AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
18 marto 2015
Buzz Aldrin, la person du ci ia pasea sur la luna en 1969, ia envia “un mesaje a la planeta roja” de Stonehenge.
Stante ante la monumento preistorial famosa, la astronauta ia es fotografida en abri sua jaca per revela un camiseta con slogan recomendante ce on vade pronto a Marte.
Pos sua visita a la sirculo de rocas en England sude-ueste, el ia tuita: “Cuando me ia es a Stonehenge, me ia deside envia un mesaje a la universo.”
La astronauta veteran ia recomenda ja laboras nova no sola per envia un mision abitada a Marte ma ance per coloni acel planeta.
La organiza English Heritage (Erita Engles), cual maneja Stonehenge, ia reseta alga demandas esce la foto de Aldrin es real.
Un portavose ia dise: “Esta ia es un visita privata per el e sua familia. Nos ia oia ce el va visita a sirca un semana ante aora, e cadun ia es multe stimulada ante encontra el.”
Pos turi la loca antica, Aldrin ia demanda ance bromosa “do on asconde la estrateranes”.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).