AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
27 janero 2015
La Site New York e otra areas en la norde-este de la SUA ia desativi, car meteorolojistes averti abitores contra la previde de un cuantia estrema de neva.
On dise ce Tempesta Juno pote pone asta 76 sentimetres de neva sur alga partes de New Jersey, Maine, e New Hampshire.
Tota veculos, estra los de crise, es aora proibida en la Site New York, e on ia suspende la servi de metro.
Cisa 60 milion persones va es afetada.
On ia declara un crise en multe statos, e la site Boston e Massachusetts ia suspende sua transporta publica e ia proibi viajas par auto.
Ma alga meteorolojistes en Pennsylvania e New Jersey ia redui sua predises, disente ce min neva ia cade ca on ia previde orijinal.
En New York, la teatros de Broadway ia es sin lus, e la bolevares de neon ia es sin person. La site cual dormi nunca ia pare dormi.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).