AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
15 april 2018
Presidente Donald Trump ia averti la governa de Suria ce la SUA es “cargada e preparada” per ataca denova si lo esecuta plu atacas cimical.
La averti ia veni pos un colpa par misiles de la SUA, la Rena Unida e Frans a tre locas suri en responde a un ataca matante, sur cual on suspeta ce lo ia es cimical, en la vila Duma a un semana ante aora.
Suria nega la usa de cimicales e dise ce la ataca ia es finjeda par rebelores.
La Consilio de Securia de la Nasiones Unida ia rejeta un vota proposada par Rusia, aliada con Suria, condenante la atacas gidada par la SUA.
La onda de colpas representa la ataca la plu grande par potiosas ueste contra la governa de presidente Bashar al-Assad en sete anios de la gera interna de Suria.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).