La aventuras de Alisia en la pais de mervelias

par Lewis Carroll

traduida par Simon Davies (2010, revisada en 2012, 2014, e 2016)

1. Tra la tunel de coneo

2. La stange de larmas
3. Un corsa acaso e un coda longa
4. La Coneo envia un Ben peti
5. Conselas de un Eruga
6. Porco e peper
7. La te de la foles
8. La campo de croceta de la Rea
9. La raconta de la Tortuga Falsa
10. La Cuadrilia de Omaros
11. Ci ia fura la tartetas?
12. Alisia atesta
Su lus de l’ sol posmedial
    Nos lisca multe lenta;
Per tira ambos remos
    Brasos peti fa l’ atenta,
E manos peti finje
    Ce los sabe orienta.
A! tre crueles! a un ora
    Tan soniosa bela,
Un nara de un vos’ debil
    Es sempre la anela!
Tre linguas tal juntada
    No permete un apela.
Egosa, Prima lansa
    Sua comanda per “comensa”:
E Du espera plu jentil
    “Asurdas de la pensa!”
E Tre fa interompes
    Con un ritmo no tro densa.
Aora, los silenti:
    Sua imajinas trova
La xic’ en sonia tra un pais
    Tan merveliosa nova;
En parl’ amin con animal –
    Los crede cuasi tota.
E sempre pos la seci
    De la posos de capris,
“La resta a la ves seguent’ –”
    La fatigada dis’;
“Ma ja la ves seguente!”
    Esta voses cri’ felis.
La nara crese lenta
    Par parola pos parol’:
La Pais de la Mervelias
    Con avenis strana fol;
Joios’ nos remi en reven’
    Su la repos’ de l’ sol.
Alisia! texe esta nara
    Con un man’ lejer’
Tra sonias de Enfantia
    Mistica como mer’
Un flor cual un peregrinor
    Ia colie a stranjer.

Tu pote compra un libro de esta tradui elefen de Alisia en la pais de mervelias.

© 2017 Elefen.org. Tota diretos de autor es reservada.