Aloeo, e Posidon; forte e violente, ambos ia vole sposi Artemis, ci ia converti se a un servo e ia salta entre los; desirante ce el no fuji, los ia lansa sua lansias e ia mata lunlotra
alseides = la nimfas de bosces e valetas
Amaltea = la madre tempora adotante de Zeus la plu notada, frecuente representada como la capra ci ia teti la dio-enfante en un cava en un monte
amazonas = un popla mital de gerores fema
Amfitrion = un jeneral teban ci ia salva Tebas de la volpe teumesian; la sposo de Alcmena, madre de Hercule
Amfitrite = un diva maral e sposa real de Posidon
Anax = un jigante de la isola Lade prosima a Miledo en Lidia, Anatolia
Ancinoe = un naiade, fia de la dio-rio Nilo, sposa de Belo e madre de Egipto e Danao
Ancise = la padre de Enea
Andromace = la sposa de Hector
Andromeda = un prinsesa itiopian, fisada a un roca asta cuando Perseo ia salva el
Angelo = un fia de Zeus e Hera ci ia deveni un diva de la sumundo
Antenor = un conselor de la re Priamo en la gera de Troia
Anteo = un jigante libi ci ia mata tota visitores par combate; el ia es matada par Heracle
Antifate = la re de la lestrigones, jigantes ci ia come omes e ci Odiseo ia encontra en sua viajas
Antigona = la fia de Edipo e sua sposa Iocasta, ci ia defia la re de Tebas, Creon, par entera sua frate Polinece
Antiloco = la fio de Nestor ci ia sacrifia se per salva sua padre en la Gera de Troia
Antiope = un amazona, saisida par Teseo cuando Heracle ia atenta prende la sintur de sua sore Hipolita
Apolon = la dio elinica de musica e divinia, de la sol, poesia, musica, e oraculos
Aracne = un texor fema destrosa, mutada a un arania par Atena par causa de sua blasfema
Arcesilao = un de la sinco capitanes de la beotianes ci ia aida Troia en sua gera contra la aceanes; la fio de Arelico e Teobule
Ares = la dio elinica de gera
Arete = spirito de virtua, eselentia, bonia e coraje
Aretusa = un fia de Nereo, mutada a un fonte
Argo = la barcon en cual Iason e la argonautas ia viaja de Iolco a Colcide per retrae la Lana Oro
Argo Panopte = un jigante con sento oios, encargada a garda Io
Ariadne = la fia de Minos, re de Creta, ci ia aida Teseo a vinse la Minotauro e ia deveni la sposa de Dioniso
Aristeo = la fio de Apolon e la nimfa Cirene, sposo de Autonoe e padre de Acteon e Macri; pos nase, el ia es elevada par la Musas, ci ia instrui el sur la eleva de abeas, la produi de ceso e modos per fa ce olivos dona olivas; el ia deveni la padron de boves, xasa, cultiva e eleva de abeas
Artemis = la diva elinica de la xasa, e protejor de virjines
Ascalafo = (1) la fio de Aceron; el ia vide como Persefone ia come en la Enfernos e ia informa Hades e Zeus; Demeter, per venja, ia lansa un petra sur el ma Heracle ia aida el par libri el de su lo; (2) la fio de Ares e Astioce, jemelo de Ialmeno; corteor de Helena, el ia debe vade a la Gera de Troia, do el ia es matada par un flexa lansada par Deifobo
Asclepio = la dio elinica de medica
Atalante = un eroe fema ci ia partisipa en la xasa de la senglar calidonian
Atama = la fio de Eolo e Enarete; el ia ave sposas diversa; con sua sposa prima, Nefele, el ia ave du jemelos, Hele e Frixo e un otra fio, Macisto; plu tarda, el ia sposi Ino, con ci el ia ave du fios Learce e Melicerte
Atena = la diva elinica de gerores e intelijentia
auloniades = la nimfas de pastos de montanias e vales ci ia acompania frecuente Pan
Aura = la personi de la venteta
Automedon = la fio de Dioreo, caror de Acile en la Gera de Troia; pos la mori de Acile el ia aida sua fio Neoptolemo
Autonoe = la fia de Cadmo e Harmonia; sposa de Aristeo e madre de Acteon e Macri
Aventino = un fio de Hercule e la prinsesa Rea, un aliada de Mezentio e un enemi de Enea; el ia es asasinada e enterada en la colina cual porta sua nom
Baco = la dio roman de vino, plaser sesal e veria
Baticle = un geror mirmidon tesalian, ci ia aida la aceanes en la Gera de Troia; el ia es matada par Glauco
Belerofon = un eroe mital, conoseda par causa de mata la cimera
Belo = la re de Egipte e padre de Egipto e Danao; sua sposa ia es nomida Aciroe
Belona = la diva de gera
Bentesicime = la fia de Posidon, ci ia abita en Itiopia
Bon Diva = ance nomida Fauna, la diva de fertilia, cura, virjinia e femas
Bove de Criti = un bove mas; Pasifae, enamada par lo, ia pari la Minotauro; Hercule ia debe porta lo vivente a Euristeo en sua taxe sete
Borea = la dio de venta norde e de inverno
boreades = la du frates, Calai e Zete, fios de Boreas, la venta norde
Brizo = la diva padronal de la marinores, ci ia envia sonias predisente
Bubona = la diva roman de boves
Cadmo = la re fenisia, fio de Agenor de Tiro; el ia es enviada per xerca sua sore Europa, e ia reveni con el, pos cuando Europa ia es saisida par Zeus; el ia fundi la site de Tebas e ia inventa la alfabeta elinica
Calca = un profeta potiosa elinica, ci ia gida la elinicas tra la gera con sua predises
Caliope = la musa de bonparla e epica, madre de Orfeo e Lino
Calipso = un nimfa ci ia abita sur la isola Ogigia, do el ia deteni Odiseo per sete anios
Calisto = un alseide, seguor de Artemis, seduida par Zeus; cuando Artemis ia descovre ce Calisto es ensinta, Artemis ia espulsa el; Hera ia converti el a un urso ma, ante sua mori, el ia es convertida a la Urso Grande
Campos Elisian = la loca de reposa de la spiritos de la eroes e la virtuosas
Carmenta = la diva de la nase e profeta
Caos = la dio elinica de nonesiste, de cual tota cosas ia veni
Caribdis = un monstro maral, fia de Posidon e Gea
Caron = un navetor de Hades ci ia transporta la spiritos de la mores tra la Rios Stix e Aceron cual separa la mundo de la viventes e la mundo de la mores
Casandra = la fia de la re Priamo e la rea Hecuba de Troia; el ia es maldiseda a fa predises cual nun va crede
Cerbero = un can con tre testas ci ia garda la entra a enferno
Ceres = la diva de recolie e la madre de Proserpina
Ceto = la diva de la periles de la mar e de la monstros maral
Cibele = la madre de la tera
Cilix = la fio de Agenor e Telefasa, enviada par sua padre per xerca Europa; el ia vade a Anatolia, do la pais Cilicia ia es nomida per sua nom
Cimopolea = un fia de Posidon, sposida con la jigante Briareo
Cimotoe = un de la nimfas de mar
Circe = un encantor fema ci ia converti la omes de Odiseo a porcos
Cirene = la fia de Hipseo e Clinadope, madre de Aristeo, prinsesa tesalian e, plu tarda, renor e governor de la site de Cirene, en Africa norde
Ciron = un sentauro vea e saja ci ia es la mestre de Acile
Climene = un oceanide, sposa de la titan Ofion ci ia governa prima de Monte Olimpo; el ia es vinseda par Rea en un combate e ia es portada a Tartaro
Clio = la musa de istoria
Clitemnestra = la sposa de Agamemnon e rea de Micene
Cnum = un dio de Ejipte antica, la dio de la fonte de la rio Nilo
Cocito = un de la sinco rios de enferno
Concordia = la diva roman de acorda, comprende e armonia sposal
creneas = la nimfas liada a fontes
Crono = la dio elinica de tempo eterna
Cuirino = la dio ci ia representa la stato roman
Cupido = la dio roman de ama; el coresponde a la dio elinica Eros
Dafne = un naiade, fia de la dio-rio Peneo e la nimfa Creusa; Cupido ia enama Apolon a el; Dafne, persegueda par la dio, ia demanda per aida de sua padre, ci ia converti el a un lauro
Damiso = la plu rapida de tota la jigantes en la mitolojia elinica
Danae = la fia de la re Acrisio de Argo e de Euridice, madre de Perseo
danaides = la sincodes fias de Danao; los ia sposi la sincodes fios de Egipto, la jemelo de Danao; tota estra un (Hipermnestra) ia mata sua sposos en la note de sposi e los ia es condenada a porta acua en un tamis tra eternia
Danao = la re de Libia; fundor de la site de Argo; el ia es la fio de la re Belo de Egipte e la naiade Aciroe
Dardano = la fio de Zeus e Electra e fundor de la site de Dardano, a pede de Monte Ida
Dedalo = un artisan destrosa ci ia fabrica la alas de Icaro
Deianira = la fem tre de Heracle, ci ia asasina sua sposo con la camisa de Neso sin sabe lo
Deifobo = la fio de Priamo e Hecuba; prinse de Troia, el ia sposi Helena pos la mori de Paris; cuando Odiseo e Menelao ia ataca sua casa, los ia mutila el; a pos, el ia apare a Enea en la sumundo
Deipiro = un geror ci ia aida la aceanes en la Gera de Troia; el ia es prima un vijilor e ia anima la aceanes cuando la troianes ia es prosima a la murones acean; el ia aida ance Idomeneo en sua combate contra Enea, ma Heleno ia mata el
Delfi = un santeria antica famosa, de cual sua oraculo ia es consultada sur desides importante tra la mundo clasica antica; la elinicas ia regarda Delfi como la sentro de la mundo
Delfin = la gidor de la delfines; Posidon ia pone el en la sielo como la constela Delfin
Demetra = la diva elinica de fertilia
Diana = la diva de la xasa, la luna, virjinia, e nase, la sore de Apollo
Dido = la fundor e rea prima de Cartago; el ia deveni enamada par Enea cuando el ia ariva a la site
Diomede = (1) la fio de Tideo e re de Argos; (2) la re de Tracia conoseda per sua cavalos fema
Dioniso = la dio elinica de vino e la joia de seso
Doris = un oceanide, de ci sua nom representa la recolie de la mar; fia de Oceano e Tetis e sposa de Nereo
driades = la nimfas de arbores ci ia nase de un arbor nomida “Arbor de la Hesperides”; alga de los ia vade ala per proteje la pomas de oro cual ia es ala
Eaco = la re mital de la isola Egina
Ecidna = un monstro partal fema e partal serpente, cual ia abita solitar en un cava; el ia es la spos de Tifon e la madre de la plu de monstros
Ecion = un de la spartos, sposo de Agave e padre de Penteo e Epiro
Edipo = la re mital de Tebas, ci ia vinse la sfinje, ia mata sua padre e ia sposi sua madre
Ejeo = la padre de Teseo, fundor de la instituidas de Atina e un de la res prima de Atina; el ia dona sua nom a la Mar Ejeo
eleades = la naiades de la pantanes
Electra = la fia de la re Agamemnon e la rea Clitemnestra, prinsesa de Argo
Encelado = un jigante matada par Atena; el ia es enterada su Monte Etna, en Sisilia
Endeis = la sposa de Eaco e madre de Peleo e Telamon
Enea = un eroe troian, fio de Ancise e Venus e padre de Ascanio; el ia fuji de Troia e ia viaja tra la Mar Mediteraneo asta ariva a Italia; el ia es la asendente de la romanes
Eolo = un re de Tesalia, asiniada como re nonmortal de tota la ventas par Zeus
epimelides = la driades ci ia cura la pomos; los ia proteje ance oveas e capras; esta nimfas ia proteje la Lana de Oro
Erato = la musa de poesia de ama
Erebo = la dio de oscuria
erinias = la divas de venja; los es tre sores: Alecto, Megera e Tisifone
Eris = la spirito de disputa, desacorda, compete e luta
Eros = la dio de ama
Esculapio = la dio roman de medica
Eteocle = la fio de Edipo e Iocasta; maldiseda par sua padre, el ia mori en combate contra sua frate per la controla de Tebas
Eter = la dio elinica de la aira superior
Euristeo = la re de Tirinto, fio de Stenelo e Nicipe, sposo de Antimaca; Hera ia fa ce el nase pos sola sete menses, per deveni re de Micene; Hercule ia debe labora per el tra des-du anios per deveni nonmortal; pos la mori de Hercule, el ia persegue sua fios, ci ia refuja se en Atina; pos un gera, Euristeo ia fuji e es matada par Hilo
Europa = un prinsesa fenisia saisida e portada a Criti par Zeus
Euterpe = la musa de musica
Fama = la diva roman de fama e rumor
Faustulo = la pastor ci ia trova la jemelos Romulo e Remo tetida par la lupo fema sur la Colina Palatino; con sua fema Acca Larentia, el ia eleva la enfantes
Fedra = la fio de Minos e Pasifae, sore de Ariadna; el ia es saisida par Teseo pos cuando el ia abandona sua sore
Fenix = un geror acean vea, multe fidada par Acile, ci ia ata como reconsilior entre Acile e Agamemnon
Filotete = la fio de la re Peante de Tesalia; un arcor famosa, el ia combate per la aceanes en la Gera de Troia
Fineo = la fio de Agenor e Telefasa; el ia ave du sposas, Cleopatra e Idea de Tracia; el ia sacrifia sua vive per pote vive plu; helios, colerida par esta, ia envia la harpias per susi sua comeda cuando el ia atenta come lo; el ia aida la argonautas, disente a los ce, per traversa la Simplegades, los debe relasa un pijon e, si esta susede pasa, ance la barcon de la argonautas va pote traversa
flamen = un prete de la relijio roman antica, asiniada a un de la des-sinco dios con culto ofisial en la Republica Roman
Flegeton = un de la sinco rios de enferno
Flora = la diva de flores
Fobo = la spirito de panica e fuji
Fortuna = la diva de fortuna
Frixo = la fio de Atama e Nefele, ci ia fuji de sua estramadre Ino con sua sore Hele, portada par un ovea con lana de oro; el ia ariva a Colcis, ia sacrifia la ovea e ia suspende la Lana de Oro de un arbor
Galatea = un nereide par ci la siclope Polifemo ia es enamada ma ance rejetada; venjante, Polifemo ia mata Acis, la amor de Galatea; galatea ia muta Acis a la rio Acis, en Sisilia
Gea = la diva de la tera, la "Madre Tera"
Gerion = un jigante ci ia abita un isola do la sol reposa a la fini de la tera; el ia es matada par Heracle, ci ia vade per prende sua boves
gratias = la divas roman de encanta, belia, natur, creosia umana e fertilia
Hades = la dio elinica de la mundo suteran, la enferno
hamadriades = la nimfas de la arbores ci, nonsimil a la driades, ia pertine a sola un arbor e ia mori cuando esta arbor ia es taliada
Harmonia = la diva de armonia e acorda, sposa de Cadmo e madre de Polidoro, Semele, Ino, Agave e Autonoe
harpias = la monstros con testa de fem e la corpo, alas e garas de avias xasante
Hebe = la diva elinica de jovenia
hecatoncires = la jigantes, fios de Urano e Gea, con sento brasos
Hector = un eroe troian matada par Acile en la gera de Troia; fio de la re Priamo e la rea Hecuba, sposo de Clitemnestra
Hefesto = la forjor elinica de la sielos
Hele = la fia de Atama e Nefele; el ia fuji de sua estramadre con sua frate Frixo sur la ovea con lana de oro, ma ia cade en la mar cual es oji nomida Helesponte en sua onora
Helena = la rea de Sparta, descriveda como la fem la plu bela de mundo; sposida con la re Menelao, el ia es saisida par la prinse Paris de Troia cuando la diva Afrodite ia promete ce Helena va ama el pos la judi de Paris; esta ia comensa la gera de Troia; el ia es fia de Zeus e Leda
heliadas = la fios de Helio e Rodo e netos de Posidon, frates de Electrione; la fios e la fias de Helio
Helio = un Titan de la sol e gardor de juras
Hera = la rea elinica de la sielos
Hermes = la mesajor elinica de la sielos, e dio de furores
Hersilia = la sposa de Romulo; el ia aida fini la gera entre la romanes e la sabines
hesperides = la nimfas de la pomos ci ia cura la jardin situada en un loca a ueste de la mundo; los ia es nimfas de ueste, de la sera, e de la lus orosa de reposas de sol
Hestia = la diva elinica de la ximineria
hiades = la nimfas de pluve
hibris = la spirito de condui scandalosa
Hilo = la fio de Hercule e Deianera; el ia mata Euristeo e ia vade a Tesalia, do Egimio, asendente de la dorianes, ia adota el e ia dona a el un tri de sua teritorio; pos la mori de Egimio, sua du fios ia dona a Hilo la otra partes de la teritorio, tal ce Hilo ia deveni la re de la dorianes
Hipermnestra = la sola danaide ci ia refusa mata sua sposo Linceo en la note de sposi
Hipno = la dio de dormi; jemelo de Tanato
Hipolita = la fia de Ares e Otrere; famosa per sua sintur majiosa, cual Hercule ia debe prende en sua taxe nove
Hipseo = la re de la lapitas, fio de Peneo e de la naiade Creusa; sposo de Clinadope, con ci el ia ave cuatro fios, Temisto, Astiagia, Alcea e Cirene
horas = la divas de la ordina natural
Horco = la spirito de juras
Horus = un dio de Ejipte antica, la fio de Isis e Osiris
Ialemo = la fio de Apolon e Caliope e frate de Himeneo; inventor de un tipo de canta de tristia
Ialmeno = la fio de Ares e Astioce, jemelo de Ascalafo; corteor de Helena, el ia debe, par sua jura, vade a la Gera de Troia per recovre el; cuando el ia reveni de la gera, el ia fundi un colonia en Ponto Euxino; el ia es un de la argonautas
Iambe = la fia de Pan e la nimfa Eco; el ia es la servor de casa de Metanira, sposa de Hipotoon; cuando Demeter ia pasa xercante Persefone, sua bromas ia fa ce la diva rie
Icaro = la fio de Dedalo; el ia fuji de la labirinto de Criti, volante con alas fabricada de plumas e sira, ma el ia vola tro prosima a la sol, fondente la sira, e ia cade en la Mar Ejeo, do el ia afoca
Ida, Monte = (1) Un monte santa en Criti, do Zeus ia es ascondeda de sua padre Crono (2) Un monte santa, prosima a Troia, do Ganimede ia es saisida par Zeus
Idotea = la nimfa maral presidente e fia de Proteo
Idra de Lerna = un serpente con multe testas cual ia recrese si on ia talia los a via; fia de Tifon e Ecidna, Hercule ia mata lo con la aida de sua sobrino Iolao
Ifigenia = la fia de la re Agamemnon e la rea Clitemnestra, prinsesa de Micene; Agamemnon ia sacrifia el a Artemis per pasi la diva
Inaco = la fio de Oceano e Tetis, sposo de Melia e padre de Io e Foroneo
Ino = la fia de Cadmo e Harmonia, sposa du de Atama, madre de Learce e Melicerte e estramadre de Frixo e Hele
Io = la fia de Inaco e Melia, ci ia es mutada a un bove fema cuando los ia es descovreda par Hera; la diva ia demanda per la bove fema de Zeus e ia es vijilada par Argo Panopte
Iolao = la sobrino de Heracle, fio de Ificle e Automedusa; el ia acompania sua tio en sua laboras e ia gida sua caro de gera
Iole = la fia de Eurito, re de Ecalia; la re ia ofre el como premio en un concurso de xuta con arco cual Heracle ia gania, ma la re ia refusa dona el a la eroe, temente ce Heracle va deveni denova fol e va mata la fios ci el ta ave con Iole; pos sabe esta, Deianera ia envia la capa cual ia deveni la causa de mori de Heracle
Iris = la mesajor fema de la dios
Isis = la diva de fertilia de Ejipte antica
Jano = la dio de comensas, finis, tempo, portes, pasajes e traversas; el ia ave du testas
Jason = la gidor de la argonautas, ci ia viaja per reprende la Lana de Oro de Colcis distante
Jigantomacia = un luta entre la dios e la jigantes per la governa de la universo, ganiada par la dios
Juno = la rea de la dios e la diva de sposi
Jupiter = la re de la dios e la dio de tempestas, la aira e la sielo
Juturna = la diva de fontes; sposa de Iano e madre de Fonto, Jupiter ia converti el a un naiade e ia dona a el un fonte santa en Lavinio, e un otra prosima a la templo de Vesta en la Foro Roman
Lacedemon = la fio de la pleade Taigete e Zeus, sposo de la prinsesa Sparta e padre de la re Amicla de Sparta e de la rea Euridice de Argos
Ladon = un dragon con forma de serpente encargada a proteje la pomas orosa de la jardin de la Hesperides
Laerte = un argonauta ci ia partisipa en la xasa de la senglar calidonian; padre de Odiseo e Ctimene, sposo de Anticlea
lampades = la nimfas de la sumundo, acompaniores de Hecate; los ia es un donada par Zeus per la suporta par Hecate en la Titanomacia
Lana de Oro = la lana de un ovea mas con alas; frixo e Hele, fios de Nefele e Atama, ia vola sur la ovea per fuji de un cultivor ci ia vole sacrifia los; pos ariva a Colcis, Frixo ia sacrifia la ovea e ia pende sua lana de un arbor
Laocon = un prete troian atacada con sua du fios par serpentes jigante enviada par la dios
Laodice = la fia la plu bela de Priamo ci ia es enamada par Acamas, fio de Teseo
Laomedon = la re troian, fio de Ilo e Euridice
lapitas = un popla lejendal de Tesalia, ci ia abita en la Vale Peneo e la Monte Pelion
lares = la dios roman de la casa
Leon de Nemea = un leon cual ia abita en Nemea e cual Hercule ia debe mata en sua taxe prima
lestrigonianes = un tribu de jigantes ci ia come persones e ci Odiseo ia encontra en sua viaja reveninte a Itaca
Lete = un de la sinco rios de enferno
Licaon = un fio de Priamo e Laotoe
limnades = la naiades ci ia vive en lagos de acua dulse
Linceo = un re de Argos, ci ia segue Danao a la trono pos mata el
Lupercal = la cava locada en la pede sude-ueste de la Colina Palatino en Roma; romulo e Remo ia es ala trovada par un lupo fema ci ia teti los asta cuando los ia es salvada par la pastor Faustulo
Macisto = la fio de Atama e Nefele, frate de Frixo e Hele
Maia = un de la pleades; el ia es fia de Atlas e Pleone e madre de Hermes
Marte = la dio de gera e la padre de Romulo, la fundor de Roma
Medea = un sorsor e sposa de Iason, ci ia mata sua propre fios per puni Iason per sua nonfidelia
Melanipe = un amazona; alga dise ce el ia es asasinada par Telamon
Melia = un meliade, fia de Urano e Gea; con Inaco, el ia es la madre de Io e Foroneo
meliades = la driades de la fresnos; los ia nase de Gea cuando el ia es fertilida par la jenitales de Urano lansada par Crono; los ia es sores de la furias, la jigantes e Afrodite; los ia cura Zeus en Criti, donante a el la lete de la capra Amaltea
Melpomene = la musa de trajedia; fia de Zeus e Mnemosine
Memnon = un re de Itiopia ci ia combate per la troianes en la Gera de Troia
Meneceo = la fio de Penteo e padre de Creon, Iocasta e Hiponome
Menelao = la re de Sparta, sposo de Helena e fio de Atreo e Aerope; el ia gida la soldatos spartan, su sua frate major Agamemnon, en la gera de Troia
Mercurio = la mesajor de la dios e la portor de spiritos a la mundo suteran
Micene = un site elinica antica, situada en la Peloponeso; la site ia es fundida par Perso, neto de la re Acrisio de Argo, ci, pos mata sua avo sin intende, no ia vole erita la rena; el ia dona lo a sua cusino Megapente, en loca de ci el mesma ia deveni la re de Tirinto; pos esta, el ia fundi un site capital, e Micene ia nase tal
Minerva = la diva de sajia e de gera
Minos = la re mital de Criti, fio de Zeus e Europa; nomida como judor de la mores en la sumundo pos sua mori
mirmidones = un de la tribus ci ia acompania Acile, sua re, a la gera de Troia; longo la mito, los ia es creada par Zeus de un colonia de formicas
moiras = la personis de destina; los ia controla la filo de vive de cada mortal; los ia es tre: Cloto, Lacesi e Atropo
naiades = la nimfas de acuas dulse
Nefele = la nimfa de la nubes, sposida con Atama; sua sposo ia divorsa el per sposi Ino; sua fios ia es Frixo e Hele
Nemesis = la diva de venja e coleria virtuosa
Neoptolemo = la fio de Acile e la prinsesa Deidamia; asendente de la dinastia gidante de la molosianes en Epiro antica; ance nomida Piro
nereides = la sincodes fias de Nereo e Doris, sores de Nerite; los ia es nimfas maral
Nereo = la fio la plu vea de Ponto e Gea, padre de la Nereides e Nerite
Nerite = la fio de Nereo e Doris e frate de la nereides
Netuno = la dio de la mar, de tremas de tera, e de cavalos
Nice = la diva de vinse
Nix = la diva de la note
Noto = la venta sude
oceanides = la nimfas maral, fias de Oceano e Tetis
Oceano = un titan, fio de Urano e Gea
Odiseo = Ulise per la romanes, un eroe elinica, re de Itaca; sposo de Penelope, padre de Telemaco, e fio de Laerte e Anticlea, el es conoseda per sua brilia inteletal e sua viaja reveninte a sua casa, cual ia ocupa 10 anios pos la cade de Troia
Ofion = un titan vinseda par Crono en un combate e enviada a Tartaro; sposo de Climene
Olimpo, Monte = un monte en Elas, abitada par la dios elinica
Opi = la diva de abunda
oreades = la nimfas ci ia proteje la montes; los difere entre se par sua abita
Oreste = la fio de Clitemnestra e Agamemnon
Orfeo = un musiciste, poesiste e profeta; el ia vade a enferno per atenta, sin susede, reprende sua sposa Euridice
Osiris = un dio de Ejipte antica, sposo de Isis
Otrere = un rea de la amazonas; fia de Euro e sposa real de Ares e madre de Hipolita, Antiope, Melanipe e Pentesilea
Palas = un jigante despelida par Atena, ci ia usa sua pel como scermo
Panacea = la diva de sania
Pandaro = un arcor famosa, fio de Licaon, ci ia feri Menelao con sua flexas
Pandora = la umana fema prima, creada par Hefesto seguente instruis de Zeus; longo la mitolojia elinica, Pandora ia abri un caxa, librinte tota la males de umania; asustada, el ia clui la caxa, lasante sola la esperia a interna
Pantariste = un amazona ci ia combate con Hipolita contra Heracle
Paris = un prinse troian, fio de Priamo e frate de Hector; sua saisi de Helena ia es la causa de la comensa de la Gera de Troia; el ia ta debe es matada cuando el ia es un bebe, car sua sore Casandra ia predise ce el va causa la destrui de Troia, ma el ia es elevada par un pastor
Patroclo = la acompanior e ami de Acile, de ci sua mori par Hector en la Gera de Troia ia fa ce Acile entra a la batalia
pegasides = la nimfas liada a posos e fontes, ci ia nase cuando Pegaso ia colpa la solo con sua ungulas
Pegaso = un cavalo volante con alas, ci ia nase de la sangue de Medusa pos sua destesti par Perseo; el ia es montada par Belerofon cuando el ia mata la Cimera
pegeas = la nimfas de la cascades
Peleo = un eroe mital elinica, fio de Eaco e Endeis, frate de Telamon e padre de Acile
Penelope = la sposa de Odiseo, ci es conoseda per sua fida a Odiseo cuando el ia es asente, an con tota sua corteores
Penteo = un re de Tebas, fio de Ecion e Agave, frate de Epiro, padre de Meneceo; el ia proibi la culto a Dioniso; como puni, la dio ia envia sua madre e sores a Monte Citeron en rituo; dioniso, desemblada como fema, ia tenta el a oserva, disente ce los es sesal ativa; la femes, pensante ce el es un animal, ia mata el, desmembrinte sua corpo
Pentesilea = un rea de la amazonas e fia de Ares e Otrere; el ia aida la troianes en la Gera de Troia, do el ia es matada par Acile
Persefone = la diva elinica de primavera e de moria
Perseo = un geror mitolojial elinica ci ia mata Medusa par destesti el; fio de Zeus e Danae
Pira = la fia de Epimeteo e Pandora e sposa de Deucalion
Piton = un serpente ci ia garda la oraculo de Delfi; el ia es matada par Apolon
Pluto = la re de la mores
Polemo = la personi de gera
Polibote = un de la jigantes ci ia combate la dios; el ia es matada par Posidon
Polidama = un comandor joven troian, ami de Hector
Polinice = la fio de Edipo e Iocasta; maldiseda par sua padre, el ia mori en combate contra sua frate Eteocle per la controla de Tebas
Pomona = la diva de arbores de fruta
Ponto = la dio preolimpial de la mar; sposo de Talasa
Porfirion = un de la gidores de la jigantes, matada par Zeus
Portuno = la dio de claves, portes e bestias
Posidon = la dio elinica de la mares
potamides = la naiades de la rios, fias joven de la dios-rios; los ia sutrae la puntetas de la pel de femes joven baninte en sua acuas
Prados de Asfodelos = la loca en la enferno do la spiritos comun ia vade pos mori
Priamo = la re de la troianes, fio e seguor de Laomedon, sposo de la rea Hecuba, padre de Hector e Paris; el ia es tro vea per combate en la gera de Troia
Proserpina = la diva de la mor e de gran
Psice = la personi de la spirito
Ra = la dio de la sol de Ejipte antica
Rea Silvia = la madre mital de Romulo e Remo, la fundores de Roma
Remo = la fio de Rea Silvia e la dio Marte, jemelo de Romulo; el ia es matada par sua frate en un disputa sur la loca do la site va es fundida; cuando Romulo ia jura mata cualcun ci traversa la limitas de la loca santida par el, Remo ia burla e ia traversa los, e ia es matada par sua frate
Reso = la re de Tracia ci ia aida la troianes en la Gera de Troia; odiseo e Diomede ia fura sua cavalos e el ia es matada par la eroes acean
Rode = la diva maral, la personi de la isola Rodos; fia de Posidon e Halia e sposa de la dio Helio
Romulo = la fio de Rea Silvia e la dio Marte, jemelo de Remo, fundor de la site Roma
Sarpedon = la re de Licia, fio de Jupiter, matada par Patroclo
Saturno = un titan, dio de la recolie e cultiva, la padre de Jupiter, Netuno, Juno e Pluto
Scamandro = un rio prosima a la site Troia; su la forma de un dio, lo ia combate per la troianes en la gera
Scila = un monstro cual ia abita en un canal streta de acua, a fas de Caribdis
Selene = la diva elinica de la luna
Semele = la fia de Cadmo e Harmonia, madre de Dioniso
sentauro = un esente mitolojial con la corpo de un cavalo e un testa umana
Simois = un dio-rio troian, afluente de la Scamandro
Simplegades = la rocas situada en la Bosforo cual ia colide entre se asta cuando la argonautas ia susede traversa los
Sisifo = la re de Efira ci ia es punida per sua egosia par es obligada a rola un rocon a la apico de un monte; sempre cuando el ia es cuasi arivante, la rocon ia cade e el ia debe comensa denova
Stix = un de la rios de enferno
Taigete = un nimfa, un de la pleades, fia de Atlas e Pleone; madre de Lacedemon
Talasa = la diva esensal de la mar e la personi de la Mar Mediteraneo; sposa de Ponto e madre de la Telcines, de la nimfa Halia e de la pexes
Talia = la musa de comedia; fia de Zeus e Mnemosine
Talo = un jigante forjada de bronze par Hefesto e donada par Zeus a Europa como sua protejor personal
Tanato = la personi de moria e mortalia; jemelo de Hipno
Tantalo = la re frigian, condenada a resta en Tartaro, sumerjeda asta sua mento, con ramos con frutas pendente supra sua testa; sempre cuando el ia atenta come o bevi, la acua e frutas ia move estra sua ateni
Tartaro = un parte oscur de la rena de Hades, reservada per la condenas de malvolentes, como la titanes
Tauma = la fio de Ponto, ci ia sposi Electra, fia de Oceano, con ci el ia ave la fias Iris e la Harpias
Teano = un prete fema de Atena en Troia e sposa de Antenor
Telamon = la fio de Eaco e Endeis, e frate de Peleo; el ia viaja con Jason como un argonauta
telcines = la abitores orijinal de la isola Rodos
Telefasa = un naiade, fia de la dio-rio Nilo, e sposa de Agenor, con ci el ia ave alga fios (Fenix, Cilix, Cadmo, Europa e Fineo
Telegono = la fio de Odiseo e Circe; cuando el ia crese, Circe ia envia el per xerca sua padre; cuando el ia ariva a Itaca, pensante ce lo es Corcira, el ia comensa saca la isola car el ia es fame; odiseo e Telemaco ia vade per defende la isola e Telegono ia mata sua padre sin intende; gidada par Atena, el ia vade a Ea, do el ia intera la corpo; el ia prende Telemaco e Penelope e ia porta los a la isola de sua madre; circe ia sposi Telemaco e Telegono ia sposi Penelope, con ci el ia ave un fio, Italo, ci ia dona sua nom a Italia
Telemaco = la fio de Odiseo e Penelope; el ia combate con sua padre contra la corteores de sua madre
Temis = un Titan fema elinica; el es la personi de la ordina divin, justia, lege e costum
Terpsicore = la musa de dansa e coros; fia de Zeus e Mnemosine
Teseo = un eroe elinica antica, conoseda per vinse la minotauro en la labirinto de Criti
Teucro = la fio de Telamon (re de la isola Salamis) e sua sposa du, Hesione, fia de Laomedon de Troia; el ia combate con sua duifrate Aiax Maior en la gera de Troia
Tice = la diva de fortuna, favore divin e destina
Tifon = un serpente jigante e la esente la plu matante en la mitolojia elinica
Titanomacia = un gera de des anios fada en Tesalia entre la plu de la titanes e la dios olimpian; en esta gera on ia deside ci va governa la universo, e la dios ia vinse
Traso = la spirito de osa
Triton = un dio de la mar
Tro = la fundor de la site Troia
Troilo = la fio de la re Priamo e Hecuba, prinse de Troia; sua destina ia es liada a lo de la site e, par esta razona, Acile ia mata el
Turno = la re de la rutulos cuando Enea ia ariva a Italia; fio de Dauno e la nimfa Venilia, e neto de Pilumno; corteor de Lavinia, fia de Latino; cuando la re ia dona sua fia a Enea, el ia deside ataca la troianes; pos un batalia prima, Turno ia fuji a la tera de la re Menenzio, do el ia demanda aida; el ia ataca denova Enea, ma ia mori
Ulise = un otra nom per Odiseo
Urania = la musa de astronomia
Urano = la dio de la sielo
Venus = la diva de ama e belia, madre de la eroe Enea
Vesta = la diva de la ximineria e la stato roman
Volturno = un dio de acua
Vulcan = la dio de la foco, forja e forjores
Xanto = un otra nom per Scamandro
Zacinto = un arcadian de la site Psofis, ci ia fundi un colonia en la isola Zacinto
Zagreo = la fio de Zeus e Persefone, ci ia es desmembrida par la titanes e ia renase a pos
Zefiro = la venta ueste
Zelo = la spirito de compete zelosa e jelosia
Zeus = la re elinica de la sielos
Zeuxipe = un naiade, sposa de Pandion e madre de Erecteo, Bute, Procne e Filomena
Zeuxo = un oceanide