AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
7 janero 2014
La batalia en Suria norde entre grupos competente de rebelores ia ateni la site Raqqa. La grupo potiosa ISIL (Stato Muslim de Irac e la Mediteraneo Este) ia es atacada a sua xeferia en la note.
On acusa ce la grupo ia tortura e esecuta publica alga persones, e ce lo ia prisoni sentos de jornalistes e ativistes en sua xeferia.
Un uni de moderadas e otra islamistes batalia per despone presidente Bashar al-Assad, e los oposa ISIL en alga partes de Suria norde.
La uni inclui rebelores de la Fronte Nusra, cual es ance fidosa a al-Qaidah. La Fronte Nusra e ISIL ia segue la mesma gidores de al-Qaidah ante sua separa.
Ma ante aora, on ia crede ce la Fronte Nusra ia atenta resta neutral en la batalia contra ISIL.
Raqqa, saisida par ISIL en la anio pasada, ia es la capital provinsal prima cual rebelores ia controla intera.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:33 UTC).